2861-сон 28.02.2017. Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizomni tasdiqlash haqida

Oʻzbekiston Respublikasi Adliya vazirining buyrugʻi, 28.02.2017 yilda ro‘yxatdan o‘tgan, ro‘yxat raqami 2861

Kuchga kirish sanasi

06.03.2017

Рус

Ўзб

O’zb

O‘zb|Рус

Hujjat 17.10.2022 sanasi holatiga

Hujjat 03.05.2025 sanasi holatiga

Oʻzbekiston Respublikasi Adliya vazirining

buyrugʻi

Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizomni tasdiqlash haqida

[Oʻzbekiston Respublikasi Adliya vazirligi tomonidan 2017-yil 28-fevralda roʻyxatdan oʻtkazildi, roʻyxat raqami 2861]

Oʻzbekiston Respublikasi Prezidentining 2017-yil 19-yanvardagi PQ-2733-sonli “Yuridik xizmat faoliyatini tubdan takomillashtirish chora-tadbirlari toʻgʻrisida”gi qaroriga muvofiq buyuraman:

1. Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizom ilovaga muvofiq tasdiqlansin.

2. Quyidagilar oʻz kuchini yoʻqotgan deb topilsin:

Oʻzbekiston Respublikasi adliya vazirining 2011-yil 30-noyabrdagi 255-mh-son “Yuridik xizmatlarining maʼlumotlar bazasini shakllantirish va yuritish, maʼlumotlar bazasiga kiritish uchun maʼlumot taqdim etish shakllari va muddatlarini belgilash tartibi toʻgʻrisidagi nizomni tasdiqlash haqida”gi buyrugʻi (roʻyxat raqami 2285, 2011-yil 30-noyabr) (Oʻzbekiston Respublikasi qonun hujjatlari toʻplami, 2011-y., 48-son, 497-modda);

Oʻzbekiston Respublikasi adliya vazirining 2015-yil 29-iyuldagi 246-mh-son “Yuridik xizmatlarining maʼlumotlar bazasini shakllantirish va yuritish, maʼlumotlar bazasiga kiritish uchun maʼlumot taqdim etish shakllari va muddatlarini belgilash tartibi toʻgʻrisidagi nizomga oʻzgartirishlar kiritish haqida”gi buyrugʻi (roʻyxat raqami 2285-1, 2015-yil 29-iyul) (Oʻzbekiston Respublikasi qonun hujjatlari toʻplami, 2015-y., 30-son, 403-modda).

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi (B. Boliyev) Idoraviy normativ-huquqiy hujjatlarning davlat reyestriga tegishli yozuv kiritsin.

4. Huquqiy targʻibot va axborot boshqarmasi (A. Ochilov) mazkur idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.

6. Mazkur buyruqning ijrosini nazorat qilish vazir oʻrinbosari N. Joʻrayev zimmasiga yuklansin.

Vazir M. IKRAMOV

Toshkent sh.,

2017-yil 28-fevral,

39-mh-son

Oʻzbekiston Respublikasi adliya vazirining 2017-yil 28-fevraldagi 39-mh-son buyrugʻiga
ILOVA

Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi

NIZOM

Mazkur Nizom Oʻzbekiston Respublikasi Prezidentining 2017-yil 19-yanvardagi PQ-2733-sonli “Yuridik xizmat faoliyatini tubdan takomillashtirish chora-tadbirlari toʻgʻrisida”gi qarori hamda Vazirlar Mahkamasining 2007-yil 22-noyabrdagi 244-son qarori bilan tasdiqlangan Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisida nizomga muvofiq, davlat organlari va tashkilotlari yuridik xizmatlarining maʼlumotlari bazasini (bundan buyon matnda maʼlumotlar bazasi deb yuritiladi) shakllantirish va yuritish, shuningdek unga kiritish uchun maʼlumot taqdim etish shakllari va muddatlarini belgilaydi.

1-bob. Umumiy qoidalar

1. Mazkur Nizom maqsadlari uchun davlat organlari va tashkilotlari deganda, davlat organlari, xoʻjalik boshqaruvi organlari, davlat korxonalari, muassasalari va tashkilotlari tushuniladi.

2. Maʼlumotlar bazasini shakllantirish va yuritish davlat organlari va tashkilotlarining yuridik xizmatlari va ularning xodimlarini hisobga olish va ular toʻgʻrisidagi maʼlumotlarni umumlashtirish, shuningdek Oʻzbekiston Respublikasi Adliya vazirligining (bundan buyon matnda Vazirlik deb yuritiladi) rasmiy veb-saytida joylashtiriladigan, davlat organlari va tashkilotlarining yuridik xizmatlaridagi boʻsh ish oʻrinlari toʻgʻrisidagi yagona, hamma foydalanishi mumkin boʻlgan maʼlumotlar bazasini yaratish va uning yangilab turilishini taʼminlash maqsadida amalga oshiriladi.

3. Davlat organlari va tashkilotlari yuridik xizmatlarining maʼlumotlari bazasi tegishincha Vazirlik, Qoraqalpogʻiston Respublikasi Adliya vazirligi, viloyatlar, Toshkent shahar adliya boshqarmalari va tuman (shahar) adliya boʻlimlari (bundan buyon matnda hududiy adliya organlari deb yuritiladi) tomonidan shakllantiriladi va yuritiladi.

4. Vazirlik va hududiy adliya organlari davlat organlari va tashkilotlarida yuridik xizmat faoliyatini muvofiqlashtirish maqsadida davlat organlari va tashkilotlari tomonidan mazkur Nizomga muvofiq taqdim etiladigan yuridik xizmatlar xodimlari toʻgʻrisidagi maʼlumotlardan tashqari, ulardan yuridik xizmat faoliyatiga doir boshqa tegishli hujjatlar va maʼlumotlarni soʻrab olishga haqli.

2-bob. Maʼlumotlar bazasini shakllantirish va yuritish hamda unga kiritish uchun maʼlumot taqdim etish

5. Yuridik xizmatlarning Vazirlikda maʼlumotlar yigʻma bazasi, hududiy adliya organlarida maʼlumotlar hududiy bazasi yuritiladi.

6. Maʼlumotlar bazalari tegishlicha Vazirlikning Huquqiy xizmat koʻrsatishni tartibga solish boshqarmasi va uning hududiy boʻlimlari tomonidan shakllantiriladi va yuritiladi.

6. Maʼlumotlar bazalari tegishlicha Vazirlikning Notariat, advokatura va huquqiy xizmatlar boshqarmasi, shuningdek Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining Notariat, advokatura va huquqiy xizmatlar boʻlimlari tomonidan shakllantiriladi va yuritiladi.

7. Maʼlumotlar bazalari muntazam ravishda elektron shaklda davlat tilida yuritiladi.

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek respublika darajasidagi davlat organlari va tashkilotlari yuridik xizmatlari xodimlari toʻgʻrisidagi axborot Vazirlikka, viloyat darajasidagi davlat organlari va tashkilotlari yuridik xizmatlari xodimlari toʻgʻrisidagi axborot Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga, tuman (shahar) hokimliklari, shuningdek tuman (shahar) darajasidagi davlat organlari va tashkilotlari yuridik xizmatlari xodimlari toʻgʻrisidagi axborot esa, tuman adliya boʻlimlariga taqdim etiladi.

9. Davlat organlari va tashkilotlari tegishli yil yakunlangandan soʻng, keyingi yilning 10-sanasiga qadar tegishli adliya organiga mazkur Nizomning 1 va 2-ilovalariga muvofiq shakldagi maʼlumotlarni yozma va elektron shaklda taqdim etadi.

Tuman (shahar) adliya boʻlimlari tegishli yil yakunlangandan soʻng, keyingi yilning 15-sanasiga qadar bazadagi maʼlumotlarni tegishlicha Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga elektron koʻrinishda taqdim etadi.

Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tegishli yil yakunlangandan soʻng, keyingi yilning 20-sanasiga qadar hududiy bazadagi maʼlumotlarni Vazirlikka elektron koʻrinishda taqdim etadi.

10. Taqdim etilgan maʼlumotlar yil davomida oʻzgargan taqdirda, davlat organlari va tashkilotlari oʻn kun muddatda tegishli maʼlumotni adliya organiga yuborishi lozim.

Hududiy adliya organi oʻzgarishlar boʻyicha maʼlumotlarni ular taqdim etilgandan soʻng besh kun muddatda Vazirlikka taqdim etishi shart.

11. Oʻzbekiston Respublikasi Adliya vazirligi qoshidagi Yuristlar malakasini oshirish markazi mazkur Nizomning 3-ilovasiga muvofiq shakldagi maʼlumotni har chorakda, tegishli chorak yakunlangandan soʻng, keyingi oyning 5-sanasiga qadar Vazirlikka elektron shaklda taqdim etadi.

12. Taqdim etilgan maʼlumotlar Vazirlikka kelib tushgandan soʻng, ular ikki ish kuni ichida maʼlumotlar yigʻma bazasiga hamda rasmiy veb-saytdagi maʼlumotlar bazasiga joylashtiriladi va muntazam ravishda yangilab boriladi.

3-bob. Yakuniy qoidalar

13. Maʼlumotlar bazalarining oʻz vaqtida va toʻgʻri yuritilishi uchun masʼuliyat tegishlicha Vazirlikning Huquqiy xizmat koʻrsatishni tartibga solish boshqarmasi, shuningdek Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining Huquqiy xizmatlar boʻlimlari hamda tuman (shahar) adliya boʻlimlari zimmasiga yuklatiladi.

13. Maʼlumotlar bazalarining oʻz vaqtida va toʻgʻri yuritilishi uchun masʼuliyat tegishlicha Vazirlikning Notariat, advokatura va huquqiy xizmatlar boshqarmasi, shuningdek Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarining Notariat, advokatura va huquqiy xizmatlar boʻlimlari zimmasiga yuklatiladi.

14. Mazkur Nizom talablariga rioya etilishi ustidan nazorat Vazirlikning Huquqiy xizmat koʻrsatishni tartibga solish boshqarmasi tomonidan amalga oshiriladi.

14. Mazkur Nizom talablariga rioya etilishi ustidan nazorat Vazirlikning Notariat, advokatura va huquqiy xizmatlar boshqarmasi tomonidan amalga oshiriladi.

Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizomga
1-ILOVA

Yuridik xizmatlar xodimlari haqida

MAʼLUMOT

T/r	F.I.O.	Tugʻilgan yili va joyi	Tamomlagan taʼlim muassasasi va vaqti	Lavozimi (ish joyi koʻrsatilgan holda)	Martaba darajasi (berilgan vaqti)	Ish joyi manzili va yuridik xizmat xodimi-ning elektron pochtasi	Xizmat va uyali telefon raqami	Egallab turgan lavozimga qabul qilingan vaqti	Yuridik mutaxassislik boʻyicha ish staji	Shundan yuridik xizmatdagi ish staji (9-ustundan)	Yuristlar malakasini oshirish markazida malakasini oshirgan vaqti (sertifikatning seriyasi, raqami, berilgan hamda amal qilish muddati koʻrsatilgan holda)	Attestatsiyadan oʻtgan vaqti (guvohnomaning seriyasi, raqami, berilgan hamda amal qilish muddati koʻrsatilgan holda)
T/r	1	2	3	4	5	6	7	8	9	10	11	12
1.
2.
3.
....

T/r	F.I.O.	Tugʻilgan yili va joyi	Tamomlagan taʼlim muassasasi va vaqti	Lavozimi (ish joyi koʻrsatilgan holda)	Martaba darajasi (berilgan vaqti)	Ish joyi manzili va yuridik xizmat xodimi-ning elektron pochtasi	Xizmat va uyali telefon raqami	Egallab turgan lavozimga qabul qilingan vaqti	Yuridik mutaxassislik boʻyicha ish staji	Shundan yuridik xizmatdagi ish staji (9-ustundan)	Yuristlar malakasini oshirish markazida malakasini oshirgan vaqti (sertifikatning seriyasi, raqami, berilgan hamda amal qilish muddati koʻrsatilgan holda)	Attestatsiyadan oʻtgan vaqti (guvohnomaning seriyasi, raqami, berilgan hamda amal qilish muddati koʻrsatilgan holda)
T/r	1	2	3	4	5	6	7	8	9	10	11	12
1.
2.
3.
....

Izoh:

mazkur shaklning 6 va 7-ustunlaridagi maʼlumotlar oʻzgargan taqdirda, bu haqda yuridik xizmat xodimi tomonidan bir ish kuni ichida tegishli adliya organiga ogʻzaki ravishda maʼlum qilinishi;

barcha maʼlumotlar qogʻoz hamda elektron shaklda taqdim etilishi;

yuridik xizmat xodimlarining maʼlumotnomalari (obeʼktivkalari) mazkur shaklga ilova qilgan holda taqdim etilishi shart.

Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizomga
2-ILOVA

Davlat organlari va tashkilotlarining yuridik xizmatlaridagi boʻsh ish oʻrinlari haqida

MAʼLUMOT

T/r	Davlat organi va tashkilotining nomi	Vazirlar Mahkamasi tomonidan belgilangan meʼyorlarga asosan tashkil etiladigan yuridik xizmat shtat birliklari soni	Haqiqatda tashkil etilgan yuridik xizmat shtat birliklari soni	Shtat birliklarida ishlayotgan yuridik xizmat xodimlari soni	Yuridik xizmatdagi boʻsh ish oʻrinlari soni	Boʻsh ish oʻrinlaridagi lavozimlarning oylik maoshi	Yuridik xizmat xodimlari boʻsh ish oʻrinlarining lavozimlari
	Davlat organi va tashkilotining nomi				Yuridik xizmatdagi boʻsh ish oʻrinlari soni	Boʻsh ish oʻrinlaridagi lavozimlarning oylik maoshi	Yuridik departament (aniq koʻrsatiladi)	Boshqarma boshligʻi (aniq koʻrsatiladi)	Yuridik boʻlim (aniq koʻrsatiladi)	Byuro boshligʻi (aniq koʻrsatiladi)	Bosh yuriskonsult(aniq koʻrsatiladi)	Etakchi, katta yuriskonsult(aniq koʻrsatiladi)	Katta yuriskonsult(aniq koʻrsatiladi)	Yuriskonsult(aniq koʻrsatiladi)
	1	2	3	4	5	6	7	8	9	10	11	12	13	14
1.
2.
3.
....

T/r	Davlat organi va tashkilotining nomi	Vazirlar Mahkamasi tomonidan belgilangan meʼyorlarga asosan tashkil etiladigan yuridik xizmat shtat birliklari soni	Haqiqatda tashkil etilgan yuridik xizmat shtat birliklari soni	Shtat birliklarida ishlayotgan yuridik xizmat xodimlari soni	Yuridik xizmatdagi boʻsh ish oʻrinlari soni	Boʻsh ish oʻrinlaridagi lavozimlarning oylik maoshi	Yuridik xizmat xodimlari boʻsh ish oʻrinlarining lavozimlari
	Davlat organi va tashkilotining nomi				Yuridik xizmatdagi boʻsh ish oʻrinlari soni	Boʻsh ish oʻrinlaridagi lavozimlarning oylik maoshi	Yuridik departament (aniq koʻrsatiladi)	Boshqarma boshligʻi (aniq koʻrsatiladi)	Yuridik boʻlim (aniq koʻrsatiladi)	Byuro boshligʻi (aniq koʻrsatiladi)	Bosh yuriskonsult(aniq koʻrsatiladi)	Etakchi, katta yuriskonsult(aniq koʻrsatiladi)	Katta yuriskonsult(aniq koʻrsatiladi)	Yuriskonsult(aniq koʻrsatiladi)
	1	2	3	4	5	6	7	8	9	10	11	12	13	14
1.
2.
3.
....

Izoh:

barcha maʼlumotlar qogʻoz hamda elektron shaklda taqdim etilishi shart.

Davlat organlari va tashkilotlari yuridik xizmatlarining maʼlumotlari bazasini shakllantirish va yuritish tartibi toʻgʻrisidagi nizomga
3-ILOVA

Oʻzbekiston Respublikasi Adliya vazirligi qoshidagi Yuristlar malakasini oshirish markazida malaka oshirishdan oʻtgan yuridik xizmatlar xodimlari haqida

MAʼLUMOT

T/r	F.I.O.	Tugʻilgan yili va joyi	Ish joyi	Lavozimi	Malaka oshirgan vaqti	Malaka oshirganligi toʻgʻrisida berilgan sertifikatning vaqti, seriyasi va raqami
1.
2.
3.
....

T/r	F.I.O.	Tugʻilgan yili va joyi	Ish joyi	Lavozimi	Malaka oshirgan vaqti	Malaka oshirganligi toʻgʻrisida berilgan sertifikatning vaqti, seriyasi va raqami
1.
2.
3.
....

Ko‘rinish

Ko‘rinish