Respublikada oʻtkazilayotgan sud-huquq islohotlariga binoan qonunchilikka kiritilgan oʻzgartirish va qoʻshimchalar munosabati bilan “Sudlar toʻgʻrisida”gi Qonunning 17-moddasiga muvofiq, Oʻzbekiston Respublikasi Oliy sudi Plenumi qaror qiladi :

Oʻzbekiston Respublikasi Oliy sudi Plenumi tomonidan qabul qilingan quyidagi qarorlarga oʻzgartirish va qoʻshimchalar kiritilsin:

1. Oliy sud Plenumining 1996-yil 27-fevraldagi “Qonunga xilof ravishda qurolga egalik qilish toʻgʻrisidagi ishlar boʻyicha sud amaliyoti haqida”gi 3-sonli qarori:

7-bandi ikkinchi xatboshisidagi “247-moddasi 3-qismining “z” bandi” soʻzi “247-moddasi uchinchi qismining “v” bandi” soʻzlari bilan almashtirilsin.

2. Oliy sud Plenumining 1996-yil 19-iyuldagi “Jinoyat uchun jazo tayinlash amaliyoti toʻgʻrisida”gi 16-sonli qarori:

a) preambulaning sakkizinchi xatboshisidagi “mol-mulkni musodara qilish” soʻzlari chiqarilsin;

b) 2.1-bandining toʻrtinchi xatboshisidagi qavsdan soʻng:

“Biroq, Jinoyat kodeksi 50-moddasining toʻrtinchi qismiga muvofiq jinoyatlar jami boʻyicha tayinlanayotgan jazo muddati ushbu Kodeks Maxsus qismining tegishli moddasida nazarda tutilgan ozodlikdan mahrum etish jazosi eng koʻp muddatining toʻrtdan uch qismidan ortiq boʻlmasligi kerak” degan jumla bilan toʻldirilsin;

v) 2.8-bandidagi “jazo yigirma besh yildan,” soʻzlaridan soʻng “ayollarga, oltmish yoshdan oshgan erkaklarga hamda” degan soʻzlar bilan toʻldirilsin;

g) 2.13 bandidagi “kassatsiya” soʻzi “apellatsiya, kassatsiya” soʻzlari bilan almashtirilsin;

d) 9.2-bandi chiqarilsin.

3. Oliy sud Plenumining 1997-yil 2-maydagi “Sud hukmi toʻgʻrisida”gi 2-sonli qarori:

19-bandi quyidagi tahrirda bayon etilsin:

“Jinoiy hodisa yuz bermaganligi yoki shaxsning jinoyat sodir etilishiga daxldor boʻlmaganligi sababli oqlov hukmi chiqarilayotganda sud fuqaroviy daʼvoni qanoatlantirishni rad qiladi. Sudlanuvchi sodir etgan qilmishda jinoyat tarkibi boʻlmaganligi tufayli oqlov hukmi chiqarilganda, sud daʼvoning isbotlanish darajasi va hajmini eʼtiborga olib, uni toʻliq yoki qisman qanoatlantiradi yoxud qanoatlantirishni rad etadi”.

4. Oliy sud Plenumining 1998-yil 17-apreldagi “Sudlar tomonidan mehnat shartnomasi (kontrakti)ni bekor qilishni tartibga soluvchi qonunlarning qoʻllanishi haqida”gi 12-sonli qarori:

a) 17-bandi birinchi xatboshisidagi “korxona rahbari” soʻzlari “korxona rahbari, uning oʻrinbosarlari, bosh buxgalter bilan, bosh buxgalter lavozimi boʻlmagan taqdirda esa, bosh buxgalter vazifasini amalga oshiruvchi xodim” soʻzlari bilan almashtirilsin;

b) 45-bandi ikkinchi xatboshisining ikkinchi jumlasi chiqarilsin.

5. Oliy sud Plenumining 1998-yil 28-dekabrdagi “Fuqarolarning sud ishlariga doir murojaatlarini koʻrib chiqish amaliyoti haqida”gi 31-sonli qarori:

a) 1-bandidagi “gʻayriqonuniy” soʻzi “asossiz” soʻzi bilan almashtirilsin;

b) 11-bandi quyidagi tahrirda bayon etilsin:

“Fuqarolarning murojaatlari toʻgʻrisida”gi Qonunning 17-moddasi talabiga muvofiq, fuqarolarning murojaatlari, agar ular qoʻyilgan masalalarni hal etish vakolati doirasiga kirmaydigan davlat organiga yuborilgan boʻlsa, uzogʻi bilan besh kunlik muddat ichida tegishli organlarga joʻnatiladi va bu haqda fuqaroga xabar qilinadi. Murojaatlarni koʻrib chiqish uchun boshqa davlat organlariga asossiz ravishda berish yoki qarori yoxud harakati ustidan shikoyat qilinayotgan davlat organlari yoki mansabdor shaxslarning oʻziga joʻnatish man etiladi. Agar fuqarolarning murojaatlarida ularni tegishli organlarga joʻnatish uchun zarur maʼlumotlar boʻlmasa, bu murojaatlar xuddi shu muddat mobaynida asoslantirilgan tushuntirish bilan fuqaroning oʻziga qaytariladi.

Fuqarolarning murojaatlarini har taraflama mufassal va xolisona koʻrib chiqish uchun qoʻshimcha axborotlar, maʼlumotnomalar va materiallarga zarurat paydo boʻlsa, mazkur murojaatni koʻrib chiqayotgan davlat organining mansabdor shaxsi qoʻshimcha axborot toʻplashi mumkin.

Fuqarolarning murojaatini koʻrib chiqayotgan davlat organi zarur hollarda murojaat joyning oʻzida koʻrib chiqilishini taʼminlashi kerak.

Alohida hollarda, murojaat etgan shaxsning oʻzi yoki boshqa shaxs yoʻqligida murojaatni koʻrib chiqishning imkoni boʻlmasa, ular davlat organining mansabdor shaxsi tomonidan chaqirilishi mumkin”.

6. Oliy sud Plenumining 1999-yil 14-maydagi “Jinoiy jazo choralarini qoʻllash boʻyicha sud amaliyotida yuzaga kelgan ayrim masalalar haqida”gi 11-sonli qarori:

3-bandidagi “voyaga yetmaganlarga” soʻzlaridan soʻng “va oltmish yoshdan oshgan erkaklarga” degan soʻzlar bilan toʻldirilsin.

7. Oliy sud Plenumining 1999-yil 24-sentabrdagi “Fuqarolik kodeksini tatbiq qilishda sud amaliyotida vujudga keladigan ayrim masalalar toʻgʻrisida”gi 16-sonli qarori:

a) 6, 7, 8-bandlari chiqarilsin;

b) 9-bandining ikkinchi va uchinchi xatboshilari chiqarilsin;

v) 9-bandi toʻrtinchi xatboshisidagi “Nizo boʻlmagan hollarda” soʻzlari chiqarilsin.

8. Oliy sud Plenumining 2000-yil 28-apreldagi “Maʼnaviy zararni qoplash haqidagi qonunlarni qoʻllashning ayrim masalalari toʻgʻrisida”gi 7-sonli qarori:

17-bandidagi “Oʻzbekiston Respublikasi Oliy sudi fuqarolik ishlari boʻyicha sudlov hayʼati, Qoraqalpogʻiston Respublikasi Oliy sudi, viloyatlar, Toshkent shahar sudi va Respublika harbiy sudi” soʻzlari “Oʻzbekiston Respublikasi Oliy sudi fuqarolik ishlari boʻyicha sudlov hayʼati, Qoraqalpogʻiston Respublikasi fuqarolik ishlari boʻyicha Oliy sudi, fuqarolik ishlari boʻyicha Toshkent shahar va viloyat sudlari hamda Oʻzbekiston Respublikasi Harbiy sudi” soʻzlari bilan almashtirilsin.

9. Oliy sud Plenumining 2000-yil 15-sentabrdagi “Harbiy xizmatni oʻtash tartibiga qarshi jinoyatlarga oid ishlarni koʻrish boʻyicha sud amaliyoti toʻgʻrisida”gi 7-sonli qarori:

preambuladagi “16-moddasiga” soʻzi “17-moddasiga” soʻzi bilan almashtirilsin.

10. Oliy sud Plenumining 2000-yil 22-dekabrdagi “Meros huquqiga oid qonunlarni qoʻllashning ayrim masalalari toʻgʻrisida”gi 33-sonli qarori:

preambuladagi “16-moddasiga” soʻzi “17-moddasiga” soʻzi bilan almashtirilsin.

11. Oliy sud Plenumining 2001-yil 1-iyundagi “Jinoyat ishlarini apellatsiya, kassatsiya va nazorat tartibida koʻrish amaliyoti haqida”gi 5-sonli qarori

12-bandining uchinchi xatboshisi chiqarilsin.