15.08.2023 yildagi PQ-278-son
1. Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari 1-ilovaga muvofiq chegaralari belgilangan ko‘p kvartirali uylarga tutash yer uchastkalarini ko‘p kvartirali uylardagi joylar mulkdorlariga bir oy muddatda doimiy foydalanish huquqi asosida berish to‘g‘risida qaror qabul qilsin.

T/r

Chora-tadbirlar

Amalga oshirish muddati

Mas’ul ijrochilar

1.

Ko‘p kvartirali uylarni boshqarish bilan bog‘liq nizolarni hal qilishda sudlar tomonidan qonunlarni qo‘llash amaliyotini umumlashtirish.

2023-yil 1-oktabrga qadar

Oliy sud

(X. To‘raxo‘jayev),

Qurilish va uy-joy kommunal xo‘jaligi vazirligi

(O. Jo‘rayeva)

2.

Navoiy shahrida eksperiment tariqasida ko‘p kvartirali uyning umumiy mol-mulkini saqlash, undan foydalanish va uni ta’mirlash hamda ko‘p kvartirali uyga tutash yer uchastkasini obodonlashtirish uchun majburiy badallar va to‘lovlardan qarzdorligi mavjud mulkdorlarni elektr tarmoqlaridan o‘chirish tartibini ishlab chiqish va Vazirlar Mahkamasiga kiritish.

2023-yil 1-oktabrga qadar

Qurilish va uy-joy kommunal xo‘jaligi vazirligi

(O. Jo‘rayeva)

3.

“Kommunal ta’minot markazi” davlat muassasasining bino va inshootlarini ko‘p kvartirali uylarni boshqarish organlariga ijaraga berish tartibini ishlab chiqish va Vazirlar Mahkamasiga kiritish.

2023-yil 1-noyabrga qadar

Qurilish va uy-joy kommunal xo‘jaligi vazirligi

(O. Jo‘rayeva)

4.

Qonunchilikda belgilangan tartibda umumiy yig‘ilish qaroriga asosan tanlangan boshqaruvchi tashkilot yoki boshqaruvchi bilan shartnomani umumiy yig‘ilish qarorida belgilangan shartlarda tuzilgan deb hisoblashni nazarda tutuvchi qonun loyihasini Vazirlar Mahkamasiga kiritish.

2023-yil 1-noyabrga qadar

Qurilish va uy-joy kommunal xo‘jaligi vazirligi

(O. Jo‘rayeva)

5.

Ko‘p kvartirali uylarni boshqarish organlarini elektron reyestrga kiritish hamda ko‘p kvartirali uylarni boshqaruvchi organlarga biriktirish (qayta ro‘yxatdan o‘tkazish) masalalarini Yagona interaktiv davlat xizmatlari portali orqali amalga oshirish bo‘yicha Vazirlar Mahkamasiga taklif kiritish.

2023-yil 1-noyabrga qadar

Qurilish va uy-joy kommunal xo‘jaligi vazirligi

(O. Jo‘rayeva),

Adliya vazirligi

(A. Tashkulov),

Raqamli texnologiyalar vazirligi

(Sh. Shermatov)

6.

Ko‘p kvartirali uylardagi umumiy mol-mulkni mol-mulk solig‘idan hamda ko‘p kvartirali uylarga tutash yer uchastkalarni yer solig‘idan ozod qilish bo‘yicha takliflarni Vazirlar Mahkamasiga kiritish.

2023-yil 1-noyabrga qadar

Qurilish va uy-joy kommunal xo‘jaligi vazirligi

(O. Jo‘rayeva),

Iqtisodiyot va moliya vazirligi

(A. Haydarov)

7.

“Ko‘p kvartirali uy-joy fondini ekspluatatsiya qilish qoidalarini tasdiqlash to‘g‘risida”gi Vazirlar Mahkamasining qarori loyihasini ishlab chiqish va Hukumatga kiritish.

2023-yil 1-dekabrga qadar

Qurilish va uy-joy kommunal xo‘jaligi vazirligi

(O. Jo‘rayeva),

Adliya vazirligi

(A. Tashkulov)

8.

Ko‘p kvartirali uylarni boshqarish organlarining elektron reyestrini shakllantirish va yuritish tartibini takomillashtirish.

2023-yil 1-dekabrga qadar

Qurilish va uy-joy kommunal xo‘jaligi vazirligi

(O. Jo‘rayeva)

9.

Ko‘p kvartirali uylarni boshqarish faoliyatini amalga oshirish qoidalarini takomillashtirish.

2023-yil 1-dekabrga qadar

Qurilish va uy-joy kommunal xo‘jaligi vazirligi

(O. Jo‘rayeva)

10.

Ko‘p kvartirali uylarni boshqarish organlariga agrotexnik ishlov berishdan hosil bo‘ladigan chiqindilarni (daraxt va buta shox-shabbalari, barglari) hamda smyot maishiy chiqindilarni to‘plash punktlariga yig‘ishga ruxsat etilishi munosabati bilan qattiq maishiy chiqindilarni to‘plash va olib chiqib ketish bo‘yicha xizmatlar uchun majburiy to‘lovlar tarifini qayta ko‘rib chiqish.

2023-yil 1-dekabrga qadar

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari,

Ekologiya, atrof-muhitni muhofaza qilish va iqlim o‘zgarishi vazirligi

(A. Abduxakimov),

Qurilish va uy-joy kommunal xo‘jaligi vazirligi

(O. Jo‘rayeva)

11.

Ko‘p kvartirali uylarda energiyani tejash, uning samaradorligini oshirish va qayta tiklanuvchi energiya manbalarini qo‘llash. Bunda:

1) ko‘p kvartirali uylarning energiya iste’moli auditini o‘tkazish tizimini joriy etish;

2) ko‘p kvartirali uylarning tom qismida tadbirkorlar tomonidan ijara asosida quyosh panellarini joylashtirish bo‘yicha takliflarni ishlab chiqish;

3) ko‘p kvartirali uylardagi kirish yo‘laklariga va zinapoyalarda harakat datchikli energiya tejovchi chiroqlarni o‘rnatish orqali elektr energiyasi iste’molini kamida 30 foizga kamaytirish.

2024-yil 1-yanvarga qadar

Qurilish va uy-joy kommunal xo‘jaligi vazirligi

(O. Jo‘rayeva)

12.

Faoliyat yuritmayotgan uy-joy mulkdorlari shirkatini tugatishning soddalashtirilgan tartibini (qarzdorligi mavjud bo‘lgan hollarda bankrot deb e’lon qilish orqali) ishlab chiqish va Vazirlar Mahkamasiga kiritish.

2024-yil 1-yanvarga qadar

Qurilish va uy-joy kommunal xo‘jaligi vazirligi

(O. Jo‘rayeva),

Adliya vazirligi

(A. Tashkulov)

13.

“Mening uyim” axborot tizimida boshqarish organlarining elektron reyting tizimini yanada takomillashtirish, shuningdek, reytingni faqatgina aholi va iste’molchilarning fikr-mulohazalari asosida shakllantirish.

2024-yil 1-yanvarga qadar

Qurilish va uy-joy kommunal xo‘jaligi vazirligi

(O. Jo‘rayeva)

14.

Ko‘p kvartirali uylarni boshqarish organlari tomonidan amalga oshirilgan ishlar yuzasidan, shuningdek, xarajatlar to‘g‘risidagi hisobotlarni “Mening uyim” axborot tizimi orqali taqdim etish.

Bunda, quyidagilarni nazarda tutish:

xarajatlar to‘g‘risidagi hisobotlarni mulkdorlarning shaxsiy kabinetiga xabarnoma yuborish orqali taqdim etish;

mulkdorlarning shaxsiy kabineti orqali umumiy yig‘ilishlarni onlayn tarzda o‘tkazish, ularda ovoz berish, bayonnomalarni tasdiqlash, ishlab chiqilgan xarajatlar smetasini onlayn tarzda muhokama qilish va tasdiqlash, mulkdorlar tomonidan nosozliklar to‘g‘risida xabar qilish va xizmatlarga buyurtma berish imkoniyatini yaratish.

2024-yil 1-yanvarga qadar

Qurilish va uy-joy kommunal xo‘jaligi vazirligi

(O. Jo‘rayeva)

15.

Ko‘p kvartirali uylarni boshqarish bilan bog‘liq normativ-huquqiy hujjatlarni takomillashtirish. Xususan:

a) ko‘p kvartirali uylarning texnik hujjatlari tarkibini (uyning loyihasi, konstruksiyasi, kommunikatsiya tarmoqlari, barcha turdagi avtomatik va mexanik qurilmalari, yer uchastkasiga oid barcha hujjatlar) ishlab chiqish va tasdiqlash;

b) mavjud qonun hujjatlariga ko‘p kvartirali uylarni boshqarish organlari faoliyatiga noqonuniy aralashganlik yoki faoliyatiga to‘sqinlik qilganlik uchun jazo choralari qo‘llashni nazarda tutuvchi normalarni kiritish.

2024-yil 1-aprelga qadar

Qurilish va uy-joy kommunal xo‘jaligi vazirligi

(O. Jo‘rayeva)

16.

Ko‘p kvartirali uylarning texnik holati to‘g‘risidagi ma’lumotlar jamlangan elektron platformani ishlab chiqish va joriy etish.

Elektron platformaga uylarning texnik pasportlari, shuningdek, uylarning qurilgan yili, oxirgi ta’mirlangan vaqti (yili) va moliyalashtirish manbasi, ta’mirlangan qismlari, geolokatsiya koordinatalari, muhandislik tarmoqlari, kommunikatsiyalarining holati va boshqa ko‘rsatkichlarni kiritish hamda Kadastr agentligi elektron tizimi bilan integratsiya qilish.

2024-yil 1-aprelga qadar

Qurilish va uy-joy kommunal xo‘jaligi vazirligi

(O. Jo‘rayeva),

Kadastr agentligi

(A. Allaberganov)

17.

Ko‘p kvartirali uylarning yuqori qavatlariga ichimlik suvni yetkazib berish (nasoslarni ekspluatatsiya qilish) xarajatlarini suv ta’minoti tashkilotlari tomonidan qoplab berish tartibini ishlab chiqish va Vazirlar Mahkamasiga kiritish.

Bunda, boshqaruv organi xarajatlarini qoplab berish mexanizmini va ko‘p kvartirali uyning boshqaruv organi bilan ichimlik suvni yetkazib beruvchi tashkilot o‘rtasida xarajatlarni qoplab berish tizimini joriy etish.

2024-yil 1-aprelga qadar

Qurilish va uy-joy kommunal xo‘jaligi vazirligi

(O. Jo‘rayeva),

“O‘zsuvta’minot” AJ

(D. Azimov)

18.

O‘zbekiston Respublikasida renovatsiya amalga oshirilishini tashkiliy va huquqiy ta’minlash bo‘yicha ishchi guruhning ish rejasini tasdiqlash.

2023-yil 1-oktabrga qadar

Qurilish va uy-joy kommunal xo‘jaligi vazirligi

(Sh. Xidoyatov)

Xorijiy davlatlarning renovatsiya sohasidagi ilg‘or tajribasini o‘rganish uchun Qurilish va uy-joy kommunal xo‘jaligi vazirligi faoliyatini qo‘llab-quvvatlash jamg‘armasi mablag‘lari hisobidan Ishchi guruh a’zolarini xizmat safariga yuborish.

2023-2024-yillar davomida

“e” va “j” kichik bandlar o‘z kuchini yo‘qotgan deb hisoblansin;
2. 5-ilovaning 15-pozitsiyasi chiqarib tashlansin.