Kichik va xususiy tadbirkorlik subyektlarini moddiy-xomashyo resurslari bilan ta’minlash va ular tomonidan ishlab chiqarilayotgan mahsulotlarni birja orqali sotish uchun qulay shart-sharoitlar yaratish maqsadida Vazirlar Mahkamasi qaror qiladi:

1. Vazirlar Mahkamasining “Tovar-xomashyo birjalari faoliyatini takomillashtirishga doir qo‘shimcha chora-tadbirlar to‘g‘risida” 2004-yil 31-maydagi 251-son qaroriga (O‘zbekiston Respublikasi QT, 2004-y., 5-son, 50-modda) ilovaga muvofiq o‘zgartirish va qo‘shimchalar kiritilsin.

2. Vazirliklar va idoralar bir oy muddatda idoraviy normativ-huquqiy hujjatlarning ushbu qarorga muvofiqlashtirilishini ta’minlasinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.

1. 1-bandning to‘rtinchi xatboshi quyidagi tahrirda bayon qilinsin:

“ko‘rgazma-yarmarka savdolari — birjalarning ixtisoslashtirilgan savdo maydonchalarida ular tomonidan tasdiqlanadigan qoidalariga muvofiq tovarlar oldindan majburiy ko‘zdan kechirilishi hisobga olingan holda yoki mijozlar — jismoniy va yuridik shaxslarga taqdim etiladigan ko‘rgazma-yarmarka savdolarining elektron tizimiga Internet orqali to‘g‘ridan-to‘g‘ri kirish rejimida amalga oshiriladi”.

2. 3-bandda:

a) ikkinchi xatboshi quyidagi tahrirda bayon qilinsin:

“ko‘rgazma-yarmarka savdolari elektron tizimiga Internet orqali to‘g‘ridan-to‘g‘ri kirish rejimida va savdo maydonchalarida, shu jumladan ixtisoslashtirilgan qurilish materiallari bozorlari hududlarida ulgurji savdo qilish huquqi faqat tovar-xomashyo birjalari a’zolariga, ularda savdoni amalga oshirish huquqiga tegishli ruxsat beruvchi hujjatlar mavjud bo‘lganda beriladi”.

b) quyidagi mazmundagi oltinchi xatboshi qo‘shilsin:

“jismoniy shaxslar, shuningdek birja a’zolari bo‘lmagan yuridik shaxslar ko‘rgazma-yarmarka savdolarida brokerlar orqali yoki birja tomonidan tasdiqlanadigan qoidalarga muvofiq mustaqil ravishda ishtirok etishi mumkin”.

3. 4-bandga quyidagi mazmundagi beshinchi — yettinchi xatboshi qo‘shilsin:

“ishlab chiqaruvchilarga va birinchi navbatda, kichik biznes va xususiy tadbirkorlik subyektlariga mahsulotlarni sotish, shuningdek bitimlar bo‘yicha elektron hisob-kitoblarni elektron to‘lov tizimi orqali amalga oshirish imkonini beradigan Internet orqali savdo tizimiga to‘g‘ridan-to‘g‘ri kirish rejimida ko‘rgazma-yarmarka savdolarida ishtirok etish imkoniyatini ta’minlash;

birja a’zolariga ixtisoslashtirilgan savdo maydonchalari orqali birja savdolari tizimiga kirish, savdolar natijalariga ko‘ra tuzilgan bitimlarni ro‘yxatdan o‘tkazish va qonun hujjatlarida belgilangan tartibda ular bo‘yicha elektron hisob-kitoblarni amalga oshirish imkonini berish;

birja a’zolariga ko‘rgazma-yarmarka savdolari tizimiga Internet orqali to‘g‘ridan-to‘g‘ri kirish rejimida belgilangan tartibda birja savdolariga kirish imkonini nazarda tutish tavsiya etilsin”.

4. 5-bandga quyidagi mazmundagi to‘rtinchi xatboshi qo‘shilsin:

“ko‘rgazma-yarmarka savdolarida birja orqali sotish taqiqlanmagan va sotishga maxsus tartib joriy qilinmagan tovarlarning barcha turlari (ishlar, xizmatlar) sotilishi mumkin”.

5. 8-bandga quyidagi mazmundagi to‘rtinchi xatboshi qo‘shilsin:

“Belgilansinki, “O‘zbekiston respublika tovar-xomashyo birjasi” aksiyadorlik jamiyatining birja bitimlaridan undiriladigan vositachilik yig‘imlari cheklangan miqdorlariga deklaratsiya to‘ldirishda, birja tovarlarining moddiy balanslarini ishlab chiqish va ularni amalga oshirish yuzasidan monitoringni amalga oshiradigan Iqtisodiyot vazirligining budjetdan tashqari jamg‘armasiga o‘tkaziladigan “O‘zbekiston respublika tovar-xomashyo birjasi” aksiyadorlik jamiyatining yuqori likvidli tovarlar turlarini sotish bo‘yicha xizmatlari uchun 0,075% miqdoridagi vositachilik yig‘imlari hisobga olinadi”;

to‘rtinchi xatboshi beshinchi xatboshi deb hisoblansin.

6. 9-band quyidagi tahrirda bayon qilinsin:

“O‘zbekiston respublika tovar-xomashyo birjasining xodimlarning cheklangan umumiy soni 100 nafar bo‘lgan tashkiliy tuzilmasi 1-ilovaga muvofiq ma’qullansin.

“O‘zbekiston respublika tovar-xomashyo birjasi” ochiq aksiyadorlik jamiyati boshqaruvi raisi birjaning tashkiliy tuzilmasiga xodimlarning belgilangan soni doirasida belgilangan tartibda o‘zgartirishlar kiritish huquqiga ega ekanligi ma’lumot uchun qabul qilinsin”.

7. Qarorga 1-ilova matni quyidagi tahrirda bayon qilinsin: