PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
Oldingi tahrirga qarang.
Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizomni tasdiqlash haqida
(qaror nomi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Oʻzbekiston Respublikasi Prezidentining “Fuqarolarning pensiya taʼminoti tizimini yanada takomillashtirish chora-tadbirlari toʻgʻrisida” 2009-yil 30-dekabrdagi PF-4161-son Farmonini hamda Oʻzbekiston Respublikasi Prezidentining “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tashkiliy tuzilmasini shakllantirish chora-tadbirlari toʻgʻrisida” 2009-yil 30-dekabrdagi PQ-1252-son qarorini bajarish yuzasidan Vazirlar Mahkamasi qaror qiladi:
Oldingi tahrirga qarang.
1. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizom ilovaga muvofiq tasdiqlansin.
(1-band Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2010-yil 19-fevral,
30-son
Vazirlar Mahkamasining 2010-yil 19-fevraldagi 30-son qaroriga
ILOVA
Oldingi tahrirga qarang.
Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi toʻgʻrisida
NIZOM
(ilova nomi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Oldingi tahrirga qarang.
1-bob. Umumiy qoidalar
(birinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
1. Ushbu Nizom Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining (keyingi oʻrinlarda Jamgʻarma deb ataladi) pensiyalar, kompensatsiya toʻlovlarini va boshqa toʻlovlarni tayinlashni, moliyalashtirishni, hisobga olishni va ularning toʻlanishi boʻyicha oʻrganishni olib borishni, ushbu maqsadlarga yoʻnaltiriladigan maqsadli moliyaviy resurslarni jamlashni amalga oshirish boʻyicha asosiy vazifalari, funksiyalari va vakolatlarini belgilaydi.
(1-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
2. Jamgʻarma idoraviy jihatdan Oʻzbekiston Respublikasi Iqtisodiyot va moliya vazirligiga qarashli hamda oʻz faoliyati toʻgʻrisida Oʻzbekiston Respublikasi Bosh vazirning oʻrinbosariga, Jamgʻarmaning Kuzatuv kengashi raisiga hisob beradi.
(2-band Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
3. Jamgʻarma oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa normativ-huquqiy hujjatlarga, shuningdek ushbu Nizomga amal qiladi.
4. Jamgʻarma oʻz ishlarini davlat organlari va boshqa tashkilotlar bilan oʻzaro hamkorlikda amalga oshiradi.
Oldingi tahrirga qarang.
5. Jamgʻarma tizimiga:
Jamgʻarmaning Qoraqalpogʻiston Respublikasi, viloyatlar va Toshkent shahridagi boshqarmalari;
Jamgʻarmaning tuman (shahar) boʻlimlari kiradi.
Jamgʻarma ijro etuvchi apparati, uning hududiy boshqarmalari, tuman (shahar) boʻlimlarining taʼminoti quyidagi manbalar hisobiga amalga oshiriladi:
Jamgʻarma ijro etuvchi apparati — Oʻzbekiston Respublikasi respublika budjeti mablagʻlari;
hududiy boshqarmalar, tuman (shahar) boʻlimlari — Qoraqalpogʻiston Respublikasi budjeti, viloyatlar va Toshkent shahar mahalliy budjeti mablagʻlari.
(5-band Oʻzbekiston Respublikasi Vazirlar Mahkamasining 2019-yil 21-oktabrdagi 889-sonli qarori tahririda — Qonun hujjatlari maʼlumotlari milliy bazasi, 22.10.2019-y., 09/19/889/3945-son)
Oldingi tahrirga qarang.
6. Jamgʻarma hamda uning hududiy boshqarmalari yuridik shaxs hisoblanadi, mustaqil balansga, banklarda hisob raqamlariga, Oʻzbekiston Respublikasi Davlat gerbi tasviri tushirilgan muhrga, shuningdek tegishli muhr va shtamplarga ega boʻladi.
Jamgʻarmaning tuman (shahar) boʻlimlari Oʻzbekiston Respublikasi Davlat gerbi tasviri tushirilgan muhrga, shuningdek tegishli muhr va shtamplarga ega boʻladi.
(6-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
2-bob. Jamgʻarmaning asosiy vazifalari va funksiyalari
(ikkinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
7. Quyidagilar Jamgʻarmaning asosiy vazifalari va funksiyalari hisoblanadi:
Oldingi tahrirga qarang.
qonun hujjatlarida belgilangan tartibda fuqarolarning davlat pensiya taʼminotini tashkil etish, fuqarolarga pensiyalar, kompensatsiya toʻlovlari va boshqa toʻlovlarni tayinlash, pensiyalar va boshqa toʻlovlar miqdorlarining qayta hisoblab chiqilishini taʼminlash;
(7-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
 LexUZ sharhi
Qarang: Oʻzbekiston Respublikasining “Fuqarolarning Davlat pensiya taʼminoti toʻgʻrisida”gi Qonuni.
pensiyalar va boshqa toʻlovlarni toʻliq hajmda moliyalashtirish va toʻlanishini tashkil etish, ular boʻyicha hisob va hisobotni yuritish;
Oldingi tahrirga qarang.
tizimli asosda pensiyalar tayinlash va ularni qayta hisoblashning doimiy tahlilini oʻtkazish va oʻrganishni olib borish, fuqarolarning pensiya taʼminotiga yoʻnaltiriladigan mablagʻlardan qatʼiy maqsadli foydalanilishini taʼminlash;
(7-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Oldingi tahrirga qarang.
boquvchisini yoʻqotgan taqdirda, shuningdek mehnatda mayib boʻlganlik yoki xodim mehnat majburiyatlarini bajarishi bilan bogʻliq kasb kasalligi oqibatidagi nogironlik tufayli tayinlangan pensiyalarga toʻlangan mablagʻlarni daʼvolar boʻyicha aybdor yuridik va jismoniy shaxslardan belgilangan tartibda undirib olishni tashkil etish.
(7-bandning beshinchi xatboshisi Oʻzbekiston Respublikasi Vazirlar Mahkamasining 2016-yil 7-iyundagi 189-sonli qarori tahririda — OʻR QHT, 2016-y., 24-son, 281-modda)
Oldingi tahrirga qarang.
“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining (keyingi oʻrinlarda — Qonun deb ataladi) 12-moddasi “b” bandi va 14-moddasiga muvofiq tayinlangan pensiyalarni toʻlashga xarajatlarni qoplash uchun mablagʻlarni yuridik shaxslardan belgilangan tartibda undirib olishni tashkil etish;
(7-bandning oltinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
(7-bandning yettinchi xatboshisi Oʻzbekiston Respublikasi Prezidentining 2021-yil 4-maydagi PQ-5102-sonli qaroriga asosan chiqarilgan — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
8. Jamgʻarma oʻziga yuklangan vazifalarga muvofiq quyidagi funksiyalarni amalga oshiradi:
a) Jamgʻarmaning daromadlari boʻyicha:
Jamgʻarma ijtimoiy soliq va boshqa toʻlovlardan tushgan mablagʻlarni Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasi (keyingi oʻrinlarda Gʻaznachilik deb ataladi) hisobraqamiga jamlaydi hamda pensiyalar, kompensatsiya va boshqa toʻlovlar boʻyicha xarajatlarni moliyalashtirishga yoʻnaltirishni taʼminlaydi. Bunda, kompensatsiya va boshqa toʻlovlarni respublika budjeti mablagʻlari hisobidan moliyalashtiradi;
har yili manfaatdor vazirliklar va idoralar bilan birgalikda Jamgʻarma daromadlari tushumlar prognozini ishlab chiqadi;
davlat ijtimoiy sugʻurtasi tizimining barqarorligini taʼminlash va uni yanada takomillashtirish boʻyicha chora-tadbirlar ishlab chiqish maqsadida Jamgʻarma daromadlari va xarajatlarining oʻrtacha va uzoq muddatli prognozlarini tayyorlaydi;
boquvchisini yoʻqotgan taqdirda, shuningdek, mehnatda mayib boʻlganlik yoki xodim mehnat majburiyatlarini bajarishi bilan bogʻliq kasb kasalligi oqibatidagi nogironlik tufayli tayinlangan pensiyalarga sarflangan mablagʻlarni Qonunga muvofiq aybdor yuridik va jismoniy shaxslardan regress daʼvolar boʻyicha belgilangan tartibda undirib oladi;
Qonunning 12-moddasi “b” bandi va 14-moddasiga muvofiq tayinlangan pensiyalarni toʻlashga sarflangan mablagʻlarni yuridik shaxslardan regress daʼvolar boʻyicha belgilangan tartibda undirib oladi;
ijtimoiy soliq va boshqa toʻlovlar tushishi hisobini olib boradi;
b) pensiyalarni tayinlash hamda qayta hisoblab chiqish boʻyicha:
pensiyalarni tayinlash va qayta hisoblab chiqish uchun zarur boʻlgan arizalar va boshqa hujjatlarni qabul qiladi, ularni qonun hujjatlariga muvofiq rasmiylashtiradi;
pensiyalarni tayinlash uchun yuridik shaxslar va fuqarolar tomonidan taqdim etilgan hujjatlarni belgilangan tartibda tayyorlaydi, koʻrib chiqadi va tekshiradi;
Jamgʻarmaning tuman (shahar) boʻlimlarida pensiyalar tayinlash boʻyicha komissiyalar faoliyatini tashkil etadi;
pensionerlarning pensiya ishlarini qonun hujjatlarida nazarda tutilgan boshqa hujjatlarni rasmiylashtiradi, pensionerlarga pensiya guvohnomalarini beradi;
pensiyalar tayinlash uchun hujjatlarni rasmiylashtirishning qonun hujjatlarida belgilangan tartibiga rioya etilishini nazorat qiladi;
tashkilotlar, yakka tartibdagi tadbirkorlar, oʻzini oʻzi band qilgan shaxslar va dehqon xoʻjaliklari aʼzolari tomonidan taqdim etilgan pensiyalar olish huquqini beradigan hujjatlarning ishonchliligini tekshiradi;
v) pensiyalar, kompensatsiya va boshqa toʻlovlarga xarajatlarni amalga oshirish boʻyicha:
pensiyalarni hisoblab chiqish boʻyicha operatsiyalarni amalga oshiradi, pensiyani yetkazib berish yuklatilgan tijorat banklari filiallari orqali pensiyalar toʻlash yuzasidan topshiriqlarni rasmiylashtiradi va beradi;
pensiyani yetkazib berish (topshirish) yuklangan tashkilot, banklar tomonidan pensiyalarning oʻz vaqtida va toʻgʻri yetkazib berilishi hamda toʻlanishi yuzasidan doimiy oʻrganishni va nazoratni amalga oshiradi;
tashkilotlarning ishlaydigan 16 yoshgacha nogironligi boʻlgan bolaning ota-onalaridan biriga (vasiyga, homiyga) bir oyda qoʻshimcha dam olish kuni uchun toʻlov, Chernobil halokati oqibatida zarar koʻrgan fuqarolarga kompensatsiya toʻlovlarini va qonun hujjatlarida nazarda tutilgan boshqa toʻlovlarga xarajatlarini moliyalashtiradi;
g) fuqarolarning pensiya taʼminoti bilan bogʻliq boshqa masalalar boʻyicha:
ommaviy axborot vositalari yordamida respublika aholisini fuqarolarning pensiya taʼminoti masalalari boʻyicha xabardor qiladi;
belgilangan tartibda tayinlangan shaxsiy pensiyalar toʻlanishini tashkil etadi;
imtiyozli pensiya taʼminoti huquqini beradigan ishlab chiqarishlar, ishlar, kasblar, lavozimlar va koʻrsatkichlar roʻyxatlarini qoʻllash masalalari boʻyicha davlat va xoʻjalik boshqaruvi organlari bilan oʻzaro hamkorlik qiladi, imtiyozli pensiyalarni takomillashtirish va tartibga solish boʻyicha takliflar ishlab chiqilishini tashkil etadi;
jismoniy shaxslar va yuridik shaxslarning murojaatlarini qonun hujjatlarida belgilangan muddatlarda koʻrib chiqadi, jismoniy shaxslarni va yuridik shaxslarning vakillarini qabul qiladi;
 LexUZ sharhi
Qarang: Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni.
pensiya va boshqa toʻlovlarni yetkazib berish (topshirish) yuklangan tashkilot va tijorat banklarida pensiya va boshqa toʻlovlarning oʻz vaqtida toʻlanishi boʻyicha oʻrganishni olib boradi;
normativ-huquqiy hujjatlar loyihalarini ishlab chiqishda qatnashadi, fuqarolarning pensiya taʼminoti masalalari boʻyicha zamonaviy nazariy ishlanmalarni va xorijiy tajribani oʻrganadi;
Jamgʻarmaning mablagʻlarini oluvchilar, pensiyalar tayinlash va toʻlash toʻgʻrisidagi axborotni ishlab chiqishda qatnashadi va avtomatlashtirilgan tizimda qayta ishlashni joriy etadi;
pensiya taʼminoti masalalari boʻyicha davlat organlari va boshqa tashkilotlar bilan oʻzaro hamkorlik qiladi;
Jamgʻarma vakolatiga tegishli boʻlgan masalalar boʻyicha qonunchilik hujjatlarini qoʻllash amaliyotini umumlashtiradi;
pensiya taʼminoti masalalari va Jamgʻarmaning vakolatiga tegishli boʻlgan boshqa masalalar boʻyicha xodimlarni qayta tayyorlash va ularning malakasini oshirish tadbirlarini amalga oshiradi;
d) Jamgʻarma vakolatiga tegishli masalalar boʻyicha eʼtiroz-daʼvo ishlari oʻtkazilishini tashkil etadi va amalga oshiradi.
(8-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
9. Jamgʻarma oʻziga yuklangan vazifalar va funksiyalarni bajarish uchun quyidagi huquqlarga ega:
Jamgʻarma vakolatiga tegishli masalalar boʻyicha axborotni davlat organlari va boshqa tashkilotlardan belgilangan tartibda soʻrash va olish;
oʻz vakolatlari doirasida Jamgʻarmaning vazifalarini amalga oshirish uchun zarur boʻlgan idoraviy normativ-huquqiy hujjatlarni va metodik hujjatlarni ishlab chiqish;
Oldingi tahrirga qarang.
ijtimoiy soliq va boshqa toʻlovlar miqdorlarini belgilash, shuningdek pensiya taʼminotiga tegishli boʻlgan boshqa masalalar boʻyicha takliflar kiritish;
(9-bandning toʻrtinchi xatboshisi Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Jamgʻarma vakolatiga kiradigan masalalar boʻyicha xalqaro hamkorlikni amalga oshirish.
Jamgʻarma qonun hujjatlariga muvofiq boshqa huquqlarga ham ega boʻlishi mumkin.
Oldingi tahrirga qarang.
3-bob. Jamgʻarma daromadlarini shakllantirish manbalari va tartibi
(uchinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
10. Jamgʻarma daromadlari quyidagi manbalar hisobiga shakllantiriladi:
a) ijtimoiy soliq:
belgilangan miqdorlardagi ijtimoiy soliq tushumlari;
jismoniy shaxslar ayrim toifalarining ijtimoiy soliq tushumlari;
b) boshqa toʻlovlar:
Oldingi tahrirga qarang.
boquvchisini yoʻqotgan taqdirda, shuningdek mehnatda mayib boʻlganlik yoki xodim mehnat majburiyatlarini bajarishi bilan bogʻliq kasb kasalligi oqibatidagi nogironlik tufayli tayinlangan pensiyalarni toʻlashga xarajatlarni toʻlash uchun regressiv talablar (daʼvolar) boʻyicha ish beruvchilar va fuqarolardan Qonunga muvofiq undiriladigan mablagʻlarning 85 foizi;
(10-band “b” kichik bandining ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Qonunning 14-moddasiga muvofiq muddatidan oldin tayinlangan yoshga doir pensiyalarni toʻlash xarajatlarini qoplash uchun oʻtkaziladigan Oʻzbekiston Respublikasi Bandlikka koʻmaklashish davlat jamgʻarmasi mablagʻlari;
(10-band “b” kichik bandining uchinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Qonunning 12-moddasiga muvofiq tayinlangan imtiyozli pensiyalarni toʻlash xarajatlarini qoplash hisobiga oʻtkaziladigan yuridik shaxslar mablagʻlari;
(10-band “b” kichik bandining toʻrtinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Jamgʻarmaning vaqtincha boʻsh mablagʻlarni tijorat banklaridagi depozitlarga joylashtirishdan olingan daromadning 80 foizi;
hisoblangan jarimalar summasining bir qismi hamda ijtimoiy soliq va boshqa toʻlovlar oʻz vaqtida toʻlanmaganligi uchun penyalar (qonun hujjatlariga muvofiq davlat soliq xizmati organlarini ijtimoiy rivojlantirish va moddiy-texnik taʼminlash maxsus jamgʻarmasiga hamda Jamgʻarma xodimlarini ijtimoiy rivojlantirish va moddiy ragʻbatlantirish jamgʻarmasiga undiriladigan summalardan tashqari);
yuridik shaxs tugatilganda, qishloq xoʻjaligi kooperativi (shirkati), fermer va dehqon xoʻjaligi qayta tashkil etilganda yoki tugatilganda mehnat vazifalarini bajarish bilan bogʻliq holda mayib boʻlgan, kasb kasalligiga chalingan yoki sogʻligʻiga boshqacha shikast yetkazilgan xodimga yetkazilgan zararni qoplash uchun toʻlanadigan summalar;
qonun hujjatlarida taqiqlanmagan boshqa manbalar, shu jumladan Oʻzbekiston Respublikasi Davlat budjeti mablagʻlari va ixtiyoriy badallar.
(10-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
11. Ijtimoiy soliq va boshqa toʻlovlarni oʻtkazish Jamgʻarma daromadlarining belgilangan tasniflariga muvofiq tushumlarning har bir turi boʻyicha Jamgʻarmaning Gʻaznachilikdagi tegishli hisob raqamlari boʻyicha amalga oshiriladi.
(11-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
Oldingi tahrirga qarang.
12. Oʻzbekiston Respublikasi Vazirlar Mahkamasi huzuridagi Soliq qoʻmitasi (keyingi oʻrinlarda — Soliq qoʻmitasi) va hududiy soliq organlari:
(12-bandning birinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
manbalar turlari boʻyicha Jamgʻarmaga ijtimoiy soliq va boshqa toʻlovlarning toʻgʻri hisoblanishi, toʻliqligi va oʻz vaqtida toʻlanishi nazorat qilinishini;
manbalar turlari va toʻlovchilar boʻyicha Jamgʻarmaga ijtimoiy soliq va boshqa toʻlovlar hisobi yuritilishini;
yuridik va jismoniy shaxslar tomonidan Jamgʻarmaga ijtimoiy soliq va boshqa toʻlovlar toʻgʻri hisoblanishini, shuningdek Jamgʻarma bilan oʻzaro hisob-kitoblarning holati tekshirilishini;
qonun hujjatlariga muvofiq ijtimoiy soliq va boshqa toʻlovlarni hisoblash tartibi va toʻlash muddatlari buzilganligi uchun yuridik va jismoniy shaxslarga nisbatan moliyaviy va maʼmuriy javobgarlik choralari qoʻllanilishini;
har chorakda Jamgʻarmaga yuridik shaxs tashkil etmasdan tadbirkorlik faoliyati bilan shugʻullanadigan oʻzini oʻzi band qilgan shaxslar va dehqon xoʻjaliklari aʼzolari tomonidan toʻlangan ijtimoiy soliq miqdorlari toʻgʻrisidagi maʼlumotlar taqdim etilishini taʼminlaydi.
(12-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
Oldingi tahrirga qarang.
13. Soliq qoʻmitasi Jamgʻarma bilan axborot almashinuvini, shu jumladan axborot-kommunikatsiya texnologiyalaridan foydalangan holda elektron hamkorlikni amalga oshiradi va Jamgʻarmaning ijro etuvchi apparatiga:
(13-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Jamgʻarmaga har oyda hisobot oyidan keyingi oyning 10-kunigacha vazirliklar, idoralar va hududlar kesimidagi ijtimoiy soliq va boshqa toʻlovlar turlari boʻyicha (boqimanda) qarzdorlik toʻgʻrisidagi tezkor hisobotni;
(13-bandning ikkinchi xatboshisi Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
yuridik shaxslar tomonidan choraklik va yillik hisobot taqdim etilgandan keyin 25 kun mobaynida ijtimoiy soliq va boshqa toʻlovlarni hisoblash toʻgʻrisidagi hisobotni vazirliklar, idoralar va hududlar boʻyicha taqdim etadi.
(13-bandning uchinchi xatboshisi Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
4-bob. Pensiyalar, kompensatsiya toʻlovlari va boshqa toʻlovlarni moliyalashtirish tartibi
(toʻrtinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
14. Jamgʻarma mablagʻlari:
fuqarolarga davlat pensiyalarining barcha turlari;
Oldingi tahrirga qarang.
16 yoshgacha nogironligi boʻlgan bolaning ota-onalaridan biriga (vasiyga, homiyga) bir oyda qoʻshimcha dam olish kuni uchun toʻlovlar;
(14-bandning uchinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Pensiya jamgʻarmasi hisobida turuvchi 100 yoshga toʻlgan va undan oshgan pensiya oluvchilarga har oyda toʻlanadigan qoʻshimcha toʻlov;
1941 — 1945-yillardagi urush faxriylari va fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan fuqarolarga bepul yetkazib beriladigan oziq-ovqat mahsulotlari hamda gigiyena tovarlari oʻrniga qoʻshimcha toʻlov;
fuqarolarga pensiya va boshqa toʻlovlarni naqd pul shaklda yetkazib bergani uchun pensiyani yetkazib berish (topshirish) yuklangan tashkilotga xizmat haqi;
(14-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qaroriga asosan toʻrtinchi — oltinchi xatboshilar bilan toʻldirilgan — Qonunchilik maʼlumotlari milliy bazasi, 30.10.2024-y., 09/24/714/0865-son)
qonun hujjatlariga muvofiq Jamgʻarma mablagʻlaridan moliyalashtiriladigan boshqa xarajatlar uchun sarflanadi.
Boshqa xarajatlar boʻyicha Jamgʻarma smetasi Jamgʻarmaning Kuzatuv kengashi tomonidan tasdiqlanadi.
(14-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
15. Fuqarolarga pensiyalar, kompensatsiya toʻlovlari va boshqa toʻlovlarni moliyalashtirish uchun Jamgʻarmaning hududiy boshqarmalari tomonidan Gʻaznachilikning hududiy boshqarmalarida hisob raqamlari ochiladi.
(15-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
16. Jamgʻarmaning hududiy boshqarmalari toʻlov toʻlanadigan har bir oyning 15-kunigacha fuqarolarga pensiyalar, kompensatsiya toʻlovlari va boshqa toʻlovlar toʻlash uchun mablagʻlarga boʻlgan ehtiyoj hajmini axborot tizim orqali tasdiqlaydi hamda Jamgʻarmaning ijro etuvchi apparatiga buyurtmanoma taqdim etadi.
Bunda Pensiya jamgʻarmasining hududiy boshqarmalari pensiyalar, kompensatsiya toʻlovlari va boshqa toʻlovlar uchun mablagʻlarga boʻlgan ehtiyoj hajmini Pensiya jamgʻarmasining hududiy boʻlimlari tomonidan axborot tizimlari orqali taqdim etilgan qaydnomalar asosida belgilaydi.
(16-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
17. Jamgʻarmaning ijro etuvchi apparati Jamgʻarma xarajatlarini Oʻzbekiston Respublikasi Iqtisodiyot va moliya vazirligi tomonidan belgilangan tartibda:
(17-bandning birinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
joriy toʻlov oyining 15-kunigacha — oʻtgan oyning ehtiyoji hisob-kitobidan kelib chiqib 50 foiz miqdoridagi summani;
joriy toʻlov oyining 27-kunigacha — amaldagi ehtiyojning taqdim etilgan miqdoridan qolgan summani moliyalashtiradi.
Oldingi tahrirga qarang.
Oldingi tahrirga qarang.
18. Jamgʻarmaning hududiy boshqarmalari pensiyalar, kompensatsiya va boshqa toʻlovlar uchun mablagʻlarni pensiyani yetkazib berish (topshirish) yuklangan tashkilot va banklarning hisob raqamlariga oʻtkazadi.
(18-bandning birinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Jamgʻarmaning hududiy boshqarmalari tashkilotlarning buyurtmanomalari boʻyicha 16 yoshgacha nogironligi boʻlgan bolalarning ota-onalaridan biriga (vasiyga, homiyga) qoʻshimcha dam olish kunlari uchun va qonun hujjatlarida nazarda tutilgan boshqa toʻlovlarni toʻlashga mablagʻlarni moliyalashtiradi.
(18-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
19. Jamgʻarmaning hisob raqamlaridan mablagʻlarni qonun hujjatlarida nazarda tutilmagan maqsadlarda oʻtkazish va vaqtincha olib qoʻyish taqiqlanadi.
Oldingi tahrirga qarang.
5-bob. Jamgʻarma daromadlari va xarajatlari prognozini shakllantirish
(beshinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
(20-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 30.10.2024-y., 09/24/714/0865-son)
21. Kelgusi yilga manbalar va foydalanish yoʻnalishlari boʻyicha Jamgʻarmaning daromadlari va xarajatlari prognozlari Jamgʻarmaning ijro etuvchi apparati tomonidan ishlab chiqiladi va Jamgʻarmaning Kuzatuv kengashiga koʻrib chiqish uchun kiritiladi.
22. Oʻzbekiston Respublikasining Davlat budjeti belgilangan tartibda qabul qilingandan va kelgusi yilga uning asosiy parametrlari tasdiqlangandan keyin Jamgʻarmaning ijro etuvchi apparati besh kun muddatda:
Oldingi tahrirga qarang.
Soliq qoʻmitasiga — mintaqalar boʻyicha kelgusi yilga Jamgʻarma daromadlarining tasdiqlangan asosiy parametrlarini;
(22-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Jamgʻarmaning hududiy boshqarmalari va tuman (shahar) boʻlimlariga — turlar va mintaqalar boʻyicha kelgusi yilga Jamgʻarma xarajatlarining tasdiqlangan asosiy parametrlarini (yoʻnalishlarini) yetkazadi.
23. Jamgʻarma daromadlari va xarajatlarining tasdiqlangan koʻrsatkichlarini bajarish:
Oldingi tahrirga qarang.
yuridik va jismoniy shaxslardan ijtimoiy soliq va boshqa toʻlovlar tushishining va yigʻilishining toʻliqligi yuzasidan — soliq xizmati organlari tomonidan;
(23-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Jamgʻarma mablagʻlarini belgilangan tartibda oʻz vaqtida va toʻliq moliyalashtirish, oʻz vaqtida tayinlash, toʻlash va manzilli ravishda sarflash, shuningdek Jamgʻarma mablagʻlaridan maqsadli va samarali foydalanilishini nazorat qilish yuzasidan — Jamgʻarmaning hududiy boshqarmalari va tuman (shahar) boʻlimlari tomonidan taʼminlanadi.
24. Jamgʻarmaning hududiy boshqarmalari Jamgʻarmaning ijro etuvchi apparatiga:
har oyda, hisobot oyidan keyingi oyning 10-kunigacha — hududlar boʻyicha toʻlangan pensiyalar, ijtimoiy nafaqalar, kompensatsiya toʻlovlari va boshqa toʻlovlar toʻgʻrisidagi tezkor axborotni;
tasdiqlangan shakl boʻyicha yuridik shaxslarning choraklik va yillik hisobotlari taqdim etilgandan keyin 15 kun mobaynida — mablagʻlardan foydalanish toʻgʻrisidagi hisobotni taqdim etadi.
Oldingi tahrirga qarang.
6-bob. Jamgʻarmani boshqarish
(oltinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
25. Jamgʻarmaning Kuzatuv kengashi Jamgʻarmani boshqarishning yuqori organi hisoblanadi, uning tarkibi Oʻzbekiston Respublikasi Prezidentining hujjatlari tomonidan tasdiqlanadi. Jamgʻarma Kuzatuv kengashining majlislari har yili kamida bir marta oʻtkaziladi. Jamgʻarmaning ijro etuvchi apparati Kuzatuv kengashining ishchi organi hisoblanadi.
(25-bandning birinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Majlisni Kuzatuv kengashi raisi, u boʻlmaganda esa — raisning oʻrinbosari oʻtkazadi. Kuzatuv kengashi majlisi, agar unda kengash aʼzolarining kamida uchdan ikki qismi qatnashsa huquqiy vakolatli boʻladi (kvorumga ega boʻladi).
Kuzatuv kengashining qarori uning majlisda qatnashgan aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Kuzatuv kengashi raisining ovozi hal qiluvchi ovoz hisoblanadi.
Oldingi tahrirga qarang.
26. Jamgʻarmaning Kuzatuv kengashi quyidagi vakolatlarga ega:
(26-bandning birinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
Oʻzbekiston Respublikasi Iqtisodiyot va moliya vazirligi bilan kelishgan holda Jamgʻarmaning daromadlari va xarajatlari prognoz parametrlarini, shuningdek Jamgʻarma xarajatlarining har yilgi smetasini koʻrib chiqish va tasdiqlash;
(26-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Jamgʻarma ijro etuvchi apparati, hududiy boshqarmalarining amalga oshiriladigan ishlar toʻgʻrisidagi hisobotlarini eshitish va tasdiqlash;
Oldingi tahrirga qarang.
vazirliklar va idoralar, mahalliy davlat hokimiyati organlari va boshqa tashkilotlar masʼul xodimlarining Jamgʻarma vakolatiga tegishli boʻlgan masalalar boʻyicha hisobotlarini eshitish;
(26-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qarori tahririda — OʻR QHT, 2017-y., 37-son, 997-modda)
Oldingi tahrirga qarang.
Soliq qoʻmitasining Jamgʻarmaga ijtimoiy soliq va boshqa toʻlovlarning toʻliq hamda oʻz vaqtida toʻlanishini taʼminlash toʻgʻrisidagi axborotini eshitish;
(26-bandning beshinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oʻzbekiston Respublikasi Vazirlar Mahkamasiga Jamgʻarmaning ijro etuvchi direktorini, uning oʻrinbosarlarini lavozimga tayinlash va lavozimdan ozod qilish toʻgʻrisida taqdimnoma kiritish;
Oldingi tahrirga qarang.
Jamgʻarmaning hududiy boshqarmalari va tuman (shahar) boʻlimlari toʻgʻrisidagi namunaviy nizomni tasdiqlash;
(26-bandning yettinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Oldingi tahrirga qarang.
Yuridik va jismoniy shaxslarga davlat xizmatlari koʻrsatilishida samaradorlik va natijadorlik koʻrsatkichlari toʻgʻrisidagi namunaviy nizomni tasdiqlash;
(26-band Oʻzbekiston Respublikasi Vazirlar Mahkamasining 2023-yil 23-martdagi 119-sonli qaroriga asosan sakkizinchi xatboshi bilan toʻldirilgan — Qonunchilik maʼlumotlari milliy bazasi, 23.03.2023-y., 09/23/119/0160-son)
Oldingi tahrirga qarang.
Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining Pensiyalar tayinlash boʻyicha tuman (shahar) boʻlimi komissiyalari toʻgʻrisidagi namunaviy nizomni tasdiqlash;
(26-bandning toʻqqizinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Jamgʻarmaning ijro etuvchi apparati faoliyatini, ayniqsa Jamgʻarma daromadlarini shakllantirish, uni oʻz vaqtida moliyalashtirish va undan maqsadli foydalanish yuzasidan nazorat qilish;
Oldingi tahrirga qarang.
topshiriqlar va toʻlov qaydnomalari boʻyicha toʻlanadigan pensiyalar, ijtimoiy nafaqalar, kompensatsiya va boshqa toʻlovlar joʻnatilishi va yetkazib berilishi boʻyicha xizmatlarga haq toʻlash miqdorlarini tasdiqlash;
(26-bandning oʻn birinchi xatboshisi Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Jamgʻarma faoliyati hamda fuqarolarning ijtimoiy taʼminotga va davlat ijtimoiy sugʻurtasiga boʻlgan davlat tomonidan kafolatlangan huquqlari amalga oshirilishi bilan bogʻliq boshqa funksiyalarni amalga oshirish.
Oldingi tahrirga qarang.
7-bob. Jamgʻarma faoliyatini tashkil etish
(yettinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
27. Budjetdan tashqari Pensiya jamgʻarmasining ijro etuvchi apparati tuzilmasi, uning hududiy boshqarmalari va tuman (shahar) boʻlimlarining namunaviy tuzilmalari Oʻzbekiston Respublikasi Iqtisodiyot va moliya vazirining buyruqlari bilan tasdiqlanadi.
(27-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
28. Jamgʻarmaning ijro etuvchi apparatiga Jamgʻarma Kuzatuv kengashining taqdimnomasi boʻyicha, belgilangan tartibda Oʻzbekiston Respublikasi Vazirlar Mahkamasining qarori bilan lavozimga tayinlanadigan ijro etuvchi direktor boshchilik qiladi. Ijro etuvchi direktor Jamgʻarmaga yuklangan vazifalarning bajarilishi va oʻz funksiyalarining amalga oshirilishi uchun shaxsan javob beradi.
Jamgʻarma ijro etuvchi direktorining birinchi oʻrinbosari va oʻrinbosari Jamgʻarma Kuzatuvchi kengashining taqdimnomasi boʻyicha, Oʻzbekiston Respublikasi Vazirlar Mahkamasining qarori bilan lavozimga tayinlanadi.
(28-band Oʻzbekiston Respublikasi Vazirlar Mahkamasining 2011-yil 17-iyundagi 180-sonli qarori tahririda — OʻR QHT, 2011-y., 25-son, 259-modda)
Oldingi tahrirga qarang.
29. Jamgʻarmaning Qoraqalpogʻiston Respublikasi, viloyatlar va Toshkent shahar boshqarmasi boshligʻi lavozimiga nomzodlar qonunchilikda belgilangan tartibda ochiq mustaqil tanlov asosida Iqtisodiyot va moliya vazirligining buyrugʻiga muvofiq ishga qabul qilinadi.
Jamgʻarma ijro etuvchi apparatiga nomzodlar (ushbu Nizomning 28-bandida belgilangan qoidalar bundan mustasno) qonunchilikda belgilangan tartibda ochiq mustaqil tanlov asosida Jamgʻarma ijro etuvchi direktorning buyrugʻiga muvofiq ishga qabul qilinadi.
Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari oʻrinbosarlari hamda Jamgʻarmaning tuman (shahar) boʻlimi boshligʻi lavozimiga nomzodlar qonunchilikda belgilangan tartibda ochiq mustaqil tanlov asosida Jamgʻarma ijro etuvchi direktorining buyrugʻiga muvofiq ishga qabul qilinadi.
Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari hamda Jamgʻarmaning tuman (shahar) boʻlimlari xodimlari qonunchilikda belgilangan tartibda ochiq mustaqil tanlov asosida Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshligʻi buyrugʻiga muvofiq ishga qabul qilinadi.
(29-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
30. Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari Jamgʻarmaning ijro etuvchi direktori taqdimnomasiga, shuningdek, qonunchilikda belgilangan boshqa holatlar asosida Iqtisodiyot va moliya vazirligining buyrugʻi asosida lavozimdan ozod etiladi.
Jamgʻarmaning ijro etuvchi apparati xodimlari (ushbu Nizomning 28-bandda belgilangan qoidalar bundan mustasno) qonunchilikda belgilangan tartibda Jamgʻarmaning ijro etuvchi direktori tomonidan lavozimidan ozod etiladi.
Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlarining oʻrinbosarlari hamda Jamgʻarmaning tuman (shahar) boʻlimlari boshliqlari Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlarining taqdimnomasiga, shuningdek, qonunchilikda belgilangan boshqa holatlar asosida Jamgʻarmaning ijro etuvchi direktori tomonidan lavozimidan ozod etiladi.
Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari hamda Jamgʻarmaning tuman (shahar) boʻlimlari xodimlari qonunchilikda belgilangan asosda Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari tomonidan lavozimidan ozod etiladi.
(30-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
(31-band Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qaroriga asosan oʻz kuchini yoʻqotgan — OʻR QHT, 2017-y., 37-son, 997-modda)
32. Jamgʻarmaning ijro etuvchi apparati, uning hududiy boshqarmalari va tuman (shahar) boʻlimlari yagona markazlashtirilgan tizimni tashkil etadi hamda quyi boshliqlarning yuqori boshliqlarga hamda Jamgʻarma Kuzatuv kengashining raisiga boʻysunishi va hisob berishi asosida ishlaydi.
33. Jamgʻarmaning ijro etuvchi direktori:
Jamgʻarma faoliyatiga rahbarlik qiladi;
Oldingi tahrirga qarang.
oʻz vakolatlari doirasida ijro etuvchi direktorning oʻrinbosarlari hamda hududiy boshqarmalar, tuman (shahar) boʻlimlari rahbarlari Jamgʻarma oʻrtasida lavozim vazifalarini taqsimlaydi;
(33-bandning uchinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qarori tahririda — OʻR QHT, 2017-y., 37-son, 997-modda)
Oldingi tahrirga qarang.
oʻz vakolatlari doirasida hududiy boshqarmalar va tuman (shahar) boʻlimlari rahbarlari Jamgʻarma tomonidan bajarilishi majburiy boʻlgan buyruqlar, yoʻriqnomalar chiqaradi va koʻrsatmalar beradi;
(33-bandning toʻrtinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qarori tahririda — OʻR QHT, 2017-y., 37-son, 997-modda)
belgilangan mehnatga haq toʻlash fondi va xodimlarning soni doirasida ijro etuvchi apparatning shtatlar jadvaliga oʻzgartirishlar kiritadi va uni tasdiqlaydi, Jamgʻarmaning tarkibiy boshqarmalari toʻgʻrisidagi nizomni tasdiqlaydi;
Oldingi tahrirga qarang.
Jamgʻarmaning ijro etuvchi apparati xodimlarini, Jamgʻarmaning Qoraqalpogʻiston Respublikasi, viloyatlar va Toshkent shahridagi boshqarmalarining boshliqlari oʻrinbosarlarini, Jamgʻarmaning tuman (shahar) boʻlimlari boshliqlarini rotatsiyasini amalga oshiradi;
(33-bandning oltinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
(33-bandning yettinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qaroriga asosan chiqarilgan — OʻR QHT, 2017-y., 37-son, 997-modda)
Oldingi tahrirga qarang.
(33-bandning sakkizinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qaroriga asosan chiqarilgan — OʻR QHT, 2017-y., 37-son, 997-modda)
pul mablagʻlari va moddiy boyliklarning buxgalteriya hisobi yuritilishini, statistika va buxgalteriya hisobotlari tuzilishini va belgilangan tartibda taqdim etilishini tashkil qiladi;
Jamgʻarmaning vaqtincha boʻsh mablagʻlarini tijorat banklaridagi depozitlarga va boshqa moliyaviy vositalarga joylashtiradi;
Oldingi tahrirga qarang.
Ijro etuvchi direktor boʻlmagan vaqtda uning vazifalari taqsimotiga asosan direktorning oʻrinbosarlari tomonidan bajariladi;
(33-band Oʻzbekiston Respublikasi Prezidentining 2021-yil 4-maydagi PQ-5102-sonli qaroriga asosan toʻqqizinchi xatboshi bilan toʻldirilgan — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
qonun hujjatlariga muvofiq boshqa vazifalar va vakolatlarni amalga oshiradi.
Oldingi tahrirga qarang.
34. Jamgʻarma Jamgʻarma xodimlarini ijtimoiy rivojlantirish va moddiy ragʻbatlantirish jamgʻarmasini quyidagi manbalar hisobiga shakllantiradi:
(34-bandning birinchi xatboshisi Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qarori tahririda — OʻR QHT, 2017-y., 37-son, 997-modda)
Oldingi tahrirga qarang.
boquvchisini yoʻqotgan taqdirda, shuningdek mehnatda mayib boʻlganlik yoki xodim mehnat majburiyatlarini bajarishi bilan bogʻliq kasb kasalligi oqibatidagi nogironlik tufayli tayinlangan pensiyalarni toʻlashga xarajatlarni toʻlash uchun regress talablar (daʼvolar) boʻyicha ish beruvchilar va fuqarolardan Qonunga muvofiq undiriladigan mablagʻlarning 15 foizi;
(34-bandning ikkinchi xatboshisi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
ijtimoiy soliq va boshqa toʻlovlarning Jamgʻarmaga oʻz vaqtida toʻlanmaganligi uchun hisoblangan jarimalar, penyalar summasining 5 foizi;
(34-bandning uchinchi xatboshisi Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Oldingi tahrirga qarang.
Jamgʻarmaning vaqtincha boʻsh mablagʻlarni tijorat banklaridagi depozitlarga joylashtirishdan olingan daromadning 20 foizi;
(34-band Oʻzbekiston Respublikasi Prezidentining 2021-yil 4-maydagi PQ-5102-sonli qaroriga asosan toʻrtinchi xatboshi bilan toʻldirilgan — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
Ijtimoiy rivojlantirish va moddiy ragʻbatlantirish jamgʻarmasi, shuningdek Jamgʻarma mablagʻlarini sarflash tartibi toʻgʻrisidagi Nizom Jamgʻarmaning Kuzatuv kengashi tomonidan tasdiqlanadi.
Oldingi tahrirga qarang.
8-bob. Jamgʻarma mablagʻlarining shakllantirilishi va sarflanishi hisobi yuritilishi uchun javobgarlik
(sakkizinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
35. Jamgʻarmaning ijro etuvchi apparati, hududiy boshqarmalari pensiyalar, kompensatsiya toʻlovlari va boshqa toʻlovlarni toʻlash uchun nazarda tutilgan Jamgʻarma mablagʻlarining oʻz vaqtida va toʻliq moliyalashtirilishi, Jamgʻarma mablagʻlaridan qatʼiy maqsadli foydalanilishi uchun javobgardir.
(35-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
36. Pensiyalar, kompensatsiya toʻlovlari va boshqa toʻlovlarni toʻlaydigan tashkilotlar Jamgʻarma mablagʻlarining oʻz vaqtida va maqsadli toʻlanishi uchun javobgardir.
(36-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
37. Jamgʻarmaning ijro etuvchi apparati Oʻzbekiston Respublikasi Iqtisodiyot va moliya vazirligiga belgilangan muddatlarda davriy buxgalteriya hisobotlarini taqdim etadi.
(37-band Oʻzbekiston Respublikasi Vazirlar Mahkamasining 2023-yil 23-martdagi 119-sonli qarori tahririda — Qonunchilik maʼlumotlari milliy bazasi, 23.03.2023-y., 09/23/119/0160-son)
Oldingi tahrirga qarang.
38. Jamgʻarmaga muddatida toʻlanmagan ijtimoiy soliq va boshqa toʻlovlarni undirish qonun hujjatlarida belgilangan tartibda amalga oshiriladi.
(38-band Oʻzbekiston Respublikasi Prezidentining 2021-yil 4-maydagi PQ-5102-sonli qarori tahririda — Qonun hujjatlari maʼlumotlari milliy bazasi, 05.05.2021-y., 07/21/5102/0412-son)
 LexUZ sharhi
Qarang: Oʻzbekiston Respublikasining “Sud hujjatlari va boshqa organlar hujjatlarini ijro etish toʻgʻrisida”gi Qonuni.
Oldingi tahrirga qarang.
9-bob. Jamgʻarma mablagʻlarining toʻgʻri hisoblanishi, toʻlanishi va sarflanishini nazorat qilish
(tuqqizinchi bobning nomi Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
39. Pensiyalar, kompensatsiya toʻlovlari va boshqa toʻlovlarni toʻlashda Jamgʻarma mablagʻlaridan toʻgʻri foydalanilishini nazorat qilish Jamgʻarmaning ijro etuvchi apparati va uning hududiy boshqarmalari hamda tuman (shahar) boʻlimlari, shuningdek tashkilotlarning rahbarlari va bosh buxgalterlari tomonidan amalga oshiriladi.
(39-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
40. Pensiyalar, kompensatsiya toʻlovlari va boshqa toʻlovlarning toʻgʻri tayinlanishi va toʻlanishini, shuningdek Jamgʻarma mablagʻlaridan maqsadli foydalanilishini nazorat qilish Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va uning hududiy boshqarmalari va Pensiya jamgʻarmasining ijro etuvchi apparati Ichki audit boʻlimi hamda hududiy boshqarmalari Ichki nazorat, pensiya va boshqa toʻlovlarni tayinlash monitoringi shuʼbasi tomonidan amalga oshiriladi.
(40-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
Oldingi tahrirga qarang.
41. Pensiyalar kompensatsiya toʻlovlari va boshqa toʻlovlarni toʻlash boʻyicha xarajatlarning, shuningdek tashkilotlarning ijtimoiy sugʻurta boʻyicha xarajatlarining oʻz vaqtida moliyalashtirilishi yuzasidan oʻrganish olib borish Jamgʻarmaning ijro etuvchi apparati va uning hududiy boshqarmalari hamda joylardagi tuman (shahar) boʻlimlari tomonidan amalga oshiriladi.
(41-band Oʻzbekiston Respublikasi Vazirlar Mahkamasining 2024-yil 29-oktabrdagi 714-sonli qarori tahririda — Qonunchilik maʼlumotlari milliy bazasi, 30.10.2024-y., 09/24/714/0865-son)
(Oʻzbekiston Respublikasi qonun hujjatlari toʻplami, 2010-y., 8-son, 62-modda, 44-45-son, 387-modda; 2011-y., 25-son, 259-modda; 2013-y., 52-son, 690-modda; 2014-y., 50-son, 590-modda; 2015-y., 1-son, 4-modda, 13-son, 155-modda; 2016-y., 24-son, 281-modda; 2017-y., 15-son, 249-modda; 26-son, 591-modda, 37-son, 990-modda, 37-son, 997-modda; Qonun hujjatlari maʼlumotlari milliy bazasi, 26.09.2018-y., 09/18/766/1964-son, 27.12.2018-y., 07/18/4086/2354-son, 09.07.2019-y., 07/19/566/3396-son, 22.10.2019-y., 09/19/889/3945-son; 24.12.2020-y., 09/20/806/1662-son; 05.05.2021-y., 07/21/5102/0412-son; Qonunchilik maʼlumotlari milliy bazasi, 06.08.2022-y., 09/22/431/0716-son; 23.03.2023-y., 09/23/119/0160-son; 30.10.2024-y., 09/24/714/0865-son)