09.04.2021 yildagi PQ-5063-son

T/r

Chora-tadbirlar nomi

Amalga oshirish mexanizmi

Ijro muddati

Mas’ullar

I. Tashkiliy tadbirlar

1.

Qayta tiklanuvchi energiya manbalari milliy ilmiy-tadqiqot instituti (keyingi o‘rinlarda — Institut) va Vodorod energetikasi ilmiy-tadqiqot markazi (keyingi o‘rinlarda — Markaz) faoliyatini tashkil etish yuzasidan xalqaro tajribani o‘rganish bo‘yicha xorijiy davlatlarga stajirovka tashkil etish.

1. Qayta tiklanuvchi va vodorod energetikasi sohalarida tadqiqotlarni tashkil etish bo‘yicha yutuqlar va natijalarga erishgan xorijiy kompaniya va ilmiy muassasalar ro‘yxatini tuzish.

2021-yil may

Energetika vazirligi, Innovatsion rivojlanish vazirligi, Fanlar akademiyasi, Tashqi ishlar vazirligi, Investitsiyalar va tashqi savdo vazirligi, Iqtisodiy taraqqiyot va kambag‘allikni qisqartirish vazirligi

2. Belgilangan xorijiy kompaniya va ilmiy muassasalar bilan tegishli kelishuvlarga erishish.

2021-yil iyun

3. Xalqaro tajribani o‘rganishga yuboriladigan mas’ul shaxslar ro‘yxatini shakllantirish.

2021-yil iyun

4. Xorijiy davlatlarga stajirovkalarni tashkil etish jadvalini tasdiqlash.

2021-yil iyul

2.

Institut va Markaz faoliyatini tashkil etishni, shuningdek, qayta tiklanuvchi va vodorod energetikasi sohalarida amaliy ishlanmalarni yaratishga qaratilgan ilmiy-tadqiqot loyihalarini va boshqa tadbirlarni amalga oshirishda yuzaga keladigan xarajatlarni moliyalashtirish.

1. Institut va Markazni tashkil etishni, shuningdek, qayta tiklanuvchi va vodorod energetikasi sohalarida amaliy ishlanmalarni yaratishga qaratilgan ilmiy-tadqiqot loyihalarini amalga oshirishda yuzaga keladigan xarajatlarni qoplash bo‘yicha Dastur ishlab chiqish va tasdiqlash uchun Vazirlar Mahkamasiga kiritish.

2021-yil iyun

Energetika vazirligi, Innovatsion rivojlanish vazirligi, Fanlar akademiyasi

2. Tasdiqlangan Dastur doirasida tadbirlarni moliyalashtirish.

Dasturda belgilangan muddatlarda

II. Qayta tiklanuvchi va vodorod energetikasi sohasida ilmiy-tadqiqotlarni jadallashtirish

3.

Vodorod energetikasi texnologiyalarini joriy etishni qo‘llab-quvvatlash.

1. Iqtisodiyot tarmoqlarida “yashil” vodorod texnologiyalarini joriy etish bo‘yicha pilot loyihalarini amalga oshirish hamda tajriba-sinov qurilmalarini barpo etishga ta’sirchan imtiyozlarni joriy qilish bo‘yicha takliflar ishlab chiqish.

2021-yil iyul

Energetika vazirligi, Innovatsion rivojlanish vazirligi, Fanlar akademiyasi, Iqtisodiy taraqqiyot va kambag‘allikni qisqartirish vazirligi, manfaatdor vazirlik va idoralar

2. Ishlab chiqilgan takliflarni belgilangan tartibda Vazirlar Mahkamasiga kiritish.

2021-yil avgust

4.

Markaz huzurida Vodorod texnologiyalari ilmiy-texnik kengash faoliyatini yo‘lga qo‘yish.

1. Ilmiy-texnik kengashni tuzish va uning tarkibiga vodorod texnologiyalari sohasida ilmiy tajribaga ega olimlarni, xorijda sohada faoliyat yuritayotgan olimlarni jalb qilish.

doimiy ravishda

Energetika vazirligi, Innovatsion rivojlanish vazirligi, Fanlar akademiyasi, Tashqi ishlar vazirligi, Institut

2. Vodorod energetikasi ilmiy-tadqiqot markazi rahbarini lavozimi bo‘yicha Ilmiy-texnik kengashning raisi etib tayinlash.

2021-yil sentyabr

3. Vodorod energetikasiga oid dolzarb masala, loyihalar ilmiy-texnikaviy kengash muhokamasidan o‘tkazilishini ta’minlash.

doimiy ravishda

5.

Vodorod energetikasi texnologiyalari sohasida doktorlik dissertatsiyalariga ilmiy rahbarlik qilish uchun xorijlik olimlarni jalb qilish.

1. Xorijlik olimlarni jalb qilish uchun vodorod energetikasi ilmiy sohasi bo‘yicha dissertatsiyalarning ustuvor ilmiy mavzularini belgilab olish.

2021-yil avgust

Fanlar akademiyasi, Innovatsion rivojlanish vazirligi, Oliy va o‘rta maxsus ta’lim vazirligi, Oliy attestatsiya komissiyasi, Energetika vazirligi, Tashqi ishlar vazirligi, Institut

2. Ustuvor yo‘nalishlar bo‘yicha doktorlik dissertatsiyalarga ilmiy rahbarlik qilish uchun xorijlik olimlarni respublikaga jalb qilish mexanizmini ishlab chiqish.

2021-yil oktyabr

3. Etakchi xorijiy jamg‘armalar va tashkilotlar bilan qo‘shma tadqiqotlar rejasini ishlab chiqish hamda shartnomalar tuzish.

2021-yil dekabr

6.

Respublikada vodorod energetikasini rivojlantirish bo‘yicha olib borilgan tadqiqotlar va bajarilgan amaliy ishlar yuzasidan yillik hisobot tayyorlash.

1. Vodorod energetikasi texnologiyalarini joriy qilish va bajarilgan tadqiqotlarning natijalarini ifodalovchi yillik hisobotni tayyorlash.

2021-yildan boshlab

Innovatsion rivojlanish vazirligi, Energetika vazirligi, Institut, manfaatdor vazirlik va idoralar

2. 2021-yildan boshlab hisobotning doimiylik asosida “InnoWeek.uz” Xalqaro innovatsion g‘oyalar haftaligi doirasida taqdimotini �tkazish amaliyotini joriy qilish.

2021-yil noyabr-dekabr

III. Yangi texnologiyalarni iqtisodiyot tarmoqlarida joriy etish

7.

Katta quyosh sandonida vodorod energiyasi bo‘yicha unumli ilmiy-amaliy tadqiqot ishlarini olib borish.

1. Katta quyosh sandoni samaradorligini oshirish va vodorod energetikasi sohasida faoliyat olib borish uchun zarur chora-tadbirlarni ishlab chiqish va amalga oshirish.

doimiy ravishda

Energetika vazirligi, Fanlar akademiyasi, Innovatsion rivojlanish vazirligi, Moliya vazirligi, Institut

2. Amalga oshirilgan ishlar bo‘yicha yillik hisobotlar tayyorlash va ommaviy axborot vositalarida doimiy ravishda yoritib borish.

har yil yakunida

8.

Institutning noyob inshootlari va texnologik maydonlarida respublika iqtisodiyotining dolzarb muammolarini hal qilishga yo‘naltirilgan ilmiy-texnik izlanishlar hamda ishlanmalarni tashkil etish va amalga oshirish.

1. Zamonaviy qayta tiklanuvchi va vodorod energetikasiga asoslangan texnologiyalar va tizimlarni respublika sharoitiga moslashtirish va iqtisodiyot tarmoqlariga keng miqyosda tatbiq qilishga yo‘naltirilgan ilmiy-amaliy (fundamental, amaliy, innovatsion, tajriba-konstruktorlik ishlanmalarini tijoratlashtirish) loyihalarni amalga oshirish dasturini shakllantirish.

2022-yildan boshlab

Energetika vazirligi, Innovatsion rivojlanish vazirligi, Fanlar akademiyasi, Institut

2. Tegishli vazirlik, idora va boshqa tashkilotlar bilan hamkorlik qilish bo‘yicha takliflar asosida loyihalarni kelishib olish va ularni amalga oshirish choralarini ko‘rish.

tomonlar kelishuviga asosan

9.

Qayta tiklanuvchi va vodorod energetikasi sohasidagi yuqori malakali kadrlarni maqsadli tayyorlash.

1. Qayta tiklanuvchi va vodorod energetikasi sohasida Respublika hamda xorijiy davlatlarning nufuzli ilmiy-tadqiqot markazlarida faoliyat yuritayotgan yuqori malakali kadrlarni o‘quv jarayoniga jalb etish.

doimiy ravishda

Energetika vazirligi, “El-yurt umidi” jamg‘armasi, Oliy va o‘rta maxsus ta’lim vazirligi, Innovatsion rivojlanish vazirligi, Tashqi ishlar vazirligi, Institut

2. Talabalarni tanlov asosida Institut ilmiy-amaliy faoliyatiga jalb etish.

doimiy ravishda

IV. Kadrlarni tayyorlash

10.

Vodorod energetikasi sohasida kadrlar tayyorlashni yo‘lga qo‘yish.

1. Vodorod energetikasi yo‘nalishida mutaxassislarni tayyorlash uchun 2021/2022 o‘quv yilidan boshlab Islom Karimov nomidagi Toshkent davlat texnika universitetidagi “Muqobil energiya manbalari” (turlari bo‘yicha) bakalavriat ta’lim yo‘nalishi bo‘yicha qabul parametrlarini oshirish bo‘yicha takliflarni ishlab chiqish.

2021-yil may

Oliy va o‘rta maxsus ta’lim vazirligi, Iqtisodiy taraqqiyot va kambag‘allikni qisqartirish vazirligi, Energetika vazirligi, Innovatsion rivojlanish vazirligi, Institut

2. Takliflarni Vazirlar Mahkamasiga kiritish.

2021-yil may

3. Vodorod energetikasi texnologiyalari ixtisosligi bo‘yicha doktorantura faoliyatlarini tashkil etish masalasini o‘rganib chiqib, Vazirlar Mahkamasiga taklif kiritish.

2021-yil iyun

4. Sohada faoliyat olib borayotgan mutaxassislar va dunyo olimlarini o‘quv jarayoniga jalb etish, ilmiy-amaliy anjumanlar, seminarlar, vebinarlar tashkil etish.

2021-2022 o‘quv yilidan

5. Mutaxassislik bo‘yicha amaliy va laboratoriya mashg‘ulotlarini Markaz va Institutda tashkillashtirish.

2021-2022 o‘quv yilidan

6. 2024/2025 o‘quv yilidan boshlab Toshkent davlat texnika universitetida “Vodorod energetikasi va texnologiyalari” magistratura mutaxassisligi bo‘yicha kadrlar tayyorlashni yo‘lga qo‘yish choralarini ko‘rish.

2024-2025 o‘quv yilidan

7. Sohaning yetakchi mutaxassislari va xorijiy tajribadan kelib chiqib, mutaxassislik uchun tegishli hujjatlarni ishlab chiqish va belgilangan tartibda tasdiqlash.

2024-yil fevral

8. O‘quv rejadagi fanlar bo‘yicha o‘quv-uslubiy ta’minotni yaratish.

2024-yil iyul

11.

Vodorod energetikasi fanini chuqurlashtirib o‘qitishga ixtisoslashtirilgan kafedraning moddiy-texnik bazasini mustahkamlash.

1. Kafedrani zamonaviy axborot-kommunikatsiya texnologiyalari vositalari, kompyuter sinfi, masofaviy tarzda onlayn dars o‘tish asbob-uskunalari bilan jihozlash.

2024-2025 o‘quv yilidan

Oliy va o‘rta maxsus ta’lim vazirligi, Moliya vazirligi, Toshkent davlat texnika universiteti

2. Kafedrani moddiy-texnik va o‘quv-metodik, shu jumladan elektron darslik va multimedia materiallari bilan ta’minlash.

2024-2025 o‘quv yilidan

V. Vodorod energetikasini rivojlantirishda xorijiy hamkorlikni jadallashtirish

12.

Markazga xalqaro ilmiy grantlarni jalb qilish.

1. Xorijiy tashkilotlar bilan hamkorlik bo‘yicha istiqbolli reja tuzish va tasdiqlash.

doimiy ravishda

Energetika vazirligi, Tashqi ishlar vazirligi, Fanlar akademiyasi, Investitsiyalar va tashqi savdo vazirligi, Innovatsion rivojlanish vazirligi, Ins�itut

2. Xalqaro grantlarni moliyalashtiruvchi fondlar orqali vodorod energetikasi bo‘yicha xalqaro miqyosdagi dolzarb ilmiy muammolar yechimiga yo‘naltirilgan loyihalarni amalga oshirish.

doimiy ravishda

13.

Xorijiy ilmiy markazlarda mehnat qilayotgan xorijiy va vatandosh olimlarni Markazning tadqiqotlarida ishtirok etishi uchun jalb qilish.

1. Vodorod energetikasi yo‘nalishida xorijiy ilmiy muassasalarda faoliyat olib borayotgan xorijiy va vatandosh olimlar bazasini shakllantirish.

doimiy ravishda

Energetika vazirligi, Innovatsion rivojlanish vazirligi, El-yurt umidi” jamg‘armasi, Fanlar akademiyasi, Tashqi ishlar vazirligi, Institut

2. Xorijiy va vatandosh olimlar bilan doimiy ravishda muzokaralar olib borish, hamda ular ishtirokida tadqiqot ishlarining qo‘shma loyihalarini tayyorlash.

doimiy ravishda

1-ilovaning matni quyidagi tahrirda bayon etilsin: