Босқичлар

Масъуллар

Амалга ошириш механизми

Ижро муддати

1-босқич

Талабнома берувчи

(резидент ёки норезидент)

1. Навни давлат реестрида рўйхатдан ўтказиш мақсадида ваколатли органга Agrotest.uz ахборот тизими орқали талабномани шакллантирган ҳолда мурожаат қилади.

1. Ихтиёрий равишда

2. Талабномани қабул қилиш ва кўриб чиқиш, навни синаш учун қабул қилинганлиги тўғрисидаги маълумотномани олиш учун тўловларни амалга оширади.

2. Талабнома бериш билан бир вақтда

2-босқич

Ваколатли орган

(Қишлоқ ҳўжалиги экинларини синаш маркази)

Ҳужжатларни қабул қилади ва қабул қилинган санани кўрсатган ҳолда талабнома берувчига хабарномани, навнинг уруғлик материалларини етказиб бериш бўйича тақсимотни ҳамда давлат хизматлари кўрсатиш бўйича шартномани ахборот тизими орқали юборади.

Ҳужжатлар қабул қилингандан кейин 5 иш куни ичида

3-босқич

Талабнома берувчи

(резидент ёки норезидент)

Тақсимотга асосан навнинг сифатли уруғлик материалларини нав синаш станциялари ва участкаларига белгиланган муддатда ва миқдорда етказиб беради.

Тақсимотни олгандан сўнг 10 иш куни ичида

4-босқич

Ваколатли орган

(Қишлоқ хўжалиги экинларини синаш маркази)

1. Уруғлик материаллари тегишли нав синаш станциялари ва участкаларига тақсимотга асосан ўз вақтида етказиб берилишини назорат қилади ҳамда синаш ишларини ташкил этиш қоидалари ва талабларига мувофиқлигини баҳолайди.

1. Ҳар йили қишлоқ хўжалиги экинларини экишдан 10 кун олдин

2. Нав ёки дурагайларга электрон идентификация рақамини (код) қўйган ҳолда, нав синаш станциялари ва участкаларида хўжалик учун фойдали белгилар бўйича (ҳар йили, ҳар мавсумда) кузатувларни ташкил этади ва маълумотларни ахборот тизимига доимий равишда жойлаштириб боради.

2. Қишлоқ хўжалиги экинларининг вегетация даврида

3. Талабнома берувчини навни синаш бўйича эксперт баҳолаш усуллари тўғрисида ахборот тизими орқали хабардор қилади ва эксперт баҳолаш усуллари бўйича ишларни ташкил этади ҳамда ҳар бир навга электрон идентификация рақамини (код) қўйган ҳолда, эксперт баҳолаш натижалари юзасидан хулоса ва далолатномаларни ахборот тизимига жойлаштиради.

3. Етиштирилган ҳосил йиғиштириб олингандан кейин

4. Навнинг ҳар йилги ҳосилидан олинган намуналар бўйича лаборатория таҳлиллари натижаларини (зарур ҳолларда, оригинатор томонидан тақдим этилган таҳлил натижаларини) ахборот тизимига жойлаштиради.

4. Камида уч йил ва ҳар мавсум якунида

5. Ўтказилган синаш ишлари натижалари асосида йиғилган маълумотларга кўра ахборот тизимида ҳар йили навлар бўйича таклифларни шакллантиради ҳамда Эксперт комиссияси аъзоларига тақдим этади.

5. Камида уч йил ва ҳар мавсум якунида

6. Эксперт комиссияси хулосасига асосан ўзининг тегишли қарори лойиҳасини ахборот тизимида навларнинг электрон идентификация рақамини (код) кўрсатган ҳолда шакллантиради ҳамда Қишлоқ хўжалиги вазирлиги билан келишган ҳолда тасдиқлайди.

6. Эксперт комиссияси хулосасидан кейин 25 иш куни ичида

7. Ахборот тизимида навларнинг давлат реестрида рўйхатдан ўтказилганлиги ёки ўтказилмаганлиги тўғрисидаги маълумотномани шакллантиради ва электрон рақамли имзо билан тасдиқлаган ҳолда талабнома берувчининг шахсий кабинетига юборади.

7. 3 иш куни ичида

8. Талабнома берувчининг хоҳишига кўра навнинг давлат реестрида рўйхатдан ўтказилганлиги тўғрисидаги гувоҳномани шакллантиради ва белгиланган тартибда тақдим этади.

8. Талабнома берувчининг талабидан кейин 3 иш куни ичида

9. Навни давлат реестрида рўйхатдан ўтказишни рад этиш тўғрисида қарор қабул қилинганда, талабнома берувчига ахборот тизими орқали талабнома рад этилганлиги ҳақида электрон шаклдаги хабарномани юборади. Хабарномада талабномани рад этиш сабаблари ва уларни бартараф этиб, кўрсатилган муддатда ҳужжатларни қайта кўриб чиқиш учун такроран тақдим этиш мумкинлигини баён қилинди.

9. Талабнома рад этилгандан кейин 3 иш куни ичида

».