29.10.2010 йилдаги 104-II-сон
Ўзбекиcтон Республикаси Олий Мажлиси Сенати Кенгашининг қарори, 29.10.2010 йилдаги 104-II-сон
Kuchga kirish sanasi
29.10.2010
Жаҳон молиявий-иқтисодий инқирози салбий оқибатларининг олдини олиш ва уларни бартараф этиш бўйича эришилган натижалар иқтисодиётнинг реал секторини қўллаб-қувватлаш борасида фаол ва аниқ мақсадли сиёсат олиб борилаётганлигининг самараси бўлди. Пухта ўйлаб амалга оширилаётган макроиқтисодий сиёсат, банк тизимининг барқарорлигини таъминлаш, иқтисодиётни ва унинг стратегик тармоқларини техник ва технологик жиҳатдан янгилаш дастурини рўёбга чиқариш Ўзбекистоннинг дунёдаги саноқли мамлакатлар қаторида барқарор юқори иқтисодий ўсиш суръатларига эришишига ҳамда аҳолининг реал даромадлари ошишига имкон берди. Жаҳон молиявий-иқтисодий инқирози салбий оқибатларини камайтиришга қаратилган Инқирозга қарши чораларнинг 2009 — 2012 йилларга мўлжалланган дастури муваффақиятли рўёбга чиқарилишига иқтисодий ислоҳотларни қонунчилик йўли билан таъминлаш, ўзгартишларнинг зарур ҳуқуқий базасини яратиш ҳам ёрдам берди.
Инқирозга қарши чораларнинг 2009 — 2012 йилларга мўлжалланган дастурини рўёбга чиқаришда маҳаллий ҳокимият органлари, шу жумладан барча даражалардаги халқ депутатлари маҳаллий Кенгашлари зиммасига масъулиятли вазифалар юклатилган. Ўзбекистон Республикаси Президенти И. Каримовнинг 2010 йил 26 январда Ўзбекистон Республикаси Олий Мажлиси Сенатининг биринчи мажлисидаги ва 2010 йил 27 январда Ўзбекистон Республикаси Олий Мажлиси Қонунчилик палатаси ва Сенатининг қўшма мажлисидаги «Мамлакатимизни модернизация қилиш ва кучли фуқаролик жамияти барпо этиш — устувор мақсадимиздир» номли маърузаларида таъкидланганидек, маҳаллий ҳокимият вакиллик органларининг фаолиятини, қонунлар қандай ижро этилаётганлиги, Инқирозга қарши чораларнинг 2009 — 2012 йилларга мўлжалланган дастури қандай рўёбга чиқарилаётганлиги устидан парламент назоратининг шаклларини такомиллаштириш энг муҳим вазифалардан биридир.
Ўрганиш шуни кўрсатдики, Ўзбекистон Республикаси Олий Мажлиси Сенати (бундан буён матнда Сенат деб юритилади) қўмиталари, Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси (бундан буён матнда Сенат комиссияси деб юритилади), қўмиталари, халқ депутатлари маҳаллий Кенгашлари томонидан Ўзбекистон Республикаси Олий Мажлиси Сенатининг 2009 йил 5 декабрдаги «Ўзбекистон Республикаси Олий Мажлиси Сенатининг 2009 йил 27 мартдаги «Инқирозга қарши чораларнинг 2009 — 2012 йилларга мўлжалланган дастурини сўзсиз бажариш борасида маҳаллий ҳокимият органларининг роли ва масъуллиги тўғрисида»ги 624-I-сонли қарорининг ижро этилиши ҳақида»ги 709-I-сонли қарорида (бундан буён матнда Сенат қарори деб юритилади) баён этилган чора-тадбирларни рўёбга чиқариш борасида муайян ишлар олиб борилган.
Жиззах (С. Исмоилов) ва Сирдарё (О. Ашурматов) вилоятларида халқ депутатлари маҳаллий Кенгашлари, уларнинг доимий комиссиялари инқирозга қарши ҳудудий дастурлар, халқ депутатлари маҳаллий Кенгашларининг сессиялари ва улар доимий комиссиялари қарорларининг ижро этилиши ҳамда маҳаллий ижро этувчи ҳокимият органлари фаолияти устидан назорат олиб бормаган. Халқ депутатлари Арнасой (Ф. Салоҳиддинов), Дўстлик (С. Шералиев), Жиззах (М. Холбўтаев), Зарбдор (Э. Ғайбуллаев), Зафаробод (А. Алиқулов) Мирзачўл (М. Бобобеков), Ғаллаорол (И. Эшонқулов) туман Кенгашлари, шунингдек халқ депутатлари Мирзаобод (А. Ҳидиров), Сардоба (Б. Маманов) Сайхунобод (А. Турдибоев), Ховос (Х. Чинибеков) туман Кенгашлари ҳамда халқ депутатлари Гулистон (Н. Сулаймонов), Янгиер (О. Акбаров) шаҳар Кенгашларининг Инқирозга қарши чораларнинг 2009 — 2012 йилларга мўлжалланган дастурини рўёбга чиқариш борасидаги фаолиятида ҳанузгача жиддий камчиликлар мавжуд.
Айрим халқ депутатлари маҳаллий Кенгашларининг фаолиятини таҳлил қилиш шуни кўрсатдики, халқ депутатлари маҳаллий Кенгашларининг сессияларини ва доимий комиссияларнинг мажлисларини тайёрлаш чоғида ишларнинг аҳволи чуқур таҳлил қилинмаётир, айрим ҳолларда қарорлар юзаки, расмиятчилик руҳида қабул қилинган. Ушбу халқ депутатлари маҳаллий Кенгашларининг сессияларида инқирозга қарши чораларнинг ҳудудий ва тармоқ дастурларини ижро этишнинг бориши мунтазам кўриб чиқилмаётир, маҳаллий давлат ва хўжалик бошқаруви органлари раҳбарларининг мазкур масала юзасидан ҳисоботларини эшитиш ўз вақтида амалга оширилмаётир. Халқ депутатлари маҳаллий Кенгашларининг депутатлари вужудга келаётган масалаларни ва ўз минтақаларини ижтимоий-иқтисодий ривожлантиришнинг конкрет вазифаларини ҳал қилишда ташаббус кўрсатмаётирлар, маҳаллий ижро этувчи органлар фаолиятини назорат қилишнинг депутат сўрови каби шаклидан деярли фойдаланмаётирлар.
5. Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси ахборотида қайд этилган камчиликларни бартараф этиш мақсадида Қорақалпоғистон Республикаси Жўқорғи Кенгесининг Раиси, халқ депутатлари маҳаллий Кенгашларининг раислари — вилоят, туман ва шаҳарлар ҳокимларига улар минтақаларнинг ижтимоий-иқтисодий аҳволини яхшилаш ва энг долзарб муаммоларни ҳал қилиш юзасидан ўз вақтида комплекс чоралар кўрилиши, шунингдек Инқирозга қарши чораларнинг 2009 — 2012 йилларга мўлжалланган дастури доирасида қабул қилинган Ўзбекистон Республикаси Президентининг фармонлари ва қарорлари, Сенат ва Ўзбекистон Республикаси Вазирлар Маҳкамаси қарорлари, шунингдек бошқа норматив-ҳуқуқий ҳужжатлар ижросининг таъминланиши учун шахсан масъул эканликлари алоҳида кўрсатиб ўтилсин.
8. Инқирозга қарши чораларнинг 2009 — 2012 йилларга мўлжалланган дастурини рўёбга чиқариш жараёнига маҳаллий ҳокимият вакиллик органларини мумкин қадар кўпроқ жалб этиш ва уларнинг ишини фаоллаштириш, депутатлик назорати чораларининг таъсирчанлигини кучайтириш ҳамда халқ депутатлари маҳаллий Кенгашлари раисларининг дастурни рўёбга чиқаришнинг бориши мунтазам ва доимий мониторинг қилиниши учун шахсий жавобгарлигини ошириш мақсадида, шунингдек иқтисодиёт ва ижтимоий соҳадаги инқирозга қарши чоралар мажмуида назарда тутилган тадбирларнинг бир қисми узоқ муддатли хусусиятга эгалигини ҳисобга олган ҳолда Ўзбекистон Республикаси Олий Мажлиси Сенати Кенгашининг 2010 йил 31 мартдаги 30-II-сонли қарори билан тасдиқланган Маҳаллий ҳокимият вакиллик органлари фаолиятини кучайтиришга доир 2010 — 2014 йилларга мўлжалланган Ҳаракат дастури иловага мувофиқ 2.3 — 2.5-кичик бандлар билан тўлдирилсин.
Т/рТадбирлар мақсадиТадбирлар номиТадбирларни амалга ошириш шаклиБажариш муддатиМасъул ижрочилар
2.

2.3. Инқирозга қарши ҳудудий ва тармоқ дастурлари амалда рўёбга чиқарилиши учун масъул бўлган маҳаллий давлат бошқаруви органлари раҳбарларининг фаолияти тўғрисидаги ахборотни халқ депутатлари маҳаллий Кенгашларининг сессияларида ва уларнинг соҳалар бўйича доимий комиссиялари мажлисларида тинглаш, шунингдек Инқирозга қарши чораларнинг 2009 — 2012 йилларга мўлжалланган дастури доирасида қабул қилинган қарор ва ҳужжатларнинг ҳар бир алоҳида банди рўёбга чиқарилиши устидан Доимий равишда назоратни амалга ошириш

Халқ депутатлари маҳаллий Кенгашлари ва уларнинг соҳалар бўйича доимий комиссиялари қарорлари

Доимий равишда

Халқ депутатлари маҳаллий Кенгашлари ва уларнинг соҳалар бўйича доимий комиссиялари, халқ депутатлари маҳаллий Кенгашлари депутатлари, ишчи гуруҳлар

2.4. Инқирозга қарши чораларнинг 2009 — 2012 йилларга мўлжалланган дастурини рўёбга чиқаришда халқ депутатлари маҳаллий Кенгашларининг роли ва ўрни тўғрисида минтақавий ўқув семинарларини ўтказиш

Тасдиқланган дастурлар асосида

Доимий равишда

Сенат Комиссияси, халқ депутатлари маҳаллий Кенгашлари, халқ депутатлари маҳаллий Кенгашлари депутатлари, ишчи гуруҳлар

2.5. «Иқтисодиётни инновацион янгилаш ва ривожлантириш чора-тадбирларининг минтақавий жиҳатлари» мавзуида давра суҳбатлари ўтказиш

Тасдиқланган дастурлар асосида

Доимий равишда

Сенат Комиссияси, халқ депутатлари маҳаллий Кенгашлари, халқ депутатлари маҳаллий Кенгашлари депутатлари, ишчи гуруҳлар