Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga va Oʻzbekiston Respublikasi Vazirlar Mahkamasining 2007-yil 22-noyabrdagi 244-son “Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomni tasdiqlash haqida”gi qaroriga (Oʻzbekiston Respublikasi qonun hujjatlari toʻplami, 2007-y., 46-47-son, 472-modda) asosan buyuraman:

1. Yuridik xizmatlarining maʼlumotlar bazasini shakllantirish va yuritish, maʼlumotlar bazasiga kiritish uchun maʼlumot taqdim etish shakllari va muddatlarini belgilash tartibi toʻgʻrisidagi nizom ilovaga muvofiq tasdiqlansin.

2. Mazkur buyruq davlat roʻyxatidan oʻtkazilsin va Idoraviy meʼyoriy hujjatlarni davlat roʻyxatidan oʻtkazish boshqarmasi (B. Boliyev) Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritsin.

3. Tashkiliy-nazorat va tahlil boshqarmasi (M. Ishbekov) hamda Qonun hujjatlarini turkumlash va huquqiy axborot boshqarmasi (S. Nuriyev) ushbu normativ-huquqiy hujjatni oʻn kun muddat ichida barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

5. Mazkur buyruq ijrosini nazorat qilish vazirning birinchi oʻrinbosari E. Kanyazov zimmasiga yuklansin.

Mazkur Nizom Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga, Oʻzbekiston Respublikasi Vazirlar Mahkamasining 2007-yil 24-avgustdagi 182-son “Davlat va xoʻjalik boshqaruvi organlari, mahalliy davlat hokimiyati organlari, davlat korxonalari, muassasalari va tashkilotlari faoliyatini huquqiy taʼminlash darajasini yanada oshirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2007-y., 35-36-son, 355-modda) va 2007-yil 22-noyabrdagi 244-son “Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomni tasdiqlash haqida”gi (Oʻzbekiston Respublikasi qonun hujjatlari toʻplami, 2007-y., 46-47-son, 472-modda) qarorlariga asosan yuridik xizmatlarining maʼlumotlar bazasini shakllantirish va yuritish, maʼlumotlar bazasiga kiritish uchun maʼlumot taqdim etish shakllari va muddatlarini belgilaydi.

1. Vazirlar Mahkamasining 2007-yil 22-noyabrdagi 244-son qarori bilan tasdiqlangan Yuridik xizmatlar xodimlarini attestatsiyadan oʻtkazish va ularning malakasini oshirish tartibi toʻgʻrisidagi nizomga asosan davlat boshqaruvi va mahalliy davlat hokimiyati organlari, Oʻzbekiston Respublikasi Vazirlar Mahkamasi tomonidan tashkil etiladigan xoʻjalik boshqaruvi organlarining, davlat korxonalari, muassasalari va tashkilotlarning (bundan keyingi oʻrinlarda tashkilotlar deb yuritiladi) yuridik xizmatlari xodimlarining hisobi Oʻzbekiston Respublikasi Adliya vazirligi (bundan keyingi oʻrinlarda Vazirlik deb yuritiladi), Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari (bundan keyingi oʻrinlarda hududiy adliya organlari deb yuritiladi) tomonidan yuritiladi.

2. Yuridik xizmatlarining maʼlumotlar bazasini shakllantirish va uni markazlashtirilgan tartibda yuritish tashkilotlarning yuridik xizmatlari va ularning xodimlari hisobga olinishini va ular toʻgʻrisidagi axborotning tizimlashtirilishini tashkil etish maqsadida amalga oshiriladi.

3. Vazirlik va hududiy adliya organlari tashkilotlarda yuridik xizmat faoliyatini muvofiqlashtirish va nazorat qilish funksiyalarini amalga oshirish maqsadida Oʻzbekiston Respublikasi Vazirlar Mahkamasining 2007-yil 24-avgustdagi 182-son “Davlat va xoʻjalik boshqaruvi organlari, mahalliy davlat hokimiyati organlari, davlat korxonalari, muassasalari va tashkilotlari faoliyatini huquqiy taʼminlash darajasini yanada oshirish chora-tadbirlari toʻgʻrisida”gi qaroriga asosan tashkilotlar tomonidan mazkur Nizomga muvofiq taqdim etiladigan yuridik xizmatlar xodimlari toʻgʻrisidagi maʼlumotlardan tashqari, ularning yuridik xizmati faoliyatiga doir boshqa tegishli hujjatlar va maʼlumotlarni soʻrab olish huquqiga ega.

4. Yuridik xizmatlarining maʼlumotlar bazasini shakllantirish maqsadida Vazirlikda yuridik xizmatlarining maʼlumotlar yigʻma bazasi, hududiy adliya organlarida yuridik xizmatlarining maʼlumotlar hududiy bazasi tuziladi.

5. Yuridik xizmatlarining maʼlumotlar bazalarini shakllantirish va yuritish Vazirlik va hududiy adliya organlarining yuridik xizmat xodimlarini attestatsiyadan oʻtkazish boʻyicha komissiyalarining ishchi organlari tomonidan amalga oshiriladi.

6. Yuridik xizmatlarining maʼlumotlar bazalari davlat tilida, elektron koʻrinishda yuritiladi.

7. Tashkilotlar har yili 1-iyunga qadar tegishli adliya organlariga mazkur Nizomning 1-ilovasiga muvofiq shaklda yuridik xizmat xodimlari, shu jumladan yuridik xizmatdagi mavjud vakant oʻrinlar toʻgʻrisida axborot taqdim etadilar.

Yil davomida yuridik xizmat xodimlari toʻgʻrisidagi maʼlumotlar oʻzgargan taqdirda (boʻshatish yoki tayinlash va boshqalar), tashkilotlar oʻn kun muddatda tegishli axborotni adliya organiga yuboradilar.

Bunda davlat va xoʻjalik boshqaruvi organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari markaziy apparatlarining yuridik xizmatlari xodimlari toʻgʻrisidagi axborot Vazirlikka, davlat boshqaruvi organlarining hududiy boʻlinmalari, tuman va shahar hokimliklari, davlat korxonalari, muassasalari va tashkilotlarining yuridik xizmat xodimlari toʻgʻrisidagi axborot esa, hududiy adliya organlariga taqdim etiladi.

Yuridik xizmat xodimlari toʻgʻrisidagi axborotlar, texnik imkoniyatlar mavjud boʻlgan taqdirda, elektron hujjat shaklida taqdim etiladi.

9. Hududiy adliya organlari har chorak tugagandan keyingi oyning 5-sanasiga qadar vazirlikka yuridik xizmatlar maʼlumotlari yigʻma bazasiga kiritish va uni muntazam ravishda yangilab borish uchun oʻzlari tomonidan yuritilgan yuridik xizmatlar maʼlumotlari hududiy bazasini elektron koʻrinishda taqdim etadi.

10. Oʻzbekiston Respublikasi Adliya vazirligi qoshidagi Yuristlar malakasini oshirish markazi har chorak tugagandan keyingi oyning 5-sanasiga qadar Vazirlikka yuridik xizmat xodimlarining yigʻma bazasiga kiritish uchun tashkilotlarning yuridik xizmatlarining malaka oshirishdan oʻtgan xodimlari toʻgʻrisidagi maʼlumotlarni mazkur Nizomning 2-ilovasida keltirilgan shaklda va elektron koʻrinishda taqdim etadi.

11. Yuridik xizmatlarining maʼlumotlar bazalarini toʻgʻri yuritilishi uchun javobgarlik Vazirlik va hududiy adliya organlarining yuridik xizmat xodimlarini attestatsiyadan oʻtkazish boʻyicha komissiyalarining ishchi organlari zimmasiga yuklatiladi.

12. Mazkur Nizom talablariga rioya etilishi ustidan nazorat Vazirlikning yuridik xizmat xodimlarini attestatsiyadan oʻtkazish boʻyicha komissiyasining ishchi organiga yuklatiladi.