Mamlakatimizda 2023-yil 30-aprel kuni oʻtkazilgan Oʻzbekiston Respublikasi referendumida umumxalq ovoz berish orqali qabul qilingan yangi tahrirdagi Oʻzbekiston Respublikasi Konstitutsiyasi Yangi Oʻzbekiston strategiyasini amalga oshirishning siyosiy-huquqiy asoslarini yaratib, milliy davlatchilik taraqqiyotining tarixiy muhim bosqichida davlat va jamiyatni yanada rivojlantirishning ustuvor yoʻnalishlarini belgilab berdi.

Xususan, hokimiyatlarning boʻlinishi prinsipi hamda oʻzaro tiyib turish va manfaatlar muvozanati tizimining zamonaviy konsepsiyasi hisobga olingan holda, Oliy Majlis, Oʻzbekiston Respublikasi Prezidenti va Hukumat oʻrtasida vakolatlar qayta taqsimlandi.

Shu bilan birga davlat organlari faoliyatining yangicha konstitutsiyaviy-huquqiy sharoitlarda yoʻlga qoʻyilishini taʼminlash maqsadida Oʻzbekiston Respublikasining ayrim qonun hujjatlarini yangi tahrirdagi Oʻzbekiston Respublikasi Konstitutsiyasiga muvofiqlashtirish zarurati yuzaga kelmoqda.

Mazkur Qonun bilan Oʻzbekiston Respublikasining ayrim qonun hujjatlariga Oʻzbekiston Respublikasi Oliy Majlisi Qonunchilik palatasining va Senatining yangi tahrirdagi Oʻzbekiston Respublikasi Konstitutsiyasida belgilangan mutlaq vakolatlarini hamda parlament nazoratini amalga oshirishning huquqiy asoslari takomillashtirilishini, qonunchilik takliflarini ilgari surish tartibi va qonunlarni qabul qilishning yangi tartibi amaldagi qonunchilikda belgilanishini nazarda tutuvchi oʻzgartirish va qoʻshimchalar kiritilmoqda.

Ushbu Qonun yangi tahrirdagi Oʻzbekiston Respublikasi Konstitutsiyasining soʻzsiz va toʻliq amalga oshirilishini, unda mustahkamlangan ustuvor prinsiplarning Yangi Oʻzbekiston gʻoyasiga hamohang tarzda roʻyobga chiqarilishini, yangicha konstitutsiyaviy-huquqiy sharoitlarda davlat organlarining faoliyati yoʻlga qoʻyilishini taʼminlashga xizmat qiladi.

1-modda. Oʻzbekiston Respublikasining 1992-yil 9-dekabrda qabul qilingan “Prokuratura toʻgʻrisida”gi 746-XII-sonli Qonuniga (Oʻzbekiston Respublikasining 2001-yil 29-avgustda qabul qilingan 257-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 168-modda; 2003-yil, № 5, 67-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 6, 249-modda; 2008-yil, № 9, 487-modda, № 12, 636-modda; 2011-yil, № 4, 101-modda; 2012-yil, № 9/2, 244-modda; 2015-yil, № 8, 310-modda; 2016-yil, № 9, 276-modda; 2017-yil, № 3, 47-modda, № 6, 300-modda, № 9, 510-modda, № 10, 605-modda; 2018-yil, № 4, 218-modda, № 7, 431-modda; 2019-yil, № 1, 1, 5-moddalar, № 5, 267-modda, № 11, 791-modda, № 12, 891-modda; 2020-yil, № 1, 4-modda; 2021-yil, 4-songa ilova, № 11, 1061-modda; 2022-yil, № 5, 466-modda; 2023-yil, № 4, 265-modda) quyidagi oʻzgartirishlar kiritilsin:

1) 12-moddaning matni quyidagi tahrirda bayon etilsin:

“Oʻzbekiston Respublikasi Bosh prokuraturasiga Oʻzbekiston Respublikasining Bosh prokurori boshchilik qiladi.

Oʻzbekiston Respublikasi Prezidenti Oʻzbekiston Respublikasi Bosh prokurorini Oʻzbekiston Respublikasi Oliy Majlisining Senati maʼqullaganidan keyin lavozimga tayinlaydi hamda uni lavozimidan ozod etadi.

Ayni bir shaxs surunkasiga ikki muddatdan ortiq Oʻzbekiston Respublikasining Bosh prokurori lavozimini egallashi mumkin emas.

Oʻzbekiston Respublikasi Bosh prokurori Oʻzbekiston Respublikasi Prezidenti tomonidan lavozimga tayinlanadigan hamda lavozimidan ozod etiladigan birinchi oʻrinbosariga, oʻrinbosarlariga ega boʻladi.

Oʻzbekiston Respublikasi Bosh prokuraturasida bosh boshqarmalar, boshqarmalar va boʻlimlar tashkil etiladi.

Oʻzbekiston Respublikasi Bosh prokurorining katta yordamchilari va yordamchilari, bosh boshqarmalar, boshqarmalar, boʻlimlarning boshliqlari, ularning oʻrinbosarlari, katta prokurorlar, prokurorlar, alohida muhim ishlar boʻyicha katta tergovchilar va alohida muhim ishlar boʻyicha tergovchilar Oʻzbekiston Respublikasi Bosh prokurori tomonidan lavozimga tayinlanadilar va lavozimdan ozod etiladilar”;

2) 13-modda ikkinchi qismining ikkinchi xatboshisi quyidagi tahrirda bayon etilsin:

“Oʻzbekiston Respublikasi Oliy Majlisining Qonunchilik palatasiga oʻz vakolatlari jumlasiga kiritilgan masalalar boʻyicha qonunchilik tashabbusi bilan murojaat etishi mumkin”.

3-modda. Oʻzbekiston Respublikasining 2002-yil 4-aprelda qabul qilingan “Referendum yakunlari hamda davlat hokimiyati tashkil etilishining asosiy prinsiplari toʻgʻrisida”gi 350-II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 4-5, 60-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2011-yil, № 12/1, 344-modda; 2012-yil, № 4, 104-modda; 2019-yil, № 9, 588-modda; 2021-yil, № 2, 139-modda, 4-songa ilova; 2023-yil, № 5, 316-modda) quyidagi oʻzgartirishlar va qoʻshimcha kiritilsin:

1) 6-moddaning:

ikkinchi qismidagi “olti kishidan” degan soʻzlar “toʻrt kishidan” degan soʻzlar bilan almashtirilsin;

uchinchi qismidagi “oʻn olti nafar aʼzosi” degan soʻzlar “toʻqqiz nafar aʼzosi” degan soʻzlar bilan almashtirilsin;

2) 7-modda:

quyidagi mazmundagi toʻrtinchi qism bilan toʻldirilsin:

“Qonunchilik palatasining deputati bir vaqtning oʻzida Qoraqalpogʻiston Respublikasi Joʻqorgʻi Kengesining, viloyatlar, tumanlar, shaharlar davlat hokimiyati vakillik organlarining deputati boʻlishi mumkin emas”;

toʻrtinchi qismi beshinchi qism deb hisoblansin;

3) 9-moddaning:

uchinchi qismi quyidagi mazmundagi uchinchi, toʻrtinchi va beshinchi qismlar bilan almashtirilsin:

“Qonunchilik palatasi tomonidan qabul qilingan qonun Senatga qabul qilingan kundan eʼtiboran oʻn kundan kechiktirmay yuboriladi.

Qonun Senat tomonidan oltmish kun ichida koʻrib chiqiladi va maʼqullangan taqdirda, imzolanishi va eʼlon qilinishi uchun Oʻzbekiston Respublikasi Prezidentiga oʻn kundan kechiktirmay yuboriladi.

Agar Senat qonunni maʼqullash yoki rad etish toʻgʻrisida u Senatga kelib tushgan kundan eʼtiboran oltmish kun ichida qaror qabul qilmasa, Qonunchilik palatasi tomonidan qonun imzolanishi va eʼlon qilinishi uchun Oʻzbekiston Respublikasi Prezidentiga yuboriladi”;

toʻrtinchi — yettinchi qismlari tegishincha oltinchi — toʻqqizinchi qismlar deb hisoblansin;

4) 10-modda quyidagi tahrirda bayon etilsin:

Oʻzbekiston Respublikasi Prezidenti qonunni oltmish kun ichida imzolaydi.

Oʻzbekiston Respublikasi Prezidenti qaytadan muhokama qilish va ovoz berishni oʻtkazish uchun qonunni oʻz eʼtirozlari bilan Oʻzbekiston Respublikasi Oliy Majlisiga qaytarishga haqli. Agar qonun avvalgi qabul qilingan tahririda tegishincha Qonunchilik palatasi deputatlari va Senat aʼzolari umumiy sonining kamida uchdan ikki qismidan iborat koʻpchilik ovozi bilan maʼqullansa, qonun Oʻzbekiston Respublikasi Prezidenti tomonidan oʻn toʻrt kun ichida imzolanishi va eʼlon qilinishi kerak.

Imzolangan qonun qonunda belgilangan tartibda eʼlon qilinishi kerak”.

4-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Senati toʻgʻrisida”gi 432-II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 213-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda; 2019-yil, № 2, 47-modda, № 3, 162-modda, № 5, 261-modda, № 8, 468-modda, № 9, 588-modda; 2020-yil, № 8, 488-modda; 2021-yil, № 1, 13-modda, 4-songa ilova) quyidagi oʻzgartirish va qoʻshimchalar kiritilsin:

1) 2-moddaning:

ikkinchi qismidagi “olti kishidan” degan soʻzlar “toʻrt kishidan” degan soʻzlar bilan almashtirilsin;

uchinchi qismidagi “oʻn olti nafar aʼzosi” degan soʻzlar “toʻqqiz nafar aʼzosi” degan soʻzlar bilan almashtirilsin;

2) 6-moddaning oltinchi qismi quyidagi tahrirda bayon etilsin:

“Senat aʼzolari Senatda doimiy asosda ishlashlari mumkin. Senatda doimiy asosda ishlovchi senatorlarning soni yigirma besh nafargacha boʻlgan miqdorda belgilanadi. Ular senatorlik vakolatlari davrida ilmiy, ijodiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishlari mumkin emas”;

3) 8-moddaning birinchi qismi quyidagi tahrirda bayon etilsin:

“Senat va Qonunchilik palatasining birgalikdagi vakolatlari quyidagilardan iborat:

1) Oʻzbekiston Respublikasining Konstitutsiyasini qabul qilish, unga oʻzgartirish va qoʻshimchalar kiritish;

2) Oʻzbekiston Respublikasining konstitutsiyaviy qonunlarini, qonunlarini qabul qilish, ularga oʻzgartirish va qoʻshimchalar kiritish;

3) xalqaro shartnomalarni ratifikatsiya va denonsatsiya qilish;

4) Oʻzbekiston Respublikasining referendumini oʻtkazish toʻgʻrisida va uni oʻtkazish sanasini tayinlash haqida qaror qabul qilish;

5) Oʻzbekiston Respublikasi ichki va tashqi siyosatining asosiy yoʻnalishlarini belgilash hamda davlat strategik dasturlarini qabul qilish;

6) Oʻzbekiston Respublikasi qonun chiqaruvchi, ijro etuvchi hamda sud hokimiyati organlarining tizimini va vakolatlarini belgilash;

7) Oʻzbekiston Respublikasi tarkibiga yangi davlat tuzilmalarini qabul qilish va ularning Oʻzbekiston Respublikasi tarkibidan chiqishi haqidagi qarorlarni tasdiqlash;

8) bojxona, valyuta va kredit ishlarini qonun yoʻli bilan tartibga solish;

9) Oʻzbekiston Respublikasi Vazirlar Mahkamasining taqdimiga binoan Oʻzbekiston Respublikasining Davlat budjetini qabul qilish, unga oʻzgartirish va qoʻshimchalar kiritish;

10) Oʻzbekiston Respublikasi davlat qarzining eng yuqori miqdorini belgilash;

11) soliqlar va boshqa majburiy toʻlovlarni joriy qilish;

12) Oʻzbekiston Respublikasining maʼmuriy-hududiy tuzilishi masalalarini qonun yoʻli bilan tartibga solish, chegaralarini oʻzgartirish;

13) tumanlar, shaharlar, viloyatlarni tashkil etish, tugatish, ularning nomini hamda chegaralarini oʻzgartirish;

14) davlat mukofotlari va unvonlarini taʼsis etish;

15) Oʻzbekiston Respublikasi Markaziy saylov komissiyasini tuzish;

16) Oʻzbekiston Respublikasi Oliy Majlisining Inson huquqlari boʻyicha vakilini va uning oʻrinbosarini saylash;

17) Oʻzbekiston Respublikasi Prezidentining Oʻzbekiston Respublikasiga hujum qilinganda yoki tajovuzdan bir-birini mudofaa qilish yuzasidan tuzilgan shartnoma majburiyatlarini bajarish zaruriyati tugʻilganda urush holati eʼlon qilish toʻgʻrisidagi farmonini tasdiqlash;

18) Oʻzbekiston Respublikasi Prezidentining umumiy yoki qisman safarbarlik eʼlon qilish, favqulodda holat joriy etish, uning amal qilishini uzaytirish yoki tugatish toʻgʻrisidagi farmonlarini tasdiqlash;

19) Oʻzbekiston Respublikasida korrupsiyaga qarshi kurashish toʻgʻrisidagi har yilgi milliy maʼruzani eshitish;

20) parlament tekshiruvini oʻtkazish;

21) Oʻzbekiston Respublikasining Konstitutsiyasi va qonunlarida nazarda tutilgan boshqa vakolatlarni amalga oshirish”;

4) 9-moddaning birinchi qismi quyidagi tahrirda bayon etilsin:

“Senatning mutlaq vakolatlari quyidagilardan iborat:

1) Oʻzbekiston Respublikasi Prezidentining taqdimiga binoan Oʻzbekiston Respublikasi Konstitutsiyaviy sudini, Oliy sudini, Sudyalar oliy kengashini, respublika korrupsiyaga qarshi kurashish organining rahbarini va respublika monopoliyaga qarshi organining rahbarini saylash;

2) Oʻzbekiston Respublikasi Prezidentining taqdimiga binoan Oʻzbekiston Respublikasi Bosh prokurori va Oʻzbekiston Respublikasi Hisob palatasi raisi lavozimlariga nomzodlarni koʻrib chiqish hamda maʼqullash;

3) Oʻzbekiston Respublikasi Prezidenti tomonidan taklif etilgan Oʻzbekiston Respublikasi Davlat xavfsizlik xizmati raisi lavozimiga nomzod yuzasidan maslahatlashuvlar oʻtkazish;

4) Oʻzbekiston Respublikasi Prezidentining taqdimiga binoan Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarini tayinlash va ularni lavozimidan ozod etish;

5) Oʻzbekiston Respublikasi Prezidentining taqdimiga binoan Oʻzbekiston Respublikasi Markaziy banki boshqaruvining raisini tayinlash va uni lavozimidan ozod etish;

6) Oʻzbekiston Respublikasi Prezidentining vazirliklarni va boshqa respublika ijro etuvchi hokimiyat organlarini tuzish hamda tugatish toʻgʻrisidagi farmonlarini tasdiqlash;

7) Oʻzbekiston Respublikasi Prezidentining taqdimiga binoan amnistiya toʻgʻrisidagi hujjatlarni qabul qilish;

8) Oʻzbekiston Respublikasi Bosh prokurorining, Oʻzbekiston Respublikasi Markaziy banki boshqaruvi raisining hisobotlarini eshitish;

9) Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish;

10) davlat organlarining mansabdor shaxslariga parlament soʻrovini yuborish va parlament nazoratining boshqa shakllarini amalga oshirish;

11) mahalliy davlat hokimiyati vakillik organlariga oʻz faoliyatini amalga oshirishda koʻmaklashish;

12) mahalliy davlat hokimiyati vakillik organlarining qarorlarini, ular qonunchilik normalariga muvofiq boʻlmagan taqdirda, bekor qilish;

13) Senat Raisini va uning oʻrinbosarlarini, qoʻmitalarning raislari va ularning oʻrinbosarlarini saylash;

14) Oʻzbekiston Respublikasi Bosh prokurorining taqdimiga binoan Senat aʼzosini daxlsizlik huquqidan mahrum etish toʻgʻrisidagi masalalarni hal etish;

15) oʻz faoliyatini tashkil etish va palataning ichki tartib-qoidalari bilan bogʻliq masalalar yuzasidan qarorlar qabul qilish;

16) siyosiy, ijtimoiy-iqtisodiy hayot sohasidagi u yoki bu masalalar yuzasidan, shuningdek davlat ichki va tashqi siyosati masalalari yuzasidan qarorlar qabul qilish;

17) Qonunchilik palatasi tarqatib yuborilgan davrda Oʻzbekiston Respublikasi Oliy Majlisining qonunlarni qabul qilishga doir vakolatlarini bajarish, bundan Konstitutsiya va konstitutsiyaviy qonunlar mustasno;

18) Oʻzbekiston Respublikasining Konstitutsiyasi va qonunlarida nazarda tutilgan boshqa vakolatlarni amalga oshirish”;

5) 10-moddaning yettinchi qismi “Bosh prokuror” degan soʻzlardan keyin “Markaziy bank boshqaruvi raisi” degan soʻzlar bilan toʻldirilsin;

6) 12-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismi quyidagi tahrirda bayon etilsin:

“Davlat organlarining mansabdor shaxslari tegishincha parlament soʻroviga, senator soʻroviga javobni Senat Reglamentida belgilangan tartibda va muddatlarda beradi. Parlament soʻroviga, senator soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

toʻrtinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

7) 13-modda:

quyidagi mazmundagi ikkinchi qism bilan toʻldirilsin:

“Ayni bir shaxs surunkasiga ikki muddatdan ortiq Senat Raisi boʻlishi mumkin emas”;

ikkinchi — beshinchi qismlari tegishincha uchinchi — oltinchi qismlar deb hisoblansin;

beshinchi qismi quyidagi tahrirda bayon etilsin:

“Senat Raisi yashirin ovoz berish orqali senatorlar umumiy sonining uchdan ikki qismidan koʻprogʻining ovozi bilan qabul qilingan Senat qaroriga binoan muddatidan ilgari chaqirib olinishi mumkin”;

8) 14-moddaning birinchi qismi:

3-bandi “imzolash” degan soʻzdan keyin “va eʼlon qilish” degan soʻzlar bilan toʻldirilsin;

quyidagi mazmundagi 3¹-band bilan toʻldirilsin:

“3¹) Senat maʼqullagan qonunchilik tashabbusi tartibidagi qonunchilik takliflarini koʻrib chiqish uchun Qonunchilik palatasiga yuboradi”;

9) 15-modda quyidagi mazmundagi oltinchi qism bilan toʻldirilsin:

“Senat Raisining oʻrinbosarlari yashirin ovoz berish orqali senatorlar umumiy sonining uchdan ikki qismidan koʻprogʻining ovozi bilan qabul qilingan Senat qaroriga binoan muddatidan ilgari chaqirib olinishi mumkin”;

10) 18-modda birinchi qismining:

2-bandi quyidagi tahrirda bayon etilsin:

“2) oʻzining vakolatlariga kiradigan masalalar yuzasidan oʻz tashabbusi bilan va Senatning, Senat Kengashining topshirigʻiga binoan Senat hujjatlari loyihalarini, qonunchilik takliflarini ishlab chiqadi”;

4¹-bandidagi “hukumat aʼzolarining” degan soʻzlar “davlat organlari rahbarlarining” degan soʻzlar bilan almashtirilsin;

7-bandi oʻzbekcha matnidagi “oʻzgartish” degan soʻz “oʻzgartirish” degan soʻz bilan almashtirilsin;

8-bandidagi “xoʻjalik boshqaruvi organlari” degan soʻzlar chiqarib tashlansin;

9-bandidagi “xoʻjalik boshqaruvi organlari” degan soʻzlar chiqarib tashlansin;

11) IV boʻlimning nomi quyidagi tahrirda bayon etilsin:

12) 23-modda quyidagi tahrirda bayon etilsin:

Qonun Senatga kelib tushganidan keyin Senat Raisi uni dastlabki tarzda koʻrib chiqishni amalga oshiradigan masʼul qoʻmitani belgilaydi.

Qonunni dastlabki tarzda koʻrib chiqish natijalari asosida masʼul qoʻmita qonun yuzasidan xulosa qabul qiladi.

Senat masʼul qoʻmitaning xulosasini olganidan keyin qonunni muhokama qiladi va uni maʼqullash yoki rad etish toʻgʻrisida qaror qabul qiladi.

Qonun Senat tomonidan senatorlar umumiy sonining koʻpchilik ovozi bilan maʼqullanadi.

Oʻzbekiston Respublikasi Konstitutsiyasini, unga kiritilgan oʻzgartirish va qoʻshimchalarni, Oʻzbekiston Respublikasining konstitutsiyaviy qonunlari hamda ularga kiritilgan oʻzgartirish va qoʻshimchalarni maʼqullash uchun senatorlar umumiy sonining uchdan ikki qismidan iborat koʻpchilik ovozi talab qilinadi.

Ovoz berish ochiq yoki yashirin boʻlishi mumkin.

Ovoz berishning shakli va usuli toʻgʻrisidagi qaror Senat tomonidan Senat majlisida hozir boʻlgan senatorlarning koʻpchilik ovozi bilan ochiq ovoz berish orqali qabul qilinadi.

Senat tomonidan rad etilgan qonun Qonunchilik palatasiga qaytariladi”;

13) 24-modda chiqarib tashlansin;

14) 27-moddaning ikkinchi qismidagi “oʻttiz” degan soʻz “oltmish” degan soʻz bilan almashtirilsin;

15) quyidagi mazmundagi 28¹-modda bilan toʻldirilsin:

Senat Oʻzbekiston Respublikasining Konstitutsiyasiga muvofiq qonunchilik takliflarini qonunchilik tashabbusi tartibida Qonunchilik palatasiga kiritishga haqli.

Qonunchilik takliflarini tayyorlash, koʻrib chiqish va ularni Qonunchilik palatasiga kiritish tartibi Oʻzbekiston Respublikasi Oliy Majlisi Senatining Reglamentida belgilanadi”;

16) 29-moddaning uchinchi qismi quyidagi mazmundagi uchinchi, toʻrtinchi va beshinchi qismlar bilan almashtirilsin:

“Senat oʻzini oʻzi tarqatib yuborish toʻgʻrisida senatorlar umumiy sonining kamida uchdan ikki qismidan iborat koʻpchilik ovozi bilan qaror qabul qilishi mumkin.

Senat oʻzini oʻzi tarqatib yuborgan taqdirda bir oy ichida uning yangi tarkibi shakllantiriladi.

Senat favqulodda holat amal qilib turgan davrda tarqatib yuborilishi mumkin emas”.

5-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Qonunchilik palatasi toʻgʻrisida”gi 434-II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 215-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 9, 510-modda; 2018-yil, № 1, 4-modda; 2019-yil, № 3, 162-modda, № 5, 261-modda, № 8, 468-modda, № 9, 588-modda; 2020-yil, № 8, 488-modda; 2021-yil, 4-songa ilova) quyidagi qoʻshimcha va oʻzgartirishlar kiritilsin:

1) 6-modda:

quyidagi mazmundagi uchinchi qism bilan toʻldirilsin:

“Qonunchilik palatasining deputati bir vaqtning oʻzida Qoraqalpogʻiston Respublikasi Joʻqorgʻi Kengesining, viloyatlar, tumanlar, shaharlar davlat hokimiyati vakillik organlarining deputati boʻlishi mumkin emas”;

uchinchi — yettinchi qismlari tegishincha toʻrtinchi — sakkizinchi qismlar deb hisoblansin;

toʻrtinchi qismidagi “ilmiy va pedagogik” degan soʻzlar “ilmiy, ijodiy va pedagogik” degan soʻzlar bilan almashtirilsin;

2) 8-moddaning birinchi qismi quyidagi tahrirda bayon etilsin:

“Qonunchilik palatasi va Senatning birgalikdagi vakolatlari quyidagilardan iborat:

1) Oʻzbekiston Respublikasining Konstitutsiyasini qabul qilish, unga oʻzgartirish va qoʻshimchalar kiritish;

2) Oʻzbekiston Respublikasining konstitutsiyaviy qonunlarini, qonunlarini qabul qilish, ularga oʻzgartirish va qoʻshimchalar kiritish;

3) xalqaro shartnomalarni ratifikatsiya va denonsatsiya qilish;

4) Oʻzbekiston Respublikasining referendumini oʻtkazish toʻgʻrisida va uni oʻtkazish sanasini tayinlash haqida qaror qabul qilish;

5) Oʻzbekiston Respublikasi ichki va tashqi siyosatining asosiy yoʻnalishlarini belgilash hamda davlat strategik dasturlarini qabul qilish;

6) Oʻzbekiston Respublikasi qonun chiqaruvchi, ijro etuvchi hamda sud hokimiyati organlarining tizimini va vakolatlarini belgilash;

7) Oʻzbekiston Respublikasi tarkibiga yangi davlat tuzilmalarini qabul qilish va ularning Oʻzbekiston Respublikasi tarkibidan chiqishi haqidagi qarorlarni tasdiqlash;

8) bojxona, valyuta va kredit ishlarini qonun yoʻli bilan tartibga solish;

9) Oʻzbekiston Respublikasi Vazirlar Mahkamasining taqdimiga binoan Oʻzbekiston Respublikasining Davlat budjetini qabul qilish, unga oʻzgartirish va qoʻshimchalar kiritish;

10) Oʻzbekiston Respublikasi davlat qarzining eng yuqori miqdorini belgilash;

11) soliqlar va boshqa majburiy toʻlovlarni joriy qilish;

12) Oʻzbekiston Respublikasining maʼmuriy-hududiy tuzilishi masalalarini qonun yoʻli bilan tartibga solish, chegaralarini oʻzgartirish;

13) tumanlar, shaharlar, viloyatlarni tashkil etish, tugatish, ularning nomini hamda chegaralarini oʻzgartirish;

14) davlat mukofotlari va unvonlarini taʼsis etish;

15) Oʻzbekiston Respublikasi Markaziy saylov komissiyasini tuzish;

16) Oʻzbekiston Respublikasi Oliy Majlisining Inson huquqlari boʻyicha vakilini va uning oʻrinbosarini saylash;

17) Oʻzbekiston Respublikasi Prezidentining Oʻzbekiston Respublikasiga hujum qilinganda yoki tajovuzdan bir-birini mudofaa qilish yuzasidan tuzilgan shartnoma majburiyatlarini bajarish zaruriyati tugʻilganda urush holati eʼlon qilish toʻgʻrisidagi farmonini tasdiqlash;

18) Oʻzbekiston Respublikasi Prezidentining umumiy yoki qisman safarbarlik eʼlon qilish, favqulodda holat joriy etish, uning amal qilishini uzaytirish yoki tugatish toʻgʻrisidagi farmonlarini tasdiqlash;

19) Oʻzbekiston Respublikasida korrupsiyaga qarshi kurashish toʻgʻrisidagi har yilgi milliy maʼruzani eshitish;

20) parlament tekshiruvini oʻtkazish;

21) Oʻzbekiston Respublikasining Konstitutsiyasi va qonunlarida nazarda tutilgan boshqa vakolatlarni amalga oshirish”;

3) 9-moddaning matni quyidagi tahrirda bayon etilsin:

“Qonunchilik palatasining mutlaq vakolatlari quyidagilardan iborat:

1) Oʻzbekiston Respublikasi Davlat budjetining ijro etilishi ustidan nazoratni amalga oshirish;

2) Oʻzbekiston Respublikasi Hisob palatasining hisobotini koʻrib chiqish;

3) Oʻzbekiston Respublikasi Prezidentining taqdimiga binoan Oʻzbekiston Respublikasi Bosh vaziri nomzodini koʻrib chiqish va maʼqullash;

4) Oʻzbekiston Respublikasi Bosh vazirining mamlakatni ijtimoiy-iqtisodiy jihatdan rivojlantirishning dolzarb masalalari yuzasidan, shuningdek Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish;

5) Oʻzbekiston Respublikasi Prezidentining taqdimiga binoan Oʻzbekiston Respublikasi Vazirlar Mahkamasi aʼzoligiga nomzodlarni koʻrib chiqish va maʼqullash;

6) Oʻzbekiston Respublikasi Vazirlar Mahkamasining mamlakat ijtimoiy-iqtisodiy hayotining eng muhim masalalari boʻyicha har yilgi maʼruzasini eshitish;

7) davlat organlarining mansabdor shaxslariga parlament soʻrovini yuborish va parlament nazoratining boshqa shakllarini amalga oshirish;

8) Qonunchilik palatasining Spikeri va uning oʻrinbosarlarini, qoʻmitalarning raislari va ularning oʻrinbosarlarini saylash;

9) Oʻzbekiston Respublikasi Bosh prokurorining taqdimiga binoan Qonunchilik palatasi deputatini daxlsizlik huquqidan mahrum etish toʻgʻrisidagi masalalarni hal etish;

10) Reglamentni hamda oʻz faoliyatini tashkil etish va palataning ichki-tartib qoidalari bilan bogʻliq masalalar yuzasidan boshqa qarorlarni qabul qilish;

11) siyosiy, ijtimoiy-iqtisodiy hayot sohasidagi u yoki bu masalalar yuzasidan, shuningdek davlatning ichki va tashqi siyosati masalalari yuzasidan Qonunchilik palatasining qarorlarini qabul qilish;

12) Oʻzbekiston Respublikasining Konstitutsiyasi va qonunlarida nazarda tutilgan boshqa vakolatlarni amalga oshirish”;

4) 12-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismi quyidagi tahrirda bayon etilsin:

“Davlat organlarining mansabdor shaxslari tegishincha parlament soʻroviga, Qonunchilik palatasi deputati soʻroviga javobni Qonunchilik palatasi Reglamentida belgilangan tartibda va muddatlarda beradi. Parlament soʻroviga, Qonunchilik palatasi deputatining soʻroviga javob oʻz nomiga soʻrov yuborilgan mansabdor shaxs yoki uning vazifalarini vaqtincha bajarayotgan shaxs tomonidan imzolanadi”;

toʻrtinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

5) 13-modda:

quyidagi mazmundagi ikkinchi qism bilan toʻldirilsin:

“Ayni bir shaxs surunkasiga ikki muddatdan ortiq Qonunchilik palatasining Spikeri boʻlishi mumkin emas”;

ikkinchi — beshinchi qismlari tegishincha uchinchi — oltinchi qismlar deb hisoblansin;

beshinchi qismidagi “deputatlarining uchdan ikki qismidan koʻprogʻining ovozi” degan soʻzlar “deputatlari umumiy sonining uchdan ikki qismidan koʻprogʻining ovozi” degan soʻzlar bilan almashtirilsin;

6) 15-moddaning matni quyidagi tahrirda bayon etilsin:

“Qonunchilik palatasi Spikerining oʻrinbosarlari Qonunchilik palatasi deputatlari orasidan yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolati muddatiga saylanadi. Qonunchilik palatasi Spikerining oʻrinbosarligiga nomzodlar koʻrsatish va saylash tartibi qonunda hamda Qonunchilik palatasi Reglamentida belgilanadi.

Qonunchilik palatasi Spikerining oʻrinbosarlari oʻz vazifalarini bajarish davrida siyosiy partiyaga aʼzolikni toʻxtatib turadi hamda fraksiya tarkibiga kirishi mumkin emas.

Qonunchilik palatasi Spikerining oʻrinbosarlari Qonunchilik palatasi qoʻmitalarining tarkibiga saylanishi mumkin emas.

Qonunchilik palatasi Spikerining oʻrinbosarlari Qonunchilik palatasi Spikerining topshirigʻiga binoan uning ayrim vazifalarini bajaradi.

Qonunchilik palatasining Spikeri yoʻqligida yoki u oʻz vazifalarini amalga oshirishi mumkin boʻlmagan hollarda uning vazifalarini Qonunchilik palatasi Spikerining birinchi oʻrinbosari, u yoʻqligida esa Qonunchilik palatasi Spikerining oʻrinbosari bajarib turadi.

Qonunchilik palatasi Spikerining oʻrinbosarlari yashirin ovoz berish orqali Qonunchilik palatasi deputatlari umumiy sonining uchdan ikki qismidan koʻprogʻining ovozi bilan qabul qilingan Qonunchilik palatasi qaroriga binoan muddatidan ilgari chaqirib olinishi mumkin”;

7) 18-moddaning birinchi qismi:

2-bandi quyidagi tahrirda bayon etilsin:

“2) qonun loyihalarining, qonunchilik tashabbusi tartibida kiritilgan qonunchilik takliflarining (bundan buyon matnda qonunchilik takliflari deb yuritiladi) dastlabki tarzda koʻrib chiqilishini va ularni Qonunchilik palatasida koʻrib chiqishga tayyorlashni amalga oshiradi”;

quyidagi mazmundagi 3¹-band bilan toʻldirilsin:

“3¹) qonunchilik takliflari yuzasidan xulosalar beradi, qonunchilik taklifini Qonunchilik palatasi majlisining kun tartibiga kiritish toʻgʻrisida Kengashga takliflar kiritadi”;

7-bandidagi “kiritilgan qonun loyihalarini” degan soʻzlar “kiritilgan qonun loyihalarini, qonunchilik takliflarini” degan soʻzlar bilan almashtirilsin;

quyidagi mazmundagi 8¹-band bilan toʻldirilsin:

“8¹) qonunchilik taklifi tashabbuskorlari tomonidan kiritilgan qonunchilik taklifiga taalluqli masalalar yuzasidan ushbu tashabbuskorlar vakillarining fikrlarini eshitadi”;

11-bandidagi “xoʻjalik boshqaruvi organlari” degan soʻzlar chiqarib tashlansin;

12-bandidagi “xoʻjalik boshqaruvi organlari” degan soʻzlar chiqarib tashlansin;

8) quyidagi mazmundagi 24¹-modda bilan toʻldirilsin:

Fraksiya oʻz tarkibidan fraksiya rahbarini saylaydi.

Fraksiya rahbari:

fraksiya faoliyatiga umumiy rahbarlikni amalga oshiradi;

Qonunchilik palatasi majlislarida koʻrib chiqilayotgan masalalar yuzasidan fraksiyaning kelishilgan nuqtai nazarini bayon etadi, ular boʻyicha rasmiy bayonotlar bilan chiqadi (fraksiya qaroriga koʻra mazkur vakolat fraksiyaning boshqa aʼzolari zimmasiga ham yuklatilishi mumkin);

Qonunchilik palatasi, uning organlari va mansabdor shaxslari bilan fraksiya nomidan muzokaralar olib boradi;

fraksiyaning partiya rahbar organlari bilan hamkorligini taʼminlaydi;

davlat organlari, chet davlatlar, xalqaro va boshqa tashkilotlar bilan oʻzaro munosabatlarda fraksiya nomidan ish yuritadi;

fraksiyaning qarorlarini va boshqa hujjatlarini imzolaydi;

fraksiya majlislarining kun tartibini shakllantirish boʻyicha tavsiyalar beradi hamda muhokamaga kiritilgan masalalarni tayyorlash ustidan umumiy rahbarlikni amalga oshiradi;

fraksiya majlislarini chaqiradi, ularda raislik qiladi;

fraksiya ishida ishtirok etish uchun Oʻzbekiston Respublikasi Vazirlar Mahkamasi aʼzolarini va boshqa davlat organlarining rahbarlarini, ekspertlarni, fuqarolik jamiyati institutlarining vakillarini taklif etadi;

fraksiya oldida turgan vazifalardan kelib chiqqan holda fraksiya aʼzolariga ularning oʻz saylov okruglaridagi faoliyatini tashkil etishda har tomonlama koʻmaklashadi;

fraksiyaning samarali faoliyati uchun zarur boʻlgan boshqa vakolatlarni amalga oshiradi.

Fraksiya rahbari mehnatga haq toʻlash, tibbiy va transport taʼminoti shart-sharoitlariga koʻra Spiker oʻrinbosariga tenglashtiriladi.

Fraksiya rahbari fraksiya majlisida saylanadigan oʻrinbosariga (oʻrinbosarlariga) ega boʻladi.

Fraksiya rahbari yoʻqligida uning vakolatlarini fraksiya rahbarining oʻrinbosarlaridan biri amalga oshiradi.

Fraksiya rahbari vakolatlarining muddatidan ilgari tugatilishi toʻgʻrisidagi qaror fraksiya majlisi tomonidan qabul qilinadi”;

9) 25-moddaning:

4-bandi quyidagi tahrirda bayon etilsin:

“4) Qonunchilik palatasi majlisida davlat hokimiyati organlarining va respublika ijro etuvchi hokimiyat organlarining mansabdor shaxslariga ularning tasarrufiga kiradigan masalalar yuzasidan asoslantirilgan tushuntirish berish yoki oʻz nuqtai nazarini bayon qilish talabi bilan murojaat etadi”;

7-bandidagi “qonun loyihalari” degan soʻzlar “qonun loyihalari, qonunchilik takliflari” degan soʻzlar bilan almashtirilsin;

10) V boʻlimning nomi quyidagi tahrirda bayon etilsin:

11) 27-moddaning matni quyidagi tahrirda bayon etilsin:

“Qonunchilik tashabbusi huquqiga Oʻzbekiston Respublikasi Prezidenti, davlat hokimiyatining oliy organi orqali Qoraqalpogʻiston Respublikasi, Qonunchilik palatasi deputatlari, Oʻzbekiston Respublikasi Vazirlar Mahkamasi ega. Oʻzbekiston Respublikasining Konstitutsiyaviy sudi, Oliy sudi va Bosh prokurori ham oʻz vakolatlari jumlasiga kiritilgan masalalar boʻyicha qonunchilik tashabbusi huquqiga egadir.

Qonunchilik tashabbusi huquqi qonun loyihasini qonunchilik tashabbusi huquqi subyektlari tomonidan Qonunchilik palatasiga kiritish orqali amalga oshiriladi.

Davlat daromadlarini kamaytirish yoki davlat xarajatlarini koʻpaytirish, shuningdek budjet moddalari boʻyicha oʻzgartirishlarni nazarda tutuvchi qonunlarning loyihalari faqat Oʻzbekiston Respublikasi Vazirlar Mahkamasining ijobiy xulosasi boʻlgan taqdirda kiritilishi mumkin”;

12) 32-moddaning matni quyidagi tahrirda bayon etilsin:

“Qonun Senat tomonidan oltmish kun ichida koʻrib chiqiladi va maʼqullangan taqdirda, imzolanishi va eʼlon qilinishi uchun Oʻzbekiston Respublikasi Prezidentiga oʻn kundan kechiktirmay yuboriladi.

Agar Senat qonunni maʼqullash yoki rad etish toʻgʻrisida u Senatga kelib tushgan kundan eʼtiboran oltmish kun ichida qaror qabul qilmasa, Qonunchilik palatasi tomonidan qonun imzolanishi va eʼlon qilinishi uchun Oʻzbekiston Respublikasi Prezidentiga yuboriladi.

Oʻzbekiston Respublikasi Prezidenti qonunni oltmish kun ichida imzolaydi va eʼlon qiladi.

Oʻzbekiston Respublikasi Prezidenti qonunni oʻz eʼtirozlari bilan Oʻzbekiston Respublikasi Oliy Majlisiga qaytarishga haqli”;

13) quyidagi mazmundagi 33¹-modda bilan toʻldirilsin:

Oʻzbekiston Respublikasining saylov huquqiga ega boʻlgan, yuz ming nafardan kam boʻlmagan fuqarolari, Senat, Oʻzbekiston Respublikasi Oliy Majlisining Inson huquqlari boʻyicha vakili (ombudsman), Oʻzbekiston Respublikasi Markaziy saylov komissiyasi qonunchilik takliflarini qonunchilik tashabbusi tartibida Qonunchilik palatasiga kiritishga haqli.

Qonunchilik taklifi Qonunchilik palatasiga kiritilganidan keyin “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi Oʻzbekiston Respublikasi Qonunida belgilangan tartibda koʻrib chiqiladi”;

14) 34-moddaning uchinchi qismi quyidagi mazmundagi uchinchi — oltinchi qismlar bilan almashtirilsin:

“Qonunchilik palatasi oʻzini oʻzi tarqatib yuborish toʻgʻrisida deputatlar umumiy sonining kamida uchdan ikki qismidan iborat koʻpchilik ovozi bilan qaror qabul qilishi mumkin.

Qonunchilik palatasi oʻzini oʻzi tarqatib yuborgan taqdirda yangi saylov ikki oy ichida oʻtkaziladi.

Qonunchilik palatasi favqulodda holat amal qilib turgan davrda tarqatib yuborilishi mumkin emas.

Qonunchilik palatasi tarqatib yuborilgan davrda Oʻzbekiston Respublikasi Oliy Majlisining qonunlarni qabul qilishga doir vakolatlarini Senat bajaradi, bundan Oʻzbekiston Respublikasining Konstitutsiyasi va konstitutsiyaviy qonunlari mustasno”.

6-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 157-modda, № 5, 261, 265-moddalar, № 8, 468-modda, № 9, 588-modda, № 12, 884-modda; 2020-yil, № 8, 488-modda; 2021-yil, 4-songa ilova, № 11, 1061-modda; 2022-yil, № 10, 983-modda) quyidagi oʻzgartirish va qoʻshimchalar kiritilsin:

1) 3-moddaning ikkinchi qismi quyidagi tahrirda bayon etilsin:

“Qonunchilik palatasining majlislari, agar ularning ishida palata deputatlari umumiy sonining yarmidan koʻpi ishtirok etsa, vakolatli hisoblanadi. Oʻzbekiston Respublikasining Konstitutsiyasini, konstitutsiyaviy qonunlarni qabul qilishda, ularga oʻzgartirishlar va qoʻshimchalar kiritishda deputatlar umumiy sonining kamida uchdan ikki qismi hozir boʻlishi shart”;

2) 4-moddaning beshinchi — toʻqqizinchi qismlari quyidagi mazmundagi beshinchi — sakkizinchi qismlar bilan almashtirilsin:

“Qonunchilik palatasi Spikeri oʻrinbosarlarining soni, qoida tariqasida, ikki nafardan oshmasligi kerak.

Qonunchilik palatasi Spikerining oʻrinbosarlari yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolatlari muddatiga saylanadi.

Siyosiy partiyalar vakillari kengashi taqdim etgan nomzod Qonunchilik palatasi Spikerining oʻrinbosari lavozimiga saylanmagan taqdirda, Siyosiy partiyalar vakillari kengashi deputatlar orasidan boshqa nomzodni taqdim etish huquqiga ega.

Qonunchilik palatasi Spikeri va uning oʻrinbosarlari saylanganligi toʻgʻrisida qarorlar qabul qilinadi, qarorlarni palata majlisida raislik qiluvchi imzolaydi”;

3) 5-moddaning:

ikkinchi qismidagi “koʻpchilik ovozi bilan” degan soʻzlar “uchdan ikki qismidan koʻprogʻining ovozi bilan” degan soʻzlar bilan almashtirilsin;

uchinchi qismi quyidagi tahrirda bayon etilsin:

“Qonunchilik palatasi Spikerini yoki uning oʻrinbosarlarini muddatidan ilgari lavozimidan ozod qilish toʻgʻrisidagi masala Qonunchilik palatasi deputatlari umumiy sonining kamida uchdan bir qismidan iborat Qonunchilik palatasi deputatlari guruhining taklifiga binoan palata tomonidan koʻrib chiqiladi”;

4) 6-moddaning uchinchi qismi:

quyidagi mazmundagi beshinchi xatboshi bilan toʻldirilsin:

“qonunchilik tashabbusi tartibida kiritilgan qonunchilik taklifini (bundan buyon matnda qonunchilik taklifi deb yuritiladi) Qonunchilik palatasi koʻrib chiqishi uchun qabul qilish toʻgʻrisida masʼul qoʻmitaning xulosasiga koʻra qaror qabul qiladi”;

beshinchi va oltinchi xatboshilari tegishincha oltinchi va yettinchi xatboshilar deb hisoblansin;

5) 7-moddaning:

ikkinchi qismidagi “Qonunchilik palatasi Spikerining birinchi oʻrinbosari” degan soʻzlar “uning oʻrinbosarlari” degan soʻzlar bilan almashtirilsin;

uchinchi qismidagi “budjet va iqtisodiy islohotlar” degan soʻzlar “budjet va iqtisodiy masalalar” degan soʻzlar bilan almashtirilsin;

6) 9-moddaning beshinchi qismidagi “Qonunchilik palatasi Spikerining birinchi oʻrinbosari” degan soʻzlar “Qonunchilik palatasi Spikerining oʻrinbosarlari” degan soʻzlar bilan almashtirilsin;

7) 12-modda ikkinchi qismi:

2-bandining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

3¹-bandining oʻzbekcha matnidagi “qonunchilikning” degan soʻz “qonunchiligining” degan soʻz bilan almashtirilsin;

8) 13-moddaning toʻrtinchi qismi quyidagi tahrirda bayon etilsin:

“Qonunchilik palatasi Kengashi masʼul qoʻmitaning xulosasi asosida, fraksiyalarning fikrlari va takliflarini hisobga olgan holda qonun loyihasini Qonunchilik palatasi koʻrib chiqishi uchun qabul qilish toʻgʻrisida yoki qonun loyihasi ushbu Qonun 12-moddasining ikkinchi qismida belgilangan talablarga muvofiq boʻlmagan taqdirda yoxud u qonunchilik tashabbusi huquqi subyekti tomonidan oʻz vakolatlari jumlasiga kiritilmagan masalalar boʻyicha kiritilganda uni qonunchilik tashabbusi huquqi subyektiga qaytarish haqida qaror qabul qiladi”;

9) 14-moddaning toʻrtinchi qismi quyidagi tahrirda bayon etilsin:

“Qonun loyihasini Qonunchilik palatasi qoʻmitalarida muhokama qilish ochiq oʻtkaziladi. Muhokamalarga qonun loyihasini kiritgan qonunchilik tashabbusi huquqi subyektining vakillari, fuqarolik jamiyati institutlarining va ilmiy-tadqiqot muassasalarining vakillari, shuningdek olimlar, mutaxassislar ham taklif etilishi mumkin”;

10) quyidagi mazmundagi 16¹-modda bilan toʻldirilsin:

Senat qonunni maʼqullash yoki rad etish toʻgʻrisida u Senatga kelib tushgan kundan eʼtiboran oltmish kun ichida qaror qabul qilmasa, Qonunchilik palatasi tomonidan qonun imzolanishi va eʼlon qilinishi uchun Oʻzbekiston Respublikasi Prezidentiga yuboriladi”;

11) 18-modda:

nomining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

birinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

ikkinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

uchinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

12) quyidagi mazmundagi III¹ boʻlim bilan toʻldirilsin:

Oʻzbekiston Respublikasining saylov huquqiga ega boʻlgan, yuz ming nafardan kam boʻlmagan fuqarolari, Senat, Oʻzbekiston Respublikasi Oliy Majlisining Inson huquqlari boʻyicha vakili (ombudsman), Oʻzbekiston Respublikasi Markaziy saylov komissiyasi qonunchilik takliflarini qonunchilik tashabbusi tartibida Oʻzbekiston Respublikasi Oliy Majlisining Qonunchilik palatasiga kiritishga haqli. Mazkur qonunchilik taklifida muayyan sohada qonunni qabul qilish, amaldagi qonunlarga oʻzgartirishlar, qoʻshimchalar kiritish, qonunlarni yoki ularning qismlarini oʻz kuchini yoʻqotgan deb topish zaruriyati asoslantirilgan boʻlishi, shuningdek qabul qilish uchun taklif etilayotgan qonunning konsepsiyasi va kutilayotgan natijalar toʻgʻrisidagi axborot boʻlishi kerak.

Quyidagi masalalar Qonunchilik palatasiga Oʻzbekiston Respublikasi fuqarolari tomonidan kiritiladigan qonunchilik taklifining predmeti boʻlishi mumkin emas:

Oʻzbekiston Respublikasining hududiy yaxlitligini oʻzgartirish toʻgʻrisidagi;

amnistiya va afv etish haqidagi;

mansabdor shaxslarni tayinlash va lavozimidan ozod etish toʻgʻrisidagi.

Qonunchilik taklifi Qonunchilik palatasiga Oʻzbekiston Respublikasi fuqarolari tomonidan kiritilayotganda quyidagilar taqdim etilishi kerak:

qonunchilik taklifining matni;

saylov huquqiga ega boʻlgan, yuz ming nafardan kam boʻlmagan Oʻzbekiston Respublikasi fuqarolarining familiyasi, ismi, otasining ismi, tugʻilgan sanasi, yashash joyi manzili, pasportining yoki identifikatsiyalovchi ID-kartasining seriyasi va raqami, shuningdek Oʻzbekiston Respublikasi fuqarolari tomonidan kiritilgan imzoning sanasi koʻrsatilgan imzo varaqalari. Bunda imzolar kamida sakkizta hududiy subyektda (viloyatda), shu jumladan Qoraqalpogʻiston Respublikasi va Toshkent shahrida yashayotgan Oʻzbekiston Respublikasi fuqarolari oʻrtasida mutanosib taqsimlangan boʻlishi hamda imzolar sonida yoʻl qoʻyiladigan eng koʻp chetga chiqish, qoida tariqasida, oʻn foizdan oshmasligi kerak;

qonunchilik taklifini koʻrib chiqish chogʻida ishtirok etadigan vakil yoki vakillar guruhi haqidagi axborot.

Qonunchilik taklifi Qonunchilik palatasiga Senat, Oʻzbekiston Respublikasi Oliy Majlisining Inson huquqlari boʻyicha vakili (ombudsman), Oʻzbekiston Respublikasi Markaziy saylov komissiyasi tomonidan kiritilayotganda quyidagilar taqdim etilishi kerak:

qonunchilik taklifining matni;

qonunchilik taklifini kiritish toʻgʻrisidagi tegishli qaror;

qonunchilik taklifini koʻrib chiqish chogʻida ishtirok etadigan vakil haqidagi axborot.

Qonunchilik taklifiga ushbu moddaning uchinchi va toʻrtinchi qismlarida nazarda tutilmagan boshqa hujjatlar hamda materiallar ham ilova qilinishi mumkin.

Qonunchilik palatasi Spikeri masʼul qoʻmitani belgilaydi, qonunchilik taklifini hamda unga ilova qilingan materiallarni masʼul qoʻmitaga va bir vaqtning oʻzida fraksiyalarga topshiradi, shuningdek fraksiyalar tomonidan fikrlar va takliflarni hamda masʼul qoʻmita tomonidan xulosani taqdim etish muddatini belgilaydi.

Qonunchilik taklifini Qonunchilik palatasi koʻrib chiqishiga qabul qilish mumkinligi toʻgʻrisidagi takliflarni ishlab chiqish uchun qonunchilik taklifi ustida ishlash fraksiyalar va masʼul qoʻmita tomonidan bir vaqtning oʻzida amalga oshiriladi. Bunda fraksiyalarning qonunchilik taklifi boʻyicha fikrlari va takliflarisiz masʼul qoʻmita ushbu qonunchilik taklifi yuzasidan oʻz xulosasini chiqarish huquqiga ega emas.

Masʼul qoʻmita imzolarning ushbu Qonun 19¹-moddasining talablariga muvofiqligini belgilangan tartibda tekshiradi.

Masʼul qoʻmita barcha fraksiyalardan qonunchilik taklifi boʻyicha fikrlar va takliflarni toʻplab, Qonunchilik palatasi Kengashiga qonunchilik taklifini Qonunchilik palatasi koʻrib chiqishi uchun qabul qilish mumkinligi toʻgʻrisida belgilangan muddatda xulosa taqdim etadi.

Qonunchilik palatasi Kengashi masʼul qoʻmitaning xulosasi asosida, fraksiyalarning fikrlari va takliflarini hisobga olgan holda qonunchilik taklifini Qonunchilik palatasi koʻrib chiqishi uchun qabul qilish toʻgʻrisida yoki qonunchilik taklifi ushbu Qonunning 19¹-moddasida belgilangan talablarga muvofiq boʻlmagan taqdirda uni qonunchilik taklifi tashabbuskoriga qaytarish haqida qaror qabul qiladi.

Aniqlangan kamchiliklar bartaraf etilganidan keyin qonunchilik taklifi Qonunchilik palatasi koʻrib chiqishi uchun yangidan kiritilishi mumkin.

Qonunchilik taklifi Qonunchilik palatasi koʻrib chiqishi uchun qabul qilinayotganda qonunchilik taklifini palata majlisida koʻrib chiqishga tayyorlash muddati uning Kengashi tomonidan belgilanishi shart.

Koʻrib chiqish uchun qabul qilingan qonunchilik taklifi unga ilova qilingan materiallar bilan Qonunchilik palatasining qoʻmitalariga yuboriladi.

Qonunchilik taklifini dastlabki tarzda muhokama qilish va Qonunchilik palatasida koʻrib chiqishga tayyorlash masʼul qoʻmita tomonidan amalga oshiriladi.

Fraksiyalar qonunchilik taklifini dastlabki tarzda muhokama qilish yakunlariga koʻra masʼul qoʻmitaga oʻz fikrlari va takliflarini taqdim etadi.

Masʼul qoʻmita fraksiyalarning, manfaatdor tashkilotlarning hamda ekspertlar guruhlarining fikrlari va takliflarini hisobga olgan holda qonunchilik taklifining dastlabki tarzdagi muhokamasini oʻtkazadi va uni quyidagilarni ilova qilgan holda Qonunchilik palatasi Kengashi koʻrib chiqishi uchun taqdim etadi:

qonunchilik taklifini koʻrib chiqish uchun Qonunchilik palatasiga kiritish toʻgʻrisidagi Qonunchilik palatasi Kengashining qarori loyihasini;

qonunchilik taklifi boʻyicha masʼul qoʻmitaning xulosasini;

fraksiyalarning qonunchilik taklifi boʻyicha fikrlari va takliflarini.

Qonunchilik taklifini Qonunchilik palatasi qoʻmitalarida muhokama qilish ochiq oʻtkaziladi. Muhokamalarga qonunchilik taklifini kiritgan tashabbuskorlarning vakillari, fuqarolik jamiyati institutlarining va ilmiy-tadqiqot muassasalarining vakillari, shuningdek olimlar, mutaxassislar ham taklif etilishi mumkin.

Qonunchilik palatasi Kengashi qonunchilik taklifini koʻrib chiqish uchun Qonunchilik palatasi majlisining kun tartibi loyihasiga kiritish toʻgʻrisida qaror qabul qiladi.

Qonunchilik taklifini Qonunchilik palatasi majlisida koʻrib chiqish chogʻida masʼul qoʻmita vakilining maʼruzasi eshitiladi va mazkur masala yuzasidan muhokamalar oʻtkaziladi.

Qonunchilik palatasi muhokama natijalari boʻyicha quyidagi qarorlardan birini qabul qiladi:

qonunchilik taklifini maʼqullash toʻgʻrisida;

qonunchilik taklifini rad etish toʻgʻrisida.

Qonunchilik taklifini maʼqullash toʻgʻrisida qaror qabul qilingan taqdirda, maʼqullangan qonunchilik taklifi tegishli qonun loyihasini tayyorlash va Qonunchilik palatasiga belgilangan tartibda kiritish uchun tegishli qoʻmitaga yuboriladi. Qonunchilik palatasining qarori bilan qonunchilik tashabbusi huquqi subyektiga tegishli qonun loyihasini tayyorlash, shuningdek Qonunchilik palatasiga belgilangan tartibda kiritish tavsiya etilishi mumkin”;

13) IV boʻlimning nomi quyidagi tahrirda bayon etilsin:

14) 20-moddaning:

uchinchi qismidagi “Budjet va iqtisodiy islohotlar” degan soʻzlar “Budjet va iqtisodiy masalalar” degan soʻzlar bilan almashtirilsin;

beshinchi qismidagi “Budjet va iqtisodiy islohotlar” degan soʻzlar “Budjet va iqtisodiy masalalar” degan soʻzlar bilan almashtirilsin;

yettinchi qismi quyidagi tahrirda bayon etilsin:

“Davlat budjeti toʻgʻrisidagi qonun loyihasini koʻrib chiqish chogʻida Qonunchilik palatasi Oʻzbekiston Respublikasi iqtisodiyot va moliya vazirining yoki uning vazifasini bajaruvchi shaxsning maʼruzasini, Budjet va iqtisodiy masalalar qoʻmitasi vakilining qoʻshimcha maʼruzasini eshitadi hamda uni birinchi oʻqishda qabul qilish toʻgʻrisida yoxud rad etish haqida qaror qabul qiladi”;

15) 21-modda:

nomining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

birinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

ikkinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

uchinchi qismining oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

16) 22 va 22¹-moddalar quyidagi tahrirda bayon etilsin:

Oʻzbekiston Respublikasi Bosh vaziri nomzodi Oʻzbekiston Respublikasi Oliy Majlisi palatalarining mansabdor shaxslari saylangandan va organlari shakllangandan soʻng bir oy ichida yoki Oʻzbekiston Respublikasi Bosh vaziri lavozimidan ozod etilganidan keyin yoxud Oʻzbekiston Respublikasi Bosh vaziri, Oʻzbekiston Respublikasi Vazirlar Mahkamasining amaldagi tarkibi isteʼfoga chiqqanidan keyin bir oy ichida Qonunchilik palatasi koʻrib chiqishi va maʼqullashi uchun Oʻzbekiston Respublikasi Prezidenti tomonidan barcha siyosiy partiyalar fraksiyalari bilan maslahatlashuvlar oʻtkazilganidan soʻng taqdim etiladi.

Qonunchilik palatasi Oʻzbekiston Respublikasi Prezidenti tomonidan taqdim etilgan Oʻzbekiston Respublikasi Bosh vaziri nomzodini taqdimnoma kiritilgan kundan eʼtiboran oʻn kun ichida koʻrib chiqadi.

Oʻzbekiston Respublikasining Bosh vaziri lavozimiga nomzod Qonunchilik palatasida uning nomzodi koʻrib chiqilayotganda Oʻzbekiston Respublikasi Vazirlar Mahkamasining yaqin muddatga va uzoq istiqbolga moʻljallangan harakat dasturini taqdim etadi.

Oʻzbekiston Respublikasi Vazirlar Mahkamasining yaqin muddatga va uzoq istiqbolga moʻljallangan harakat dasturi Qonunchilik palatasining majlisida eshitiladi.

Oʻzbekiston Respublikasi Vazirlar Mahkamasining yaqin muddatga va uzoq istiqbolga moʻljallangan harakat dasturi, fraksiyalar vakillarining oʻz fikrlari va nuqtai nazarlari bayon etilgan chiqishlari eshitilganidan soʻng Oʻzbekiston Respublikasining Bosh vaziri nomzodini maʼqullash toʻgʻrisidagi masala koʻrib chiqiladi.

Oʻzbekiston Respublikasi Bosh vaziri nomzodi uning uchun Qonunchilik palatasi deputatlari umumiy sonining yarmidan koʻpi tomonidan ovoz berilgan taqdirda maʼqullangan hisoblanadi.

Qonunchilik palatasining Oʻzbekiston Respublikasi Bosh vaziri nomzodini maʼqullash masalasi yuzasidan qarori mazkur qaror qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi.

Agar ovoz berish chogʻida Oʻzbekiston Respublikasi Bosh vaziri nomzodi Qonunchilik palatasi deputatlari umumiy sonining yarmidan koʻpining ovozini toʻplay olmagan boʻlsa, Oʻzbekiston Respublikasi Prezidenti barcha fraksiyalar bilan qoʻshimcha maslahatlashuvlar oʻtkazilganidan soʻng Bosh vazir lavozimiga nomzodni yana ikki marta taqdim etish huquqiga ega.

Oʻzbekiston Respublikasi Bosh vaziri lavozimiga taqdim etilgan nomzod uch marta rad etilgan taqdirda, Oʻzbekiston Respublikasi Prezidenti Bosh vazirni tayinlaydi va Qonunchilik palatasini tarqatib yuborishga haqli.

Qonunchilik palatasi tarqatib yuborilgan taqdirda yangi saylov tarqatib yuborish toʻgʻrisidagi qaror qabul qilingan kundan eʼtiboran uch oy ichida oʻtkaziladi.

Oʻzbekiston Respublikasi Bosh vaziri nomzodi Qonunchilik palatasi tomonidan maʼqullanganidan keyin Oʻzbekiston Respublikasi Prezidenti tomonidan lavozimga tayinlanadi.

Oʻzbekiston Respublikasi Bosh vaziri va Qonunchilik palatasi oʻrtasida ziddiyatlar doimiy tus olgan holda Qonunchilik palatasi deputatlari umumiy sonining kamida uchdan bir qismi tomonidan Oʻzbekiston Respublikasi Prezidenti nomiga rasman kiritilgan taklif boʻyicha Qonunchilik palatasining muhokamasiga Oʻzbekiston Respublikasi Bosh vaziriga nisbatan ishonchsizlik votumi bildirish haqidagi masala kiritiladi.

Oʻzbekiston Respublikasi Bosh vaziriga nisbatan ishonchsizlik votumi, agar uning uchun Qonunchilik palatasi deputatlari umumiy sonining kamida uchdan ikki qismi ovoz bersa, qabul qilingan hisoblanadi. Bu holda Oʻzbekiston Respublikasi Prezidenti Oʻzbekiston Respublikasi Bosh vazirini lavozimidan ozod etish toʻgʻrisida qaror qabul qiladi. Bunda Oʻzbekiston Respublikasi Vazirlar Mahkamasining butun tarkibi Oʻzbekiston Respublikasi Bosh vaziri bilan birga isteʼfoga chiqadi.

Oʻzbekiston Respublikasi Vazirlar Mahkamasining aʼzolari ularning nomzodlari Oʻzbekiston Respublikasi Prezidentining taqdimiga binoan Qonunchilik palatasi tomonidan maʼqullanganidan keyin Oʻzbekiston Respublikasi Prezidenti tomonidan lavozimga tayinlanadi.

Oʻzbekiston Respublikasi Vazirlar Mahkamasi aʼzoligiga nomzod u masʼul qoʻmita, fraksiyalar tomonidan dastlabki tarzda koʻrib chiqilganidan keyin Qonunchilik palatasining majlisida koʻrib chiqiladi va maʼqullanadi.

Oʻzbekiston Respublikasi Vazirlar Mahkamasi aʼzosining lavozimiga nomzod uning nomzodi Qonunchilik palatasida koʻrib chiqilayotganda va maʼqullanayotganda Oʻzbekiston Respublikasi Vazirlar Mahkamasining harakatlar dasturi bilan oʻzaro bogʻliq boʻlgan, istiqbolga moʻljallangan maqsadli koʻrsatkichlar va vazifalarga erishish borasidagi huquqiy, iqtisodiy, ijtimoiy, tashkiliy-texnik choralarni nazarda tutuvchi harakatlar rejasini taqdim etadi.

Qonunchilik palatasi Oʻzbekiston Respublikasi Vazirlar Mahkamasi aʼzoligiga nomzodni rad etgan taqdirda, Oʻzbekiston Respublikasi Prezidenti koʻrib chiqish va maʼqullash uchun yangi nomzodni kiritadi.

Oʻzbekiston Respublikasi Vazirlar Mahkamasining aʼzosi Oʻzbekiston Respublikasi Prezidenti tomonidan lavozimga tayinlanganidan keyin oʻz vazifalarini bajarishga kirishadi”;

17) 25-modda chiqarib tashlansin;

18) 26¹-moddaning:

nomidagi “har yilgi maʼruzasini koʻrib chiqish” degan soʻzlar “har yilgi maʼruzasini eshitish” degan soʻzlar bilan almashtirilsin;

uchinchi qismidagi “har yilgi maʼruzasini koʻrib chiqish” degan soʻzlar “har yilgi maʼruzasini eshitish” degan soʻzlar bilan almashtirilsin;

toʻrtinchi qismidagi “har yilgi maʼruzasini koʻrib chiqish” degan soʻzlar “har yilgi maʼruzasini eshitish” degan soʻzlar bilan almashtirilsin;

19) 26²-moddaning:

nomidagi “milliy maʼruzani koʻrib chiqish” degan soʻzlar “har yilgi milliy maʼruzani eshitish” degan soʻzlar bilan almashtirilsin;

uchinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

toʻrtinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

20) 31-moddaning birinchi qismidagi “Moliya vazirligi” degan soʻzlar “Iqtisodiyot va moliya vazirligi” degan soʻzlar bilan almashtirilsin;

21) 32-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

oltinchi qismidagi “xoʻjalik boshqaruvi organlarining” degan soʻzlar chiqarib tashlansin;

yettinchi qismidagi “xoʻjalik boshqaruvi organlarining” degan soʻzlar chiqarib tashlansin;

sakkizinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

toʻqqizinchi qismi birinchi jumlasi quyidagi tahrirda bayon etilsin:

“Parlament soʻroviga yozma javob, qoida tariqasida, Qonunchilik palatasining majlisida raislik qiluvchi tomonidan oʻqib eshittiriladi”;

22) 32¹-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

23) 32²-moddaning:

nomidagi “Oʻzbekiston Respublikasi Oliy Majlisiga” degan soʻzlar “Oʻzbekiston Respublikasi xalqiga hamda Oliy Majlisiga” degan soʻzlar bilan almashtirilsin;

birinchi qismi quyidagi tahrirda bayon etilsin:

“Oʻzbekiston Respublikasi Bosh vaziri hukumat aʼzolari bilan birgalikda har yarim yilda Qonunchilik palatasiga Oʻzbekiston Respublikasi Prezidentining Oʻzbekiston Respublikasi xalqiga hamda Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturi bajarilishining borishi toʻgʻrisida hisobot taqdim etadi”;

uchinchi qismidagi “Oʻzbekiston Respublikasi Oliy Majlisiga” degan soʻzlar “Oʻzbekiston Respublikasi xalqiga hamda Oliy Majlisiga” degan soʻzlar bilan almashtirilsin;

24) 33 va 33¹-moddalar quyidagi tahrirda bayon etilsin:

Qonunchilik palatasi zarur boʻlgan hollarda oʻz majlisida Oʻzbekiston Respublikasi Bosh vazirining mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisobotini eshitishi mumkin.

Oʻzbekiston Respublikasi Bosh vazirining mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisoboti ushbu Qonunning 32-moddasiga muvofiq parlament soʻrovi tartibida eshitiladi.

Fraksiyalar, Qonunchilik palatasining qoʻmitalari Oʻzbekiston Respublikasi Bosh vazirining hisobotini dastlabki tarzda koʻrib chiqadi hamda fikrlar va takliflarni ishlab chiqadi, ular Qonunchilik palatasining majlisida majburiy ravishda hamda har tomonlama muhokama qilinishi lozim.

Oʻzbekiston Respublikasi Bosh vazirining hisobotini eshitish yakunlari boʻyicha Qonunchilik palatasi qaror qabul qiladi, unda hukumatning mamlakatni ijtimoiy-iqtisodiy jihatdan rivojlantirishning dolzarb masalalariga doir faoliyati samaradorligini oshirishga qaratilgan takliflar boʻlishi mumkin.

Oʻzbekiston Respublikasi Bosh vazirining hisobotini eshitish yakunlari boʻyicha qabul qilingan Qonunchilik palatasining qarori Oʻzbekiston Respublikasi Vazirlar Mahkamasiga yuboriladi.

Qonunchilik palatasi zarur boʻlgan hollarda, oʻzining majlisida Oʻzbekiston Respublikasi Vazirlar Mahkamasi aʼzolarining oʻz faoliyati masalalari yuzasidan hisobotlarini, davlat organlari rahbarlarining axborotini eshitishi mumkin.

Oʻzbekiston Respublikasi Vazirlar Mahkamasi aʼzolarining oʻz faoliyati masalalari yuzasidan hisobotlarini, davlat organlari rahbarlarining axborotini eshitish toʻgʻrisidagi masala fraksiyalar, qoʻmitalar tashabbusiga koʻra Qonunchilik palatasi tomonidan koʻrib chiqiladi.

Oʻzbekiston Respublikasi Vazirlar Mahkamasi aʼzolarining oʻz faoliyati masalalari yuzasidan hisobotlarini, davlat organlari rahbarlarining axborotini eshitish toʻgʻrisida Qonunchilik palatasi qaror qabul qiladi. Oʻzbekiston Respublikasi Vazirlar Mahkamasi aʼzolarining hisobotlarini eshitish toʻgʻrisidagi Qonunchilik palatasi qarori oldindan Oʻzbekiston Respublikasi Vazirlar Mahkamasiga, davlat organlari rahbarlarining axborotini eshitish toʻgʻrisidagi qarori esa tegishli davlat organiga yuboriladi.

Oʻzbekiston Respublikasi Vazirlar Mahkamasi aʼzolarining hisobotlarini, davlat organlari rahbarlarining axborotini eshitish yakunlari boʻyicha Qonunchilik palatasi qaror qabul qiladi, unda tegishincha Oʻzbekiston Respublikasi Vazirlar Mahkamasi aʼzolarining, davlat organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Oʻzbekiston Respublikasi Vazirlar Mahkamasi aʼzolarining hisobotlarini eshitish yakunlari boʻyicha qabul qilingan Qonunchilik palatasi qarori Oʻzbekiston Respublikasi Vazirlar Mahkamasiga yuboriladi, davlat organlari rahbarlarining axborotini eshitish yakunlari boʻyicha qarori esa tegishli davlat organiga yuboriladi”;

25) 33⁴-moddaning:

nomidagi “hisobotini eshitish” degan soʻzlar “hisobotini koʻrib chiqish” degan soʻzlar bilan almashtirilsin;

birinchi qismidagi “hisobotini eshitadi” degan soʻzlar “hisobotini koʻrib chiqadi” degan soʻzlar bilan almashtirilsin;

ikkinchi — beshinchi qismlaridagi “Budjet va iqtisodiy islohotlar” degan soʻzlar “Budjet va iqtisodiy masalalar” degan soʻzlar bilan almashtirilsin;

oltinchi qismi quyidagi tahrirda bayon etilsin:

“Oʻzbekiston Respublikasi Hisob palatasining hisobotini koʻrib chiqish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Hisob palatasiga yuboriladi”;

26) 33⁵-moddaning:

uchinchi qismidagi “davlat organlari, xoʻjalik boshqaruvi organlari” degan soʻzlar “davlat organlari” degan soʻzlar bilan almashtirilsin;

toʻrtinchi qismi quyidagi tahrirda bayon etilsin:

“Davlat organlari rahbarlarining axborotini eshitish yakunlari boʻyicha Qonunchilik palatasining qoʻmitalari qarorlar qabul qiladi, qarorlar tegishli davlat organiga yuboriladi”;

beshinchi qismidagi “davlat organlari, xoʻjalik boshqaruvi organlari” degan soʻzlar “davlat organlari” degan soʻzlar bilan almashtirilsin;

oltinchi qismidagi “davlat organlari, xoʻjalik boshqaruvi organlari” degan soʻzlar “davlat organlari” degan soʻzlar bilan almashtirilsin;

27) 33⁶-modda quyidagi tahrirda bayon etilsin:

Mamlakatning xavfsizligi, barqaror rivojlanishi asoslariga salbiy taʼsir koʻrsatishi mumkin boʻlgan, inson huquqlari va erkinliklariga, jamiyat va davlat manfaatlariga tahdid soladigan faktlar hamda voqealarni oʻrganish maqsadida Qonunchilik palatasi va Senatning qoʻshma qarori bilan parlament tekshiruvi oʻtkazilishi mumkin.

Parlament tekshiruvini oʻtkazish uchun Qonunchilik palatasi deputatlari va Senat aʼzolari orasidan tenglik asosida maxsus komissiya tuziladi.

Maxsus komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif etishga.

Maxsus komissiya Qonunchilik palatasi va Senatning qoʻshma qaroriga muvofiq boshqa huquqlarga ham ega boʻlishi mumkin.

Maxsus komissiya bajarilgan ishlar toʻgʻrisida Qonunchilik palatasi va Senat tomonidan belgilangan muddatda ularni xabardor qiladi”;

28) 35-modda birinchi qismidagi “Budjet va iqtisodiy islohotlar” degan soʻzlar “Budjet va iqtisodiy masalalar” degan soʻzlar bilan almashtirilsin.

7-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Senatining Reglamenti toʻgʻrisida”gi 523-II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 137-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2009-yil, № 4, 136-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 2, 47-modda, № 3, 162-modda, № 5, 261, 265-moddalar, № 8, 468-modda, № 12, 884-modda; 2020-yil, № 8, 488-modda; 2021-yil, № 1, 13-modda, 4-songa ilova, № 11, 1061-modda) quyidagi oʻzgartirish va qoʻshimchalar kiritilsin:

1) 3-moddaning ikkinchi qismi quyidagi tahrirda bayon etilsin:

“Senat majlislari, agar ularning ishida senatorlar umumiy sonining yarmidan koʻpi ishtirok etsa, vakolatli hisoblanadi. Oʻzbekiston Respublikasining Konstitutsiyasini, konstitutsiyaviy qonunlarini maʼqullash, ularga oʻzgartirishlar va qoʻshimchalar kiritish toʻgʻrisidagi masalalarni koʻrib chiqishda senatorlar umumiy sonining kamida uchdan ikki qismi hozir boʻlishi shart”;

2) 5-moddaning ikkinchi qismidagi “umumiy sonining koʻpchilik ovozi bilan” degan soʻzlar “umumiy sonining uchdan ikki qismidan koʻprogʻining ovozi bilan” degan soʻzlar bilan almashtirilsin;

3) 7-moddaning uchinchi qismidagi “budjet va iqtisodiy islohotlar masalalari” degan soʻzlar “budjet va iqtisodiy masalalar” degan soʻzlar bilan almashtirilsin;

4) III boʻlimning nomi quyidagi tahrirda bayon etilsin:

5) quyidagi mazmundagi 15¹-modda bilan toʻldirilsin:

Senat Oʻzbekiston Respublikasining Konstitutsiyasiga muvofiq qonunchilik takliflarini qonunchilik tashabbusi tartibida Qonunchilik palatasiga kiritishga haqli.

Qonunchilik takliflarini tayyorlash, koʻrib chiqish va Qonunchilik palatasiga kiritish tartibi Oʻzbekiston Respublikasi Oliy Majlisi Senatining Reglamentida belgilanadi”;

6) IV boʻlimning nomi quyidagi tahrirda bayon etilsin:

7) 16-moddaning:

birinchi qismidagi “Budjet va iqtisodiy islohotlar masalalari” degan soʻzlar “Budjet va iqtisodiy masalalar” degan soʻzlar bilan almashtirilsin;

uchinchi qismidagi “moliya vazirining” degan soʻzlar “iqtisodiyot va moliya vazirining” degan soʻzlar bilan almashtirilsin;

8) 17-moddaning oʻzbekcha matnidagi “oʻzgartishlar” degan soʻz “oʻzgartirishlar” degan soʻz bilan almashtirilsin;

9) 18-modda chiqarib tashlansin;

10) 21 va 22-moddalar quyidagi tahrirda bayon etilsin:

Oʻzbekiston Respublikasi Konstitutsiyaviy sudi sudyalari, Oʻzbekiston Respublikasi Oliy sudi raisi, rais oʻrinbosarlari va sudyalari, Oʻzbekiston Respublikasi Sudyalar oliy kengashi raisi, rais oʻrinbosari, uning aʼzolari va kotibi, respublika korrupsiyaga qarshi kurashish organining rahbari va respublika monopoliyaga qarshi organining rahbari lavozimlariga saylash uchun nomzodlar Oʻzbekiston Respublikasi Prezidenti tomonidan Senatga taqdim etiladi.

Senat Oʻzbekiston Respublikasi Konstitutsiyaviy sudi sudyalari, Oʻzbekiston Respublikasi Oliy sudi raisi, rais oʻrinbosarlari va sudyalari, Oʻzbekiston Respublikasi Sudyalar oliy kengashi raisi, rais oʻrinbosari, uning aʼzolari va kotibini, respublika korrupsiyaga qarshi kurashish organining rahbarini va respublika monopoliyaga qarshi organining rahbarini saylash toʻgʻrisidagi masalani oʻzining navbatdagi majlisida koʻrib chiqadi. Bu masalalar yuzasidan qarorlar Senat aʼzolari umumiy sonining koʻpchilik ovozi bilan qabul qilinadi.

Senatning Oʻzbekiston Respublikasi Konstitutsiyaviy sudi sudyalari, Oʻzbekiston Respublikasi Oliy sudi raisi, rais oʻrinbosarlari va sudyalari, Oʻzbekiston Respublikasi Sudyalar oliy kengashi raisi, rais oʻrinbosari, uning aʼzolari va kotibini, respublika korrupsiyaga qarshi kurashish organining rahbarini va respublika monopoliyaga qarshi organining rahbarini saylash masalasi yuzasidan qarorlari mazkur qarorlar qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi.

Agar Oʻzbekiston Respublikasi Konstitutsiyaviy sudi sudyalari, Oʻzbekiston Respublikasi Oliy sudi raisi, rais oʻrinbosarlari va sudyalari, Oʻzbekiston Respublikasi Sudyalar oliy kengashi raisi, rais oʻrinbosari, uning aʼzolari va kotibi, respublika korrupsiyaga qarshi kurashish organining rahbari va respublika monopoliyaga qarshi organining rahbari lavozimlariga saylash uchun taqdim etilgan nomzodlar ovoz berish paytida Senat aʼzolari ovozlarining zarur sonini ololmasalar, Oʻzbekiston Respublikasi Prezidenti Senat koʻrib chiqishi uchun shu nomzodlarni qaytadan taqdim etishi mumkin. Agar ular qayta rad etilsa, Oʻzbekiston Respublikasi Prezidenti tomonidan Senat koʻrib chiqishi uchun boshqa nomzodlar taqdim etiladi.

Oʻzbekiston Respublikasi Markaziy banki boshqaruvining raisi, Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarini lavozimlarga tayinlash uchun nomzodlarni Oʻzbekiston Respublikasining Prezidenti Senatga taqdim etadi.

Oʻzbekiston Respublikasi Markaziy banki boshqaruvining raisini, Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalarining rahbarlarini tayinlash hamda ularni lavozimidan ozod etish toʻgʻrisidagi masalani Senat oʻzining navbatdagi majlisida koʻrib chiqadi. Bu masalalar yuzasidan qarorlar Senat aʼzolari umumiy sonining koʻpchilik ovozi bilan qabul qilinadi.

Senatning Oʻzbekiston Respublikasi Markaziy banki boshqaruvining raisini, Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalarining rahbarlarini tayinlash yoki ularni lavozimidan ozod etish toʻgʻrisidagi qarorlari mazkur qarorlar qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi.

Agar Oʻzbekiston Respublikasi Markaziy banki boshqaruvining raisi, Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalarining rahbarlarini lavozimlarga tayinlash uchun taqdim etilgan nomzodlar ovoz berish paytida Senat aʼzolari ovozlarining zarur sonini ololmasalar, Oʻzbekiston Respublikasi Prezidenti Senat koʻrib chiqishi uchun shu nomzodlarni qaytadan taqdim etishi mumkin. Agar ular qayta rad etilsa, Senat koʻrib chiqishi uchun Oʻzbekiston Respublikasi Prezidenti tomonidan boshqa nomzodlar taqdim etiladi”;

11) VI boʻlimning nomi quyidagi tahrirda bayon etilsin:

12) 23-modda quyidagi tahrirda bayon etilsin:

Senat Oʻzbekiston Respublikasi Prezidentining vazirliklarni va boshqa respublika ijro etuvchi hokimiyat organlarini tuzish hamda tugatish toʻgʻrisidagi oʻz tasdigʻiga kiritilgan farmonlari yuzasidan qarorlar qabul qiladi.

Senatning Oʻzbekiston Respublikasi Prezidentining vazirliklarni va boshqa respublika ijro etuvchi hokimiyat organlarini tuzish hamda tugatish toʻgʻrisidagi farmonlarini tasdiqlash masalasi yuzasidan qarorlari mazkur qarorlar qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi”;

13) 25-modda quyidagi tahrirda bayon etilsin:

Oʻzbekiston Respublikasi Bosh prokurori, Oʻzbekiston Respublikasi Hisob palatasi raisi ularning nomzodlari Senat tomonidan maʼqullanganidan keyin Oʻzbekiston Respublikasi Prezidenti tomonidan lavozimga tayinlanadi.

Oʻzbekiston Respublikasi Bosh prokurori va Oʻzbekiston Respublikasi Hisob palatasi raisi lavozimlariga nomzodlar boʻyicha Oʻzbekiston Respublikasi Prezidentining taqdimnomalari Senatning navbatdagi majlisida koʻrib chiqiladi.

Senatning Oʻzbekiston Respublikasi Bosh prokurori va Oʻzbekiston Respublikasi Hisob palatasi raisi lavozimlariga nomzodlar boʻyicha qarorlari mazkur qarorlar qabul qilingan kundan eʼtiboran uch kun ichida Oʻzbekiston Respublikasi Prezidentiga yuboriladi.

Oʻzbekiston Respublikasi Prezidenti taklif etgan Oʻzbekiston Respublikasi Davlat xavfsizlik xizmati raisi lavozimiga nomzod Senat bilan oʻtkazilgan maslahatlashuvlardan keyin Oʻzbekiston Respublikasi Prezidenti tomonidan lavozimga tayinlanadi”;

14) 25¹-modda chiqarib tashlansin;

15) 25²-moddaning:

nomidagi “milliy maʼruzani koʻrib chiqish” degan soʻzlar “har yilgi milliy maʼruzani eshitish” degan soʻzlar bilan almashtirilsin;

uchinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

toʻrtinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

16) 31-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

oltinchi qismidagi “xoʻjalik boshqaruvi organlarining” degan soʻzlar chiqarib tashlansin;

yettinchi qismidagi “xoʻjalik boshqaruvi organlarining” degan soʻzlar chiqarib tashlansin;

sakkizinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

toʻqqizinchi qismi birinchi jumlasi quyidagi tahrirda bayon etilsin:

“Parlament soʻroviga yozma javob, qoida tariqasida, Senatning majlisida raislik qiluvchi tomonidan oʻqib eshittiriladi”;

17) 31¹-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismidagi “davlat boshqaruvi organlarining” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

18) 31² va 32-moddalar chiqarib tashlansin;

19) 32¹-modda quyidagi tahrirda bayon etilsin:

Senat zarur boʻlgan hollarda oʻz majlisida davlat organlari rahbarlarining oʻz faoliyatiga doir masalalar yuzasidan axborotini eshitishi mumkin.

Davlat organlari rahbarlarining oʻz faoliyatiga doir masalalar yuzasidan axborotini eshitish toʻgʻrisidagi masala Senat tomonidan qoʻmitalarning tashabbusiga koʻra koʻrib chiqiladi.

Davlat organlari rahbarlarining oʻz faoliyatiga doir masalalar yuzasidan axborotini eshitish toʻgʻrisida Senat qaror qabul qiladi. Davlat organlari rahbarlarining axborotini eshitish toʻgʻrisidagi Senat qarori oldindan tegishli davlat organiga yuboriladi.

Davlat organlari rahbarlarining axborotini eshitish yakunlari boʻyicha Senat qaror qabul qiladi, unda davlat organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Davlat organlari rahbarlarining axborotini eshitish yakunlari boʻyicha qabul qilingan qaror tegishli davlat organiga yuboriladi”;

20) 32³-moddaning ikkinchi qismidagi “Budjet va iqtisodiy islohotlar masalalari” degan soʻzlar “Budjet va iqtisodiy masalalar” degan soʻzlar bilan almashtirilsin;

21) 32⁵-modda chiqarib tashlansin;

22) 32⁶-moddaning:

uchinchi qismidagi “davlat organlari, xoʻjalik boshqaruvi organlari rahbarlarining” degan soʻzlar “davlat organlari rahbarlarining” degan soʻzlar bilan almashtirilsin;

toʻrtinchi qismi quyidagi tahrirda bayon etilsin:

“Davlat organlari rahbarlarining axborotini eshitish yakunlari boʻyicha Senatning qoʻmitalari qarorlar qabul qiladi, qarorlar tegishli davlat organiga yuboriladi”;

beshinchi qismidagi “xoʻjalik boshqaruvi organlari” degan soʻzlar chiqarib tashlansin;

oltinchi qismidagi “xoʻjalik boshqaruvi organlari” degan soʻzlar chiqarib tashlansin;

23) 32⁷-moddaning matni quyidagi tahrirda bayon etilsin:

“Mamlakatning xavfsizligi, barqaror rivojlanishi asoslariga salbiy taʼsir koʻrsatishi mumkin boʻlgan, inson huquqlari va erkinliklariga, jamiyat va davlat manfaatlariga tahdid soladigan faktlar hamda voqealarni oʻrganish maqsadida Senat va Qonunchilik palatasining qoʻshma qarori bilan parlament tekshiruvi oʻtkazilishi mumkin.

Parlament tekshiruvini oʻtkazish uchun Senat aʼzolari va Qonunchilik palatasi deputatlari orasidan tenglik asosida maxsus komissiya tuzilib, u oʻz faoliyatini qonunga muvofiq amalga oshiradi.

Maxsus komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif etishga.

Maxsus komissiya Senatning va Qonunchilik palatasining qoʻshma qaroriga muvofiq boshqa huquqlarga ham ega boʻlishi mumkin.

Maxsus komissiya bajarilgan ishlar toʻgʻrisida Senat va Qonunchilik palatasi tomonidan belgilangan muddatda ularni xabardor qiladi”;

24) 32⁸-moddaning matni quyidagi tahrirda bayon etilsin:

“Oʻzbekiston Respublikasi Bosh prokurori har yili Senatga hisobot taqdim etadi, hisobot Senatning navbatdagi majlisida koʻrib chiqiladi.

Oʻzbekiston Respublikasi Bosh prokurorining hisoboti dastlabki tarzda Senatning Sud-huquq masalalari va korrupsiyaga qarshi kurashish qoʻmitasi tomonidan koʻrib chiqiladi.

Oʻzbekiston Respublikasi Bosh prokurorining hisobotini eshitish yakunlari boʻyicha Senat qaror qabul qiladi, qaror Oʻzbekiston Respublikasi Bosh prokuraturasiga yuboriladi”;

25) 32⁹-modda quyidagi tahrirda bayon etilsin:

Senat zarur boʻlgan taqdirda Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida dastlabki tarzda koʻrib chiqqan holda, ham bevosita, ham videokonferensaloqa rejimida oʻz majlisida eshitadi.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish toʻgʻrisida Senat Oʻzbekiston Respublikasi Tashqi ishlar vazirligi tomonidan eshituvni tashkil etish boʻyicha choralar koʻrilishi uchun ushbu vazirlikni oldindan xabardor qiladi.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish yakunlari boʻyicha Senat qaror qabul qiladi, unda ushbu rahbarlarning faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish yakunlari boʻyicha qabul qilingan Senat qarori oʻz hisoboti eshitilgan shaxsga hamda Oʻzbekiston Respublikasi Tashqi ishlar vazirligiga yuboriladi”;

26) 32¹⁰-modda chiqarib tashlansin;

27) 34-moddaning birinchi qismidagi “Budjet va iqtisodiy islohotlar masalalari” degan soʻzlar “Budjet va iqtisodiy masalalar” degan soʻzlar bilan almashtirilsin.

8-modda. Oʻzbekiston Respublikasining 2004-yil 2-dekabrda qabul qilingan “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi 704-II-sonli Qonuniga (Oʻzbekiston Respublikasi Oliy Majlisining Axborotnomasi, 2005-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2015-yil, № 12, 452-modda; 2017-yil, № 9, 510-modda; 2019-yil, № 5, 261-modda, № 9, 588-modda, № 12, 880-modda; 2020-yil, № 8, 488-modda; 2021-yil, 4-songa ilova, № 10, 969-modda) quyidagi oʻzgartirishlar va qoʻshimcha kiritilsin:

1) 6-moddaning:

birinchi qismidagi “ilmiy va pedagogik” degan soʻzlar “ilmiy, ijodiy va pedagogik” degan soʻzlar bilan almashtirilsin;

ikkinchi qismidagi “ilmiy va pedagogik” degan soʻzlar “ilmiy, ijodiy va pedagogik” degan soʻzlar bilan almashtirilsin;

2) 10-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

3) 16-modda:

quyidagi mazmundagi ikkinchi qism bilan toʻldirilsin:

“Deputatga va senatorga oʻttiz olti ish kunidan iborat haq toʻlanadigan har yilgi mehnat taʼtili beriladi, bundan qonunchilikda koʻproq muddatli taʼtil nazarda tutilgan hollar mustasno”;

ikkinchi — yettinchi qismlari tegishincha uchinchi — sakkizinchi qismlar deb hisoblansin;

uchinchi qismidagi “106-moddasining 2-bandiga” degan soʻzlar “168-moddasining 9-bandiga” degan soʻzlar bilan almashtirilsin.

9-modda. Oʻzbekiston Respublikasining 2006-yil 11-oktabrda qabul qilingan “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi OʻRQ-60-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 537-modda; 2014-yil, № 5, 130-modda; 2017-yil, № 9, 510-modda; 2018-yil, № 1, 1, 4-moddalar; 2019-yil, № 5, 261-modda; 2020-yil, № 8, 488-modda; 2021-yil, 4-songa ilova, № 10, 968-modda; 2022-yil, № 10, 983-modda) quyidagi oʻzgartirishlar kiritilsin:

1) 3-moddaning matni quyidagi tahrirda bayon etilsin:

“Oʻzbekiston Respublikasi Konstitutsiyasiga muvofiq qonunchilik tashabbusi huquqiga Oʻzbekiston Respublikasi Prezidenti, davlat hokimiyatining oliy vakillik organi orqali Qoraqalpogʻiston Respublikasi, Qonunchilik palatasi deputatlari, Oʻzbekiston Respublikasi Vazirlar Mahkamasi ega. Oʻzbekiston Respublikasining Konstitutsiyaviy sudi, Oliy sudi va Bosh prokurori ham oʻz vakolatlari jumlasiga kiritilgan masalalar boʻyicha qonunchilik tashabbusi huquqiga egadir”;

2) 4-moddaning matni quyidagi tahrirda bayon etilsin:

“Qonunchilik tashabbusi huquqi qonun loyihasini qonunchilik tashabbusi huquqi subyektlari tomonidan Qonunchilik palatasiga kiritish orqali amalga oshiriladi”;

3) 6-modda:

birinchi qismining:

2-bandi quyidagi tahrirda bayon etilsin:

“2) respublika ijro etuvchi hokimiyat organlariga va xoʻjalik boshqaruvi organlariga qonunlar loyihalarini tayyorlash toʻgʻrisida topshiriqlar beradi, qonunlar loyihalarini tayyorlash ishini tashkil etadi va unga rahbarlik qiladi”;

4-bandidagi “vazirliklar, davlat qoʻmitalari va idoralarning” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

ikkinchi qismidagi “Oʻzbekiston Respublikasi Vazirlar Mahkamasi, davlat va xoʻjalik boshqaruvi organlarining” degan soʻzlar “Oʻzbekiston Respublikasi Bosh vaziri kotibiyati tarkibiy boʻlinmalarining, respublika ijro etuvchi hokimiyat organlarining va xoʻjalik boshqaruvi organlarining” degan soʻzlar bilan almashtirilsin;

4) 7-moddaning:

1-bandidagi “davlat va xoʻjalik boshqaruvi organlarining” degan soʻzlar “respublika ijro etuvchi hokimiyat organlarining, xoʻjalik boshqaruvi organlarining” degan soʻzlar bilan almashtirilsin;

5-bandidagi “davlat va xoʻjalik boshqaruvi organlari” degan soʻzlar “respublika ijro etuvchi hokimiyat organlari, xoʻjalik boshqaruvi organlari” degan soʻzlar bilan almashtirilsin;

8-bandidagi “davlat va xoʻjalik boshqaruvi organlari” degan soʻzlar “respublika ijro etuvchi hokimiyat organlari va xoʻjalik boshqaruvi organlari” degan soʻzlar bilan almashtirilsin;

5) 11-moddaning ikkinchi qismidagi “vazirliklar yoki idoralarning” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;

6) 25-moddaning birinchi qismidagi “Moliya vazirligiga” degan soʻzlar “Iqtisodiyot va moliya vazirligiga” degan soʻzlar bilan almashtirilsin;

7) 31-moddaning uchinchi xatboshisidagi “davlat boshqaruvi organlari” degan soʻzlar “respublika ijro etuvchi hokimiyat organlari” degan soʻzlar bilan almashtirilsin.

10-modda. Oʻzbekiston Respublikasining 2007-yil 11-aprelda qabul qilingan “Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish toʻgʻrisida”gi OʻRQ-88-sonli Konstitutsiyaviy Qonuniga (Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 161-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2019-yil, № 9, 588-modda; 2021-yil, 4-songa ilova) quyidagi qoʻshimcha va oʻzgartirishlar kiritilsin:

1) quyidagi mazmundagi 2¹-modda bilan toʻldirilsin:

Siyosiy partiya fraksiyasi oʻz tarkibidan fraksiya rahbarini saylaydi.

Siyosiy partiya fraksiyasining rahbari:

siyosiy partiya fraksiyasining faoliyatiga umumiy rahbarlikni amalga oshiradi;

Qonunchilik palatasi majlislarida koʻrib chiqilayotgan masalalar yuzasidan siyosiy partiya fraksiyasining kelishilgan nuqtai nazarini bayon etadi, ular boʻyicha rasmiy bayonotlar bilan chiqadi (siyosiy partiya fraksiyasining qaroriga koʻra mazkur vakolat siyosiy partiya fraksiyasining boshqa aʼzolari zimmasiga ham yuklatilishi mumkin);

Qonunchilik palatasi, uning organlari va mansabdor shaxslari bilan siyosiy partiya fraksiyasi nomidan muzokaralar olib boradi;

siyosiy partiya fraksiyasining partiya rahbar organlari bilan hamkorligini taʼminlaydi;

davlat organlari, chet davlatlar, xalqaro va boshqa tashkilotlar bilan oʻzaro munosabatlarda siyosiy partiya fraksiyasi nomidan ish yuritadi;

siyosiy partiya fraksiyasining qarorlarini va boshqa hujjatlarini imzolaydi;

siyosiy partiya fraksiyasi majlislarining kun tartibini shakllantirish boʻyicha tavsiyalar beradi hamda muhokamaga kiritilgan masalalarni tayyorlash ustidan umumiy rahbarlikni amalga oshiradi;

siyosiy partiya fraksiyasining majlislarini chaqiradi, ularda raislik qiladi;

siyosiy partiya fraksiyasining ishida ishtirok etish uchun Oʻzbekiston Respublikasi Vazirlar Mahkamasi aʼzolarini va boshqa davlat organlarining rahbarlarini, ekspertlarni, fuqarolik jamiyati institutlarining vakillarini taklif etadi;

siyosiy partiya fraksiyasi oldida turgan vazifalardan kelib chiqqan holda, siyosiy partiya fraksiyasining aʼzolariga ularning oʻz saylov okruglaridagi faoliyatini tashkil etishda har tomonlama koʻmaklashadi;

siyosiy partiya fraksiyasining samarali faoliyati uchun zarur boʻlgan boshqa vakolatlarni amalga oshiradi.

Siyosiy partiya fraksiyasining rahbari mehnatga haq toʻlash, tibbiy va transport taʼminoti shart-sharoitlariga koʻra Spiker oʻrinbosariga tenglashtiriladi.

Siyosiy partiya fraksiyasining rahbari siyosiy partiya fraksiyasining majlisida saylanadigan oʻrinbosariga (oʻrinbosarlariga) ega boʻladi.

Siyosiy partiya fraksiyasining rahbari yoʻqligida uning vakolatlarini siyosiy partiya fraksiyasi rahbarining oʻrinbosarlaridan biri amalga oshiradi.

Siyosiy partiya fraksiyasining rahbari vakolatlarining muddatidan ilgari tugatilishi toʻgʻrisidagi qaror siyosiy partiya fraksiyasining majlisida qabul qilinadi”;

2) 3-moddaning matni quyidagi tahrirda bayon etilsin:

“Oʻzbekiston Respublikasi Oliy Majlisining Qonunchilik palatasi oʻz tarkibidan Qonunchilik palatasining Spikeri va uning oʻrinbosarlarini saylaydi.

Oʻzbekiston Respublikasi Oliy Majlisi Qonunchilik palatasi Spikerining oʻrinbosarlari yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolati muddatiga saylanadi.

Siyosiy partiyalar vakillari kengashi taqdim etgan nomzod Oʻzbekiston Respublikasi Oliy Majlisi Qonunchilik palatasi Spikerining oʻrinbosari lavozimiga saylanmagan taqdirda, Siyosiy partiyalar vakillari kengashi deputatlar orasidan boshqa nomzodni taqdim etish huquqiga ega.

Oʻzbekiston Respublikasi Oliy Majlisi Qonunchilik palatasi Spikerining oʻrinbosarlari Qonunchilik palatasi qoʻmitalari tarkibiga saylanishi mumkin emas.

Oʻzbekiston Respublikasi Oliy Majlisining Qonunchilik palatasi Spikerining oʻrinbosarlari oʻz vazifalarini bajarish davrida siyosiy partiyaga aʼzolikni toʻxtatib turadi hamda fraksiya tarkibiga kirishi mumkin emas”;

3) 4-moddaning matni quyidagi tahrirda bayon etilsin:

“Oʻzbekiston Respublikasi Bosh vaziri nomzodi Oʻzbekiston Respublikasi Oliy Majlisi palatalarining mansabdor shaxslari saylangandan va organlari shakllangandan soʻng bir oy ichida yoki Oʻzbekiston Respublikasi Bosh vaziri lavozimidan ozod etilganidan keyin yoxud Oʻzbekiston Respublikasi Bosh vaziri, Oʻzbekiston Respublikasi Vazirlar Mahkamasining amaldagi tarkibi isteʼfoga chiqqanidan keyin bir oy ichida Oʻzbekiston Respublikasi Oliy Majlisining Qonunchilik palatasi koʻrib chiqishi va maʼqullashi uchun Oʻzbekiston Respublikasi Prezidenti tomonidan barcha siyosiy partiyalar fraksiyalari bilan maslahatlashuvlar oʻtkazilganidan soʻng taqdim etiladi.

Oʻzbekiston Respublikasi Oliy Majlisining Qonunchilik palatasi Oʻzbekiston Respublikasi Prezidenti tomonidan taqdim etilgan Oʻzbekiston Respublikasi Bosh vaziri nomzodini taqdimnoma kiritilgan kundan eʼtiboran oʻn kun ichida koʻrib chiqadi.

Oʻzbekiston Respublikasining Bosh vaziri lavozimiga nomzod Oʻzbekiston Respublikasi Oliy Majlisining Qonunchilik palatasida uning nomzodi koʻrib chiqilayotganda Oʻzbekiston Respublikasi Vazirlar Mahkamasining yaqin muddatga va uzoq istiqbolga moʻljallangan harakat dasturini taqdim etadi.

Oʻzbekiston Respublikasi Bosh vaziri nomzodi uning uchun Oʻzbekiston Respublikasi Oliy Majlisining Qonunchilik palatasi deputatlari umumiy sonining yarmidan koʻpi tomonidan ovoz berilgan taqdirda maʼqullangan hisoblanadi.

Agar ovoz berish chogʻida Oʻzbekiston Respublikasi Bosh vaziri nomzodi Oʻzbekiston Respublikasi Oliy Majlisi Qonunchilik palatasi deputatlari umumiy sonining yarmidan koʻpining ovozini toʻplay olmagan boʻlsa, Oʻzbekiston Respublikasi Prezidenti barcha fraksiyalar bilan qoʻshimcha maslahatlashuvlar oʻtkazganidan soʻng Bosh vazir lavozimiga nomzodni yana ikki marta taqdim etish huquqiga ega.

Oʻzbekiston Respublikasi Bosh vaziri lavozimiga taqdim etilgan nomzod uch marta rad etilgan taqdirda, Oʻzbekiston Respublikasi Prezidenti Bosh vazirni tayinlaydi va Oʻzbekiston Respublikasi Oliy Majlisining Qonunchilik palatasini tarqatib yuborishga haqli.

Oʻzbekiston Respublikasi Oliy Majlisining Qonunchilik palatasi tarqatib yuborilgan taqdirda yangi saylov tarqatib yuborish toʻgʻrisidagi qaror qabul qilingan kundan eʼtiboran uch oy ichida oʻtkaziladi.

Oʻzbekiston Respublikasi Bosh vaziri nomzodi Oʻzbekiston Respublikasi Oliy Majlisining Qonunchilik palatasi tomonidan maʼqullanganidan keyin Oʻzbekiston Respublikasi Prezidenti tomonidan lavozimga tayinlanadi.

Oʻzbekiston Respublikasi Bosh vaziri va Oʻzbekiston Respublikasi Oliy Majlisining Qonunchilik palatasi oʻrtasida ziddiyatlar doimiy tus olgan holda Oʻzbekiston Respublikasi Oliy Majlisi Qonunchilik palatasi deputatlari umumiy sonining kamida uchdan bir qismi tomonidan Oʻzbekiston Respublikasi Prezidenti nomiga rasman kiritilgan taklif boʻyicha Oʻzbekiston Respublikasi Oliy Majlisi Qonunchilik palatasining muhokamasiga Oʻzbekiston Respublikasi Bosh vaziriga nisbatan ishonchsizlik votumi bildirish haqidagi masala kiritiladi.

Oʻzbekiston Respublikasi Bosh vaziriga nisbatan ishonchsizlik votumi, agar uning uchun Oʻzbekiston Respublikasi Oliy Majlisi Qonunchilik palatasi deputatlari umumiy sonining kamida uchdan ikki qismi ovoz bersa, qabul qilingan hisoblanadi. Bu holda Oʻzbekiston Respublikasi Prezidenti Oʻzbekiston Respublikasi Bosh vazirini lavozimidan ozod etish toʻgʻrisida qaror qabul qiladi. Bunda Oʻzbekiston Respublikasi Vazirlar Mahkamasining butun tarkibi Oʻzbekiston Respublikasi Bosh vaziri bilan birga isteʼfoga chiqadi”;

4) 5-modda birinchi qismi:

“g” bandining ikkinchi jumlasi quyidagi tahrirda bayon etilsin:

“d” bandi quyidagi tahrirda bayon etilsin:

“d) Oʻzbekiston Respublikasi Oliy Majlisi Qonunchilik palatasi tomonidan qabul qilingan Oʻzbekiston Respublikasi Bosh vaziriga nisbatan ishonchsizlik votumi bildirilgan taqdirda”.

11-modda. Oʻzbekiston Respublikasining 2016-yil 11-aprelda qabul qilingan “Parlament nazorati toʻgʻrisida”gi OʻRQ-403-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2016-yil, № 4, 123-modda; 2017-yil, № 6, 300-modda; 2018-yil, № 1, 4-modda, № 4, 224-modda; 2019-yil, № 1, 1-modda, № 3, 157-modda, № 5, 261, 265-moddalar, № 9, 588-modda, № 12, 884-modda; 2020-yil, № 8, 488-modda; 2021-yil, № 1, 13-modda, 4-songa ilova, № 11, 1061-modda) quyidagi oʻzgartirish va qoʻshimchalar kiritilsin:

1) 4-moddaning birinchi qismidagi “xoʻjalik boshqaruvi organlarining” degan soʻzlar chiqarib tashlansin;

2) 5-moddaning birinchi qismi quyidagi tahrirda bayon etilsin:

“Parlament nazorati shakllari quyidagilardan iborat:

Davlat budjeti ijrosining borishini koʻrib chiqish va nazorat qilish;

Oʻzbekiston Respublikasi Vazirlar Mahkamasining (bundan buyon matnda Vazirlar Mahkamasi deb yuritiladi) mamlakat ijtimoiy-iqtisodiy hayotining eng muhim masalalari yuzasidan har yilgi maʼruzasini eshitish;

Vazirlar Mahkamasining Oʻzbekiston Respublikasi Prezidentining Oʻzbekiston Respublikasi xalqiga hamda Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturi bajarilishining borishi toʻgʻrisidagi hisobotini koʻrib chiqish;

Oʻzbekiston Respublikasi Korrupsiyaga qarshi kurashish agentligining Oʻzbekiston Respublikasida korrupsiyaga qarshi kurashish toʻgʻrisidagi har yilgi milliy maʼruzasini eshitish;

Oʻzbekiston Respublikasi Bosh vazirining (bundan buyon matnda Bosh vazir deb yuritiladi) mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisobotini eshitish;

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish;

Qonunchilik palatasi, Senat majlislarida davlat organlari rahbarlarining oʻz faoliyati masalalari yuzasidan axborotini eshitish;

Qonunchilik palatasi majlislarida hukumat aʼzolarining Qonunchilik palatasi deputatlari savollariga javoblarini eshitish;

Senat majlislarida viloyatlar, tumanlar, shaharlar hokimlarining tegishli hududni rivojlantirish masalalari yuzasidan hisobotlarini eshitish;

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish;

Oʻzbekiston Respublikasi Hisob palatasining (bundan buyon matnda Hisob palatasi deb yuritiladi) hisobotini koʻrib chiqish;

Oʻzbekiston Respublikasi Bosh prokurorining hisobotini eshitish;

Oʻzbekiston Respublikasi Markaziy banki boshqaruvi raisining hisobotini eshitish;

parlament soʻrovi;

Qonunchilik palatasi deputatining, Senat aʼzosining soʻrovi;

Qonunchilik palatasi, Senat qoʻmitalari tomonidan davlat organlari rahbarlarining axborotini eshitish;

qonun hujjatlarining ijrosi holatini, huquqni qoʻllash amaliyotini Qonunchilik palatasining, Senatning qoʻmitalari tomonidan oʻrganish va qonunosti hujjatlarining qabul qilinishi yuzasidan ular tomonidan monitoringni amalga oshirish;

parlament tekshiruvi”;

3) 7-modda quyidagi tahrirda bayon etilsin:

Qonunchilik palatasi Davlat budjetining ijrosi ustidan nazoratni amalga oshiradi. Oʻzbekiston Respublikasi Iqtisodiyot va moliya vazirligi Qonunchilik palatasiga Davlat budjeti ijrosining borishi toʻgʻrisidagi axborotni va zarur materiallarni har chorakda yuboradi.

Qonunchilik palatasi Davlat budjetining har chorakdagi ijrosining borishini koʻrib chiqadi. Uni koʻrib chiqish chogʻida Vazirlar Mahkamasining hisoboti, fraksiyalarning fikrlari va takliflari, Qonunchilik palatasi masʼul qoʻmitasining tegishli xulosasi eshitiladi, muhokama oʻtkaziladi hamda tegishli qaror qabul qilinadi.

Vazirlar Mahkamasi Davlat budjetining ijrosi toʻgʻrisidagi yillik hisobotni hisobot yilidan keyingi yilning 15-mayidan kechiktirmay Hisob palatasining xulosasi bilan birga Qonunchilik palatasiga taqdim etadi.

Qonunchilik palatasi Vazirlar Mahkamasi tomonidan taqdim etilgan Davlat budjetining ijrosi toʻgʻrisidagi yillik hisobotni fraksiyalarda, Qonunchilik palatasi qoʻmitalarida dastlabki tarzda muhokama qilish asosida koʻrib chiqadi.

Davlat budjeti ijrosining borishi toʻgʻrisidagi masalani dastlabki tarzda muhokama qilish davomida fraksiyalar, Qonunchilik palatasi qoʻmitalari Davlat budjetining daromad qismi ijrosi xususida, ajratilgan mablagʻlarning oʻzlashtirilishi holati toʻgʻrisida tegishli organlardan qoʻshimcha axborotni, shuningdek ularning maqsadli sarflanishi va ulardan samarali foydalanilishi haqidagi maʼlumotlarni talab qilib olishi mumkin. Bunda fraksiyalar joylarda budjet mablagʻlarining maqsadli sarflanishi va ulardan samarali foydalanilishi masalalarini Qonunchilik palatasining qoʻmitalari tomonidan oʻrganish tashabbusi bilan chiqishi mumkin.

Davlat budjetining ijrosi toʻgʻrisidagi yillik hisobot fraksiyalarda, Qonunchilik palatasi qoʻmitalarida muhokama qilinganidan keyin Qonunchilik palatasining majlisida koʻrib chiqiladi hamda Qonunchilik palatasining qarori bilan tasdiqlanadi”;

4) 8-modda quyidagi tahrirda bayon etilsin:

Vazirlar Mahkamasining oʻtgan yildagi ijtimoiy-iqtisodiy rivojlanish yakunlari va navbatdagi yil uchun nazarda tutilgan asosiy ustuvorliklar toʻgʻrisidagi har yilgi maʼruzasi Bosh vazir tomonidan Qonunchilik palatasiga taqdim etiladi.

Fraksiyalar, Qonunchilik palatasining qoʻmitalari Vazirlar Mahkamasining har yilgi maʼruzasini dastlabki tarzda koʻrib chiqadi hamda fikrlar va takliflarni ishlab chiqadi, ular Qonunchilik palatasining majlisida majburiy ravishda hamda har tomonlama muhokama qilinishi lozim.

Vazirlar Mahkamasining har yilgi maʼruzasini eshitish yakunlari boʻyicha Qonunchilik palatasi qaror qabul qiladi, unda hukumatning mamlakat ijtimoiy-iqtisodiy rivojlanishining eng muhim masalalarini hal etishga doir faoliyati samaradorligini oshirishga qaratilgan takliflar boʻlishi mumkin.

Vazirlar Mahkamasining har yilgi maʼruzasini eshitish yakunlari boʻyicha qabul qilingan Qonunchilik palatasining qarori Vazirlar Mahkamasiga yuboriladi”;

5) 8¹-modda quyidagi tahrirda bayon etilsin:

Bosh vazir hukumat aʼzolari bilan birgalikda har yarim yilda Qonunchilik palatasiga Oʻzbekiston Respublikasi Prezidentining Oʻzbekiston Respublikasi xalqiga hamda Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturi bajarilishining borishi toʻgʻrisida hisobot taqdim etadi.

Fraksiyalar, Qonunchilik palatasining qoʻmitalari Vazirlar Mahkamasining hisobotini dastlabki tarzda koʻrib chiqadi hamda Qonunchilik palatasining majlisida majburiy ravishda va har tomonlama muhokama qilinishi lozim boʻlgan fikrlar va takliflarni ishlab chiqadi.

Qonunchilik palatasi Vazirlar Mahkamasining hisobotini koʻrib chiqish yakunlari boʻyicha qaror qabul qiladi, qaror Oʻzbekiston Respublikasi Prezidentining Oʻzbekiston Respublikasi xalqiga hamda Oliy Majlisiga Murojaatnomasidan kelib chiqadigan, tegishli yilga moʻljallangan davlat dasturini bajarish boʻyicha hukumat faoliyati samaradorligini oshirishga qaratilgan takliflarni oʻz ichiga olishi mumkin.

Vazirlar Mahkamasining hisobotini koʻrib chiqish yakunlari boʻyicha qabul qilingan Qonunchilik palatasi qarori Vazirlar Mahkamasiga yuboriladi”;

6) 8²-moddaning:

nomidagi “milliy maʼruzasini koʻrib chiqish” degan soʻzlar “har yilgi milliy maʼruzasini eshitish” degan soʻzlar bilan almashtirilsin;

uchinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

toʻrtinchi qismidagi “Milliy maʼruzani koʻrib chiqish” degan soʻzlar “Milliy maʼruzani eshitish” degan soʻzlar bilan almashtirilsin;

7) 9-modda quyidagi tahrirda bayon etilsin:

Qonunchilik palatasi zarur boʻlgan hollarda oʻz majlisida Bosh vazirning mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisobotini eshitishi mumkin.

Bosh vazirning mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisoboti qonunga muvofiq parlament soʻrovi tartibida eshitiladi.

Fraksiyalar, Qonunchilik palatasining qoʻmitalari Bosh vazirning hisobotini dastlabki tarzda koʻrib chiqadi hamda fikrlar va takliflarni ishlab chiqadi, ular Qonunchilik palatasi majlisida majburiy ravishda hamda har tomonlama muhokama qilinishi kerak.

Bosh vazirning hisobotini eshitish yakunlari boʻyicha Qonunchilik palatasi qaror qabul qiladi, unda hukumatning mamlakat ijtimoiy-iqtisodiy rivojlanishining ayrim dolzarb masalalariga doir faoliyati samaradorligini oshirishga qaratilgan takliflar boʻlishi mumkin.

Bosh vazirning hisobotini eshitish yakunlari boʻyicha qabul qilingan Qonunchilik palatasining qarori Vazirlar Mahkamasiga yuboriladi”;

8) quyidagi mazmundagi 9¹-modda bilan toʻldirilsin:

Qonunchilik palatasi zarur boʻlgan hollarda oʻz majlislarida Vazirlar Mahkamasi aʼzolarining oʻz faoliyati masalalari yuzasidan hisobotlarini eshitishi mumkin.

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish toʻgʻrisidagi masala fraksiyalar, qoʻmitalarning tashabbusiga koʻra Qonunchilik palatasi tomonidan koʻrib chiqiladi.

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish toʻgʻrisida Qonunchilik palatasi qaror qabul qiladi. Vazirlar Mahkamasi aʼzolarining hisobotlarini eshitish toʻgʻrisidagi Qonunchilik palatasi qarori oldindan Vazirlar Mahkamasiga yuboriladi.

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish yakunlari boʻyicha Qonunchilik palatasi qaror qabul qiladi, unda tegishincha Vazirlar Mahkamasi aʼzolarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Vazirlar Mahkamasi aʼzosining oʻz faoliyati masalalari yuzasidan hisobotini eshitish yakunlari boʻyicha Qonunchilik palatasi uni isteʼfoga chiqarish toʻgʻrisidagi taklifni Oʻzbekiston Respublikasi Prezidentiga koʻrib chiqish uchun kiritishga haqli.

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitish yakunlari boʻyicha qabul qilingan Qonunchilik palatasi qarori Vazirlar Mahkamasiga yuboriladi”;

9) 10-modda quyidagi tahrirda bayon etilsin:

Qonunchilik palatasi, Senat zarur boʻlgan hollarda, oʻz majlislarida davlat organlari rahbarlarining oʻz faoliyati masalalari yuzasidan axborotini eshitishi mumkin.

Davlat organlari rahbarlarining oʻz faoliyati masalalari yuzasidan axborotini eshitish toʻgʻrisidagi masala Qonunchilik palatasi tomonidan fraksiyalar, qoʻmitalar tashabbusiga koʻra, Senat tomonidan esa qoʻmitalarning tashabbusiga koʻra koʻrib chiqiladi.

Davlat organlari rahbarlarining oʻz faoliyati masalalari yuzasidan axborotini eshitish toʻgʻrisida Qonunchilik palatasi, Senat qaror qabul qiladi. Qonunchilik palatasining, Senatning davlat organlari rahbarlarining axborotini eshitish toʻgʻrisidagi qarori oldindan tegishli davlat organiga yuboriladi.

Davlat organlari rahbarlarining axborotini eshitish yakunlari boʻyicha Qonunchilik palatasi, Senat qaror qabul qiladi, unda tegishincha davlat organlari rahbarlarining faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Davlat organlari rahbarlarining axborotini eshitish yakunlari boʻyicha qabul qilingan Qonunchilik palatasi, Senat qarori tegishli davlat organiga yuboriladi”;

10) 10³-modda quyidagi tahrirda bayon etilsin:

Senat zarur boʻlgan taqdirda oʻz majlisida Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasida dastlabki tarzda koʻrib chiqqan holda, ham bevosita, ham videokonferensaloqa rejimida eshitadi.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish toʻgʻrisida Senat Oʻzbekiston Respublikasi Tashqi ishlar vazirligi tomonidan eshituvni tashkil etish boʻyicha choralar koʻrilishi uchun ushbu vazirlikni oldindan xabardor qiladi.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish yakunlari boʻyicha Senat qaror qabul qiladi, unda ushbu rahbarlarning faoliyati samaradorligini oshirishga qaratilgan takliflar boʻlishi, shuningdek ularning ishiga baho berilishi mumkin.

Oʻzbekiston Respublikasining chet davlatlardagi va xalqaro tashkilotlar huzuridagi diplomatik hamda boshqa vakolatxonalari rahbarlarining oʻz faoliyati masalalari boʻyicha hisobotlarini eshitish yakunlari boʻyicha qabul qilingan Senat qarori oʻz hisoboti eshitilgan shaxsga hamda Oʻzbekiston Respublikasi Tashqi ishlar vazirligiga yuboriladi”;

11) 11-modda quyidagi tahrirda bayon etilsin:

Qonunchilik palatasi har yili hisobot yilidan keyingi yilning 15-mayidan kechiktirmay oʻz majlisida Hisob palatasining hisobotini koʻrib chiqadi.

Hisob palatasining hisoboti dastlabki tarzda fraksiyalar, shuningdek Qonunchilik palatasining Budjet va iqtisodiy masalalar qoʻmitasi tomonidan koʻrib chiqiladi.

Hisob palatasining hisobotini koʻrib chiqish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Hisob palatasiga yuboriladi”;

12) quyidagi mazmundagi 12-modda bilan toʻldirilsin:

Oʻzbekiston Respublikasi Bosh prokurori har yili Senatga hisobot taqdim etadi, hisobot Senatning navbatdagi majlisida koʻrib chiqiladi.

Oʻzbekiston Respublikasi Bosh prokurorining hisoboti dastlabki tarzda Senatning Sud-huquq masalalari va korrupsiyaga qarshi kurashish qoʻmitasi tomonidan koʻrib chiqiladi.

Oʻzbekiston Respublikasi Bosh prokurorining hisobotini eshitish yakunlari boʻyicha Senat qaror qabul qiladi, qaror Oʻzbekiston Respublikasi Bosh prokuraturasiga yuboriladi”;

13) 13-moddaning ikkinchi qismidagi “Budjet va iqtisodiy islohotlar masalalari” degan soʻzlar “Budjet va iqtisodiy masalalar” degan soʻzlar bilan almashtirilsin;

14) 14-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismidagi “xoʻjalik boshqaruvi organlarining” degan soʻzlar chiqarib tashlansin;

toʻrtinchi qismidagi “xoʻjalik boshqaruvi organlarining” degan soʻzlar chiqarib tashlansin;

beshinchi qismi birinchi jumlasi quyidagi tahrirda bayon etilsin:

“Parlament soʻroviga yozma javob, qoida tariqasida, Qonunchilik palatasining, Senatning majlisida raislik qiluvchi tomonidan oʻqib eshittiriladi”;

15) 15-moddaning:

birinchi qismidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

16) 16-modda quyidagi tahrirda bayon etilsin:

Qonunchilik palatasining, Senatning qoʻmitalari ish rejalariga, Qonunchilik palatasining, Senatning hamda ular kengashlarining qarorlariga muvofiq oʻz majlislarida davlat organlari rahbarlarining ular tomonidan qonunlarga rioya etilishi, Qonunchilik palatasi, Senat, ularning kengashlari va qoʻmitalari qarorlarining bajarilishi toʻgʻrisidagi axborotini eshitishi mumkin.

Davlat organlari rahbarlarining axborotini eshitish yakunlari boʻyicha Qonunchilik palatasining, Senatning qoʻmitalari qarorlar qabul qiladi, qarorlar tegishli davlat organlariga yuboriladi”;

17) 17-moddaning:

birinchi qismidagi “xoʻjalik boshqaruvi organlari” degan soʻzlar chiqarib tashlansin;

ikkinchi qismidagi “xoʻjalik boshqaruvi organlari” degan soʻzlar chiqarib tashlansin;

18) 18-moddaning matni quyidagi tahrirda bayon etilsin:

“Mamlakatning xavfsizligi, barqaror rivojlanishi asoslariga salbiy taʼsir koʻrsatishi mumkin boʻlgan, inson huquqlari va erkinliklariga, jamiyat va davlat manfaatlariga tahdid soladigan faktlar hamda voqealarni oʻrganish maqsadida Qonunchilik palatasi va Senatning qoʻshma qarori bilan parlament tekshiruvi oʻtkazilishi mumkin.

Parlament tekshiruvini oʻtkazish uchun Qonunchilik palatasi deputatlari va Senat aʼzolari orasidan tenglik asosida maxsus komissiya tuziladi.

Maxsus komissiya parlament tekshiruvini oʻtkazishda quyidagilarga haqli:

davlat organlarining, xoʻjalik boshqaruvi organlarining vakillarini, mutaxassislarni, ekspertlarni va olimlarni komissiya ishiga jalb etishga;

davlat organlaridan, xoʻjalik boshqaruvi organlaridan, boshqa tashkilotlardan, shuningdek fuqarolardan zarur maʼlumotlarni soʻrab olishga;

davlat organlarining, xoʻjalik boshqaruvi organlarining, boshqa tashkilotlarning mansabdor shaxslarini, shuningdek fuqarolarni tushuntirishlar berish uchun taklif qilishga.

Maxsus komissiya Qonunchilik palatasi va Senatning qoʻshma qaroriga muvofiq boshqa huquqlarga ham ega boʻlishi mumkin.

Maxsus komissiya bajarilgan ishlar toʻgʻrisida Qonunchilik palatasi va Senat tomonidan belgilangan muddatda ularni xabardor qiladi”;

19) 19-modda chiqarib tashlansin;

20) 21-moddaning:

uchinchi xatboshisidagi “xoʻjalik boshqaruvi organlariga” degan soʻzlar chiqarib tashlansin;

toʻrtinchi xatboshisidagi “davlat hokimiyati va boshqaruvi organlari” degan soʻzlar “davlat hokimiyati organlari, respublika ijro etuvchi hokimiyat organlari va Oliy Majlis palatalariga hisobdor boʻlgan boshqa organlar” degan soʻzlar bilan almashtirilsin;

oltinchi xatboshisidagi “xoʻjalik boshqaruvi organlariga” degan soʻzlar chiqarib tashlansin;

yettinchi xatboshisidagi “xoʻjalik boshqaruvi organlariga” degan soʻzlar chiqarib tashlansin;

21) 22-moddaning:

birinchi xatboshisidagi “xoʻjalik boshqaruvi organlari” degan soʻzlar chiqarib tashlansin;

beshinchi xatboshisidagi “xoʻjalik boshqaruvi organlarining” degan soʻzlar chiqarib tashlansin;

22) 23-modda birinchi qismining:

ikkinchi xatboshisidagi “xoʻjalik boshqaruvi organlarini” degan soʻzlar chiqarib tashlansin;

uchinchi xatboshisidagi “xoʻjalik boshqaruvi organlarining” degan soʻzlar chiqarib tashlansin;

toʻrtinchi xatboshisidagi “xoʻjalik boshqaruvi organlarining” degan soʻzlar chiqarib tashlansin;

23) 24-moddaning:

nomi quyidagi tahrirda bayon etilsin:

birinchi qismi birinchi xatboshisidagi “xoʻjalik boshqaruvi organlarining” degan soʻzlar chiqarib tashlansin;

ikkinchi qismidagi “xoʻjalik boshqaruvi organlarining” degan soʻzlar chiqarib tashlansin;

uchinchi qismidagi “xoʻjalik boshqaruvi organlari” degan soʻzlar chiqarib tashlansin;

24) 24¹-moddaning matni quyidagi tahrirda bayon etilsin:

“Oʻzbekiston Respublikasi Vazirlar Mahkamasining Oʻzbekiston Respublikasi Oliy Majlisidagi vakolatli vakili parlament nazorati subyektlariga Vazirlar Mahkamasining koʻmaklashishini taʼminlaydi, xususan:

Davlat budjeti loyihasining Oliy Majlis palatalari koʻrib chiqishi uchun taqdim etilishini taʼminlaydi;

Davlat budjetining ijrosi toʻgʻrisidagi hisobotning Qonunchilik palatasiga taqdim etilishini taʼminlaydi;

Vazirlar Mahkamasining oʻtgan yilgi ijtimoiy-iqtisodiy rivojlanish yakunlari va navbatdagi yil uchun nazarda tutilgan asosiy ustuvorliklar toʻgʻrisidagi har yilgi maʼruzasi Qonunchilik palatasiga taqdim etilishini taʼminlaydi;

zarur boʻlganda Bosh vazirning mamlakatni ijtimoiy-iqtisodiy jihatdan rivojlantirishning dolzarb masalalari yuzasidan hisobotlarini Qonunchilik palatasi tomonidan eshitishni tashkil etish choralarini koʻradi;

Vazirlar Mahkamasi aʼzolarining oʻz faoliyati masalalari yuzasidan hisobotlarini eshitishni tashkil etish choralarini koʻradi;

Vazirlar Mahkamasining aʼzolariga, respublika ijro etuvchi hokimiyat organlarining, mahalliy ijro etuvchi hokimiyat organlarining mansabdor shaxslariga yuborilgan parlament soʻroviga, shuningdek Qonunchilik palatasi deputatining yoki Senat aʼzosining soʻroviga oʻz vaqtida javob yuborilishini taʼminlashga koʻmaklashadi;

Oʻzbekiston Respublikasi qonunlarining, Oliy Majlis palatalari qarorlarining ijro etilishi holatini, huquqning qoʻllanilish amaliyotini Oliy Majlis palatalarining qoʻmitalari tomonidan oʻrganish uchun zarur shart-sharoitlar yaratish boʻyicha choralar koʻradi, shuningdek respublika ijro etuvchi hokimiyat organlarining, mahalliy ijro etuvchi hokimiyat organlarining, mazkur yoʻnalishdagi boshqa tashkilotlarning ishini muvofiqlashtirib boradi;

respublika ijro etuvchi hokimiyat organlari, mahalliy ijro etuvchi hokimiyat organlari, boshqa tashkilotlar rahbarlarining ular tomonidan Oʻzbekiston Respublikasi qonunlariga rioya etilishi, Oliy Majlis palatalarining, ular kengashlarining qarorlari, qoʻmitalari va komissiyalarining qarorlari bajarilishi toʻgʻrisidagi axborotini eshitishda ishtirok etadi”;

25) 25-moddaning birinchi qismidagi “xoʻjalik boshqaruvi organlarining” degan soʻzlar chiqarib tashlansin.

12-modda. Oʻzbekiston Respublikasining 2018-yil 5-aprelda qabul qilingan “Oʻzbekiston Respublikasi Davlat xavfsizlik xizmati toʻgʻrisida”gi OʻRQ-471-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 219-modda; 2019-yil, № 12, 891-modda; 2021-yil, 4-songa ilova) 16-moddasining birinchi qismi quyidagi tahrirda bayon etilsin:

“Davlat xavfsizlik xizmatiga Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan rais boshchilik qiladi. Davlat xavfsizlik xizmati raisi lavozimiga nomzod Oʻzbekiston Respublikasi Oliy Majlisi Senati bilan oʻtkazilgan maslahatlashuvlardan keyin Oʻzbekiston Respublikasi Prezidenti tomonidan lavozimga tayinlanadi”.

13-modda. Oʻzbekiston Respublikasining 2019-yil 1-iyulda qabul qilingan “Oʻzbekiston Respublikasining Hisob palatasi toʻgʻrisida”gi OʻRQ-546-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 7, 384-modda, № 9, 588-modda; 2021-yil, 4-songa ilova, № 8, 803, 804-moddalar, № 12, 1198-modda; 2023-yil, № 4, 272-modda, № 7, 539-modda) quyidagi oʻzgartirishlar kiritilsin:

1) 4-moddaning oʻn toʻrtinchi xatboshisidagi “davlat boshqaruv organlarida” degan soʻzlar “respublika ijro etuvchi hokimiyat organlarida” degan soʻzlar bilan almashtirilsin;

2) 9-moddaning ikkinchi qismidagi “palatalariga” degan soʻz “Qonunchilik palatasiga” degan soʻzlar bilan almashtirilsin;

3) 10-moddaning matnidagi “palatalariga” degan soʻz “Qonunchilik palatasiga” degan soʻzlar bilan almashtirilsin;

4) 12-moddaning birinchi qismi quyidagi tahrirda bayon etilsin:

“Hisob palatasiga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod qilinadigan Hisob palatasining raisi boshchilik qiladi. Hisob palatasi raisi Oʻzbekiston Respublikasi Oliy Majlisining Senati maʼqullaganidan keyin lavozimga tayinlanadi”;

5) 13-moddaning uchinchi xatboshisidagi “palatalariga” degan soʻz “Qonunchilik palatasiga” degan soʻzlar bilan almashtirilsin;

6) 16-modda birinchi qismining ikkinchi xatboshisi quyidagi tahrirda bayon etilsin:

“respublika ijro etuvchi hokimiyat organlarida, xoʻjalik boshqaruvi organlarida, mahalliy davlat hokimiyati organlarida hamda oʻzga tashkilotlarda boshqa lavozimlarni egallashga”;

7) 17-moddaning ikkinchi qismidagi “Moliya vazirligi” degan soʻzlar “Iqtisodiyot va moliya vazirligi” degan soʻzlar bilan almashtirilsin;

8) 21²-moddaning ikkinchi xatboshisi quyidagi tahrirda bayon etilsin:

“birinchi darajali budjet mablagʻlarini taqsimlovchilar, ikkinchi darajali budjet mablagʻlarini taqsimlovchilar, hududiy budjet mablagʻlarini taqsimlovchilar, davlat maqsadli jamgʻarmalari, Oʻzbekiston Respublikasi Tiklanish va taraqqiyot jamgʻarmasi, Oʻzbekiston Respublikasi Iqtisodiyot va moliya vazirligi, Kambagʻallikni qisqartirish va bandlik vazirligi, Vazirlar Mahkamasi huzuridagi Soliq qoʻmitasi, Iqtisodiyot va moliya vazirligi huzuridagi Bojxona qoʻmitasi, davlat moliyaviy nazorat organlari, Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan oʻz rasmiy veb-saytlariga budjet jarayonining ochiqligini taʼminlaydigan axborotning joylashtirilishi ustidan nazoratni amalga oshiradi”;

9) 24-moddaning:

toʻrtinchi xatboshisidagi “Moliya vazirligining” degan soʻzlar “Iqtisodiyot va moliya vazirligining” degan soʻzlar bilan almashtirilsin;

sakkizinchi xatboshisidagi “Moliya vazirligining” degan soʻzlar “Iqtisodiyot va moliya vazirligining” degan soʻzlar bilan almashtirilsin;

10) 29¹-moddaning birinchi xatboshisidagi “davlat boshqaruvi organlarida” degan soʻzlar “respublika ijro etuvchi hokimiyat organlarida” degan soʻzlar bilan almashtirilsin;

11) 30-moddaning:

ikkinchi xatboshisidagi “davlat va xoʻjalik boshqaruvi organlaridan” degan soʻzlar “respublika ijro etuvchi hokimiyat organlaridan, xoʻjalik boshqaruvi organlaridan” degan soʻzlar bilan almashtirilsin;

toʻrtinchi xatboshisidagi “Moliya vazirligi” degan soʻzlar “Iqtisodiyot va moliya vazirligi” degan soʻzlar bilan almashtirilsin;

toʻqqizinchi xatboshisi oʻzbekcha matnidagi “oʻzgartish” degan soʻz “oʻzgartirish” degan soʻz bilan almashtirilsin;

oʻn birinchi xatboshisidagi “Moliya vazirligining” degan soʻzlar “Iqtisodiyot va moliya vazirligining” degan soʻzlar bilan almashtirilsin;

oʻn yettinchi xatboshisidagi “vazirliklarning, idoralarning” degan soʻzlar “respublika ijro etuvchi hokimiyat organlarining” degan soʻzlar bilan almashtirilsin;