Respublika aholisi va budjet tashkilotlarini sifatli ko‘mir va ko‘mir briketlari bilan uzluksiz ta’minlash, ko‘mir mahsulotlarini yetkazib beruvchi va taqsimlovchi tashkilotlar mas’uliyatini oshirish maqsadida Vazirlar Mahkamasi qaror qiladi:
1. Ko‘mir va ko‘mir briketlariga (keyingi o‘rinlarda ko‘mir mahsulotlari deb ataladi) bo‘lgan ehtiyojni aniqlash, ularni budjet tashkilotlari hamda aholiga yetkazib berish va sotish Vazirlar Mahkamasining 2015-yil 2-iyuldagi 177-son qarori bilan tasdiqlangan Budjet tashkilotlari tomonidan budjet mablag‘lari hisobiga xarid qilinadigan ko‘mir va ko‘mir briketlarini sotish, yetkazib berish, tashish, qabul qilish va saqlash tartibi to‘g‘risidagi Nizomda hamda Respublika aholisini ko‘mir mahsulotlari bilan ta’minlash tartibi to‘g‘risidagi Nizomda nazarda tutilgan tartibda amalga oshirilayotganligi ma’lumot uchun qabul qilinsin.
respublika hududlari bo‘yicha 2016-2017-yillarning kuz-qish davrida aholi va budjet tashkilotlarini ko‘mir mahsulotlari bilan ta’minlash bo‘yicha yig‘ma reja va tadbirlar rejasi 1 va 2-ilovalarga* muvofiq;
“O‘zbekko‘mir” aksiyadorlik jamiyatining 2017-yilda quriladigan va rekonstruksiya qilinadigan hududiy distribyutorlik markazlari filiallarining ro‘yxati 3-ilovaga* muvofiq;
“O‘zbekko‘mir” aksiyadorlik jamiyatining 2017-yilda ko‘mir briketlari ishlab chiqarish bo‘yicha asbob-uskunalar bilan jihozlanadigan hududiy distribyutorlik markazlari ro‘yxati 4-ilovaga* muvofiq tasdiqlansin.
3. Respublika aholisi va budjet tashkilotlarini ko‘mir mahsulotlari bilan ta’minlash tadbirlarini muvofiqlashtirish va amalga oshirish uchun 5-ilovaga* muvofiq tarkibda ishchi guruh tashkil etilsin.
4. Quyidagilar respublika aholisi va budjet tashkilotlarini ko‘mir mahsulotlari bilan ta’minlash bo‘yicha ishchi guruhning asosiy vazifalari etib belgilansin:
kuz-qish davrida aholi va budjet tashkilotlariga ko‘mir mahsulotlarining ushbu qaror bilan tasdiqlangan hajmlarda o‘z vaqtida va to‘liq yetkazib berilishini ta’minlash;
budjet tashkilotlari uchun ko‘mir mahsulotlariga narx belgilash darajasi, shuningdek aholiga sotiladigan ko‘mirning chakana narxiga rioya etilishi yuzasidan samarali nazoratni tashkil qilish;
Oldingi tahrirga qarang.
O‘zbekiston temir yo‘llari” AJ “Temiryo‘lyonilg‘ita’min” boshqarmasining ko‘mir omborlarini qurish va jihozlash tadbirlarini o‘z vaqtida amalga oshirish.
(4-bandning beshinchi xatboshisi O‘zbekiston Respublikasi Vazirlar Mahkamasining 2018-yil 24-yanvardagi 52-sonli qarori tahririda — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
Oldingi tahrirga qarang.
“O‘zbekko‘mir” UK ko‘mirni “O‘zbekiston temir yo‘llari” AJ “Temiryo‘lyonilg‘ita’min” boshqarmasining ko‘mir omborlari manziliga yuklab jo‘natishni ta’minlaydi hamda yuklab jo‘natilayotgan ko‘mirning sifati va hajmlari uchun javob beradi;
(5-bandning ikkinchi xatboshisi O‘zbekiston Respublikasi Vazirlar Mahkamasining 2018-yil 24-yanvardagi 52-sonli qarori tahririda — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
Oldingi tahrirga qarang.
“O‘zbekiston temir yo‘llari” AJ “Temiryo‘lyonilg‘ita’min” boshqarmasi ko‘mir mahsulotlari sifatli saqlanishini hamda faqat aholiga va budjet tashkilotlariga sotilishini ta’minlaydi;
(5-band O‘zbekiston Respublikasi Vazirlar Mahkamasining 2018-yil 24-yanvardagi 52-sonli qaroriga asosan uchinchi xatboshi bilan to‘ldirilgan — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
Oldingi tahrirga qarang.
“O‘zbekiston temir yo‘llari” aksiyadorlik jamiyati ko‘mirni “O‘zbekko‘mir” UK “Ko‘miryig‘ish” stansiyasidan “O‘zbekiston temir yo‘llari” aksiyadorlik jamiyatining tegishli stansiyalarigacha tashishni ta’minlaydi hamda vagonlarning o‘z vaqtida berilishi va ko‘mirning yetkazilishi uchun javob beradi;
(5-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 24-yanvardagi 52-sonli qarori tahririda — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
ichki ishlar organlari ko‘mir mahsulotlari ishlab chiqarilgandan boshlab aholiga va budjet tashkilotlariga taqsimlanguniga qadar muhofaza qilinishini ta’minlash tadbirlarini amalga oshiradi;
Oldingi tahrirga qarang.
har bir mahallada ichki ishlar organlari va davlat soliq inspeksiyalari ko‘mir mahsulotlarining aholiga belgilangan tartibda taqsimlanishi va sotilishini ta’minlaydi;
(5-bandning oltinchi xatboshisi O‘zbekiston Respublikasi Vazirlar Mahkamasining 2020-yil 7-dekabrdagi 772-sonli qarori tahririda — Qonun hujjatlari ma’lumotlari milliy bazasi, 07.12.2020-y., 09/20/772/1605-son)
O‘zbekiston Respublikasi Iqtisodiyot vazirligi tomonidan har yili tasdiqlanadigan ko‘mir resurslari va ularni taqsimlash balansi doirasida yetkazib beriladigan ko‘mir mahsulotlari “O‘zbekiston temir yo‘llari” aksiyadorlik jamiyatining harbiylashtirilgan qo‘riqlash naryadlari bilan muhofaza etilishi va hamrohlik qilinishi kerak bo‘lgan yuklar ro‘yxatiga kiritiladi;
Oldingi tahrirga qarang.
“O‘zbekko‘mir” UK va “O‘zbekiston temir yo‘llari” AJ “Temiryo‘lyonilg‘ita’min” boshqarmasining ko‘mir omborlari rahbarlari, Qoraqalpog‘iston Respublikasi Vazirlar Kengashi Raisi, viloyatlar, shaharlar va tumanlar hokimlari ko‘mir mahsulotlari zaxiralari shakllantirilishi, ularning manzilli taqsimlanishi hamda aholi va budjet tashkilotlariga uzluksiz yetkazib berilishi uchun shaxsan javob beradilar.
(5-bandning sakkizinchi xatboshisi O‘zbekiston Respublikasi Vazirlar Mahkamasining 2018-yil 24-yanvardagi 52-sonli qarori tahririda — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
6. “O‘zbekiston temir yo‘llari” aksiyadorlik jamiyati, istisno tariqasida, “O‘zbekko‘mir” aksiyadorlik jamiyatiga 2017-yil 1-martgacha aholi ehtiyojlari uchun ko‘mir mahsulotlarini tashishga amaldagi preyskurant stavkalarining 50 foizi miqdorida chegirma bersin.
7. Ushbu qaror e’lon qilingan sanadan boshlab 2017-yil 1-martgacha aholiga sotiladigan ko‘mirga bir tonnasi uchun 126400 so‘m miqdorida chakana narx belgilansin.
Oldingi tahrirga qarang.
8. O‘zbekiston Respublikasi Monopoliyaga qarshi kurashish qo‘mitasi Moliya vazirligi va Davlat soliq qo‘mitasi bilan birgalikda:
(8-bandning birinchi xatboshisi O‘zbekiston Respublikasi Vazirlar Mahkamasining 2019-yil 19-dekabrdagi 1014-sonli qarori tahririda — Qonun hujjatlari ma’lumotlari milliy bazasi, 20.12.2019-y., 09/19/1014/4173-son)
budjet tashkilotlari uchun ko‘mir mahsulotlariga narx belgilash darajasi yuzasidan qat’iy nazorat o‘rnatsin hamda ularning narxi asossiz oshib ketishining oldini olish va unga barham berish chora-tadbirlarini ko‘rsin;
aholiga sotiladigan ko‘mirning chakana narxlariga rioya etilishi yuzasidan qat’iy nazorat o‘rnatsin hamda belgilangan tartib buzilganligi uchun aybdorlarga nisbatan qonun hujjatlariga muvofiq amaliy chora-tadbirlar ko‘rsin.
9. O‘zbekiston Respublikasi Moliya vazirligi har yili budjet mablag‘lari xarajatlari prognozini shakllantirishda budjet tashkilotlari smetalarida ko‘mir mahsulotlarini sotib olishni keyingi yil 1-oktabrgacha bir maromda moliyalashtirishni nazarda tutsin.
10. Belgilansinki, Vazirlar Mahkamasining “Ko‘mirning ulgurji-sotish narxiga maxsus ustama miqdorini o‘zgartirish to‘g‘risida” 2015-yil 31-martdagi 75-son qarori bilan belgilangan ko‘mir tarmog‘i korxonalari tomonidan sotiladigan ko‘mirning ulgurji-sotish narxiga qo‘shimcha maxsus ustama soliq solinadigan bazaga kiritilmaydi.
Oldingi tahrirga qarang.
11. “O‘zbekko‘mir” UK ko‘mirning ulgurji-sotish narxiga maxsus ustama soliq solinadigan bazadan chiqarilishi hisobiga bo‘shaydigan mablag‘larning investitsiya loyihalarini amalga oshirishga, kreditlarni to‘lashga va kon yuzasini ochish bilan bog‘liq qo‘shimcha ishlarni bajarishga yo‘naltirilishini ta’minlasin.
(11-band O‘zbekiston Respublikasi Vazirlar Mahkamasining 2018-yil 24-yanvardagi 52-sonli qarori tahririda — Qonun hujjatlari ma’lumotlari milliy bazasi, 26.01.2018-y., 09/18/52/0629-son)
12. “Olmaliq KMK” aksiyadorlik jamiyati 4-ilovada nazarda tutilgan muddatlarda “Olmaliq KMK” aksiyadorlik jamiyatining ustav fondidagi aksiyalarning davlat ulushi bo‘yicha dividendlar hisobiga 1 sutkada 30 tonna ko‘mir briketlari ishlab chiqaruvchi 70 ta qurilma tayyorlanishini va “O‘zbekko‘mir” aksiyadorlik jamiyatiga berilishini ta’minlasin.
13. “Navoiy KMK” davlat korxonasi 4-ilovada nazarda tutilgan muddatlarda o‘z mablag‘lari hisobiga 1 sutkada 150 tonna ko‘mir briketlari ishlab chiqaruvchi 14 ta qurilma tayyorlanishini va “O‘zbekko‘mir” aksiyadorlik jamiyatiga berilishini ta’minlasin.
14. Xalq bankining Jamg‘arib boriladigan pensiya tizimi mablag‘lari hisobidan beriladigan qarz resurslari hisobiga “O‘zsanoatqurilishbank” aksiyadorlik-tijorat bankining 3 yil muddatga, shu jumladan imtiyozli davri 6 oy, yillik stavkasi 7,5 foiz, shu jumladan qayta moliyalashtiradigan bankning marjasi miqdori yiliga 0,5 foiz bo‘lgan krediti 2017-yilda “O‘zbekko‘mir” aksiyadorlik jamiyatining hududiy distribyutorlik markazlari ko‘mir omborxonalarini qurish, rekonstruksiya qilish va jihozlashni moliyalashtirish manbalari etib belgilansin.
15. Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari:
aholiga ko‘mir mahsulotlarining oylar bo‘yicha yetkazib berilishi jadvallari bajarilishi yuzasidan doimiy monitoring olib borilishini;
“O‘zbekko‘mir” aksiyadorlik jamiyatining buyurtmanomalari bo‘yicha 3-ilovaga muvofiq hududiy distribyutorlik markazlarining filiallarini qurish va rekonstruksiya qilish uchun yer uchastkalari berilishini ta’minlasinlar.
16. “O‘zbekko‘mir” aksiyadorlik jamiyatiga hamda Qoraqalpog‘iston Respublikasi Vazirlar Kengashi va viloyatlar hokimliklari tomonidan belgilangan tartibda belgilangan pudrat tashkilotlariga hududiy distribyutorlik markazlari filiallarini qurish va rekonstruksiya qilishni loyiha-smeta hujjatlarini ishlab chiqish bilan bir paytda amalga oshirishga 2017-yil 1-iyulgacha istisno tariqasida ruxsat etilsin.
17. O‘zbekiston Respublikasi Davlat arxitektura va qurilish qo‘mitasi loyiha-smeta hujjatlari ishlab chiqilishining ekspert kuzatuvini ta’minlasin hamda qurilish-montaj ishlarini bajarish sifati yuzasidan davlat arxitektura-qurilish nazoratini o‘rnatsin.
18. Vazirlar Mahkamasining “Respublikada ko‘mir briketlari ishlab chiqarish va sotishni kompleks tashkil etishga doir qo‘shimcha chora-tadbirlar to‘g‘risida” 2015-yil 2-iyuldagi 177-son qaroriga (O‘zbekiston Respublikasi QT, 2015-y.. 7-son, 53-modda) 6-ilovaga* muvofiq o‘zgartirish va qo‘shimchalar kiritilsin.
* 1 — 6-ilovalar rus tilidagi matnda berilgan.
19. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov va O‘zbekiston Respublikasi Bosh vazirining o‘rinbosari G‘.I. Ibragimov zimmasiga yuklansin.