Terrorizm, separatizm va ekstremizmga qarshi kurash haqidagi 2001-yil 15-iyundagi Shanxay konvensiyasining aʼzolari hisoblangan Shanxay Hamkorlik Tashkilotiga aʼzo davlatlar (keyingi oʻrinlarda — Tomonlar),

Birlashgan Millatlar Tashkilotining xalqaro tinchlikni va xavfsizlikni saqlash, davlatlar oʻrtasida yaxshi qoʻshnichilik, doʻstona hamda hamkorlik munosabatlarini qoʻllab-quvvatlashga doir maqsad va tamoyillariga tayangan holda,

terrorizm, separatizm va ekstremizm xalqaro tinchlik hamda xavfsizlikka, davlatlar oʻrtasidagi doʻstona munosabatlarni rivojlanishiga, shuningdek, insonlarning asosiy haq-huquqlari hamda erkinliklarini saqlanishiga xavf tugʻdirishini anglagan holda,

Tomonlarning hududiy yaxlitligi, xavfsizligi va barqarorligini taʼminlash, jumladan, terrorizm, separatizm hamda ekstremizmga qarshi kurashda hamkorlikni kuchaytirish borasida oʻzaro kelishilgan harakatlar zarurligiga ishonch hosil qilgan holda,

Shanxay Hamkorlik Tashkilotini tashkil etish toʻgʻrisidagi 2001-yil 15-iyundagi Deklaratsiya, Terrorizm, separatizm va ekstremizmga qarshi kurash haqidagi 2001-yil 15-iyundagi Shanxay konvensiyasi (keyingi oʻrinlarda — Konvensiya) va 2002-yil 7-iyundagi Shanxay Hamkorlik Tashkiloti Xartiyasi talablaridan kelib chiqqan holda,

quyidagilarga kelishib olindi:

Mazkur Kelishuv maqsadlarini amalga oshirishda sanab oʻtiladigan tushunchalar quyidagi maʼnolarni anglatadi:

mansabdor shaxs — MATT Ijroiya qoʻmitasida ishlash uchun Tomon yuborgan va tegishli shtat lavozimiga Direktor tomonidan tayinlangan shaxs;

vakil — Yuborayotgan Tomonning MATT Kengashida unga ushbu lavozimda faoliyat yuritish vazifasi yuklatilgan shaxs;

xodim — vakil faoliyatiga bogʻliq vazifalarni bajarish uchun Tomon yuborayotgan shaxs;

binolar — bino yoki uning bir qismi boʻlgan yer uchastkasini qoʻshib hisoblaganda, egalik huquqining shakl va tegishliligidan qatʼiy nazar, binolar yoki uning qismlarini bildiradi;

boʻlib turgan davlat — hududida MATTning shtab kvartirasi yoki boʻlinmasi joylashgan Tomon.

Tomonlar Shanxay Hamkorlik Tashkiloti (keyingi oʻrinlarda — ShHT)ning Mintaqaviy aksilterror tuzilmasi (keyingi oʻrinlarda — MATT)ni taʼsis (tashkil) etadilar. MATT shtab-kvartirasi Oʻzbekiston Respublikasi Toshkent shahrida joylashgan. (2003.05.09.dagi bayonnoma tahririda satr boshi).

Zarurat boʻlganida, ShHTga aʼzo — Davlatlar rahbarlari kengashi — Tomonlarning hududlarida MAT boʻlinmalarini tashkil etishi mumkin.

MATT boʻlinmasi va unda faoliyat yurituvchi shaxslarning mavqeyi ShHT va boʻlib turgan davlat hukumati oʻrtasidagi kelishuvga asosan belgilanadi.

MATT ShHTning doimiy harakatdagi organi hisoblanadi hamda Konvensiyada belgilanganidek, terrorizm, separatizm va ekstremizmga qarshi kurashda Tomonlar vakolatli organlarini muvofiqlashtirish hamda oʻzaro harakatlanishida koʻmaklashish uchun moʻljallangan.

MATT yuridik shaxs maqomi va shu oʻrinda jumladan, quyidagi huquqlarga ega:

shartnomalar tuzish;

koʻchma va koʻchmas mulkni xarid qilish va uni boshqarish;

har qanday valyutada bank hisoblarini ochishi va yuritishi;

sudlarda daʼvo berish va sud surishtiruvlarida qatnashish.

Ushbu moddada nazarda tutilgan haq-huquqlar MATT Ijroiya qoʻmitasining direktori (keyingi oʻrinlarda — Direktor) nomidan amalga oshiriladi.

MATT faoliyatini moliyalashtirish ShHT budjetidan amalga oshiriladi. MATTni moliyalashtirish ishlari ShHT budjetiga doir masalalarni tartibga soluvchi hujjatlar bilan belgilanadi.

MATTning asosiy vazifa va funksiyalari quyidagilar hisoblanadi:

1. terrorizm, separatizm va ekstremizmga qarshi kurashda hamkorlikni rivojlantirish toʻgʻrisidagi taklif hamda tavsiyalarni ShHTning tegishli tuzilmalari, shuningdek, Tomonlar iltimosiga koʻra ishlab chiqish;

2. Tomonlarning vakolatli organlariga ulardan birining iltimosiga, jumladan, Konvensiya qonun-qoidalariga koʻra, terrorizm, separatizm va ekstremizmga qarshi kurashda koʻmaklashish;

3. Tomonlardan terrorizm, separatizm va ekstremizmga qarshi kurash masalalariga doir MATTga kelib tushayotgan maʼlumotlarni toʻplash hamda tahlil qilish.

4. MATT maʼlumotlar bankini, jumladan, quyidagilar boʻyicha shakllantirish:

xalqaro terroristik, separatistik va boshqa ekstremistik tashkilotlar, ularning tuzilmasi, yetakchilari hamda aʼzolari, aloqador shaxslar, shuningdek, ularni moliyalashtiruvchi manbalar va kanallar;

Tomonlarning manfaatlariga daxl qiluvchi terrorizm, separatizm hamda ekstremizm holati, rivojlanishi va tendensiyalari;

terrorizm, separatizm va ekstremizmni qoʻllab-quvvatlovchi nohukumat tashkilotlar hamda shaxslar;

5. Tomonlar vakolatli organlarining talabnomalari boʻyicha maʼlumotlarni taqdim etish;

6. Manfaatdor Tomonlarning iltimosiga koʻra, aksilterror qoʻmondonlik — shtab va operativ-taktik mashgʻulotlarga tayyorgarlik koʻrish hamda oʻtkazishda koʻmaklashish;

7. Tomonlarning iltimosiga koʻra, terrorizm, separatizm va ekstremizmga qarshi kurash boʻyicha tezkor-qidiruv hamda boshqa tadbirlarga tayyorgarlik koʻrishda va oʻtkazishda koʻmaklashish;

8. Konvensiya 1-moddasining 1-bandida koʻrsatilgan qilmishni sodir etganligi taxmin qilinayotgan shaxslarni jinoiy javobgarlikka tortish maqsadida ularning xalqaro qidiruvini amalga oshirishda koʻmaklashish;

9. terrorizm, separatizm va ekstremizmga qarshi kurash masalalarga daxl qiluvchi xalqaro — huquqiy hujjatlarni tayyorlashda ishtirok etish;

10. Aksilterror boʻlinmalar uchun mutaxassis va instruktorlarni tayyorlashda hamkorlik qilish;

11. terrorizm, separatizm va ekstremizmga qarshi kurash masalalar boʻyicha tajriba almashishga koʻmaklashish, ilmiy-amaliy konferensiyalar hamda seminarlarga tayyorgarlik koʻrishda ishtirok etish;

12. terrorizm, separatizm va ekstremizmga qarshi kurash masalalari bilan shugʻullanuvchi xalqaro tashkilotlar bilan ishchi munosabatlarni oʻrnatish va saqlash.

MATT oʻz faoliyatida terrorizm, separatizm va ekstremizmga qarshi kurash masalalari boʻyicha ShHT doirasida qabul qilingan tegishli hujjatlar va qarorlarga tayanib ish koʻradi.

MATT Tomonlarning vakolatli organlari bilan maʼlumotlar almashinuvini ham amalga oshirib, oʻzaro hamkorlik qiladi va ShHTning boshqa organlari talabnomalari boʻyicha tegishli materiallarni tayyorlaydi.

MATT maʼlumotlar bankini tashkil etish va ishlash, shuningdek, tegishli maʼlumotlarni taqdim etish, almashish, foydalanish hamda himoyalash tartibi alohida kelishuvlar bilan tartibga solinadi.

Tomonlar MATT bilan oʻzaro hamkorlik amalga oshiruvchi oʻzining vakolatli organlari roʻyxatini belgilaydilar.

Tomonlar mazkur Kelishuvni kuchga kirishi uchun zarur boʻlgan ichki davlat tartib-taomillarini bajarganidan soʻng, 30 kun ichida depozitariyni yozma xabardor qiladi.

Tomonlardan birining vakolatli organlari roʻyxatida oʻzgarishlar boʻlganida, oʻsha Tomon depozitariyni yozma tarzda xabardor qiladi.

MATT organlari mazkur Kelishuv bilan taʼsis etiladigan MATT Kengashi (keyingi oʻrinlarda — Kengash) va Ijroiya qoʻmita hisoblanadi. Kengash zarur qoʻshimcha organlarni tashkil etishi mumkin.

Kengash mazkur Kelishuv Tomonlaridan tashkil topadi.

Kengash shunday tashkil etilishi zarurki, uning uzluksiz faoliyati taʼminlansin. Buning uchun MATT boʻlgan joyda har bir Tomonning har doim (doimo) vakili boʻlishi zarur.

Kengash vaqti-vaqti bilan majlislarga yigʻilib va bu yigʻinlarda har bir Tomon oʻz ixtiyoriga koʻra taqdim etilishi yoki tegishli vakolatli organ yoki qaysidir boshqa maxsus tayinlangan vakil yoki rahbari tomonidan qatnashishi mumkin.

Kengash mazkur Kelishuvning 6-moddasida koʻrsatilgan MATT asosiy vazifalari va funksiyalarini amalga oshirish tartibini belgilaydi.

MATTning mazkur Kelishuvda ifoda etilgan vakolatlariga koʻra, Kengash moliyaviy masalalar bilan birga, boshqa barcha masalalarning mohiyati boʻyicha ham majburiy xarakterdagi qarorlar qabul qiladi.

Kengash har yillik MATT faoliyati toʻgʻrisidagi axborotlarni ShHTga aʼzo — Davlatlar rahbarlari kengashiga taqdim etadi.

Har qanday masala boʻyicha Kengash qarori, agar unga Tomonlardan hech qaysi qarshilik bildirmasa, qabul qilingan hisoblanadi.

Kengash oʻz raisini tanlash tartibi bilan birga oʻz tartib-taomillarini oʻrnatadi.

Ijroiya qoʻmita Direktor va MATTning normal ishlashini taʼminlash uchun talab etiladigan personaldan iborat.

Direktor Ijroiya qoʻmitaning oliy — maʼmuriy mansabdor shaxsi hisoblanadi va shu maqomda Kengashning barcha yigʻishlarida faoliyat koʻrsatadi, shuningdek, mazkur organ tomonidan uning zimmasiga yuklatiladigan boshqa vazifalarni bajaradi.

Direktor ShHTga aʼzo — Davlatlar rahbarlari kengashi tomonidan uning tavsiyasiga koʻra tayinlanadi. Direktor oʻrinbosarlari koʻrsatilgan lavozimlar biriktirilgan Tomonlarning taklifiga koʻra, Kengash tomonidan lavozimga tayinlanadilar va lavozimdan ozod etiladilar.

Direktor va uning oʻrinbosari (oʻrinbosarlari)ni almashtirish tartibi Kengash tomonidan belgilanadi.

Direktor MATT vakolati doirasida, uning fikricha, ushbu organda koʻrib chiqilishi talab etilayotgan har qanday masalalarni Kengashga axborot uchun taqdim etish huquqiga ega.

Direktor Kengash roziligi bilan tegishli Tomonlarning ShHT budjetiga toʻlaydigan ulushlarini inobatga olgan holda, Tomonlar fuqarolarini Ijroiya qoʻmitaning mansabdor shaxslari etib tayinlaydi va\yoki kontrakt asosida yollaydi.

Ijroiya qoʻmita tuzilmasi, shuningdek, shtat jadvali Direktorning takliflari asosida ShHTga aʼzo — Davlatlar hukumatlari rahbarlari Kengashi tomonidan maʼqullanib, Kengash tomonidan tasdiqlanadi.

Ijroiya qoʻmita Direktori, oʻrinbosari (oʻrinbosarlari), mansabdor shaxslari oʻz majburiyatlarini bajarishda, Tomonlarning hukumat organlari yoki rasmiy shaxslari, shuningdek, ShHTga begona tashkilotlar yoki alohida shaxslarga koʻrsatma soʻrab murojaat qilmaydilar yoki ulardan koʻrsatma olmaydilar.

Tomonlar Ijroiya qoʻmita Direktori, oʻrinbosari (oʻrinbosarlari), mansabdor shaxslarining xalqaro xarakterdagi majburiyatlarini hurmat qilish va xizmat majburiyatlarini bajarishlari chogʻida ularga taʼsir koʻrsatmaslikka majburdirlar.

MATT Ijroiya qoʻmitasi Tomonlarning milliy qonunchiligida nazarda tutilgan tartibga koʻra, MATT Ijroiya qoʻmitasiga ishlash uchun Tomonlar yuborgan shaxslar bilan toʻldiriladi.

Maʼmuriy — texnik personal va MATT Ijroiya qoʻmitasi oʻrtasidagi mehnat munosabatlari MATT joylashgan tegishli davlatning qonunchiligi bilan tartibga solinadi.

MATT mulki va aktivlari har qanday maʼmuriy yoki sud aralashuvining shaklidan daxlsizdir.

MATT binolari va transport vositalari, shuningdek, uning arxiv hamda hujjatlari, shu jumladan xizmat korespondensiyasi, qayerda joylashganidan qatʼiy nazar, tintuv, rekvizitsiya va musodara yoki har qanday shakldagi uning normal faoliyatiga toʻsqinlik qiluvchi arashuvlarga yoʻl qoʻyilmaydi.

MATT joylashgan davlatning tegishli hukumat va boshqaruv organlari vakillari MATT binolariga kira olmaydilar, oʻzgacha agar, Direktor yoki uning lavozimini egallab turgan shaxs rozilik berganda va faqat ular maʼqullangan shartlarga koʻra oʻzgarishi mumkin.

MATT joylashgan davlatning tegishli hukumat va boshqaruv organlari qaroriga koʻra, har qanday harakatlarini bajarish, faqat Direktor yoki uning lavozimini egallab turgan shaxsning roziligi asosida MATT binolarida amalga oshirilishi mumkin.

MATT joylashgan davlat uning binosini har qanday bosqinlardan yoki zarar keltirishi mumkin boʻlgan harakatlardan himoya qilish uchun zarur chora-tadbirlarni qabul qiladi.

MATT binolari har qaysi Tomonning qonuni boʻyicha taʼqib qilinayotgan yoki Tomonlardan har qaysinisiga yoki uchinchi davlatga topshirilishi zarur boʻlgan shaxslarga boshpana boʻlib xizmat qila olmaydi.

MATT binolarining daxlsizligi ShHT funksiyalari va vazifalariga toʻgʻri kelmaydigan maqsadlarda foydalanish huquqini bermaydi.

MATT maʼlumotlarni uzatishda maxfiylikni taʼminlovchi shifrlar, kuryerlik va boshqa turdagi aloqa turlaridan foydalanish huquqiga ega. MATT diplomatik kuryerlar va valiza singari immunitet va imtiyozlarga ega boʻlgan kuryer hamda valizalar orqali korrespondansiyalarni olish va joʻnatish huquqiga ega.

Xizmat korrespondensiyasini tashkil etuvchi barcha joylar, ularning xarakterini aks ettiradigan, koʻrinib turadigan tashqi belgilarga va rasman foydalanish uchun moʻljallangan faqat xizmat hujjatlari hamda ashyolarga ega boʻlishi zarur.

Kuryer uning maqomi va xizmat korrespondensiyasini tashkil etuvchi joylar soni koʻrsatilgan rasmiy hujjat bilan taʼminlanishi kerak.

MATT boʻlib turgan davlat hududida undiriladigan, toʻlanishi zarur boʻlgan aniq xizmat koʻrsatish turlaridan tashqari, toʻgʻridan toʻgʻri barcha soliqlar, boj va boshqa toʻlovlardan ozod qilinadi.

MATT rasman foydalanishi uchun moʻljallangan mulk va ashyolar, Tomonlar hududlarida bojxona bojlari, soliqlar va shular bilan bogʻliq toʻlovlardan ozod etiladi, xalqaro tashkilotlar uchun nazarda tutilgan hamda tegishli bojxona organi tomonidan belgilanmagan joyga yuk tashish, saqlash yoki ushbu tashkilotning ishdan tashqari vaqtida bojxona rasmiy hujjatlarini tayyorlash va shunga oʻxshash xizmat turlari uchun amalga oshiriladigan toʻlovlar bundan mustasno.

ShHTga aʼzo — Davlatlar rahbarlari Kengashi ShHT nomidan ochiqdan-ochiq ifodalangan shaklda MATTga taqdim etilgan immunitet va imtiyozlardan voz kechishi mumkin.

1. Direktor, uning oʻrinbosari (oʻrinbosarlari), vakillar, xodimlar, shuningdek, ular bilan birga istiqomat qiladigan oila aʼzolari, agar ularga mazkur Kelishuvga boshqa imtiyozlar va immunitetlar belgilanmagan boʻlsa, ular Diplomatik munosabatlar toʻgʻrisida 1961-yildagi Vena konvensiyasida nazarda tutilgan imtiyoz va immunitetlardan tegishli hajmda va tartibda foydalanadilar.

2. Mansabdor shaxslar va ular bilan birga doimiy istiqomat qiladigan oila aʼzolari, oʻz maqomi boʻyicha fuqarosi boʻlgan yoki doimiy ravishda u yerda istiqomat qiladigan Tomonlar elchixonasining diplomatik xodimi va uning oila aʼzolariga tenglashtiriladi.

3. Direktor Kengash roziligi bilan, agar unga berilgan immunitet adolat qaror topishiga toʻsqinlik qilishi, undan voz kechishi belgilangan maqsadlarni amalga oshirishiga zarar yetkazmaydi degan fikrda boʻlsa, mansabdor shaxsga beriladigan immunitetdan voz kechishi mumkin.

Direktor, uning oʻrinbosari (oʻrinbosarlari) voz kechish toʻgʻrisidagi qaror Kengash tomonidan qabul qilinadi.

Immunitetdan voz kechish aniq ifoda etilishi zarur.

4. Ushbu moddaning 1, 2 va 3-bandlari qoidalari ShHT hamda uning organlari toʻgʻrisidagi masalalarni tartibga soluvchi alohida shartnoma kuchga kirish sanasigacha amalda boʻladi, ushbu shartnomada MATT, Direktor, uning oʻrinbosari (oʻrinbosarlari), mansabdor shaxslari, vakillari, xodimlari, shuningdek, ular bilan istiqomat qiladigan oila aʼzolariga berilgan imtiyoz va immunitetlari belgilab beriladi.

Direktor, uning oʻrinbosari (oʻrinbosarlari) va mansabdor shaxslar MATTda ishlash muddati tugashi bilan ularni yuborgan Tomon organlari ixtiyoriga safarbar qilinadi.

Mazkur Kelishuvga koʻra imtiyoz va immunitetlardan foydalanadigan barcha shaxslar oʻzlarining imtiyoz va immunitetlariga ziyon yetkazmagan holda boʻlib turgan davlati qonunchiligini hurmat qilishga majburdirlar. Ular ushbu davlat ichki ishlariga aralashmaslikka majburdirlar.

Tomonlar MATTning rasmiy hujjatlari, muhr va shtamplarini tan oladilar.

Direktor, uning oʻrinbosari (oʻrinbosarlari), mansabdor shaxs, vakil, xodim, shuningdek, ular bilan birga istiqomat qiladigan oila aʼzolarining pensiya taʼminoti, ishlagan muddatining hisobi, ularni yuborgan Tomonlarning qonunchiligida belgilangan tartibda va sharoitlarda amalga oshiriladi.

Direktor, uning oʻrinbosari (oʻrinbosarlari), mansabdor shaxs, vakil, xodim, shuningdek, ular bilan birga istiqomat qiladigan oila aʼzolariga tibbiy hamda sihatgohlar va dam olish maskanlarida xizmat koʻrsatish tartibi ShHT va boʻlib turgan davlat hukumati oʻrtasidagi kelishuvga koʻra belgilanadi.

Direktor, uning oʻrinbosari (oʻrinbosarlari), mansabdor shaxs, vakil, xodim, shuningdek, ular bilan birga istiqomat qiladigan oila aʼzolari Tomonlar hududida, boʻlib turgan davlat fuqarolari singari uy-joy kommunal-maishiy, tibbiy, mehmonxona, transport va boshqa xizmat koʻrsatish turlaridan foydalanish huquqiga ega boʻladilar.

MAKTning rasmiy va ishchi tillari rus va xitoy tillari hisoblanadi.

Tomonlarning kelishuviga koʻra, mazkur Kelishuv matniga oʻzgartishlar kiritilishi mumkin, ular bayonnomalar shaklida rasmiylashtiriladi va Kelishuvning ajralmas qismi hisoblanadi.

Mazkur Kelishuv Tomonlarga ushbu Kelishuvning predmeti hisoblangan va uning maqsadlari hamda obyektiga toʻsqinlik qilmaydigan boshqa masalalar boʻyicha xalqaro shartnomalar tuzishga doir haq-huquqlarini cheklamaydi, shuningdek, Tomonlar ishtirokchilari boʻlgan boshqa xalqaro kelishuvlardan kelib chiqib belgilanadigan haq-huquqlar hamda majburiyatlariga daxl qilmaydi.

Mazkur Kelishuvni izohlash yoki qoʻllashda yuzga keladigan bahs-munozarali masalalar manfaatdor Tomonlar oʻrtasida konsultatsiya va muzokaralar oʻtkazish yoʻli bilan hal etiladi.

Mazkur Kelishuv depozitariysi Xitoy Xalq Respublikasi hisoblanadi. Mazkur Kelishuv kopiyalari depozitariy tomonidan imzolangan kundan boshlab 15 kun ichida boshqa Tomonlarga tarqatiladi.

Mazkur Kelishuv ratifikatsiya qilinadi va toʻrtinchi ratifikatsiya yorligʻi bilan saqlash uchun topshirilgan sanadan boshlab 30-kun kuchga kiradi.

Mazkur Kelishuv Konvensiyaning ishtirokchilari boʻlgan davlatlar uchun ochiq hisoblanadi.

Depozitariydan mazkur Kelishuvga davlatlar qoʻshilgani toʻgʻrisida hujjat olingan sanadan boshlab 30-kun kuchga kiradi.

Har qaysi Tomon mazkur Kelishuvdan chiqishi mumkin va chiqishi taxmin qilinayotgan sanadan 12 oy oldin bu toʻgʻrisida depozitariyga yozma xabarnoma yuboradi.

Depozitariy chiqish toʻgʻrisidagi xabarnomani olgan kundan boshlab 30 kun ichida boshqa Tomonlarni xabardor qiladi.

2002-yil 7-iyunda Sankt-Peterburg shahrida, rus va xitoy tillaridagi asl nusxada tuzildi, ikkala matn ham bir xil kuchga ega.