O‘zbekiston Respublikasining 2021-yil 26-apreldagi O‘RQ-685-son “Sanitariya-epidemiologiya xizmati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartishlar kiritish to‘g‘risida”gi Qonuni, O‘zbekiston Respublikasi Prezidentining 2020-yil 25-iyuldagi PF-6035-son “Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari to‘g‘risida”gi va 2021-yil 2-iyundagi PF-6240-son “Texnik jihatdan tartibga solish sohasida davlat boshqaruvini tubdan takomillashtirish to‘g‘risida”gi farmonlari hamda 2020-yil 27-iyuldagi PQ-4790-son “O‘zbekiston Respublikasi Sanitariya-epidemiologik osoyishtalik va jamoat salomatligi xizmati faoliyatini tashkil qilish chora-tadbirlari to‘g‘risida”gi qaroriga muvofiq O‘zbekiston Respublikasi Sog‘liqni saqlash vazirligi va Ichki ishlar vazirligi qaror qiladi:
1. O‘zbekiston Respublikasi Sog‘liqni saqlash vazirligi va Ichki ishlar vazirligining 2007-yil 8-oktabrdagi 12, 16-son qarori (ro‘yxat raqami 1737, 2007-yil 8-noyabr) (O‘zbekiston Respublikasi qonun hujjatlari to‘plami, 2007-y., 45-son, 462-modda) bilan tasdiqlangan Jinoyat sodir etishda gumon qilinib ushlab turilgan shaxslarni saqlashning sanitariya-gigiyena qoidalariga ilovaga muvofiq o‘zgartirishlar kiritilsin.
O‘zbekiston Respublikasi Sog‘liqni saqlash vazirligining 2022-yil 11-noyabrdagi 26-son va Ichki ishlar vazirligining 2022-yil 3-noyabrdagi 59-qq-son qaroriga
ILOVA
ILOVA
2. 64-banddan “va oziq-ovqat mahsulotlariga qo‘yiladigan respublikadagi mavjud sanitariya qoida va me’yorlari talablariga asosan muvofiqlik sertifikati” degan so‘zlar chiqarib tashlansin.
3. 84-banddagi “sanitariya-epidemiologiya nazorati markazi” degan so‘zlar “sanitariya-epidemiologiya xizmati” degan so‘zlar bilan almashtirilsin.