“Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Prezidentining “Ommaviy axborot vositalarini yanada rivojlantirish uchun qoʻshimcha soliq imtiyozlari va afzalliklar berish toʻgʻrisida” 2011-yil 30-dekabrdagi PQ-1672-son va “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2011-yil 30-dekabrdagi PQ-1675-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 2003-yil 1-iyuldagi 296-son qarori (Oʻzbekiston Respublikasi QT, 2003-y., 7-son 54-modda) bilan tasdiqlangan Neft mahsulotlari sotuvchi korxonalarning cheklangan ustamalarini shakllantirish toʻgʻrisidagi nizomda:

9-bandning ikkinchi xatboshiga “budjetga oʻtkaziladigan mablagʻlardan” soʻzlaridan keyin “yagona soliq toʻlovi toʻlashga oʻtilganda – yagona soliq toʻlovidan” soʻzlari qoʻshilsin;

14-banddagi “yalpi daromadga soliqni hisoblab chiqishda” soʻzlari “yagona soliq toʻlovini hisoblab chiqishda” soʻzlari bilan almashtirilsin;

quyidagi mazmundagi 14-1-band qoʻshilsin:

“14-1. Chakana narx bilan belgilangan cheklangan ustamadan ortiq boʻlgan xarid narxi oʻrtasidagi tafovutni hisoblab chiqish va toʻlash tartibi Oʻzbekiston Respublikasi Davlat soliq qoʻmitasi bilan birgalikda Moliya vazirligi tomonidan belgilanadi”.

3. Vazirlar Mahkamasining “2009 — 2012-yillarda charm-poyabzal sanoati korxonalarini yanada rivojlantirish va modernizatsiya qilish hamda tayyor charm tovarlar ishlab chiqarish hajmlarini koʻpaytirish chora-tadbirlari toʻgʻrisida” 2009-yil 17-iyundagi 169-son qarorida:

5-banddagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin;

3-ilovaning nomidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin.

4. Vazirlar Mahkamasining “Respublikada ishlab chiqarilmaydigan, sut va goʻsht yetishtirish va qayta ishlashda foydalaniladigan, bojxona toʻlovlaridan ozod qilinishi kerak boʻlgan (bojxona rasmiylashtiruvi yigʻimlari bundan mustasno) texnologik uskunaga ehtiyot qismlar, yordamchi materiallar, ingrediyentlar, komponentlar roʻyxatini tasdiqlash toʻgʻrisida” 2009-yil 23-iyuldagi 212-son qarorining 1-bandidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin.

5. Vazirlar Mahkamasining 2010-yil 5-apreldagi 63-son qarori (Oʻzbekiston Respublikasi QT, 2010-y., 4-son, 15-modda) bilan tasdiqlangan Avtotransport vositalarini vaqtincha saqlash boʻyicha pulli xizmatlar koʻrsatish faoliyatini amalga oshirish tartibi toʻgʻrisidagi nizomning 3-bandi ikkinchi xatboshidagi “va aniq jismoniy shaxslarga biriktiriladigan” soʻzlari “ularda avtotransport vositalarini saqlash joylari aniq jismoniy shaxslarga biriktirilgan” soʻzlari bilan almashtirilsin.

6. Vazirlar Mahkamasining 2011-yil 7-yanvardagi 6-son qarori (Oʻzbekiston Respublikasi QT, 2011-y., 1-son, 3-modda) bilan tasdiqlangan Xususiy tadbirkorlar yuridik shaxs tashkil etmasdan shugʻullanishi mumkin boʻlgan faoliyat turlari roʻyxatida:

a) 1-band quyidagi tahrirda bayon qilinsin*:

b) quyidagi mazmundagi 3-1-band qoʻshilsin:

7. Vazirlar Mahkamasining “Paxta tolasini sotishning ichki va amaldagi narxlari oʻrtasidagi ijobiy tafovutdan tushadigan mablagʻlarning bir qismini jamlash va ulardan fermer xoʻjaliklarining foydalanishi tartibi toʻgʻrisida” 2011-yil 4-fevraldagi 30-son qarorida (Oʻzbekiston Respublikasi QT, 2011-y., 2-son, 7-modda):

a) muqaddima quyidagi tahrirda bayon qilinsin:

Oʻzbekiston Respublikasi Prezidentining “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2011-yil 30-dekabrdagi PQ-1675-son qarorini bajarish yuzasidan, shuningdek davlat ehtiyojlari uchun paxta xomashyosi yetishtiradigan fermer xoʻjaliklarini ragʻbatlantirish maqsadida Vazirlar Mahkamasi qaror qiladi”;

3-bandning toʻrtinchi xatboshiga “Oʻzagromashservis” uyushmasi” soʻzlaridan keyin “Agrotexservis” MChJ, “Oʻzqishloqxoʻjalikmashlizing” ALK, “Oʻzmashlizing” ShK” soʻzlari qoʻshilsin;

b) Paxta tolasini sotishning ichki va amaldagi narxlari oʻrtasidagi ijobiy tafovutdan tushadigan mablagʻlarning bir qismini jamlash va ulardan fermer xoʻjaliklarining foydalanishi tartibi toʻgʻrisidagi nizomda:

1-band quyidagi tahrirda bayon qilinsin:

“1. Mazkur Nizom Oʻzbekiston Respublikasi Prezidentining “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2011-yil 30-dekabrdagi PQ-1675-son qaroriga muvofiq paxta tolasini sotishning ichki (sotish boʻyicha xarajatlarni hisobga olgan holda) va amaldagi narxlari oʻrtasidagi ijobiy tafovutning (keyingi oʻrinlarda ijobiy tafovut deb ataladi) 50 foizini jamlash va ulardan paxta xomashyosi yetishtirayotgan fermer xoʻjaliklarining foydalanishi tartibini belgilaydi”;

3-band quyidagi tahrirda bayon qilinsin:

“3. Ijobiy tafovutning 50 foizi miqdoridagi mablagʻlarni jamlash va ulardan maqsadli foydalanish uchun xizmat koʻrsatuvchi bankda belgilangan tartibda Oʻzbekiston Respublikasi Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasiga (keyingi oʻrinlarda Jamgʻarma deb ataladi), “Paxtasanoat” hududiy aksiyadorlik birlashmalari tashkilotlariga va paxta tozalash korxonalariga, “Oʻzkimyosanoat” davlat-aksiyadorlik kompaniyasi, “Oʻzbekenergo” davlat-aksiyadorlik kompaniyasi, “Oʻzneftmahsulot” aksiyadorlik kompaniyasi, “Oʻzagromashservis” uyushmasi, “Agrotexservis” masʼuliyati cheklangan jamiyat, “Oʻzqishloqxoʻjalikmashlizing” aksiyadorlik lizing kompaniyasi, “Oʻzmashlizing” shuʼba korxonasi tashkilotlariga (keyingi oʻrinlarda xizmat koʻrsatuvchi tarmoqlar deb ataladi), shuningdek fermer xoʻjaliklariga 23226-son maxsus hisob raqami ochiladi”;

6-banddagi “25” raqami “50” raqami bilan almashtirilsin;

11-bandda:

quyidagi mazmundagi ikkinchi xatboshi qoʻshilsin:

“Oʻzqishloqxoʻjalikmashlizing” ALK, “Oʻzmashlizing” ShK”ning 23226-maxsus hisob raqamlariga tushadigan mablagʻlar Vazirlar Mahkamasining “Qishloqni lizing shartlarida qishloq xoʻjaligi texnikasi bilan taʼminlash chora-tadbirlari toʻgʻrisida” 2000-yil 2-noyabrdagi 424-son qaroriga muvofiq toʻlov topshiriqlari bilan toʻliq hajmda Oʻzbekiston Respublikasi Davlat budjeti va budjetdan tashqari fondlar, shuningdek Oʻzbekiston Respublikasi Moliya vazirligi huzuridagi Qishloq xoʻjaligini texnika bilan taʼminlashni davlat tomonidan qoʻllab-quvvatlash jamgʻarmasi oldidagi qarzlarni toʻlashga yoʻnaltiriladi”;

ikkinchi xatboshi uchinchi xatboshi deb hisoblansin.

8. Vazirlar Mahkamasining 2010-yil 13-maydagi 325–f-son farmoyishida:

1-banddagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin;

ilovaning nomidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin.

1. Vazirlar Mahkamasining “Muddatli xizmat harbiy xizmatchilariga va ularning oila aʼzolariga qoʻshimcha imtiyozlar toʻgʻrisida” 1994-yil 3-oktabrdagi 496-son qarorining 4-bandi (Oʻzbekiston Respublikasi QT, 1994-y., 10-son, 47-modda).

2. Vazirlar Mahkamasining “Tadbirkorlik faoliyati bilan shugʻullanuvchi jismoniy shaxslardan soliqlar va yigʻimlar undirishni tartibga solish toʻgʻrisida” 1997-yil 23-oktabrdagi 483-son qarorining 5-bandi (Oʻzbekiston Respublikasi QT, 1997-y., 10-son, 35-modda).

3. Vazirlar Mahkamasining 2006-yil 10-martdagi 42-son qarori (Oʻzbekiston Respublikasi QT, 2006-y., 3-son, 19-modda) bilan tasdiqlangan Meva-sabzavotchilik va uzumchilik sohasida agrosanoat firmalari tashkil etish va ularning faoliyatini yoʻlga qoʻyish tartibi toʻgʻrisidagi nizomning VIII boʻlimi.

4. Vazirlar Mahkamasining “2009 — 2011-yillarda toʻqimachilik sanoati korxonalarini yanada rivojlantirish va modernizatsiya qilish hamda mahalliy nooziq-ovqat isteʼmol tovarlari ishlab chiqarishni kengaytirish chora-tadbirlari toʻgʻrisida” 2009-yil 20-avgustdagi 236-son qarorining 8-bandi.