O‘tgan davr mobaynida telekommunikatsiya sohasida ma’muriy tartib-taomillarni soddalashtirish va mazkur yo‘nalishda xizmat ko‘rsatish sifatini yanada yaxshilash borasida keng ko‘lamli islohotlar amalga oshirildi.

Jumladan, telekommunikatsiyalar sohasida faoliyat yuritayotgan subyektlarga yengilliklar yaratish maqsadida O‘zbekiston Respublikasining “Telekommunikatsiyalar sohasida ayrim faoliyat turlarini amalga oshirganlik uchun davlat boji miqdorlari maqbullashtirilishi munosabati bilan “Davlat boji to‘g‘risida”gi O‘zbekiston Respublikasi Qonuniga o‘zgartirish va qo‘shimchalar kiritish haqida” 2023-yil 14-iyundagi O‘RQ-846-son Qonuni bilan teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularning xizmatlar ko‘rsatish faoliyatiga litsenziya berganlik uchun davlat boji miqdori ikki barobarga kamaytirildi hamda tarmog‘iga ega bo‘lmagan uyali aloqa virtual operatorlari (provayderlar)ga litsenziya berganlik uchun alohida davlat boji miqdori belgilandi.

O‘zbekiston Respublikasining “Telekommunikatsiyalar sohasida ayrim faoliyat turlarini amalga oshirganlik uchun davlat boji miqdorlari maqbullashtirilishi munosabati bilan “Davlat boji to‘g‘risida”gi O‘zbekiston Respublikasi Qonuniga o‘zgartirish va qo‘shimchalar kiritish haqida” 2023-yil 14-iyundagi O‘RQ-846-son Qonuni ijrosini ta’minlash, shuningdek, telekommunikatsiyalar sohasidagi, xususan, ko‘chma radiotelefon (uyali) aloqa tarmoqlari xizmatlarini ko‘rsatish va teleradioeshittirishlarni tarqatish (namoyish qilish) sohasidagi faoliyatni amalga oshirayotgan tadbirkorlik subyektlarini har tomonlama qo‘llab-quvvatlash maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirishlar kiritilsin:

ko‘chma radiotelefon (uyali) aloqa tarmoqlaridan foydalanish va ularga xizmatlar ko‘rsatishga doir litsenziya uchun davlat bojining miqdorini uyali aloqa virtual operatorlari (provayderlar) tomonidan xizmatlar ko‘rsatish uchun maqbullashtirish;

teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularga xizmatlar ko‘rsatishga doir litsenziya berganlik uchun davlat bojining miqdorini kamaytirish.

2. O‘zbekiston Respublikasi Adliya vazirligi Raqamli texnologiyalar vazirligi bilan birgalikda bir oy muddatda “Litsenziya” axborot tizimi va Yagona interaktiv davlat xizmatlari portalining mazkur qarorga muvofiq takomillashtirilishini ta’minlasin.

3. Mazkur qarorning bajarilishini nazorat qilish O‘zbekiston Respublikasi raqamli texnologiyalar vaziri Sh. Shermatov va O‘zbekiston Respublikasi adliya vaziri A. Tashkulov zimmasiga yuklansin.

1. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga 15-ilovada:

a) 4-pozitsiyadagi “Axborot texnologiyalari va kommunikatsiyalarini rivojlantirish” so‘zlari “Raqamli texnologiyalar” so‘zlari bilan almashtirilsin;

b) 7-pozitsiyada:

“m” kichik band quyidagi tahrirda bayon etilsin:

“m) ko‘chma radiotelefon (uyali) aloqa tarmoqlaridan foydalanish va ularning xizmatlarini ko‘rsatish — BHMning 140 000 baravari (bunda uyali aloqa virtual operatorlari (provayderlar) tomonidan ko‘chma radiotelefon (uyali) aloqa tarmoqlari xizmatlarini ko‘rsatish — BHMning 25 000 baravari**)”;

“s” va “t” kichik bandlardagi “20” raqami “10” raqami bilan almashtirilsin;

“u” va “f” kichik bandlardagi “150” raqami “75” raqami bilan almashtirilsin;

v) 12-pozitsiya quyidagi mazmundagi to‘qqizinchi xatboshi bilan to‘ldirilsin:

2. Vazirlar Mahkamasining 2004-yil 20-dekabrdagi 592-son qarori bilan tasdiqlangan Radiochastotalarni tanlov yo‘li bilan taqsimlash va teleradioeshittirish sohasida faoliyatni amalga oshirish huquqiga yakka tartibdagi litsenziyalar berish tartibi to‘g‘risidagi nizomda:

a) 4-bandning birinchi xatboshisidagi “Axborot texnologiyalari va kommunikatsiyalarini rivojlantirish” so‘zlari “Raqamli texnologiyalar” so‘zlari bilan almashtirilsin;

b) 6-bandda:

birinchi xatboshidagi “Axborot texnologiyalari va kommunikatsiyalarini rivojlantirish” so‘zlari “Raqamli texnologiyalar” so‘zlari bilan almashtirilsin;

“d” kichik bandning ikkinchi xatboshisidagi “besh” so‘zi “bir” so‘zi bilan almashtirilsin;

v) 10¹-banddagi “Axborot texnologiyalari va kommunikatsiyalarini rivojlantirish” so‘zlari “Raqamli texnologiyalar” so‘zlari bilan almashtirilsin;

g) 23-band va 25-bandning ikkinchi xatboshisidagi “Axborot texnologiyalari va kommunikatsiyalarini rivojlantirish” so‘zlari “Raqamli texnologiyalar” so‘zlari bilan almashtirilsin.