Oʻzbekiston Respublikasi Prezidentining “Tashqi bozorlarda mahalliy mahsulotlarning eksport qilinishi va raqobatdoshligini taʼminlashni yanada ragʻbatlantirish chora-tadbirlari toʻgʻrisida” 2017-yil 25-maydagi PF-5057-son Farmonini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirliklar va idoralar oʻzlari qabul qilgan qarorlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozukulov zimmasiga yuklansin.

1. Vazirlar Mahkamasining “Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida” 2000-yil 29-iyundagi 245-son qarori (Oʻzbekiston Respublikasi QT, 2000-y., 6-son, 33-modda) 4-bandining “a” kichik bandida:

a) quyidagi tahrirdagi uchinchi xatboshi qoʻshilsin:

“miqdori 100 ming AQSh dollari ekvivalentidan ortiq boʻlmagan kontraktlar boʻyicha chet el valyutasida oldindan toʻlovsiz, akkreditiv ochmasdan, bank kafolatini rasmiylashtirmasdan hamda eksport shartnomalarini siyosiy va tijorat xavflaridan sugʻurta polisisiz oʻzlari ishlab chiqargan tovarlar eksport qilingan kundan boshlab 90 kun, yangi meva-sabzavot mahsulotlari, uzum, poliz mahsulotlari, shuningdek Oʻzbekiston Respublikasi Prezidentining “Tovarlar (ishlar, xizmatlar) eksportini ragʻbatlantirish boʻyicha qoʻshimcha chora-tadbirlar toʻgʻrisida” 1997-yil 10-oktabrdagi PF-1871-son Farmoniga 2-ilovada koʻrsatilgan xomashyo tovarlari bundan mustasno”;

b) uchinchi — beshinchi xatboshilar tegishli ravishda toʻrtinchi — oltinchi xatboshilar deb hisoblansin.

2. Vazirlar Mahkamasining 2003-yil 30-sentabrdagi 416-son qarori (Oʻzbekiston Respublikasi QT, 2003-y., 9-son, 92-modda) bilan tasdiqlangan Tashqi savdo operatsiyalarining bojxona monitoringini amalga oshirish tartibi toʻgʻrisidagi nizomning 14-bandida:

a) quyidagi tahrirdagi uchinchi xatboshi qoʻshilsin:

“miqdori 100 ming AQSh dollari ekvivalentidan ortiq boʻlmagan kontraktlar boʻyicha chet el valyutasida oldindan toʻlovsiz, akkreditiv ochmasdan, bank kafolatini rasmiylashtirmasdan hamda eksport shartnomalarini siyosiy va tijorat xavflaridan sugʻurta polisisiz oʻzlari ishlab chiqargan tovarlar eksport qilingan kundan boshlab 90 kun, yangi meva-sabzavot mahsulotlari, uzum, poliz mahsulotlari, shuningdek Oʻzbekiston Respublikasi Prezidentining “Tovarlar (ishlar, xizmatlar) eksportini ragʻbatlantirish boʻyicha qoʻshimcha chora-tadbirlar toʻgʻrisida” 1997-yil 10-oktabrdagi PF-1871-son Farmoniga 2-ilovada koʻrsatilgan xomashyo tovarlari bundan mustasno”;

b) uchinchi — beshinchi xatboshilar tegishli ravishda toʻrtinchi — oltinchi xatboshilar deb hisoblansin.

3. Vazirlar Mahkamasining “Bugʻdoy, un, guruch va non-bulka mahsulotlarini olib chiqib ketish hollari ustidan nazoratni kuchaytirish va ularning oldini olishga oid qoʻshimcha chora-tadbirlar toʻgʻrisida” 2008-yil 8-iyuldagi 153-son qarorining (Oʻzbekiston Respublikasi QHT, 2008-y., 28-son, 271-modda) 1-bandidagi “ijtimoiy ahamiyatga ega boʻlgan oziq-ovqat mahsulotlarini olib chiqib ketishni taqiqlaydigan” soʻzlari chiqarib tashlansin.

4. Vazirlar Mahkamasining “Xayraton va Mozori Sharif oʻrtasidagi temir yoʻl liniyasini loyihalashtirish, qurish, oʻrnatish va foydalanishga topshirish” loyihasini amalga oshirish chora-tadbirlari toʻgʻrisida” 2009-yil 20-noyabrdagi 298-son qarorining (Oʻzbekiston Respublikasi QHT, 2009-y., 48-son, 514-modda) 6-bandidagi “Farmoniga muvofiq Maxsus va eksport qilish taqiqlangan tovarlar roʻyxatiga kiritilgan tovarlar” soʻzlari “Farmonning 1 va 4-ilovalariga muvofiq tovarlar” soʻzlari bilan almashtirilsin.

5. Vazirlar Mahkamasining “Xayraton-Mozori-Sharif” temir yoʻl liniyalarini qurish va ulardan foydalanish” loyihasini amalga oshirish chora-tadbirlari toʻgʻrisida” 2011-yil 22-iyundagi 187-son qarori 3-bandining beshinchi xatboshidagi “Farmoniga muvofiq Maxsus va eksport qilish taqiqlangan tovarlar roʻyxatiga kiritilgan tovarlar” soʻzlari “Farmonning 1 va 4-ilovalariga muvofiq tovarlar” soʻzlari bilan almashtirilsin.

6. Vazirlar Mahkamasining “Hayraton-Mozori-Sharif” temir yoʻl liniyasidan foydalanish va unga xizmat koʻrsatish” loyihasini amalga oshirish toʻgʻrisida 2015-yil 14-apreldagi 91-son qarori (Oʻzbekiston Respublikasi QHT, 2015-y., 15-son, 180-modda) 3-bandining toʻrtinchi xatboshidagi “Farmoniga muvofiq Maxsus va eksport qilish taqiqlangan tovarlar roʻyxatiga kiritilgan tovarlar” soʻzlari “Farmonning 1 va 4-ilovalariga muvofiq tovarlar” soʻzlari bilan almashtirilsin.