Oʻzbekiston Respublikasi Hukumati va Birlashgan Arab Amirliklari Hukumati, bundan keyin birgalikda “Tomonlar” deb ataluvchilar,

Tomonlar oʻrtasida fiskal va moliyaviy hamkorlikni ragʻbatlantirish hamda budjet islohotlari jarayonida baholash va fiskal sohasida tajriba almashishni qoʻllab-quvvatlash istagida,

Budjetni tasniflash xalqaro normalarga xilof emasligini anglagan holda Tomonlar oʻrtasida moliyaviy hamkorlikning muhim elementi ekanligini tan olib,

Ikki davlat hukumatlari oʻrtasida imzolangan ikki yoqlama soliqqa tortilishiga yoʻl qoʻymaslik va daromad hamda kapital soliqlarini toʻlashdan bosh tortishning oldini olish hamda investitsiyalarni ragʻbatlantirish va oʻzaro himoya qilish toʻgʻrisida bitimlar ikkala davlat oʻrtasidagi hamkorlikni mustahkamlash hamda ular oʻrtasida moliyaviy va investitsiyaviy hamkorlikni oʻsishiga koʻmaklashishini eʼtirof etgan holda,

quyidagilar toʻgʻrisida kelishib oldilar:

Tomonlar 2007-yil 26-oktabrda ikki davlat oʻrtasida imzolangan Oʻzbekiston Respublikasi Hukumati bilan Birlashgan Arab Amirliklari Hukumati oʻrtasida investitsiyalarni ragʻbatlantirish va oʻzaro himoya qilish toʻgʻrisida Bitimni amalga oshirish bilan yuzaga keladigan barcha kelishmovchilik va nizolarni hal etishda hamkorlik qiladilar.

Tomonlar 2007-yil 26-oktabrda ikki davlat oʻrtasida imzolangan Oʻzbekiston Respublikasi Hukumati bilan Birlashgan Arab Amirliklari Hukumati oʻrtasida ikkiyoqlama soliqqa tortilishiga yoʻl qoʻymaslik va daromad hamda kapital soliqlarini toʻlashdan bosh tortishning oldini olish toʻgʻrisida Bitim qoidalarini vijdonan bajarish yuzasidan hamkorlik qiladilar.

Tomonlar soliq sohasidagi ijroni yaxshilash maqsadida tajriba va malaka oshirish dasturlari bilan almashadilar.

Tomonlar soʻrovnomalar asosida taqdim etiladigan soliq masalalari boʻyicha maʼlumotlarni samarali ayirboshlash va aniqlikni rivojlantirish maqsadida hamkorlik qiladilar.

Tomonlar makroiqtisodiy doirada budjet tizimi, islohoti va ijro etish, hamda hukumat moliyaviy axborot tizimi sohalarida hamkorliklar qiladilar va tajriba almashadilar.

Tomonlar qoʻshimcha qiymat soligʻini (QQS) tayyorlash va yigʻish, soliq toʻlovchilarning oʻzini tekshirish metodologiyasi hamda mexanizmi sohasida va boshqa masalalarda hamkorlik qiladilar va tajriba almashadilar.

Tomonlar kapital muomalasi va boshqa moliyaviy vositalarni oʻz ichiga olgan holda moliya va boshqaruv islohotlari boʻyicha axborotlarni muntazam almashishga qiziqish bildirdilar.

Tomonlar tajriba almashish hamda investitsiya va fiskal masalalarda oʻzaro qiziqishlarini ifoda etuvchi yoʻnalishlarda tashkil etiladigan konferensiya hamda seminarlarda ishtirok etish va tajriba almashish uchun qulay sharoitlarni yaratishga kelishib oladilar.

Tomonlar investitsiyaviy faoliyatni rivojlantirish uchun soliqqa oid toʻsqinliklarni bartaraf etishda hamkorlik qiladilar.

Tomonlar quyidagi yoʻnalishlarda amaldagi soliq tizimini davlatlarning milliy qonunchiligi va xalqaro normalarga muvofiqlashtirish boʻyicha hamkorlik qiladilar:

soliq nizolarini hal etish tajribalarini taqdim etish;

barqaror soliq sharoitlarini taqdim etish.

Tomonlar bir-birlariga taqdim etilgan soliq toʻlovchilarning sertifikatlarini tan olishga kelishib oldilar.

Tomonlar mazkur Bitimni quyidagi tartibda yaxshi maqsadlarda talqin qilishga kelishdilar:

1. Bitim matni va uning mazmuni hamda maqsadlari doirasida belgilangan atamalar yaxshi maqsadlarda talqin qilinadi.

2. Ushbu Bitimni tatbiq etish maqsadida uning muqaddima va ilovalarida hamda boshqa hujjatlarda mazkur Bitimni tuzish vositasi sifatida qoʻllaniladigan hamda Tomonlar oʻrtasida amalga oshiriladigan har qanday kelishuv.

Tomonlar ikkala tomon vakillaridan tashkil topgan, investitsiya va fiskal masalalar boʻyicha Oʻzbekiston — Birlashgan Arab Amirliklari Kengashini taʼsis etadilar. Ushbu kengashga Oʻzbekiston tomonidan Oʻzbekiston Respublikasi Tashqi iqtisodiy aloqalar, investitsiyalar va savdo vaziri va Birlashgan Arab Amirliklari tomonidan Moliya ishlari Davlat vaziri rahbarlik qiladilar hamda zarur hollarda boshqa davlat idoralari va xususiy sektor vakillari ularning faoliyatiga koʻmaklashadilar. Mazkur Kengash yiliga bir marotaba yoki Tomonlarning talabiga koʻra oʻz yigʻilishini oʻtkazadi.

Kengashning maqsadlari quyidagilardan iborat:

Mazkur Bitimni qoʻllash yuzasidan kelib chiqadigan soliqqa oid masalalarni ikki tomonlama maslahatlashuvlar orqali hal qilish;

Tomonlar oʻrtasida imzolangan ikkiyoqlama soliqqa tortilishiga yoʻl qoʻymaslik hamda investitsiyalarni ragʻbatlantirish va oʻzaro himoya qilish toʻgʻrisidagi bitimlarga toʻgʻridan toʻgʻri zid boʻlgan normalarni chetlab oʻtish;

Tomonlar oʻrtasida imzolangan ikkiyoqlama soliqqa tortilishiga yoʻl qoʻymaslik hamda investitsiyalarni ragʻbatlantirish va oʻzaro himoya qilish toʻgʻrisidagi bitimlar qoidalarini tatbiq qilish yuzasidan vujudga keladigan har qanday masalalarni hal etish.

Mazkur Bitimni qoʻllash va talqin qilish yuzasidan kelib chiqadigan har qanday nizolar Tomonlar oʻrtasida muzokaralar va konsultatsiyalar yoʻllari bilan hal qilinadi.

1. Mazkur Bitim Tomonlar uning kuchga kirishi uchun zarur boʻlgan ichki protseduralarini bajarganliklari toʻgʻrisida diplomatik kanallar orqali oxirgi yozma xabarnoma olingan sanadan boshlab kuchga kiradi.

2. Mazkur Bitim besh yil davomida amal qiladi va ushbu muddat tugashidan soʻng, agar Tomonlardan biri mazkur Bitimni toʻxtatish niyati haqida, muddat tugashidan olti oy oldin diplomatik kanallar orqali yozma ravishda xabardor qilmasa, mazkur Bitim oʻz-oʻzidan keyingi besh yillik muddatga uzaytiriladi.

3. Mazkur Bitimning toʻxtatilishi Tomonlar oʻrtasida imzolangan yoki imzolanadigan bitimlar, kelishuvlar va memorandumlar asosida kelib chiqadigan har qanday huquq va majburiyatlariga taʼsir etmaydi.

Bayon etilganlarning tasdigʻi sifatida quyida imzo qoʻyuvchilar oʻz hukumatlari nomidan ushbu Bitimni imzoladilar.

Abu Dabi shahrida 2008-yil 17-martda ikki asl nusxada, har biri oʻzbek, arab va ingliz tillarida tuzildi, bunda barcha matnlar bir xil kuchga ega. Talqin qilishda kelishmovchiliklar yuzaga kelgan hollarda, ingliz tilidagi matn ustuvor hisoblanadi.