O‘zbekiston Respublikasi Prezidentining “Buxoro muhandislik-texnologiya institutini tashkil qilish to‘g‘risida” 2013-yil 15-apreldagi PP-1954-sonli qaroriga muvofiq:

1. O‘zbekiston Respublikasi Prezidentining ayrim qarorlariga ilovaga muvofiq o‘zgartishlar kiritilsin.

2. Ushbu qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.

1. O‘zbekiston Respublikasi Prezidentining 2011-yil 20-maydagi PQ-1533-sonli qarori bilan tasdiqlangan o‘quv-laboratoriya binolari, sport inshootlari va talabalarning turar joylarini qurish, kapital ta’mirlash va jihozlash bo‘yicha manzilli dasturlarga kiritiladigan oliy ta’lim muassasalari Ro‘yxatining 5-bandi quyidagi tahrirda bayon etilsin:

“5. Buxoro muhandislik-texnologiya instituti”.

2. O‘zbekiston Respublikasi Prezidentining 2012-yil 28-maydagi PQ-1761-sonli qarori bilan tasdiqlangan O‘rta maxsus, kasb-hunar ta’limi tizimining rahbar va pedagogik kadrlarini qayta tayyorlash hamda malakasini oshirishga ixtisoslashgan oliy ta’lim muassasalari ro‘yxatining:

a) 17-bandida:

“Oliy ta’lim muassasalari” ustunidagi “Buxoro yuqori texnologiyalar muhandislik-texnika instituti” so‘zlari “Buxoro muhandislik-texnologiya instituti” so‘zlari bilan almashtirilsin;

“Ixtisoslik va ta’lim yo‘nalishlari” ustunidagi “oziq-ovqat sanoati” so‘zlari chiqarib tashlansin;

b) 40-bandning “qayta tayyorlash va malaka oshirilishi mo‘ljallangan viloyatlar nomi” ustunidagi “Andijon, Namangan, Farg‘ona, Jizzax, Sirdaryo, Toshkent viloyati va Toshkent shahri” so‘zlari “Qoraqalpog‘iston Respublikasi, viloyatlar va Toshkent shahri” so‘zlari bilan almashtirilsin.

3. O‘zbekiston Respublikasi Prezidentining 2012-yil 21-noyabrdagi PQ-1855-sonli qarori bilan tasdiqlangan O‘zbekiston Respublikasi Moliya vazirligi huzuridagi Oliy ta’lim muassasalarining moddiy-texnik bazasini rivojlantirish jamg‘armasi mablag‘lari hisobidan 2013-yilda oliy ta’lim muassasalarini qurish, qayta qurish, kapital ta’mirlash va jihozlash manzilli Dasturining “Yangitdan boshlanadigan obyektlar” bo‘limining 4-bandidagi “Buxoro yuqori texnologiyalar muhandislik-texnika instituti” so‘zlari “Buxoro muhandislik-texnologiya instituti” so‘zlari bilan almashtirilsin.