Raqamli markirovkalash tizimi samaradorligini oshirish va bu boradagi nazorat mexanizmlarini takomillashtirish orqali aholini sifatli va ishonchli mahsulotlar bilan ta’minlash hamda yashirin iqtisodiyotni yanada qisqartirish maqsadida qaror qilaman:

1. Raqamli markirovkalangan mahsulotlarning harakat zanjirini to‘liq kuzatib borish orqali yashirin ishlab chiqarish va kontrafakt mahsulotlar muomalasiga chek qo‘yish.

2. Istiqbolli loyihalar milliy agentligi, Soliq qo‘mitasi, Iqtisodiyot va moliya vazirligi, Raqamli markirovkalash va kuzatish milliy axborot tizimi operatori (keyingi o‘rinlarda — Operator)ning quyidagi takliflari ma’qullansin:

(a) tadbirkorlik subyektlari tomonidan olingan markirovka kodlarini mahsulotlarga qo‘llash uchun belgilangan 90 kalendar kunlik muddatni bekor qilish. Bunda foydalanilmasdan turgan markirovka kodlari uchun amalga oshirilgan to‘lovlar yangi markirovka kodlarini sotib olishda hisobga olinadi;

(b) markirovka kodlari mahsulotga bevosita qo‘llangandan keyin ular uchun to‘lovni amalga oshirish;

(v) raqamli markirovkalangan mahsulotlarni agregatsiyalashda qo‘llanadigan markirovka kodlarini Operator tomonidan bepul taqdim etish;

(g) tadbirkorlik subyektlarining murojaatlarini tezkor hal etish maqsadida Operator tomonidan tunu kun ishlaydigan “Call-markaz” faoliyatini yo‘lga qo‘yish.

3. Belgilansinki, 2025-yil 1-iyuldan boshlab:

(a) import qiluvchi tashkilot tomonidan O‘zbekiston Respublikasi hududiga olib kirilgan dori vositalarini ularning ulgurji va chakana savdosi bilan shug‘ullanuvchi tadbirkorlik subyektlariga to‘g‘ridan-to‘g‘ri yoki uning rasmiy dilerlari orqali realizatsiya qilish elektron hisobvaraq-faktura asosida amalga oshiriladi;

(b) raqamli markirovkalangan mahsulotlarni ulgurji sotish faqat naqd pulsiz shaklda bank hisobvaraqlari orqali amalga oshiriladi.

4. Soliq qo‘mitasi va Operator Raqamli markirovkalash va kuzatish milliy axborot tizimi uzluksiz ishlashini, import qilish, ishlab chiqarish, saqlash, tashish, ulgurji va chakana savdo jarayonlarida mahsulotlarga markirovka kodlari to‘g‘ri qo‘llangani va haqiqiyligini tizimli nazorat qilishni ta’minlasin.

5. Soliq qo‘mitasi tuzilmasida uning umumiy shtat birliklari doirasida 38 ta shtat birligidan iborat Raqamli markirovka qoidalariga rioya qilinishini nazorat qilish bo‘yicha hududlararo soliq inspeksiyasi tashkil etilsin va uning asosiy vazifalari etib quyidagilar belgilansin:

(a) raqamli markirovkalangan mahsulotlar aylanmasining barcha bosqichlarida tizimli nazoratni ta’minlash;

(b) nazorat, baholash va xavfni tahlil qilish sohasida samarali usullarni ishlab chiqish, joriy etish va takomillashtirib borish;

(v) majburiy raqamli markirovkalanadigan mahsulotlar turini bosqichma-bosqich kengaytirish uchun amaliy tajriba-sinov (eksperiment) tadbirlarini o‘tkazish;

(g) xalqaro standartlar va ilg‘or tajribalarni o‘rganish asosida raqamli markirovkalash tizimini yanada takomillashtirishga qaratilgan takliflar ishlab chiqish;

(d) majburiy raqamli markirovkalash tizimi talablari buzilishining oldini olish bo‘yicha profilaktika va tushuntirish chora-tadbirlarini amalga oshirish, jumladan, ogohlantirish tizimini qo‘llash;

(e) Raqamli markirovkalash va kuzatish milliy axborot tizimini takomillashtirish, ma’lumotlar bazasini shakllantirish va yuritish asosida tahlil-monitoring tadbirlarini amalga oshirish.

6. Soliq qo‘mitasining tashkiliy tuzilmasi 1-ilovaga muvofiq tasdiqlansin.

7. Shunday tartib o‘rnatilsinki, unga muvofiq 2025-yil 1-sentabrdan boshlab:

(a) xavfni tahlil qilish tizimida majburiy raqamli markirovkalash qoidalarini buzish holatlari soliq xavfi darajasini yuqori deb baholash uchun asos bo‘ladi;

(b) majburiy raqamli markirovkalanadigan mahsulotlarni realizatsiya qilishda markirovka kodi biriktirilmagan elektron hisobvaraq-fakturani rasmiylashtirishga yo‘l qo‘yilmaydi;

(v) majburiy raqamli markirovkalanadigan mahsulotlarni chakana realizatsiya qilishda:

(i) markirovka kodi kiritilgandan so‘ng onlayn nazorat-kassa texnikasining kassa cheki shakllantiriladi;

(ii) avval foydalanilgan markirovka kodlari kiritilganda onlayn nazorat-kassa texnikasining kassa chekini shakllantirishga yo‘l qo‘yilmaydi.

8. 2026-yil 1-yanvardan boshlab majburiy raqamli markirovkalash qoidalarini buzish holatlarini soliq organlarining axborot tizimi orqali aniqlash bo‘yicha masofaviy soliq tekshiruvini o‘tkazish tartibi joriy etilsin. Bunda:

(a) tekshirish huquqini beruvchi maxsus guvohnoma olish talab etilmaydi;

(b) majburiy raqamli markirovkalash qoidalarini buzish holatlari aniqlanganda qoidabuzarliklarni bartaraf etish to‘g‘risida ogohlantirish beriladi;

(v) ikkinchi marta ogohlantirish berilgandan so‘ng qoidabuzarlik holatlari aniqlanganda 2-ilovaga muvofiq miqdorlarda jarima qo‘llanadi;

(g) mazkur qarorga 2-ilovaning 4-bandidagi jarima qo‘llanilgan tadbirkorlik subyektlariga bir yil davomida qo‘shilgan qiymat solig‘i summasining o‘rni qoplanmaydi.

9. 2025-yil 1-sentabrdan boshlab farmatsevtika faoliyatini hamda dori vositalari va tibbiy buyumlarni chakana realizatsiya qilish faoliyatini litsenziyalash talablariga quyidagilarni nazarda tutuvchi qo‘shimcha shartlar kiritilsin:

(a) yangidan tashkil etilgan subyektlarga litsenziya berishda:

(i) faoliyatini amalga oshirish uchun ko‘chmas mulk bo‘yicha ijara yoki tekin foydalanish shartnomasi soliq organlarida hisobga qo‘yilganligi;

(ii) dori vositalarini realizatsiya qilishda xaridorlardan to‘lovlarni qabul qilish bo‘yicha elektron to‘lov vositalaridan foydalanish imkoniyati yaratilganligi;

(b) soliq tekshiruvlarida kirim hujjatlarisiz (kontrafakt) va (yoki) markirovkalanmagan dori vositalarini sotib olish, tashish, saqlash yoki realizatsiya qilish holatlari aniqlanganda soliq organlari tashabbusiga ko‘ra vakolatli organ tomonidan tegishli subyekt litsenziyasining amal qilishini to‘xtatib turish.

10. Sog‘liqni saqlash vazirligi Soliq qo‘mitasi va Adliya vazirligi bilan birgalikda ikki oy muddatda farmatsevtika faoliyatini litsenziyalashda qo‘shimcha talablar yuzasidan ma’lumot almashish tizimini yo‘lga qo‘ysin.

11. Soliq qo‘mitasi:

(a) Savdo-sanoat palatasi va Biznes-ombudsman bilan birgalikda bir oy muddatda markirovka tizimining afzalliklarini tushuntirish bo‘yicha media-reja ishlab chiqsin hamda 2025-yil yakuniga qadar ommaviy axborot vositalari va ijtimoiy tarmoqlarda keng yoritilishini ta’minlasin;

(b) ikki oy muddatda quyidagilarni:

(i) Biznes-ombudsman bilan birgalikda masofaviy soliq tekshiruvini o‘tkazish tartibini;

(ii) Iqtisodiyot va moliya vazirligi bilan birgalikda Raqamli markirovka qoidalariga rioya qilinishini nazorat qilish bo‘yicha hududlararo soliq inspeksiyasi to‘g‘risidagi nizomni;

(iii) qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida takliflarni Vazirlar Mahkamasiga kiritsin.

12. O‘zbekiston Respublikasi Prezidentining va O‘zbekiston Respublikasi Hukumatining ayrim qarorlariga 3-ilovaga muvofiq o‘zgartirish va qo‘shimchalar kiritilsin.

13. Mazkur qarorning ijrosini samarali tashkil qilishga mas’ul va shaxsiy javobgar etib Bosh vazir o‘rinbosari J.A. Qo‘chqorov hamda Soliq qo‘mitasi raisi Sh.D. Kudbiyev belgilansin.

14. Qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2018-yil 26-iyundagi “Davlat soliq xizmati organlari faoliyatini tubdan takomillashtirish chora-tadbirlari to‘g‘risida””gi PQ-3802-son qarorida:

(a) 8-bandda:

birinchi xatboshi quyidagi tahrirda bayon etilsin:

“8. O‘zbekiston Respublikasi Soliq qo‘mitasi va Davlat aktivlarini boshqarish agentligining “Soliq-servis” davlat unitar korxonasini va “Yangi texnologiyalar” ilmiy-axborot markazi” davlat unitar korxonasini Soliq qo‘mitasi muassisligida aksiyadorlik jamiyatlari sifatida qayta tashkil etish to‘g‘risidagi taklifi ma’qullansin”;

quyidagi mazmundagi ikkinchi xatboshi bilan to‘ldirilsin:

“O‘zbekiston Respublikasi Soliq qo‘mitasi “Yangi texnologiyalar” ilmiy-axborot markazi” AJ va “Soliq-servis” AJlarni isloh qilish uchun maxsus vakolatli davlat organi etib belgilansin”;

ikkinchi — o‘n ikkinchi xatboshilar tegishlicha uchinchi — o‘n uchinchi xatboshilar deb hisoblansin;

uchinchi xatboshidagi “Soliq-servis” DUKning” so‘zlari “Soliq-servis” AJning” so‘zlari bilan almashtirilsin;

o‘n birinchi xatboshidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

(b) 9-banddagi “Soliq-servis” DUKning” so‘zlari “Soliq-servis” AJning” so‘zlari bilan almashtirilsin;

(v) 14-band o‘z kuchini yo‘qotgan deb hisoblansin.

(g) 1-ilova o‘z kuchini yo‘qotgan deb hisoblansin.

2. O‘zbekiston Respublikasi Prezidentining 2023-yil 24-martdagi PQ-102-son qarori bilan tasdiqlangan Ommaviy savdolar orqali to‘liqligicha sotiladigan korxonalarning aksiya paketlari (ulushlari) ro‘yxatining 672 va 673-pozitsiyalari chiqarib tashlansin.

3. Vazirlar Mahkamasining 2002-yil 26-noyabrdagi 407-son qarori bilan tasdiqlangan Ulgurji va chakana savdo faoliyatini amalga oshirish tartibi to‘g‘risidagi nizomda:

(a) 10-bandning birinchi xatboshisi “amalga oshirilishiga ruxsat etiladi” so‘zlaridan keyin “(bundan identifikatsiya vositalari bilan majburiy raqamli markirovkalangan mahsulotlarni realizatsiya qilish mustasno)” so‘zlari bilan to‘ldirilsin;

(b) 19-bandda:

birinchi xatboshidagi “nazorat-kassa mashinalarini” so‘zlari “nazorat-kassa texnikalarini” so‘zlari bilan almashtirilsin;

ikkinchi xatboshidagi “nazorat-kassa mashinalaridan” so‘zlari “nazorat-kassa texnikalaridan” so‘zlari bilan almashtirilsin;

beshinchi xatboshi quyidagi tahrirda bayon etilsin:

“Chakana savdo korxonalari (yakka tartibdagi tadbirkorlar)ga tovarlarni aholiga va xo‘jalik yurituvchi subyektlarga naqd pulda nazorat-kassa texnikalaridan, qonun hujjatlarida nazarda tutilgan hollarda esa onlayn nazorat-kassa texnikalari yoki virtual kassadan foydalangan holda va hisob-kitoblarning naqd pulsiz shaklida, shu jumladan, plastik kartochkalardan to‘lovlarni qabul qilish bo‘yicha hisob-kitob terminallaridan foydalangan holda sotishga ruxsat beriladi. Bunda chakana savdo faoliyati bilan shug‘ullanayotgan tadbirkorlik subyektlari tomonidan majburiy raqamli markirovkalangan tovarlarni realizatsiya qilishda ulgurji tarzda sotilishiga yo‘l qo‘yilmaydi”.

4. Vazirlar Mahkamasining 2020-yil 31-dekabrdagi “Ayrim turdagi mahsulotlarni majburiy raqamli markirovkalash tizimi bosqichma-bosqich joriy etilishini ta’minlash chora-tadbirlari to‘g‘risida”gi 833-son qarorida:

(a) 2-bandning ikkinchi xatboshisidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

(b) 3-bandda:

birinchi xatboshidagi “Moliya vazirligining” so‘zlari “Iqtisodiyot va moliya vazirligining” so‘zlari bilan bilan almashtirilsin;

quyidagi mazmundagi ikkinchi xatboshi bilan to‘ldirilsin:

“Bevosita mahsulotga qo‘llaniladigan markirovka kodidan tashqari barcha turdagi kodlar Raqamli markirovkalash va kuzatish milliy axborot tizimi operatori tomonidan bepul tarzda taqdim etiladi”;

ikkinchi xatboshi uchinchi xatboshi deb hisoblansin;

(v) 5 va 6-bandlardagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

g) 1-ilovada:

4-bandda:

o‘ttiz to‘rtinchi xatboshidagi “Davlat soliq qo‘mitasi” so‘zlari “Soliq qo‘mitasi” so‘zlari bilan, “davlat unitar korxonasi” so‘zlari “aksiyadorlik jamiyati” so‘zlari bilan almashtirilsin;

quyidagi mazmundagi qirq ikkinchi xatboshi bilan to‘ldirilsin:

“servis-provayder — mahsulotlar aylanmasi ishtirokchisining topshirig‘i bo‘yicha markirovkalash kodining identifikatsiyalash vositasiga o‘zgartirilishini va identifikatsiyalash vositasining iste’mol qadog‘iga va (yoki) guruhlangan qadog‘iga va (yoki) yorliqqa va (yoki) stikerga operator tomonidan taqdim etiluvchi distributsiyaning, nashrning va validatsiyaning dasturiy-apparat majmuasini qo‘llash bilan tushirilishini hamda identifikatsiyalash vositalarining validatsiyasini amalga oshiruvchi yuridik shaxs yoki yakka tartibdagi tadbirkor”;

qirq ikkinchi — qirq yettinchi xatboshilar tegishlicha qirq uchinchi — qirq sakkizinchi xatboshilar deb hisoblansin;

17-bandning “z” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

20-bandning “e” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

29-bandning “p” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

36-band quyidagi mazmundagi uchinchi xatboshi bilan to‘ldirilsin:

“Operator tomonidan taqdim etilayotgan markirovka kodlari uchun to‘lov ushbu kodlar bevosita mahsulotga yopishtirilgan vaqtda undiriladi”;

41-bandda:

birinchi xatboshi quyidagi tahrirda bayon etilsin:

“41. Mahsulot aylanmasining ishtirokchisi markirovkalash kodlarini raqamli identifikatsiyalash vositalariga aylantirishni va mahsulotlarga qo‘llanilishini, mahsulotlarni qadoqlashni yoki raqamli identifikatsiyalash vositalarini qo‘llash uchun mo‘ljallangan boshqa moddiy tashuvchini ta’minlaydi va Operatorga buyurtmalarni boshqarish stansiyasi orqali markirovkalash kodlarini qo‘llash to‘g‘risidagi hisobotni yuboradi”;

quyidagi mazmundagi uchinchi xatboshi bilan to‘ldirilsin:

“Foydalanilmagan markirovka kodlari uchun amalga oshirilgan to‘lovlar Operator tomonidan yangi markirovka kodlari taqdim etilishida hisobga olinadi”;

50-bandning “k” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

51-bandning “v” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

53-bandning “e” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

quyidagi mazmundagi 13-bob bilan to‘ldirilsin:

97. Markirovkalash kodlarini raqamli identifikatsiyalash vositalariga o‘zgartirish va ularni iste’mol qadog‘iga va (yoki) guruhlangan qadoqqa va (yoki) yorliqqa va (yoki) stikerga tushirish mahsulotlar aylanmasi ishtirokchisi bilan tuzilgan shartnoma asosida servis-provayder tomonidan ham amalga oshirilishi mumkin.

Servis-provayderga to‘lovlar faqat ko‘rsatilgan xizmatlar uchun shartnomada nazarda tutilgan shart va miqdorda amalga oshiriladi. Bunda shartnoma shartlari servis-provayder tomonidan bajarilmaganda, shartnomaga oid nizoli holatlar sud tartibida hal etiladi.

98. Servis-provayder markirovkalash kodlarini raqamli identifikatsiya vositalariga o‘zgartirish va ularni tushirish uchun quyidagilarga ega bo‘lishi zarur:

a) elektron raqamli imzo;

b) mahsulotlar aylanmasi ishtirokchisining topshirig‘i bo‘yicha raqamli identifikatsiya vositasini o‘zgartirish va uni tushirish uchun yetarli bo‘lgan, ammo mahsulotlar aylanmasi ishtirokchisining qadoqlar, yorliqlar va stikerlar ishlab chiqarish uchun muntazam joylashtiriladigan buyurtmalaridan past bo‘lmagan unumdorlik bilan ishlaydigan kompleks poligrafiya asbob-uskunasi;

v) quyidagilarni ta’minlovchi distributsiya, matbaa va validatsiya dasturiy-apparat kompleksi:

mahsulotlar aylanmasi ishtirokchilarining markirovkalash kodlarini himoyalangan holda saqlash;

mahsulotlar aylanmasi ishtirokchisiga markirovkalash kodlarini yetkazib beruvchi aloqa kanalini himoya qilish;

mahsulotlar aylanmasi ishtirokchisiga markirovkalash kodini yetkazib berish;

markirovkalash kodlarini raqamli identifikatsiyalash vositalariga o‘zgartirish (nashrni boshqarish);

raqamli identifikatsiyalash vositalarining tushirilish sifatini apparatli validatsiyalash (texnik ko‘rish vositalarini qo‘llagan holda);

raqamli identifikatsiyalash vositalarini validatsiyalash moduli yordamida markirovkalash kodlarini raqamli identifikatsiyalash vositalariga o‘zgartirish to‘g‘risida hisobotlarni shakllantirish va ularni markirovkalash axborot tizimiga kiritish;

markirovkalash qoidalariga rioya etish (tushirish sifatini validatsiyalashdan so‘ng va markirovkalash kodidan foydalanish to‘g‘risidagi hisobot shakllantirilgandan keyin tekshirish kodini o‘chirib tashlash);

alohida tezkor saqlash imkonini beradigan himoyalangan saqlagichdan mahsulotlar aylanmasi ishtirokchilarining markirovkalash kodlarini (ishlab chiqarish jarayonida markirovkalash kodlarini raqamli identifikatsiya vositalariga o‘zgartirish) va markirovkalash kodlari hamda mahsulotlar aylanmasi turli ishtirokchilarining identifikatsiyalash vositalari tushirilishi va validatsiyasi to‘g‘risidagi hisobotlarini tanlash;

markirovkalash kodlarining tushirilishi va validatsiyalashdan keyin ularni takroran tushirish imkoniyati yo‘qligining kafolati.

99. Servis-provayderga distributsiya, matbaa va validatsiyaning dasturiy-apparat kompleksi Operator tomonidan taqdim etiladi.

Qayd etilgan distributsiya, matbaa va validatsiyaning dasturiy-apparat kompleksini olish uchun servis-provayderlar Operator bilan shartnoma tuzadi.

100. Servis-provayder Operator tomonidan taqdim etiladigan distributsiya, matbaa va validatsiyaning dasturiy-apparat kompleksidan foydalanishi zarur.

101. Servis-provayder identifikatsiyalash vositalarining tushirilishida raqamli identifikatsiyalash vositalarini nashr qilish sifati standartlariga rioya qilishga majburdir.

102. Servis-provayder tomonidan markirovkalash kodining raqamli identifikatsiyalash vositasiga o‘zgartirilishi va qadoqqa yoki yorliqqa yoxud stikerga tushirilishidan keyin mahsulotlar aylanmasi ishtirokchisiga raqamli identifikatsiyalash vositasi tushirilgan qadoqni yoki yorliqni yoxud stikerni berib yuborishdan avval nashr qilish sifati validatsiyasi amalga oshiriladi.

103. Validatsiyadan o‘tgandan keyin distributsiya, matbaa va validatsiyaning dasturiy-apparat kompleksi raqamli identifikatsiyalash vositalariga o‘zgartirilgan markirovkalash kodlarining muvaffaqiyatli tushirilishi to‘g‘risida hisobotni shakllantiradi.

104. Raqamli identifikatsiyalash vositasini tushirish usuli ishlab chiqaruvchi tomonidan belgilangan saqlash sharoitlari va transportda tashish qoidalariga rioya etilganda, oziq-ovqat mahsulotlarining butun yaroqlilik muddati davomida raqamli identifikatsiyalash vositasining saqlanishini (barqarorligini) ta’minlashi kerak.

105. Servis-provayder mahsulotlar aylanmasi ishtirokchilaridan olingan markirovka kodlarini uchinchi shaxsga berishi taqiqlanadi”;

(d) 2-ilovada:

4-bandning “b” kichik bandidagi “Davlat soliq qo‘mitasi” so‘zlari “Soliq qo‘mitasi” so‘zlari bilan almashtirilsin;

8-band quyidagi mazmundagi ikkinchi xatboshi bilan to‘ldirilsin:

“Majburiy raqamli markirovkalash tizimi samaradorligini oshirish maqsadida operator mahsulotlar aylanmasi ishtirokchilariga tunu-kun xizmat ko‘rsatadigan Call-markaziga ega bo‘lishi lozim”;

quyidagi mazmundagi 48¹-band bilan to‘ldirilsin:

“48¹. Operator tomonidan markirovkalash axborot tizimining ma’lumotlarni saqlash, boshqa axborot tizimlariga uzatish, qabul qilish va qayta ishlash jarayonlari yuzasidan bir yilda kamida bir marotaba texnik audit o‘tkazib borilishi shart.

Texnik audit yakunlangandan so‘ng natijalari bo‘yicha xulosa o‘n kun muddatda Soliq qo‘mitasiga taqdim etiladi”.

5. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risida yagona nizomda:

(a) 28-ilovada:

9-pozitsiyada:

“i” kichik banddagi “boshqa ashyoviy” so‘zlari “soliq organlarida hisobga qo‘yilgan boshqa ashyoviy huquq (ijara yoki tekin foydalanish)” so‘zlari bilan almashtirilsin;

“l” kichik bandning uchinchi va to‘rtinchi xatboshilari “ro‘yxatdan o‘tkazilmagan,” so‘zlaridan keyin “markirovkalanmagan,” so‘zi bilan to‘ldirilsin;

10-pozitsiya “Sanitariya-epidemiologik osoyishtalik va jamoat salomatligi qo‘mitasi” so‘zlaridan keyin “Soliq qo‘mitasi” so‘zlari bilan to‘ldirilsin;

(b) 29-ilovada:

9-pozitsiyada:

“b” kichik banddagi “ro‘yxatdan o‘tkazilmagan,” so‘zlaridan keyin “markirovkalanmagan,” so‘zi bilan to‘ldirilsin;

“z” kichik banddagi “egalik qilish huquqi yoki” so‘zlaridan keyin “soliq organlarida hisobga qo‘yilgan” so‘zlari bilan to‘ldirilsin;

“k” kichik banddagi “kassa-mashinasi hamda to‘lov terminallaridan” so‘zlari “kassa-texnikasi, to‘lov terminallaridan hamda elektron to‘lov vositalaridan” so‘zlari bilan almashtirilsin;

10-pozitsiyasi “Sanitariya-epidemiologik osoyishtalik va jamoat salomatligi qo‘mitasi” so‘zlaridan keyin “Soliq qo‘mitasi” so‘zlari bilan to‘ldirilsin.

6. Vazirlar Mahkamasining 2022-yil 2-apreldagi “Maishiy texnika mahsulotlarini majburiy raqamli markirovkalash tizimini joriy etish to‘g‘risida”gi 148-son qarorining 4-bandi quyidagi mazmundagi to‘rtinchi xatboshi bilan to‘ldirilsin:

“barcha turdagi lampalarni majburiy raqamli markirovkalashda identifikatsiya vositalarini shakllantirish maqsadida raqamli markirovka kodlari operator tomonidan bepul taqdim etiladi”.

7. Vazirlar Mahkamasining 2022-yil 2-apreldagi “Dori vositalari va tibbiy buyumlarni majburiy raqamli markirovkalash tizimini joriy etish to‘g‘risida”gi 149-son qarorida:

(a) 4-bandning uchinchi xatboshisidagi “bir” so‘zi “ikki” so‘zi bilan almashtirilsin;

(b) 2-ilovada:

4.4-pozitsiya quyidagi tahrirda bayon etilsin:

5.2-pozitsiya quyidagi tahrirda bayon etilsin:

8. Vazirlar Mahkamasining 2022-yil 19-oktabrdagi 611-son qarori bilan tasdiqlangan Nazorat qiluvchi organlar mansabdor shaxslarini tadbirkorlik subyekti faoliyatini tekshirish huquqini berish yuzasidan attestatsiyadan o‘tkazish tartibi to‘g‘risidagi nizomda:

3-band quyidagi mazmundagi ikkinchi xatboshi bilan to‘ldirilsin:

“Soliq organlarining avtomatlashtirilgan axborot tizimi orqali markirovkalangan tovarlar harakatini kuzatish asosida aniqlangan huquqbuzarlik bo‘yicha masofaviy soliq tekshiruvini o‘tkazuvchi mansabdor shaxslari attestatsiyadan o‘tkazilmaydi”;

15-band quyidagi tahrirda bayon etilsin:

“15. Attestatsiyadan o‘tishi kerak bo‘lgan mansabdor shaxslar ro‘yxatiga:

tadbirkorlik subyekti faoliyatini tekshirish huquqiga ega bo‘lgan mansabdor shaxslar (bundan soliq organlarining masofaviy soliq tekshiruvini o‘tkazuvchi mansabdor shaxslari mustasno);

maxsus guvohnomasining amal qilish muddati tugagan yoki shu oy mobaynida tugaydigan mansabdor shaxslar;

tadbirkorlik subyekti faoliyatini tekshirish huquqini olishga tavsiya qilingan, kamida ikki yillik (sayyor soliq tekshiruvini o‘tkazish bo‘yicha kamida uch oylik) mehnat stajiga ega bo‘lgan mansabdor shaxslar kiritiladi.

Ushbu ro‘yxatga oldin tadbirkorlik subyekti faoliyatini tekshirish huquqini olgan, biroq tadbirkorlik subyekti faoliyatini tekshirish bilan bog‘liq bo‘lmagan lavozimga tayinlangan mansabdor shaxslar, shuningdek, tadbirkorlik subyekti faoliyatini tekshirish sohasida qonunchilik buzilishi munosabati bilan bunday huquqdan mahrum etilgan mansabdor shaxslar kiritilmaydi”.

9. Vazirlar Mahkamasining 2022-yil 1-noyabrdagi 631-son qarori bilan tasdiqlangan Suv va salqin ichimliklarni ishlab chiqaruvchi tashkilotlar tomonidan majburiy raqamli markirovkalash tizimini bosqichma-bosqich joriy qilish grafigida:

4.4-pozitsiya quyidagi tahrirda bayon etilsin:

5.2-pozitsiya quyidagi tahrirda bayon etilsin: