“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga oʻzgartishlar kiritish haqida” Oʻzbekiston Respublikasining 2012-yil 5-yanvardagi OʻRQ-318-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Davlat pensiyalarini tayinlash va toʻlash tartibini yanada takomillashtirishga yoʻnaltirilgan normativ-huquqiy hujjatlarni tasdiqlash toʻgʻrisida” 2011-yil 8-sentabrdagi 252-son qaroriga (Oʻzbekiston Respublikasi QT, 2011-y., 9-son, 75-modda) ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi Oʻzbekiston aloqa va axborotlashtirish agentligi boshqa manfaatdor vazirliklar va idoralar bilan birgalikda bir oy muddatda yangi tahrirdagi “Oʻzbekiston pochtasi” OAJning pochta aloqasining mintaqaviy (viloyat) tashkilotlari va pochta aloqasi obyektlari orqali pensiyalar, nafaqalar va boshqa toʻlovlarni toʻlashni tashkil etish boʻyicha yoʻriqnomani bir oy muddatda ishlab chiqsinlar va belgilangan tartibda tasdiqlasinlar.

3. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. Qarorning 1-bandi uchinchi xatboshidagi “amaldagi” soʻzi chiqarib tashlansin.

2. Davlat pensiyalarini tayinlash va toʻlash tartibi toʻgʻrisida Nizomda (1-ilova):

2-bandning oʻninchi xatboshi quyidagi tahrirda bayon qilinsin:

“ish haqi – shaxsning pensiyani hisoblash uchun qabul qilinadigan ish haqi”;

11-bandning birinchi xatboshiga quyidagi mazmundagi jumla qoʻshilsin:

“Tekshirish tasdiqlovchi hujjatlarni bergan tashkilotda yoki arxivda amalga oshiriladi. Tekshirish natijalari boʻyicha ikki nusxada dalolatnoma tuziladi, u tekshiruvchining va tashkilot yoki arxiv mansabdor shaxsining imzosi, shuningdek tashkilot yoki arxivning muhri bilan tasdiqlanadi. Dalolatnomaning bir nusxasi tashkilot yoki arxivda, ikkinchi nusxasi Pensiya jamgʻarmasi boʻlimida qoladi. Dalolatnomada tasdiqlovchi hujjatlarning kim tomonidan berilganligi va tekshirish vaqtida hujjatlarning joylashgan joyi toʻgʻrisidagi maʼlumot majburiy tartibda koʻrsatiladi”;

12 va 13-bandlarning uchinchi xatboshilardagi “amaldagi” soʻzi chiqarib tashlansin;

14-bandda:

uchinchi xatboshi quyidagi tahrirda bayon qilinsin:

“oila aʼzosining vafot etgan boquvchi bilan qarindoshlik munosabatlarini tasdiqlovchi hujjatlar (nikoh toʻgʻrisidagi guvohnoma, nikoh bekor qilinganligi toʻgʻrisidagi guvohnoma, u boʻlmagan taqdirda – fuqarolik holati dalolatnomalaridagi yozuvdan koʻchirma, vakolatli tashkilotlarning yoki xorijiy davlatlar mansabdor shaxslarining maʼlumotnomasi)”;

yettinchi xatboshidagi “amaldagi” soʻzi chiqarib tashlansin;

32-bandning uchinchi xatboshidagi “iltimos qilish” soʻzlari “talab qilish” soʻzlari bilan almashtirilsin;

38-bandga quyidagi mazmundagi xatboshi qoʻshilsin:

“Ushbu Nizomning 35-bandi “d” kichik bandida nazarda tutilgan davr Qonunning 8-moddasi talablariga rioya etgan holda ish stajiga kiritiladi”.

39-bandga quyidagi mazmundagi xatboshi qoʻshilsin:

“Ushbu bandda nazarda tutilgan ish stajini imtiyozli hisoblash tartibi Qonun boʻyicha tayinlanadigan pensiyalarning barcha turlari uchun qoʻllanadi”;

46-bandga quyidagi mazmundagi xatboshi qoʻshilsin:

“Mazkur Nizomning ushbu bandida, shuningdek 44-bandida nazarda tutilgan ish stajini hisoblash tartibi Qonunga muvofiq pensiyalar tayinlashda qoʻllanadi”;

59-bandga quyidagi mazmundagi xatboshi qoʻshilsin:

“Bunda maʼlumotnomada ishga qabul qilish toʻgʻrisidagi, ish (lavozim) boʻyicha oʻzgarishlar toʻgʻrisidagi va asoslari koʻrsatilgan holda mehnat shartnomasining toʻxtatilishi toʻgʻrisidagi maʼlumotlar koʻrsatilishi kerak. Maʼlumotnoma tashkilot yoki arxiv rahbari, shuningdek maʼlumotnomani tayyorlagan xodim tomonidan imzolanadi va maʼlumotnomani bergan tashkilot yoki arxivning muhri bilan tasdiqlanadi”;

64-bandga quyidagi mazmundagi xatboshi qoʻshilsin:

“Bunda koʻrsatib oʻtilgan (tibbiyot muassasalari tomonidan berilgan mehnatga layoqatsizlik varaqalari bilan tasdiqlangan) davr ish stajiga faqat Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlangan taqdirda kiritiladi”;

83-banddagi, 84-bandning birinchi, ikkinchi, toʻrtinchi va beshinchi xatboshilardagi, 85-bandning birinchi – toʻrtinchi xatboshilardagi hamda va 86-banddagi “amaldagi” soʻzi chiqarib tashlansin;

87-band quyidagi tahrirda bayon qilinsin:

“87. Ushbu Nizomning 35-bandi “d”, “e”, “j” va “z” kichik bandlarida koʻrsatilgan davrlar, shuningdek muddatli harbiy xizmatni oʻtash vaqti, shaxs mehnat faoliyatini amalga oshirmasdan, mehnatda mayiblanish va kasb kasalligiga chalinish oqibatida I yoki II guruh nogironi boʻlib qolgan vaqt ish haqini aniqlashda mehnat faoliyatining oxirgi oʻn yillik davriga kiritilmaydi.

Mehnat faoliyatining oxirgi oʻn yillik davrida ushbu Nizomning 35-bandi “d”, “e”, “j” va “z” kichik bandlarida koʻrsatilgan davrlar, shuningdek muddatli harbiy xizmatni oʻtash vaqti, shaxs mehnat faoliyatini amalga oshirmasdan, mehnatda mayiblanish va kasb kasalligiga chalinish oqibatida I yoki II guruh nogironi boʻlib qolgan vaqt mavjud boʻlgan taqdirda ushbu davrlar mazkur Nizomning 35-bandi “d”, “e”, “j” va “z” kichik bandlarida koʻrsatilgan davrlarga almashtirilishi kerak, muddatli harbiy xizmatni oʻtash vaqti, shaxs mehnat faoliyatini amalga oshirmasdan, mehnatda mayiblanish va kasb kasalligiga chalinish oqibatida I yoki II guruh nogironi boʻlib qolgan vaqt bundan mustasno”;

88-banddagi “Amaldagi” va “amaldagi” soʻzlari chiqarib tashlansin;

89-band quyidagi tahrirda bayon qilinsin:

“89. I yoki II guruh nogironi boʻlib qolgan shaxsning, shuningdek vafot etgan, nogironlik boshlangan yoki vafot etgan vaqtida bir oydan kam ish stajiga ega boʻlgan boquvchining ish haqi ishlangan kunlar uchun ish haqi summasini ishlangan kunlar soniga boʻlish va olingan natijani ushbu oyning ish kunlari soniga koʻpaytirish yoʻli bilan aniqlanadi”;

90 va 91-bandlardagi “amaldagi” soʻzi chiqarib tashlansin;

92, 93 va 94-bandlar quyidagi tahrirda bayon qilinsin:

“92. Pensiya tayinlashni soʻrab murojaat qilgan shaxsning xohishiga koʻra oʻqish davrida toʻlangan stipendiya ish haqiga tenglashtiriladi.

93. Band boʻlgan shaxsning ish haqi miqdori Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga toʻlangan sugʻurta badallari summasidan kelib chiqqan holda aniqlanadi.

94. Ish haqining natura shaklidagi qismi Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga hisoblangan sugʻurta badallari miqdorlaridan kelib chiqqan holda aniqlanadi”;

95-banddagi, 96-bandning birinchi va uchinchi xatboshilardagi “amaldagi” soʻzi chiqarib tashlansin;

97-bandning birinchi xatboshi quyidagi tahrirda bayon qilinsin:

“97. Oʻzbekiston Respublikasining chet elda ishlagan fuqarolarining pensiyasini hisoblash uchun ish haqi Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga toʻlangan sugʻurta badallari summasidan kelib chiqqan holda aniqlanadi”;

98-band quyidagi tahrirda bayon qilinsin:

“98. Oy, yil choragi, yarim yillik, yil yakunlari boʻyicha mukofotlar, shuningdek davr yakunlari boʻyicha toʻlanadigan taqdirlash puli, davlat bayramlari va ishlarning ayrim turlarini bajarganlik uchun bir martalik mukofotlar, shuningdek shunga oʻxshash boshqa toʻlovlar (shu jumladan jamoa xoʻjaliklari aʼzolariga pilla yetishtirish boʻyicha toʻlovlar hamda yillik ish yakunlari boʻyicha qoʻshimcha toʻlovlar), sugʻurta badallari toʻlanishi sharti bilan, ular hisoblangan oy uchun ish haqi tarkibiga kiritiladi.

Xodimga ishdan boʻshaganidan keyin toʻlangan mukofotlar (davr yakunlari boʻyicha taqdirlash puli va yillik ish yakunlari boʻyicha qoʻshimcha toʻlovlar) mehnat shartnomasi toʻxtatilgan oy uchun ish haqi tarkibiga kiritiladi”;

99 va 100-bandlardagi “amaldagi” soʻzi chiqarib tashlansin;

101-bandda:

“amaldagi” soʻzi chiqarib tashlansin;

quyidagi mazmundagi xatboshi qoʻshilsin:

“Agar nogironlik yoki boquvchisini yoʻqotganlik pensiyasini tayinlashda pensiyani hisoblash uchun qabul qilinadigan ish staji besh yildan kam boʻlsa pensiyani hisoblash uchun oʻrtacha oylik ish haqi kalendar ish oylari uchun qayta hisoblangan ish haqi umumiy summasini ushbu oylar soniga boʻlish yoʻli bilan aniqlanadi”;

102, 103 va 105-bandlardagi “amaldagi” soʻzlari chiqarib tashlansin;

109-bandga quyidagi mazmundagi xatboshilar qoʻshilsin:

“Bunda har ikkala ota-onasini yoʻqotgan bolalarga (chin yetimlarga) tayinlanadigan boquvchisini yoʻqotganlik pensiyasi miqdori har ikkala ota-onaning umumiy ish staji miqdoridan kelib chiqqan holda aniqlanadi, yaʼni pensiya tayinlash va talab etiladigandan ortiq staj uchun pensiyani oshirish har ikkala ota-onaning umumiy ish staji miqdori boʻyicha amalga oshiriladi.

Agar ota-onadan birining ish staji va ish haqidan kelib chiqqan holda hisoblangan boquvchisini yoʻqotganlik pensiyasi miqdori har ikkala ota-onaning umumiy ish staji va ish haqidan kelib chiqqan holda hisoblangan boquvchisini yoʻqotganlik pensiyasi miqdoridan koʻp boʻlsa, u holda, chin yetim maqomini saqlab qolgan holda, murojaat etganning xohishi boʻyicha ota-onadan birining ish staji va ish haqidan kelib chiqqan holda hisoblangan pensiyaning eng koʻp miqdori tayinlanadi”;

114-bandga quyidagi mazmundagi xatboshi qoʻshilsin:

“Faxriy unvon uchun qoʻshimcha toʻlov, pensiyaga ustama haqlarning soni va miqdorlaridan qatʼi nazar, amalga oshiriladi”:

115-band quyidagi tahrirda bayon qilinsin:

“115. Boshqa davlatdan kelgan shaxsning, shu jumladan ilgari Oʻzbekiston Respublikasidan ketgan shaxsning pensiya hujjatlari yigʻmajildini hisobga qabul qilib olishda, uning boshqa davlatda pensiya olganligidan qatʼi nazar, pensiya miqdori hisobga qabul qilish toʻgʻrisida murojaat qilingan vaqtda amalda boʻlgan qonun hujjatlari talablariga muvofiq hisoblanadi”;

122-bandga quyidagi mazmundagi xatboshilar qoʻshilsin:

“Boquvchisini yoʻqotganlik pensiyasini olish huquqini aniqlashda vafot etgan boquvchi oilasining nogironlikning III guruhiga ega boʻlgan aʼzolari vafot etgan boquvchi oilasining mehnatga layoqatsiz aʼzolari jumlasiga kiritilmaydi.

Agar vafot etganning bolalari, aka-ukalari, opa-singillari yoki nevaralari parvarishi bilan ular uch yoshga toʻlgungacha band boʻlgan oila aʼzolaridan biri pensiya turlaridan bittasini oluvchi boʻlsa, u holda uning xohishi boʻyicha Qonunning 4-moddasiga muvofiq faqat pensiyaning bitta turi tayinlanadi.

Boquvchisining vafotidan keyin tugʻilgan bolaga boquvchisini yoʻqotganlik pensiyasi ushbu pensiyaga huquqi paydo boʻlgan kundan boshlab, pensiya tayinlash uchun birinchi marta murojaat qilinganda, boquvchi vafot etgan kundan boshlab 6 oydan kechikmay tayinlanadi. Qolgan holatlarda pensiya murojaat qilingan kundan boshlab tayinlanadi”;

129-bandning birinchi xatboshi quyidagi tahrirda bayon qilinsin:

“Staj toʻliq boʻlmagandagi pensiya miqdori Qonunda belgilangan miqdorlardan past boʻlishi mumkin emas”;

136-bandning ikkinchi xatboshidagi “amaldagi” soʻzi chiqarib tashlansin;

137-bandga quyidagi mazmundagi xatboshilar qoʻshilsin:

“Yoshga doir pensiyani nogironlik pensiyasiga oʻtkazishda yoshga doir pensiya tayinlangandan keyin ega boʻlingan ish staji va ish haqi hisobga olinmaydi hamda nogironlik pensiyasini hisoblash uchun oʻrtacha oylik ish haqi ilgari yoshga doir pensiyani tayinlashdan oldingi ishning oxirgi oʻn yilidan kelib chiqqan holda, nogironlik pensiyasini tayinlash vaqtida amalda boʻlgan qonun hujjatlarida nazarda tutilgan pensiyani hisoblash uchun ish haqi va ish stajini hisoblash shartlari qoʻllangan holda aniqlanadi.

Ilgari shaxsning yoshiga doir tayinlangan pensiyani pensiyalarning boshqa turlaridan bittasi boʻyicha toʻlovning toʻxtatilishi munosabati bilan tiklashda yoshga doir pensiya tayinlangandan keyin ega boʻlingan ish staji va ish haqi hisobga olinmaydi va pensiyani hisoblash uchun oʻrtacha oylik ish haqi yoshga doir ilgari tayinlangan pensiyadan oldingi ishning oxirgi oʻn yilidan kelib chiqqan holda, tiklash vaqtida amalda boʻlgan qonun hujjatlarida nazarda tutilgan pensiyani hisoblash uchun ish haqi va ish stajini hisoblash shartlari qoʻllangan holda aniqlanadi.

Boquvchisini yoʻqotganlik pensiyasiga oʻtkazishda pensiya miqdorini hisoblash Qonunning 34-moddasi shartlariga rioya qilgan holda amalga oshiriladi, ish staji esa umumiy tartibda, uchuvchilar va sinovchi uchuvchilar tarkibidagi xodimlarga pensiyalar tayinlash uchun uzoq muddatli xizmat muddatlarini hisoblash tartibida nazarda tutilgan shartlar va normalar qoʻllanmasdan hisoblab chiqiladi (ushbu Nizomga 4-ilova)”;

142-bandning ikkinchi xatboshidagi va 154-banddagi “amaldagi” soʻzi chiqarib tashlansin;

155-bandga quyidagi mazmundagi xatboshilar qoʻshilsin:

“Ilgari boquvchisini yoʻqotganlik pensiyasi tayinlangan bolaga ikkinchi ota-onaning vafoti munosabati bilan pensiya miqdorini ikkinchi boquvchining pensiya miqdoriga taʼsir koʻrsatadigan ish staji va ish haqini hisobga olgan holda qayta hisoblab chiqish pensiya miqdorini qayta hisoblab chiqish uchun murojaat qilingan vaqtda amalda boʻlgan qonun hujjatlariga muvofiq pensiyani hisoblash tartibi qoʻllangan holda amalga oshiriladi.

Pensioner tomonidan pensiya tayinlangungacha ega boʻlingan ish staji va ish haqi toʻgʻrisidagi qoʻshimcha hujjatlarning taqdim etilishi munosabati bilan pensiyani qayta hisoblab chiqishda qayta hisoblash vaqtida amalda boʻlgan ish staji va ish haqini aniqlash tartibi qoʻllanadi, bunda pensiyani qayta hisoblash uchun oʻrtacha oylik ish haqi toʻlanadigan pensiyani tayinlashdan oldingi ishning oxirgi oʻn yilidan kelib chiqqan holda aniqlanadi”;

159-bandda:

quyidagi mazmundagi ikkinchi xatboshi qoʻshilsin:

“Bunda fuqarolik-huquqiy shartnoma boʻyicha ishlayotgan pensionerga pensiya toʻlash ishlayotgan pensionerlar uchun qonun hujjatlarida belgilangan miqdorlarda amalga oshiriladi”;

ikkinchi va uchinchi xatboshilar tegishli ravishda uchinchi va toʻrtinchi xatboshilar deb hisoblansin;

uchinchi xatboshi quyidagi tahrirda bayon qilinsin:

“Tashkilot rahbari pensiyani tayinlagan Pensiya jamgʻarmasining tegishli, boʻlimiga pensioner ishga qabul qilinganligi toʻgʻrisida (fuqarolik-huquqiy shartnoma tuzilganligi toʻgʻrisida) besh kun muddatda xabar qilishi, shuningdek ishga qabul qilinganlik toʻgʻrisidagi buyruqdan koʻchirmani (fuqarolik-huquqiy shartnoma nusxasini) taqdim etishi shart”;

161-bandning birinchi xatboshi quyidagi tahrirda bayon qilinsin:

“Pensioner sogʻligʻining holati va yashash faoliyatining cheklanganligi darajasi oʻzgarganda, TMEKning asossiz qarori holatlari aniqlanganda, nogironlikni belgilashning toʻgʻriligini tekshirishlarda, shuningdek agar TMEK qarori soxta hujjatlar asosida chiqarilgan boʻlsa pensioner belgilangan tartibda oʻtkaziladigan takroriy tibbiy koʻrikdan oʻtkazish uchun kelmagan taqdirda pensiyani toʻlash toʻxtatib qoʻyiladi va u faqat fuqaro TMEKga yangidan murojaat qilgan va I yoki II guruh nogironi deb eʼtirof etilgan kundan boshlab tiklanishi mumkin”;

167-band quyidagi tahrirda bayon qilinsin:

“167. Pensionerning doimiy propiskasi boʻlmasa va u faqat vaqtincha propiska qilingan boʻlsa (Toshkent shahrida va Toshkent viloyatida kelgan joyi boʻyicha hisobga olinmagan boʻlsa) pensiya vaqtinchalik propiska (Toshkent shahrida va Toshkent viloyatida kelgan joyi boʻyicha hisobga olish)ning amal qiladigan muddati mobaynida toʻlanadi. Oʻzbekiston Respublikasida doimiy yashaydigan xorijiy fuqaroga yoki fuqaroligi boʻlmagan shaxsga pensiya yashash hujjati amal qiladigan muddat davomida toʻlanadi”;

172-bandga quyidagi mazmundagi xatboshi qoʻshilsin:

“Pensionerning sud hukmi boʻyicha qamoq joylarida boʻlgan vaqti uchun pensiya toʻlanmaydi. Pensioner ozod boʻlgandan keyin pensiyani toʻlash Pensiya jamgʻarmasi boʻlimiga ariza berilgan kundan boshlab tiklanadi”.

175-bandning ikkinchi xatboshida oʻzbek tilidagi matn oʻzgarishsiz qoladi;

177-bandga quyidagi mazmundagi xatboshi qoʻshilsin:

“Oʻzbekiston Respublikasi pensiya taʼminoti toʻgʻrisida xalqaro shartnomalar tuzgan Oʻzbekiston Respublikasi tashqarisidagi davlatga doimiy yashash uchun ketilgan kungacha tayinlangan pensiya turar joyidan roʻyxatdan chiqqan oyning oxirigacha toʻlanadi”;

201-banddagi, 12 va 13-ilovalarning nomidagi “amaldagi” soʻzi chiqarib tashlansin.

3. Pensiyani hisoblash uchun qabul qilinadigan amaldagi ish haqini ish haqining yakka tartibdagi koeffitsiyentlarini qoʻllagan holda qayta hisoblab chiqish tartibi toʻgʻrisidagi Nizomda (2-ilova):

Nizomning nomidagi, 1—3-bandlardagi, 4-bandning birinchi va toʻrtinchi xatboshilardagi, 5-banddagi, 8-bandning birinchi va uchinchi xatboshilardagi, 9-bandning uchinchi xatboshidagi va 11-banddagi “amaldagi” soʻzi chiqarib tashlansin.

12 va 13-bandlar quyidagi tahrirda bayon qilinsin:

“12. Pensiya miqdori ish haqining yakka tartibdagi koeffitsiyentini qoʻllagan holda quyidagi holatlarda murojaat qilingan sanada qayta hisoblab chiqiladi:

pensioner tomonidan pensiya miqdoriga taʼsir koʻrsatadigan (ish staji yoki ish haqi toʻgʻrisidagi va boshqa) qoʻshimcha hujjatlar taqdim etilganda;

pensiyaning bir turi pensiyaning boshqa turiga oʻtkazilganda;

boshqa davlatdan kelgan shaxsning, shu jumladan ilgari Oʻzbekiston Respublikasidan ketgan shaxsning pensiya hujjatlari yigʻmajildi hisobga qabul qilib olinganda, u pensiyani boshqa davlatda olganligi holatidan qatʼi nazar;

bitta boquvchining vafoti munosabati bilan boquvchisini yoʻqotganlik pensiyasi olayotgan shaxsga ikkinchi boquvchisining vafoti munosabati bilan chin yetim sifatida boquvchisini yoʻqotganlik pensiyasi rasmiylashtirilganda.

Bunda ish haqining yakka tartibdagi koeffitsiyentini qoʻllagan holda tayinlangan (qayta hisoblab chiqilgan) pensiya pensioner tomonidan pensiya miqdoriga taʼsir koʻrsatadigan (ish staji yoki ish haqi toʻgʻrisidagi va boshqa) qoʻshimcha hujjatlar taqdim etilgan taqdirda pensiyani tayinlashda (qayta hisoblab chiqishda) dastlab aniqlangan eng kam ish haqining oʻrtacha oylik miqdorini hisoblab chiqish asos qilib olingan holda hamda Oʻzbekiston Respublikasi Prezidentining farmonlariga muvofiq mutanosib ravishda pensiya miqdorini oshirgan holda qayta hisoblab chiqiladi.

13. 2011-yil 1-oktabrgacha va undan keyin tayinlangan pensiyalarni hisoblash uchun qabul qilinadigan ish haqi quyidagi hollarda ish haqining yakka tartibdagi koeffitsiyentini qoʻllagan holda qayta hisoblab chiqilmaydi:

I va II guruhlar nogironlarining nogironlik guruhi oʻzgarganda yoki ularga pensiyalar toʻlash muddati uzaytirilganda;

boquvchisini yoʻqotganlik pensiyasi olayotgan oila aʼzolari soni oʻzgarganda;

faxriy unvonlar uchun pensiyaga ustama haq va qoʻshimcha toʻlovlar belgilanganda;

boquvchisini yoʻqotganlik pensiyasi oluvchiga ulush ajratilganda;

ilgari toʻxtatib qoʻyilgan pensiyalarni toʻlash tiklanganda;

pensioner Oʻzbekiston Respublikasi doirasida doimiy yashash uchun boshqa tuman (shahar)ga ketganda.

Bunda oxirgi marta 2011-yil 1-oktabrgacha qayta hisoblab chiqilgan pensiyalar miqdorlari Oʻzbekiston Respublikasi Prezidentining farmonlariga binoan oshirishlarni hisobga olgan holda qayta hisoblab chiqiladi”;

14-bandning birinchi va ikkinchi xatboshilardagi hamda 17-banddagi “amaldagi” soʻzi chiqarib tashlansin;

Nizomga 2-ilovaning nomidagi, 3-bandning birinchi xatboshidagi va jadvalidagi “amaldagi” soʻzi chiqarib tashlansin.