Ushbu Bayonnomada ishtirok etuvchi davlatlar,

oʻlim jazosini bekor qilish inson qadr-qimmatini mustahkamlashga va inson huquqlarining progressiv rivojlanishiga koʻmaklashadi deb hisoblab,

1948-yil 10-dekabrda qabul qilingan Inson huquqlari umumjahon deklaratsiyasining 3-moddasi va 1966-yil 16-dekabrda qabul qilingan Fuqaroviy va siyosiy huquqlar toʻgʻrisidagi xalqaro paktning 6-moddasiga tayanib,

Fuqaroviy va siyosiy huquqlar toʻgʻrisidagi xalqaro paktning oʻlim jazosini bekor qilishga taalluqli 6-moddasi aniq ifodalanganligi bekor qilishning maqsadga muvofiqligining asosli koʻrsatkichi hisoblanishini taʼkidlab,

oʻlim jazosini bekor qilish boʻyicha barcha choralarni yashashga boʻlgan huquqni taʼminlashdagi taraqqiyot sifatida koʻrib chiqilishiga ishonch hosil qilib,

bekor qilishning maqsadga muvofiqligining asosli koʻrsatkichi boʻlgan oʻlim jazosini bekor qilishga taalluqli siyosiy huquqlarda oʻlim jazosini bekor qilish toʻgʻrisidagi xalqaro majburiyatni oʻz zimmasiga olish istagini bildirib,

quyidagilar toʻgʻrisida kelishib oldilar:

1. Mazkur Bayonnomaning ishtirokchisi boʻlgan davlatlari yurisdiksiyasi ostida boʻlgan hech bir shaxs oʻlim jazosiga tortilmaydi.

2. Har bir ishtirokchi-davlat oʻz yurisdiksiyasi doirasida oʻlim jazosini bekor qilish uchun barcha zarur choralarni koʻradi.

1. Ushbu Bayonnomaga hech qanday qoʻshimcha shart qoʻshishga yoʻl qoʻyilmaydi, ratifikatsiya qilish yoki unga qoʻshilish paytida qilingan, yaʼni urush vaqtida sodir etilgan harbiy xarakterdagi eng ogʻir jinoyatlarni sodir etishdagi aybi tan olinganidan keyin urush vaqtida oʻlim jazosini qoʻllashni nazarda tutadigan qoʻshimcha shart bundan mustasno.

2. Shunday qoʻshimcha shartni kiritayotgan ishtirokchi-davlat ratifikatsiya qilish yoki unga qoʻshilish paytida Birlashgan Millatlar Tashkiloti Bosh kotibiga urush vaqtida qoʻllaniladigan oʻz milliy qonunchiligining tegishli qoidalari toʻgʻrisida xabar beradi.

3. Shunday qoʻshimcha shartni kiritgan ishtirokchi-davlat Birlashgan Millatlar Tashkiloti Bosh kotibini oʻz hududiga nisbatan har qanday urush holatining boshlanishi yoki toʻxtatilishi toʻgʻrisida xabardor qiladi.

Mazkur Bayonnomaning ishtirokchisi boʻlgan davlatlar Paktning 40-moddasiga muvofiq Inson huquqlari boʻyicha qoʻmitaga taqdim etadigan maʼruzalariga ushbu Bayonnomani amalga oshirish uchun ular tomonidan koʻrilgan choralar toʻgʻrisidagi axborotni kiritadi.

41-moddaga muvofiq bayonot bergan Paktning ishtirokchisi boʻlgan davlatlarga nisbatan Inson huquqlari boʻyicha qoʻmitaning har qanday ishtirokchi-davlatning boshqa ishtirokchi-davlat oʻz majburiyatlarini bajarmayotganini daʼvo qilgani toʻgʻrisidagi xabarlarni qabul qilish va ularni koʻrib chiqish vakolati, agar faqat manfaatdor ishtirokchi-davlat ratifikatsiya qilish yoki unga qoʻshilish paytida buning aksi toʻgʻrisida bayonot bermagan boʻlsa, mazkur Bayonnoma qoidalariga nisbatan amal qiladi.

1966-yil 16-dekabrda qabul qilingan Fuqarolik va siyosiy huquqlar toʻgʻrisidagi xalqaro paktga birinchi Fakultativ bayonnomasining ishtirokchisi boʻlgan davlatlarga nisbatan Inson huquqlari boʻyicha qoʻmitaning ularning yurisdiksiyasi ostida boʻlgan ayrim shaxslarning xabarlarini olish va koʻrib chiqish vakolati, agar faqat manfaatdor ishtirokchi-davlat ratifikatsiya qilish yoki unga qoʻshilish paytida buning aksi toʻgʻrisida bayonot bermagan boʻlsa, mazkur Bayonnoma qoidalariga nisbatan amal qiladi.

1. Mazkur Bayonnomaning qoidalari Paktga qoʻshimcha qoidalar sifatida qoʻllaniladi.

2. Mazkur Bayonnomaning 2-moddasiga muvofiq izohlar kiritish imkoniyatiga zarar yetkazmagan holda ushbu Bayonnomaning 1-moddasi 1-bandida kafolatlangan huquq Paktning 4-moddasiga binoan undan hech qanday chekinishga yoʻl qoʻymaydi.

1. Mazkur Bayonnoma Paktni imzolagan har qanday davlatning imzolashi uchun ochiq.

2. Mazkur Bayonnoma Paktni ratifikatsiya qilgan yoki unga qoʻshilgan har qanday davlat tomonidan ratifikatsiya qilinishi kerak. Ratifikatsiya yorliqlari Birlashgan Millatlar Tashkiloti Bosh kotibiga saqlash uchun topshiriladi.

3. Mazkur Bayonnoma Paktni ratifikatsiya qilgan yoki unga qoʻshilgan har qanday davlatning qoʻshilishi uchun ochiq.

4. Qoʻshilish Birlashgan Millatlar Tashkiloti Bosh kotibiga qoʻshilish toʻgʻrisidagi hujjatni topshirish yoʻli bilan amalga oshiriladi.

5. Birlashgan Millatlar Tashkiloti Bosh kotibi mazkur Bayonnomani imzolagan yoki unga qoʻshilgan davlatlarni har bir ratifikatsiya yorligʻi yoki qoʻshilish toʻgʻrisidagi hujjat topshirilgani haqida xabardor qiladi.

1. Mazkur Bayonnoma Birlashgan Millatlar Tashkiloti Bosh kotibiga oʻninchi ratifikatsiya yorligʻi yoki qoʻshilish toʻgʻrisidagi hujjat topshirilgan kundan boshlab uch oy oʻtgandan keyin kuchga kiradi.

2. Ushbu Bayonnoma oʻninchi ratifikatsiya yorligʻi yoki qoʻshilish toʻgʻrisidagi hujjat topshirilgandan keyin mazkur Bayonnomani ratifikatsiya qilgan yoki unga qoʻshilgan har bir davlat uchun ushbu Bayonnomaning oʻz ratifikatsiya yorligʻi yoki qoʻshilish toʻgʻrisidagi hujjat topshirilgan kundan boshlab uch oy oʻtgandan keyin kuchga kiradi.

Mazkur Bayonnomaning qoidalari federativ davlatlarning barcha qismlarida hech bir cheklash yoki istisnolarsiz amal qiladi.

Birlashgan Millatlar Tashkiloti Bosh kotibi Paktning 48-moddasi 1-bandida keltirilgan barcha davlatlarga quyidagilar toʻgʻrisida xabar qiladi:

a) mazkur Bayonnomaning 2-moddasiga muvofiq shartlar, xabarlar va bildirgilar;

b) mazkur Bayonnomaning 4- yoki 5-moddalariga muvofiq qilingan bayonotlar;

s) mazkur Bayonnomaning 7-moddasiga muvofiq imzolashlar, ratifikatsiya va qoʻshilishlar;

d) mazkur Bayonnomaning 8-moddasiga muvofiq Bayonnomaning kuchga kirgan sanasi toʻgʻrisida.

1. Mazkur Bayonnomaning ingliz, arab, ispan, xitoy, rus va fransuz tillaridagi matnlari aynan bir xil boʻlib, Birlashgan Millatlar Tashkiloti arxiviga saqlash uchun topshiriladi.

2. Birlashgan Millatlar Tashkiloti Bosh kotibi mazkur Bayonnomaning tasdiqlangan nusxalarini Paktning 48-moddasida koʻrsatilgan barcha davlatlarga yuboradi.