Bosqichlar

Subyektlar

Tadbirlar

Bajarish muddati

1-bosqich

NNTning vakolatli yuqori organi

1. Tugatish komissiyasini tayinlaydi (tugatish komissiyasi NNT muassislari (qatnashchilari) tomonidan tayinlanishi bundan mustasno)

2. Alohida boʻlinmalarga oʻz faoliyatini toʻxtatish va tugatish ishlarini boshlash haqida koʻrsatma beradi, agar taʼsis hujjatlarida alohida boʻlinmalarni tugatish ishlari ularning rahbar organlari zimmasida yuklatilgan boʻlsa)

3. Tugatishning rejalashtirilayotgan muddatini belgilaydi.

4. Kreditorlarning talablari qondirilgandan keyin qoladigan mol-mulkning taqdirini belgilaydi.

1 — 4. Ixtiyoriy tugatish haqida qaror qabul qilingandan boshlab

5. Tugatish komissiyasi tarkibi haqidagi maʼlumotni hamda tugatish haqida NNT yuqori organi qarorini roʻyxatdan oʻtkazuvchi organga tizim orqali taqdim etadi.

5. Qaror qabul qilingandan keyin 3 ish kuni mobaynida Xalqaro hamda chel el NNTning markaziy organi qabul qilgan qarori legallashtirilgan yoki apostil qoʻyilgandan soʻng 15 kun mobaynida

2-bosqich

Roʻyxatdan oʻtkazuvchi organ

1. Tugatish komissiyasi tarkibiga eʼtirozi boʻlmasa, davlat reyestriga NNTning tugatish jarayonida ekanligi toʻgʻrisidagi maʼlumotlarni kiritadi hamda bu haqda soliq xizmati va statistika organlarini, Byuroning tuman (shahar) boʻlimini tizim orqali xabardor qiladi.

2. Agar tugatish komissiyasiga eʼtirozi mavjud boʻlsa, bu haqda NNTning yuqori organiga tizim orqali xabardor qiladi.

Hujjatlar kelib tushgan kundan soʻng 2 ish kuni mobaynida

3-bosqich

NNT muassis (qatnashchi)lari va rahbar organi aʼzolari

1. NNT faoliyati bilan bogʻliq barcha hujjatlarni, shuningdek NNTning muhr va shtamplari hamda boshqa mol-mulkini roʻyxat boʻyicha tugatish komissiyasiga topshiradi.

1. Tugatish komissiyasining tarkibi roʻyxatdan oʻtkazuvchi organ bilan kelishilgan kundan boshlab 3 ish kuni mobaynida

2. Tugatish jarayoni ishlarini amalga oshirishga kirishadi.

2. Tugatish komissiyasi tarkibi kelishilgan kundan boshlab.

Tugatish komissiyasi

3. Xizmat koʻrsatuvchi banklarga tugatish haqidagi qaror loyihasini hamda tegishli ariza-topshiriqnomalarni joʻnatadi.

3. Tugatish komissiyasi tarkibi kelishilgandan soʻng 3 kun muddat mobaynida

4-bosqich

Xizmat koʻrsatuvchi banklar

1. 2-son kartoteka amal qilishini toʻxtatadilar.

2. NNTning milliy va xorijiy valyutadagi ikkilamchi, jamgʻarma va muddatli depozit hisobvaraqlarini, yuridik shaxs hisoblanmagan alohida boʻlinmalarning hisobvaraqlarini yopadilar va ulardagi qoldiqlarni asosiy hisobvaraqqa oʻtkazadilar.

1-2. Xizmat koʻrsatuvchi banklar xabardor qilingan sanadan boshlab 1 ish kuni mobaynida

Byuroning tuman (shahar) boʻlimi

3. Ish yurituvida tugatilayotgan NNT qarzdor sifatida ishtirok etgan ijro hujjati mavjudligini aniqlashtiradi. Tegishli ijro hujjati mavjud boʻlsa, uning boʻyicha ijro ishi yuritishni qonunda belgilangan tartibda tamomlaydi va tugatish tartiboti doirasida ijro etish uchun tugatish komissiyasiga yuboradi.

3. Roʻyxatdan oʻtkazuvchi organning bildirishnomasi olingan kundan keyin 10 kun mobaynida

Soliq xizmati organi

4. NNT faoliyatini tekshirishga (taftish qilishga) kirishadi.

4. Roʻyxatdan oʻtkazuvchi organning bildirishnomasi olingan kundan boshlab 3 ish kuni mobaynida (taftish muddati 30 kalendar kundan oshmaydi)

5-bosqich

Tugatish komissiyasi

Soliq xizmati organi oʻtkazgan tekshirish natijalari hamda tuzilgan ijro hujjatlari reyestrini hisobga olgan holda oraliq tugatish balansi loyihasini tuzadi, uni tasdiqlash uchun NNT yuqori organiga taqdim etadi.

Kreditorlar tomonidan talablar taqdim etilishi uchun belgilangan muddat tugagach

6-bosqich

Tugatish komissiyasi

1. Kreditorlarning talabi eʼtirof etilgani yoki rad qilingani haqida ularni xabardor qiladi.

1. Oraliq tugatish balansi tasdiqlangandan keyin 5 ish kuni mobaynida

2. Navbat boʻyicha kreditorlarga pul summalarini toʻlaydi.

3. Hisob-kitob qilish uchun mablagʻ yetarli boʻlmasa NNT mol-mulkini sotishni tashkil etadi.

2-3. Oraliq tugatish balansi tasdiqlangan kundan boshlab

4. Ortib qolgan mol-mulkni belgilangan tartibda tasarruf etadi.

4. Kreditorlar talabi toʻliq qondirilgandan soʻng

5. Tugatish balansi loyihasini tuzadi, uni tasdiqlash uchun NNT yuqori organiga kiritadi.

5. Nodavlat notijorat tashkilotlarini tugatish tartibi toʻgʻrisidagi nizomning 25-bandida koʻrsatilgan jarayonlar yakunlangandan soʻng

6. Tugatish balansini soliq xizmati organiga topshiradi.

7. NNT qarzdor sifatida ishtirok etgan va ijro etilmagan hujjatning mavjudligi yuzasidan Byuro tuman (shahar) boʻlimi hududiy boshqarmasiga soʻrovnoma yuboradi.

6-7. Tugatish balansi tasdiqlangandan soʻng

7-bosqich

Soliq xizmati organi

1. NNTning soliqlar va boshqa majburiy toʻlovlar boʻyicha qarzi yoʻqligi haqida tugatish komissiyasiga xulosa beradi.

1. Tugatish balansini qabul qilib olgandan keyin 1 ish kuni mobaynida

Byuro tuman (shahar) boʻlimi

2. NNTning qarzdor sifatida ishtirok etgan va ijro etilmagan hujjat ish yurituvida mavjud emasligi haqida tugatish komissiyasiga yozma javob beradi.

2. Soʻrovnomani olgandan keyin 3 ish kuni mobaynida

8-bosqich

Tugatish komissiyasi

NNTning asosiy hisobvaragʻi ochilgan bankka hisobvaraqni yopish toʻgʻrisidagi ariza-topshiriqnoma bilan murojaat qiladi.

Soliq xizmati organi xulosasi va Byuro tuman (shahar) boʻlimining yozma javobi olingan kunda

9-bosqich

Asosiy hisobvaraq ochilgan bank

NNTga tegishli boʻlgan hisobvaraqni yopadi va tugatish komissiyasiga asosiy hisobvaraq yopilgani toʻgʻrisida xulosa beradi.

Ariza-topshiriqnoma qabul qilingan kundan boshlab 1 ish kuni mobaynida

10-bosqich

Tugatish komissiyasi

NNTning yuridik shaxs hisoblanmagan alohida boʻlinmalari yopilganligi haqida tegishli adliya organlariga xatlar yuboradi (agar mavjud boʻlsa).

Asosiy hisobvaraq yopilgandan keyin 3 ish kuni mobaynida

11-bosqich

Alohida boʻlinmani hisobga olgan adliya organi

1. Yuridik shaxs hisoblanmagan alohida boʻlinma yopilganligi munosabati bilan tegishli reyestrga yozuv kiritadi.

1. Xatni olgandan soʻng 3 ish kuni mobaynida

2. Tugatish komissiyasini yozma ravishda xabardor qiladi.

2. Reyestrga yozuv kiritilgandan soʻng 2 ish kuni mobaynida

12-bosqich

Tugatish komissiyasi

1. Buxgalteriya va boshqa hujjatlarni davlat arxiviga yuboradi.

2. Nodavlat notijorat tashkilotini tugatish tartibi toʻgʻrisidagi nizomning 30-bandida koʻrsatilgan hujjatlarni tizim orqali roʻyxatdan oʻtkazuvchi organga topshiradi.

Asosiy hisobvaraq yopilgandan yoki yuridik shaxs hisoblanmagan alohida boʻlinma yopilganligi hamda yuridik shaxs hisoblangan boʻlinma tugatilganligi haqida tegishli adliya organi xabarnomalari olingandan keyin 3 ish kuni mobaynida

13-bosqich

Roʻyxatdan oʻtkazuvchi organ

1. Davlat reyestriga tizim orqali NNT tugatilganligi toʻgʻrisida yozuv kiritadi.

1. Barcha hujjatlar olingandan keyin 5 ish kuni mobaynida

2. Tugatish komissiyasi, soliq xizmati va statistika organlarini tizim orqali xabardor qiladi.

3. NNTning litsenziya va ruxsatnomalarini (agar mavjud boʻlsa) ularni bergan organlarga topshiradi.

2-3. Davlat reyestriga tegishli yozuv kiritilgandan keyin 2 ish kuni mobaynida

”.

Bosqichlar

Subyektlar

Tadbirlar

Bajarish muddati

1-bosqich

Sud

Fuqarolik kodeksining 54-moddasiga muvofiq, roʻyxatdan oʻtkazuvchi organ bilan kelishilgan holda tugatish komissiyasini tayinlaydi.

NNTni tugatish toʻgʻrisida qaror qabul qilinganda

2-bosqich

Tugatish komissiyasi

NNTning tugatish toʻgʻrisidagi sud qarorining nusxasini roʻyxatdan oʻtkazuvchi organga tizim orqali taqdim etadi.

Sudning qarorini olgan kundan boshlab 3 ish kuni mobaynida

3-bosqich

Roʻyxatdan oʻtkazuvchi organ

Yuridik shaxslarning yagona davlat reyestriga NNTning tugatish jarayonida ekanligi toʻgʻrisidagi maʼlumotlarni kiritadi hamda bu haqda NNT davlat roʻyxatidan oʻtkazilgan joydagi soliq organi va statistika organlarini, shuningdek Byuroning tuman (shahar) boʻlimini tizim orqali xabardor qiladi.

NNTni tugatish toʻgʻrisida sud qarori nusxasini olgandan soʻng 2 ish kuni mobaynida

4-bosqich

NNT muassis (qatnashchi)lari va rahbar organi aʼzolari

1. NNT faoliyati bilan bogʻliq barcha hujjatlarni, shuningdek, NNTning muhr va shtamplarini hamda boshqa mol-mulkini roʻyxat boʻyicha tugatish komissiyasiga topshiradi.

1. Sudning qarori qonuniy kuchga kirgan vaqtdan boshlab 3 ish kuni mobaynida

2. Tugatish jarayoni ishlarini amalga oshirishga kirishadi.

2. Sudning qarori qonuniy kuchga kirgan vaqtdan eʼtiboran

Tugatish komissiyasi

3. Xizmat koʻrsatuvchi banklarga tugatish haqidagi qaror nusxasi hamda tegishli ariza-topshiriqnomalarni joʻnatadi.

3. Sudning qarori qonuniy kuchga kirgandan soʻng 3 kun muddat mobaynida

5-bosqich

Xizmat koʻrsatuvchi banklar

1. 2-son kartoteka amal qilishini toʻxtatadilar.

2. NNTning milliy va xorijiy valyutadagi ikkilamchi, jamgʻarma va muddatli depozit hisobvaraqlarini, yuridik shaxs hisoblanmagan alohida boʻlinmalarning hisobvaraqlarini yopadilar va ulardagi qoldiqlarni asosiy hisobvaraqqa oʻtkazadilar.

1-2. Xizmat koʻrsatuvchi banklar xabardor qilingan sanadan boshlab 1 ish kuni mobaynida.

Byuroning tuman (shahar) boʻlimlari

3. Ish yurituvida tugatilayotgan NNT qarzdor sifatida ishtirok etgan ijro hujjati mavjudligini aniqlashtiradi. Tegishli ijro hujjati mavjud boʻlsa, uning boʻyicha ijro ishi yuritishni qonunda belgilangan tartibda tamomlaydi va tugatish tartiboti doirasida ijro etish uchun tugatish komissiyasiga yuboradi.

3. Roʻyxatdan oʻtkazuvchi organning bildirishnomasi olingan kundan keyin 10 kundan kechiktirmay.

Soliq xizmati organi

4. NNT faoliyatini tekshirishga (taftish qilishga) kirishadi.

4. Roʻyxatdan oʻtkazuvchi organning bildirishnomasi olingan kundan boshlab 3 ish kuni mobaynida (taftish muddati 30 kalendar kundan oshmaydi)

6-bosqich

Tugatish komissiyasi

1. Soliq xizmati organi oʻtkazgan tekshirish natijalari hamda tuzilgan ijro hujjatlari reyestrini hisobga olgan holda oraliq tugatish balansi loyihasini tuzadi, uni kelishish uchun roʻyxatdan oʻtkazuvchi organga yuboradi.

1. Kreditorlar tomonidan talablar taqdim etilishi uchun belgilangan muddat tugagach

2. Oraliq tugatish balansi loyihasi yuzasidan bir hafta muddat mobaynida eʼtiroz bildirilmagan taqdirda uni tasdiqlaydi.

2. Roʻyxatdan oʻtkazuvchi organ loyihani qabul qilib olgan kundan eʼtiboran 1 haftadan soʻng

7-bosqich

Tugatish komissiyasi

1. Kreditorlarning talabi eʼtirof etilgan yoki rad qilingan haqida ularni xabardor qiladi.

1. Oraliq tugatish balansi tasdiqlangan keyin 5 ish kuni mobaynida

2. Nodavlat notijorat tashkilotlarini tugatish tartibi toʻgʻrisidagi nizomning 19-bandida koʻrsatilgan navbat boʻyicha kreditorlarga pul summalarini toʻlaydi.

3. Hisob-kitob qilish uchun mablagʻ yetarli boʻlmasa NNT mol-mulkini sotishni tashkil etadi.

2-3. Oraliq tugatish balansi tasdiqlangan kundan boshlab

4. Ortib qolgan mol-mulkni sud qarorida koʻrsatilgan yoʻnalishlarga sarflaydi.

5. Agar sud qarorida mol-mulk taqdiri hal etilmagan boʻlsa, uning taqdirini hal qilish yuzasidan sudga ariza bilan murojaat qiladi.

4-5. Kreditorlar talabi toʻliq qondirilgandan soʻng

6. Tugatish balansi loyihasini tuzadi va uning kelishish uchun roʻyxatdan oʻtkazuvchi organga joʻnatadi.

6. Kreditorlar talabi toʻliq qondirilgandan soʻng 5 ish kuni mobaynida Nodavlat notijorat tashkilotlarini tugatish tartibi toʻgʻrisidagi nizomning 25-bandida koʻrsatilgan jarayonlar yakunlangandan soʻng

7. Tugatish balansi loyihasi yuzasidan bir hafta muddatda eʼtiroz bildirilmagan taqdirda tasdiqlaydi.

7. Roʻyxatdan oʻtkazuvchi organ loyihani qabul qilib olgan kundan boshlab 1 haftadan soʻng

8. Tugatish balansini soliq xizmati organiga topshiradi.

9. NNT qarzdor sifatida ishtirok etgan va ijro etilmagan hujjatning mavjudligi yuzasidan Byuroning hududiy boʻlimiga soʻrovnoma yuboradi.

8-9. Tugatish balansi tasdiqlangandan soʻng

8-bosqich

Soliq xizmati organi,

1. NNTning soliqlar va boshqa majburiy toʻlovlar boʻyicha qarzi yoʻqligi haqida tugatish komissiyasiga xulosa beradi.

1. Tugatish balansi qabul qilib olgandan keyin 1 ish kuni mobaynida

Byuroning hududiy boshqarmasi

2. NNT qarzdor sifatida ishtirok etgan va ijro etilmagan hujjat ish yurituvida mavjud emasligi haqida tugatish komissiyasiga yozma javob beradi.

2. Soʻrovnoma olgandan soʻng 3 ish kuni mobaynida

9-bosqich

Tugatish komissiyasi

NNTning asosiy hisobvaragʻi ochilgan bankka hisobvaraqni yopish toʻgʻrisidagi ariza-topshiriqnoma bilan murojaat qiladi.

Soliq xizmati organining xulosasi hamda Byuroning hududiy boshqarmasining yozma javobi olingan kunda

10-bosqich

Asosiy hisobvaraq ochilgan bank

NNTga tegishli boʻlgan hisobvaraqni yopadi va tugatish komissiyasiga asosiy hisobvaraq yopilgani toʻgʻrisida xulosa beradi.

Ariza-topshiriqnoma qabul qilingan kundan boshlab 1 ish kuni mobaynida

11-bosqich

Tugatish komissiyasi

NNTning yuridik shaxs hisoblanmagan alohida boʻlinmalari yopilganligi haqida tegishli adliya organlariga xatlar yuboradi (agar mavjud boʻlsa)

Asosiy hisobvaraq yopilgandan keyin 3 ish kuni mobaynida

12-bosqich

Alohida boʻlinmani hisobga olgan adliya organi

1. Yuridik shaxs hisoblanmagan alohida boʻlinma yopilganligi munosabati bilan tegishli reyestrga yozuv kiritadi.

1. Xatni olgandan soʻng 3 ish kuni mobaynida

2. Tugatish komissiyasini yozma ravishda xabardor qiladi.

2. Reyestrga yozuv kiritilgandan soʻng 2 ish kuni mobaynida

13-bosqich

Tugatish komissiyasi

1. Buxgalteriya va boshqa hujjatlarni davlat arxiviga topshiradi.

2. Nodavlat notijorat tashkilotlarini tugatish tartibi toʻgʻrisidagi nizomning 30-bandida koʻrsatilgan hujjatlarni tizim orqali roʻyxatdan oʻtkazuvchi organga topshiradi.

Asosiy hisobvaraq yopilgandan yoki yuridik shaxs hisoblanmagan alohida boʻlinma yopilganligi hamda yuridik shaxs hisoblangan boʻlinma tugatilganligi haqida tegishli adliya organi xabarnomalari olingandan keyin 3 ish kuni mobaynida

14-bosqich

Roʻyxatdan oʻtkazuvchi organ

1. Davlat reyestriga tizim orqali NNT tugatilganligi toʻgʻrisida yozuv kiritadi.

1. Barcha hujjatlar olingan keyin 5 ish kuni mobaynida

2. Tugatish komissiyasi, soliq xizmati va statistika organlarini tizim orqali xabardor qiladi.

3. NNTning litsenziya va ruxsatnomalarni (agar mavjud boʻlsa) ularni bergan organlarga topshiradi.

2-3. Davlat reyestriga tegishli yozuv kiritilgandan keyin 2 ish kuni mobaynida

”;

T/r

Nomi

Reyestr tartib raqami

Davlat roʻyxatidan oʻtkazilgan sana

Qayta roʻyxatdan oʻtkazish sanasi

NNT yuridik manzili (toʻliq)

STIR

KTUT

Reyestrga yozuv kiritgan shaxsning FIO va sanasi

1

2

3

4

5

6

7

8

9

1.

2.

3.

”.

1.

Ruxsat etish xususiyatiga ega hujjatning nomi:

Maxsus kiritiladigan biologik aktiv moddalar, yangi kimyoviy moddalar, oziq-ovqat qoʻshimchalari, biologik vositalar va materiallar, polimer va plastik massalar, parfyumeriya-kosmetika mahsulotini olib kirish hamda ishlab chiqarish uchun ruxsatnoma

2.

Ruxsatnoma beriladigan obyekt (harakat, faoliyat, tovar va boshqalar):

Maxsus kiritiladigan biologik aktiv moddalar, yangi kimyoviy moddalar, oziq-ovqat qoʻshimchalari, biologik vositalar va materiallar, polimer va plastik massalar, parfyumeriya-kosmetika mahsulotini olib kirish hamda ishlab chiqarish

3.

Ariza beruvchilar toifasi:

Jismoniy va yuridik shaxslar (yakka tartibdagi tadbirkorlar)

4.

Ruxsat etish tartib-taomillari sohasidagi vakolatli organ:

Sogʻliqni saqlash vazirligi

5.

Ruxsat etish xususiyatiga ega hujjatni olish uchun taqdim etiladigan hujjatlar:

Ariza.

Arizada quyidagilar koʻrsatiladi:

yuridik shaxs uchun — nomi, soliq toʻlovchining identifikatsiya raqami (keyingi oʻrinlarda — STIR), pochta manzili, elektron pochta manzili (agar mavjud boʻlsa), xizmat koʻrsatuvchi bankning nomi va hisobvaragʻi, telefon raqami, faoliyatini amalga oshirish joyi (yuridik va ishlab chiqarish manzillari);

jismoniy shaxs uchun — F.I.O., JSHSHIR, pochta manzili, elektron pochta manzili (agar mavjud boʻlsa), xizmat koʻrsatuvchi bankning nomi va hisobvaragʻi, telefon raqami, faoliyatini amalga oshirish joyi (yuridik va ishlab chiqarish manzillari).

1. Maxsus kiritiladigan biologik aktiv moddalarga ruxsatnoma olish uchun:

a) maxsus kiritiladigan biologik aktiv moddalarni olib kirish uchun:

ishlab chiqaruvchi-tashkilot tomonidan, ishlab chiqaruvchining nomidan ariza berish va ruxsatnoma olish uchun vakolat berilgan ishonchli shaxs (ariza beruvchi) nomiga berilgan ishonchnoma;

biologik faol qoʻshimchalarning xavfsizlik sertifikati yoki ishlab chiqaruvchi joylashgan davlatda roʻyxatdan oʻtganligi toʻgʻrisidagi guvohnoma;

biologik faol qoʻshimchalarning davlat tilida maʼlumotlari yoritilgan qadoq oʻramlari yoki ularning loyihasi;

biologik faol qoʻshimchalarning tarkibiy qismi, qoʻllanishi boʻyicha yoʻriqnoma va qoʻllashga moyillik koʻrsatuvchi maʼlumotlar (biologik faol qoʻshimchalarning tarkibida oʻsimlik qismlari boʻlganda, ularning botanik nomlari (lotin tilida) taqdim etiladi);

biologik faol qoʻshimchalarning inson organizmi uchun samaradorligini eksperimental laboratoriya modellashtirish usulida baholash xulosasi;

biologik faol qoʻshimchalarning kimyoviy tarkibi (faol modda va yordamchi vositalar) koʻrsatilgan Oʻzbekiston Respublikasi hududida joylashgan akkreditatsiyadan oʻtgan laboratoriya xulosasi;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

b) maxsus kiritiladigan biologik aktiv moddalarni ishlab chiqarish uchun:

mahsulotlarning davlat tilida maʼlumotlari yoritilgan qadoq oʻramlari yoki ularning loyihasi;

biologik faol qoʻshimchalarning tarkibiy qismi, qoʻllanishi boʻyicha yoʻriqnoma va qoʻllashga moyillik koʻrsatuvchi maʼlumotlar (ovqatga biologik faol qoʻshimchalarning tarkibida oʻsimlik qismlari boʻlganda, ularning botanik nomlari (lotin tilida), qoʻshimcha farmokopeya maqolalar va (yoki) davlat standartlari (mavjud boʻlganda) taqdim etiladi);

biologik faol qoʻshimchalarning inson organizmi uchun samaradorligini eksperimental laboratoriya modellashtirish usulida baholash xulosasi;

biologik faol qoʻshimchalarning kimyoviy tarkibi (faol modda va yordamchi vositalar) koʻrsatilgan akkreditatsiyadan oʻtgan laboratoriya xulosasi;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

milliy standart;

Oʻzbekiston Respublikasi Bosh davlat sanitariya vrachi bilan kelishilgan texnologik yoʻriqnoma va retseptura.

2. Oziq-ovqat qoʻshimchalariga ruxsatnoma olish uchun:

a) oziq-ovqat qoʻshimchalarini olib kirish uchun:

oziq-ovqat qoʻshimchalarining tarkibiy qismi, qoʻllanish sohasi va meʼyorlari koʻrsatilgan tavsifnomasi;

xavfsizlik sertifikati va ishlab chiqaruvchi joylashgan davlatda roʻyxatdan oʻtganligi toʻgʻrisidagi guvohnoma;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

b) oziq-ovqat qoʻshimchalarini ishlab chiqarish uchun:

oziq-ovqat qoʻshimchalarining tarkibiy qismi, qoʻllanish sohasi va meʼyorlari koʻrsatilgan tavsifnomasi;

mahsulotlarning davlat tilida maʼlumotlari yoritilgan qadoq oʻramlari yoki ularning loyihasi;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

milliy standart;

Oʻzbekiston Respublikasi Bosh davlat sanitariya vrachi bilan kelishilgan texnologik yoʻriqnoma va retseptura.

3. Yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotlariga ruxsatnoma olish uchun:

a) yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotlarini olib kirish uchun:

yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotining davlat tilida maʼlumotlar yoritilgan qadoq oʻramlari yoki ularning loyihasi;

yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotining tarkibiy qismi, qoʻllanish sohasi va meʼyorlari koʻrsatilgan tavsifnomasi;

yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotining xavfsizlik sertifikati yoki ishlab chiqaruvchi joylashgan davlatda roʻyxatdan oʻtganligi toʻgʻrisidagi guvohnoma;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

b) yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotlarini ishlab chiqarish uchun:

yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotlarining davlat tilida maʼlumotlar yoritilgan qadoq oʻramlari yoki ularning loyihasi;

yangi kimyoviy moddalar, biologik vositalar va materiallar, polimer va plastik massalar, parfyumeriya-kosmetika mahsulotlarining tarkibiy qismi, qoʻllanish sohasi va meʼyorlari koʻrsatilgan tavsifnomasi;

akkreditatsiyadan oʻtgan laboratoriyaning toksikologiya-gigiyenik baholash hisoboti (laboratoriya majmuasi bilan tuzilgan shartnoma va hisob-faktura ilovasi bilan);

xalqaro yoki milliy standartlari;

Oʻzbekiston Respublikasi Bosh davlat sanitariya vrachi bilan kelishilgan texnologik yoʻriqnoma va retseptura.

6.

Arizani koʻrib chiqish uchun toʻlanadigan yigʻim miqdori:

Bazaviy hisoblash miqdorining 1 baravari

7.

Ruxsat etish xususiyatiga ega hujjat berilganligi uchun undiriladigan yigʻim:

Bazaviy hisoblash miqdorining 2 baravari

8.

Arizani koʻrib chiqish muddati:

15 ish kuni

9.

Ruxsat etishga oid talab va shartlar:

a) Maxsus kiritiladigan biologik aktiv moddalar, yangi kimyoviy moddalar, oziq-ovqat qoʻshimchalari, biologik vositalar va materiallar, polimer va plastik massalar, parfyumeriya-kosmetika mahsulotini olib kirish hamda ishlab chiqarishga ruxsatnoma olish uchun murojaat qilgan ariza beruvchi tomonidan mahsulotlarning amaliyotda qoʻllanilishida qonunchilik hujjatlariga rioya etish;

b) ruxsatnomani olish, qayta rasmiylashtirish va muddatini uzaytirish uchun taqdim etiladigan maʼlumotlarning ishonchliligini taʼminlash;

v) ruxsatnomaning amal qilish davrida ariza beruvchi tomonidan vakolatli organga roʻyxatdan oʻtkazish hujjatlariga oʻzgartirish yoki qoʻshimchalar kiritish toʻgʻrisidagi toʻliq maʼlumotlarni taqdim etish;

g) mahsulotlarga doir texnik jihatdan tartibga solish sohasidagi normativ hujjatlar talablariga, ushbu mahsulotlarni roʻyxatdan oʻtkazish hujjatlarida keltirilgan talablarga qatʼiy rioya etish;

d) mahsulotlarni olib kirish va ishlab chiqarish faoliyatini ruxsatnoma doirasida amalga oshirish;

e) vakolatli organ tomonidan koʻrsatilgan kamchiliklarni oʻz vaqtida bartaraf etish;

j) ishlab chiqarilayotgan mahsulotlar tarkibiga oʻzgartirish va qoʻshimchalar kiritilgan hollarda, bu haqda vakolatli organni xabardor etish va ruxsatnomaga oʻzgartirish kiritish hamda roʻyxatdan oʻtkazish uchun murojaat etish;

z) retsepturada keltirilgan tarkib va laboratoriya tekshiruvida aniqlangan tarkibning oʻzaro muvofiq boʻlishi;

i) biologik faol qoʻshimchalarning kimyoviy tarkibi (faol modda va yordamchi vositalar) koʻrsatilgan akkreditatsiyadan oʻtgan laboratoriya xulosasi va texnik jihatdan tartibga solish sohasidagi normativ hujjatlarga muvofiq boʻlishi;

k) toksikologiya-gigiyenik laboratoriya tekshiruvlari natijasi boʻyicha ijobiy xulosa boʻlishi;

l) quyidagilar taqiqlanadi:

mahsulotlar qadoq oʻramlaridagi yorliqlariga oʻzgartirishlar kiritish;

bitta retseptura asosida tayyorlangan mahsulotni qayta turli nomlar bilan nomlash;

turli xil tarkibga ega boʻlgan mahsulotlarni bir xil nom bilan nomlash;

yangi mahsulotni ishlab chiqarishda taqiqlangan xomashyolardan foydalanish.

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati

5 yil

12.

Izoh:

Talabgorda ayni bir vaqtda bitta ruxsatnoma boʻlishi mumkin.

Ishlab chiqarish korxonasining mahsulotlarni ishlab chiqarish jarayonida meʼyoriy hujjatlariga tegishli oʻzgartirish va qoʻshimchalar kiritilganda vakolatli organ xabardor qilinishi lozim.

Quyidagi hollarda biologik faol qoʻshimchalarni ruxsatnoma olmasdan olib kirishga ruxsat etiladi:

shaxsiy ehtiyojlarda foydalanish uchun suyuq holatida va sirop shaklida — 10 ta flakonda, kukun holatida — 0,5 kg, tabletka — 100 dona, kapsula — 100 dona yoki 4 dona PET idishlarda, quritilgan holatda (oʻsimlik guli, tana qismi va ildizi) — 0,5 kg;

koʻrgazmalar, yarmarkalar uchun namunalar, eksponatlar va reklama materiallari sifatida import qilingan mahsulotlar;

roʻyxatdan oʻtkazish maqsadida sinov va tadqiqot uchun, shuningdek, laboratoriyalararo solishtiruv sinovlarini oʻtkazish uchun namuna sifatida olib kiriladigan mahsulotlar. Bunda biologik faol qoʻshimchalarni belgilangan maqsadlarda foydalanish uchun javobgarlik ushbu mahsulotlarni olib kirgan shaxs zimmasiga yuklatiladi.

1.

Ruxsat etish xususiyatiga ega hujjatning nomi:

Madaniy boyliklarni Oʻzbekiston Respublikasidan olib chiqish yoki vaqtincha olib chiqish huquqini beruvchi sertifikat

2.

Amalga oshirilishi uchun ruxsat etish xususiyatiga ega hujjatni olish talab etiladigan faoliyat (harakatlar):

Madaniy boyliklarni Oʻzbekiston Respublikasidan olib chiqish yoki vaqtincha olib chiqish huquqini beruvchi sertifikat olish

3.

Ariza beruvchilar toifasi:

Yuridik va jismoniy shaxslar

4.

Ruxsat etish tartib-taomillari sohasidagi vakolatli organ:

Oʻzbekiston Respublikasi Madaniy meros agentligi

5.

Ruxsat etish xususiyatiga ega hujjatni olish uchun taqdim qilinadigan hujjatlar:

a) Madaniy boyliklarni Oʻzbekiston Respublikasidan olib chiqish va vaqtincha olib chiqish huquqini beruvchi sertifikat olish uchun ularning egasi oldindan Madaniy meros agentligiga ariza beradi.

Arizaga:

jismoniy shaxs uchun — F.I.O, yashash manzili;

yuridik shaxs uchun — nomi, STIR, pochta manzili, elektron pochta manzili (agar mavjud boʻlsa), xizmat koʻrsatuvchi bankning nomi va hisobvaragʻi, telefon raqami;

olib chiqib ketiladigan ashyolarning roʻyxati;

matbaa asarlari olib chiqilishi uchun ularning roʻyxati (ikki nusxada);

sugʻurta xavflarining barcha hollari taʼminlangan holda vaqtincha olib chiqilayotgan madaniy boyliklar mulkiy sugʻurta shartnomasining sugʻurta polisi (guvohnoma, sertifikat, toʻlov pattasi);

vaqtincha olib chiqilayotgan musiqa asboblarining pasportlari (doimiy yashash uchun joʻnab ketish bundan mustasno);

xorijiy mamlakatlarda ishlab chiqarilgan zamonaviy fortepiano asboblari uchun ekspert xulosasi (MDH mamlakatlari uchun talab qilinmaydi);

madaniy boylikning ikki xilda (old va orqasi) olingan kamida 4 ta fotosurati;

b) davlat muzeylari, kutubxonalari, davlatning boshqa saqlash joylari tomonidan madaniy boyliklarni vaqtincha olib chiqish toʻgʻrisidagi sertifikatni olish uchun Madaniy meros agentligiga ariza beradi.

Arizaga:

madaniy boyliklarning vaqtincha olib chiqilishining maqsadlari, muddatlari va shartlari toʻgʻrisida qabul qiluvchi tomon bilan tuzilgan shartnoma;

sugʻurta xavflarining barcha hollari taʼminlangan holda vaqtincha olib chiqilayotgan madaniy boyliklar mulkiy sugʻurta shartnomasining sugʻurta polisi (guvohnoma, sertifikat, toʻlov pattasi);

qabul qiluvchi mamlakat davlat organlarining vaqtincha olib chiqilayotgan madaniy boyliklarning saqlanishi va oʻz vaqtida qaytarilishi xususidagi yozma kafolatlari;

madaniy boyliklarning roʻyxati;

madaniy boylikning ikki xilda (old va orqasi) olingan kamida 4 ta fotosurati.

6.

Arizani koʻrib chiqish uchun toʻlanadigan yigʻim miqdori:

Yigʻim undirilmaydi

7.

Ruxsat etish xususiyatiga ega hujjat berilganligi uchun undiriladigan yigʻim:

Madaniy boyliklar badiiy ekspertizasini oʻtkazish va hujjatlarni rasmiylashtirish uchun maxsus yigʻim bazaviy hisoblash miqdorining 2 % — 100 % gacha

8.

Arizani koʻrib chiqish muddati:

3 ish kuni

9.

Ruxsat etishga oid talab va shartlar:

“Madaniy boyliklarning olib chiqilishi va olib kirilishi toʻgʻrisida”gi Oʻzbekiston Respublikasining Qonuni va Vazirlar Mahkamasining “Oʻzbekiston Respublikasida madaniy boyliklarning olib chiqilishi va olib kirilishi masalalarini tartibga solish toʻgʻrisida” 1999-yil 23-martdagi 131-son qarori talablariga rioya qilish

10.

Ruxsat etish xususiyatiga ega hujjatni berishda kelishiladigan organlar:

Mavjud emas

11.

Ruxsat etish xususiyatiga ega hujjatning amal qilish muddati:

Madaniy boyliklarni Oʻzbekiston Respublikasidan olib chiqish huquqini beruvchi sertifikat muddati — 3 oy.

Madaniy boyliklarni Oʻzbekiston Respublikasidan vaqtincha olib chiqish huquqini beruvchi sertifikat muddati mazkur sertifikatning muddatiga muvofiq belgilanadi.

12.

Izoh:

Ellik yil muqaddam va undan ham oldinroq yaratilgan madaniy boyliklarni Oʻzbekiston Respublikasidan olib chiqilishiga sertifikat berilmaydi.

Madaniy boyliklarni Oʻzbekiston Respublikasidan vaqtincha olib chiqish huquqini beruvchi sertifikat olishda talab qilingan hujjatlar toʻliq taqdim qilinmagan taqdirda sertifikat berilmaydi.

Ushbu pasportning 7-bandida nazarda tutilgan maxsus yigʻim miqdori madaniy boylikning soni, uning yaratilgan davri, materiali va boshqa xususiyatlaridan kelib chiqib, Madaniy meros agentligining mutaxassislari tomonidan belgilanadi.

Oʻzbekiston Respublikasidan olib chiqilayotgan va vaqtincha olib chiqilayotgan madaniy boyliklarning oʻzini Madaniy meros agentligiga alohida taqdim qilish shart.

”.

1.

Xabarnoma nomi:

Nodavlat arxivlarni tashkil etish boʻyicha faoliyatni boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turlari:

a) arxiv hujjatlarini jamlash, saqlash, hisobini yuritish, ulardan foydalanish;

b) nodavlat elektron arxivlar faoliyatini tashkil etish (hujjatlarni elektron arxivlash (saqlash) xizmatlarini koʻrsatuvchi nodavlat arxivlarning maʼlumotlar uzatish tarmoqlari xizmatlarini koʻrsatish).

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ:

Oʻzbekiston Respublikasi Adliya vazirligi huzuridagi “Oʻzarxiv” agentligi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab qilinadigan maʼlumotlar:

a) yuridik shaxsning nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) nodavlat arxivlar tashkil etiladigan manzil(lar).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari:

Oʻzbekiston Respublikasi Adliya vazirligi huzuridagi “Oʻzarxiv” agentligi

8.

Xabarnoma yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) nodavlat arxivlarni tashkil etish boʻyicha umumiy talablar:

arxivlar faoliyatini tashkil etish boʻyicha maxsus kurslarda tahsil olgan mutaxassislar faoliyat koʻrsatishi;

Milliy arxiv fondining davlatga tegishli qismi tarkibiga kiritilgan arxiv hujjatlarini jamlash, hisobga olish, saqlash va ulardan foydalanish faoliyati bilan shugʻullanmaslik;*

davlat yongʻin nazorati organlari tomonidan mavjud binolar va xonalarning yongʻin xavfsizligi talablariga muvofiqligi toʻgʻrisidagi xulosaning mavjudligi (sanasi va raqami);

Vazirlar Mahkamasining 2012-yil 5-apreldagi 101-son qarori bilan tasdiqlangan Arxiv hujjatlarini jamlash, davlat hisobiga olish, saqlash va ulardan foydalanish tartibi toʻgʻrisidagi nizomda belgilangan talablarga rioya qilish;*

b) nodavlat arxivlar tomonidan hujjatlarni elektron arxivlash (saqlash) xizmatlari (maʼlumotlar uzatish tarmoqlari xizmatlari sifatida) koʻrsatilganda:

nodavlat arxiv shtatida elektron arxiv va raqamlashtirish boʻlinmasi va/yoki xodimlar mavjudligi;

elektron arxiv tizimining apparat va dasturiy taʼminoti mavjudligi, elektron arxiv fondlari va hujjatlarini yaratish uchun zarur vositalar, jumladan, raqamlashtirish qurilmalari va dasturlari mavjudligi, elektron arxiv hujjatlarining formatlari, saqlash talablariga mosligi, elektron arxiv hujjatlarini qidirish, boshqarish va ishlov berish imkoniyati mavjudligi;*

elektron arxiv tizimiga ruxsat etilmagan shaklda kirishni boshqarish vositalari mavjudligi, tizimning zaxiralash imkoniyati va avariya holatlarida maʼlumotlarni tiklash imkoniyati mavjudligi, axborot xavfsizligini himoya qilish vositalari bilan taʼminlanganligi.*

10.

Izoh:

Nodavlat arxivlar faoliyatini tashkil etish boʻyicha:

nodavlat arxivlarni qayta tashkil etishda mulkdor (muassis) arxiv hujjatlarining holati (joylashgan joyi, tarkibi, miqdori va taqsimlanishi) toʻgʻrisidagi axborotni “Oʻzarxiv” agentligiga qayta tashkil etish boshlanishidan kamida 1 oy oldin yuborishi lozim;

nodavlat arxiv tugatilayotganda arxivning mulkdorlari (muassislari) mazkur arxivning arxiv fondlarini boshqa arxivlarga belgilangan tartibda oʻz vaqtida topshirish uchun tegishli chora-tadbirlarni koʻrishlari shart;*

arxiv hujjatlarini topshirish va ularning boshqa arxivda keyinchalik saqlanishi bilan bogʻliq barcha xarajatlar tugatilayotgan arxiv yoki uning mulkdorlari hisobidan amalga oshiriladi;

arxiv hujjatlarining but saqlanishini taʼminlash va ularning keyinchalik saqlanish joyi toʻgʻrisidagi masalani hal etish maqsadida yigʻmajildlar va mol-mulkni topshirish uchun tuzilgan tugatish komissiyasi tarkibiga majburiy tartibda tegishli “Oʻzarxiv” agentligining arxiv ishi hududiy boshqarmasining vakili kiritiladi;

arxivlar tugatilayotganda alohida olingan arxiv fondini turli arxivlar, shu jumladan, idoraviy arxivlar oʻrtasida, uni boʻlgan holda taqsimlash taqiqlanadi;

arxiv hujjatlarini, shu jumladan, tugatilgan arxiv fondining asosiy hisobga olish hujjatlarini qabul qilgan arxiv olingan arxiv hujjatlarining roʻyxatdan oʻtkazilishi va uning saqlanishi yaxlitligini taʼminlashi kerak;

arxiv mulkdori saqlashga qabul qilingan va boshqa arxivlarga topshirilishi lozim boʻlgan arxiv hujjatlarining but saqlanishi va yaxlitligi uchun shaxsan javobgar hisoblanadi;

kasbiy kompetentlik toʻgʻrisidagi guvohnomaga ega boʻlmagan ishchi va xodimlar tomonidan tashkilotlarning hujjatlarini tartibga keltirishga yoʻl qoʻyilmaydi.*

*Qoʻpol ravishda buzish deb hisoblanadigan talab va shartlar.

1.

Xabarnoma nomi:

Xalqaro kuryerlik joʻnatmalarini yetkazib berish boʻyicha faoliyatni boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Xalqaro kuryerlik joʻnatmalarini yetkazib berish faoliyati

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Iqtisodiyot va moliya vazirligi huzuridagi Bojxona qoʻmitasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat olib borilayotgan manzilning mulk huquqi yoki ijara asosida faoliyat yuritayotganligi toʻgʻrisida maʼlumot (kadastr raqami);

e) shtatida mavjud mutaxassislar haqida maʼlumot (JSHSHIR, pasport (ID karta) seriyasi va raqami, ishga qabul qilinganligi haqida buyruq raqami va sanasi);

j) kamida bir nafar mutaxassisining xalqaro kuryerlik joʻnatmalarini bojxona rasmiylashtiruvi boʻyicha oʻquv tashkilotlarida Bojxona qoʻmitasi tomonidan tasdiqlangan oʻquv rejasi asosida oʻqiganligi toʻgʻrisidagi malaka sertifikati raqami va sanasi (PDF yoki JPEG formatdagi) nusxasi*;

z) bazaviy hisoblash miqdorining ming baravari miqdorida bojxona toʻlovlari toʻlanishini taʼminlanganligini tasdiqlovchi hujjat raqami va sanasi (sugʻurta polisi, bank kafolati va h.k) va nusxasi (PDF yoki JPEG formatdagi)**.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Iqtisodiyot va moliya vazirligi huzuridagi Bojxona qoʻmitasi;

Kambagʻallikni qisqartirish va bandlik vazirligi;

Soliq qoʻmitasi;

Iqtisodiyot va moliya vazirligi huzuridagi Kadastr agentligi;

Adliya vazirligi huzuridagi Personallashtirish agentligi;

Istiqbolli loyihalar milliy agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) xorijiy hamkoriga koʻrsatadigan xizmatlarni oʻzaro tuzilgan shartnoma asosida amalga oshirishi;

b) bazaviy hisoblash miqdorining ming baravari miqdorida bojxona toʻlovlari toʻlanishi taʼminlanganligi**;

v) joʻnatilayotgan va yetkazib berilayotgan tovarlar hisobini yuritish hamda trek raqamlari orqali qaysi maqomda turganligini kuzatish imkonini beruvchi axborot tizimi mavjud boʻlishi hamda ushbu tizim bojxona organlarining axborot tizimiga integratsiya qilinishi;

g) xalqaro kuryerlik joʻnatmalari orqali yuborilishi taqiqlangan buyumlar va moddalar toʻgʻrisidagi qonunchilik talablariga rioya etilishi;

d) shaxsga doir maʼlumotlar toʻgʻrisidagi qonunchilik talablariga rioya etilishini va maʼlumotlar xavfsizligini taʼminlash;

e) joʻnatmalarni tushirish, ortish, ularga ishlov berish hamda xavfsiz saqlanishi uchun 50 m²dan kam boʻlmagan maxsus joylar boʻlishi;

j) maxsus joylar uch oy davomida saqlanadigan uzluksiz videokuzatuv tizimi bilan jihozlangan boʻlishi va saqlangan videotasvirlar bojxona organlari talabiga koʻra taqdim etilishi;

z) joʻnatmalarni tashish uchun maxsus jihozlangan avtotransport vositasi boʻlishi (shaxsiy yoki ijara asosida);

i) shtatida ikki va undan ortiq joʻnatmalar bilan bevosita ishlovchi mutaxassislar boʻlishi;

k) mutaxassislar ishga qabul qilinganda yoki mavjudlari ishdan boʻshatilganda Iqtisodiyot va moliya vazirligi huzuridagi Bojxona qoʻmitasini xabardor qilish;

l) bojxona organi tomonidan soʻralgan hujjat va maʼlumotlarni qonunchilikda belgilangan muddatda taqdim etilishini taʼminlashi (qonunchilik hujjatlarida talab etilishi belgilanmagan yoki taqdim etish kuryerlik tashkiloti vakolatiga kirmaydigan hujjatlar va maʼlumotlar bundan mustasno);

m) kuryerlik tashkilotining bojxona toʻlovlari boʻyicha qarzdorligi yuzaga kelganda, oʻn kun ichida ushbu qarzdorlikni toʻlash orqali bartaraf etish;

n) kuryerlik tashkiloti uchun qonunchilikda belgilangan majburiyatlarning bajarilishini taʼminlash;

o) qonunchilikda belgilangan bojxona brokerining majburiyatlarini bajarilishini taʼminlash.

10.

Izoh:

* mazkur talab 2025-yil 1-oktabrdan boshlab kuchga kiradi.

Mazkur muddatga qadar xalqaro kuryerlik joʻnatmalarini yetkazib berish faoliyatini boshlagan yuridik shaxslarga nisbatan ham ushbu talab tatbiq etiladi.

** bojxona toʻlovlarini toʻlash majburiyatini sugʻurtalash faqat bojxona organlari bilan axborot almashinuviga ega sugʻurta tashkiloti orqali amalga oshiriladi.

Xalqaro kuryerlik joʻnatmalarini yetkazib beruvchi joʻnatmalarni yuboruvchi yoki qabul qiluvchi nomidan bojxona operatsiyalari uchun zarur boʻlgan harakatlarni vakolatli shaxs sifatida bajarib, joʻnatmalar yuzasidan javobgarlikni oʻz zimmasiga oladi.

1.

Xabarnoma nomi:

Bojxona brokeri faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turi:

Bojxona brokeri sifatida faoliyatni amalga oshirish

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Iqtisodiyot va moliya vazirligi huzuridagi Bojxona qoʻmitasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) shtatida mavjud ikki va undan ortiq bojxona rasmiylashtiruvi boʻyicha mutaxassislar haqida maʼlumot (JSHSHIRi, pasport (ID karta) seriyasi va raqami, ishga qabul qilinganligi haqida buyruq raqami va sanasi);

e) oʻquv tashkilotlarida Bojxona qoʻmitasi tomonidan tasdiqlangan oʻquv rejasi asosida bojxona rasmiylashtiruvi boʻyicha mutaxassisi yoʻnalishi boʻyicha oʻqiganligi toʻgʻrisidagi malaka sertifikati raqami va sanasi (PDF yoki JPEG formatdagi) nusxasi*;

j) bazaviy hisoblash miqdorining ming baravari miqdorida bojxona toʻlovlari toʻlanishini taʼminlanganligini tasdiqlovchi hujjat raqami va sanasi (sugʻurta polisi, bank kafolati va h.k) va nusxasi (PDF yoki JPEG formatdagi)**.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Soliq qoʻmitasi;

Kambagʻallikni qisqartirish va bandlik vazirligi;

Iqtisodiyot va moliya vazirligi huzuridagi Bojxona qoʻmitasi;

Adliya vazirligi huzuridagi Personallashtirish agentligi;

Istiqbolli loyihalar milliy agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) bazaviy hisoblash miqdorining ming baravari miqdorida bojxona toʻlovlari toʻlanishini taʼminlanganligi**;

b) Iqtisodiyot va moliya vazirligi huzuridagi Bojxona qoʻmitasining axborot tizimida yuridik shaxsning shaxsiy kabineti boʻlishi;

v) bojxona organi tomonidan soʻralgan hujjat va maʼlumotlarni qonunchilikda belgilangan muddatda taqdim etilishini taʼminlash (qonunchilik hujjatlarida talab etilishi belgilanmagan yoki taqdim etish bojxona brokeri vakolatiga kirmaydigan hujjatlar va maʼlumotlar bundan mustasno);

g) bojxona brokerining bojxona toʻlovlari boʻyicha qarzdorligi yuzaga kelganda, oʻn kun ichida ushbu qarzdorlikni toʻlash orqali bartaraf etish;

d) deklarant yoki vakolatli shaxsga koʻrsatadigan xizmatlarni oʻzaro tuzilgan shartnoma asosida amalga oshirish;

e) qonunchilikda belgilangan bojxona brokerining majburiyatlarini bajarilishini taʼminlash;

j) shtatida ikki va undan ortiq bojxona rasmiylashtiruvi boʻyicha mutaxassislar boʻlishi;

z) yuridik shaxs bojxona rasmiylashtiruvi boʻyicha mutaxassislarini ishga qabul qilganda yoki mavjudlari ishdan boʻshatilganda Iqtisodiyot va moliya vazirligi huzuridagi Bojxona qoʻmitasini besh kun mobaynida xabardor qilish;

i) tashkilot shtatida boʻlgan bojxona rasmiylashtiruvi boʻyicha mutaxassislaridan birining bir oy ichida bojxona yuk deklaratsiyalarining turli grafalaridagi xato va kamchiliklari boʻyicha uch marotabadan ortiq maʼmuriy javobgarlikka tortilgan taqdirda, ushbu bojxona rasmiylashtiruvi boʻyicha mutaxassisini navbatdan tashqari malakasini oshirish uchun rasmiy oʻquv tashkilotiga Iqtisodiyot va moliya vazirligi huzuridagi Bojxona qoʻmitasi tomonidan tasdiqlangan oʻquv rejasi asosida oʻqitish uchun yuborganligi boʻyicha Iqtisodiyot va moliya vazirligi huzuridagi Bojxona qoʻmitasini xabardor qilish*;

k) shtatida boʻlgan bojxona rasmiylashtiruvi boʻyicha mutaxassisi xar ikki yilda Iqtisodiyot va moliya vazirligi huzuridagi Bojxona qoʻmitasi tomonidan tasdiqlangan oʻquv rejasi asosida oʻquv tashkilotlarida malakasini oshirganligi toʻgʻrisida sertifikatga ega boʻlishi*.

10.

Izoh:

* mazkur talab 2025-yil 1-oktabrdan boshlab kuchga kiradi.

Mazkur muddatga qadar xalqaro kuryerlik joʻnatmalarini yetkazib berish faoliyatini boshlagan yuridik shaxslarga nisbatan ham ushbu talab tatbiq etiladi.

** bojxona toʻlovlarini toʻlash majburiyatini sugʻurtalash faqat bojxona organlari bilan axborot almashinuviga ega sugʻurta tashkiloti orqali amalga oshiriladi.