31.08.2022 yildagi 481-son
O‘zbekiston Respublikasi Prezidentining “O‘zbekiston Respublikasining “2022-yil uchun O‘zbekiston Respublikasining Davlat budjeti to‘g‘risida”gi Qonuni ijrosini ta’minlash chora-tadbirlari to‘g‘risida” 2021-yil 30-dekabrdagi PQ-73-son qaroriga muvofiq, shuningdek, hayvonlarning o‘ta xavfli yuqumli kasalliklariga qarshi vaksinatsiya tadbirlarini o‘tkazish tizimini takomillashtirish hamda vaksinatsiya jarayonlarini to‘liq raqamlashtirish orqali sohada shaffoflikni ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2021-yil 30-dekabrdagi PQ-73-son qarori bilan tasdiqlangan O‘zbekiston Respublikasi Davlat budjetining barqarorligini ta’minlash va xarajatlarning samaradorligini oshirish bo‘yicha “yo‘l xaritasi”da hayvonlarning o‘ta xavfli yuqumli kasalliklariga qarshi vaksinatsiya tadbirlarini o‘tkazish hamda zamonaviy va shaffof mexanizmlar asosida moliyalashtirishni nazarda tutuvchi yangi tizim joriy etilishi belgilanganligi ma’lumot uchun qabul qilinsin.

Bosqichlar

Subyektlar

Chora-tadbirlar

Muddatlar

1-bosqich

Veterinariya va chorvachilikni rivojlantirish davlat qo‘mitasi va uning hududiy boshqarmalari va tuman (shahar) bo‘limlari

Vaksinatsiya tadbirlarini — monitoring ma’lumotlari asosida ishlab chiqilgan prognozga asosan o‘tkazish.

Har yili 1-oktabriga qadar

2-bosqich

Veterinariya va chorvachilikni rivojlantirish davlat qo‘mitasi

Vaksinatsiya tadbirlarini o‘tkazishda jismoniy va yuridik shaxslar, davlat boshqaruvi organlari tomonidan ma’lumotlar taqdim etilishi.

Doimiy ravishda

3-bosqich

Veterinariya va chorvachilikni rivojlantirish davlat qo‘mitasi va uning hududiy boshqarmalari va tuman (shahar) bo‘limlari

Veterinariya osoyishtalikni ta’minlashda hayvonlarning yuqumli kasalliklarini o‘z vaqtida aniqlash, ularga tashxis qo‘yish va tarqalishining oldini olishga doir epizootiyaga qarshi tadbirlar bo‘yicha monitoring xulosalarini taqdim etish.

Doimiy ravishda, har oyning yakunida

4-bosqich

Veterinariya va chorvachilikni rivojlantirish davlat qo‘mitasi

Epizootiya bo‘yicha tizimli monitoring natijalariga asoslanib mahalliy ijro etuvchi hokimiyat organlariga hududlarni o‘rganish va epizootiyaga qarshi kurashish choralarini ko‘rish zarurligi to‘g‘risida tezkor xabar berib borish.

Doimiy ravishda

5-bosqich

Veterinariya va chorvachilikni rivojlantirish davlat qo‘mitasi va uning hududiy boshqarmalari va tuman (shahar) bo‘limlari

Vaksinatsiya tadbirlari o‘tkazilishini nazorat qilish.

Doimiy ravishda

6-bosqich

tuman (shahar) bo‘limining veterinar xodimlari (maxsus emlash guruhlari)

Vaksinatsiya tadbirlarini har bir hududda o‘tkazish.

Har yili tasdiqlanadigan kasalliklarga qarshi kurashish tadbirlari bo‘yicha yo‘riqnomaga muvofiq

7-bosqich

Veterinariya va chorvachilikni rivojlantirish davlat qo‘mitasining hududiy boshqarmalari va tuman (shahar) bo‘limlari

O‘tkazilgan vaksinatsiya tadbirlari bo‘yicha hisobotni Qo‘mitaga taqdim etish.

Tadbirlar yakuni bo‘yicha

8-bosqich

Veterinariya va chorvachilikni rivojlantirish davlat qo‘mitasining hududiy boshqarmalari va tuman (shahar) bo‘limlari

Uta yuqumli kasalliklarning tarqalish holatidan kelib chiqib kelgusi yil uchun xarid qilinadigan vaksinalar miqdori to‘g‘risidagi ma’lumotlarni Qo‘mitaga taqdim etish.

Xar yil 1-iyunga qadar