|
T/r |
Tadbirlar nomi |
Ijro muddatlari |
Hujjat turi |
Masʼul ijrochilar |
|
I. Normativ-huquqiy taʼminlash | ||||
|
1.1. |
“Ipoteka va uy-joy qurilishiga ipoteka krediti berish toʻgʻrisida” Oʻzbekiston Respublikasi Qonuni loyihasini tayyorlash |
uch oy muddatda |
Qonun loyihasi |
Iqtisodiyot vazirligi, Markaziy bank, Moliya vazirligi, Davlat soliq qoʻmitasi, “Davarxitektqurilish” qoʻmitasi, Adliya vazirligi, tijorat banklari |
|
1.2. |
Uy-joy qurilishi, turar-joylarni rekonstruksiya qilish va sotib olish uchun ipoteka krediti berish toʻgʻrisidagi nizomni tayyorlash |
uch oy muddatda |
Nizom loyihasi |
Iqtisodiyot vazirligi, Markaziy bank, Moliya vazirligi, Davlat soliq qoʻmitasi, “Davarxitektqurilish” qoʻmitasi, Adliya vazirligi, tijorat banklari |
|
1.3. |
Yakka tartibda uy-joy qurilishi toʻgʻrisidagi muvaqqat nizomni ishlab chiqish |
2005-yil mart |
Muvaqqat nizom loyihasi |
“Davarxitektqurilish” qoʻmitasi, Moliya vazirligi, Iqtisodiyot vazirligi, Adliya vazirligi |
|
1.4. |
Ipoteka krediti berishni qoʻllab-quvvatlash jamgʻarmasi mablagʻlarini shakllantirish va undan foydalanish tartibi toʻgʻrisidagi nizom loyihasini tayyorlash |
2005-yil mart |
Nizom loyihasi |
Iqtisodiyot vazirligi, Moliya vazirligi |
|
1.5. |
Soliq kodeksi va Yer kodeksiga mazkur qarordan kelib chiqadigan oʻzgartirishlar kiritish boʻyicha takliflar tayyorlash |
2005-yil aprel |
Qonunlar loyihalari |
Moliya vazirligi, Davlat soliq qoʻmitasi, Iqtisodiyot vazirligi, Markaziy bank, “Yergeodezkadastr” davlat qoʻmitasi, “Davarxitektqurilish” qoʻmitasi, Adliya vazirligi |
|
1.6. |
Uy-joy qurilishiga uzoq muddatli ipoteka krediti berish tizimini joriy etish boʻyicha normativ-huquqiy hujjatlar loyihalarini ishlab chiqish |
2005-yil III chorak |
Normativ hujjatlar loyihalari |
Markaziy bank, tijorat banklari, Moliya vazirligi, Iqtisodiyot vazirligi, “Davarxitektqurilish” qoʻmitasi |
|
1.7. |
Amaldagi shaharsozlik normalari va qoidalariga, qurilish va uy-joylarni rekonstruksiya qilishni tartibga soluvchi boshqa normativ hujjatlarga oʻzgartirishlar kiritish |
2005-yil III chorak |
Normativ hujjatlar |
“Davarxitektqurilish” qoʻmitasi, “Yergeodezkadastr” davlat qoʻmitasi |
|
1.8. |
Davlat va mintaqaviy darajalarda uy-joy sharoitlarini yaxshilash boʻyicha olib borilayotgan kompleks chora-tadbirlarning huquqiy taʼminoti tizimini yaratish boʻyicha takliflar tayyorlash |
2005-yil mart |
Takliflar |
Adliya vazirligi, Iqtisodiyot vazirligi, “Davarxitektqurilish” qoʻmitasi |
|
II. Tashkiliy-amaliy chora-tadbirlar | ||||
|
2.1. |
2010-yilgacha boʻlgan davrda aholining uy-joy sharoitlarini yaxshilash boʻyicha tashkiliy-texnikaviy tadbirlarni ishlab chiqish |
2005-yil aprel |
Tadbirlar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
|
2.2. |
Yakka tartibda uy-joy qurish uchun yer uchastkasi olishni xohlovchi hamda munitsipal uy-joy fondi va maqsadli kommunal uy-joy fondidagi kvartiralar olishni xohlovchi ariza beruvchilarni ajratgan holda aholining uy-joy sharoitlarini yaxshilash uchun mavjud navbat tartibini xatlovdan oʻtkazish |
uch oy muddatda |
Navbatda turganlar roʻyxati |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
|
2.3. |
Boʻsh yotoqxonalar va tugallanmagan qurilish obyektlarini xatlovdan oʻtkazish hamda bular asosida ularni uy-joylarga qayta ixtisoslashtirish uchun foydalanish boʻyicha takliflar kiritish |
uch oy muddatda |
Takliflar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Davlat statistika qoʻmitasi, Iqtisodiyot vazirligi, Davlat mulki qoʻmitasi, “Davarxitektqurilish” qoʻmitasi |
|
2.4. |
Uy-joy qurilishi sohasidagi konsalting va axborot infratuzilmalarini shakllantirish va ularning samarali faoliyat yuritishi boʻyicha kompleks chora-tadbirlarni ishlab chiqish |
Muntazam |
|
Iqtisodiyot vazirligi, “Davarxitektqurilish” qoʻmitasi, Davlat mulki qoʻmitasi |
|
2.5. |
Yakka tartibdagi uy-joy qurilishida yer uchastkalari ajratish mexanizmini takomillashtirish va yer munosabatlarini tartibga solish boʻyicha takliflar ishlab chiqish |
2005-yil mart |
Normativ hujjatlar loyihalari |
“Yergeodezkadastr” davlat qoʻmitasi, “Davarxitektqurilish” qoʻmitasi, viloyatlar hokimliklari |
|
2.6. |
Yakka tartibdagi uy-joy qurilishi uchun ajratilgan yerlarni xatlovdan oʻtkazish, ularning toʻliq qurilishi uchun amaliy chora-tadbirlar koʻrish, uy-joy qurilishi dasturi boʻyicha yerlar ajratish |
2005-yil iyul |
Tadbirlar |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Yergeodezkadastr” davlat qoʻmitasi, Davlat mulki qoʻmitasi, “Davarxitektqurilish” qoʻmitasi |
|
2.7. |
Uylar (kvartiralar)ni baholash va qayta baholash tizimini tartibga solish, bu sohadagi normativ hujjatlarni takomillashtirish boʻyicha takliflar ishlab chiqish |
2005-yil mart |
Vazirlar Mahkamasi qarori loyihasi |
Davlat mulki qoʻmitasi, “Yergeodezkadastr” davlat qoʻmitasi, Davlat soliq qoʻmitasi, Iqtisodiyot vazirligi, Moliya vazirligi, “Davarxitektqurilish” qoʻmitasi, Adliya vazirligi |
|
2.8. |
Qishloq joylari uchun yakka tartibdagi uy-joylarning takror qoʻllaniladigan loyihalarini ishlab chiqish va tasdiqlash |
uch oy muddatda |
Namunaviy loyihalar |
“Davarxitektqurilish” qoʻmitasi, |
|
2.9. |
Koʻchmas mulk bozori faoliyatini takomillashtirish boʻyicha takliflar ishlab chiqish |
2005-yil mart |
Takliflar |
Davlat mulki qoʻmitasi, “Yergeodezkadastr” davlat qoʻmitasi, Davlat soliq qoʻmitasi, Iqtisodiyot vazirligi, Moliya vazirligi, Adliya vazirligi |
Oʻzbekiston Respublikasi Prezidentining Qarori, 16.02.2005 yildagi PQ-10-son
Kuchga kirish sanasi
16.02.2005
Рус
Eng
Ўзб
O’zb
O‘zb|Рус
Oʻzbekiston Respublikasi Prezidentining
Qarori
UY-JOY QURILISHI VA UY-JOY BOZORINI YANADA RIVOJLANTIRISH CHORA-TADBIRLARI TOʻGʻRISIDA
Aholining shinam uy-joylarga boʻlgan talab-ehtiyojlarini mumkin qadar toʻliq taʼminlash, uy-joy qurilishini, ayniqsa kichik shaharlar va qishloq joylarda jadal rivojlantirish, uy-joy qurilishi uchun imtiyozli uzoq muddatli ipoteka krediti berish tizimini keng joriy etish maqsadida:
1. “Uyjoyjamgʻarmabank” va “Zamin” banki aksiyadorlarining mazkur banklarni birlashtirish va ular asosida “Ipoteka-bank” aksiyadorlik tijorat ipoteka bankini tashkil qilish toʻgʻrisidagi taklifiga rozilik berilsin.
Quyidagilar bankning asosiy vazifalari qilib belgilansin:
yakka tartibdagi uy-joy qurilishi uchun imtiyozli uzoq muddatli ipoteka krediti berish tizimini joriy etish;
yakka tartibda uy-joy quruvchilarga va aholi uchun turar joylar barpo etadigan xoʻjalik yurituvchi subyektlarga kredit olishda koʻmaklashish;
uy-joy qurilishi uchun ipoteka krediti berishni rivojlantirishga xorijiy investitsiyalar, jumladan kreditlarni, shuningdek xalqaro va mahalliy moliya institutlari investitsiya hamda grantlarini jalb etish;
respublika mintaqalarida bankning ixtisoslashtirilgan xizmatlaridan aholining keng foydalanishini taʼminlaydigan filiallar shoxobchasini rivojlantirish;
zamonaviy, tejamli, bozorda talab yuqori boʻlgan qurilish materiallari ishlab chiqaruvchi korxonalarni kredit bilan taʼminlash.
Oldingi tahrirga qarang.
(2-band Oʻzbekiston Respublikasi Prezidentining 2011-yil 19-maydagi PQ-1531-sonli qaroriga asosan oʻz kuchini yoʻqotgan — OʻR QHT, 2011-y., 22-23-son, 225-modda)
Oldingi tahrirga qarang.
(3-band Oʻzbekiston Respublikasi Prezidentining 2011-yil 19-maydagi PQ-1531-sonli qaroriga asosan oʻz kuchini yoʻqotgan — OʻR QHT, 2011-y., 22-23-son, 225-modda)
Oldingi tahrirga qarang.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Oʻzbekiston Respublikasi Moliya vazirligi, Investitsiyalar va tashqi savdo vazirligi, “Ipoteka-bank” va tijorat banklari bilan birgalikda uy-joy qurilishiga ipoteka krediti berishni rivojlantirish uchun xalqaro va xorijiy milliy moliyaviy institutlarning imtiyozli uzoq muddatli kreditlari, grantlari va investitsiyalarini jalb etish choralarini koʻrsin.
(4-band Oʻzbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari maʼlumotlari milliy bazasi, 28.09.2020-y., 06/20/6075/1330-son)
Oldingi tahrirga qarang.
(5-band Oʻzbekiston Respublikasi Prezidentining 2011-yil 19-maydagi PQ-1531-sonli qaroriga asosan oʻz kuchini yoʻqotgan — OʻR QHT, 2011-y., 22-23-son, 225-modda)
6. Oʻzbekiston Respublikasi Iqtisodiyot vazirligi, Markaziy banki, Moliya vazirligi “Davarxitektqurilish” qoʻmitasi, Davlat soliq qoʻmitasi, Adliya vazirligi va tijorat banklari bilan birgalikda 3 oy muddatda quyidagilarni ishlab chiqib, Vazirlar Mahkamasiga kiritsinlar:
“Ipoteka va uy-joy qurilishiga ipoteka krediti berish toʻgʻrisida”gi Oʻzbekiston Respublikasi Qonuni loyihasi;
Uy-joy qurilishi, turar-joylarni rekonstruksiya qilish va sotib olish uchun ipoteka krediti berish toʻgʻrisidagi nizom.
Shu bilan birga ushbu hujjatlarda ipoteka kreditlari ajratishning puxta va ochiq-oshkora mexanizmi, kredit toʻlanmagan taqdirda nizolarni hal etish, mulkchilik huquqining oʻtishi va uydan koʻchirish, kreditorlarning zararlarini kafolatli qoplash va boshqa masalalar nazarda tutilsin.
7. Belgilansinki, 2010-yilning 1-yanvarigacha tijorat banklarining ipotekaga qoʻyilgan mol-mulkni sotishdan va berilgan ipoteka kreditlaridan olingan daromadi daromad (foyda) soligʻidan ozod etiladi.
8. 2010-yilgacha boʻlgan davrda uy-joy qurilishini va uy-joy bozorini rivojlantirish boʻyicha Oʻzbekiston Respublikasi Iqtisodiyot vazirligi, Moliya vazirligi, Davlat mulk qoʻmitasi tomonidan ishlab chiqilgan tadbirlar ilovaga muvofiq tasdiqlansin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki oy muddatda 2010-yilgacha boʻlgan davrda mintaqalarda uy-joy qurilishini rivojlantirish boʻyicha tashkiliy-texnikaviy chora-tadbirlarni ishlab chiqsinlar va tasdiqlasinlar, unda:
yer uchastkalari ajratish va yakka tartibdagi uy-joy qurilishi massivlarini kompleks holda barpo etish;
yakka tartibdagi uy-joy qurilishi yangi massivlarini mahalliy budjetlar mablagʻlari hisobiga zarur muhandislik kommunikatsiyalari bilan taʼminlash;
yakka tartibdagi uy-joy quruvchilarning mahalliy qurilish materiallari va konstruksiyalarga boʻlgan talab-ehtiyojlarini qondirish;
rekonstruksiya qilinadigan yoki buziladigan uy-joy fondini aniqlagan holda ommaviy seriyadagi ilgari qurilgan koʻp xonadonli uylarni rekonstruksiya qilishni nazarda tutsinlar.
9. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklatilsin.
Oʻzbekiston Respublikasining Prezidenti I. KARIMOV
Toshkent sh.,
2005-yil 16-fevral,
PQ-10-son
2010-yilgacha boʻlgan davrda uy-joy qurilishi va uy-joy bozorini rivojlantirish tadbirlari
(Oʻzbekiston Respublikasi qonun hujjatlari toʻplami, 2005-y., 7-son, 54-modda, 17-18-son, 131-modda, 37-38-son, 284-modda; 2011-y., 22-23-son, 225-modda; 28.09.2020-y., 06/20/6075/1330-son)