21.12.2021 yildagi 765-son
O‘zbekiston Respublikasi Prezidentining “Yoshlarni har tomonlama qo‘llab-quvvatlash va ularning ijtimoiy faolligini yanada oshirishga oid qo‘shimcha chora-tadbirlar to‘g‘risida” 2021-yil 13-iyuldagi PF-6260-son Farmoni ijrosini ta’minlash, shuningdek, tadbirkorlikka qiziquvchi yoshlarni biznes va tadbirkorlik ko‘nikmalariga o‘qitish hamda yoshlarning yangi g‘oyalar asosida ishlab chiqilgan innovatsion, startap va biznes loyihalarini moliyalashtirish tizimini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Yoshlarni har tomonlama qo‘llab-quvvatlash va ularning ijtimoiy faolligini yanada oshirishga oid qo‘shimcha chora-tadbirlar to‘g‘risida” 2021-yil 13-iyuldagi PF-6260-son Farmoniga asosan Tiklanish va taraqqiyot jamg‘armasi tomonidan “O‘zbekiston Respublikasi Tashqi iqtisodiy faoliyat milliy banki” AJga yoshlarning yangi g‘oyalar asosida ishlab chiqilgan innovatsion, startap va biznes loyihalarini moliyalashtirish uchun 100 million AQSh dollari ekvivalenti miqdorida mablag‘ ajratilganligi ma’lumot uchun qabul qilinsin.
a) 2022 — 2024-yillarda yoshlarning yangi g‘oyalari asosida ishlab chiqilgan innovatsion, startap va biznes loyihalarini moliyalashtirish uchun mazkur qarorning 1-bandida nazarda tutilgan mablag‘lar “O‘zbekiston Respublikasi Tashqi iqtisodiy faoliyat milliy banki” AJ tomonidan 1-ilovadagi sxemaga muvofiq quyidagi tartibda ajratiladi:
1-bosqichda — 50 million AQSh dollari ekvivalenti miqdoridagi mablag‘lar 2-ilovaga muvofiq taqsimot bo‘yicha hududlar kesimida loyihalarni amalga oshirish uchun;

Bosqich

Chora-tadbirlar

Muddat

I. Tadbirkorlik faoliyati bilan shug‘ullanish istagidagi yoshlarni tanlab olish, yoshlarda biznes ko‘nikmalarini shakllantirish va ularni tadbirkorlikka o‘qitish jarayoni

1-bosqich

Yoshlar ishlari agentligi, Savdo sanoat palatasi va tijorat banklari tomonidan respublikamizning barcha hududlariga chiqqan holda joylarda yoshlar bilan ochiq muloqotlar, seminar-treninglar o‘tkazish orqali tadbirkorlik bilan shug‘ullanish istagidagi yoshlarning ro‘yxati shakllantiriladi.

Yoshlar ishlari agentligi tomonidan shakllantirilgan ro‘yxat yoshlarda biznes ko‘nikmalarini shakllantirish va ularni tadbirkorlikka o‘qitish uchun Savdo sanoat palatasiga taqdim etiladi.

Savdo sanoat palatasi tomonidan tadbirkorlik bilan shug‘ullanish istagidagi yoshlar tadbirkorlik ko‘nikmalarini shakllantirish kurslarida bepul, shu jumladan “onlayn” tarzda o‘qitiladi.

Tadbirkorlikka o‘qi�ish kurslarini muvaffaqiyatli tugatgan yoshlarga “Yoshlar — kelajagimiz” jamg‘armasi tomonidan sertifikat taqdim etiladi.

Doimiy ravishda

II. Yosh tadbirkorlarning biznes loyihalarini ishlab chiqish

2-bosqich

Tadbirkorlikka o‘qitish kurslarini muvaffaqiyatli tugatgan va “Yoshlar — kelajagimiz” jamg‘armasining maxsus sertifikatini olgan yoshlar qonunchilikda belgilangan tartibda yosh tadbirkorlik subyekti sifatida ro‘yxatdan o‘tkaziladi.

Real vaqt rejimida

3-bosqich

Yosh tadbirkorlik subyekti tomonidan investitsiya loyihasiga doir takliflar ishlab chiqiladi.

Real vaqt rejimida

4-bosqich

Hududlardagi “Loyihalar fabrikasi” tomonidan Yosh tadbirkorlik subyektining loyiha-takliflari asosida loyiha biznes-rejasi ishlab chiqilishida amaliy yordam ko‘rsatiladi.

10 kalendar kuni

5-bosqich

“O‘zmilliybank” AJ moliyaviy resurslar jalb qilish uchun qonunchilik hujjatlar�da belgilangan tartibda Tiklanish va taraqqiyot jamg‘armasi bilan bosh kelishuv tuzadi va mablag‘ ajratish bo‘yicha buyurtmanoma kiritadi.

3 ish kuni

6-bosqich

Yosh tadbirkorlik subyekti investitsiya loyihasini amalga oshirish uchun kredit olish maqsadida “O‘zmilliybank” AJning eng qulay filialiga murojaat qiladi va belgilangan hujjatlar to‘plamini (ariza, ta’sis hujjatlari, biznes-reja, tovar yoki xizmatlar xarid qilish bo‘yicha oldi-sotdi shartnomasi, garov hujjatlari, tadbirkorlik kurslarida o‘qiganlik to‘g‘risida sertifikat) taqdim etadi.

10 ish kuni

7-bosqich

Bank Kredit qo‘mitasi Yosh tadbirkorlik subyekti tomonidan taqdim etilgan loyiha hujjatlarini o‘rganib chiqib, loyihani moliyalashtirish yuzasidan qaror chiqaradi. Kredit ajratish rad etilgan hollarda bu to‘g‘risida bank tomonidan arizachiga ma’lum qilinadi.

2 ish kuni

8-bosqich

Bank tomonidan loyihani moliyalashtirish bo‘yicha ijobiy qaror qabul qilinganda, qarz oluvchi bilan kredit shartnomasi, garov va sug‘urta hujjatlari rasmiylashtiriladi.

3 ish kuni

9-bosqich

Yosh tadbirkorlik subyektining to‘lov topshiriqnomasiga asosan tovar yetkazib beruvchi / xizmatlarni taqdim etuvchi tashkilot hisobvarag‘iga kreditlarini o‘tkazib beradi. Kredit 7 yil muddatga, 3 yil imtiyozli davr bilan Markaziy bankning asosiy stavkasida bazaviy hisoblash miqdorining 1000 (270 mln so‘m) barobaridan 2000 barobarigacha (540 mln so‘m) miqdorida ajratiladi.

10 ish kuni

10-bosqich

Tijorat banki tomonidan kredit ajratish rad etilgan hollarda “Loyihalar fabrikasi” bilan birgalikda mavjud kamchiliklarni bartaraf etgan holda loyihani yanada puxta ishlab chiqadi va tijorat bankiga takroran taqdim etadi.

10 ish kuni

11-bosqich

Tijorat banki Yosh tadbirkorlik subyektiga ajratilgan kreditning maqsadli ishlatilishi yuzasidan kreditdan foydalanishning muddati davomida monitoringni amalga oshiradi.

Kredit so‘ndirilgunga qadar