O‘zbekiston Respublikasi Prezidentining 2025-yil 23-oktabrdagi PF-190-son “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi Farmoniga muvofiq buyuraman:

1. O‘zbekiston Respublikasi jismoniy tarbiya va sport vazirining 2018-yil 9-iyuldagi 10-mh-son “Umumiy o‘rta ta’lim maktablari, akademik litsey va professional ta’lim muassasalari o‘quvchilaridan iborat sport jamoalari o‘rtasida (sport turlari bo‘yicha) ushbu muassasalar, tuman (shahar)lar, viloyatlar va respublika darajasida ommaviy sport tadbirlarini o‘tkazish tartibi to‘g‘risidagi nizomni tasdiqlash haqida”gi buyrug‘iga (ro‘yxat raqami 3065, 2018-yil 5-sentabr) (Qonun hujjatlari ma’lumotlari milliy bazasi, 05.09.2018-y., 10/18/3065/1849-son) ilovaga muvofiq o‘zgartirishlar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

1. Buyruqning nomi va 1-bandidagi “professional ta’lim muassasalari” degan so‘zlar “kasbiy ta’lim tashkilotlari” degan so‘zlar bilan almashtirilsin.

2. Nizomda:

1) nizomning nomi, muqaddimasi, 1-bandi uchinchi xatboshisi va 3-bandidagi “professional ta’lim muassasalari” degan so‘zlar “kasbiy ta’lim tashkilotlari” degan so‘zlar bilan almashtirilsin;

2) 2-band quyidagi tahrirda bayon etilsin:

“2. Ommaviy sport tadbirlari O‘zbekiston Respublikasi Sport vazirligi, Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi huzuridagi Kasbiy ta’lim agentligi (bundan buyon matnda tegishli vazirliklar va idora deb yuritiladi) va ularning hududiy bo‘linmalari tomonidan O‘zbekiston Respublikasi Vazirlar Mahkamasining 2014-yil 29-iyuldagi 205-son qarori bilan tasdiqlangan Ommaviy tadbirlarni o‘tkazish qoidalariga muvofiq tegishli ruxsatnoma olinganidan so‘ng boshqa manfaatdor tashkilotlar bilan hamkorlikda tashkil etiladi.”;

3) 9, 11 va 13-bandlar hamda 21-bandning birinchi xatboshisidagi “vazirliklar” degan so‘z “vazirliklar va idora” degan so‘zlar bilan almashtirilsin;

4) 16-bandda:

birinchi xatboshidagi “professional ta’lim muassasalari” degan so‘zlar “kasbiy ta’lim tashkilotlari” degan so‘zlar bilan almashtirilsin;

ikkinchi xatboshidagi “professional ta’lim muassasasi” va “professional ta’lim muassasalarining” degan so‘zlar tegishli ravishda “kasbiy ta’lim tashkiloti” va “kasbiy ta’lim tashkilotlarining” degan so‘zlar bilan almashtirilsin;

uchinchi xatboshidagi “professional ta’lim muassasalarining” degan so‘zlar “kasbiy ta’lim tashkilotlarining” degan so‘zlar bilan almashtirilsin;

5) 17 va 20-bandlardagi “professional ta’lim muassasalarida” degan so‘zlar “kasbiy ta’lim tashkilotlarida” degan so‘zlar bilan almashtirilsin;

6) 18-banddagi “professional ta’lim muassasalarida” va “professional ta’lim muassasasining” degan so‘zlar tegishli ravishda “kasbiy ta’lim tashkilotlarida” va “kasbiy ta’lim tashkilotining” degan so‘zlar bilan almashtirilsin;

7) 19-banddagi “professional ta’lim muassasalarining” degan so‘zlar “kasbiy ta’lim tashkilotlarining” degan so‘zlar bilan almashtirilsin;

8) nizomga ilovada:

ilova belgisidagi “professional ta’lim muassasalari” degan so‘zlar “kasbiy ta’lim tashkilotlari” degan so‘zlar bilan almashtirilsin;

ilovaning matnidagi “professional ta’lim muassasasi” degan so‘zlar “kasbiy ta’lim tashkiloti” degan so‘zlar bilan almashtirilsin.