Ўзбекистон Республикасининг 2025 йил 7 февралдаги ЎРҚ-1025-сон «Корпоратив муносабатларнинг ҳуқуқий асослари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонунига мувофиқ Ўзбекистон Республикаси Коррупцияга қарши курашиш агентлиги ва Адлия вазирлиги қарор қилади:

1. Ўзбекистон Республикаси Коррупцияга қарши курашиш агентлиги ва Адлия вазирлигининг 2022 йил 31 августдаги 2 ва 5-сон «Давлат ҳокимияти ва бошқаруви органлари, шу жумладан уларнинг ҳудудий бўлинмалари, давлат унитар корхоналари ва муассасалари, давлат улуши 50 фоиздан юқори ташкилотлар фаолиятида коррупциявий хавф-хатарларни аниқлаш ва баҳолаш услубиётини тасдиқлаш тўғрисида»ги қарорига (рўйхат рақами 3383, 2022 йил 31 август) (Қонунчилик маълумотлари миллий базаси, 31.08.2022 й., 10/22/3383/0785-сон) иловага мувофиқ ўзгартиришлар киритилсин.

2. Мазкур қарор 2025 йил 8 майдан эътиборан кучга киради.

1. Қарорнинг номи ва 1-бандидан «унитар корхоналари ва» деган сўзлар чиқариб ташлансин.

2. Услубиётнинг номидан, муқаддимасидан ва 1 — 4-иловаларнинг илова белгиларидан «унитар корхоналари ва» деган сўзлар чиқариб ташлансин.