Terrorizm, separatizm va ekstremizmga qarshi kurashish toʻgʻrisidagi 2001-yil 15-iyundagi Shanxay konvensiyasining aʼzolari hisoblangan Shanxay Hamkorlik Tashkilotiga aʼzo davlatlar — keyingi oʻrinlarda Tomonlar,

Shanxay Hamkorlik Tashkilotiga aʼzo davlatlar oʻrtasidagi 2002-yil 7-iyundagi Mintaqaviy aksilterroristik tuzilma haqidagi Kelishuvga tayangan holda,

Shanxay Hamkorlik Tashkilotin Mintaqaviy antiterror tuzilmasi (keyingi oʻrinlarda — Mintaqaviy aksilterroristik tuzilma)ni samarali faoliyat olib borishi uchun tegishli sharoitlarni taʼminlashga uringan holda,

quyidagilar toʻgʻrisida kelishib olindi:

1. Tomonlar maxsus vakolatli organlarining axborot almashinuvini taʼminlash va uning darajasini oshirish shuningdek, Tomonlarni Mintaqaviy aksilterroristik tuzilma vakolatiga tegishli boʻlgan masalalar boʻyicha maʼlumotlar bilan taʼminlash maqsadida Shanxay Hamkorlik Tashkiloti Mintaqaviy aksilterror tuzilmasining Ijroiya qoʻmitasi (keyingi oʻrinlarda — Ijroiya qoʻmitasi)da Mintaqaviy aksilterror tuzilmaning maʼlumotlar banki (keyingi oʻrinlarda — maʼlumotlar banki)ni tashkil etadilar va undagi mavjud maʼlumotlardan foydalanadilar.

2. Maʼlumotlar banki oʻz faoliyatini hisoblash texnikasi vositalaridan foydalangan holda, shuningdek, qattiq (qogʻoz) va boshqa tashuvchilarda hujjatli materiallarni toʻplash yoʻli bilan avtomatlashtirilgan maʼlumotlar tizimi asosida olib boradi.

1. Tomonlar maʼlumotlar banki faoliyatiga tegishli masalalar boʻyicha oʻzaro hamkorlikni amalga oshiruvchi maxsus vakolatli organlarini belgilaydilar va mazkur Kelishuv kuchga kirishi uchun zarur boʻlgan davlat ichki tartib-taomillarini bajarganidan keyin 60 kun ichida Ijroiya qoʻmitani yozma shaklda bundan xabardor etadilar.

2. Maxsus vakolatli organ almashtirilgan holatda, bu haqida Ijroiya qoʻmitaga 10 kunlik muddat ichida yozma shaklda xabarnoma joʻnatiladi.

3. Maʼlumotlar bankidagi mavjud maʼlumotlar maxfiy va nomaxfiyga ajratiladi.

4. Maxfiy maʼlumotlardan foydalanish huquqi Shanxay Hamkorlik Tashkilotining Mintaqaviy aksilterror tuzilmasida maxfiy axborotlarni himoya qilish toʻgʻrisidagi Kelishuv ishtirokchilari boʻlgan Tomonlarga beriladi.

5. Maʼlumotlar banki tuzilmasi, nomaxfiy maʼlumotlar bilan ishlash va ulardan foydalanish tartibi Mintaqaviy aksilterror tuzilma Kengashi tomonidan belgilanadi.

6. Maʼlumotlar bankidagi mavjud maʼlumotlarni texnik himoyalashga tegishli masalalar alohida Kelishuv bilan tartibga solinadi.

1. Maʼlumotlar banki Mintaqaviy antiterroristik tuzilma vakolatiga tegishli boʻlgan Tomonlarning vakolatli organlaridan kelib tushadigan shuningdek, Shanxay Hamkorlik Tashkiloti organlari va boshqa manbalardan, jumladan, ommaviy axborot vositalari, bosma nashrlar, telekommunikatsiya tizimlari hamda Xalqaro Internet kompyuter tarmoqlaridan olinadigan maʼlumotlardan shakllantiriladi.

2. Maʼlumotlar bankida quyidagi maʼlumotlar toʻplanadi:

xalqaro terroristik, separatistik va ekstremistik tashkilotlar, ularning tuzilmasi, faoliyati shakllari hamda metodlari, ushbu tashkilotlarning yetakchilari va aloqador shaxslar, shuningdek, narkotik vositalari, psixotrop moddalari va ularning prekursorlari noqonuniy aylanmasini qoʻshib hisoblaganda, ushbu tashkilotlarni moliyalashtiruvchi manbalar va kanallar toʻgʻrisida;

terrorizm, separatizm va ekstremizm holati, rivojlanishi hamda tendensiyalari toʻgʻrisida;

terroristik, separatistik va ekstremistik tashkilotlarni qoʻllab-quvvatlovchi tashkilotlar hamda shaxslar toʻgʻrisida;

terrorizm, separatizm va ekstremizmga qarshi kurashish boʻyicha chora-tadbirlar toʻgʻrisida;

Tomonlarning milliy qonunchiligi, jumladan, Mintaqaviy aksilterror tuzilma bilan oʻzaro hamkorlikni amalga oshiruvchi vakolatli organlarni tartibga soluvchi faoliyat toʻgʻrisida;

sodir etilgan terroristik harakatlar, ularni amalga oshirish shakllari va metodlari toʻgʻrisida;

terroristik harakatlarni sodir etishda foydalanilgan portlatuvchi uskunalar (portlatuvchi materiallarning tarkiblari), qurollar, oʻq-dorilar, zaharlovchi va boshqa moddalar toʻgʻrisida;

1. Ijroiya qoʻmita maʼlumotlar bazasi uchun axborotlar olish maqsadida vakolatli organlarning har qaysinisi, shuningdek, oʻz shaxsiy tashabbusiga koʻra ham bir yoki bir necha maxsus vakolatli organlarga talabnoma yuborishi mumkin.

2. Ijroiya qoʻmita maxsus vakolatli organlarning tegishli talabnomasiga koʻra, maʼlumotlar bankidagi mavjud zarur axborotni 30 kun ichida taqdim etadi.

3. Ijroiya qoʻmita har chorakda maʼlumotlar bankidagi mavjud maʼlumotlar toʻgʻrisidagi axborotlar va materiallar reyestrini maxsus vakolatli organlarga yuboradi.

4. Ijroiya qoʻmitaning maʼlumotlarni taqdim etish haqidagi talabnomalarni bajarish tartibi, bajaruvchi Tomonning milliy qonunchiligiga koʻra amalga oshiriladi. Talabnomalarni bajarish muddati 30 kundan oshmasligi zarur.

5. Talabnomalar mazkur Kelishuvning 7-moddasida belgilangan tillarda bajariladi.

6. Maxsus vakolatli organlar maʼlumotlar kelib tushishiga koʻra bankka yuboradi va ularning toʻliqliligi hamda ishonchliligini maksimal darajada taʼminlaydi. Taqdim etilayotgan maʼlumotlardan maxsus vakolatli organlar Tomonlarning va Mintaqaviy aksilterror tuzilmaning manfaatlariga ziyon yetkazmagan holda foydalanadi.

Maʼlumotlar banki faoliyatini yuritishi uchun Ijroiya qoʻmitasi tashkiliy-texnik taʼminotni amalga oshiradi, jumladan:

maʼlumotlar bankini boshqarish va undan foydalanishni;

Mintaqaviy aksilterror tuzilma Kengashi tomonidan tasdiqlanadigan maʼlumotlar bankidan foydalanish yoʻriqnomasini ishlab chiqish va uning talablarini bajarish, foydalanish, maʼlumotlar banki uchun axborot tashuvchilar bilan ishlash hamda maʼlumotlarni himoya qilishni;

maʼlumotlar banki doirasida axborotlarni himoya qilish va axborot almashinuvni.

Maʼlumotlar bankini tashkil etish, faoliyatini taʼminlash, rivojlantirish, shuningdek, bankdagi mavjud maʼlumotlarni himoya qilish boʻyicha chora-tadbirlarni amalga oshirilishi bilan bogʻliq sarf-xarajatlar Shanxay Hamkorlik Tashkiloti Mintaqaviy aksilterror tuzilmasining faoliyati uchun ajratilgan mablagʻ hisobidan amalga oshiriladi.

Maʼlumotlar banki rus va xitoy tillarida shakllantirilishi mumkin.

Tomonlarning roziligi bilan mazkur Kelishuvga bayonnomalar bilan rasmiylashtiriladigan va mazkur Kelishuvning ajralmas qismi hisoblanadigan oʻzgartishlar kiritilishi mumkin, ular mazkur Kelishuvning 10-moddasida belgilangan tartibda kuchga kiradi.

Mazkur Kelishuvni izohlash va amalga tatbiq etishda yuzaga keladigan bahs-munozarali masalalar manfaatdor Tomonlar oʻrtasida konsultatsiya hamda muzokaralar oʻtkazish yoʻli bilan hal etiladi.

1. Mazkur Kelishuv noaniq muddatga tuzilib va depozitariy Tomonlardan mazkur Kelishuvni kuchga kirishi uchun zarur boʻlgan ichki davlat protseduralarini bajarganliklari haqidagi toʻrtinchi xabarnomani yozma shaklda qabul qilgan kundan boshlab 30-kundan keyin kuchga kiradi.

2. Mazkur Kelishuv depozitariysi Shanxay Hamkorlik Tashkiloti Kotibiyati hisoblanadi va u Tomonlarga Kelishuvning tasdiqlangan nusxasini joʻnatadi.

3. Mazkur Kelishuv 2001-yil 15-iyundagi Terrorizm, separatizm va ekstremizmga qarshi kurashish haqidagi Shanxay konvensiyasining ishtirokchi davlatlar qoʻshilishlari uchun ochiq.

Birlashuvchi davlatlar uchun mazkur Kelishuv depozitariy tomonidan uning birlashishi haqidagi hujjat olingandan boshlab 30-kun kuchga kiradi.

4. Tomonlar Shanxay Hamkorlik Tashkilotiga aʼzo davlatlar hisoblanar ekan, mazkur Kelishuv ularning har qaysisi uchun kuchga ega boʻlib qoladi.

Mazkur Kelishuv 2004-yil 17-iyunda Toshkent shahrida, rus va xitoy tillarida har birining matni bir xil kuchga ega boʻlgan bir asl nusxada tuzildi.