T/r

Chora-tadbirlar nomi

Amalga oshirish mexanizmi

Ijro muddati

Moliyalashtirish manbalari

Mas’ul ijrochilar

1.

18 yoshdan katta shaxsning kundalik hayotdagi faolligi va ishtirokini (funksionalligini) baholashning vaqtinchalik tartibini ishlab chiqish.

1. Quyidagilarni nazarda tutuvchi normativ-huquqiy hujjat loyihasini ishlab chiqish:

oilaviy shifokorlar tomonidan fuqarolarning tibbiy hujjatlarini tibbiy-ijtimoiy ekspert komissiyalariga yo‘llash tartibi;

“Inson” ijtimoiy xizmatlar markazlarining xodimlari tomonidan 18 yoshdan katta shaxsning kundalik hayotdagi faolligi va ishtirokini (funksionalligini) suhbat o‘tkazish orqali baholashdan o‘tkazish tartibi;

18 yoshdan katta shaxsning kundalik hayotdagi faolligi va ishtirokini (funksionalligini), shuningdek sog‘lig‘ining holatini aniqlash natijalari 2025-yil 1-sentabrga qadar nogironlik belgilash uchun asos hisoblanmasligi.

2. Loyihani o‘rnatilgan tartibda Vazirlar Mahkamasiga kiritish.

2024-yil avgust

Mablag‘ talab qilinmaydi

Ijtimoiy himoya milliy agentligi,

Sog‘liqni saqlash vazirligi

2.

Shaxsning kundalik hayotdagi faolligi va ishtirokini (funksionalligini) baholash jarayonini tahlil qilish va natijalari bo‘yicha takliflar tayyorlash.

1. Shaxsning kundalik hayotdagi faolligi va ishtirokini (funksionalligini) baholash natijalarini xorijiy ekspertlar bilan birgalikda umumlashtirish va tahlil qilish, shuningdek nogironlikni belgilashning amaldagi tartibi bilan taqqoslagan holda hisobot tayyorlash.

2025-yil mart

Mablag‘ talab qilinmaydi

Ijtimoiy himoya milliy agentligi

2. Baholash natijalaridan kelib chiqib, kelgusida ushbu amaliyotni respublikaning boshqa hududlarida ham tatbiq etishning maqsadga muvofiqligi yuzasidan taklif tayyorlash.

2025-yil aprel

3.

Shaxsning kundalik hayotdagi faolligi va ishtirokini (funksionalligini), shuningdek sog‘lig‘ining holatini aniqlash natijalaridan kelib chiqib nogironlikni belgilash bo‘yicha “Inson” ijtimoiy xizmatlar markazlarining xodimlari, tibbiy-ijtimoiy ekspert komissiyalari mutaxassislari, shuningdek oilaviy shifokorlarning malakasini oshirish.

1. Toshkent shahri va Navoiy viloyatida faoliyat yuritayotgan “Inson” ijtimoiy xizmatlar markazlarining xodimlarini shaxsning kundalik hayotdagi faolligi va ishtirokini (funksionalligini) aniqlash bo‘yicha, oilaviy shifokorlarni esa tibbiy hujjatlarni shakllantirish va TIEKga yo‘llash tartibi bo‘yicha qisqa muddatli o‘qitish.

2024-yil avgust

Mablag‘ talab qilinmaydi

Ijtimoiy himoya milliy agentligi,

Sog‘liqni saqlash vazirligi

2. Sog‘liqni saqlash vazirligi huzuridagi Tibbiyot xodimlarining kasbiy malakasini rivojlantirish markazida:

Sog‘liqni saqlash vazirligi

tibbiy-ijtimoiy ekspert komissiyalarining vrach ekspertlarini reabilitolog mutaxassisligi bo‘yicha bepul qayta tayyorlash;

2025-yil aprel — may

tibbiy-ijtimoiy ekspert komissiyalari mutaxassislari va oilaviy shifokorlar malakasini bepul oshirib borish.

2025-yil sentabr, keyinchalik doimiy

3. Ijtimoiy himoya milliy agentligi huzuridagi Ijtimoiy himoya tizimi xodimlarining malakasini oshirish markazida shaxsning kundalik hayotdagi faolligi va ishtirokini (funksionalligini) aniqlash bo‘yicha “Inson” ijtimoiy xizmatlar markazlarining xodimlari malakasini oshirib borish.

2025-yil sentabr,

keyinchalik doimiy

Ijtimoiy himoya milliy agentligi

4.

Fuqarolarga nogironlik belgilash jarayonida oilaviy shifokorlar tomonidan tibbiy-ijtimoiy ekspert komissiyalari ko‘rigi uchun tibbiy hujjatlarni yuborish tizimini yo‘lga qo‘yish va ularning mas’uliyatini oshirish.

1. Fuqarolarga nogironlik belgilash uchun tibbiy-ijtimoiy ekspert komissiyalariga yuboriladigan yo‘llanma (088/u) shaklini qayta ko‘rib chiqish orqali ma’lumotlarni to‘liq aks ettirish imkonini yaratish.

2024-yil avgust

Sog‘liqni saqlash vazirligining rivojlantirish dasturlariga ajratilgan mablag‘lar,

Tibbiyotni rivojlantirish davlat maqsadli jamg‘armasi mablag‘lari

(Hisob-kitoblarga ko‘ra)

Sog‘liqni saqlash vazirligi

2. Toshkent shahri va Navoiy viloyatidagi oilaviy shifokorlarni zarur axborot-kommunikatsiya texnologiyalari bilan ta’minlash.

2024-yil avgust

3. Fuqarolarning tibbiy hujjatlari o‘z vaqtida tibbiy-ijtimoiy ekspert komissiyalariga yuborilishini oilaviy shifokorlar faoliyati samaradorligining asosiy ko‘rsatkichlaridan biri etib belgilash orqali ularni rag‘batlantirish yoki intizomiy javobgarlikka tortish tizimini yo‘lga qo‘yish.

2025-yil mart

5.

Tibbiy-ijtimoiy ekspert komissiyalarida faoliyat yuritayotgan xodimlar faoliyatining samaradorligini yanada oshirish.

Ijtimoiy himoya davlat jamg‘armasi mablag‘lari hisobidan Tibbiy-ijtimoiy ekspert komissiyalari xodimlarini ular faoliyati samaradorligining eng muhim ko‘rsatkichlari (KPI) bajarilishidan kelib chiqib, rag‘batlantirish tizimini yo‘lga qo‘yish.

2024-yil sentabr

Ijtimoiy himoya davlat jamg‘armasi mablag‘lari hisobidan

(Hisob-kitoblarga ko‘ra)

Ijtimoiy himoya milliy agentligi

6.

Tibbiy ijtimoiy ekspertiza xizmatini standartlashtirish hamda nogironlikni belgilash yo‘nalishidagi axborot almashinuvini raqamlashtirish.

1. Fuqarolarni tibbiy-ijtimoiy ekspert komissiyalarining ko‘rigidan o‘tishi uchun yo‘llashdan oldin davolanish lozim bo‘lgan muddatlarni kasallikning kechishi va turidan kelib chiqib belgilash.

2025-yil mart

Sog‘liqni saqlash vazirligining rivojlantirish dasturlariga ajratilgan mablag‘lar,

Tibbiyotni rivojlantirish davlat maqsadli jamg‘armasi mablag‘lari,

Ijtimoiy himoya davlat jamg‘armasi mablag‘lari

(Hisob-kitoblarga ko‘ra)

Sog‘liqni saqlash vazirligi,

Raqamli texnologiyalar vazirligi,

Ijtimoiy himoya milliy agentligi

2. Nogironlikni belgilashda inobatga olinadigan tibbiy mezonlarni qayta ko‘rib chiqib, nogironlikning muddati, sababi, tibbiy reabilitatsiya tadbirlari, shuningdek protez-ortopediya moslamalari va reabilitatsiya qilishning texnik vositalariga muhtojligini belgilash jarayonini Toshkent shahri va Navoiy viloyatida, keyinchalik respublikaning qolgan hududlarida raqamlashtirish.

2025-yil iyun — sentabr

3. Ambulator va statsionar tibbiyot muassasalari hamda birlamchi tibbiy-sanitariya muassasalari o‘rtasida elektron axborot almashinuvini tashkil etish, shuningdek, tibbiyot muassasalarining tegishli axborot tizimlarini “Elektron hukumat” tizimining Idoralararo integratsiyalashuv platformasi orqali “Yagona milliy ijtimoiy himoya” axborot tizimi bilan integratsiya qilish.

2025-yil sentabr

7.

Tibbiy-ijtimoiy ekspertiza faoliyati samaradorligini yanada oshirish yuzasidan qonunchilik hujjatlariga o‘zgartirish va qo‘shimchalar kiritish.

Qonunchilik hujjatlariga o‘zgartirish va qo‘shimchalar kiritishni nazarda tutuvchi normativ-huquqiy hujjat loyihasini ishlab chiqish. Bunda:

tibbiy-ijtimoiy ekspert komissiyalarining vazifalari, funksiyalari, huquqlari va javobgarligini, shuningdek, faoliyatini tashkil etish tartibini belgilash;

ixtisoslashtirilgan (psixiatriya, ftiziatriya va pulmonologiya, pediatriya) tibbiy-ijtimoiy ekspert komissiyalarining faoliyatini tugatish;

tibbiy-ijtimoiy ekspert komissiyalari tomonidan fuqarolarni ko‘rikdan o‘tkazishni yigirma kalendar kundan kechiktirmay amalga oshirish;

tumanlararo, tuman (shahar) tibbiy-ijtimoiy ekspertiza komissiyalarining ro‘yxatiga o‘zgartirish kiritish.

2024-yil oktabr

Mablag‘ talab qilinmaydi

Ijtimoiy himoya milliy agentligi,

Iqtisodiyot va moliya vazirligi,

Sog‘liqni saqlash vazirligi,

manfaatdor vazirlik va idoralar

8.

Nogironlikni belgilashning biopsixoijtimoiy modeliga o‘tgan davlatlar tajribasini o‘rganish.

Nogironlikni belgilashning biopsixoijtimoiy modeliga o‘tgan davlatlar tajribasini o‘rganish maqsadida rivojlangan xorijiy mamlakatlarga (Portugaliya, Shveysariya, Fransiya, Buyuk Britaniya, Shvetsiya, Tayvan, Latviya) xizmat safarlarini tashkil etish.

2024-yil sentabr — dekabr

Ijtimoiy himoya davlat jamg‘armasi mablag‘lari

(Hisob-kitoblarga ko‘ra)

Ijtimoiy himoya milliy agentligi,

Sog‘liqni saqlash vazirligi

9.

Infarkt, insult va jarrohlik amaliyotidan so‘ng tibbiy reabilitatsiya qilish sifatini oshirish.

Xalqaro ekspertlarni jalb qilgan holda infarkt, insult va jarrohlik amaliyotidan so‘ng ko‘rsatiladigan tibbiy reabilitatsiya xizmatlari tizimini joriy etish bo‘yicha amaliy choralar ko‘rish.

2025-yil dekabr

Sog‘liqni saqlash vazirligiga ajratilgan mablag‘lar doirasida

Sog‘liqni saqlash vazirligi

10.

Nogironligi bo‘lgan shaxslarni ta’lim va kasbga yo‘naltirish hamda sportga jalb etishning mezonlarini ishlab chiqish.

1. Quyidagilarni nazarda tutuvchi normativ-huquqiy hujjat loyihasini ishlab chiqish:

nogironligi bo‘lgan shaxslarning nogironlik toifasi va yoshidan kelib chiqib, ularni tarbiya va ta’limga yo‘naltirish tartibi;

nogironligi bo‘lgan shaxslarning nogironlik toifasi va yoshidan kelib chiqib, ularni kasbga tayyorlash va yo‘naltirish tartibi;

nogironligi bo‘lgan shaxslarning nogironlik toifasi va yoshidan kelib chiqib, ularning bandligini ta’minlash tartibi;

nogironligi bo‘lgan shaxslarning nogironlik toifasi va yoshidan kelib chiqib, ularni ommaviy sport va parasportga yo‘naltirish tartibi;

vaqtincha mehnatga layoqatsizlik varaqasining muddatini uzaytirish, shuningdek nogironligi bo‘lgan shaxslarning maxsus jihozlangan transport vositasini boshqarish layoqatini belgilash tartibi.

2025-yil fevral

Mablag‘ talab qilinmaydi

Sog‘liqni saqlash vazirligi,

Oliy ta’lim, fan va innovatsiyalar vazirligi,

Maktabgacha va maktab ta’lim vazirligi,

Kambag‘allikni qisqartirish va bandlik vazirligi,

Sport vazirligi,

O‘zbekiston Milliy paralimpiya qo‘mitasi,

Adliya vazirligi

2. Takliflarni umumlashtirish va yagona normativ-huquqiy hujjat loyihasini Vazirlar Mahkamasiga kiritish.

2025-yil mart

11.

Tibbiyot yo‘nalishidagi davlat oliy ta’lim muassasalarida o‘quv dasturlariga tibbiy-ijtimoiy ekspertiza yo‘nalishi bo‘yicha o‘quv mashg‘ulotlarini kiritish.

2025/2026-yil o‘quv yilidan boshlab tibbiyot yo‘nalishidagi davlat oliy ta’lim muassasalarida bakalavr, klinik ordinatura va magistratura yo‘nalishlarining o‘quv dasturlariga shaxsning kundalik hayotdagi faolligi va ishtirokini (funksionalligini) hamda shaxsning salomatligi holatini baholashdan o‘tkazish orqali nogironlikni aniqlash, shuningdek reabilitologiya asoslari bo‘yicha o‘quv mashg‘ulotlarini kiritish.

2025-yil sentabr

Davlat budjeti mablag‘lari

(Hisob-kitoblarga ko‘ra)

Sog‘liqni saqlash vazirligi,

Oliy ta’lim, fan

va innovatsiyalar vazirligi,

Ijtimoiy himoya milliy agentligi

12.

Tibbiy-ijtimoiy ekspertiza komissiyalari moddiy texnik-bazasini yanada mustahkamlash hamda aholiga o‘z vaqtida sifatli xizmat ko‘rsatilishini ta’minlash.

Ijtimoiy himoya milliy agentligiga Davlat budjetidan ajratilgan mablag‘lar, shuningdek Ijtimoiy himoya davlat jamg‘armasi mablag‘lari hisobidan Tibbiy-ijtimoiy ekspertiza komissiyalarini avtotransport vositalari bilan ta’minlash.

2024-yil dekabr

Ijtimoiy himoya davlat jamg‘armasi mablag‘lari,

Davlat budjeti mablag‘lari

(Hisob-kitoblarga ko‘ra)

Ijtimoiy himoya milliy agentligi,

Iqtisodiyot va moliya vazirligi