O‘zbekiston Respublikasi Prezidentining “Milliy kinematografiyani yanada rivojlantirish chora-tadbirlari to‘g‘risida” 2017-yil 7-avgustdagi PQ-3176-son qarorini bajarish yuzasidan Vazirlar Mahkamasi qaror qiladi:

1. “O‘zbekkino” Milliy agentligi (keyingi o‘rinlarda Agentlik deb ataladi), “O‘zbekfilm” aksiyadorlik jamiyati, “O‘zbekiston Respublikasi ilmiy-ommabop va hujjatli filmlar kinostudiyasi” mas’uliyati cheklangan jamiyatning:

a) Agentlik huzurida “Multiplikatsion filmlar studiyasi” Davlat unitar korxonasini tashkil etish;

b) Agentlik tizimiga kiruvchi:

“O‘zbekiston Respublikasi ilmiy-ommabop va hujjatli filmlar kinostudiyasi” Mas’uliyati cheklangan jamiyatni “Hujjatli filmlar kinostudiyasi” Davlat unitar korxonasiga aylantirish;

“Yoshlar tajriba-ijodiy 5-studiyasi” Davlat korxonasini “Yoshlar ijodiy tajriba studiyasi” Davlat unitar korxonasi sifatida qayta nomlash haqidagi takliflari ma’qullansin.

2. Quyidagilar:

“O‘zbekkino” Milliy agentligi to‘g‘risidagi nizom 2-ilovaga muvofiq;

3. Belgilab qo‘yilsinki:

Agentlik kinematografiya sohasida yagona davlat siyosatini amalga oshiruvchi davlat boshqaruvi organi hisoblanadi;

Agentlikning markaziy apparati, “Qoraqalpoqkino” agentligi, viloyatlar va Toshkent shahar bo‘limlariga Vazirlar Mahkamasining “Davlat hokimiyati va boshqaruv organlari, sud organlari va notarial idoralari hodimlari mehnatga haq to‘lash tarif setkalarini joriy etish to‘g‘risida” 1996-yil 12-apreldagi 147-son qarori bilan belgilangan mehnatga haq to‘lash tartibi qo‘llaniladi.

4. Agentlik ikki oy muddatda O‘zbekiston Respublikasi Bandlik va mehnat munosabatlari vazirligi hamda Moliya vazirligi bilan kelishgan holda “Respublika kino fondi” davlat unitar korxonasi xodimlarining mehnatiga haq to‘lash bo‘yicha razryadlar va shtatlar jadvalini tasdiqlasin.

5. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin.

6. Mazkur qarorning bajarilishini nazorat qilish “O‘zbekkino” Milliy agentligining Bosh direktori F.Sh. Zokirov zimmasiga hamda Vazirlar Mahkamasining Madaniyat, san’at va yoshlar siyosati masalalari axborot-tahlil departamentiga yuklansin.

1. Ushbu Nizom “O‘zbekkino” Milliy agentligining (keyingi o‘rinlarda Agentlik deb ataladi) maqomi, asosiy vazifalari, funksiyalari, huquqlari va javobgarligi, shuningdek, uning faoliyatini tashkil etish tartibi hamda Agentlik rahbarlarining funksional vazifalari va javobgarligini belgilaydi.

2. Agentlik kinematografiya sohasida yagona davlat siyosatini amalga oshiruvchi davlat boshqaruvi organi hisoblanadi.

3. Agentlik O‘zbekiston Respublikasi Vazirlar Mahkamasiga (keyingi o‘rinlarda Vazirlar Mahkamasi deb ataladi) bo‘ysunadi.

4. Agentlik o‘z faoliyatini O‘zbekiston Respublikasi Prezidentining “Kinematografiya sohasida boshqarishni takomillashtirish to‘g‘risida” 2004-yil 16-martdagi PF-3407-son Farmoniga hamda O‘zbekiston Respublikasi Prezidentining “Milliy kinematografiyani yanada rivojlantirish chora-tadbirlari to‘g‘risida” 2017-yil 7-avgustdagi PQ-3176-son hamda “Milliy kinoindustriyani rivojlantirish bo‘yicha qo‘shimcha chora-tadbirlar to‘g‘risida” 2018-yil 24-iyuldagi PQ-3880-son qarorlariga muvofiq amalga oshiradi.

5. Agentlik o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. Agentlikning o‘z vakolatlari doirasida qabul qilgan qarorlari davlat va xo‘jalik boshqaruvi organlari, mahalliy davlat hokimiyati organlari, boshqa tashkilotlar va ularning mansabdor shaxslari hamda fuqarolar tomonidan bajarilishi majburiy hisoblanadi.

7. Agentlik va “Qoraqalpoqkino” agentligi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga va blankalarga, mustaqil balansga, O‘zbekiston Respublikasi Moliya vazirligining G‘aznachiligida shaxsiy g‘azna hisobvaraqlariga, bank hisob raqamlariga, shu jumladan, qonun hujjatlariga muvofiq banklarda milliy va xorijiy valyutada hisob raqamlariga ega bo‘ladi.

8. Agentlikning rasmiy nomi:

a) davlat tilida:

to‘liq nomi — “O‘zbekkino” Milliy agentligi, qisqartirilgan nomi — “O‘zbekkino” MA;

b) rus tilida:

to‘liq nomi — Natsionalnoye agentstvo “Uzbekkino”, qisqartirilgan nomi — NA “Uzbekkino”;

v) ingliz tilida:

to‘liq nomi — National Cinema Agency “Uzbekkino”, qisqartirilgan nomi — NCA “Uzbekkino”.

9. Agentlik tizimiga:

Agentlik markaziy apparati;

“Qoraqalpoqkino” agentligi;

“O‘zbekfilm” davlat unitar korxonasi;

“Qoraqalpoqfilm” davlat unitar korxonasi;

“Hujjatli va xronikal filmlar kinostudiyasi” davlat unitar korxonasi;

“Yoshlar ijodiy tajriba studiyasi” davlat unitar korxonasi;

“Multiplikatsion filmlar studiyasi” davlat unitar korxonasi;

“Respublika kinofondi” davlat unitar korxonasi;

“Alisher Navoiy nomidagi kino saroyi” davlat unitar korxonasi;

“Kinematografchilar uyi” davlat unitar korxonasi;

“Do‘rmon kinoijodkorlar uyi” davlat unitar korxonasi;

“Respublika kinoprokat markazi” davlat unitar korxonasi;

“Kinoindustriya sohasi xodimlarini qayta tayyorlash va ularning malakasini oshirish markazi” davlat unitar korxonasi.

O‘zbekiston kinosan’ati muzeyi kiradi.

10. Quyidagilar Agentlikning vazifalari hisoblanadi:

kino san’atining milliy madaniyatni rivojlantirish, jamiyat ma’naviy hayotini yuksaltirishdagi o‘rni va ahamiyatini hisobga olgan holda bu sohani umumbashariy va milliy qadriyatlar uyg‘unligi asosida taraqqiy ettirishning ustuvor yo‘nalishlarini ishlab chiqish;

kino san’atida, kino-video faoliyat sohasida davlat siyosatini amalga oshirish;

kinematografiya sohasida faoliyat ko‘rsatayotgan tashkilotlar, kinostudiyalar va ijodiy jamoalarni qo‘llab-quvvatlash, ularning manfaatlarini himoya qilish, tadbirkorlik va raqobat muhitini rivojlantirish uchun qulay shart-sharoitlar yaratish;

milliy kino san’atining eng yaxshi an’analarini izchil davom ettirish va boyitish maqsadida iqtidorli yosh kinematografchilarni tarbiyalash, ularning ijodiy imkoniyatlarini ro‘yobga chiqarishga ko‘maklashish;

“Respublika kinofondi” davlat unitar korxonasi faoliyatini bugungi kun talablari negizida tashkil etish;

kinofilmlar yaratish va ularni namoyish etish tizimini tanlovlar tashkil qilish orqali takomillashtirish va qayta texnik jihozlash, aholiga kino-video xizmat ko‘rsatish darajasini oshirish;

mualliflik huquqlari himoyalangan kino va video mahsulotlarini noqonuniy ravishda respublika hududiga olib kirishga, ulardan foydalanish, ijaraga berish va tarqatishga qarshi zarur choralar ko‘rish;

import va eksport qilinadigan kino va video mahsulotlariga ekspert bahosi berilishini amalga oshirish, respublika hududida kino va videofilmlar ko‘rsatish va ulardan texnik jihatdan foydalanish qoidalarini belgilash;

kinematografiya sohasida xalqaro hamkorlikni rivojlantirish, milliy kino mahsulotlarini jahon bozoriga olib chiqish, xorijiy kino ishlab chiqaruvchi tashkilot va kinoijodkorlar bilan aloqalarni kengaytirish, milliy kino san’atini xalqaro kinofestivallarda namoyish etish.

11. Agentlik o‘ziga yuklangan asosiy vazifalarga muvofiq quyidagi funksiyalarni amalga oshiradi:

1) kino san’atida, kino-videofaoliyat sohasida davlat siyosatini amalga oshirish sohasida:

kino sohasiga oid qonun hujjatlarining ijrosini ta’minlaydi hamda bajarilishini belgilangan tartibda nazorat qiladi;

kino sohasiga doir normativ-huquqiy hujjatlar loyihalarini ishlab chiqadi hamda Vazirlar Mahkamasiga kiritadi;

filmlarni ishlab chiqarish, dublyaj qilish, ularning namoyishi va prokatini tashkil etish, ko‘paytirish va sotishga oid yagona texnik-iqtisodiy siyosatni yuritadi;

Mehnat faoliyatida o‘zining fidokorona va mehnatsevarlik fazilatlarini namoyon qilgan kino sohasi xodimlarini davlat mukofotlariga belgilangan tartibda tavsiya etadi;

milliy kino san’atining yuqori sifatga ega bo‘lishi va xalqaro maydonga chiqishi uchun kino sohasiga oid jamoatchilik vakillari, kinoarboblari, yozuvchilar, rassomlar, bastakorlar, muhandis-texnik xodimlar, sportchilar va boshqa kasb vakillarining sa’y-harakatlarini birlashtiradi;

o‘z vakolatiga kiruvchi boshqa masalalarni hal etish uchun shartnoma asosida mahalliy va xorijiy ilmiy tashkilotlarni, ularning mutaxassislari va olimlarini jalb etadi;

kino sohasidagi milliy amaliyotga xalqaro va davlatlararo me’yorlarni joriy qilish yuzasidan Vazirlar Mahkamasiga takliflar kiritadi;

respublika hududida filmlar namoyish qilish, aholiga sifatli kino xizmati ko‘rsatish va kinoqurilmalardan texnik jihatdan foydalanish qoidalarini ishlab chiqadi, xususiy prokat tarmog‘ini rivojlantirishga ko‘maklashadi;

2) kino san’atining milliy madaniyatini rivojlantirish, jamiyat ma’naviy hayotini yuksaltirishdagi o‘rni va ahamiyatini hisobga olgan holda bu sohani umumbashariy va milliy qadriyatlar uyg‘unligi asosida taraqqiy ettirishning ustuvor yo‘nalishlarini ishlab chiqish sohasida:

yurtdoshlarimizning mamlakatda amalga oshirilayotgan siyosiy, ilmiy va ijtimoiy islohotlardagi ishtirokini aks ettiradigan va daxldorlik tuyg‘usini shakllantiradigan turli janr va mavzularda filmlar yaratish ishlarini tashkil qiladi;

filmlarning badiiy-g‘oyaviy saviyasini yuksaltirish chora-tadbirlarini amalga oshiradi, ushbu jarayonga malakali ekspertlarni, shu jumladan, xorijiy mutaxassislarni jalb etadi;

kinosan’atining xalqimiz, ayniqsa, yoshlar tarbiyasi va dunyoqarashini shakllantirishda tutgan muhim o‘rnini inobatga olib, bugungi yoshlar hayoti, ularning orzu-intilishlari, o‘y-havaslarini ifodalovchi, tinchlik, osoyishtalik, bunyodkorlik, bag‘rikenglik, mehr-oqibat, muhabbat kabi mavzulardagi filmlar ishlab chiqarilishini tashkil etadi;

o‘sib kelayotgan yosh avlodda ijodiy dunyoqarashni tarbiyalash va shakllantirish maqsadida bolalar auditoriyasi uchun mo‘ljallangan turli yo‘nalishdagi filmlar va kinojurnallarni tayyorlash ishlarini tashkil etadi;

filmlarni yoshlar orasida keng targ‘ib va tashviq qilish chora-tadbirlarini belgilaydi va amalga oshiradi;

3) kinematografiya sohasida faoliyat ko‘rsatayotgan tashkilotlar, kinostudiyalar va ijodiy jamoalarni qo‘llab-quvvatlash, ularning manfaatlarini himoya qilish, tadbirkorlik va raqobat muhitini rivojlantirish uchun qulay shart-sharoitlar yaratish sohasida:

xususiy kinostudiyalarga zarur metodik va amaliy yordam ko‘rsatadi, ular tomonidan yaratilayotgan filmlarning texnik sifatini oshirishga ko‘maklashadi;

filmlar ishlab chiqarish va ularni namoyish etish tizimini takomillashtirish choralarini ko‘radi, bunda ijodiy jamoalar, kinoijodkorlar va kinostudiyalar o‘rtasida film yaratish bo‘yicha kinoloyihalar tanlovini e’lon qiladi, kinostudiyalar loyihalarini o‘rganib, ularning eng yaxshisi asosida filmlarni ishlab chiqarishga tushiradi;

xususiy kinostudiyalar tomonidan ishlab chiqarilgan filmlarning badiiy-g‘oyaviy saviyasini oshirish bo‘yicha zarur tavsiya va ko‘rsatmalar beradi;

milliy filmlarni jahon Internet axborot tarmog‘i orqali keng targ‘ib qiladi, onlayn namoyishlarini tashkil etadi va ushbu masalada tadbirkorlik subyektlariga ko‘maklashadi;

4) milliy kino san’atining eng yaxshi an’analarini izchil davom ettirish va boyitish maqsadida iqtidorli yosh kinoijodkorlarni tarbiyalash, kinoindustriya sohasi xodimlarini qayta tayyorlash va ularning malakasini oshirish sohasida:

kinoindustriya sohasining, mulkchilik shaklidan qat’iy nazar kinokompaniyalarning ijodiy-ishlab chiqarish, texnik va boshqa xodimlarini shartnoma asosida rejissura, prodyuserlik, aktyorlik mahorati, kinooperatorlik, animatsiya va boshqa yo‘nalishlar bo‘yicha qayta tayyorlash hamda ularning malakasini oshiradi;

metodik va axborot bazasini yaratish, yaxshilash, doimiy yangilab borish, kinoindustriya sohasi xodimlarini qayta tayyorlash va ularning malakasini oshirish bo‘yicha zarur o‘quv qo‘llanmalari hamda tavsiyalarini ishlab chiqadi;

kinoindustriya sohasi xodimlarini, ular ishlayotgan muassasaning budjetdan tashqari mablag‘lari hisobidan, xorijiy kinokompaniyalarda qayta tayyorlanishi va ularning malakasi oshirilishini tashkil etish va chet ellik hamkorlar bilan yaqin aloqalarni yo‘lga qo‘yadi;

iqtidorli yosh kinoijodkorlarning ijodiy imkoniyatlarini ro‘yobga chiqarishga doir turli ko‘rik-tanlovlar o‘tkazadi;

kino sohasida iqtidorli yoshlar vakillarini tanlov asosida xorijiy davlatlarga o‘qishga yuboradi;

5) “Respublika kinofondi” davlat unitar korxonasi faoliyatini bugungi kun talablari negizida tashkil etish sohasida:

yaratilgan filmlarning raqamli formatda, maxsus disklarda va boshqa turdagi manbalarga nusxasini ko‘chirish maqsadida zamonaviy texnologiyalarni joriy etish masalalarini hal qiladi;

o‘zbek kinosi durdonalarini eng zamonaviy texnik uskunalar asosida xorijiy va mahalliy mutaxassislarni jalb qilgan holda restavratsiya qilish, raqamli formatga o‘tkazish ishlarini amalga oshiradi;

chet davlatlardagi milliy kino mahsulotlarimizni mamlakatimizga keltirish va saqlash ishlarini amalga oshiradi;

6) kinofilmlar yaratish va ularni namoyish etish tizimini tanlovlar tashkil etish orqali takomillashtirish va qayta texnik jihozlash, aholiga kino-videoxizmat ko‘rsatish darajasini oshirish sohasida:

Davlat buyurtmasiga binoan kinomahsulotlarni yaratish bo‘yicha ochiq tanlovlar tashkil etadi;

Respublikada kinoprokat tizimini rivojlantirishga ko‘maklashadi;

kino obyektlarining bino va inshootlarini qurish, rekonstruksiya qilish, modernizatsiyalash va sohani texnik jihozlash dasturini ishlab chiqadi va ularni amalga oshirishda ishtirok etadi;

filmlarni yaratish, namoyish qilish, shuningdek, Agentlik tizimiga kiruvchi tashkilotlarning moddiy-texnika bazasini yangilash uchun ajratilgan mablag‘larning maqsadli va samarali sarflanishini nazorat qiladi;

binolarga xizmat ko‘rsatish ishlarini bajarishga, jihozlar va xo‘jalik anjomlari, avtotransport, aloqa vositasi, kompyuter jihozlarini saqlash va ulardan foydalanish, tashkiliy texnika, dasturiy ta’minotlarni xarid qilish yuzasidan belgilangan tartibda shartnomalar tuzadi;

7) mualliflik huquqlari himoyalangan kino va video mahsulotlarini noqonuniy ravishda respublika hududiga olib kirishga, ulardan foydalanish, ijaraga berish va tarqatishga qarshi zarur choralar ko‘rish sohasida:

respublikamiz hududiga olib kiriladigan kino va video mahsulotlarni ekspert ko‘rikdan o‘tkazadi;

chet davlatlardan kirib kelgan mahsulotlarni ommaviy namoyish qilish uchun ruxsatnomalar beradi;

kinomahsulotlarni noqonuniy tarqalishining oldini olish maqsadida tegishli vakolatli organlar bilan birgalikda turli tadbirlar o‘tkazadi;

8) import va eksport qilinadigan kino va video mahsulotlariga ekspert bahosi berilishini amalga oshirish, respublika hududida kino va videofilmlar ko‘rsatish va ulardan texnik jihatdan foydalanishning qoidalarini belgilash sohasida:

kino san’atining metodik qo‘llanmalarini ishlab chiqadi;

import va eksport qilinadigan kino va video mahsulotlarni ekspert baholash maqsadida ekspertlar guruhini shakllantiradi;

taniqli kinoijodkorlarni jalb qilgan holda “Mahorat maktablari”, turli seminarlar, treninglar tashkil qiladi;

yosh iqtidorli kinoijodkorlarning xorijiy yetuk kinokompaniyalarda malaka oshirishini tashkil qiladi;

yosh iqtidorli kinoijodkorlarni tanlov asosida xorijiy ta’lim muassasalarida ta’lim olishlari va amaliyot o‘tashlari uchun zarur sharoitlar yaratadi;

kinoijodkorlarning malakasini oshirish maqsadida xorijiy ta’lim muassasalari bilan belgilangan tartibda hamkorlik aloqalarini yo‘lga qo‘yadi;

kinoijodkorlarning ta’lim olishini moliyaviy qo‘llab-quvvatlaydi;

9) kino sohasida xalqaro hamkorlikni rivojlantirish, milliy kino mahsulotlarini jahon bozoriga olib chiqish, xorijiy kino ishlab chiqaruvchi tashkilot va kinoijodkorlar bilan aloqalarni kengaytirish, milliy kino san’atini xalqaro kinofestivallarda namoyish etish sohasida:

xorijiy kinokompaniyalar bilan hamkorlikda turli tadbirlar, festivallar, ko‘rik-tanlovlar o‘tkazadi;

xorijiy kinokompaniyalar bilan hamkorlikda filmlarni suratga olish ishlarini tashkil qiladi, ular bilan to‘g‘ridan-to‘g‘ri shartnomalar tuzadi;

kino sohasida hamkorlikni rivojlantirish va milliy filmlarni nufuzli kinofestivallarga olib chiqish maqsadida xalqaro aloqalarni yo‘lga qo‘yadi;

xalqaro kinoanjumanlar va kinofestivallarni tashkil qiladi, shu kabi tadbirlarda faol ishtirok etadi, xorijiy kino ishlab chiqaruvchi tashkilotlar va kinoijodkorlar bilan muntazam aloqalar o‘rnatadi;

xorijda “O‘zbek kinosi kunlari” tadbirlarini tashkil etadi, O‘zbekistonda xorijiy mamlakatlarning milliy kino kunlarini o‘tkazadi;

milliy filmlarimizni yaratish jarayoniga xorijiy davlatlarning kino ijodkorlari, texnik xodimlarini to‘g‘ridan to‘g‘ri shartnoma tuzgan holda jalb qiladi.

12. Quyidagilar Agentlik markaziy apparatining asosiy vazifalari hisoblanadi:

1) Agentlikka yuklangan vazifalar va topshiriqlar Agentlik tizimiga kiruvchi tashkilotlar bilan birgalikda samarali bajarilishini ta’minlash;

2) Agentlik, uning tizimiga kiruvchi tashkilotlarning muhim muammolari va yo‘nalishlarini aniqlash hamda muammolarni bartaraf etish bo‘yicha chora-tadbirlarni amalga oshirish;

3) Agentlik, uning tizimiga kiruvchi tashkilotlar samaradorligini oshirish, moddiy-texnik bazasini mustahkamlash, respublika va xalqaro miqyosdagi hamkorlik, faoliyat yo‘nalishlari bo‘yicha normativ-huquqiy hujjatlar loyihalari o‘z muddatida sifatli tayyorlanishini tashkil etish va Vazirlar Mahkamasi, O‘zbekiston Respublikasi Prezidenti Administratsiyasiga taqdim etish;

4) O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari ijrosini ta’minlash, Agentlik nizomiga amal qilinishini, Bosh direktor va Hay’at qarorlari Agentlikning tizimiga kiruvchi tashkilotlar tomonidan bajarilishini ta’minlash;

5) xalqaro aloqalarni rivojlantirish bilan bog‘liq chora-tadbirlarni amalga oshirish.

13. Agentlikning markaziy apparati unga yuklangan asosiy masalalarni hal etish uchun quyidagi funksiyalarni amalga oshiradi:

1) Agentlik va uning rahbariyatini tashkiliy va axborot-tahlil jihatidan ta’minlaydi;

2) O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari ijrosini, Agentlik nizomiga amal qilinishini, Bosh direktor va Hay’at qarorlari tizim tashkilot va muassasalar tomonidan bajarilishini ta’minlaydi va tizimli nazoratni amalga oshiradi;

3) Agentlik tomonidan O‘zbekiston Respublikasi Vazirlar Mahkamasi, O‘zbekiston Respublikasi Prezidenti Administratsiyasiga taqdim etiladigan loyihalarning ishlab chiqilishi hamda iqtisodiy, moliyaviy va huquqiy ekspertizadan o‘tkazilishini samarali tashkil etadi;

4) Agentlik tizimiga kiruvchi tashkilotlar faoliyatini muvofiqlashtiradi, nazorat qiladi va boshqaruvni amalga oshiradi;

5) Agentlikning vakolatlari doirasida tezkor bajarilishi lozim bo‘lgan topshiriqlar, tashkiliy, kadrlar masalasi hamda moliyaviy, xo‘jalik va boshqa masalalar bilan bog‘liq muammolarni hal qiladi;

6) hududlarda yagona repertuar siyosatini amalga oshirish bo‘yicha faoliyatni muvofiqlashtiradi va nazorat qiladi, shuningdek, aholiga kinovideo xizmati ko‘rsatish qoidalariga rioya etilishini ta’minlaydi;

6) Xalqaro ijodiy aloqalarni mustahkamlash, O‘zbekistonda va xorijda festivallar orqali milliy kino san’atimiz yutuqlarini dunyo jamoatchiligiga tanitish, festivallar, konferensiyalar, kino kunlari va boshqa anjumanlar o‘tkazishni tashkil etadi;

7) Agentlik tizimiga kiruvchi tashkilotlar va O‘zbekiston kinoarboblari ijodiy uyushmasi bilan birgalikda iste’dodli yoshlarning ijodiy imkoniyatlarini namoyon qilish, kino sohasi yo‘nalishida malakali mutaxassislar tayyorlash va ularni qo‘llab-quvvatlash bilan bog‘liq chora-tadbirlarni ishlab chiqadi va ular amalga oshirilishini nazorat qiladi;

8) Agentlik hayotidagi muhim sanalar, tadbirlar, milliy kino san’atidagi yangiliklar Agentlikning rasmiy veb-saytida hamda ommaviy axborot vositalarida yoritib borilishini ta’minlaydi;

9) Agentlikning ijodiy, ishlab chiqarish, o‘quv, targ‘ibot va tashviqot yo‘nalishlaridagi faoliyatini, turdosh vazirliklar, idoralar, ijodiy uyushmalar, tashkilotlar, fondlar bilan hamkorligini rivojlantirish bilan bog‘liq chora-tadbirlarni amalga oshiradi;

10) Agentlik tizimiga kiruvchi tashkilotlar faoliyatini muvofiqlashtiradi;

11) Agentlik va uning tizimiga kiruvchi tashkilotlarda zamonaviy axborot texnologiyalaridan, dasturiy mahsulotlardan va ma’lumotlarni qayta ishlovchi texnik vositalaridan, aloqa va ma’lumotlar uzatish vositalaridan foydalanishni axborot xavfsizligini ta’minlagan holda tashkil etadi;

12) Agentlikning tizimiga kiruvchi tashkilotlarda mehnat va ijro intizomini mustahkamlaydi va nazorat qiladi.

15. Agentlik o‘zining vazifalari va funksiyalarini amalga oshirish uchun quyidagi huquqlarga ega:

Agentlikka yuklangan vazifalar va funksiyalar bajarilishini ta’minlash bilan bog‘liq normativ-huquqiy va boshqa hujjatlar loyihalarini belgilangan tartibda Vazirlar Mahkamasiga hamda O‘zbekiston Respublikasi Prezidenti Administratsiyasiga kiritish;

Agentlik vakolatiga kiruvchi masalalar bo‘yicha normativ-huquqiy hujjatlarni ishlab chiqish va qabul qilish, zarurat tug‘ilganda, boshqa vazirliklar va idoralar bilan qo‘shma qarorlar qabul qilish;

Agentlik tizimiga kiruvchi tashkilotlar faoliyatini boshqarish;

Agentlik vakolatiga kiradigan masalalarni hal etish uchun zarur bo‘lgan axborotni davlat va xo‘jalik boshqaruvi organlaridan, mahalliy davlat hokimiyati organlaridan belgilangan tartibda so‘rash va olish;

Agentlik vakolatiga kiradigan masalalar bo‘yicha zarur statistika axborotini davlat statistika organlaridan bepul asosda olish;

Agentlik tizimiga kiruvchi tashkilotlarning davlatga tegishli mol-mulkini o‘zining tashkiliy tuzilmasi doirasida bir bo‘limdan boshqa bo‘limga belgilangan tartibda berish;

Agentlik tizimiga kiruvchi tashkilotlar xodimlari tomonidan o‘z sohasida ular faoliyatining asosiy ko‘rsatkichlari bo‘yicha parametrlar bajarilishini hisobga olgan holda ularni moddiy rag‘batlantirish tartibi, miqdorlari va shartlarini belgilash;

Agentlik vakolatlariga kiradigan masalalar bo‘yicha takliflarni ko‘rib chiqish uchun Vazirlar Mahkamasiga, davlat va xo‘jalik boshqaruvi organlariga, mahalliy davlat hokimiyati organlariga kiritish;

Agentlik vakolatlariga kiradigan masalalar bo‘yicha idoralararo tusdagi xalqaro shartnomalarni belgilangan tartibda tuzish;

qonun hujjatlarida belgilangan tartibda tashqi iqtisodiy faoliyatni amalga oshirish;

O‘zbekistonning yetuk kinoijodkorlari tomonidan yaratilgan milliy filmlarni saqlash hamda respublika hududida va xorijiy mamlakatlarda festivallar, kino kunlarini o‘tkazish;

xorij kinokompaniyalari tomonidan ishlab chiqarilgan filmlarni sotib olish va ularni O‘zbekistonda namoyish qilinishini yo‘lga qo‘yish;

Agentlik tizimiga kiruvchi tashkilotlarning moddiy-texnik bazasini yaxshilash choralarini ko‘rish;

qonun hujjatlarida belgilangan tartibda shartnomalar tuzish, xo‘jalik aloqalar o‘rnatish;

Agentlik tasarrufidagi mol-mulkka nisbatan qonun hujjatlarida belgilab qo‘yilgan doirada, o‘z faoliyatining maqsadlariga, mulkdorning topshiriqlariga hamda mol-mulkning vazifasiga muvofiq holda egalik qilish, undan foydalanish va uni tasarruf etish;

O‘zbekistonda suratga olingan filmlar xorijiy davlatlarda namoyish qilinishini yo‘lga qo‘yishga ko‘maklashish;

Agentlik qonun hujjatlariga muvofiq boshqa huquqlarga ham ega bo‘lishi mumkin.

16. Agentlik:

o‘ziga yuklangan vazifalar va funksiyalar samarali bajarilishini ta’minlash uchun;

Vazirlik faoliyati bilan bog‘liq prognoz ko‘rsatkichlarga so‘zsiz erishilishini ta’minlash uchun;

Vazirlar Mahkamasi va O‘zbekiston Respublikasi Prezidenti Administratsiyasiga kiritilgan normativ-huquqiy hujjatlar loyihalari va boshqa hujjatlar hamda Agentlik tomonidan qabul qilingan qarorlarning sifati va ular amalga oshirilishga doir yakuniy natijalar uchun;

Agentlik tizimiga kiruvchi tashkilotlarning ijtimoiy-iqtisodiy taraqqiyoti, ulardagi muammolarni hal qilish bo‘yicha dasturlar, chora-tadbirlarni amalga oshirish uchun javob beradi.

17. Agentlik markaziy apparati o‘zining vazifalari va funksiyalarini bajarish uchun quyidagi huquqlarga ega:

Agentlik tizimiga kiruvchi tashkilotlardan Agentlik markaziy apparatida ko‘rib chiqiladigan masalalarni tahlil qilish va ishlab chiqish uchun zarur bo‘lgan materiallar va ma’lumotlarni, normativ-huquqiy hujjatlar loyihasini so‘rab olish;

Agentlik tizimiga kiruvchi tashkilotlar rahbarlari va vakillarini Agentlik ko‘rib chiqayotgan masalalar yuzasidan axborot va tahliliy materiallar, shuningdek, normativ-huquqiy hujjatlar loyiha tayyorlash uchun belgilangan tartibda jalb qilish, ushbu maqsadlarda ekspert va ishchi guruhlar tuzish;

Agentlik tizimiga kiruvchi tashkilotlar tomonidan taqdim etilgan normativ-huquqiy va boshqa hujjatlar loyihalarini qayta ishlashni talab etish, zarur hollarda ularni qayta ishlash uchun qaytarish;

Agentlik tizimiga kiruvchi tashkilotlar rahbarlari hamda vakillari ishtirokida yig‘ilishlar o‘tkazish;

Agentlik tizimiga kiruvchi tashkilotlar rahbarlariga Agentlikka yuklangan vazifalar va funksiyalar bajarishga aloqador va tezkor hal etilishi lozim bo‘lgan masalalar bo‘yicha belgilangan tartibda topshiriqlar berish;

qonunlar va boshqa normativ-huquqiy hujjatlar, O‘zbekiston Respublikasi Prezidenti va O‘zbekiston Respublikasi Vazirlar Mahkamasining topshiriqlari, Agentlik rahbariyati topshiriqlari Agentlik tizimiga kiruvchi tashkilotlar tomonidan bajarilishini belgilangan tartibda o‘rganish va tekshirish.

Agentlik markaziy apparati qonun hujjatlarida nazarda tutilgan boshqa huquqlarga ham ega bo‘lishi mumkin.

18. Agentlik markaziy apparati:

Agentlik tasarrufidagi tashkilotlar bilan hamkorlikda Agentlikka yuklangan vazifalar va funksiyalar o‘z vaqtida hamda sifatli bajarilishini ta’minlash;

Agentlik faoliyati bilan bog‘liq bo‘lgan prognoz ko‘rsatkichlarning bajarilishini ta’minlash bo‘yicha Agentlikning markaziy apparati bo‘limlari ishini tashkil etish;

O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasiga Agentlik tomonidan ko‘rib chiqish uchun taqdim etiladigan normativ-huquqiy va boshqa hujjatlar loyihalarini, shuningdek, Agentlik tomonidan qabul qilinadigan qarorlarni sifatli tayyorlash;

kino sohasining rivojlanishi bo‘yicha chora-tadbirlar dasturi, rejasi, “yo‘l xaritasi” va boshqa dasturiy hujjatlarning tarkibiy va hududiy bo‘linmalar tomonidan samarali bajarilishi, shuningdek, tegishli kino sohasini ijtimoiy-iqtisodiy rivojlantirishni hamda hududlardagi muammoli masalalar samarali hal etilishini tashkil qilish;

fuqarolar va tadbirkorlik subyektlarining huquqlari va qonuniy manfaatlari himoya qilinishini ta’minlash uchun javob beradi.

19. Agentlik tizimidagi “Qoraqalpoqkino” agentligi o‘z vazifalari va funksiyalarini bajarish uchun quyidagi huquqlarga ega:

1) davlat va boshqaruv organlarining joylardagi hududiy bo‘linmalaridan, mahalliy davlat hokimiyati organlaridan o‘zining vakolatiga kiruvchi masalalarni hal etish uchun zarur bo‘lgan ma’lumotlarni belgilangan tartibda so‘rab olish;

2) davlat va boshqaruv organlarining joylardagi hududiy bo‘linmalariga, mahalliy davlat hokimiyati organlariga Agentlik vakolatiga kiruvchi masalalar bo‘yicha takliflarni ko‘rib chiqish uchun kiritish.

3) Agentlik vakolatiga kiruvchi kinematografiya sohasidagi muhim masalalarni o‘rganish va hal etish bo‘yicha hududiy miqyosdagi idoralararo komissiya va kengashlarni tuzish;

4) kinematografiya sohasiga doir qonun hujjatlarini takomillashtirish bo‘yicha Agentlikka takliflar kiritish;

5) audiovizual asarlarni tayyorlash, dublyaj qilish va ekranda namoyish etish faoliyat turlari bilan shug‘ullanuvchi litsenziatlar tomonidan litsenziya talablari va shartlariga rioya qilinishini qonun hujjatlarida belgilangan tartibda nazorat qilish;

6) hududlarda xorijiy kinokompaniyalar tomonidan filmlarni kino va videotasvirga olish ishlariga ko‘maklashish.

20.“Qoraqalpoqkino” agentligi:

Agentlikka yuklangan vazifalarni tegishli hududda sifatli va o‘z vaqtida bajarilishini ta’minlash;

“Qoraqalpoqkino” agentligi faoliyati bilan bog‘liq bo‘lgan prognoz ko‘rsatkichlarini ta’minlash;

Agentlikka taqdim etilgan hujjatlar va takliflar loyihasini, shuningdek, “Qoraqalpoqkino” agentligi tomonidan qabul qilinadigan qarorlarni amalga oshirishning sifati va yakuniy natijalarini ko‘rib chiqish;

hududda aniqlangan muammolarni chuqur va har tomonlama tahlil etish, umumlashtirgan holda Qoraqalpog‘iston Respublikasida kino sohasini rivojlantirish bo‘yicha takliflar tayyorlash;

Qoraqalpog‘iston Respublikasida kino sohaning rivojlanishi bo‘yicha chora-tadbirlar dasturi, rejasi, “yo‘l xaritasi” va boshqa dasturiy hujjatlarni samarali amalga oshirish, muammoli masalalarni hal etish;

fuqarolar va tadbirkorlik subyektlarining huquqlari va qonuniy manfaatlari himoya qilinishini ta’minlash uchun javob beradi.

21. Quyidagilar Agentlik bosh direktorining asosiy funksional vazifalari hisoblanadi:

1) O‘zbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) Agentlik faoliyatiga umumiy rahbarlik qilish, O‘zbekiston Respublikasi Prezidentining tegishli hujjatlari, O‘zbekiston Respublikasi Vazirlar Mahkamasining qarorlari va boshqa qonun hujjatlari bilan mazkur organga yuklatilgan vazifalar va funksiyalarning bajarilishini ta’minlash;

3) O‘zbekiston Respublikasi Prezidentining hujjatlari, O‘zbekiston Respublikasi Vazirlar Mahkamasining qarorlari bilan tasdiqlangan Agentlik faoliyatini takomillashtirish konsepsiyasi, kompleks chora-tadbirlar dasturlarining ijro etilishini tanqidiy va chuqur tahlil qilib borish;

4) Agentlik tizimiga kiruvchi tashkilotlar faoliyatiga aloqador prognoz ko‘rsatkichlarining ta’minlanishi bo‘yicha amaliy choralar ishlab chiqish va qabul qilish;

5) O‘zbekiston Respublikasi Prezidenti Administratsiyasi tarkibiy bo‘linmalari va O‘zbekiston Respublikasi Vazirlar Mahkamasi, shuningdek, vazirliklar va idoralar bilan Agentlik faoliyati sohasiga tegishli masalalarda hamkorlik qilish, O‘zbekiston Respublikasi Vazirlar Mahkamasi majlislari va uning Rayosatida tegishli masalalarning ko‘rib chiqilishida ishtirok etish;

6) O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari topshiriqlarini bajarish;

7) Agentlik Bosh direktori o‘rinbosarlarining vakolatlarini belgilash, ularning o‘rtasida majburiyatlarni taqsimlash, Agentlikning boshqa mansabdor shaxslari vakolatini belgilash, Bosh direktor o‘rinbosarlarining va Agentlik faoliyatining ayrim sohalarini boshqaruvchi mansabdor shaxslarning shaxsiy javobgarligi darajasini belgilash;

8) Agentlik faoliyatini rejalashtirish, Agentlik bosh direktorining o‘rinbosarlari uchun har chorak rejasini tasdiqlash, ularning amalga oshirilishi ustidan nazorat o‘rnatish;

9) O‘zbekiston Respublikasi Prezidenti va O‘zbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish bo‘yicha amaliy tizimni yaratish, Agentlikda ijro intizomini mustahkamlash bo‘yicha amaliy kompleks choralar ko‘rish, shuningdek, tarkibiy bo‘linmalar va Agentlik tizimiga kiruvchi tashkilotlar rahbarlarining O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarori bilan belgilangan vazifalarni sifatli bajarish bo‘yicha shaxsiy javobgarligini oshirish choralarini ko‘rish;

10) Agentlik xodimlarini tizimli ravishda qayta tayyorlash va malakasini oshirishni tashkil etish;

11) Agentlikka kadrlarni tanlab olish va tayinlash, ularning samarali faoliyati uchun zarur sharoitlarni yaratish, Agentlikning kadrlar zaxirasini shakllantirish;

12) O‘zbekiston Respublikasi Prezidenti, O‘zbekiston Respublikasi Prezidenti Administratsiyasi va O‘zbekiston Respublikasi Vazirlar Mahkamasi nomenklaturasiga kiruvchi bo‘sh ish o‘rinlariga, shuningdek, Agentlikka ishga qabul qilinuvchi boshqa kadrlarning professionalligi, chuqur bilimga va amaliy tajribaga, yuqori darajadagi ishchanlik, ruhiy-ma’naviy fazilatlarga ega bo‘lishini ta’minlash;

13) kino sohasiga doir normativ-huquqiy hujjatlar loyihalarini sifatli ishlab chiqarishni tashkil etish, ularni “Normativ-huquqiy hujjatlar to‘g‘risida”gi O‘zbekiston Respublikasi Qonuni, O‘zbekiston Respublikasi Vazirlar Mahkamasining Reglamenti, O‘zbekiston Respublikasi Prezidenti Administratsiyasining Reglamentiga qat’iy amal qilgan holda o‘z vaqtida O‘zbekiston Respublikasi Vazirlar Mahkamasiga kiritish, ularni ishlab chiqishda Vazirlar Mahkamasining Apparatida ishtirok etish, O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasida ko‘rib chiqilishida loyihani himoya qilish;

14) Agentlikning qonun loyihalarini ishlab chiqishdagi faoliyatini “Normativ-huquqiy hujjatlar to‘g‘risida”gi O‘zbekiston Respublikasi Qonuni, Vazirlar Mahkamasining Reglamenti hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xo‘jalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq tashkil etish;

15) Agentlikka taqdim etilgan normativ-huquqiy hujjatlar loyihalari va takliflar to‘liq va atroflicha ko‘rib chiqilishini ta’minlash, ularni huquqiy, moliyaviy, iqtisodiy va boshqa jihatdan sinchkovlik bilan o‘rganish, shuningdek, belgilangan muddatda O‘zbekiston Respublikasi Vazirlar Mahkamasining Reglamenti, O‘zbekiston Respublikasi Prezidenti Administratsiyasi Reglamentiga muvofiq kelishish (viza qo‘yish);

16) Agentlik rahbariyati va xodimlarining xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son qarori va “Xorijiy xizmat safarlarida bo‘lish samaradorligi va xorijiy delegatsiyalarning O‘zbekiston Respublikasiga tashriflarini tashkil etish uchun mansabdor shaxslarning shaxsiy mas’uliyatini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qaroriga muvofiq tashkil etish va amalga oshirish, xizmat safarlarining asosliligi, samaradorligi va natijaviyligini, xizmat safari sarf-xarajatlariga ajratilayotgan mablag‘ning maqsadli va oqilona ishlatilishini ta’minlash;

17) Bosh direktor o‘rinbosarlari va tarkibiy hamda hududiy bo‘linmalar rahbarlari faoliyatining samaradorligi va natijadorligini tizimli ravishda tanqidiy tahlil qilish, ularning shaxsiy hisobotlarini Agentlikning yig‘ilishlarida eshitish, natijalar bo‘yicha tegishli qarorlar qabul qilish;

18) Agentlik xodimlarining rag‘batlantirilishi va ularni intizomiy javobgarlikka tortish masalalarini hal etish, Bosh direktor o‘rinbosarlarini rag‘batlantirish va intizomiy javobgarlikka tortish bo‘yicha takliflar kiritish, jumladan, ularning egallab turgan lavozimida qolishining maqsadga muvofiqligi masalasini ko‘rib chiqish, ularning shaxsiy javobgarligini oshirish bo‘yicha tizimli choralar ko‘rish;

19) “O‘zbekkino” Milliy agentligi xodimlarining odob-axloq qoidalariga rioya etishlarini ta’minlash;

20) O‘zbekiston Respublikasining “Korrupsiyaga qarshi kurashish to‘g‘risida”gi Qonuniga muvofiq Agentlik tizimida korrupsiya va boshqa huquqbuzarlik holatlarini oldini olish choralarini ko‘rish, shuningdek, qonunchilik amaliyotini takomillashtirish bo‘yicha choralar ishlab chiqish va amalga oshirish yo‘li bilan korrupsiyani aniqlash, tahlil qilish, uning sabablari va sharoitlarini bartaraf etish;

Agentlik tarkibiy bo‘linmalari va uning tizimiga kiruvchi tashkilotlar faoliyatini tashkil etishning zamonaviy shakllarini joriy etish;

22) “Elektron hukumat to‘g‘risida”gi O‘zbekiston Respublikasi Qonunini amalga oshirish doirasida zamonaviy axborot-kommunikatsiya vositalaridan foydalanish;

23) jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy va yuridik shaxslar vakillarining shaxsiy, shuningdek, sayyor qabullarini tashkil qilishni “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatda va tartibda amalga oshirish;

24) O‘zbekiston Respublikasi Prezidentining Xalq qabulxonalari bilan samarali hamkorlikni tashkil etish, O‘zbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar o‘z vaqtida hamda atroflicha o‘rganib chiqilishida Agentlik xodimlari va rahbariyatining faol qatnashishini ta’minlash;

25) Agentlikka taqdim etilgan normativ-huquqiy hujjatlar loyihalari va takliflar to‘liq hamda atroflicha ko‘rib chiqilishini ta’minlash, ular moliyaviy, iqtisodiy, huquqiy va boshqa turdagi ekspertizadan o‘tkazilishini ta’minlash;

26) davlat sirlariga aloqador, shuningdek, boshqa maxfiy axborotlar bilan ishlaganda qonunchilik talablariga rioya etish.

22. Agentlik bosh direktori o‘rinbosarlarining asosiy funksional majburiyatlari quyidagilardan iborat:

1) O‘zbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) tegishli buyruq asosida Agentlik bosh direktorining vaqtincha yo‘qligida uning vazifalarini bajarish;

3) mutasaddiligidagi Agentlik tarkibiy bo‘linmalari faoliyatini muvofiqlashtirish, nazorat qilish va bevosita boshqarish, xodimlar o‘rtasida majburiyatlarni taqsimlash;

4) O‘zbekiston Respublikasi Prezidenti hujjatlari, Vazirlar Mahkamasining qarori bilan tasdiqlangan Agentlik faoliyatini yanada takomillashtirish konsepsiyasi, kompleks dasturlar va chora-tadbirlarni o‘zi nazorat qilayotgan yo‘nalish bo‘yicha tanqidiy va chuqur tahlil qilish;

5) mutasaddiligidagi yo‘nalishda prognoz ko‘rsatkichlarini mutlaq ta’minlash bo‘yicha choralar ko‘rish, bo‘limlar rahbarlarining hisobotlarini eshitish va belgilangan ko‘rsatkichlarga erishish bo‘yicha ularning shaxsiy javobgarligini oshirish;

6) mutasaddiligidagi tarkibiy bo‘linmalar rahbarlarining har chorak uchun rejasini tasdiqlash, rejaning amalga oshirilishi ustidan nazorat o‘rnatish;

7) O‘zbekiston Respublikasi Prezidenti va O‘zbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish bo‘yicha mutasaddilik qiladigan tarkibiy-amaliy tizimni yaratish, Agentlikda ijro intizomini mustahkamlash bo‘yicha amaliy kompleks choralar ko‘rish, shuningdek, tarkibiy bo‘linmalar va uning tizimiga kiruvchi tashkilotlar, Agentlik tasarrufidagi tashkilotlar rahbarlarining O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarori bilan belgilangan vazifalar sifatli bajarishi bo‘yicha shaxsiy javobgarligini oshirish choralarini ko‘rish;

8) Agentlik hay’ati qarorlari, Agentlik bosh direktorining buyruq va topshiriqlari o‘z vaqtida va sifatli amalga oshirilishini ta’minlash;

9) mutasaddiligidagi tarkibiy bo‘linmalarga kadrlarni tanlash, joy-joyiga qo‘yish va kadrlar zaxirasini shakllantirish bo‘yicha Agentlik bosh direktoriga takliflar kiritish;

10) mutasaddiligidagi tarkibiy bo‘linmalarga doir normativ-huquqiy hujjatlar loyihalari sifatli ishlab chiqishni tashkil etish, ularni Vazirlar Mahkamasiga “Normativ-huquqiy hujjatlar to‘g‘risida”gi O‘zbekiston Respublikasi Qonuni, Vazirlar Mahkamasining Reglamenti, O‘zbekiston Respublikasi Prezidenti Administratsiyasining Reglamentiga qat’iy amal qilgan holda o‘z vaqtida Agentlik bosh direktori tomonidan O‘zbekiston Respublikasi Vazirlar Mahkamasiga kiritishga tayyorlash, shuningdek, Bosh direktor topshirig‘iga binoan loyihani ishlab chiqishda Vazirlar Mahkamasining Apparatida ishtirok etish;

11) Agentlikka taqdim etilgan normativ-huquqiy hujjatlar loyihalari va takliflar to‘liq hamda atroflicha ko‘rib chiqilishini ta’minlash, ular moliyaviy, iqtisodiy, huquqiy va boshqa turdagi ekspertizadan o‘tkazilishini ta’minlash;

12) xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida”gi PQ-2142-son qarori va 2017-yil 3-avgustdagi “Xorijiy xizmat safarlarida bo‘lish samaradorligi va xorijiy delegatsiyalarning O‘zbekiston Respublikasiga tashriflarini tashkil etish uchun mansabdor shaxslarning shaxsiy mas’uliyatini yanada oshirish chora-tadbirlari to‘g‘risida”gi PQ-3170-son qaroriga muvofiq amalga oshirish, xizmat safarining asosliligi, samaradorligi va natijadorligini, xizmat safari sarf-xarajatlariga ajratilayotgan mablag‘ning maqsadli va oqilona ishlatilishini ta’minlash;

13) mutasaddiligidagi tarkibiy bo‘limlar mas’ul xodimlari faoliyatining samaradorligi va natijadorligini tizimli tanqidiy tahlil qilish, ularning shaxsiy hisobotlarini Agentlikning yig‘ilishlarida eshitish, natijalar bo‘yicha tegishli qarorlar qabul qilish;

14) Agentlikning faoliyati sohasini takomillashtirish bo‘yicha amaliy choralar ko‘rish, qonunchilikni takomillashtirish bo‘yicha takliflar ishlab chiqish va ularni Agentlik bosh direktoriga kiritish;

15) mutasaddiligidagi tarkibiy bo‘limlar xodimlarining rag‘batlantirilishi va ularga intizomiy jazo berish masalalari, shuningdek, ularning egallab turgan lavozimida qolishining maqsadga muvofiqligi masalasini ko‘rib chiqish, ularning funksional vazifalarini bajarishdagi shaxsiy javobgarligini oshirish choralarini ko‘rish bo‘yicha Agentlik bosh direktoriga takliflar kiritish;

16) “O‘zbekkino” Milliy agentligi xodimlarining odob-axloq qoidalariga rioya etish;

17) “Korrupsiyaga qarshi kurashish to‘g‘risida”gi O‘zbekiston Respublikasi Qonuniga muvofiq Agentlik tizimida korrupsiya va boshqa qonunbuzarlik holatlarining oldini olish choralarini ko‘rish, shuningdek, qonunchilikka bo‘ysunish amaliyotini takomillashtirish bo‘yicha choralar ishlab chiqish va amalga oshirish yo‘li bilan korrupsiyani aniqlash, tahlil qilish, sabablari va sharoitlarini bartaraf etish;

18) davlat xizmatlarini ko‘rsatish samaradorligi, sifatini oshirish, ochiqligini ta’minlash bo‘yicha Agentlik bosh direktoriga takliflar kiritish;

19) jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy va yuridik shaxslar vakillarini shaxsan qabul qilish, shuningdek, sayyor qabullarni tashkil etishni “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatda va tartibda amalga oshirish;

20) O‘zbekiston Respublikasi Prezidentining Xalq qabulxonalari bilan samarali hamkorlikni tashkil etish, O‘zbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar o‘z vaqtida hamda atroflicha o‘rganib chiqilishida faol ishtirok etish;

21) davlat sirlariga aloqador, shuningdek, boshqa maxfiy axborotlar bilan ishlashda qonunchilik talablariga rioya etish.

23. Agentlik markaziy apparati tarkibiy bo‘linmalari rahbarlarining asosiy funksional vazifalari quyidagilardan iborat:

1) O‘zbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

2) tarkibiy bo‘limlarga bevosita rahbarlik qilish, mazkur bo‘limlarga yuklangan vazifa va funksiyalarni bajarish;

3) o‘zining vakolati doirasida Agentlik tizimiga kiruvchi tashkilotlarni nazorat qilish;

4) belgilangan prognoz ko‘rsatkichlarining ta’minlanishini tizimli tahlil qilish va belgilangan ko‘rsatkichlarni tarkibiy bo‘linmalar va Agentlik tizimiga kiruvchi tashkilotlar tomonidan mutlaq ta’minlanishi uchun qo‘shimcha choralar ko‘rish bo‘yicha Agentlik rahbariyatiga taklif kiritish;

5) O‘zbekiston Respublikasi Prezidenti va O‘zbekiston Respublikasi Vazirlar Mahkamasi hujjatlari hamda topshiriqlarini bajarish va monitoringini olib borish bo‘yicha amaliy tizimni yaratish, bo‘linmalardagi ijro intizomini mustahkamlash bo‘yicha amaliy kompleks choralar ko‘rish, shuningdek, tarkibiy bo‘linmalar va Agentlik tizimiga kiruvchi tashkilotlar, Agentlik tasarrufidagi tashkilotlar rahbarlarining O‘zbekiston Respublikasi Prezidentining “Hujjatlarning va topshiriqlarning samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajadagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarori bilan belgilangan vazifalarni sifatli bajarishi bo‘yicha shaxsiy javobgarligini oshirish choralarini ko‘rish;

6) Agentlikning yig‘ilishlari qarorlari, Agentlik bosh direktori va uning o‘rinbosarining buyruq va topshiriqlari o‘z vaqtida va sifatli amalga oshirilishini ta’minlash;

7) tarkibiy bo‘limlar uchun har choraklik rejalarini ishlab chiqish, tasdiqlash uchun kiritish, unda belgilangan maqsad va vazifalar o‘z vaqtida bajarilishini ta’minlash;

8) tarkibiy bo‘limlarga yuklatilgan vazifalar nazoratini amalga oshirish, Agentlik tizimidagi tashkilotlarga amaliy va metodik yordam ko‘rsatish;

9) Agentlik tarkibiy bo‘limlarining faoliyatiga doir qonun hujjatlarini takomillashtirish bo‘yicha takliflar ishlab chiqish;

10) Agentlik tizimiga kiruvchi tashkilotlar bo‘yicha kadrlarni tanlash va joy-joyiga qo‘yish bo‘yicha takliflarni kiritish, ularning yuqori darajadagi axloqiy fazilatlarini kafolatli ta’minlash, kasb malakasini oshirish, rahbarlik qilinadigan tarkibiy bo‘limlarda kadrlar zaxirasini shakllantirishda ishtirok etish;

11) faoliyat sohasiga doir normativ-huquqiy hujjatlar loyihalari sifatli ishlab chiqishni tashkil etish, tarkibiy bo‘limlarda ishlab chiqilgan hujjatlarni Agentlik bosh direktoriga “Normativ-huquqiy hujjatlar to‘g‘risida”gi O‘zbekiston Respublikasi Qonuni, Vazirlar Mahkamasining Reglamenti, O‘zbekiston Respublikasi Prezidenti Administratsiyasi Reglamentiga qat’iy amal qilgan holda kiritilishini ta’minlash;

12) Agentlikka taqdim etilgan normativ-huquqiy hujjatlar loyihalari va takliflarni to‘liq va har tomonlama ko‘rib chiqish, ularni moliyaviy, iqtisodiy, huquqiy va boshqa turdagi ekspertizadan o‘tkazish.

24. Agentlik tizimiga kiruvchi tashkilotlar rahbarlarining asosiy funksional vazifalari quyidagilardan iborat:

1) O‘zbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya etish;

Agentlik tizimiga kiruvchi tashkilotlar faoliyatiga umumiy rahbarlik qilish, O‘zbekiston Respublikasi Prezidentining farmonlari va qarorlari, O‘zbekiston Respublikasi Vazirlar Mahkamasining qarorlari va boshqa qonun hujjatlari, shuningdek, Agentlik tizimiga kiruvchi tashkilotlarga yuklangan vazifalar va funksiyalar bajarilishini tashkil etish;

3) Agentlik tizimiga kiruvchi tashkilotlar faoliyatiga aloqador prognoz ko‘rsatkichlarining so‘zsiz ta’minlanishi bo‘yicha amaliy choralarni ishlab chiqish va qabul qilish;

4) O‘zbekiston Respublikasi Prezidenti va O‘zbekiston Respublikasi Vazirlar Mahkamasi hujjatlari va topshiriqlari ijrosini bajarish, ijro intizomini mustahkamlash bo‘yicha amaliy kompleks choralar ko‘rish, shuningdek, Agentlik tizimiga kiruvchi tashkilotlar xodimlarining O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qarori bilan belgilangan vazifalarni sifatli bajarishi bo‘yicha shaxsiy javobgarligini oshirish choralarini ko‘rish;

5) Agentlikning hay’at yig‘ilishlari qarorlari, Agentlik bosh direktori va uning o‘rinbosarining buyruq va topshiriqlari o‘z vaqtida va sifatli amalga oshirilishini ta’minlash;

6) Agentlik faoliyati doirasiga kiruvchi masalalar bo‘yicha mahalliy davlat hokimiyati organlari va ijtimoiy-iqtisodiy kompleks rivojlantirish sektorlari bilan hamkorlik qilish;

7) Agentlik tizimiga kiruvchi tashkilotlar faoliyatini rejalashtirishni tashkil qilish, har chorak ish rejalarini tasdiqlash hamda ularning bajarilishi ustidan nazorat o‘rnatish;

8) Agentlik tizimiga kiruvchi tashkilotlarga xodimlarni tanlash va joy-joyiga qo‘yish, kadrlar zaxirasini shakllantirish, ularning samarali faoliyati uchun zarur shart-sharoitlarni yaratish;

9) Agentlik rahbariyati nomenklaturasiga kiruvchi, shuningdek, Agentlik tizimiga kiruvchi tashkilotlar tomonidan ishga qabul qilinadigan boshqa lavozimlarga tavsiya etiladigan xodimlarning professionalligi, vakolatliligi, amaliy tajribaga egaligi, ishbilarmonlik va axloqiy-ma’naviy sifatlarining yuqorililigi kafolatini ta’minlash;

10) Agentlik tizimiga kiruvchi tashkilotlar xodimlarini intizomiy javobgarlikka tortish va rag‘batlantirish masalalarini hal qilish, shu jumladan, ularning egallab turgan lavozimida qolishi masalalarini ko‘rib chiqish, shaxsiy javobgarligini oshirish bo‘yicha tizimli chora-tadbirlarni amalga oshirish;

11) Agentlik xodimlarining odob-axloq qoidalari talablariga rioya qilinishini ta’minlash;

12) “Korrupsiyaga qarshi kurashish to‘g‘risida”gi O‘zbekiston Respublikasi Qonuniga muvofiq Agentlik tizimida vujudga kelishi mumkin bo‘lgan poraxo‘rlik va boshqa qonunbuzarliklarning oldini olish bo‘yicha tegishli chora tadbirlarni qo‘llash, shu bilan birga, ularning sodir bo‘lishiga zamin yaratuvchi sabablarni o‘rganish va ularga barham berish bo‘yicha zaruriy ishlarni amal oshirish;

13) prognozdagi rejalar ko‘rsatkichlarining qay darajada amalga oshirilayotganligini tizimli ravishda tahlil qilish va qo‘yilgan vazifalarning Agentlik tizimiga kiruvchi tashkilotlar tomonidan to‘laqonli bajarilishini ta’minlashga qaratilgan qo‘shimcha chora tadbirlarni tatbiq etish bo‘yicha Agentlik bosh direktori o‘rinbosarlariga takliflar kiritish;

14) Agentlik tizimiga kiruvchi tashkilotlar xodimlari faoliyati samaradorligini tizimli ravishda tanqidiy tahlil qilish, majlislarda ularning shaxsiy hisobotlarini doimiy tarzda eshitib borish hamda yakunlar bo‘yicha tegishli tadbirlarni amalga oshirish;

15) Agentlik tizimiga kiruvchi tashkilotlar faoliyatiga oid masalalar bo‘yicha qonun hujjatlarini takomillashtirish to‘g‘risida, shuningdek, davlat xizmatlari ko‘rsatilishi sifatini yaxshilashga qaratilgan takliflarni ishlab chiqish va ularni Agentlik rahbariyatiga ko‘rib chiqish uchun kiritish;

16) jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy va yuridik shaxslar vakillarini shaxsan qabul qilish, shuningdek, sayyor qabullarini tashkil etishni “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatda va tartibda amalga oshirish;

17) O‘zbekiston Respublikasi Prezidentining Xalq qabulxonalari bilan samarali hamkorlikni tashkil etish, O‘zbekiston Respublikasi Prezidentining Virtual qabulxonasiga jismoniy va yuridik shaxslardan tushgan murojaatlar o‘z vaqtida hamda atroflicha o‘rganib chiqilishida faol ishtirok etish;

18) Agentlik tizimiga kiruvchi tashkilotlar xodimlariga mukofot puli, oylik maoshiga qo‘shimcha ustama haq qo‘shib berish, moddiy yordam ko‘rsatish orqali rag‘batlantirish hamda Agentlik rahbariyatiga xodimlarni davlat mukofotlari bilan taqdirlash bo‘yicha takliflar kiritish;

19) davlat siri yoki qonun bilan qo‘riqlanadigan boshqa sirlardan iborat ma’lumotlarning himoya etilishini ta’minlash.

25. Agentlik bosh direktori:

1) Agentlikka yuklangan vazifalar va funksiyalarning bajarilishi;

2) ushbu Nizomning 15-bandida nazarda tutilgan Agentlikning javobgarlik sohalari bo‘yicha;

3) ushbu Nizomning 20-bandida nazarda tutilgan o‘zining funksional vazifalarini sifatli amalga oshirish uchun shaxsan mas’ul hisoblanadi.

26. Agentlik bosh direktori o‘rinbosarlari:

1) mutasaddiligidagi tarkibiy bo‘linmalarga Agentlik tomonidan yuklatilgan vazifalarning bajarilishi;

2) o‘ziga taalluqli masalalar bo‘yicha ushbu Nizomning 15-bandida nazarda tutilgan Agentlikning sohalari bo‘yicha javobgarlik;

3) ushbu Nizomning 21-bandida nazarda tutilgan funksional vazifalarining sifatli bajarilishi uchun shaxsan mas’ul hisoblanadi.

27. Agentlik markaziy apparatining tarkibiy bo‘limlari rahbarlari:

1) tegishli tarkibiy bo‘limlarga yuklangan vazifalar va funksiyalarni amalga oshirish;

2) ushbu Nizomning 17-bandida nazarda tutilgan Agentlik markaziy apparati javobgarlik sohalari bo‘yicha majburiyatlar;

3) mazkur Nizomning 22-bandida nazarda tutilgan funksional vazifalarning sifatli bajarilishi uchun shaxsan mas’ul hisoblanadi.

28. Agentlik tizimiga kiruvchi tashkilotlar rahbarlari:

1) tizim tashkilotlariga yuklangan vazifalar va funksiyalarning bajarilishi;

2) ushbu Nizomning 23-bandida nazarda tutilgan funksional vazifalarning sifatli bajarilishi uchun shaxsan mas’ul hisoblanadi.

29. Agentlikni O‘zbekiston Respublikasi Vazirlar Mahkamasi tomonidan belgilangan tartibda lavozimga tayinlanadigan va lavozimidan ozod etiladigan Bosh direktor boshqaradi.

30. Bosh direktorning ikki nafar o‘rinbosari, shu jumladan, bir nafar birinchi o‘rinbosari belgilangan tartibda lavozimga tayinlanadi va lavozimdan ozod qilinadi.

31. Bosh direktor o‘z maqomiga, maishiy ta’minoti, tibbiy va transport xizmatidan foydalanish shart-sharoitlariga ko‘ra — vazirga, bosh direktorning birinchi o‘rinbosari va o‘rinbosari — tegishli ravishda vazirning birinchi o‘rinbosari va o‘rinbosariga tenglashtiriladi.

31. Agentlik bosh direktori bo‘lmagan vaqtda uning vakolatlari o‘rinbosarlari o‘rtasida taqsimlanadigan majburiyatlarga muvofiq amalga oshiriladi.

Agentlikning tarkibiy bo‘linmalari va tizim tashkilotlari rahbarlari Bosh direktor tomonidan belgilangan tartibda lavozimga tayinlanadi va lavozimidan ozod etiladi.

33. Agentlik markaziy apparati tarkibiy bo‘linmalar va uning tizimiga kiruvchi tashkilotlar bilan o‘zaro hamkorligini ta’minlash tarkibiy bo‘linmalar rahbarlari tomonidan amalga oshiriladi.

34. Agentlik markaziy apparati tarkibiy bo‘linmalar va uning tizimiga kiruvchi tashkilotlar bilan o‘zaro hamkorlik qilish jarayonida:

1) Agentlik tizimiga kiruvchi tashkilotlarga topshiriqlarni yetkazib, ularning ijrosini nazorat qiladi;

2) Agentlik tizimiga kiruvchi tashkilotlarga ular faoliyatiga oid so‘rovlarni yo‘naltiradi va ularning ijrosini nazorat qiladi;

3) tekshirishlar olib borish barobarida Agentlik tizimiga kiruvchi tashkilotlar faoliyati tajribasini umumlashtirib, sohani takomillashtirish chora-tadbirlarini ishlab chiqadi;

4) Agentlik tizimiga kiruvchi tashkilotlar faoliyati natijalari bo‘yicha statistik ma’lumotlar, axborot va hisobot materiallarini o‘rganish ishlarini tashkil etadi;

5) Agentlik tizimiga kiruvchi tashkilotlardan tushgan takliflarni ko‘rib chiqadi;

6) Agentlik va uning tizimiga kiruvchi tashkilotlar ish rejalarini tahlil qiladi hamda ularning faoliyatini rejalashtirishni yanada takomillashtirish bo‘yicha normativ-huquqiy hujjatlarni tayyorlash jarayonida qatnashishini ta’minlaydi.

35. Agentlik tizimiga kiruvchi tashkilotlar Agentlik markaziy apparati tarkibiy bo‘linmalari bilan o‘zaro hamkorlik qilishi jarayonida o‘z navbatida:

1) Agentlik rahbariyatiga u tomonidan berilgan topshiriqlarning bajarilganligi haqida hisobot beradi;

2) belgilangan ish faoliyati doirasidagi qonunchilikning amalga oshirilishi natijalari to‘g‘risida markaziy apparatga ma’lumot berib boradi;

3) tekshirish va o‘rganishlar natijasida aniqlangan kamchiliklar va qoidabuzarliklarga barham berish bo‘yicha markaziy apparatga axborot berib boradi;

4) o‘z ishlari natijalari haqida Agentlikning markaziy apparatiga belgilangan muddat va tartibda hisobot beradi;

6) vakolatli davlat tashkilotlari tomonidan o‘tkazilgan tekshirishlar natijalari haqida ma’lumot beradi.

36. Agentlik markaziy apparatining tizim tashkilotlari o‘rtasidagi o‘zaro munosabatlari jarayonida yuzaga keladigan kelishmovchiliklar Bosh direktorning topshirig‘iga asosan uning o‘rinbosari tomonidan ko‘rib chiqiladi. Kelishmovchiliklar hal bo‘lmagan taqdirda, ushbu masala bo‘yicha tegishli qaror bevosita Bosh direktor tomonidan qabul qilinadi.

37. Agentlik o‘z faoliyati davomida davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan o‘zaro hamkorlikda ish olib boradi.

39. Agentlik faoliyati yuzasidan Vazirlar Mahkamasining mutasaddilik qiladigan kompleks rahbari va Vazirlar Mahkamasining axborot-tahlil departamentiga axborot berib boradi.

40. Agentlikda uning asosiy faoliyat yo‘nalishlarini muvofiqlashtiradigan bosh direktor (hay’at raisi), uning o‘rinbosarlari (lavozimi bo‘yicha), shuningdek, tasarrufidagi tashkilotlarning rahbarlaridan iborat tarkibda hay’at tashkil etiladi.

Hay’at a’zolarining soni va shaxsiy tarkibi Agentlik bosh direktorining taqdimiga binoan Vazirlar Mahkamasi tomonidan tasdiqlanadi.

41. Hay’atga quyidagi vazifalar yuklanadi:

davlat boshqaruvi organlari faoliyatining asosiy yo‘nalishlarini tayyorlash va amalga oshirish;

Agentlik tarkibiy bo‘linmalari va uning tizimiga kiruvchi tashkilotlar rahbarlarining hisobotlari tizimli asosda eshitib borilishini tashkil etish, qonun hujjatlari, O‘zbekiston Respublikasi Prezidenti hujjatlari va O‘zbekiston Respublikasi Hukumatining qarorlarida belgilangan vazifalar o‘z vaqtida hamda sifatli amalga oshirilishini ta’minlash yuzasidan Agentlik rahbarlari va xodimlarining shaxsiy javobgarligini oshirish choralarini ko‘rish;

Agentlik faoliyatiga oid hududiy va tarmoq dasturlarini amalga oshirish samaradorligini har chorakda va tizimli ko‘rib chiqish;

hay’atning kengaytirilgan ko‘chma yig‘ilishlarini o‘tkazish, Agentlik faoliyati sohasi dolzarb masalalarining joylarda muhokama etilishini ta’minlash;

Agentlik markaziy apparati va uning tizimidagi lavozimlar nomenklaturasini ko‘rib chiqish hamda tasdiqlash;

Agentlik nomenklaturasiga kiradigan lavozimlarga kadrlarni tanlash va joy-joyiga qo‘yish masalasini ko‘rib chiqish;

O‘zbekiston Respublikasi Prezidenti va Vazirlar Mahkamasining qarorlari va topshiriqlarida belgilangan vazifalarning o‘z vaqtida hamda sifatli amalga oshirilishini ta’minlash uchun Agentlik rahbarlari va xodimlarining ijro intizomini mustahkamlash hamda shaxsiy javobgarligini oshirish;

O‘zbekiston Respublikasi Hukumatiga kiritiladigan va Agentlik mas’ul ijro etuvchi organ hisoblangan qonun loyihalari bilan bog‘liq masalalarni ko‘rib chiqish.

Hay’at O‘zbekiston Respublikasi davlat boshqaruvi organi vakolatiga kiradigan va kollegial muhokama etishni talab qiladigan har qanday masalani ko‘rib chiqish huquqiga ega.

42. Hay’at majlislariga boshqa vazirliklar, davlat qo‘mitalari, idoralar, mahalliy davlat hokimiyati organlari, Agentlik vakolatlariga kiruvchi masalalarga aloqador boshqa tashkilotlar rahbarlari taklif qilinishi mumkin.

Majlisda Hay’at tarkibining yarmidan ko‘pi hozir bo‘lganda Hay’at majlisi vakolatli hisoblanadi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.

43. Hay’at tomonidan qabul qilingan qarorlar Agentlik bosh direktorining buyruqlari bilan amalga oshiriladi.

44. Agentlik bosh direktori va hay’at a’zolari o‘rtasida kelishmovchiliklar mavjud bo‘lgan taqdirda Bosh direktor mustaqil ravishda qaror qabul qiladi, bunda yuzaga kelgan kelishmovchiliklar haqida O‘zbekiston Respublikasining Bosh vaziriga xabar qilinadi. Hay’at a’zolari ham o‘z fikrlarini O‘zbekiston Respublikasining Bosh vaziriga ma’lum qilishlari mumkin.

45. Hay’at faoliyati tartibi hay’at tomonidan tasdiqlanadigan reglament bilan belgilanadi.

46. Agentlikda tarkibi prodyuserlar, adiblar, tarixchilar, kinooperatorlar, rejissorlar, kinoprokatchilar, kinotanqidchilar, psixologlar, kinematografiya sohasidagi nodavlat tashkilotlar vakillari va boshqa mutaxassislardan iborat Badiiy kengash tuziladi.

Badiiy kengash tarkibi Vazirlar Mahkamasi bilan kelishgan holda Agentlik tomonidan tasdiqlanadi. Uning tarkibiga Kengash tomonidan qabul qilinadigan qarorlardan bevosita yoki bilvosita manfaatdor bo‘lgan shaxslarning kirishiga va ularning tanlovda ishtirok etishiga yo‘l qo‘yilmaydi.

Badiiy kengash o‘z faoliyatini Vazirlar Mahkamasi tomonidan tasdiqlanadigan nizom asosida amalga oshiradi.

47. Agentlik faoliyatining samaradorligi doimiy ravishda baholab boriladi.

48. Agentlik faoliyatining samaradorligi va samaradorligini baholash O‘zbekiston Respublikasining Bosh vaziri tomonidan tasdiqlangan mezonlar va ish indikatoriga asosan amalga oshiriladi.

49. Baholash yakunlari bo‘yicha quyidagi choralar ko‘riladi:

Agentlik rahbarlari va xodimlarini rag‘batlantirish yoki intizomiy javobgarlikka tortish va Agentlik faoliyatida aniqlangan kamchiliklarni bartaraf etish va uning faoliyatini takomillashtirish.

50. Agentlik faoliyatining samaradorligini baholash metodikasi va tartibi qonun hujjatlarida belgilanadi.

51. Agentlik va uning tasarrufidagi tashkilotlarni moliyalashtirish va moddiy-texnik ta’minlash O‘zbekiston Respublikasi Davlat budjeti, Agentlik huzuridagi Milliy kinematografiyani rivojlantirish jamg‘armasi hamda qonun hujjatlarida taqiqlanmagan boshqa manbalar hisobidan amalga oshiriladi.

52. Agentlik xodimlarining ish haqi lavozim maoshi, mukofotlar, qo‘shimcha haqlar, ustamalar va qonun hujjatlarida nazarda tutilgan va boshqa to‘lovlardan iborat bo‘ladi.

Agentlik xodimlarining ish haqi lavozim maoshi, oylik ustamalar va rag‘batlantirish to‘lovlari Agentlik bosh direktori tomonidan tasdiqlanadigan nizomga muvofiq to‘lanadi.

53. Qonun hujjatlarida taqiqlanmagan ish haqi fondi, budjetdan tashqari jamg‘armalar va boshqa mablag‘lar Agentlik xodimlariga ish haqi to‘lash va moddiy rag‘batlantirish manbalari hisoblanadi.

54. Agentlik rahbariyati Agentlik faoliyati to‘g‘risida tizimli ravishda Vazirlar Mahkamasi va O‘zbekiston Respublikasi Prezidenti oldida hisobot beradi.

55. O‘zbekiston Respublikasining Bosh vaziri Agentlikka yuklangan vazifalar samarali bajarilishi bo‘yicha Agentlik rahbariyati faoliyatining doimiy monitoringini olib boradilar va Agentlik faoliyati samaradorligiga xolis baho beradilar.

56. Monitoring va baholash yakunlari bo‘yicha Vazirlikning alohida o‘rnak ko‘rsatgan rahbarlari, mansabdor shaxslari va xodimlari rag‘batlantiriladi yoxud yo‘l qo‘yilgan jiddiy kamchiliklar uchun egallab turgan lavozimidan ozod etishgacha bo‘lgan javobgarlikka tortiladi.

57. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “O‘zbekkino” Milliy agentligi faoliyatini tashkil etish to‘g‘risida” 2004-yil 17-martdagi 126-son qarori (O‘zbekiston Respublikasi QT, 2004-yil, 3-son, 29-modda).

2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida” 2006-yil 10-martdagi 41-son qaroriga (O‘zbekiston Respublikasi QT, 2006-yil, 3-son,18-modda) 1-ilovaning 6-bandi.

3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish hamda ba’zilarini o‘z kuchini yo‘qotgan deb hisoblash to‘g‘risida” 2009-yil 22-dekabrdagi 323-son qaroriga ilovaning 9-bandi.

4. Vazirlar Mahkamasining “O‘zbekiston Respublikasi Hukumatining vazirliklar, davlat qo‘mitalari va idoralar to‘g‘risidagi nizomlarni tasdiqlash bo‘yicha ayrim qarorlariga o‘zgartirish va qo‘shimchalar kiritish haqida” 2010-yil 5-iyundagi 108-son qaroriga (O‘zbekiston Respublikasi QT, 2010-yil, 6-son, 27-modda) ilovaning 36-bandi.

5. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasining “O‘zbekiston Respublikasining Budjet kodeksini tasdiqlash to‘g‘risida” 2013-yil 26-dekabrdagi O‘RQ-360-son hamda “Soliq va budjet siyosatining 2016-yilga mo‘ljallangan asosiy yo‘nalishlari qabul qilinganligi munosabati bilan O‘zbekiston Respublikasining Soliq kodeksiga o‘zgartish va qo‘shimchalar kiritish to‘g‘risida” 2015-yil 31-dekabrdagi O‘RQ-398-son qonunlari)” 2016-yil 26-apreldagi 122-son qaroriga (O‘zbekiston Respublikasi QT, 2016-yil, 4-son, 28-modda) 1-ilovaning 68-bandi.

6. Vazirlar Mahkamasining “O‘zbekkino” Milliy agentligi markaziy apparati tuzilmasini tasdiqlash to‘g‘risida” 2016-yil 23-noyabrdagi 392-son qarori.

7. Vazirlar Mahkamasining 1997-yil 20-fevraldagi 79-f-son farmoyishi.