Keyingi yillarda mamlakatimizda ilg‘or xorijiy tajribani inobatga olgan holda milliy mudofaa sanoati kompleksini bosqichma-bosqich yaratish, import o‘rnini bosuvchi va raqobatbardosh harbiy mahsulotlar ishlab chiqarishni yo‘lga qo‘yish, shuningdek, O‘zbekiston Respublikasi Qurolli Kuchlarini qurollantirish bo‘yicha bir qator muhim chora-tadbirlar amalga oshirilmoqda.

Ushbu yo‘nalishda amalga oshirilayotgan islohotlarni sifat jihatidan yangi bosqichga olib chiqish orqali O‘zbekiston Respublikasi Qurolli Kuchlari tarkibiga kiruvchi vazirlik va idoralar hamda huquqni muhofaza qiluvchi organlarni zamonaviy qurol-yarog‘, harbiy va maxsus texnika bilan ta’minlash maqsadida O‘zbekiston Respublikasi Mudofaa sanoati davlat qo‘mitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “O‘ztextreyd” davlat unitar korxonasi tashkil etildi.

O‘zbekiston Respublikasi Prezidentining 2023-yil 31-yanvardagi “O‘zbekiston Respublikasi Qurolli Kuchlarini qurollantirish va mudofaa sanoati sohasida davlat boshqaruvini takomillashtirish bo‘yicha chora-tadbirlar to‘g‘risida”gi PF-16-son Farmoniga muvofiq:

1. O‘zbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi o‘zgartirishlar kiritilsin:

Mudofaa sanoati davlat qo‘mitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “O‘ztextreyd” davlat unitar korxonasi tashkil etilganligi;

Mudofaa vazirligi huzuridagi Mudofaa sanoati agentligining va Investitsiyalar, sanoat va savdo vazirligi huzuridagi “O‘ztextreyd” davlat unitar korxonasining vakolatlari doirasi belgilanganligi munosabati bilan qonunchilik hujjatlarini o‘zaro muvofiqlashtirish.

2. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

1. O‘zbekiston Respublikasi Prezidentining 2022-yil 27-apreldagi “Bojxona ma’muriyatchiligini yanada takomillashtirishga doir qo‘shimcha chora-tadbirlar to‘g‘risida”gi PF-122-son Farmoniga 2-ilovaning 43 va 44-pozitsiyalarida:

“Amalga oshirish mexanizmi” ustunidagi “Mudofaa sanoati davlat qo‘mitasiga” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasiga” so‘zlari bilan almashtirilsin;

“Mas’ul ijrochilar” ustunidagi “Mudofaa sanoati davlat qo‘mitasi (O. Ismoilov)” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasi (X. Yusupov)” so‘zlari bilan almashtirilsin.

2. O‘zbekiston Respublikasi Prezidentining 2017-yil 9-avgustdagi “Seysmologiya, seysmik chidamli qurilish hamda O‘zbekiston Respublikasi aholisi va hududining seysmik xavfsizligi sohasida ilmiy tadqiqotlar olib borishni takomillashtirish chora-tadbirlari to‘g‘risida”gi PQ-3190-son qarorida:

a) 7-banddagi “Mudofaa sanoati davlat qo‘mitasi (O. Ismoilov)” so‘zlari “Investitsiyalar, sanoat va savdo vazirligi huzuridagi “O‘ztextreyd” DUK (X. Yusupov)” so‘zlari bilan almashtirilsin;

b) 10-bandning birinchi xatboshisi quyidagi tahrirda bayon etilsin:

“10. O‘zbekiston Respublikasi Iqtisodiyot va moliya vazirligi huzuridagi Soliq qo‘mitasi (M. Mirzayev) Iqtisodiyot va moliya vazirligi huzuridagi Bojxona qo‘mitasi (A. Mavlonov) bilan birgalikda O‘zbekiston Respublikasida ishlab chiqarilmaydigan, Seysmologiya instituti, Mexanika va inshootlar seysmik mustahkamligi instituti hamda Seysmoprognostik monitoring respublika markazi uchun O‘zbekiston Respublikasi Investitsiyalar, sanoat va savdo vazirligi huzuridagi “O‘ztextreyd” DUK tomonidan ushbu qarorning 3, 4, 5-ilovalarida ko‘rsatilgan ro‘yxatlarga muvofiq olib kiriladigan ilmiy asbob-uskunalardan va hisoblash texnikasi vositalaridan maqsadli foydalanilishi ustidan qat’iy nazorat o‘rnatsin”.

3. O‘zbekiston Respublikasi Prezidentining 2019-yil 10-apreldagi “Favqulodda vaziyatlar tuzilmalarining faoliyatini yanada takomillashtirish bo‘yicha tashkiliy chora-tadbirlar to‘g‘risida”gi PQ-4276-son qarorining 9-bandi “b” kichik bandidagi “Mudofaa sanoati davlat qo‘mitasi va Moliya vazirligi” so‘zlari “Investitsiyalar, sanoat va savdo vazirligi huzuridagi “O‘ztextreyd” DUK va Iqtisodiyot va moliya vazirligi” so‘zlari bilan almashtirilsin.

4. O‘zbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish bo‘yicha qo‘shimcha chora-tadbirlar to‘g‘risida”gi PQ-4797-son qarorining 11-bandidagi “Mudofaa sanoati davlat qo‘mitasi” so‘zlari “Mudofaa vazirligi huzuridagi Mudofaa sanoati agentligi” so‘zlari bilan almashtirilsin.

5. O‘zbekiston Respublikasi Prezidentining 2021-yil 15-iyuldagi “O‘zbekiston Respublikasi O‘simliklar karantini va himoyasi agentligini tashkil etish to‘g‘risida”gi PQ-5185-son qarorining 14-bandi birinchi xatboshisidagi “Mudofaa sanoati bo‘yicha davlat qo‘mitasi” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasi” so‘zlari bilan almashtirilsin.

6. O‘zbekiston Respublikasi Prezidentining 2022-yil 6-iyuldagi “2022 — 2026-yillarda O‘zbekiston Respublikasining innovatsion rivojlanish strategiyasini amalga oshirish bo‘yicha tashkiliy chora-tadbirlar to‘g‘risida”gi PQ-307-son qaroriga 8-ilovaning 29-pozitsiyasida:

“Amalga oshirish mexanizmi” ustunidagi “Mudofaa sanoati davlat qo‘mitasiga” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasiga” so‘zlari bilan almashtirilsin;

“Mas’ul ijrochilar” ustunidagi “Mudofaa sanoati davlat qo‘mitasi (O. Ismoilov)” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasi (X. Yusupov)” so‘zlari bilan almashtirilsin.

7. O‘zbekiston Respublikasi Prezidentining 2022-yil 22-avgustdagi “2022-2023-yillarda axborot-kommunikatsiya texnologiyalari sohasini yangi bosqichga olib chiqish chora-tadbirlari to‘g‘risida”gi PQ-357-son qaroriga 3b-ilovaning 8-pozitsiyasi “Mas’ul ijrochilar” ustunidagi “Mudofaa sanoati bo‘yicha davlat qo‘mitasi” so‘zlari “Investitsiyalar, sanoat va savdo vazirligi huzuridagi “O‘ztextreyd” davlat unitar korxonasi” so‘zlari bilan almashtirilsin.