Oldingi tahrirga qarang.
(qarorning nomi O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
O‘zbekiston Respublikasi Prezidentining “2020 — 2025-yillarga mo‘ljallangan O‘zbekiston Respublikasining bank tizimini isloh qilish strategiyasi to‘g‘risida” 2020-yil 12-maydagi PF-5992-son Farmoni ijrosini ta’minlash, “O‘zsanoatqurilishbank” aksiyadorlik tijorat bankining raqobatbardoshligi va investitsion jozibardorligini yuqori darajaga ko‘tarish hamda kelgusida xususiylashtirish uchun “O‘zsanoatqurilishbank” aksiyadorlik tijorat banki faoliyatini jahon tajribasi asosida transformatsiya qilish maqsadida Vazirlar Mahkamasi qaror qiladi:
Oldingi tahrirga qarang.
2019-yil 5-iyulda “O‘zsanoatqurilishbank” aksiyadorlik tijorat bankining (keyingi o‘rinlarda — Bank) faoliyatini institutsional o‘zgartirish va zamonaviy biznes modelini joriy etish bo‘yicha Bank va Xalqaro moliya korporatsiyasi (keyingi o‘rinlarda — XMK) o‘rtasida loyihaga xizmat ko‘rsatish kelishuvi, 2021-yil 17-fevralda Yevropa tiklanish va taraqqiyot banki (keyingi o‘rinlarda — YETTB) bilan aktivlar va passivlarni boshqarishni takomillashtirish va xalqaro tajribani joriy qilish yuzasidan texnik yordam ko‘rsatish kelishuvi imzolanganligi;
(1-bandning ikkinchi xatboshisi O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
Oldingi tahrirga qarang.
XMK, YETTB va Osiyo taraqqiyot banki (keyingi o‘rinlarda — OTB) tomonidan mos ravishda 75 million, 50 million va 50 million AQSh dollari ekvivalentigacha miqdorda har bir kreditorning xohishiga ko‘ra to‘liq yoki uning bir qismini Bankning qo‘shimcha chiqariladigan oddiy aksiyalariga konvertatsiya qilish imkoniyati bilan kredit liniyalari ochilishi to‘g‘risida bitimlar imzolanishi rejalashtirilganligi ma’lumot uchun qabul qilinsin.
(1-bandning uchinchi xatboshisi O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
2. Belgilansinki, Bank faoliyatining mustaqilligini ta’minlash maqsadida xususiylashtirishga tayyorgarlik ko‘rish jarayonida 2021-yilning dekabr oyi oxirigacha quyidagilarni nazarda tutuvchi chora-tadbirlar (kelgusi davrlarda ularga to‘liq rioya etilishi ta’minlanadi) amalga oshiriladi:
Vazirlar Mahkamasining “Davlat aktivlarini boshqarish tizimini yanada takomillashtirish chora-tadbirlari to‘g‘risida” 2019-yil 26-apreldagi 356-son qarorining 1 va 2-bandlarida nazarda tutilgan tartibni Bank kuzatuv kengashi a’zoligiga va boshqaruviga nomzodlarni ko‘rsatish va tayinlashga nisbatan tatbiq etmaslik;
Bank kuzatuv kengashining yangi tarkibini bank strategiyasi yo‘nalishidan kelib chiqqan holda xalqaro bank tajribasiga ega mustaqil a’zolarni jalb qilish va ularning sonini besh nafarga yetkazish (Bank kuzatuv kengashi a’zolari soni to‘qqiz nafar ekanligi inobatga olinib) orqali shakllantirish;
Bank kuzatuv kengashi huzuridagi qo‘mitalarni shakllantirishda xalqaro amaliyot talablarini inobatga olgan holda qo‘mitalar tarkibi asosan mustaqil a’zolardan iborat bo‘lishini va/yoki ularning qo‘mitalar raisligiga tayinlanishini ta’minlash;
Bank kuzatuv kengashi a’zolarini rag‘batlantirish va mukofotlash tizimida xalqaro tajriba standartlarini qo‘llash;
Bank kuzatuv kengashi tomonidan Bank ijro etuvchi organini, shuningdek ijro etuvchi organ a’zolarining (boshqaruv raisi va a’zolari) mehnatiga haq to‘lash miqdorini bozor amaliyoti standartlari va Bankdagi mehnat samaradorligini baholash tizimidan (KPI) kelib chiqqan holda shakllantirish va belgilash;
Bankka aloqador shaxslar, shu jumladan davlat ulushi mavjud xo‘jalik jamiyatlari bilan xar qanday operatsiyalarni tartibga soluvchi siyosatni joriy qilish va unga rioya qilish;
hududlarni kompleks ijtimoiy-iqtisodiy rivojlantirish dasturlariga kiritilgan loyihalarni moliyalashtirishda operatsion mustaqillik, bozor tamoyillari va xatarlarni boshqarish tizimidan kelib chiqqan holda Bankning vakolatli boshqaruv organlari tomonidan mustaqil ravishda, Bank siyosati asosida qaror qabul qilish;
bank faoliyatiga xos bo‘lmagan yo‘nalishda tijorat tashkilotlarining ustav fondi (kapitali)ga Bank mablag‘larini investitsiya tariqasida jalb qilishni man etish.
Oldingi tahrirga qarang.
Bank tomonidan yangi beriladigan kreditlar bozor tamoyillari va xatarlarni boshqarish tizimidan kelib chiqqan holda bank siyosati asosida ajratiladi;
Bankning Kuzatuv kengashi raisi 2023-yil 31-avgustga qadar uning mustaqil a’zolari orasidan saylanadi.
(21-band O‘zbekiston Respublikasi Prezidentining 2023-yil 31-iyuldagi PQ-253-sonli qaroriga asosan kiritilgan — Qonunchilik ma’lumotlari milliy bazasi, 01.08.2023-y., 07/23/253/0548-son)
3. XMKning Bank aksiyadorlari tarkibiga kirish to‘g‘risidagi tegishli xabarnomasi olingandan so‘ng (bunday xabarnoma olingandan keyin 90 kundan kechiktirilmagan muddatda) quyidagi chora-tadbirlar amalga oshirilsin:
Bankni Vazirlar Mahkamasining kotibiyatlariga biriktirilgan vazirliklar, idoralar va boshqa tashkilotlar, shuningdek,mahalliy ijroiya hokimiyati organlari ro‘yxatidan chiqarish;
Oldingi tahrirga qarang.
(3-bandning uchinchi xatboshisi O‘zbekiston Respublikasi Prezidentining 2023-yil 31-iyuldagi PQ-253-sonli qaroriga asosan chiqarilgan — Qonunchilik ma’lumotlari milliy bazasi, 01.08.2023-y., 07/23/253/0548-son)
4. Moliya vazirligi Bank bilan birgalikda XMK hamda manfaatdor vazirlik va idoralar bilan kelishgan holda Bankni xususiylashtirish jarayonining asosiy bosqichlarini hamda korporativ boshqaruv tuzilmasiga o‘zgarishlar kiritishga va axborotni oshkor qilish amaliyotini joriy qilishga yo‘naltirilgan tadbirlarni, shuningdek, tomonlarning Bankni xususiylashtirish jarayonini amalga oshirishga doir majburiyatlari 2023-yil yakuniga qadar bajarilishini nazarda tutadigan “yo‘l xaritasi”ni (keyingi o‘rinlarda — “yo‘l xaritasi”) ikki oy muddatda ishlab chiqsin hamda tasdiqlash uchun Vazirlar Mahkamasiga kiritsin.
bosh ofis va filiallar tarmog‘i xodimlarini rag‘batlantirish mexanizmiga yuklangan vazifalarning bajarilishi, shu jumladan mijozlarning sadoqati va qoniqish darajasidan kelib chiqqan holda mehnat samaradorligini baholash tizimini (KPI) joriy etish jarayonini jadallashtirish;
Bankning investitsiya faoliyati natijasida xarid qilingan va bank faoliyatiga xos bo‘lmagan aktivlarni sotish. Aktivlarni ular savdoga qo‘yilgan muddatdan boshlab 3 oy davomida baholash (bozor) qiymatida sotish (ulushni qonunchilik hujjatlarida belgilangan tartibda sotish) imkoni bo‘lmaganda, ularning bozor narxini nominal qiymatgacha kamaytirish va ushbu masalani Bank kuzatuv kengashi yig‘ilishida ko‘rib chiqish;
Bank aksiyadorlarining manfaatlarini himoya qilish nuqtai nazaridan, bank aktivlari va kredit portfeli tuzilmasini takomillashtirish, shuningdek, xorijiy valyutadagi kreditlar ulushini kamaytirish bo‘yicha samarali choralar ko‘rish;
bank xizmatlarining jozibadorligini oshirish, zamonaviy va masofaviy moliyaviy xizmat turlarini, IT-texnologiyalarni qo‘llashni kengaytirish chora-tadbirlarini amalga oshirish;
xodimlarni tayyorlash, qayta tayyorlash va malakasini oshirish tizimini (ayniqsa, tavakkalchiliklarni boshqarish, IT sohasida) muntazam ravishda takomillashtirish tavsiya etilsin.
6. Moliya vazirligi hamda Tiklanish va taraqqiyot jamg‘armasining quyidagilarni nazarda tutuvchi takliflariga rozilik berilsin:
Oldingi tahrirga qarang.
“yo‘l xaritasi”ga muvofiq 2024-yil oxiriga qadar Bankni xususiylashtirish va bank ustav fondi (kapitali)dagi davlat ulushini 50 foizdan kamaytirish;
(6-bandning ikkinchi xatboshisi O‘zbekiston Respublikasi Prezidentining 2023-yil 31-iyuldagi PQ-253-sonli qarori tahririda — Qonunchilik ma’lumotlari milliy bazasi, 01.08.2023-y., 07/23/253/0548-son)
Oldingi tahrirga qarang.
Bankning XMK, YETTB va OTB bilan imzolangan (imzolanadigan) tegishli kredit bitimlarida nazarda tutilgan shartlar asosida Bankning kredit bo‘yicha XMK, YETTB va OTB oldidagi qarzdorligining jami summasi yoki bir qismini bank tomonidan qo‘shimcha chiqariladigan oddiy aksiyalarga konvertatsiya qilish imkoniyatini berish;
(6-bandning uchinchi xatboshisi O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
Oldingi tahrirga qarang.
Bank “yo‘l xaritasi”da ko‘rsatilgan muddatgacha xususiylashtirilmagan yoki ushbu qarorning 7-bandida qayd etilgan bitimlar shartlari bajarilmagan taqdirda, Bankning XMK, YETTB va OTBga tegishli oddiy aksiyalarini qayta sotib olish bo‘yicha davlat majburiyatini qabul qilish.
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
Oldingi tahrirga qarang.
7. O‘zbekiston Respublikasi moliya vaziriga O‘zbekiston Respublikasi nomidan muzokaralar olib borish vakolati berilsin va O‘zbekiston Respublikasi nomidan harakat qiladigan Moliya vazirligi, Tiklanish va taraqqiyot jamg‘armasi (keyingi o‘rinlarda — TTJ) hamda XMK, YETTB, OTB o‘rtasida belgilangan tartibda quyidagi bitimlar tuzilishi ma’qullansin:
ushbu loyihani amalga oshirish uchun tomonlar majburiyatlari, shu jumladan, Bankdagi davlat nazorat paketini kamaytirish tartibi, muddati va usullari, shuningdek, Bank faoliyatini tijoratlashtirishga erishish va uning operatsion mustaqilligini oshirishga doir chora-tadbirlar ko‘rsatilgan implementatsiya to‘g‘risidagi bitimlar;
XMK, YETTB, OTB bilan kredit bitimlarining amal qilish muddati mobaynida Bank ustav fondi (kapitali)dagi davlat ulushini kamida 50 foiz va bir dona aksiya miqdorida saqlashni nazarda tutadigan (davlat tomonidan “yo‘l xaritasi”ga muvofiq o‘z majburiyatlarini bajarish hollari bundan mustasno) ustav fondi (kapitali)dagi miqdorni saqlash to‘g‘risidagi bitim;
Bankning taqdim etilgan kreditlar bo‘yicha XMK, YETTB va OTB oldidagi qarzdorligining jami summasi yoki bir qismini Bankning qo‘shimcha chiqarilgan oddiy aksiyalariga konvertatsiya qilish bo‘yicha tegishli opsionini XMK, YETTB va OTB tomonidan amalga oshirishda tuziladigan va Moliya vazirligi, TTJ, XMK, YETTB hamda OTBning Bankni boshqarish bo‘yicha vakolatlari aniq ko‘rsatilgan aksiyadorlik bitimlari;
davlat va/yoki Bank tomonidan “yo‘l xaritasi” va bitimlar shartlari bajarilmagan taqdirda, Bankning XMK, YETTB va OTBga tegishli bo‘lgan aksiyalarini Bankning taqdim etilgan kredit bo‘yicha XMK, YETTB va OTB oldidagi qarzdorligining jami summasi yoki bir qismini Bankning qo‘shimcha chiqarilgan oddiy aksiyalariga konvertatsiya qilish bo‘yicha tegishli opsionini XMK, YETTB va OTB tomonidan amalga oshirishda tuziladigan shartnomada belgilangan tartibda TTJ tomonidan qayta sotib olish bo‘yicha davlat majburiyatlarini o‘z ichiga oladigan aksiyalarni qayta sotib olish to‘g‘risidagi bitimlar.
(7-band O‘zbekiston Respublikasi Vazirlar Mahkamasining 2021-yil 28-dekabrdagi 778-sonli qarori tahririda — Qonunchilik ma’lumotlari milliy bazasi, 28.12.2021-y., 09/21/778/1207-son)
aksiyalarni qayta sotib olish to‘g‘risidagi bitimga muvofiq aksiyalar qiymati to‘lanishini ta’minlaydi;
Oldingi tahrirga qarang.
Bankning xalqaro moliya institutlariga tegishli bo‘lgan aksiyalarini birja yoki birjadan tashqari savdolarga qo‘ymasdan, to‘g‘ridan to‘g‘ri bitimlar tuzish orqali sotib olish huquqidan foydalanadi;
(8-bandning to‘rtinchi xatboshisi O‘zbekiston Respublikasi Prezidentining 2023-yil 31-iyuldagi PQ-253-sonli qarori tahririda — Qonunchilik ma’lumotlari milliy bazasi, 01.08.2023-y., 07/23/253/0548-son)
b) TTJning Bank ustav fondi (kapitali)dagi O‘zbekiston Respublikasi Prezidentining “Parrandachilikni yanada rivojlantirish bo‘yicha qo‘shimcha chora-tadbirlar to‘g‘risida” 2018-yil 13-noyabrdagi PQ-4015-son qaroriga muvofiq kiritilgan 50 mln AQSh dollar ekvivalentidagi ulushi Bankni xususiylashtirish jarayonida investorlarga sotiladi.
9. Mazkur qarorning bajarilishini nazorat qilish O‘zbekiston Respublikasi Bosh vazirining moliya-iqtisodiyot va kambag‘allikni qisqartirish masalalari bo‘yicha o‘rinbosari — iqtisodiy taraqqiyot va kambag‘allikni qisqartirish vaziri J.A. Qo‘chqorov va O‘zbekiston Respublikasi moliya vaziri T.A. Ishmetov zimmasiga yuklansin.