Oʻzbekiston Respublikasi Prezidentining “Oʻzbekiston Respublikasi Prezidentining tadbirkorlar bilan 2023-yildagi ochiq muloqotida belgilangan vazifalarni amalga oshirish chora-tadbirlari toʻgʻrisida” 2023-yil 4-sentabrdagi PQ-292-son qarori ijrosini taʼminlash, shuningdek, kichik va oʻrta biznes subyektlarini moliyaviy qoʻllab-quvvatlashga qaratilgan chora-tadbirlarni izchil davom ettirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

1. Vazirlar Mahkamasining “Yakka tartibda hamda qishloq joylarda namunaviy loyihalar boʻyicha arzon uy-joylar qurilishida qatnashuvchi tijorat banklari — “Qishloq qurilish bank” ATB, Oʻzbekiston Respublikasi Tashqi iqtisodiy faoliyat milliy banki, “Ipoteka bank” ATIB, AT “Xalq banki”, “Asaka bank” ATB va “Oʻzsanoatqurilishbank” ATB tomonidan imtiyozli ipoteka krediti berish tartibi toʻgʻrisidagi nizomni tasdiqlash haqida” 2009-yil 25-maydagi 148-son qarorida:

a) nomi va 1-banddagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin;

b) ilovada:

nomi va 1-banddagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin;

2-bandning uchinchi xatboshisidagi “Moliya vazirligi” va “Qishloq qurilish bank” soʻzlari tegishlicha “Iqtisodiyot va moliya vazirligi” va “Biznesni rivojlantirish banki” soʻzlari bilan almashtirilsin;

Nizomga 2-ilovaning ilova belgisidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin;

Nizomga 3-ilovaning ilova belgisi hamda matnidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin.

2. Vazirlar Mahkamasining 2009-yil 26-oktabrdagi 280-son qarori bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi toʻgʻrisidagi nizomning 1-bandi birinchi xatboshisi, 15-bandi va 16-bandining birinchi xatboshisidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin.

3. Vazirlar Mahkamasining 2015-yil 10-iyuldagi 189-son qarori bilan tasdiqlangan Qishloq joylarda namunaviy loyihalar boʻyicha yakka tartibdagi uy-joy qurilishi doirasida Islom taraqqiyot bankining jalb etilgan moliyaviy mablagʻlaridan foydalanish, ularga xizmat koʻrsatish va ularni qaytarish tartibi toʻgʻrisidagi nizomning 19-bandi hamda Nizomga ilovaning “Qarzning qaytarilishi” ustunidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin.

4. Vazirlar Mahkamasining “Xalqaro tiklanish va taraqqiyot banki ishtirokida “Sanoat korxonalarining energiya samaradorligini oshirish” (2-qoʻshimcha moliyalashtirish)” loyihasi doirasida Yevropa investitsiya banki mablagʻlarini jalb qilish chora-tadbirlari toʻgʻrisida” 2019-yil 28-iyundagi 541-son qarorining 2-bandi ikkinchi xatboshisidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin.

5. Vazirlar Mahkamasining “Yakka tartibdagi uy-joylarni qurish va qayta qurish uchun ipoteka krediti ajratishning soddalashtirilgan tizimini joriy qilish toʻgʻrisida” 2020-yil 21-sentabrdagi 576-son qarorining 1-bandi birinchi xatboshisi va 2-bandidagi “Qishloq qurilish bank” soʻzlari “Biznesni rivojlantirish banki” soʻzlari bilan almashtirilsin.

1. Vazirlar Mahkamasining “Qishloq qurilish bank” aksiyadorlik tijorat bankining faoliyatini tashkil etish va moddiy-texnika bazasini mustahkamlash chora-tadbirlari toʻgʻrisida” 2009-yil 31-martdagi 90-son qarori.

2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzi qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Respublika qurilish materiallari sanoatini boshqarishni tashkil etishni yanada takomillashtirish chora-tadbirlari toʻgʻrisida” 2016-yil 25-oktabrdagi PQ-2641-son qarori)” 2016-yil 22-dekabrdagi 412-son qaroriga 1-ilovaning 9-bandi.