O‘zbekiston Respublikasi Hukumati bilan Birlashgan Arab Amirliklari Hukumati, ikki mamlakat o‘rtasida iqtisodiy hamkorlikni rivojlantirish va mustahkamlash istagida ikki yoqlama soliqqa tortilishiga yo‘l qo‘ymaslik va daromad hamda kapital soliqlarini to‘lashdan bosh tortishning oldini olish to‘g‘risida Bitim tuzish bilan quyidagilar to‘g‘risida ahdlashib oldilar:

Ushbu Bitim Ahdlashuvchi Davlatlarning biri yoki ikkalasining rezidenti bo‘lgan shaxslarga nisbatan qo‘llaniladi.

1. Ushbu Bitim undirish uslubidan qat’i nazar, Ahdlashuvchi Davlat nomidan yoki uning ma’muriy-hududiy bo‘linmalari yoki mahalliy hokimiyat organlari yoki mahalliy hukumatlari tomonidan undiriladigan daromad va kapital soliqlariga tatbiq etiladi.

2. Daromad va kapitalga solinadigan soliqlarga jami daromadga yoki umumiy kapitalga, yoxud daromad yoki kapitalning bir qismiga solinadigan barcha soliqlar taalluqli bo‘lib, bunga ko‘char va ko‘chmas mulkni boshqa shaxsga berishdan olingan daromadlar, korxonalar tomonidan to‘lanadigan ish haqi yoki maoshning umumiy miqdoriga solinadigan soliqlar, shuningdek kapital qiymatining o‘sishidan olingan daromadlarga solinadigan soliqlar ham kiradi,

3. Ushbu Bitim tatbiq etiladigan amaldagi soliqlar, xususan quyidagilardir:

a) O‘zbekiston Respublikasiga nisbatan:

I) yuridik shaxslar daromadi (foydasi)dan olinadigan soliq;

II) jismoniy shaxslarning daromadlaridan olinadigan soliq;

III) mol-mulk solig‘i:

(bundan keyin “O‘zbekiston soliqlari” deb ataladi);

b) Birlashgan Arab Amirliklariga nisbatan:

I) jismoniy shaxslarning daromadlaridan olinadigan soliq;

II) korporativ soliq;

(bundan keyin “Birlashgan Arab Amirliklari soliqlari” deb ataladi).

4. Ushbu Bitim 2-bandda qayd qilingan mavjud soliqlar o‘rniga yoki shu bitim imzolangan sanadan so‘ng har bir Ahdlashuvchi davlat tomonidan undiriladigan qo‘shimcha yoki har qanday bir xil yoki mohiyatan o‘xshash soliqlar ham qo‘llaniladi. Ahdlashuvchi Davlatlarning vakolatli organlari ularning soliq qonunlariga kiritilgan muhim o‘zgarishlar to‘g‘risida bir-birlarini xabardor qiladilar.

1. Ushbu Bitim maqsadlarida, matnning mazmunidan o‘zga ma’no chiqmasa:

a) “Ahdlashuvchi Davlat” va “boshqa Ahdlashuvchi Davlat” atamasi matn mazmuniga qarab, O‘zbekiston Respublikasi yoki Birlashgan Arab Amirliklarini bildiradi;

b) “O‘zbekiston” atamasi O‘zbekiston Respublikasini bildiradi va jug‘rofiy ma’noda qo‘llanilganda O‘zbekiston Respublikasi hududini, jumladan xalqaro huquqlarga muvofiq hududiy suvlari va O‘zbekiston Respublikasi o‘zining suveren huquqlari va yurisdiksiyasini amalga oshirishi mumkin bo‘lgan, o‘z ichiga O‘zbekiston Respublikasi qonunlariga muvofiq yer osti boyliklaridan va tabiiy resurslardan foydalanish huquqlarini olgan havo kengliklarini anglatadi;

s) “Birlashgan Arab Amirliklari” atamasi Birlashgan Arab Amirliklarini bildiradi va jug‘rofiy ma’noda qo‘llanilganda, xalqaro huquq va Birlashgan Arab Amirliklari qonunlariga muvofiq tabiiy resurslarni qidirish yoki ularga ishlov berish borasidagi har qanday faoliyatga nisbatan, ularning yurisdiksiyasi ostiga kiruvchi, o‘z ichiga materik va orollarni olgan suveren huquqni amalga oshiruvchi hududiy dengiz, havo va dengiz kengliklari kabi suverenitet ostidagi hududda joylashgan viloyatini anglatadi;

d) “soliq” atamasi matnning mazmuniga qarab O‘zbekiston yoki Birlashgan Arab Amirligi solig‘ini anglatadi;

e) “shaxs” atamasi jismoniy shaxsni, kompaniya yoki shaxslarning har qanday birlashmasini anglatadi;

f) “kompaniya” atamasi har qanday korporativ birlashmani yoki soliqqa tortish maqsadlarida korporativ birlashuv sifatida qaraladigan har qanday tuzilmani anglatadi;

g) “Ahdlashuvchi Davlatning korxonasi” va “boshqa Ahdlashuvchi Davlatning korxonasi” atamalari bir Ahdlashuvchi Davlat rezidenti boshqaruvi ostida bo‘lgan tegishli korxonani va boshqa Ahdlashuvchi Davlat rezidenti boshqaruvi ostida bo‘lgan korxonani anglatadi;

h) “milliy shaxs” atamasi quyidagilarni anglatadi:

(I) Ahdlashuvchi Davlat fuqaroligiga ega bo‘lgan qar qanday jismoniy shaxsni;

(II) Ahdlashuvchi Davlatning amaldagi qonunchiligiga muvofiq o‘z maqomini olgan har qanday yuridik shaxs, hamjamiyat va uyushmani.

2. “Xalqaro tashish” atamasi Ahdlashuvchi Davlatlardan birining rezidenti bo‘lgan korxona tomonidan foydalaniladigan kema, samolyot va yo‘l transportida har qanday tashishni anglatadi. Kema yoki samolyot va avtomobil transporti vositalarining faqat boshqa Ahdlashuvchi Davlat hududida joylashgan bandlar o‘rtasida foydalanilishi bundan mustasno.

3. “vakolatli organ” atamasi quyidagilarni anglatadi:

a) O‘zbekiston Respublikasiga nisbatan — O‘zbekiston Respublikasi Davlat soliq qo‘mitasi yoki uning vakolatli vakili;

b) Birlashgan Arab Amirliklariga nisbatan — Birlashgan Arab Amirliklari Moliya va sanoat vazirligi yoki uning vakolatli vakili.

4. Ushbu Bitim Ahdlashuvchi Davlatlar tomonidan har qanday vaqtda qo‘llanilganda unda belgilanmagan har qanday atama, agar matndan boshqa ma’no kelib chiqmasa, ushbu Bitim tatbiq etiladigan soliqlarga nisbatan shu Davlat qonunlariga muvofiq ega bo‘lgan ma’noni anglatadi.

1. Ushbu Bitim maqsadlarida “Ahdlashuvchi Davlat rezidenti” atamasi shu Davlat qonunlari bo‘yicha o‘zining yashash joyi, doimiy bo‘lish joyi, boshqaruv joyi, ro‘yxatdan o‘tgan joyi yoki har qanday boshqa shunga o‘xshash mezonlar asosida soliqqa tortiladigan har qanday shaxsni anglatadi. Biroq, bu atama faqat ushbu Ahdlashuvchi Davlatda joylashgan manbalardan yoki kapitaldan daromad olayotgani uchun shu Davlatda soliqqa tortiladigan har qanday shaxsni o‘z ichiga olmaydi.

2. Agar 1-band qoidalariga muvofiq, jismoniy shaxs ikkala Ahdlashuvchi Davlatning rezidenti bo‘lsa, uning maqomi quyidagi tarzda belgilanadi:

a) u qaysi Ahdlashuvchi Davlatda o‘zi uchun to‘siqsiz yashashi mumkin bo‘lgan doimiy uyiga ega bo‘lsa, shu Davlatning rezidenti hisoblanadi. Agar u har ikkala Davlatda to‘siqsiz yashashi mumkin bo‘lgan doimiy uyga ega bo‘lsa, shaxsiy va iqtisodiy aloqalari (hayotiy manfaatlar markazi) yaqinroq bo‘lgan Davlatning rezidenti hisoblanadi;

b) agar uning hayotiy manfaatlari markazi joylashgan Ahdlashuvchi Davlatni aniqlab bo‘lmasa, yoki hech bir Ahdlashuvchi Davlatlardan to‘siqsiz yashashi mumkin bo‘lgan doimiy uyiga ega bo‘lmasa, u odatda yashaydigan Ahdlashuvchi Davlatining rezidenti hisoblanadi;

s) agar shaxs odatda har ikkala Ahdlashuvchi Davlatda yashasa yoki odatda ularning hech birida yashamasa, u qaysi millat bo‘lsa, o‘sha Ahdlashuvchi Davlatning rezidenti hisoblanadi;

d) agar u har ikkala Davlatning milliy shaxsi bo‘lsa, yoki ulardan hech biriniki bo‘lmasa, bunda Ahdlashuvchi Davlatlarning vakolatli organlari bu masalani o‘zaro kelishuvga ko‘ra hal qiladilar.

3. Agar 1-band qoidalariga muvofiq, jismoniy shaxs bo‘lmagan shaxs Ahdlashuvchi Davlatlardan har ikkalasining rezidenti bo‘lsa, bunda u haqiqatda boshqaruv organi joylashgan Davlatning rezidenti hisoblanadi.

1. Ushbu Bitimda “doimiy muassasa” atamasi korxonaning tadbirkorlik faoliyatini to‘liq yoki qisman amalga oshiradigan doimiy faoliyat joyini anglatadi.

2. “Doimiy muassasa” atamasi, xususan quyidagilarni o‘z ichiga oladi:

a) boshqaruv joyi;

b) bo‘lim;

s) ofis;

d) fabrika;

e) ustaxona;

f) tabiiy resurslarga ishlov berish qurilma yoki moslama;

g) shaxta, neft yoki gaz qudug‘i, karyer yoki tabiiy resurslar qazib olinadigan har qanday boshqa joylar; va

h) ferma yoki plantatsiyalar.

3. “Doimiy muassasa” atamasi quyidagilarni ham o‘z ichiga oladi:

a) qurilish maydonchasi, qurilish, montaj yoki yig‘uv obyektlari yoki ular bilan bog‘liq bo‘lgan boshqaruv faoliyati, faqat shunday maydoncha, obyekt yoki faoliyatning davomiyligi 12 oydan ko‘proq davom etgan taqdirda;

b) agarda shu turdagi faoliyat har qanday o‘n ikki oylik davr doirasida jami 9 oydan oshadigan davr yoki davrlar mobaynida davom etgan taqdirda.

4. 1 - va 3-band qoidalariga qaramasdan, “doimiy muassasa” atamasi quyidagilarni o‘z ichiga olmaydi:

a) shu korxonaga tegishli bo‘lgan tovar yoki buyumlarni faqatgina saqlash, namoyish qilish yoki tovarlarni yetkazib berish maqsadida inshootdan foydalanish;

b) shu korxonaga tegishli bo‘lgan tovar yoki buyumlar zaxirasini faqatgina saqlash, namoyish qilish yoki yetkazib berish maqsadlarida ushlab turilishi;

s) shu korxonaga tegishli tovar yoki buyumlar zaxirasining faqat boshqa korxonalarga qayta ishlash maqsadida ushlab turilishi;

d) shu korxona uchun axborot yig‘ish yoki tovar yoki buyumlar sotib olish maqsadida doimiy faoliyat joyining ushlab turilishi;

e) shu korxona uchun boshqa har qanday tayyorgarlik yoki yordamchi tusdagi faoliyatni amalga oshirish maqsadida doimiy faoliyat joyining ushlab turilishi;

f) (a)-(e) kichik bandlarida eslatib o‘tilgan faoliyat turlarining har qanday kombinatsiyasini amalga oshirish uchungina doimiy faoliyat joyining ushlab turilishi, agar doimiy faoliyat joyining bunday kombinatsiyadan kelib chiqadigan butun faoliyati tayyorgarlik hamda yordamchi tusda bo‘lsa; va

g) tasodifiy yarmarka va ko‘rgazmalar doirasida namoyish qilingan shu korxonaga tegishli tovar yoki buyumlarning, yarmarka va ko‘rgazmalar tugagandan keyin sotilishi, agar tomonlar va kompaniyalar jalb qilinishi har qanday Ahdlashuvchi Davlat talablariga mos kelsa.

5. Ushbu modda 1- va 2-bandlarining qoidalariga qaramay, agar ushbu moddaning 6-bandi tatbiq etiladigan mustaqil maqomli agentdan o‘zga bo‘lgan shaxs Ahdlashuvchi Davlatda boshqa Ahdlashuvchi Davlat korxonasi nomidan ish yuritsa, bu korxona birinchi eslatib o‘tilgan Davlatda ana shu korxona uchun ushbu shaxs tomonidan ko‘rsatilgan har qanday faoliyatga nisbatan doimiy muassasaga ega deb hisoblanadi, agar:

a) u, birinchi eslatilgan Davlatda korxona uchun yoki uning nomidan shartnomalar tuzish vakolatiga ega bo‘lsa va odatda foydalansa, yoki

b) u, birinchi eslatilgan Davlatda korxonaga tegishli bo‘lgan tovarlar yoki buyumlar zaxirasiga ega bo‘lib, korxona uchun yoki uning nomidan muntazam ravishda sotsa, agarda bunday shaxsning faoliyati 4-bandda eslatib o‘tilganlar bilan cheklanib qolmasa, agar faoliyat shu bandning qoidalariga binoan doimiy faoliyat joyi orqali amalga oshirilsa, ushbu band qoidalariga muvofiq, doimiy faoliyat joyidan doimiy muassasa hosil qilmaydi, yoki

s) u, birinchi eslatilgan Davlatda, tomonidan nazorat qiladigan yoki nazorat foiziga ega bo‘lgan to‘liq yoki qisman korxonaning o‘ziga yoki shu korxona va boshqa korxonalar uchun buyurtmalarni saqlasa.

6. Ahdlashuvchi Davlatning korxonasi, agar boshqa Ahdlashuvchi Davlatda broker, komissioner yoki har qanday boshqa mustaqil maqomli agent orqali tadbirkorlik faoliyatini amalga oshirsa, bu shaxslar o‘zining odatdagi faoliyati chegarasida ish yuritgan taqdirda, ushbu Ahdlashuvchi Davlatda doimiy muassasaga ega deb qaralmaydi.

7. Ahdlashuvchi Davlatlardan birining rezidenti bo‘lgan kompaniya boshqa Ahdlashuvchi Davlatning rezidenti bo‘lgan, yoki ana shu boshqa Davlatda tijorat faoliyatini amalga oshirayotgan (doimiy muassasa orqali yoki boshqa tarzda) kompaniyani nazorat qilsa yoki nazorat qilinsa, bu holat o‘z-o‘zidan bu kompaniyalardan birini boshqasi uchun doimiy muassasaga aylantirib qo‘ymaydi.

1. Bir Ahdlashuvchi Davlat rezidentining boshqa Ahdlashuvchi Davlatda joylashgan ko‘chmas mulkdan oladigan daromadlari (jumladan, qishloq va o‘rmon xo‘jaligidan olinadigan daromadlar) ana shu boshqa Davlatda soliqqa tortilishi mumkin.

2. “Ko‘chmas mulk” atamasi ko‘rib chiqilayotgan mulk joylashgan Ahdlashuvchi Davlat qonunlari bo‘yicha belgilangan ma’noga egadir. Har qanday holda ham ushbu atama yer ustidagi mulkchilikka taalluqli bo‘lgan umumiy qonun-qoidalari bilan huquqi belgilab berilgan ko‘chmas mulkka tegishli bo‘lgan mulkni, qishloq va o‘rmon xo‘jaligida ishlatiladigan chorva mollari va vositalarni hamda ko‘chmas mulk uzufruktini minerallar, manbalar va boshqa tabiiy boyliklarning qatlamlarini qazish uchun tovon sifatida to‘lanadigan o‘zgaruvchan yoki qayd etilgan to‘lovlar huquqini, yoki minerallar, manbalar va boshqa tabiiy resurslar qatlamlarini qazish huquqini o‘z ichiga oladi; suv va havo kemalari ko‘chmas mulk sifatida qaralmaydi.

3. 1-band qoidalari ko‘chmas mulkdan to‘g‘ridan to‘g‘ri foydalanish, ijaraga berish yoki boshqa har qanday shaklda foydalanishdan olinadigan daromadga nisbatan qo‘llaniladi.

4. 1- va 3-band qoidalari korxonaning ko‘chmas mulkidan olgan daromadlariga va mustaqil shaxsiy xizmatlarni amalga oshirish uchun foydalanadigan ko‘chmas mulkdan olgan daromadlariga ham qo‘llaniladi.

1. Ahdlashuvchi Davlatlardan biri korxonasining daromadi yoki foydasi agar korxona o‘zining tadbirkorlik faoliyatini boshqa Ahdlashuvchi Davlatda joylashgan doimiy muassasa orqali amalga oshirmayotgan bo‘lsa, faqat shu Ahdlashuvchi Davlatda soliqqa tortiladi. Agar korxona o‘z faoliyatini yuqorida aytilganidek amalga oshirayotgan bo‘lsa, korxonaning daromadi yoki foydasi boshqa Ahdlashuvchi Davlatda soliqqa tortilishi mumkin, ammo, faqat ana shu doimiy muassasa faoliyatiga tegishli bo‘lgan qismigina soliqqa tortiladi.

2. Ushbu moddaning 3-bandi qoidalariga muvofiq, agar bir Ahdlashuvchi Davlatning korxonasi boshqa Ahdlashuvchi Davlatda joylashgan doimiy muassasa orqali tadbirkorlik faoliyatini amalga oshirayotgan bo‘lsa, har bir Ahdlashuvchi Davlatda bunday doimiy muassasaga hisoblanadigan foyda u alohida va mustaqil korxona sifatida xuddi shunday yoki shunga o‘xshash faoliyatni xuddi shunday yoki shunga o‘xshash shartlar asosida amalga oshirib, doimiy muassasa hisoblangan korxonadan mutlaqo mustaqil ravishda ish ko‘rib olishi mumkin bo‘lgan foyda kabi o‘tkaziladi.

3. Doimiy muassasa foydasini aniqlashda ushbu doimiy muassasa faoliyati uchun sarflangan, jumladan doimiy muassasa joylashgan Davlatda, va uning hududidan tashqaridagi kabi faoliyati uchun sarflangan boshqaruv va umumiy ma’muriy xarajatlarni chegirib tashlashga yo‘l qo‘yiladi.

Doimiy muassasa tomonidan korxonaning bosh ofisiga yoki uning istalgan boshqa ofislaridan biriga royalti, yig‘im yoki boshqa shunga o‘xshash to‘lovlar tarzida patentlardan yoki boshqa huquqlardan foydalanganlik evaziga yoki muayyan xizmatlar uchun yoki boshqaruv uchun komission to‘lovlar tarzida, doimiy muassasaga berilgan qarz uchun foizlar tarzida to‘langan summalarga nisbatan hech qanday chegirmalarga yo‘l qo‘yilmaydi.

4. Ahdlashuvchi Davlatda doimiy muassasaga tegishli bo‘lgan foydani korxona oladigan umumiy foyda miqdorini uning turli bo‘linmalariga mutanosib taqsimlash asosida aniqlash odatdagi amaliyot ekanligiga qaramay, 2-banddagi hech bir narsa, odatda qabul qilinganidek, bu Davlatga shunday taqsimlash asosida soliqqa tortiladigan foydani aniqlashga xalaqit bermaydi; biroq. taqsimlashning tanlangan usuli ushbu moddada mavjud bo‘lgan tamoyillarga muvofiq keluvchi natijalarni berishi lozim.

5. Korxona uchun ushbu doimiy muassasa tomonidan tovar yoki buyumlarning xarid qilinishigagina asoslanib, doimiy muassasaga biron-bir foyda yozilmaydi.

6. Avvalgi bandlar maqsadlari uchun doimiy muassasaga taalluqli bo‘lgan foyda, agar boshqasi uchun salmoqli va yetarli sabab bo‘lmasa, har yili bir xil uslubda aniqlanadi.

7. Agar foyda ushbu Bitimning boshqa moddalarida alohida aytib o‘tilgan daromad turlarini qamrab oladigan bo‘lsa, unda bu moddalarning qoidalariga ushbu modda qoidalari ta’sir etmaydi.

1. 7-modda qoidalariga qaramay, Ahdlashuvchi Davlatning rezidenti xalqaro tashishlarda kema, samolyot yoki yo‘l transportidan foydalanishdan olgan foydaga faqat shu Davlatda soliqqa tortiladi.

2. 1-band qoidalari yuqoridagi bandlarda qayd qilingan daromadlarga Ahdlashuvchi Davlat rezidentining transport vositalaridan foydalanish bo‘yicha pulda, qo‘shma faoliyatda yoki xalqaro tashkillashtirishda ishtirok etishdan olingan foydalarga nisbatan ham qo‘llaniladi.

3. Ushbu moddada

a) “foyda” atamasi quyidagilarni anglatadi;

(I) xalqaro tashishda kema, samolyotlar yoki yo‘l transporti vositalaridan bevosita foydalanish natijasida olingan foyda, sof foyda va yalpi tushum;

(II) bunday foydalanishga nisbatan tasodifiy bo‘lgan xalqaro tashishlarda kema, samolyotlar yoki yo‘l transporti vositalaridan bevosita foydalanishdan tashkil bo‘lgan summalardan foizlar;

b) xalqaro tashish aloqalarida biror-bir shaxs tomonidan “kema, samolyotlar yoki yo‘l transporti vositalaridan foydalanish” atamasi quyidagilarni anglatadi:

(I) kema, samolyotlar yoki yo‘l transporti vositalaridan fraxti yoki ijarasi;

(II) konteyner va qo‘shimcha uskunalarining ijarasi;

(III) kema, samolyotlar yoki yo‘l transporti vositalarini, konteyner va qo‘shimcha uskunalarini boshqa shaxsga berish;

faqat tasodifan vaziyatlarda ushbu xalqaro tashishlarda kemalar, samolyotlar yoki yo‘l transporti vositalaridan foydalanilishiga nisbatan fraxt, ijara yoki boshqa shaxsga berishi bo‘lsa.

4. Xalqaro tashishda kema, samolyot yoki yo‘l transporti vositalaridan foydalanadigan Ahdlashuvchi Davlatlar korxonalari, agar O‘zbekiston korxonalari Birlashgan Arab Amirliklarida qo‘shilgan qiymat solig‘idan ozod etilsa, u holda Birlashgan Arab Amirliklari korxonalari ham O‘zbekistonda qo‘shilgan qiymat solig‘idan ozod etiladi.

1. Agar:

a) Ahdlashuvchi Davlatning korxonasi boshqa Ahdlashuvchi Davlat korxonasini boshqarishda, nazorat qilishda yoki uning kapitalida bevosita yoki bilvosita ishtirok etsa, yoki

b) o‘sha shaxslar bir Ahdlashuvchi Davlat korxonasini va boshqa Ahdlashuvchi Davlat korxonasini boshqarishda, nazorat qilishda yoki kapitalida bevosita yoki bilvosita qatnashsa,

va har qanday holatda ikki korxona o‘rtasida ularning tijorat va moliyaviy munosabatlarida mustaqil korxonalar o‘rtasida yaratiladigandan farqli sharoitlar vujudga keltirilsa yoki belgilansa, bunda ulardan biriga hisoblanishi mumkin bo‘lgan, ammo shunday sharoitlar natijasida unga hisoblanmagan har qanday daromad yoki foyda ana shu korxonaning daromadi yoki foydasiga hisoblanishi va muvofiq ravishda soliqqa tortilishi mumkin.

2. Qachonki, Ahdlashuvchi Davlat shu Davlat korxonasi foydasiga boshqa Ahdlashuvchi Davlat korxonasi bo‘yicha ana shu boshqa Davlatda soliqqa tortilgan foydani kiritsa va muvofiq ravishda soliqqa tortsa va shu tariqa kiritilgan foyda birinchi eslatilgan Davlat korxonasiga, agar ikkala korxona o‘rtasida vujudga keltirilgan munosabatlar ikki mustaqil korxona o‘rtasidagi munosabatlar kabi bo‘lganda hisoblanadigan foyda bo‘lsa, u holda ana shu boshqa Davlat foydadan o‘zida olingan soliq miqdoriga tegishli zarur tuzatishlarni shu boshqa Davlat soliq qonunlariga asosan kiritadi. Bunday tuzatishlarni belgilashda ushbu Bitimning boshqa qoidalariga tegishlicha e’tiborni qaratishi kerak va Davlatlarning vakolatli organlari, zarur bo‘lsa, o‘zaro maslahatlashishlarni boshlashlari lozim.

1. Bir Ahdlashuvchi Davlat rezidenti bo‘lgan kompaniya tomonidan boshqa Davlat rezidentiga to‘lanadigan dividendlar ana shu boshqa Davlatda soliqqa tortilishi mumkin.

2. Ammo bunday dividendlar, shuningdek dividendlarni to‘layotgan kompaniya rezidenti bo‘lgan Ahdlashuvchi Davlatda shu Davlatning qonunlariga binoan ham soliqqa tortilishi mumkin, biroq dividendlarning amaldagi egasi boshqa Ahdlashuvchi Davlatning rezidenti bo‘lsa, ana unda shu tarzda olingan soliqning miqdori quyidagi miqdordan oshmasligi kerak:

a) agar kompaniya (shirkatdan tashqari) dividendlarning amaldagi egasi bo‘lsa, va shu bilan bir vaqtda dividendlarni to‘layotgan kompaniya kapitalining kamida 25 foizga egalik qilsa — dividendlar yalpi miqdorining 5 foizi;

b) boshqa barcha holatlarda - dividendlar yalpi miqdorining 15 foizi;

Bu band kompaniyaning dividendlar to‘lanadigan foydasini soliqqa tortishga taalluqli emas.

3. 1 - va 2 - bandlar qoidalariga qaramasdan, Bir Ahdlashuvchi Davlat rezidenti bo‘lgan kompaniya tomonidan to‘lanadigan dividendlar boshqa Davlatda soliqqa tortiladi agarda dividendlarning haqiqiy egasi boshqa Davlatning o‘zi, uning hududiy - ma’muriy bo‘lagi yoki mahalliy hokimiyat idoralari, yoki:

a) O‘zbekistonga qo‘llanilganda — O‘zbekiston Respublikasi Markaziy banki, Tashqi iqtisodiy faoliyat Milliy banki yoki Ahdlashuvchi Davlatlarning vakolatli organlari tomonidan kelishib olinadigan boshqa shu kabi hukumat tashkiloti;

b) Birlashgan Arab Amirliklariga qo‘llanilganda — Markaziy bank, Abu-Dabi investitsiya organi, Abu-Dabi iqtisodiy taraqqiyot jamg‘armasi yoki Ahdlashuvchi Davlatlarning vakolatli organlari tomonidan kelishib olinadigan boshqa shu kabi hukumat tashkiloti.

4. “Dividendlar” atamasi mazkur moddada qo‘llanilganda, foydada ishtirok etish huquqini beruvchi, qarz majburiyati bo‘lmagan, boshqa huquq yoki aksiyalardan olinadigan daromadni hamda foydani taqsimlovchi kompaniya rezidenti bo‘lgan Davlatning qonunlariga muvofiq aksiyalardan olinadigan daromad kabi soliqlar orqali tartibga solishga taalluqli bo‘lgan boshqa daromadlarni anglatadi.

“Dividendlar” atamasi, ushbu moddada qo‘llanilganda aksiyalardan, aksiyalardan foydalanish yoki huquqlardan foydalanish, tog‘-kon sanoati aksiyalaridan, ta’sischilar aksiyalaridan yoki qarz talablaridan olinadigan daromad kabi foydada ishtirok etishdagi boshqa huquqlardan foydalanishdan olinadigan daromadlarni, shuningdek foydani taqsimlovchi kompaniya rezidenti bo‘lgan Ahdlashuvchi Davlatning qonunlariga muvofiq aksiyalardan olinadigan daromad kabi xuddi shunday soliq boshqaruviga taalluqli bo‘lgan boshqa huquqlardan olinadigan daromadlarni anglatadi.

5. Agar dividendlarning haqiqiy egasi bir Ahdlashuvchi Davlatning rezidenti bo‘lgani holda dividendlarni to‘layotgan kompaniya rezidenti bo‘lgan boshqa Ahdlashuvchi Davlatda o‘z faoliyatini u erda joylashgan doimiy muassasasi orqali amalga oshirsa yoki ushbu boshqa Davlatda u erda joylashgan doimiy bazadan mustaqil xususiy xizmatlar ko‘rsatsa va xoldingga nisbatan to‘lanadigan dividendlar aslida shu doimiy muassasa yoki doimiy baza bilan bog‘liq bo‘lsa, ushbu moddaning 1-, 2- va 3-bandlari qoidalari qo‘llanilmaydi. Bunday xolda, sharoitga ko‘ra 7- yoki 14-moddalar qoidalari qo‘llaniladi.

6. Agar bir Davlat rezidenti bo‘lgan kompaniya boshqa Ahdlashuvchi Davlatdan foyda yoki daromad olayotgan bo‘lsa, ana shu boshqa Davlat kompaniya to‘layotgan dividendlarni soliqqa tortmasligi mumkin, bunda dividendlar ana shu boshqa Ahdlashuvchi Davlat rezidentiga to‘lanadigan yoki dividendlar to‘lanadigan xolding shu boshqa Davlatda joylashgan doimiy muassasa yoki doimiy baza bilan haqiqatda bog‘liq bo‘lgan hollar bundan mustasno, shuningdek kompaniyaning taqsimlanmagan foydasi hatto to‘lanayotgan dividendlar yoki taqsimlanmagan foyda ana shu boshqa Davlatda to‘la yoki qisman hosil bo‘lgan foyda yoki daromaddan tashkil topgan bo‘lsa ham kompaniyaning taqsimlanmagan foydasidan soliqlar olinmaydi.

1. Ahdlashuvchi Davlatlarning birida hosil bo‘lgan va boshqa Ahdlashuvchi Davlat rezidentiga to‘lanadigan foizlar ana shu boshqa Davlatda soliqqa tortilishi mumkin.

2. Biroq, bunday foizlar, shuningdek dividendlarni to‘layotgan kompaniya rezidenti bo‘lgan o‘sha Ahdlashuvchi Davlatda ana shu Davlatning qonunlariga asosan ham soliqqa tortilishi mumkin, agar oluvchi boshqa Ahdlashuvchi Davlat rezidenti bo‘lsa (foizlarning haqiqiy egasi), unda shu tarzda undiriladigan soliq foizlar yalpi miqdorining 10 foizidan oshmasligi kerak.

3. 1- va 2 - bandlar qoidalariga qaramasdan, Bir Davlat rezidenti bo‘lgan kompaniya tomonidan to‘lanadigan foizlar boshqa Davlatda soliqqa tortiladi agarda foizlarning haqiqiy egasi boshqa Ahdlashuvchi Davlatning o‘zi, uning hududiy - ma’muriy bo‘lagi yoki mahalliy hokimiyat idoralari, yoki:

a) O‘zbekistonga qo‘llanilganda — O‘zbekiston Respublikasi Markaziy banki, Tashqi iqtisodiy faoliyat Milliy banki yoki Davlatlarning vakolatli organlari tomonidan kelishib olinadigan boshqa shu kabi hukumat tashkiloti;

b) Birlashgan Arab Amirliklariga qo‘llanilganda — Markaziy bank, Abu-Dabi investitsiya organi, Abu-Dabi iqtisodiy taraqqiyot jamg‘armasi yoki Ahdlashuvchi Davlatlarning vakolatli organlari tomonidan kelishib olinadigan boshqa shu kabi hukumat tashkiloti.

4. “Foizlar” atamasi ushbu moddada qo‘llanilganda foydada ishtirok etish huquqlari mavjudligi va ipoteka ta’minotidan qat’i nazar, har qanday turdagi qarz talablaridan olinadigan daromadlarni xususan, hukumat qimmatbaho qog‘ozlaridan olinadigan daromadlar, obligatsiyalar va qarz majburiyatlaridan shu jumladan, mukofotlar va ushbu qimmatbaho qog‘ozlar, obligatsiyalar va qarz majburiyatlari bo‘yicha olinadigan yutuqlar tushiniladi. O‘z vaqtida to‘lanmagan to‘lovlar uchun jarimalar ushbu modda maqsadlarida foizlar sifatida qaralmaydi.

5. Agar foizlarning haqiqiy egasi Ahdlashuvchi Davlatlardan birining rezidenti bo‘la turib, foizlar hosil bo‘layotgan boshqa Ahdlashuvchi Davlatda tijorat faoliyatini u erda joylashgan doimiy muassasa orqali olib borayotgan bo‘lsa, yoki ushbu boshqa Davlatda joylashgan doimiy baza orqali mustaqil shaxsiy xizmatlar ko‘rsatayotgan bo‘lsa va foizlar to‘lanayotgan qarz talabnomalari shunday doimiy muassasa yoki doimiy baza bilan ham bog‘lik bo‘lsa, 1-, 2- va 3-band qoidalari qo‘llanilmaydi. Bunday holda, vaziyatga qarab, ushbu Bitimning 7-modda yoki 14-moddasi qoidalari qo‘llaniladi.

6. Foizlarni to‘lovchi Davlat Hukumati, ma’muriy-hududiy bo‘linmalari yoki mahalliy hokimiyat organlari yoki shu Davlatning rezidenti bo‘lsa, foizlar o‘sha Ahdlashuvchi Davlatda hosil bo‘lgan, deb hisoblanadi. Biroq foizlarni to‘lovchi shaxs Ahdlashuvchi Davlatning rezidenti bo‘lish yoki bo‘lmasligidan qat’iy nazar, Ahdlashuvchi Davlatda doimiy muassasaga yoki doimiy bazaga ega bo‘lsa, shu tufayli qarz majburiyatidan foizlar to‘lash majburiyati vujudga kelgan bo‘lsa, va bu doimiy muassasa yoki baza to‘lash bo‘yicha xarajatlarni amalga oshirsa, bunda foizlar doimiy muassasa yoki doimiy baza joylashgan Davlatda vujudga kelgan, deb hisoblanadi.

7. Agar to‘lovchi bilan foizlarning haqiqiy egasi o‘rtasidagi yoki ular ikkalasi va har qanday boshqa shaxs o‘rtasidagi alohida munosabatlar oqibatida foizlar miqdori to‘lovchi bilan amalda foizlar olish huquqiga ega bo‘lgan shaxs o‘rtasida kelishilishi mumkin bo‘lgan miqdordan ortiq bo‘lsa, bunday munosabatlar yo‘q bo‘lgan taqdirda ushbu modda qoidalari faqat oxirgi eslatilgan miqdorga nisbatan qo‘llaniladi. Bu holda, to‘lovning o‘rtacha qismidan ushbu Bitimning boshqa qoidalarini inobatga olgan holda, har bir Ahdlashuvchi Davlat qonunlariga muvofiq soliqqa tortiladi.

8. Ushbu Bitimning 7-moddasi qoidalariga qaramasdan, Ahdlashuvchi Davlatlarning birida hosil bo‘ladigan va boshqa Ahdlashuvchi Davlatning rezidenti ixtiyorida bo‘lgan foizlar, agar u kafolatlangan yoki sug‘urtalangan qarz bo‘yicha to‘langan yoki boshqa Ahdlashuvchi Davlat nomidan uning vakolatli idorasi tomonidan kafolatlangan yoki sug‘urtalangan qarz majburiyati yoki kredit bo‘yicha yuzaga kelgan bo‘lsa, birinchi eslatilgan Davlatda soliqdan ozod etiladi.

1. Davlatlarning birida hosil bo‘ladigan va boshqa Ahdlashuvchi Davlatning rezidentiga to‘lanadigan royaltilar ana shu boshqa Davlatda soliqqa tortilishi mumkin.

2. Biroq, royaltilar qayerda yuzaga kelgan bo‘lsa o‘sha Ahdlashuvchi Davlatda uning qonunlariga muvofiq soliqqa tortilishi mumkin, agarda royaltini oluvchi uning haqiqiy egasi bo‘lsa, soliq royaltining yalpi miqdorining 10 foizidan oshmasligi lozim.

3. “Royalti” atamasi ushbu moddada qo‘llanilganda har qanday adabiyot, san’at yoki fan asarlarini, (shu jumladan kinofilmlar va filmlar, yoki radio va televideniye uchun yozuvlar va videokasetalar), har qanday patent, tovar belgisi, chizma yoki model, sxemalar, maxfiy formula yoki jarayon, yoki sanoat, tijorat yoki ilmiy tajribaga mansub axborot uchun mualliflik huquqidan foydalanganlik uchun yoki shu huquqni berganlik uchun mukofot tarzida olingan har qanday ko‘rinishdagi to‘lov turlarini bildiradi.

4. Agar royaltilarning haqiqiy egasi Ahdlashuvchi Davlatlardan birining rezidenti bo‘la turib, royalti hosil bo‘layotgan boshqa Ahdlashuvchi Davlatda u erda joylashgan doimiy muassasa urg‘uli tijorat faoliyatini amalga oshirayotgan bo‘lsa, yoki ushbu boshqa Davlatda u erda joylashgan doimiy baza orqali mustaqil shaxsiy xizmatlarni amalga oshirayotgan bo‘lsa va royalti to‘lanayotgan huquq yoki mulk shunday doimiy muassasa yoki doimiy baza bilan haqiqatda bog‘liq bo‘lsa, mazkur moddaning 1-va 2-bandlarining qoidalari qo‘llanilmaydi. Bu holda, 7-modda yoki 14-moddaning qoidalari vaziyatga qarab qo‘llaniladi.

5. Agar to‘lovchi shu Davlatning o‘zi, uning ma’muriy-hududiy bo‘linmalari yoki mahalliy hokimiyat organlari yoki shu Davlatning rezidenti bo‘lsa, royalti shu Davlatda hosil bo‘lgan, deb hisoblanadi. Biroq, royaltini to‘lovchi shaxs Ahdlashuvchi Davlatning rezidenti bo‘lish yoki bo‘lmasligidan qat’i nazar, Davlatda royaltini to‘lash majburiyati kelib chiqishi bilan bog‘liq bo‘lgan doimiy muassasaga yoki doimiy bazaga ega bo‘lsa, va bu doimiy muassasa yoki baza to‘lash bo‘yicha xarajatlarni amalga oshirsa, unda bunday royaltilar doimiy muassasa yoki doimiy baza joylashgan Davlatda hosil bo‘lgan, deb hisoblanadi.

6. Agar to‘lovchi bilan royalti huquqiga ega shaxs o‘rtasidagi, yoki ularning ikkalasi va boshqa biron-bir shaxs o‘rtasidagi alohida munosabatlar oqibatida royalidan foydalanishga, huquqqa yoki axborot uchun to‘lanadigan royaltining miqdori to‘lovchi va shu daromadlar huquqiga ega shaxs o‘rtasida kelishilishi mumkin bo‘lgan miqdordan oshiq bo‘lsa, bunday munosabatlar yo‘q bo‘lgan taqdirda, ushbu modda qoidalari faqat oxirgi eslatilgan miqdorga nisbatan qo‘llaniladi. Bu holda, to‘lovning o‘rtacha qismi ushbu Bitimning boshqa qoidalarini inobatga olgan holda, har bir Davlat qonunlariga muvofiq soliqqa tortiladi.

1. 6-moddada ko‘rsatilgan bir Ahdlashuvchi Davlat rezidentining va boshqa Ahdlashuvchi Davlatda joylashgan ko‘chmas mulkni boshqa shaxsga berishdan olinadigan daromadlar o‘sha boshqa Davlatda soliqqa tortilishi mumkin.

2. Bir Davlat korxonasining boshqa Davlatdagi doimiy muassasasi tijorat mulkining bir qismini tashkil etuvchi ko‘char mulkni boshqa shaxsga berishdan olgan yoki bir Davlat rezidentining boshqa Davlatda mustaqil shaxsiy xizmatlarni amalga oshirishida foydalanishi mumkin bo‘lgan doimiy bazasiga taalluqli ko‘char mulkni boshqa shaxsga berishdan olgan daromadlariga, jumladan ana shunday doimiy muassasani (alohida yoki korxona bilan birgalikda) yoki shunday doimiy bazani boshqa shaxsga berishdan olgan daromadlari ana shu boshqa Davlatda soliqqa tortilishi mumkin.

3. Ahdlashuvchi Davlat korxonasining xalqaro tashishlarda foydalaniladigan kema, samolyot yoki yo‘l transporti vositalarini boshqa shaxsga berish yoki shunday kema, samolyot, yo‘l transport vositalaridan foydalanishga taalluqli bo‘lgan ko‘char mulkni boshqa shaxsga berishdan oladigan daromadlari faqat shu Ahdlashuvchi Davlatda soliqqa tortiladi.

4. Ahdlashuvchi Davlat hududida joylashgan, mulki asosan bevosita yoki bilvosita ko‘chmas mulkdan iborat bo‘lgan, kompaniyaning aksiyalari yoki aksioner kapitalini boshqa shaxsga berishdan olingan daromadlari, mana shu Davlatda soliqqa tortilishi mumkin.

5. Ushbu moddaning 1-, 2-, 3- va 4-bandlarida qayd etilmagan istalgan boshqa mulkni tasarruf etishdan olinadigan daromadlar, mulkni tasarruf etayotgan shaxs rezidenti hisoblangan faqat shu Ahdlashuvchi Davlatda soliqqa tortiladi.

1. Bir Davlat rezidentining kasbiy xizmatlarni ko‘rsatish yoki mustaqil tusdagi boshqa faoliyatdan oladigan daromadlari faqat ana shu Davlatda soliqqa tortiladi, Istisno tariqasida, quyidagi hollardagi bunday daromadlar boshqa Ahdlashuvchi Davlatda ham soliqqa tortilishi mumkin:

a) agar u o‘z faoliyatini amalga oshirish uchun boshqa Ahdlashuvchi Davlatda o‘zi uchun muntazam kulay bo‘lgan doimiy bazaga ega bo‘lsa; bunday xollarda daromadning faqat shunday doimiy bazaga taalluqli bo‘lgan qismigina ushbu boshqa Davlatda soliqqa tortilishi mumkin; yoki

b) agar uning boshqa Davlatda bo‘lib turishi davri har qanday o‘n ikki oylik davr doirasida jami 183 kunni tashkil etuvchi yoki oshuvchi davr yoki davrlar mobaynida davom etsa.

2. “Kasbiy xizmatlar” atamasi, xususan mustaqil ilmiy, adabiy, badiiy, san’at, ma’rifiy va o‘qituvchilik faoliyatlarini, shuningdek shifokorlar, yuristlar, muhandislar, me’morlar, stomatologlar va hisobchilarning mustaqil faoliyatini qamrab oladi.

1. Mazkur bitimning 16-, 17-, 18-, 19- va 20-moddalarning qoidalarini hisobga olgan holda, bir Ahdlashuvchi Davlat rezidentining yollanma ishga nisbatan oladigan maoshi, ish haqi va shunga o‘xshash boshqa taqdirlash haqlari, agar yollanma ish boshqa Ahdlashuvchi Davlatda amalga oshirilmayotgan bo‘lsa, faqat ana shu Davlatda soliqqa tortiladi. Agar yollanma ish shu tarzda bajariladigan bo‘lsa, unda shu munosabat bilan olingan taqdirlash haqlari ana shu boshqa Davlatda soliqqa tortilishi mumkin.

2. Mazkur moddaning 1-band qoidalariga qaramay, Davlatlardan biri rezidentining boshqa Ahdlashuvchi Davlatda amalga oshiradigan yollanma xizmat uchun oladigan taqdirlash haqlari birinchi eslatilgan Davlatda soliqqa tortiladi, agar:

a) oluvchi boshqa Davlatda tegishli moliyaviy yil doirasida, jami 183 kundan oshmaydigan davr yoki davrlar mobaynida bo‘lib tursa, va

b) boshqa Davlat rezidenti bo‘lmagan ish beruvchi tomonidan yoki uning nomidan taqdirlash haqlari to‘lanadigan bo‘lsa, va

s) ish beruvchining taqdirlash haqlari boshqa Davlatda mavjud doimiy muassasa yoki doimiy bazaga taalluqli bo‘lmagan bo‘lsa.

3. Ushbu moddaning avvalgi qoidalariga qaramay, Ahdlashuvchi Davlat korxonasi tomonidan xalqaro tashishlarda foydalanadigan kema, samolyot bortida va yo‘l transport vositalarida amalga oshiriladigan yollanma ish uchun oladigan taqdirlash haqlari, shu jumladan ikki tarafning havo korxonalarining erdagi ishchilariga taqdirlash haqlari ish beruvchining rezidenti bo‘lgan Davlatda soliqqa tortilishi mumkin.

Ahdlashuvchi Davlat rezidenti bo‘lgan shaxs boshqa Ahdlashuvchi Davlatga bevosita kelishdan oldin shu boshqa Davlatdagi universitet, kollej, maktab yoki boshqa shu kabi o‘quv muassasasi yoki ilmiy-tadqiqot instituti taklifi bilan faqatgina o‘qitish yoki tadqiqot faoliyati maqsadida o‘quv muassisiga yoki ilmiy-tadqiqot institutiga uch yildan ortiq bo‘lmagan davr mobaynida tashrif buyursa, va faqat ana shunday o‘qitish yoki ilmiy tadqiqotlar uchun olinadigan taqdirlash haqlari, agar ular ushbu Davlatdan tashqaridagi to‘lov manbalaridan olingan bo‘lsa, ana shu boshqa Davlatda soliqlardan ozod etiladi.

1. Bir Ahdlashuvchi Davlatga kelgunga qadar bevosita boshqa Ahdlashuvchi Davlatning rezidenti hisoblanib turgan yoki bo‘lgan va birinchi eslatilgan Davlatda faqatgina o‘qish yoki ma’lumot olish maqsadidagina yashab turgan talaba yoki amaliyotchining yashashi, o‘qishi va ma’lumot olishi uchun mo‘ljallangan to‘lovlar, basharti bunday to‘lovlar shu Davlat hududidan tashqaridagi manbalardan paydo bo‘lgan taqdirda, ana shu birinchi eslatib o‘tilgan Davlatda soliqqa tortilmaydi.

2. Bir Ahdlashuvchi Davlatga kelgunga qadar boshqa Ahdlashuvchi Davlatning rezidenti hisoblanib turgan yoki bo‘lgan va birinchi eslatilgan Davlatda ilmiy, o‘quv, diniy yoki xayriya tashkilotlaridan stipendiya, yashash va o‘qish uchun to‘lovlar yoki mukofotlar oluvchi sifatida, shuningdek, Davlat Hukumati tomonidan belgilangan texnik yordam Dasturi asosida faqatgina o‘qish, tadqiqot yoki ta’lim olish maqsadidagina yashab turgan shaxs, birinchi eslatib o‘tilgan Davlatga ushbu tashrif bo‘yicha kelgan sanasidan e’tiboran, grant muddatlari doirasidan oshmagan holda, soliqlardan ozod etiladi.

Bir Davlat rezidentining boshqa Davlat rezidenti bo‘lgan kompaniya direktorlar Kengashining yoki uning shunga o‘xshash boshqa organlari a’zosi sifatida oladigan direktorlarning gonorarlari va shunga o‘xshash boshqa to‘lovlari ana shu boshqa Davlatda soliqqa tortilishi mumkin.

20-moddaning 2-bandini hisobga olgan holda, avval yollanganligi bo‘yicha kompensatsiya sifatida Ahdlashuvchi Davlatning rezidentiga to‘lanadigan nafaqa va shunga o‘xshash boshqa taqdirlash haqlari faqat shu Davlatda soliqqa tortiladi.

1. a) Bir Ahdlashuvchi Davlat yoki uning ma’muriy-hududiy bo‘linmalari yoxud mahalliy hokimiyat organlari tomonidan ana shu Davlatga yoki uning ma’muriy-hududiy bo‘linmalari yoxud mahalliy hokimiyat organlariga ko‘rsatgan xizmatlari uchun har qanday jismoniy shaxsga to‘lanadigan nafaqadan tashqari taqdirlash haqlari, faqat ana shu Davlatda soliqqa tortiladi.

d) Ushbu bandning a) kichik bandidagi qoidaga qaramay, agar xizmat ana shu Davlatda amalga oshirilsa va jismoniy shaxs ana shu Davlatning rezidenti bo‘lgani holda to‘lanadigan taqdirlash haqlari, faqat ana shu boshqa Davlatda soliqqa tortiladi, qaysiki:

I) ana shu Davlatning milliy shaxsi bo‘lsa, yoki

II) faqat xizmat ko‘rsatish uchungina shu Davlatning rezidenti bo‘lib qolmagan bo‘lsa.

2. a) Ahdlashuvchi Davlat yoki ma’muriy-hududiy bo‘linmasi yoxud mahalliy hokimiyat idoralari tomonidan yoki ular tuzgan jamg‘armalar tomonidan shu Davlatga yoki ma’muriy-hududiy bo‘linmasi yoxud uning mahalliy hokimiyat idorasiga ko‘rsatilgan xizmatlarga nisbatan to‘lanadigan har qanday jismoniy shaxsga to‘lanadigan nafaqa faqat ana shu Davlatda soliqqa tortiladi;

b) Biroq, agar jismoniy shaxs shu Ahdlashuvchi Davlatning rezidenti va milliy shaxsi bo‘lsa, bunday nafaqa boshqa Davlatda soliqqa tortilishi mumkin.

3. Mazkur Bitimning 15, 18 va 19-moddalarning qoidalari Ahdlashuvchi Davlat yoki ma’muriy-hududiy bo‘linmasi yoxud uning mahalliy hokimiyat idoralari tomonidan amalga oshiriladigan tadbirkorlik faoliyati munosabati bilan ko‘rsatiladigan xizmatlarga nisbatan to‘lanadigan mukofot va nafaqalarga nisbatan qo‘llaniladi.

1. 14- va 15-moddalarining qoidalariga qaramay, bir Ahdlashuvchi Davlat rezidentining teatr, kino, radio yoki televideniye artisti yoki musiqachi kabi san’at xodimi sifatida yoki sportchi sifatida boshqa Ahdlashuvchi Davlatda amalga oshirayotgan shaxsiy faoliyatidan oladigan daromadlari ana shu boshqa Davlatda soliqqa tortilishi mumkin.

2. Agarda san’at xodimi yoki sportchi amalga oshirgan shaxsiy faoliyatidan olinadigan daromad san’at xodimi yoki sportchining o‘ziga emas, balki boshqa shaxsga yozilgan holatda, bu daromad 7-, 14- va 15-moddalarning qoidalariga qaramay, san’at xodimi yoki sportchi faoliyat ko‘rsatayotgan o‘sha Ahdlashuvchi Davlatda soliqqa tortiladi.

3. Ushbu moddaning 1 va 2-bandlarining qoidalariga qaramay, san’at xodimi yoki sportchi tomonidan amalga oshirilayotgan faoliyati Ahdlashuvchi Davlatda amalga oshirilib, mazkur faoliyat shu Ahdlashuvchi Davlatning Hukumati yoki Ahdlashuvchi Davlatlarning ijtimoiy jamg‘armalari tomonidan, yoxud madaniy sohadagi bitimlar yoki shartnomalar doirasida amalga oshirsa, hamda daromadlar olishga qaratilmagan bo‘lsa, shunday daromadlar Ahdlashuvchi Davlatlarda o‘zaro soliqdan ozod bo‘ladi.

1. Bir Ahdlashuvchi Davlat rezidentining ushbu Bitimning oldingi moddalarida aytib o‘tilmagan daromad turlari, ularning qayerda paydo bo‘lishidan qat’i nazar, faqat ana shu Davlatda soliqqa tortiladi.

2. Agarda daromadni oluvchi Davlatlardan birining rezidenti bo‘la turib, boshqa Ahdlashuvchi Davlatda joylashgan doimiy muassasa orqali faoliyatini amalga oshirayotgan bo‘lsa, yoki u erda joylashgan doimiy bazadan mustaqil shaxsiy xizmatlarni amalga oshirayotgan bo‘lsa va daromad to‘lanadigan huquq yoki mulk haqiqatan ham bunday doimiy muassasa yoki baza bilan bog‘langan bo‘lsa, bunday daromadlarni oluvchi Davlat rezidentiga nisbatan ushbu moddaning 1-band qoidalari qo‘llanilmaydi. Bu holatda, vaziyatga qarab, 7-modda va 14-modda qoidalari qo‘llaniladi.

1. Bir Davlatning rezidentiga tegishli bo‘lgan va boshqa Davlatda joylashgan, 6-moddada ko‘rsatilgan ko‘chmas mol-mulkdan iborat bo‘lgan kapital, ana shu boshqa Davlatda soliqqa tortilishi mumkin.

2. Bir Davlat korxonasining boshqa Davlatda ega bo‘lgan doimiy muassasasi tijorat mulkining bir qismini tashkil etuvchi ko‘char mulkdan iborat bo‘lgan kapital yohud mustaqil shaxsiy xizmatlarni bajarish maqsadida Ahdlashuvchi Davlatlardan biri rezidentining boshqa Ahdlashuvchi Davlatda foydalanadigan doimiy bazasiga taalluqli ko‘char mol-mulk ana shu boshqa Ahdlashuvchi Davlatda soliqqa tortilishi mumkin.

3. Davlat korxonasi tomonidan xalqaro tashishlarda foydalanadigan va ko‘char mulk sifatida foydalaniladigan kemalar, samolyotlar yoki yo‘l transport vositasi tarzidagi kapital ushbu kemalar, samolyotlar yoki yo‘l transport vositasidan foydalanishga taalluqli bo‘lgan ko‘char mulk faqat shu Davlatda soliqqa tortiladi.

4. Davlat rezidenti kapitalining boshqa barcha elementlari faqat shu Davlatda soliqqa tortiladi.

1. Agar bir Davlat rezidenti ushbu Bitim qoidalariga muvofiq boshqa Davlatda soliqqa tortilishi mumkin bo‘lgan daromad olsa yoki mulkka egalik qilsa, unda birinchi eslatilgan Davlat shu daromad va mol-mulk solig‘idan, boshqa Davlatda to‘langan daromad va mol-mulk solig‘iga teng bo‘lgan miqdorini chegirishga ruxsat berishi lozim.

2. Vaziyatdan kelib chiqib, bunday chegirmalar har qanday holatda ham boshqa Davlatda olingan shu kabi daromad yoki mulklarga bo‘lgan va bu chegirmalar amalga oshirilgunga qadar hisoblab chiqilgan daromad yoki mol-mulk solig‘idan oshib ketmasligi lozim,

3. Ushbu Bitimning biron-bir qoidasiga muvofiq Ahdlashuvchi Davlat rezidenti ega bo‘lgan daromad yoki mulk shu Davlatda soliqqa tortishdan chegirma qilingan bo‘lsa, bu Davlat ana shu rezidentning daromadi yoki mulkining qolgan qismiga soliq miqdorini hisoblashda daromad yoki mol-mulkka solingan soliqdan chegirib tashlangan miqdorni hisobga olishi mumkin.

4. Mazkur moddaning 1-bandi maqsadi uchun ushbu Bitimning qoidalariga muvofiq boshqa Davlatda soliqqa tortilishi mumkin bo‘lgan Ahdlashuvchi Davlatlar birining rezidenti tomonidan olingan daromad va mulk ana shu boshqa Davlatda joylashgan manbalardan olingan deb hisoblanadi,

5. Qachonki, soliq miqdori Davlatning ichki qonunlariga muvofiq beriladigan muayyan maxsus imtiyozli choralarga ko‘ra soliqqa tortishdan ozod qilingan yoki kamaytirilgan bo‘lsa, unda u Davlatda to‘langan deb hisoblanadi va shu bilan birga u boshqa Ahdlashuvchi Davlatning solig‘idan chegirib tashlanishi lozim bo‘ladi.

1. Bir Ahdlashuvchi Davlatning milliy shaxslari boshqa Ahdlashuvchi Davlatda, ushbu boshqa Davlat milliy shaxslariga ayni bir xil sharoitlarda, jumladan rezidentlikka nisbatan solinishi mumkin bo‘lganidan ortiq har qanday soliq yoki unga aloqador majburiyatlarga, soliqqa tortishdan ko‘ra o‘zga yoki mushkulroq yoki unga aloqador holatlarga duchor qilinmaydilar. Bu qoida 1-modda qoidalaridan qat’i nazar, bir yoki ikkala Ahdlashuvchi Davlatning rezidenti bo‘lmagan shaxslarga nisbatan ham qo‘llaniladi.

2. Ahdlashuvchi Davlatlardan birining korxonasi boshqa Ahdlashuvchi Davlatda ega bo‘lgan doimiy muassasaga soliq solish ana shu boshqa Ahdlashuvchi Davlatda ushbu boshqa Davlatning aynan shunday faoliyatni amalga oshiruvchi korxonalariga soliq solishdan ko‘ra mushkulroq bo‘lmaydi. Ushbu Qoida Ahdlashuvchi Davlatlardan biri boshqa Ahdlashuvchi Davlat rezidentini soliq solishda o‘z rezidentlariga ularning fuqarolik maqomi yoki oilaviy majburiyatlari asosida beradigan har qanday xususiy imtiyozlar, ozod qilishlar yoki chegirmalar berishga majburlovchi qoida tarzida talqin qilinmasligi lozim.

3. Davlatlarning rezidenti bo‘lib, fuqaroligi bo‘lmagan shaxslar Ahdlashuvchi Davlatlarning hech birida qandaydir soliqqa tortish yoki u bilan bog‘liq bo‘lgan har qanday majburiyatlarga, ana shu Davlatlarning milliy shaxslari, xuddi shunday holatlarda duchor bo‘ladigan yoki duchor bo‘lishi mumkin bo‘ladigandan boshqa yoki soliqqa tortishdan ko‘ra mushkulroq yoxud unga aloqador bo‘lgan majburiyatlarga duchor qilinmasliklari lozim.

4. Istisno tariqasida 9-modda, 11-moddaning 7-bandi yoki 12-moddaning 6-bandi qoidalari qo‘llanilganida, bir Ahdlashuvchi Davlat korxonasining boshqa Ahdlashuvchi Davlat rezidentiga to‘laydigan foizlar, royaltilar va boshqa qarz to‘lovlari bunday korxonaning soliqqa tortiladigan daromadini aniqlash maqsadida, shu to‘lovlar birinchi eslatilgan Davlat rezidentiga to‘langan bo‘lsa, xuddi shu shartlar asosida chegirib tashlanadi. Bir Ahdlashuvchi Davlat korxonasining boshqa Davlat rezidentiga nisbatan bo‘lgan har qanday qarzlar shu korxonaning soliqqa tortiladigan mulkini aniqlash maqsadida birinchi eslatilgan Davlat rezidentiga nisbatan bo‘lgan qarzi singari shartlar asosida chegirib tashlanishi kerak.

5. Bir Ahdlashuvchi Davlat korxonasi boshqa Ahdlashuvchi Davlatning bir yoki bir necha rezidentlariga to‘liq yoki qisman tegishli bo‘lsa, yoxud bevosita yoki bilvosita nazorat qilinayotgan bo‘lsa, birinchi eslatilgan Davlatning shunday korxonalariga solinadigan yoki solinishi mumkin bo‘lgan har qanday soliq solish yoki unga aloqador majburiyatlarga yoki soliqqa tortishdan ko‘ra mushkulroq va u bilan bog‘liq bo‘lgan majburiyatlarga birinchi eslatilgan Davlatda duchor qilinmaydi.

6. Ushbu modda qoidalari, 2-modda qoidalariga qaramay, har qanday turdagi va ta’riflangan soliqlarga nisbatan qo‘llaniladi.

1. Agar shaxs Ahdlashuvchi Davlatlardan biri yoki har ikkalasining harakati unga ushbu Bitim qoidalariga zid kelmaydigan soliqqa tortishga olib keladi yoki olib kelishi mumkin, deb hisoblasa, u ushbu Davlatlarning ichki qonunlarida nazarda tutilgan himoya vositalaridan qat’i nazar, o‘z arizasini o‘zi rezident bo‘lgan Ahdlashuvchi Davlatning vakolatli organiga, yoki agarda uning holati ushbu Bitimning 25-moddasi 1-bandiga muvofiq kelsa, o‘zi milliy shaxsi bo‘lgan Ahdlashuvchi Davlatga taqdim etishi mumkin. Bu ariza ushbu Bitim qoidalariga nomuvofiq keladigan soliqqa tortishga olib keluvchi harakatlar to‘g‘risida birinchi bor bildirilgan vaqtdan boshlab uch yil mobaynida berilishi kerak.

2, Vakolatli organ uning arizasini asosli deb topsa, ammo o‘zi qoniqtirgan qarorga kela olmasa, masalani ushbu Bitimga muvofiq kelmaydigan soliqqa tortilishini oldini olish maqsadida boshqa Ahdlashuvchi Davlatning vakolatli organi bilan o‘zaro kelishib hal etishga harakat qiladi. Erishilgan har qanday kelishuv Davlatlar ichki qonunlaridagi har qanday vaqtincha cheklashlarga qaramay amalga oshirilishi lozim.

3. Davlatlarning vakolatli organlari ushbu Bitimni talqin qilish yoki qo‘llashda yuzaga keladigan har qanday qiyinchilik yoki ikkilanishlarni o‘zaro kelishuv asosida hal etishga harakat qiladilar. Ular ikki yoqlama soliqqa tortishga yo‘l qo‘ymaslik maqsadida Bitimda nazarda tutilmagan holatlar yuzasidan ham bir-birlari bilan maslahatlashishlari mumkin.

4. Ahdlashuvchi Davlatlarning vakolatli organlari oldingi bandlar ma’nolarini tushunishda hamfikrlikka erishish maqsadida bir-birlari bilan ularning o‘zlaridan yoki ularning vakillaridan tashkil etilgan birlashgan komissiya doirasida bevosita aloqada bo‘lib turishlari mumkin.

1. Ahdlashuvchi Davlatlarning vakolatli organlari, mazkur Bitim qoidalarini amalga oshirish zarurati yuzasidan yoki Davlatlar ichki qonunlarini qo‘llanishida undiriladigan barcha soliq turlariga bo‘lgan hamda mazkur Bitimga zid bo‘lmagan darajada axborotlar bilan almashib turadilar. Bunday axborot almashish 1-modda bilan cheklanmaydi. Ahdlashuvchi Davlat olgan har qanday axborot, mazkur Davlatning ichki qonunlariga muvofiq olingan ma’lumot kabi maxfiy hisoblanadi hamda faqat aniqlash, undirish, majburiy undirish yoki sud orqali ta’qib etish bilan yoki mazkur Bitimga tegishli bo‘lgan soliqlarga nisbatan apellatsiyalarni ko‘rib chiqish bilan bog‘liq shaxslar yoki organlarga (shu jumladan, sudlar va ma’muriy organlarga) ochiladi. Bu shaxslar yoki organlar axborotdan faqat shunday maqsadlarda foydalanadilar. Ular ushbu axborotni ochiq sud majlisida yoki yuridik qarorlarini qabul qilish chog‘ida ochishlari mumkin.

2. Hech qanday holatda ham mazkur moddaning 1-bandi qoidalari Ahdlashuvchi Davlatlar vakolatli organlari zimmasiga quyidagi majburiyatlarni yuklovchi qoidalar sifatida talqin qilinmaydi:

a) u yoki bu Ahdlashuvchi Davlatlar qonunchiligi yoki ma’muriy amaliyotiga zid ma’muriy choralar o‘tkazish;

b) u yoki bu Davlatlar qonunchiligiga ko‘ra yoki odatdagi ma’muriy amaliyotiga muvofiq olinishi mumkin bo‘lmagan axborotni taqdim etish;

s) savdo, tadbirkorlik, sanoat, tijorat yoki kasb siri, yoki savdo jarayonini, yoki axborotni ochilishi davlat siyosatiga (jamoat tartibiga) zid kelishi mumkin bo‘lgan axborotni taqdim etish.

Mazkur Bitimning hech bir qoidasi diplomatik vakolatxonalar xodimlari yoki konsullik tashkilotlari xizmatchilarning xalqaro huquqning umumiy normalari yoki maxsus bitimlarning qoidalariga muvofiq taqdim etilgan soliq imtiyozlariga daxl qilmaydi.

Ahdlashuvchi Davlatlardan har biri ushbu Bitimning kuchga kirishi uchun ichki qonunlariga muvofiq talab qilinadigan protseduralarning tugaganligi to‘g‘risida bir-birlarini diplomatik kanallar orqali xabardor qiladilar. Ushbu Bitim shunday xabarnoma olingandan kundan keyin quyidagilarga nisbatan amal qila boshlaydi;

a) ushbu Bitim kuchga kiradigan yildan keyin keladigan o‘sha taqvimiy yilning birinchi yanvaridan boshlab yoki shu sanadan keyin olinadigan daromad bo‘yicha manbadan undiriladigan soliqlarga nisbatan;

b) Bitim kuchga kiradigan yildan keyingi yilning birinchi yanvardan boshlab yoki shu sanadan keyingi har bir soliq yili uchun undiriladigan soliqlar bo‘yicha boshqa soliqlarga nisbatan.

Ushbu Bitimning amal qilishi Davlatlardan biri tarafidan to‘xtatilmagunga qadar o‘z kuchida qoladi. Har bir Ahdlashuvchi Davlat Bitimning amalga kiritilgan vaqtdan besh yil o‘tgandan so‘ng, har qanday taqvimiy yilning tugashiga kamida olti oy qolguniga qadar, diplomatik kanallar orqali Bitim amal qilishini to‘xtatish to‘g‘risida xabarnoma berish yo‘li bilan to‘xtatishi mumkin.

Bunday holatda Bitimning amal qilishi quyidagicha to‘xtatiladi:

a) amal qilishini to‘xtatish to‘g‘risida xabarnoma berilgan yildan keyin keladigan o‘sha taqvimiy yilning birinchi yanvaridan boshlab yoki shu sanadan keyin olinadigan daromad bo‘yicha manbadan undiriladigan soliqlarga nisbatan;

b) amal qilishini to‘xtatish to‘g‘risida xabarnoma berilgan yildan keyin keladigan o‘sha taqvimiy yilning birinchi yanvaridan yoki shu sanadan keyingi har qanday soliq yili uchun undiriladigan boshqa soliqlarga nisbatan.

Tegishli tartibda vakolat berilgan quyida imzo chekuvchilar shunga guvohlik berib, ushbu Bitimni imzoladilar.

Toshkent shahrida 2007-yil 26-oktabrda ikki nusxada, har biri o‘zbek, arab va ingliz tillarida tuzildi, bunda barcha matnlar bir xil kuchga ega.

Mazkur Bitim qoidalarini talqin qilishda kelishmovchiliklar yuzaga kelgan hollarda ingliz tilidagi matn asos uchun qabul qilinadi.

O‘zbekiston Respublikasining Hukumati va Birlashgan Arab Amirliklari Hukumati o‘rtasidagi ikki taraflama soliqqa tortishga yo‘l qo‘ymaslik va daromad hamda kapital soliqlarni to‘lashdan bosh tortishni oldini olish to‘g‘risidagi Bitimni imzolash paytiga, imzo chekuvchilar quyidagi holatlarni Bitimning ajralmas qismi ekanligiga kelishdilar.

1. Ushbu Bitimning Kirish qismida va boshqa moddalarida ko‘rsatib o‘tilgan “kapital solig‘i”, O‘zbekiston Respublikasiga nisbatan qo‘llanilganda, O‘zbekistonning mol-mulk solig‘ini anglatadi.

2. 4 moddaning 1 bandi maqsadlari uchun, “rezident” atamasi Birlashgan Arab Amirliklariga nisbatan qo‘llanilganda:

a) Birlashgan Arab Amirliklarining Federal Hukumati yoki har qanday hududiy ma’muriy boshqaruv organi yoki mahalliy hokimiyat idorasi, yoki mahalliy hukumatni;

b) Birlashgan Arab Amirliklarida davlat qonunlariga asosan ta’sis etilgan Markaziy bank, hukumat jamg‘armalari, korporatsiyalar, hokimiyat idoralari, muassasalar, agentliklar kabi yoki har qanday shunga o‘xshash tashkilotlarni: va

v) Kapitalida Birlashgan Arab Amirliklari boshqa davlatlar bilan birga mablag‘ bilan ta’minlashda qatnashayotgan, Birlashgan Arab Amirliklarida ta’sis etilgan har qanday hukumatlararo shaxsni anglatadi.

3. 7-moddaga qo‘shimcha sharhlar:

Ushbu Bitimdagi hech qanday holat, Birlashgan Arab Amirliklari Hukumatining, uning hududiy ma’muriy boshqaruv organlari yoki mahalliy hokimiyat idoralarining, Birlashgan Arab Amirliklari hududida benzin va tabiiy resurslardan olingan daromadlarni soliqqa tortilishiga taalluqli o‘z qonunlarini qo‘llash huquqlariga daxldor bo‘lmaydi. Bunday faoliyat Birlashgan Arab Amirliklarining qonunchiligiga muvofiq soliqqa tortiladi.

4. 12-moddaning 2-bandiga qo‘shimcha sharhlar:

“Royalti” atamasi, shaxta yoki karyerga yoki tabiiy resurslardan foydalanish bo‘yicha to‘lovlarni o‘z ichiga olmaydi, degan ma’noni anglatadi.

Toshkent shahrida 2007-yil 26-oktabrda ikki nusxada, har biri o‘zbek, arab va ingliz tillarida tuzildi, bunda barcha matnlar bir xil kuchga ega.

Mazkur Bitimni talqin qilish paytida kelishmovchiliklar vujudga kelsa, ingliz tilidagi matn asos sifatida qabul qilinadi.