O‘zbekiston Respublikasi Prezidentining 2018-yil 5-sentabrdagi “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ-3931-son va 2019-yil 17-iyundagi “2019/2020 o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi PQ-4359-son qarorlariga muvofiq, shuningdek, Axborot texnologiyalarini ishlab chiqish va joriy qilishni qo‘llab-quvvatlash bo‘yicha “Mirzo Ulugbek Innovation Center” innovatsiya markazi faoliyatini yanada rivojlantirish, import qilinadigan dori vositalari va tibbiyot buyumlarining sotib olish qiymatini shakllantirish tartibini takomillashtirish, aholini sifatli va arzon farmatsevtika mahsulotlari bilan ta’minlash, respublika tibbiyot muassasalarining moddiy-texnika bazasini mustahkamlash maqsadida:

1. O‘zbekiston Respublikasi Prezidentining ayrim hujjatlariga 1-ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Prezidentining ayrim hujjatlari 2-ilovaga muvofiq o‘z kuchini yo‘qotgan deb hisoblansin.

3. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida”gi PF-5099-son Farmonida:

a) 4-bandda:

beshinchi xatboshidagi “to‘g‘risidagi qarorlarni qabul qiladi” so‘zlari “tartibini belgilaydi” so‘zlari bilan almashtirilsin;

quyidagi mazmundagi oltinchi xatboshi bilan to‘ldirilsin:

“Innovatsiya markazi rezidentlariga ularning loyihalarini davlat darajasida, shu jumladan davlat-xususiy sheriklik orqali ilgari surishda ko‘maklashadi”;

oltinchi xatboshi yettinchi xatboshi deb hisoblansin;

b) quyidagi mazmundagi 6¹-band bilan to‘ldirilsin:

“6¹. O‘zbekiston Respublikasi Davlat statistika qo‘mitasi O‘zbekiston Respublikasi Prezidenti huzuridagi Loyiha boshqaruvi milliy agentligi bilan birgalikda Innovatsiya markazi rezidentlari tomonidan amalga oshirilayotgan faoliyatini samarali nazorat qilish maqsadida Innovatsiya markazi rezidentlari uchun maxsus Iqtisodiy faoliyat turlari umumdavlat tasniflagichini belgilangan tartibda tasdiqlasin va joriy etsin.

Belgilansinki, O‘zbekiston Respublikasi Davlat statistika qo‘mitasi O‘zbekiston Respublikasi Prezidenti huzuridagi Loyiha boshqaruvi milliy agentligining taqdimnomasiga asosan, zarur hollarda, Innovatsiya markazi rezidentlari uchun Iqtisodiy faoliyat turlari umumdavlat tasniflagichiga o‘zgartirish va qo‘shimchalar kiritadi”.

2. O‘zbekiston Respublikasi Prezidentining 2012-yil 31-maydagi “O‘zbekiston Respublikasi Qurolli Kuchlari safida muddatli harbiy xizmatni o‘tab bo‘lgan fuqarolarga imtiyozlar tizimini takomillashtirishga oid qo‘shimcha chora-tadbirlar to‘g‘risida”gi PQ-1765-son qarori 1-bandi quyidagi tahrirda bayon etilsin:

“1. 2019/2020 o‘quv yilidan boshlab shunday tartib o‘rnatilsinki, unga muvofiq:

O‘zbekiston Respublikasi Qurolli Kuchlari safida muddatli harbiy xizmatni o‘tab, harbiy qismlar qo‘mondonligining tegishli tavsiyanomalariga ega bo‘lgan fuqarolar respublikaning oliy harbiy ta’lim muassasalaridagi tegishli ta’lim yo‘nalishlariga o‘qishga kirishda test sinovlari natijalariga ko‘ra to‘plagan ballarining 50 foizi miqdorida qo‘shimcha ball shaklidagi imtiyozga ega bo‘ladilar;

O‘zbekiston Respublikasi Qurolli Kuchlari safida muddatli harbiy xizmatni o‘tab, harbiy qismlar qo‘mondonligining tegishli tavsiyanomalariga ega bo‘lgan abituriyentlarni respublikaning oliy ta’lim muassasalari (oliy harbiy ta’lim muassasalari bundan mustasno) bakalavriatiga o‘qishga kirishi uchun tegishli o‘quv yiliga tasdiqlanadigan oliy ta’lim muassasalariga qabul parametrlaridan tashqari alohida qabul ko‘rsatkichlari ajratiladi va ular ushbu ko‘rsatkichlar doirasida tanlovda ishtirok etish huquqiga ega bo‘ladilar;

O‘zbekiston Respublikasi Qurolli Kuchlari safida muddatli harbiy xizmatni o‘tab bo‘lgan fuqarolarga harbiy qismlarning qo‘mondonligi tomonidan oliy ta’lim muassasalariga kirish uchun berilgan tavsiyanomalar, ular berilgan sanadan boshlab, uch yil mobaynida amal qiladi”.

3. O‘zbekiston Respublikasi Prezidentining 2012-yil 10-dekabrdagi “Chet tillarni o‘rganish tizimini yanada takomillashtirish chora-tadbirlari to‘g‘risida”gi PQ-1875-son qarori 1-bandida:

to‘rtinchi xatboshi quyidagi tahrirda bayon etilsin:

“umumiy o‘rta va o‘rta maxsus ta’lim muassasalarining o‘quvchilari va o‘qituvchilarini chet tillar bo‘yicha darsliklar va o‘quv-metodik majmualar bilan ta’minlash, ularni qayta nashr etish bo‘yicha belgilangan muddatlarga rioya qilgan holda O‘zbekiston Respublikasi Davlat budjeti mablag‘lari va O‘zbekiston Respublikasi Xalq ta’limi vazirligi huzuridagi Respublika maqsadli kitob jamg‘armasining aylanma mablag‘lari hisobidan amalga oshiriladi”;

quyidagi mazmundagi xatboshi bilan to‘ldirilsin:

“Bunda umumiy o‘rta va o‘rta maxsus ta’lim muassasalarining ijtimoiy yordamga muhtoj oilalardan bo‘lgan o‘quvchilari hamda umumiy o‘rta va o‘rta maxsus ta’lim muassasalarining o‘qituvchilari uchun chet tillar bo‘yicha darsliklar va o‘quv-metodik majmualarni nashr etish va yetkazib berish bepul asosda O‘zbekiston Respublikasi Davlat budjeti mablag‘lari hisobidan, umumiy o‘rta va o‘rta maxsus ta’lim muassasalarini ijara tizimi asosida chet tillar bo‘yicha darsliklar va o‘quv-metodik majmualar bilan ta’minlash esa O‘zbekiston Respublikasi Xalq ta’limi vazirligi huzuridagi Respublika maqsadli kitob jamg‘armasining mablag‘lari hisobidan amalga oshiriladi”.

4. O‘zbekiston Respublikasi Prezidentining 2016-yil 31-oktabrdagi PQ-2647-son qarori bilan tasdiqlangan Dori-darmon vositalari va tibbiyot buyumlari narxini tartibga solish to‘g‘risidagi nizomning rus tilidagi matni 5-bandi quyidagi tahrirda bayon etilsin:

“5. Pokupnaya stoimost dlya importiruyemix lekarstvennix sredstv i izdeliy meditsinskogo naznacheniya slujit bazoy dlya ustanovleniya reguliruyemoy seni na importiruyemuyu produksiyu v sootvetstvii s nastoyashim Polojeniyem.

Pokupnaya stoimost opredelyayetsya po sleduyushey formule:

S — pokupnaya stoimost importirovannix lekarstvennix sredstv i izdeliy meditsinskogo naznacheniya;

Ks — kontraktnaya stoimost importirovannix lekarstvennix sredstv i izdeliy meditsinskogo naznacheniya, opredelennaya isxodya iz kursa Sentralnogo banka Respubliki Uzbekistan na datu zapolneniya gruzovoy tamojennoy deklaratsii;

T — tamojennie plateji, rasschitannie po kursu Sentralnogo banka Respubliki Uzbekistan v ustanovlennom poryadke;

Pr. — prochiye rasxodi, svyazannie s pokupkoy tovara, kotorie formiruyutsya v sootvetstvii s punktami 1.1 i 1.2 Polojeniya o sostave zatrat po proizvodstvu i realizatsii produksii (rabot, uslug) i poryadke formirovaniya finansovix rezultatov, utverjdennogo postanovleniyem Kabineta Ministrov ot 5-fevralya 1999 goda № 54”.

5. O‘zbekiston Respublikasi Prezidentining 2016-yil 2-noyabrdagi “2016 — 2020-yillarda O‘zbekistonda onalik va bolalikni muhofaza qilish tizimini yanada takomillashtirish chora-tadbirlari to‘g‘risida”gi PQ-2650-son qarorida:

a) 1-bandda:

uchinchi xatboshidagi “40” raqami “46” raqami bilan almashtirilsin;

beshinchi xatboshidagi “retinal kameralardan” so‘zlari “binokulyar peshona oftalmoskoplari, peshona diod lazer-koagulyatorlari, A/V skanerlaridan” so‘zlari bilan almashtirilsin;

b) 1-ilovada:

5-pozitsiyada:

“Chora-tadbirlar nomi” ustuni quyidagi tahrirda bayon etilsin:

“Respublika perinatal markazi, Qoraqalpog‘iston Respublikasi hududiy perinatal markazi va viloyatlar perinatal markazlarini chala tug‘ilgan chaqaloqlar uchun to‘plamida ko‘z qovog‘ini kengaytirgich va ilgaklar bo‘lgan binokulyar peshona oftalmoskoplari bilan jihozlash, Respublika perinatal markazi, Qoraqalpog‘iston Respublikasi hududiy perinatal markazi, Farg‘ona, Samarqand, Surxondaryo, Navoiy, Sirdaryo viloyatlari perinatal markazlarini peshona diod lazer-koagulyatorlari bilan va Respublika perinatal markazi, Qoraqalpog‘iston Respublikasi hududiy perinatal markazi, Farg‘ona, Samarqand, Surxondaryo va Navoiy viloyatlari perinatal markazlarini A/V skanerlari bilan jihozlash”;

“Hisoblangan miqdor” ustuni quyidagi tahrirda bayon etilsin:

“to‘plamida ko‘z qovog‘ini kengaytirgich va ilgaklar (30 dona) bo‘lgan 14 ta binokulyar peshona oftalmoskopi, 7 dona peshona diod lazer-koagulyatori va 6 ta A/V skaneri”;

7-pozitsiyada:

“Chora-tadbirlar nomi” ustuni quyidagi tahrirda bayon etilsin:

“Onalar o‘limining oldini olish maqsadida tug‘ruqdan keyingi davrda qon ketishini shoshilinch to‘xtatish uchun qon quyulishining plazma faktorlari preparatlari (protrombin komplekslari) bilan ta’minlash”;

“Hisoblangan miqdor” ustuni quyidagi tahrirda bayon etilsin:

“17,5 ming doza protrombin komplekslari”.

7. O‘zbekiston Respublikasi Prezidentining 2018-yil 30-sentabrdagi “Maktabgacha ta’lim tizimini boshqarishni takomillashtirish chora-tadbirlari to‘g‘risida”gi PQ-3955-son qarorida:

1-bandning “a” kichik bandi o‘z kuchini yo‘qotgan deb topilsin;

1-ilovaning “Axborot va pedagogika texnologiyalari innovatsion markazi” blokidagi “Axborot va pedagogika texnologiyalari innovatsion markazi” so‘zlari “Axborot va pedagogika texnologiyalari innovatsion markazi” MCHJ” so‘zlari bilan almashtirilsin;

3-ilovaning 18 va 19-pozitsiyalari chiqarib tashlansin.

1. O‘zbekiston Respublikasi Prezidentining 2011-yil 20-maydagi “O‘zbekiston Respublikasi Prezidentining ayrim hujjatlariga o‘zgartishlar kiritish to‘g‘risida”gi PF-4309-son Farmoni.

3. O‘zbekiston Respublikasi Prezidentining 2009-yil 22-dekabrdagi “O‘zbekiston Respublikasining 2010-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida”gi PQ-1245-son qaroriga 31-ilovaning 2-bandi.

4. O‘zbekiston Respublikasi Prezidentining 2011-yil 30-dekabrdagi “O‘zbekiston Respublikasining 2012-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi PQ-1675-son qaroriga 33-ilovaning 1-bandi.

5. O‘zbekiston Respublikasi Prezidentining 2013-yil 17-maydagi “O‘zbekiston Respublikasi Prezidentining ba’zi qarorlariga o‘zgartish va qo‘shimchalar kiritish to‘g‘risida”gi PQ-1967-son qaroriga ilovaning 2-bandi.