O‘zbekiston Respublikasi Prezidentining “O‘zbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish to‘g‘risida” 2017-yil 18-dekabrdagi PQ-3437-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining 1-ilovaga muvofiq ayrim qarorlariga o‘zgartirish va qo‘shimchalar kiritilsin.

2. O‘zbekiston Respublikasi Hukumatining 2-ilovaga muvofiq ba’zi qarorlari o‘z kuchini yo‘qotgan deb hisoblansin.

3. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — O‘zbekiston Respublikasi Investitsiyalar bo‘yicha davlat qo‘mitasi raisi S.R. Xolmurodov zimmasiga yuklansin.

3. Vazirlar Mahkamasining 2003-yil 16-sentabrdagi 401-son qarori (O‘zbekiston Respublikasi QT, 2003-y., 9-son, 84-modda) bilan tasdiqlangan Foydalanilmayotgan asosiy vositalarni, qurilishi tugallanmagan obyektlarni konservatsiya qilish tartibi to‘g‘risida nizomda:

a) 5-bandning “a” kichik bandi ikkinchi xatboshisidagi “Investitsiya dasturiga” so‘zlari “rivojlanish davlat dasturlariga” so‘zlari bilan almashtirilsin;

b) 24-bandning “a” kichik bandida:

ikkinchi xatboshidagi “Investitsiya dasturiga” so‘zlari “rivojlanish davlat dasturlariga” so‘zlari bilan almashtirilsin;

to‘rtinchi xatboshiga “korxonalar bo‘yicha” so‘zlaridan keyin “Investitsiyalar bo‘yicha davlat qo‘mitasi” so‘zlari qo‘shilsin.

7. Vazirlar Mahkamasining 2016-yil 5-yanvardagi 3-son qarori bilan tasdiqlangan Shaharlar va shahar posyolkalari hududlarini rivojlanish va qurish bo‘yicha shaharsozlik hujjatlarini ishlab chiqish, shuningdek ularni amalga oshirish tartibi to‘g‘risida nizomning rus tilidagi matnida:

a) 4-bandning ikkinchi va uchinchi xatboshilari, 13-bandning ikkinchi va uchinchi hatboshilaridagi “Investitsionnuyu programmu” so‘zlari “gosudarstvennie programmi razvitiya” so‘zlari bilan almashtirilsin.

b) 1-ilovaning birinchi qatoridagi “Investitsionnoy programmi” so‘zlari “gosudarstvennix programm razvitiya” so‘zlari bilan almashtirilsin.

10. Vazirlar Mahkamasining “2017 — 2019-yillarda “Urgut”, “G‘ijduvon”, “Qo‘qon” va “Hazorasp” erkin iqtisodiy zonalarining transport, ishlab chiqarish va muhandislik-kommunikatsiya infratuzilmalarini jadal rivojlanish chora-tadbirlari to‘g‘risida” 2017-yil 2-iyundagi 341-son qarorining (O‘zbekiston Respublikasi QHT, 2017-y., 23-son, 468-modda) rus tili matnidagi 11-bandi birinchi xatboshi quyidagi tahrirda bayon etilsin:

“11. Gosudarstvennomu komitetu Respubliki Uzbekistan po investitsiyam, Ministerstvu ekonomiki, Ministerstvu finansov Respubliki Uzbekistan pri formirovanii gosudarstvennix programm razvitiya Respubliki Uzbekistan na 2018 god i posleduyuщiye godi v ustanovlennom poryadke predusmatrivat vklyucheniye v nix investitsionnix proyektov, predusmotrennix k realizatsii v ramkax Programmi, s uchetom”.

14. Vazirlar Mahkamasining “O‘zbekiston Respublikasi Oliy va o‘rta maxsus ta’lim vazirligi huzurida Afg‘oniston fuqarolarini o‘qitish ta’lim markazi faoliyatini tashkil etish to‘g‘risida” 2017-yil 13-noyabrdagi 911-son qarorning 13-bandi quyidagi tahrirda bayon etilsin:

“13. O‘zbekiston Respublikasi Investitsiyalar bo‘yicha davlat qo‘mitasi, Iqtisodiyot vazirligi va Moliya vazirligi 2018-yil va kelgusi yillar uchun O‘zbekiston Respublikasining rivojlanish davlat dasturlari parametrlarini shakllantirishda Markaz o‘quv korpuslarida qurilish-tiklash ishlarini moliyalashtirish va talabalar shaharchasining to‘liq faoliyat ko‘rsatishini ta’minlash uchun Surxondaryo viloyati hokimligining asoslangan hisob-kitoblari asosida O‘zbekiston Respublikasi Davlat budjetidan kapital mablag‘lar hisobidan tegishli mablag‘lar ajratilishini nazarda tutsin”.

1. Vazirlar Mahkamasining “O‘zbekiston Respublikasining investitsiya dasturini shakllantirish tartibi to‘g‘risida” 1997-yil 12-maydagi 240-son qarori.

2. Vazirlar Mahkamasining “Asosiy qiymat va moddiy balanslarni tasdiqlash tartibi va muddatlari to‘g‘risida” 1998-yil 19-avgustdagi 355-son qarori.

3. Vazirlar Mahkamasining “O‘zbekiston Respublikasi investitsiya dasturiga kiritilgan loyihalarning amalga oshirilishi ustidan davlat monitoringi to‘g‘risida” 2000-yil 4-yanvardagi 1-son qarori.

5. Vazirlar Mahkamasining “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash hamda ba’zilariga o‘zgartirishlar kiritish to‘g‘risida” 2005-yil 22-fevraldagi 73-son qaroriga 2-ilovaning 6-bandi (O‘zbekiston Respublikasi QT, 2005-y., 2-son, 13-modda).

8. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining “O‘zbekiston Respublikasi Investitsiyalar bo‘yicha davlat qo‘mitasini tashkil etish to‘g‘risida” 2017-yil 31-martdagi PF-4996-son Farmoni hamda O‘zbekiston Respublikasi Prezidentining “O‘zbekiston Respublikasi Investitsiyalar bo‘yicha davlat qo‘mitasi faoliyatini tashkil etish chora-tadbirlari to‘g‘risida” 2017-yil 4-apreldagi PQ-2868-son qarori)” 2017-yil 21-avgustdagi 651-son qaroriga ilovaning 5-bandi (O‘zbekiston Respublikasi QHT, 2017-y., 34-son, 893-modda).