O‘zbekiston Respublikasi Prezidentining “O‘zbekiston Respublikasining fan va texnika, adabiyot, san’at va me’morchilik sohasidagi Davlat mukofotlarini ta’sis etish to‘g‘risida” 2006-yil 25-iyuldagi PF-3781-son Farmonini bajarish yuzasidan Vazirlar Mahkamasi qaror qiladi:
Oldingi tahrirga qarang.
1. Adabiyot, san’at va me’morchilik sohasidagi davlat mukofotlariga talabgorlar bo‘yicha tavsiyanomalarni ko‘rib chiqish va adabiyot, san’at va me’morchilik sohasidagi davlat mukofotlarini berish bo‘yicha takliflar tayyorlash reglamenti 1-ilovaga muvofiq tasdiqlansin.
(1-band O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Oldingi tahrirga qarang.
2. O‘zbekiston Respublikasi Madaniyat vazirligiga Vazirlar Mahkamasi huzuridagi O‘zbekiston Respublikasining adabiyot, san’at va me’morchilik sohasidagi Davlat mukofotlari bo‘yicha kengashning ishchi organi vazifasini bajarish yuklansin.
(2-band O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Vazirlar Mahkamasi huzuridagi O‘zbekiston Respublikasining fan va texnika, adabiyot, san’at va me’morchilik sohasidagi Davlat mukofotlari bo‘yicha kengashi O‘zbekiston Respublikasi Vazirlar Mahkamasi huzuridagi Davlat mukofotlari qo‘mitasi tugatilishini hamda mazkur qo‘mitaning asosiy vositalari va boshqa mulkining Madaniyat va sport ishlari vazirligi balansiga o‘tkazilishini belgilangan tartibda tashkil qilsin.
4. O‘zbekiston Badiiy akademiyasi uch kun muddatda Davlat mukofoti laureatlari diplomi, guvohnomasi va ko‘krak nishonining eng yaxshi namunasi uchun ochiq tanlov e’lon qilsin va ikki oy muddat ichida tanlov yakunlari bo‘yicha Vazirlar Mahkamasiga tegishli taklif taqdim etsin.
5. O‘zbekiston Respublikasi Moliya vazirligi 2007-yildan boshlab “O‘zbekiston Respublikasi Davlat mukofoti laureati” diplomi, faxriy nishoni va uning guvohnomasini tayyorlash, mukofotga tavsiya etilgan ishlarni mustaqil ekspertizadan o‘tkazish bilan bog‘liq xarajatlarni qoplash, Davlat mukofotlari laureatlariga pul mukofotini to‘lash uchun respublika budjetidan mablag‘ ajratilishini nazarda tutsin.
Oldingi tahrirga qarang.
6. O‘zbekiston Respublikasining adabiyot, san’at va me’morchilik sohasidagi Davlat mukofotlarini to‘lashga pul mablag‘larini ajratish tartibi to‘g‘risida nizom 2-ilovaga muvofiq tasdiqlansin.
(6-band O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
7. O‘zbekiston Respublikasi Hukumatining 3-ilovaga muvofiq ayrim qarorlari o‘z kuchini yo‘qotgan deb hisoblansin.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R. Qosimov zimmasiga yuklansin.
Oldingi tahrirga qarang.
(ilova nomi O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Oldingi tahrirga qarang.
1. Ushbu Reglament O‘zbekiston Respublikasining adabiyot, san’at va me’morchilik sohasidagi Davlat mukofotlariga (keyingi o‘rinlarda Davlat mukofotlari deb ataladi) talabgorlar bo‘yicha tavsiyanomalarni qabul qilish, ularning Davlat mukofotlariga taqdim etilayotgan ishlarini keng muhokama va ekspertizadan o‘tkazish, muhokama natijalari va ekspertiza xulosalari asosida Davlat mukofotlari berish bo‘yicha takliflar tayyorlash tartibini belgilaydi.
(1-band O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Oldingi tahrirga qarang.
2. Davlat mukofotlariga talabgorlar bo‘yicha tavsiyanomalar va talabgorlarning tegishli ishlarini Vazirlar Mahkamasi huzuridagi O‘zbekiston Respublikasining adabiyot, san’at va me’morchilik sohasidagi Davlat mukofotlari bo‘yicha kengash (keyingi o‘rinlarda Kengash) ko‘rib chiqadi.
(2-band O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Davlat mukofotlariga talabgorlar bo‘yicha tavsiyanomalar qabul qilish boshlanganligini, hujjatlarni qabul qilish muddatlari va tartibini respublika markaziy nashrlarida mukofot beriladigan yildan avvalgi yilning 25-oktabrigacha e’lon qiladi;
Davlat mukofotlariga talabgorlarning hujjatlari e’lon chiqqan kundan boshlab uch oy davomida (kechi bilan mukofotlar beriladigan yilning 25-yanvarigacha) ishchi organlar tomonidan qabul qilinishini tashkil etadi;
Oldingi tahrirga qarang.
qabul qilingan hujjatlarning O‘zbekiston Respublikasining adabiyot, san’at va me’morchilik sohasidagi Davlat mukofotlari to‘g‘risidagi nizom (keyingi o‘rinlarda Davlat mukofotlari to‘g‘risidagi nizom deb ataladi) talablariga muvofiqligini ko‘rib chiqadi, Davlat mukofotlariga nomzodlar ro‘yxatini shakllantiradi va bu ro‘yxatni tegishli ishlarning qisqacha tavsifi bilan respublika markaziy nashrlarida (kechi bilan mukofot beriladigan yilning 25-fevraliga qadar) e’lon qiladi;
(3-bandning to‘rtinchi xatboshi O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qarori tahririda — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Davlat mukofotlariga nomzodlar ro‘yxati e’lon qilingan kundan boshlab uch oy davomida tegishli ishlarning mutasaddi tashkilotlar va mutaxassislar tomonidan ekspertizadan o‘tkazilishini hamda ommaviy axborot vositalari orqali keng muhokamasini tashkil qiladi;
ekspertiza xulosalari va muhokama natijalariga ko‘ra Davlat mukofotlarini berishga oid tegishli taklif tayyorlaydi va uni O‘zbekiston Respublikasi Prezidentiga (kechi bilan mukofot beriladigan yilning 25-iyuliga qadar) taqdim etadi;
Davlat mukofotlariga tavsiyanomalarni qabul qilish va saqlash, mukofotlarga nomzodlar ishlarini mutasaddi tashkilotlar va mutaxassislar ekspertizasidan o‘tkazish tartibi to‘g‘risidagi yo‘riqnomalarni tasdiqlaydi.
Oldingi tahrirga qarang.
(6-bandning ikkinchi xatboshisi O‘zbekiston Respublikasi Vazirlar Mahkamasining 2019-yil 27-noyabrdagi 953-sonli qaroriga asosan chiqarilgan — Qonun hujjatlari ma’lumotlari milliy bazasi, 28.11.2019-y., 09/19/953/4083-son)
Oldingi tahrirga qarang.
(6-bandning uchinchi xatboshisi O‘zbekiston Respublikasi Vazirlar Mahkamasining 2017-yil 11-maydagi 270-sonli qarori tahririda — O‘R QHT, 2017-y., 19-son, 345-modda)
7. Davlat mukofotiga talabgor bo‘yicha tavsiyanomada muallif (mualliflar jamoasi uchun — har bir muallif)ning familiyasi, ismi, otasining ismi, tug‘ilgan yili va joyi, yashash manzili, fuqaroligi, ishlash joyi yoki faoliyat turi, ilmiy darajasi, ilmiy unvoni, faxriy unvoni, ilmiy, ijodiy ishlari, adabiy, badiiy asarlarining e’tirofi sifatida unga berilgan boshqa mukofot va sovrinlar, Davlat mukofotlari to‘g‘risidagi nizomda belgilangan mezonlar asosida respublika fani va madaniyatiga qo‘shgan hissasini asoslovchi ma’lumotlar keltiriladi.
Tavsiyanomaga talabgorlarning Davlat mukofotiga taqdim etilayotgan ilmiy, adabiy, badiiy, san’at asarlarining yozma, ovozli yoki video yozuv, tasvir, hajmli-fazoviy va boshqa shakllarda chop etilgan nusxalari va boshqa materiallar ilova qilinadi.
8. Davlat mukofotlariga tavsiyanomalar va ularning ilovalarini ijrochi organ tomonidan rasmiylashtirish va saqlash, zarur hollarda muallifga qaytarish tartibi Kengash tomonidan tasdiqlanadigan yo‘riqnomaga muvofiq belgilanadi.
9. Shu’ba Davlat mukofotiga talabgorlar ishlarining Davlat mukofotlari to‘g‘risidagi Nizom talablariga muvofiqligi bo‘yicha xulosa chiqaradi, saralaydi, shu asosda Davlat mukofotlariga tanlovga qo‘yiladigan nomzodlar ro‘yxatini shakllantiradi va Kengashga taqdim etadi.
Kengash shu’ba tomonidan taqdim qilingan ro‘yxatni ko‘rib chiqadi, tasdiqlaydi hamda uni ishlarning nomi va qisqa tavsifi bilan matbuotda e’lon qiladi. Bu e’lon bilan Davlat mukofotiga qo‘yilgan ishlarning rasmiy tanlovi jarayoni boshlanadi.
Davlat mukofoti uchun tanlovga qo‘yilgan ishlar ommaviy axborot vositalari orqali keng muhokama qilinadi va ayni paytda Kengashning tegishli shu’basi tomonidan ekspertizadan o‘tkaziladi.
10. Ekspertizaning maqsadi — talabgorning ilmiy, ijodiy ishi yoki adabiy, badiiy, san’at asarining ahamiyatini, uning Davlat mukofotlari to‘g‘risidagi nizomda belgilangan mezonlarga muvofiqligini baholashdan iborat.
Ekspertizaga tegishli sohadagi yetakchi mutasaddi tashkilotlar, taniqli olimlar, madaniyat, adabiyot va san’at arboblari jalb qilinadi.
Ekspertiza natijasi asoslangan bo‘lishi va unda ishning Davlat mukofotiga loyiqligi to‘g‘risida aniq xulosa keltirilishi lozim. Xulosa ekspertizani o‘tkazgan shaxs, agar ekspertiza tashkilotda o‘tkazilgan bo‘lsa, uning rahbari tomonidan imzolanadi va imzo tegishli tartibda tasdiqlanadi.
Har bir Davlat mukofotiga nomzodning ishi bo‘yicha bir-biridan mustaqil ravishda ikkita ekspert xulosasi olinadi. Mazkur ikki ekspert xulosasi bir-biriga zid bo‘lsa yoki ular asosida yakuniy xulosa chiqarish mumkin bo‘lmasa, uchinchi ekspert xulosasi olinadi.
11. Davlat mukofotiga nomzodlar ishlarining ommaviy axborot vositalari orqali muhokamasi bilan bog‘liq materiallar (gazeta va jurnal maqolalari, radioko‘rsatuv va teleko‘rsatuv materiallari) Kengashning tegishli ishchi organi tomonidan jamlab boriladi va muhokama yakunlangach, 3 kun ichida Kengashning tegishli shu’basiga taqdim etiladi.
12. Kengash shu’basi Davlat mukofotiga nomzodlar ishlari, olingan xulosalar va ommaviy axborot vositalari orqali o‘tkazilgan keng muhokama natijalari umumlashtirilgan batafsil ma’lumotnoma tayyorlaydi va uni shu’ba bayonnomasi bilan birga Kengashga taqdim etadi.
13. Davlat mukofotlarini berishga oid tegishli taklif tayyorlash bo‘yicha yakuniy muhokama Kengashning umumiy majlisida o‘tkaziladi.
Nomzodlarning ishlari va ularga ilova qilingan materiallar mazmuni erkin fikr almashish yo‘li bilan oshkora muhokama qilinadi. Bunda Kengashning har bir a’zosi fikr bildirish huquqiga ega. Muhokama shu’ba qarori va umumlashtirilgan ma’lumotnoma asosida amalga oshiriladi.
Kengash majlisiga qadar Kengash a’zolari Davlat mukofotlariga nomzodlar va ularning tegishli ishlari bo‘yicha barcha taqdimnomalar, ularning ilovalari, ekspertiza xulosalari va muhokama natijalari bo‘yicha ma’lumotnoma bilan tanishib chiqishi ta’minlanadi.
14. Muhokama yakunlariga ko‘ra Kengash Davlat mukofotlari to‘g‘risidagi nizom talablari asosida har bir soha bo‘yicha birinchi va ikkinchi darajali Davlat mukofoti berish to‘g‘risida taklif yuzasidan qaror qabul qiladi.
15. Davlat mukofotlari tanlovi g‘oliblari Kengash majlisida ochiq va nomma-nom ovoz berish yo‘li bilan aniqlanadi.
16. Majlisda qatnashayotgan Kengash a’zolarining uchdan ikki qismining ovozini olgan nomzodgina Davlat mukofoti bilan taqdirlanishga tavsiya etilishi mumkin.
17. Kengash qarori Kengash raisi tasdiqlaydigan bayonnoma bilan rasmiylashtiriladi va O‘zbekiston Respublikasi Prezidentiga taqdim etiladi.
18. Ekspertiza natijalari tegishli mutasaddi tashkilotlar va mutaxassislar tomonidan ham, Kengash a’zolari tomonidan ham oshkor qilinmaydi. Kengashning yakuniy majlisi qarori oshkor qilinmaydi.
19. Kengashning majlisi Kengash a’zolarining uchdan ikki qismi qatnashganda vakolatga ega bo‘ladi. Kengash qarori a’zolar umumiy sonining yarmidan ko‘pi ovoz berganda qabul qilingan hisoblanadi.
20. Agar Davlat mukofotiga nomzodlikka Kengash a’zosining ishi tavsiya qilingan bo‘lsa, uning muallifi Kengash ishida ishtirok etmaydi hamda Kengashning shu masala yuzasidan qarori va boshqa materiallar bilan tanishish huquqiga ega emas.
21. Davlat mukofotlari berishga taalluqli Kengashga kiritilgan barcha materiallar, Kengash majlisi materiallari belgilangan tartibda hisobga olinadi va saqlanadi.
1. Ushbu Nizom O‘zbekiston Respublikasining fan va texnika, adabiyot, san’at va me’morchilik sohasidagi Davlat mukofotlarini to‘lashga pul mablag‘larini budjetdan ajratish va to‘lash tartibini belgilaydi.
Oldingi tahrirga qarang.
2. Birinchi darajali Davlat mukofoti bazaviy hisoblash miqdorining 500 baravari miqdorida, ikkinchi darajali Davlat mukofoti bazaviy hisoblash miqdorining 300 baravari miqdorida to‘lanadi va jismoniy shaxslarning daromadiga solinadigan soliqqa tortilmaydi.
(2-band O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
Oldingi tahrirga qarang.
3. O‘zbekiston Respublikasi Davlat mukofotlari miqdori ushbu mukofotlarni taqdirlash bo‘yicha O‘zbekiston Respublikasi Prezidenti Farmoni imzolangan paytda belgilangan bazaviy hisoblash miqdoridan kelib chiqib hisoblab yoziladi.
(3-band O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
4. Insonni uning vafotidan keyin mukofotlash paytida mukofotlash haqidagi hujjat va pul mukofoti mukofotlangan shaxsning vorisiga topshiriladi.
Oldingi tahrirga qarang.
5. O‘zbekiston Respublikasi “Davlat mukofoti laureati” diplomi, ko‘krak nishoni va uning guvohnomasini tayyorlash, mukofotga tavsiya etilgan ishlarni mustaqil ekspertizadan o‘tkazish va Davlat mukofotlari laureatlariga pul mukofotini to‘lash bilan bog‘lik xarajatlarni respublika budjeti mablag‘lari hisobiga amalga oshiriladi hamda O‘zbekiston Respublikasi Moliya vazirligi tomonidan budjetni tasdiqlash paytida O‘zbekiston Respublikasi Madaniyat vazirligida rejalashtiriladi.
(5-band O‘zbekiston Respublikasi Vazirlar Mahkamasining 2017-yil 11-maydagi 270-sonli qarori tahririda — O‘R QHT, 2017-y., 19-son, 345-modda)
Oldingi tahrirga qarang.
6. O‘zbekiston Respublikasi Madaniyat vazirligi, O‘zbekiston Respublikasi Prezidentining e’lon qilingan O‘zbekiston Respublikasining fan va texnika, adabiyot, san’at va me’morchilik sohasidagi Davlat mukofoti bilan mukofotlangan shaxslar to‘g‘risidagi Farmon nusxasini olgandan so‘ng, 5 bank kuni davomida zarur mablag‘larni oluvchining nomi yozilgan hisob-kitob cheklarini Xalq bankining yozib berish yuklangan tegishli bo‘limiga hisoblab o‘tkazadi.
(6-band O‘zbekiston Respublikasi Vazirlar Mahkamasining 2017-yil 11-maydagi 270-sonli qarori tahririda — O‘R QHT, 2017-y., 19-son, 345-modda)
7. Xalq bankining tegishli bo‘limi mukofotlash haqidagi O‘zbekiston Respublikasi Prezidenti Farmoni nusxasini olgandan so‘ng oluvchining nomi yozilgan hisob-kitob cheklarini yozib berishni amalga oshiradi.
Oldingi tahrirga qarang.
8. Mukofotlarni to‘lash oluvchining nomi yozilgan hisob-kitob cheklari bo‘yicha O‘zbekiston Respublikasi Xalq bankining barcha muassasalari tomonidan qonunchilikda belgilangan tartibda amalga oshiriladi.
(8-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
10. To‘langan hisob-kitob cheklariga doir xarajatlarni qoplash to‘langan hisob-kitob cheklari talablari va reyestrlari asosida hisob-kitob cheklarini yozib bergan Xalq banki bo‘linmasi tomonidan amalga oshiriladi.
11. Ko‘rsatib o‘tilgan xarajatlar moliya organlari tomonidan budjetlar daromadlari va xarajatlari tasnifi 201-bo‘limining 69-paragrafi 1.9.00-moddasida aks ettiriladi.
1. Vazirlar Mahkamasining “Fan va texnika sohasida Beruniy (Abu Rayhon Beruniy) nomidagi O‘zbekiston SSJ Davlat mukofoti to‘g‘risida” 1991-yil 5-martdagi 57-son qarori (O‘zbekiston Respublikasi QT, 1991-y., 3-son, 6-modda).
2. Vazirlar Mahkamasining “Adabiyot, san’at va me’morchilik sohasida O‘zbekiston Respublikasi Davlat mukofotlari berish tartibini takomillashtirish to‘g‘risida” 1996-yil 13-fevraldagi 58-son qarori.
3. Vazirlar Mahkamasining “Vazirlar Mahkamasining “Fan va texnika sohasida Beruniy (Abu Rayhon Beruniy) nomidagi O‘zbekiston SSJ Davlat mukofoti to‘g‘risida” 1991-yil 5-martdagi 57-son qaroriga o‘zgartirishlar kiritish haqida” 1996-yil 13-fevraldagi 59-son qarori (O‘zbekiston Respublikasi QT, 1996-y., 2-son, 7-modda).
4. Vazirlar Mahkamasining “Vazirlar Mahkamasining “Adabiyot, san’at va me’morchilik sohasida O‘zbekiston Respublikasi Davlat mukofotlari berish tartibini takomillashtirish to‘g‘risida” 1996-yil 13-fevraldagi 58-son qaroriga qo‘shimchalar kiritish haqida” 1997-yil 26-martdagi 158-son qarori.
5. Vazirlar Mahkamasining “Respublika davlat va xo‘jalik boshqaruvi organlari boshqaruv xodimlari sonini maqbullashtirish va qisqartirish to‘g‘risida” 2004-yil 5-yanvardagi 1-son qarori 2-ilovasining 24-pozitsiyasi.