O‘zbekiston Respublikasi Prezidentining “Qishloq xo‘jaligi sohasida davlat boshqaruvini yanada takomillashtirish chora-tadbirlari to‘g‘risida” 2024-yil 2-dekabrdagi PQ-413-son, “Qishloq xo‘jaligi hamda veterinariya va chorvachilik sohalari kadrlarining malakasini oshirish va qayta tayyorlash tizimini takomillashtirish chora-tadbirlari to‘g‘risida” 2024-yil 4-dekabrdagi PQ-420-son hamda Vazirlar Mahkamasining “Qonunchilik hujjatlarida korrupsiyaviy omillarni bartaraf etish hamda normativ-huquqiy hujjatlarni korrupsiyaga qarshi ekspertizadan o‘tkazish chora-tadbirlari to‘g‘risida” 2024-yil 11-sentabrdagi 562-son qarorlari ijrosini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin:

chigit savdosi hamda texnik chigitni viloyatlararo taqsimlash bilan bog‘liq eski tartiblarni bekor qilish;

Qishloq xo‘jaligi vazirligiga oziq-ovqat mahsulotlarini yetishtirish va oziq-ovqat xavfsizligi borasidagi qonunchilik hujjatlari ijrosini ta’minlash hamda qonun buzilishi holatlarini bartaraf etish choralarini ko‘rish vakolatini berish;

ayrim qonunchilik hujjatlaridagi o‘zaro nomuvofiqliklarni bartaraf etish.

2. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari J.A. Xodjayev zimmasiga yuklansin.

1. Vazirlar Mahkamasining “Paxta chigitini yetkazib berish va undan foydalanish mexanizmini takomillashtirish bo‘yicha qo‘shimcha chora-tadbirlar to‘g‘risida” 2006-yil 18-sentabrdagi 199-son qarorida:

a) 2-bandning uchinchi va to‘rtinchi xatboshilari chiqarib tashlansin;

b) 6-band chiqarib tashlansin.

2. Vazirlar Mahkamasining 2012-yil 26-sentabrdagi 278-son qarori bilan tasdiqlangan Oliy ta’lim muassasalari pedagog kadrlarini qayta tayyorlash va ularning malakasini oshirish mintaqaviy va tarmoq markazlari ro‘yxatining “Pedagog kadrlarni qayta tayyorlash va ularning malakasini oshirish tarmoq markazlari” bo‘limi 4-pozitsiyasi “Mintaqaviy va tarmoq markazining nomi” ustuni quyidagi tahrirda bayon etilsin:

“Qishloq xo‘jaligi sohasi kadrlarining malakasini oshirish va qayta tayyorlash instituti”.

3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zi qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasi Prezidentining ayrim hujjatlarini o‘z kuchini yo‘qotgan deb hisoblash to‘g‘risida” 2017-yil 17-oktabrdagi PF-5206-son Farmoni va O‘zbekiston Respublikasi Prezidentining “Paxtachilik tarmog‘ini boshqarish tizimini tubdan takomillashtirish chora-tadbirlari to‘g‘risida” 2017-yil 28-noyabrdagi PQ-3408-son qarori)” 2018-yil 15-fevraldagi 121-son qaroriga 1-ilovaning 6-bandi “a” kichik bandi chiqarib tashlansin.

4. Vazirlar Mahkamasining 2019-yil 27-iyundagi 532-son qarori bilan tasdiqlangan Veterinariya xizmati mutaxassislarining malakasini oshirish, ularni qayta tayyorlash va ularga malaka toifalari berish tartibi to‘g‘risidagi nizomda:

3-band quyidagi tahrirda bayon etilsin:

“3. Veterinariya va chorvachilikni rivojlantirish qo‘mitasi huzuridagi Veterinariya va chorvachilik sohasida pedagog hamda mutaxassis kadrlarni qayta tayyorlash va ularning malakasini oshirish instituti (keyingi o‘rinlarda — Institut) veterinariya xizmati mutaxassislarining malakasini oshirish bo‘yicha ta’lim jarayonini takomillashtirishning ilmiy-metodik asoslarini, o‘quv-metodik hujjatlarini ishlab chiqishni tashkil etadi hamda mexanizmlari va metodlarini belgilaydi.

Institut tomonidan veterinariya xizmati mutaxassislarini qayta tayyorlash va ularning malakasini oshirish ishlari to‘lov-kontrakt asosida, veterinariya xizmati tizimiga kiruvchi tashkilotlarning budjetdan tashqari mablag‘lari va veterinariya mutaxassislarining o‘z mablag‘lari hisobidan amalga oshiriladi”;

8-bandning oltinchi xatboshisidagi “Malaka oshirish markazining” so‘zlari “Institutning” so‘zi bilan almashtirilsin;

9-bandning ikkinchi xatboshisidagi “Malaka oshirish markazi” so‘zlari “Institut” so‘zi bilan almashtirilsin;

10-bandning birinchi xatboshisidagi “Malaka oshirish markazi” so‘zlari “Institut” so‘zi bilan almashtirilsin;

18-bandning birinchi xatboshisidagi “Markazning” so‘zi “Institutning” so‘zi bilan almashtirilsin;

25-banddagi “5 yil” so‘zi “3 yil” so‘zi bilan almashtirilsin;

40 va 42¹-bandlardagi “Malaka oshirish markazi” so‘zlari “Institut” so‘zi bilan almashtirilsin;

1-ilova quyidagi tahrirda bayon etilsin:

5. Vazirlar Mahkamasining 2019-yil 9-iyuldagi 571-son qarori bilan tasdiqlangan O‘zbekiston Respublikasi Qishloq xo‘jaligi vazirligi to‘g‘risidagi nizomda:

a) 9-bandda:

yettinchi xatboshisi chiqarib tashlansin;

sakkizinchi xatboshisi quyidagi tahrirda bayon etilsin:

“Agrosanoatni rivojlantirish agentligi”;

o‘n beshinchi xatboshisi chiqarib tashlansin;

b) 4-bob va 1-paragraf nomidagi “huquqlari” so‘zi “vakolatlari” so‘zi bilan almashtirilsin;

v) 13-bandda:

birinchi xatboshisidagi “huquqlarga” so‘zi “vakolatlarga” so‘zi bilan almashtirilsin;

quyidagi mazmundagi yigirmanchi xatboshisi bilan to‘ldirilsin:

“oziq-ovqat mahsulotlarini yetishtirish va oziq-ovqat xavfsizligini ta’minlash borasidagi qonunchilik hujjatlari ijrosini buzish holatlari sodir etilganda, ularning kelib chiqish sabablari va bunga imkoniyat yaratib berayotgan shart-sharoitlarni bartaraf etish choralarini ko‘rish”;

yigirmanchi xatboshisi quyidagi tahrirda bayon etilsin:

“Vazirlik qonunchilik hujjatlariga muvofiq boshqa vakolatlarga ham ega bo‘lishi mumkin”;

yigirmanchi xatboshisi yigirma birinchi xatboshisi deb hisoblansin.

6. Vazirlar Mahkamasining “Paxta xom ashyosi yetishtiruvchilarini moliyaviy ko‘llab-quvvatlash chora-tadbirlari to‘g‘risida” 2024-yil 13-sentabrdagi 574-son qarorining 2-bandida:

a) birinchi xatboshisidagi “O‘zbekiston fermer, dehqon xo‘jaliklari va tomorqa yer egalari kengashi” so‘zlari “O‘zbekiston fermerlari kengashi” so‘zlari bilan almashtirilsin;

b) beshinchi xatboshisi quyidagi tahrirda bayon etilsin:

“2024-yilda barcha hududlarda paxta terish mashinalari tomonidan terilgan har bir tonna paxta xomashyosini yig‘ib-terib olish xizmati bahosining 20 foizini, biroq 250 ming so‘mdan oshmagan qismini Qoraqalpog‘iston Respublikasi Vazirlar Kengashi va viloyatlar hokimliklari, O‘zbekiston fermerlari kengashi, “O‘zagroinspeksiya” va Soliq qo‘mitasining hududiy bo‘linmalari hamda tijorat banklari va paxta-to‘qimachilik klasterlari tomonidan tasdiqlangan hisob-kitoblarga asosan 2025-yilning 1-iyuligacha Jamg‘arma mablag‘lari hisobidan qoplab berish”.