1-modda. Oʻzbekiston Respublikasining 1994-yil 5-mayda qabul qilingan “Bankrotlik toʻgʻrisida”gi 1054-XII-sonli Qonuni (Oʻzbekiston Respublikasining 2003-yil 24-aprelda qabul qilingan 474-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2003-yil, № 5, 63-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 414-modda; 2008-yil, № 12, 640-modda; 2009-yil, № 1, 1-modda, № 4, 133-modda, № 9, 330-modda; 2010-yil, № 9, 337-modda; 2011-yil, № 10, 270-modda; 2012-yil, № 12, 334-modda; 2014-yil, № 5, 130-modda, № 9, 244-modda, № 12, 343-modda; 2015-yil, № 8, 312-modda; 2017-yil, № 9, 510-modda, № 10, 605-modda) 35-moddasining ikkinchi qismidagi, 38-moddasining birinchi qismidagi, 41-moddasining birinchi qismidagi, 45-moddasining ikkinchi qismidagi, 46-moddasining birinchi va ikkinchi qismlaridagi, 47-moddasining ikkinchi qismidagi, 48-moddasining birinchi qismidagi, 57-moddasining birinchi qismidagi, 60-moddasining birinchi qismidagi “Xoʻjalik” degan soʻz “Iqtisodiy” degan soʻz bilan almashtirilsin.

2-modda. Oʻzbekiston Respublikasining 1994-yil 22-sentabrda qabul qilingan 2013-XII-sonli Qonuni bilan tasdiqlangan Oʻzbekiston Respublikasining Jinoyat-protsessual kodeksiga (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar, № 12, 452-modda; 2016-yil, № 4, 125-modda, № 9, 276-modda, № 12, 385-modda; 2017-yil, № 3, 47-modda, № 6, 300-modda, № 9, 510-modda, № 10, 605-modda) quyidagi oʻzgartish va qoʻshimchalar kiritilsin:

1) 13-moddaning:

birinchi qismidagi “ikkinchi va uchinchi” degan soʻzlar “ikkinchi — toʻrtinchi” degan soʻzlar bilan almashtirilsin;

ikkinchi qismidagi “toʻrtinchi va beshinchi qismlarida” degan soʻzlar “beshinchi qismida” degan soʻzlar bilan almashtirilsin;

2) 28-moddaning birinchi qismidagi “Qoraqalpogʻiston Respublikasi jinoyat ishlari boʻyicha Oliy sudi” degan soʻzlar “Qoraqalpogʻiston Respublikasi jinoyat ishlari boʻyicha sudi” degan soʻzlar bilan almashtirilsin;

3) 32-moddaning matni quyidagi tahrirda bayon etilsin:

“Sud majlisida sud majlisi kotibi vazifalarini sudyaning yordamchisi (katta yordamchisi) bajaradi.

Sud majlisi kotibi jinoyat ishini sud majlisida koʻrish uchun tayyorlaydi; sud muhokamasining vaqti va joyi toʻgʻrisida protsess ishtirokchilarini xabardor qiladi; sudga chaqirilgan protsess ishtirokchilarining kelgan-kelmaganligini tekshiradi, hozir boʻlmagan shaxslarning kelmaganligi sababini aniqlab, bu haqda sudga maʼlum qiladi; sud majlislari bayonnomasini yuritadi; raislik qiluvchining sud muhokamasini tayyorlash va oʻtkazish bilan bogʻliq boshqa topshiriqlarini bajaradi.

Sud majlisi kotibi bayonnomada sudning harakatlari va qarorlarini, shuningdek sud majlisi barcha ishtirokchilarining harakatlari, arizalari, iltimosnomalari, koʻrsatuvlarini toʻliq va toʻgʻri bayon qilib borishi shart”;

4) 148¹-moddaning birinchi qismidagi va 166¹-moddaning birinchi qismidagi “okrug” va “Oliy” degan soʻzlar chiqarib tashlansin;

5) 239-moddaning ikkinchi qismi:

4-bandi quyidagi tahrirda bayon etilsin:

“4) Oʻzbekiston Respublikasi Konstitutsiyaviy sudining sudyalariga nisbatan — Oʻzbekiston Respublikasi Konstitutsiyaviy sudining roziligi bilan, Oʻzbekiston Respublikasi Oliy sudining, Oʻzbekiston Respublikasi fuqarolik va jinoyat ishlari boʻyicha sudlarining, iqtisodiy, maʼmuriy va harbiy sudlarining sudyalariga nisbatan — Oʻzbekiston Respublikasi Sudyalar oliy kengashining xulosasi mavjud boʻlganda Oʻzbekiston Respublikasi Oliy sudi Plenumining roziligi bilan”;

quyidagi mazmundagi 4¹-band bilan toʻldirilsin:

“4¹) Oʻzbekiston Respublikasi Sudyalar oliy kengashining aʼzosiga nisbatan — Oʻzbekiston Respublikasi Sudyalar oliy kengashining roziligi bilan”;

6) 243-moddaning beshinchi qismidagi, 247-moddaning uchinchi qismidagi, 257-moddaning birinchi qismidagi va 267-moddaning birinchi qismidagi “okrug” va “Oliy” degan soʻzlar chiqarib tashlansin;

7) 389-moddaning:

ikkinchi qismi quyidagi tahrirda bayon etilsin:

“Qoraqalpogʻiston Respublikasi jinoyat ishlari boʻyicha sudining, jinoyat ishlari boʻyicha viloyatlar va Toshkent shahar sudlarining sudloviga Jinoyat kodeksi 97-moddasining ikkinchi qismida, 118-moddasining toʻrtinchi qismida, 150, 153, 155, 157, 158-moddalarida, 159-moddasining uchinchi va toʻrtinchi qismlarida, 160, 161-moddalarida, 210-moddasining uchinchi qismida, 230, 231, 242, 244-moddalarida nazarda tutilgan jinoyatlarga doir ishlar tegishlidir”;

oltinchi qismi quyidagi tahrirda bayon etilsin:

“Oʻzbekiston Respublikasi Oliy sudining raisi, Qoraqalpogʻiston Respublikasi jinoyat ishlari boʻyicha sudining raisi, jinoyat ishlari boʻyicha viloyatlar va Toshkent shahar sudlarining raislari, Oʻzbekiston Respublikasi Harbiy sudining raisi ushbu moddaning ikkinchi qismida nazarda tutilgan jinoyat toʻgʻrisidagi ishni, agar u mazmunan murakkab boʻlmasa, jinoyat ishlari boʻyicha tegishli tuman (shahar) sudiga, shuningdek hududiy harbiy sudga koʻrish uchun topshirishga haqli”;

8) 405-moddaning toʻrtinchi qismidagi “Oliy” degan soʻz chiqarib tashlansin;

9) 414-moddaning ikkinchi qismi quyidagi tahrirda bayon etilsin:

“Tayinlangan jazoning yengilligi yoki ogʻirroq jinoyatga doir qonunni qoʻllash zarurligi tufayli apellatsiya, kassatsiya yoki nazorat instansiyasi sudining ajrimi, qarori nazorat instansiyasi sudi tomonidan bekor qilinganidan keyin ish koʻrib chiqilgan taqdirda apellatsiya yoki kassatsiya instansiyasi sudida muhokama sudlanuvchining umuman aybdorligi yoki aybdor emasligi toʻgʻrisidagi masalaga daxl qilmagan holda jinoyatni tasniflash va jazo chorasi xususidagina boradi”;

10) 478-modda ikkinchi qismining 3-bandi quyidagi tahrirda bayon etilsin:

“3) nazorat tartibida — Oʻzbekiston Respublikasi Oliy sudi raisi, Oʻzbekiston Respublikasi Bosh prokurori yoki ularning oʻrinbosarlari protestlariga binoan, yangi ochilgan holatlar munosabati bilan esa Oʻzbekiston Respublikasi Bosh prokurori yoki uning oʻrinbosari protesti, shuningdek ushbu Kodeksning 498-moddasida koʻrsatilgan shaxslarning shikoyatlari boʻyicha amalga oshiriladi”;

11) 479-moddaning birinchi va ikkinchi qismlari quyidagi tahrirda bayon etilsin:

“Ushbu Kodeksning 497², 498 va 510-moddalarida nazarda tutilgan protsess ishtirokchilari birinchi instansiya sudining hukmi va ajrimi ustidan belgilangan tartibda apellatsiya yoki kassatsiya yoxud nazorat tartibida shikoyat berishga yoki protest bildirishga, shuningdek sud qarorlarini nazorat tartibida qayta koʻrib chiqishni iltimos qilishga haqlidir. Bunda ular oʻz vajlarini tasdiqlovchi qoʻshimcha materiallarni taqdim etishi mumkin.

Apellatsiya, kassatsiya shikoyati, apellatsiya, kassatsiya yoki nazorat protesti tushganligi toʻgʻrisida, shuningdek Oʻzbekiston Respublikasi Oliy sudining jinoyat ishlari boʻyicha sudlov hayʼatiga koʻrib chiqish uchun shikoyatni nazorat tartibida oʻtkazish haqida Oʻzbekiston Respublikasi Oliy sudi sudyasi chiqargan ajrim toʻgʻrisida sud tushgan shikoyat yoki protest oʻz manfaatlariga taalluqli boʻlgan protsess ishtirokchilariga maʼlum qiladi va ayni vaqtda mazkur hujjatlarning koʻchirma nusxalarini mahkumga, jabrlanuvchiga va oqlangan shaxsga yuboradi. Koʻrsatilgan shaxslar ish bilan, shu jumladan qoʻshimcha taqdim etilgan materiallar bilan tanishishga hamda sudga oʻz eʼtirozlarini maʼlum qilishga haqli”;

12) 480-modda ikkinchi qismining 1-bandidagi “Qoraqalpogʻiston Respublikasi jinoyat ishlari boʻyicha Oliy sudi” degan soʻzlar “Qoraqalpogʻiston Respublikasi jinoyat ishlari boʻyicha sudi” degan soʻzlar bilan almashtirilsin;

13) 483-moddaning birinchi qismi quyidagi tahrirda bayon etilsin:

“Apellatsiya, kassatsiya instansiyasi sudi jinoyat ishini shikoyat yoki protest bilan ish kelib tushgan kundan eʼtiboran oʻn besh sutkadan, nazorat instansiyasi sudi esa bir oydan kechiktirmay koʻrib chiqishga kirishishi kerak”;

14) 484-moddaning ikkinchi qismi chiqarib tashlansin;

15) 485-modda quyidagi tahrirda bayon etilsin:

Basharti ish boʻyicha:

1) ushbu Kodeksning 82 — 84-moddalarida koʻrsatilgan holatlar yetarlicha toʻla aniqlanmagan boʻlsa;

2) koʻrsatuvlari ishni hal qilishga taʼsir etishi mumkin boʻlgan shaxslar soʻroq qilinmagan, zarur boʻlishiga qaramay ekspertiza oʻtkazilmagan, xuddi shuningdek hujjatlar, ashyoviy dalillar talab qilib olinmagan yoki natijalari ish uchun ahamiyatli boʻlishi mumkin boʻlgan boshqa sud-tergov harakatlari oʻtkazilmagan boʻlsa;

3) ishni yangidan apellatsiya yoki kassatsiya tartibida koʻrib chiqishga yuborgan nazorat instansiyasi sudi ajrimida, qarorida bayon qilingan holatlar tekshirilmagan boʻlsa, sud tergovi toʻliq emas yoki bir yoqlama oʻtkazilgan deb eʼtirof etiladi”;

16) 486-moddaning 4-bandi quyidagi tahrirda bayon etilsin:

“4) sudning hukmda bayon etilgan xulosalarida jiddiy ziddiyatlar mavjud boʻlib, ular sudlanuvchining aybliligi masalasini hal qilishga, Jinoyat kodeksi normalarini toʻgʻri qoʻllashga yoki jazo chorasini belgilashga taʼsir koʻrsatgan boʻlsa yoki taʼsir koʻrsatishi mumkin boʻlsa”;

17) 490-moddaning:

birinchi qismi quyidagi tahrirda bayon etilsin:

“Sud jinoyat ishini apellatsiya, kassatsiya yoki nazorat tartibida koʻrib chiqib, ushbu Kodeksning 497¹³, 506¹ va 521-moddalariga muvofiq qaror qabul qiladi”;

uchinchi qismi quyidagi tahrirda bayon etilsin:

“Apellatsiya, kassatsiya instansiyasi sudi toʻliq yoki qisman sud tergovi oʻtkazishga, hukmni bekor qilishga va yangi hukm chiqarishga yoxud hukmga oʻzgartirishlar kiritishga haqlidir”;

toʻrtinchi qismidagi “Kassatsiya va nazorat instansiyasi” degan soʻzlar “Nazorat instansiyasi” degan soʻzlar bilan almashtirilsin;

18) 491 va 492-moddalar quyidagi tahrirda bayon etilsin:

Agar ishni apellatsiya, kassatsiya yoki nazorat tartibida koʻrib chiqish chogʻida Jinoyat kodeksi notoʻgʻri qoʻllanilganligi yoxud jinoyatning ogʻirlik darajasiga va mahkumning shaxsiga muvofiq kelmaydigan jazo belgilanganligi aniqlansa, sud ishni yangidan koʻrib chiqishga yubormasdan, ushbu Kodeksning 494-moddasi talablariga rioya etgan holda hukmga, ajrimga, qarorga zarur oʻzgartirishlar kiritishga haqli.

Nazorat instansiyasi sudi ajrimni, qarorni bekor qilgan taqdirda jinoyat ishini sudyalarning boshqa tarkibi yangidan apellatsiya yoki kassatsiya tartibida koʻrib chiqishi uchun ajrimni, qarorni chiqargan apellatsiya yoki kassatsiya sudiga yoxud boshqa sudga yuboradi”;

19) 494 va 495-moddalar quyidagi tahrirda bayon etilsin:

Sud jinoyat ishini apellatsiya yoki kassatsiya tartibida koʻrib chiqish chogʻida jazoni kuchaytirishga, xuddi shuningdek ogʻirroq jinoyatga doir qonunni qoʻllashga haqli.

Apellatsiya yoki kassatsiya instansiyasi sudi ogʻirroq jinoyatga doir qonunni qoʻllashga yoxud jazoni kuchaytirishga ana shu asoslar boʻyicha jabrlanuvchi tomonidan shikoyat berilgan yoki prokuror tomonidan protest bildirilgan hollardagina haqlidir.

Sud jinoyat ishini nazorat tartibida qoʻrib chiqish chogʻida jazoni kuchaytirishga, xuddi shuningdek ogʻirroq jinoyatga doir qonunni qoʻllashga haqli emas.

Ogʻirroq jinoyatga doir qonunni qoʻllash zarurati tufayli yoki jazoning yengilligi uchun apellatsiya yoxud kassatsiya instansiyasi sudining ajrimini nazorat tartibida bekor qilish va ishni yangidan apellatsiya yoki kassatsiya tartibida koʻrib chiqish uchun yuborish faqat shu asoslar boʻyicha jabrlanuvchi yoki uning vakili tomonidan shikoyat berilgan yoki prokuror tomonidan protest keltirilgan hollardagina mumkin.

Oqlov hukmi yuqori sud tomonidan faqat prokurorning apellatsiya yoki kassatsiya protesti, jabrlanuvchining yoki uning vakilining shikoyati yoxud oqlangan shaxsning, uning himoyachisining yoki qonuniy vakilining apellatsiya yoki kassatsiya shikoyati, shuningdek jabrlanuvchining yoxud uning vakilining, oqlangan shaxsning shikoyati yoki nazorat tartibida berilgan protest boʻyicha bekor qilinishi mumkin.

Jinoyat ishini nazorat tartibida koʻrib chiqqan sudning ish holatlari toʻla-toʻkis va har tomonlama tekshirilishini taʼminlashga, shuningdek Jinoyat kodeksi hamda ushbu Kodeks normalarining buzilishini bartaraf etishga qaratilgan koʻrsatmalariga ishni yangidan apellatsiya yoki kassatsiya tartibida koʻrib chiqish chogʻida amal qilish majburiydir.

Nazorat instansiyasi sudi ishni yangidan apellatsiya yoki kassatsiya tartibida koʻrib chiqish uchun yuborayotganda ayblov isbotlanganligi yoki isbotlanmaganligi, u yoki bu dalillarning ishonchliligi yoki ishonchsizligi, bir dalilning ikkinchisidan afzalligi, jinoyatning tasnifi va jazo chorasi toʻgʻrisida oldindan xulosa chiqarib qoʻyishga haqli emas”;

20) 496-modda:

birinchi qismining 3-bandi quyidagi tahrirda bayon etilsin:

“3) apellatsiya, kassatsiya yoki nazorat shikoyati bergan, apellatsiya, kassatsiya yoki nazorat protesti bildirgan shaxs”;

toʻrtinchi qismi quyidagi tahrirda bayon etilsin:

“Ish nazorat instansiyasi sudi tomonidan yangidan apellatsiya yoki kassatsiya tartibida koʻrib chiqish uchun yuborilayotganda aniqlanishi lozim boʻlgan holatlar koʻrsatilishi zarur”;

oltinchi qismidagi “sud rayosatining” degan soʻzlar “Oʻzbekiston Respublikasi Oliy sudi Rayosatining” degan soʻzlar bilan almashtirilsin;

21) 497²-modda:

quyidagi mazmundagi toʻrtinchi qism bilan toʻldirilsin:

“Ishda taraf boʻlmagan shaxslar ham sud hukmining oʻz huquqlari va qonuniy manfaatlariga daxldor qismi ustidan shikoyat berishga haqlidir”;

toʻrtinchi qismi beshinchi qism deb hisoblansin;

beshinchi qismidagi “birinchi, ikkinchi va uchinchi” degan soʻzlar “birinchi — toʻrtinchi” degan soʻzlar bilan almashtirilsin;

22) 497³-moddaning:

birinchi qismi 1-bandidagi “Oliy” degan soʻz chiqarib tashlansin;

birinchi qismi 2-bandidagi “okrug va” degan soʻzlar chiqarib tashlansin;

ikkinchi qismidagi “Qoraqalpogʻiston Respublikasi jinoyat ishlari boʻyicha Oliy sudi” degan soʻzlar “Qoraqalpogʻiston Respublikasi jinoyat ishlari boʻyicha sudi” degan soʻzlar bilan almashtirilsin;

23) 497⁷-modda quyidagi mazmundagi ikkinchi va uchinchi qismlar bilan toʻldirilsin:

“Agar apellatsiya shikoyatining, protestining mazmuni mazkur moddaning birinchi qismida koʻrsatilgan talablarga javob bermasa va bu kelgusida ishni mazmunan koʻrib chiqishga toʻsqinlik qilsa, sudya apellatsiya shikoyatini, protestini uni bergan shaxsga qaytarish toʻgʻrisida apellatsiya shikoyatini yoki protestini qayta tuzish uchun muddatni belgilagan holda uch kunlik muddatda ajrim chiqaradi.

Sudyaning apellatsiya shikoyatini, protestini qaytarish toʻgʻrisidagi ajrimi talablari bajarilmagan va apellatsiya shikoyati, protesti belgilangan vaqtda kelib tushmagan hollarda, u berilmagan deb hisoblanadi. Bunday holda hukm qonuniy kuchga kirgan deb hisoblanadi”;

24) 497¹³-moddaning matni quyidagi tahrirda bayon etilsin:

“Sud ishni apellatsiya tartibida koʻrib chiqib, oʻz ajrimi bilan:

1) birinchi instansiya sudining hukmini oʻzgarishsiz, shikoyatni yoki protestni esa qanoatlantirishsiz qoldirishga;

2) birinchi instansiya sudining ayblov hukmini bekor qilishga va oqlov hukmi chiqarishga;

3) birinchi instansiya sudining oqlov hukmini bekor qilishga va ayblov hukmi chiqarishga;

4) birinchi instansiya sudining ayblov hukmini bekor qilishga va ishni tugatishga;

5) birinchi instansiya sudining hukmini oʻzgartirishga, shu jumladan ayblov hajmini, jinoyatning tavsiflanishini oʻzgartirishga, jazoni yengillashtirishga yoki kuchaytirishga, shuningdek ogʻirroq jinoyatga doir qonunni qoʻllashga haqli.

Agar birinchi instansiya sudi ish yuzasidan kamchiliklarga yoki sud tergovini bir yoqlama olib borishga yoxud protsessual qoidabuzarliklarga yoʻl qoʻygan boʻlsa, apellatsiya instansiyasi sudi ishni birinchi instansiya sudiga yangidan sudda koʻrib chiqishga yubormay, kamchiliklarni toʻldirish, protsessual qoidabuzarliklarni bartaraf etish choralarini koʻradi hamda koʻrib chiqish natijalarini inobatga olgan holda tegishli qarorni qabul qiladi.

Birinchi instansiya sudining ayblov hukmi jabrlanuvchining, uning vakilining shikoyati yoki prokurorning protesti boʻlgan taqdirdagina mahkumning ahvolini ogʻirlashtirish tomonga oʻzgartirilishi mumkin.

Birinchi instansiya sudining oqlov hukmi apellatsiya instansiyasi sudi tomonidan faqat jabrlanuvchining, uning vakilining shikoyati yoki prokurorning protesti boʻyicha bekor qilinib, ayblov hukmi chiqarilishi mumkin.

Apellatsiya instansiyasi sudining qarorida qanday asoslarga koʻra birinchi instansiya sudining hukmi toʻgʻri deb, shikoyatning yoki protestning vajlari esa asossiz deb topilganligi, birinchi instansiya sudining hukmini bekor qilish yoki uni oʻzgartirishga nimalar asos boʻlganligi koʻrsatilishi kerak.

Apellatsiya instansiyasi qaror qabul qilayotganda birinchi instansiya sudi tomonidan tekshirib koʻrilgan va ishonchli deb topilgan dalillarga apellatsiya shikoyatlari, protestlarini koʻrib chiqishda tekshirilgan yangi dalillarni qoʻshgan holda tayanishga haqlidir.

Apellatsiya instansiyasi sudining qarori ushbu Kodeksning 473-moddasi qoidalari asosida eʼlon qilinadi”;

25) 497¹⁵-moddaning birinchi qismi quyidagi tahrirda bayon etilsin:

“Xususiy shikoyat yoki xususiy protest apellatsiya shikoyatlarini yoki protestlarini hal qilish uchun nazarda tutilgan qoidalar boʻyicha, mazkur moddada belgilangan xususiyatlar hisobga olingan holda qoʻrib chiqiladi”;

26) 498-modda quyidagi mazmundagi toʻrtinchi qism bilan toʻldirilsin:

“Ishda taraf boʻlmagan shaxslar ham sud hukmining oʻz huquqlari va qonuniy manfaatlariga daxldor qismi ustidan kassatsiya tartibida shikoyat berishga haqlidir”;

27) 499-moddaning birinchi qismi quyidagi tahrirda bayon etilsin:

“Quyidagilarning:

1) jinoyat ishlari boʻyicha tuman (shahar) sudlarining qonuniy kuchga kirgan hukmlari ustidan — Qoraqalpogʻiston Respublikasi jinoyat ishlari boʻyicha sudiga, jinoyat ishlari boʻyicha viloyatlar va Toshkent shahar sudlariga;

2) Qoraqalpogʻiston Respublikasi jinoyat ishlari boʻyicha sudining, jinoyat ishlari boʻyicha viloyatlar va Toshkent shahar sudlarining qonuniy kuchga kirgan hukmlari ustidan — shu sudlarning sudlov hayʼatlariga;

3) Oʻzbekiston Respublikasi Oliy sudining qonuniy kuchga kirgan hukmlari ustidan — shu sudning sudlov hayʼatiga;

4) hududiy harbiy sudlarning qonuniy kuchga kirgan hukmlari ustidan — Oʻzbekiston Respublikasi Harbiy sudiga, Oʻzbekiston Respublikasi Harbiy sudining qonuniy kuchga kirgan hukmlari ustidan esa shu sudning sudlov hayʼatiga kassatsiya tartibida shikoyat qilinishi va protest keltirilishi mumkin”;

28) quyidagi mazmundagi 502¹-modda bilan toʻldirilsin:

Kassatsiya shikoyatida, protestida quyidagilar koʻrsatilishi kerak:

1) shikoyat, protest yoʻllanayotgan sudning nomi;

2) shikoyat bergan shaxs, uning protsessual mavqeyi, yashash joyi yoki turgan joyi toʻgʻrisidagi maʼlumotlar;

3) hukmni chiqargan sudning nomi, hukm chiqarilgan sana, shikoyat qilinayotgan va protest keltirilayotgan hukm kimga nisbatan chiqarilgan boʻlsa, shu shaxs toʻgʻrisidagi maʼlumotlar;

4) shikoyat, protest bergan shaxsning uning fikriga koʻra hukmning yoki boshqa qarorning notoʻgʻriligi nimadan iborat ekanligi borasidagi vajlari va uning iltimosining mohiyati;

5) arizachi oʻz talablarini asoslayotgan va kassatsiya instansiyasi sudi tomonidan tekshirilishi lozim boʻlgan dalillar, shu jumladan ilgari birinchi instansiya sudida tekshirilmagan dalillar;

6) shikoyatga, protestga ilova qilinayotgan materiallarning roʻyxati;

7) shikoyat, protest berilgan sana hamda shikoyat, protest berayotgan shaxsning imzosi.

Agar kassatsiya shikoyatining, protestining mazmuni ushbu moddaning birinchi qismida koʻrsatilgan talablarga javob bermasa, sudya kassatsiya shikoyatini, protestini uni bergan shaxsga uch kunlik muddatda qaytarish toʻgʻrisida ajrim chiqaradi. Kassatsiya shikoyati, protesti yoʻl qoʻyilgan kamchiliklar bartaraf etilganidan keyin berilishi mumkin”;

29) quyidagi mazmundagi 506¹-modda bilan toʻldirilsin:

Sud ishni kassatsiya tartibida koʻrib chiqib, oʻz ajrimi bilan:

1) birinchi instansiya sudining hukmini oʻzgarishsiz, shikoyatni yoki protestni esa qanoatlantirishsiz qoldirishga;

2) birinchi instansiya sudining ayblov hukmini bekor qilishga va oqlov hukmi chiqarishga;

3) birinchi instansiya sudining oqlov hukmini bekor qilishga va ayblov hukmi chiqarishga;

4) birinchi instansiya sudining ayblov hukmini bekor qilishga va ishni tugatishga;

5) birinchi instansiya sudining hukmini oʻzgartirishga, shu jumladan ayblov hajmini, jinoyat tavsifini oʻzgartirishga, jazoni yengillashtirishga yoki kuchaytirishga, xuddi shuningdek ogʻirroq jinoyat toʻgʻrisidagi qonunni qoʻllashga haqli.

Agar birinchi instansiya sudi ish yuzasidan kamchiliklarga yoki sud tergovini bir tomonlama olib borishga yoxud protsessual qoidabuzarliklarga yoʻl qoʻygan boʻlsa, kassatsiya instansiyasi sudi ishni birinchi instansiya sudiga yangidan sudda koʻrib chiqishga yubormay, kamchiliklarni toʻldirish, protsessual qoidabuzarliklarni bartaraf etish choralarini koʻradi hamda koʻrib chiqish natijalarini inobatga olgan holda tegishli qaror qabul qiladi.

Birinchi instansiya sudining ayblov hukmi jabrlanuvchining, uning vakilining shikoyati yoki prokurorning protesti boʻlgan taqdirdagina mahkumning ahvolini ogʻirlashtirish tomonga oʻzgartirilishi mumkin.

Birinchi instansiya sudining oqlov hukmi kassatsiya instansiyasi sudi tomonidan faqat jabrlanuvchining, uning vakilining shikoyati yoki prokurorning protesti boʻyicha bekor qilinib, ayblov hukmi chiqarilishi mumkin.

Kassatsiya instansiyasi sudining qarorida qanday asoslarga koʻra birinchi instansiya sudining hukmi toʻgʻri deb, shikoyatning yoki protestning vajlari esa asossiz deb topilganligi, birinchi instansiya sudining hukmini bekor qilishga yoki uni oʻzgartirishga nimalar asos boʻlganligi koʻrsatilishi kerak.

Kassatsiya instansiyasi sudi qaror qabul qilish chogʻida birinchi instansiya sudi tomonidan tekshirib koʻrilgan va ishonchli deb topilgan dalillarga kassatsiya shikoyatlarini, protestlarini koʻrib chiqishda tekshirilgan yangi dalillarni qoʻshgan holda tayanishga haqli.

Kassatsiya instansiyasi sudi qarorini eʼlon qilish ushbu Kodeksning 473-moddasi qoidalariga koʻra amalga oshiriladi”;

30) 510-modda quyidagi mazmundagi ikkinchi qism bilan toʻldirilsin:

“Nazorat tartibida berilgan shikoyatning mazmuni ushbu Kodeks 502¹-moddasining birinchi qismida nazarda tutilgan talablarga muvofiq boʻlishi kerak. Nazorat tartibidagi shikoyatga ish boʻyicha qabul qilingan sud qarorlarining sud tomonidan tasdiqlangan koʻchirma nusxalari ilova qilinishi kerak”;

31) quyidagi mazmundagi 510¹ va 510²-moddalar bilan toʻldirilsin:

Quyidagi sud qarorlari ustidan nazorat tartibida shikoyat qilinishi va protest keltirilishi mumkin:

viloyat sudlari va ularga tenglashtirilgan sudlar tomonidan apellatsiya yoki kassatsiya tartibida koʻrib chiqilgan ishlar boʻyicha — Oʻzbekiston Respublikasi Oliy sudining jinoyat ishlari boʻyicha sudlov hayʼatiga;

Oʻzbekiston Respublikasi Oliy sudining jinoyat ishlari boʻyicha sudlov hayʼati tomonidan apellatsiya yoki kassatsiya yoxud nazorat tartibida koʻrib chiqilgan ishlar boʻyicha — Oʻzbekiston Respublikasi Oliy sudining Rayosatiga.

Nazorat tartibida berilgan shikoyat quyidagi hollarda koʻrib chiqilmasdan qaytariladi, agar:

1) nazorat tartibida berilgan shikoyat ushbu Kodeks 502¹-moddasining birinchi qismida nazarda tutilgan talablarga javob bermasa;

2) nazorat tartibida berilgan shikoyatga ish boʻyicha qabul qilingan, sud qarorlarining sud tomonidan tasdiqlangan koʻchirma nusxalari ilova qilinmagan boʻlsa;

3) ish apellatsiya yoki kassatsiya tartibida koʻrilmagan boʻlsa;

4) nazorat tartibida berilgan shikoyatni qaytarib olish toʻgʻrisida ariza kelib tushganda.

Ushbu modda birinchi qismining 1 — 3-bandlarida koʻrsatilgan holatlar bartaraf etilganidan keyin shikoyat bergan shaxs qaytadan umumiy tartibda murojaat qilishga haqlidir”;

32) 511-moddaning 2-bandidagi “har qanday sudning” degan soʻzlar “barcha instansiya sudlarining” degan soʻzlar bilan almashtirilsin;

33) 512-moddaning ikkinchi va uchinchi qismlari quyidagi tahrirda bayon etilsin:

“Ishlarni sudlardan talab qilib olish huquqiga nazorat tartibidagi shikoyatni ushbu Kodeksning 515-moddasida nazarda tutilgan tartibda oʻrganayotgan Oʻzbekiston Respublikasi Oliy sudining sudyasi ham ega.

Ishlarni talab qilib olishga ushbu Kodeksning 498-moddasida koʻrsatilgan shaxslarning shikoyatlari, sudyalar va prokurorlarning taqdimnomalari, ommaviy axborot vositalarining xabarlari, shuningdek ushbu Kodeksning 511-moddasida koʻrsatilgan shaxslarning bevosita shunday qarorga kelishi sabab boʻladi”;

34) 514 va 515-moddalar quyidagi tahrirda bayon etilsin:

Nazorat tartibidagi shikoyat bir oygacha boʻlgan muddatda, ish talab qilib olinadigan va tekshiriladigan hollarda esa ikki oygacha boʻlgan muddatda koʻrib chiqilishi kerak.

Nazorat tartibidagi shikoyat unga ilova qilingan materiallar bilan birga, zarur boʻlgan hollarda esa jinoyat ishini talab qilib olgan holda Oʻzbekiston Respublikasi Oliy sudining sudyasi tomonidan oʻrganib chiqiladi.

Shikoyatni oʻrganib chiqish natijalari boʻyicha Oʻzbekiston Respublikasi Oliy sudining sudyasi oʻz ajrimi bilan quyidagi qarorlardan birini qabul qiladi:

1) sud qarorlarini nazorat tartibida qayta koʻrib chiqish uchun asoslar mavjud emasligi toʻgʻrisida;

2) shikoyatni ish bilan birga koʻrib chiqish uchun Oʻzbekiston Respublikasi Oliy sudining jinoyat ishlari boʻyicha sudlov hayʼatiga oʻtkazish toʻgʻrisida.

Nazorat tartibida shikoyat bergan shaxsga qabul qilingan qaror haqida uch kunlik muddatda xabar qilinadi”;

35) quyidagi mazmundagi 515¹ va 515²-moddalar bilan toʻldirilsin:

Oʻzbekiston Respublikasi Oliy sudi sudyasining Oʻzbekiston Respublikasi Oliy sudining jinoyat ishlari boʻyicha sudlov hayʼatida sud qarorlarini nazorat tartibida koʻrib chiqish uchun asoslar mavjud emasligi toʻgʻrisidagi ajrimida quyidagilar koʻrsatilgan boʻlishi lozim:

1) ajrim chiqarilgan vaqt, joy;

2) ajrim chiqargan sudyaning familiyasi, ismi, otasining ismi;

3) nazorat tartibida shikoyat bergan shaxs haqidagi maʼlumotlar;

4) hukm chiqargan sudning, ajrim chiqargan apellatsiya yoki kassatsiya instansiyasi sudining nomi, apellatsiya yoki kassatsiya instansiyasi sudining hukmi, ajrimi chiqarilgan sana;

5) nazorat tartibida berilgan shikoyatning mohiyati;

6) nazorat tartibida berilgan shikoyatni koʻrib chiqish uchun Oʻzbekiston Respublikasi Oliy sudining jinoyat ishlari boʻyicha sudlov hayʼatiga oʻtkazishni rad etish sabablari va asoslari.

Oʻzbekiston Respublikasi Oliy sudining jinoyat ishlari boʻyicha sudlov hayʼatida sud qarorlarini nazorat tartibida koʻrib chiqish uchun asoslar mavjud emasligi toʻgʻrisidagi Oʻzbekiston Respublikasi Oliy sudi sudyasining ajrimi ustidan nazorat tartibida shikoyat bergan shaxs tomonidan Oʻzbekiston Respublikasi Oliy sudi raisiga yoki uning oʻrinbosariga shikoyat qilinishi mumkin.

Oʻzbekiston Respublikasi Oliy sudi raisi, uning oʻrinbosari nazorat tartibida shikoyat bergan shaxsning shikoyatiga koʻra yoki oʻz tashabbusi bilan Oʻzbekiston Respublikasi Oliy sudi sudyasining sud qarorlarini nazorat tartibida koʻrib chiqish uchun asoslar mavjud emasligi toʻgʻrisidagi ajrimini bekor qilish va shikoyatni koʻrib chiqish uchun jinoyat ishi bilan birga Oʻzbekiston Respublikasi Oliy sudining jinoyat ishlari boʻyicha sudlov hayʼatiga oʻtkazish toʻgʻrisida ajrim chiqarishga haqli.

Oʻzbekiston Respublikasi Oliy sudi sudyasining nazorat tartibidagi shikoyatni Oʻzbekiston Respublikasi Oliy sudining jinoyat ishlari boʻyicha sudlov hayʼatiga koʻrib chiqish uchun oʻtkazish toʻgʻrisidagi ajrimida quyidagilar koʻrsatilgan boʻlishi lozim:

1) ajrim chiqarilgan vaqt, joy;

2) ajrim chiqargan sudyaning familiyasi, ismi, otasining ismi;

3) nazorat tartibida shikoyat bergan shaxs haqidagi maʼlumotlar;

4) hukm chiqargan sudning, ajrim chiqargan apellatsiya yoki kassatsiya instansiyasi sudining nomi, apellatsiya yoki kassatsiya instansiyasi sudining hukmi, ajrimi chiqarilgan sana;

5) nazorat tartibida berilgan shikoyatning mohiyati;

6) nazorat tartibida berilgan shikoyatni Oʻzbekiston Respublikasi Oliy sudining jinoyat ishlari boʻyicha sudlov hayʼatiga koʻrib chiqish uchun oʻtkazish sabablari va asoslari;

7) ishni Oʻzbekiston Respublikasi Oliy sudining jinoyat ishlari boʻyicha sudlov hayʼati tomonidan koʻrib chiqish joyi va vaqti.

Oʻzbekiston Respublikasi Oliy sudining sudyasi nazorat tartibidagi shikoyatni oʻzi chiqargan ajrim bilan Oʻzbekiston Respublikasi Oliy sudining jinoyat ishlari boʻyicha sudlov hayʼatiga jinoyat ishi bilan birga oʻtkazadi”;

36) 516-modda chiqarib tashlansin;

37) 518-moddaning matni quyidagi tahrirda bayon etilsin:

“Protest kiritgan shaxs uni chaqirib olishga haqli. Oʻzbekiston Respublikasi Bosh prokurori oʻz oʻrinbosari tomonidan keltirilgan protestni chaqirib olishga haqli. Protestni chaqirib olishga faqat nazorat instansiyasi sudi ishni koʻrib chiqishni boshlaguniga qadar yoʻl qoʻyiladi. Protest va uni chaqirib olish toʻgʻrisidagi hujjat ishda qoldiriladi”;

38) 519-modda chiqarib tashlansin;

39) 521-moddaning:

nomi quyidagi tahrirda bayon etilsin:

birinchi qismi quyidagi tahrirda bayon etilsin:

“Sud ishni nazorat tartibida koʻrib chiqib, oʻzining ajrimi, qarori bilan:

1) hukmni, ajrimni, qarorni oʻzgarishsiz, shikoyatni yoki protestni esa qanoatlantirishsiz qoldirishga;

2) ajrimni, qarorni bekor qilishga va ishni yangidan apellatsiya yoki kassatsiya tartibida koʻrib chiqish uchun yuborishga;

3) hukmni, ajrimni, qarorni bekor qilishga va ishni tugatishga;

4) hukmni, ajrimni, qarorni oʻzgartirishga haqlidir”;

ikkinchi qismidagi “Protestni” degan soʻz “Ishni nazorat tartibida” degan soʻzlar bilan almashtirilsin;

40) 527-moddaning 1-bandi quyidagi tahrirda bayon etilsin:

“1) jinoyat ishlari boʻyicha tuman (shahar) sudlari, hududiy harbiy sudlar tomonidan hukm yoki ajrim chiqarilgan ishlar, shuningdek Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyatlar va Toshkent shahar sudlari, Oʻzbekiston Respublikasi Harbiy sudi tomonidan hukmlar, ajrimlar chiqarilgan ishlar boʻyicha — Oʻzbekiston Respublikasi Oliy sudining jinoyat ishlari boʻyicha sudlov hayʼatida”;

41) 536¹-moddaning matnidagi “okrug” degan soʻz chiqarib tashlansin;

42) 546-moddaning matnidagi “okrug harbiy sudining yoki” degan soʻzlar chiqarib tashlansin;

43) 590-moddaning birinchi qismidagi “okrug” va “Oliy” degan soʻzlar chiqarib tashlansin;

44) 602-moddaning birinchi qismidagi “Oliy” degan soʻz chiqarib tashlansin.

3-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 138-modda, № 6, 300-modda, № 9, 510-modda, № 10, 605-modda) quyidagi oʻzgartish va qoʻshimchalar kiritilsin:

1) 27-moddaning birinchi qismidagi, 28-moddaning birinchi qismidagi, 29-moddaning birinchi qismidagi, 29¹-moddaning birinchi qismidagi “maʼmuriy ishlar boʻyicha tuman (shahar) sudining sudyasi”, “tuman (shahar) sudining maʼmuriy ishlar boʻyicha sudyasi” degan soʻzlar “tuman (shahar) maʼmuriy sudi” degan soʻzlar bilan almashtirilsin;

2) 33-moddaning matni “eng kam jazodan ham kamroq jazo” degan soʻzlardan keyin “yoki ushbu moddada nazarda tutilmagan boshqa yanada yengil jazo” degan soʻzlar bilan toʻldirilsin;

3) 36-moddaning ikkinchi qismi quyidagi tahrirda bayon etilsin:

“Jinoyat ishini qoʻzgʻatish rad etilgan yoki jinoyat ishi tugatilgan boʻlsa-yu, lekin huquqbuzarning harakatlarida maʼmuriy huquqbuzarlik alomatlari mavjud boʻlsa, maʼmuriy jazo chorasi jinoyat ishi qoʻzgʻatishni rad etish yoki jinoyat ishini tugatish toʻgʻrisida, agar ushbu moddaning birinchi qismida nazarda tutilgan muddatlar oʻtmagan boʻlsa, qaror qabul qilingan kundan eʼtiboran bir oydan kechiktirmay qoʻllanilishi mumkin”;

4) 38-moddaning ikkinchi qismidagi “maʼmuriy ishlar boʻyicha sudya” degan soʻzlar “maʼmuriy sud” degan soʻzlar bilan almashtirilsin;

5) 242-moddaning 1-bandidagi “tuman (shahar) sudining maʼmuriy ishlar boʻyicha sudyasi” degan soʻzlar “tuman (shahar) maʼmuriy sudlari” degan soʻzlar bilan almashtirilsin;

6) 245-moddaning:

nomi quyidagi tahrirda bayon etilsin:

birinchi, ikkinchi va uchinchi qismlaridagi “Maʼmuriy ishlar boʻyicha sudyalar”, “maʼmuriy ishlar boʻyicha sudyalar” degan soʻzlar “Maʼmuriy sudlar”, “maʼmuriy sudlar” degan soʻzlar bilan almashtirilsin;

7) 276-moddaning ikkinchi qismi quyidagi tahrirda bayon etilsin:

“Ushbu moddaning birinchi qismida nazarda tutilgan maʼlumotlar quyidagi vositalar: maʼmuriy huquqbuzarlik toʻgʻrisidagi bayonnoma, maʼmuriy javobgarlikka tortilayotgan shaxsning tushuntirishlari hamda jabrlanuvchining, guvohlarning koʻrsatuvlari, ekspert xulosasi, mutaxassis maslahati (tushuntirishlari), ashyoviy dalillar, ashyolar va hujjatlarni olib qoʻyish toʻgʻrisidagi bayonnoma, audio-, videoyozuvlardan va fotosuratlardan iborat materiallar, shuningdek boshqa materiallar bilan belgilanadi”;

8) 282-modda quyidagi mazmundagi ikkinchi — toʻrtinchi qismlar bilan toʻldirilsin:

“Maʼmuriy huquqbuzarlik toʻgʻrisidagi bayonnomaga quyidagilar ilova qilinadi:

1) maʼmuriy javobgarlikka tortilayotgan shaxsning shaxsini tasdiqlovchi hujjatning koʻchirma nusxasi;

2) ichki ishlar organlarining maʼmuriy javobgarlikka tortilayotgan shaxsning ilgari maʼmuriy javobgarlikka tortilganligi fakti mavjudligi yoki mavjud emasligi toʻgʻrisidagi maʼlumotnomasi;

3) maʼmuriy javobgarlikka tortilayotgan shaxsning tushuntirishi;

4) jabrlanuvchining, guvohlarning koʻrsatuvlari, ekspertning xulosasi, agar ular mavjud boʻlsa;

5) maʼmuriy huquqbuzarlik sodir etilganligi faktini tasdiqlovchi boshqa materiallar.

Ushbu Kodeksning 133 va 134-moddalarida nazarda tutilgan maʼmuriy huquqbuzarliklar toʻgʻrisidagi bayonnomaga ushbu moddaning birinchi qismida koʻrsatilgan hujjatlardan tashqari quyidagilar ilova qilinadi:

1) haydovchilik guvohnomasi, transport vositasi roʻyxatdan oʻtkazilganligi toʻgʻrisidagi guvohnomaning va ishonchnomaning koʻchirma nusxasi;

2) sugʻurta polisining koʻchirma nusxasi (mavjud boʻlgan taqdirda);

3) alkogolli ichimlikdan, giyohvandlik moddasi taʼsiridan yoki oʻzgacha tarzda mast holda boshqarilganligi belgilangan tartibda tekshiruvdan oʻtkazilganligi toʻgʻrisidagi tibbiy xulosa, alkogolli ichimlikdan, giyohvandlik moddasi taʼsiridan yoki oʻzgacha tarzdagi mastlik holatini aniqlash uchun tekshiruvdan oʻtishdan boʻyin tovlagan taqdirda ikki xolis ishtirokida tuzilgan dalolatnoma;

4) koʻzdan kechirish dalolatnomasi va hodisa joyining chizmasi, transport vositasining shikastlanishlari toʻgʻrisidagi maʼlumotnoma va texnika vositalari shikastlanishlarining fotosuratlari;

5) avtomototransport vositasiga yetkazilgan zararni baholash dalolatnomasi;

6) sudga qadar avtotexnika ekspertizasi tayinlanganligi haqidagi qaror va ekspertlarning xulosasi;

7) surishtiruv yakunlariga koʻra, manfaatdor shaxslarning maʼmuriy huquqbuzarlik toʻgʻrisidagi ish materiallari bilan tanishganligi toʻgʻrisidagi bayonnoma.

Ushbu Kodeksning 52-moddasida nazarda tutilgan maʼmuriy huquqbuzarlik toʻgʻrisidagi bayonnomaga ushbu moddaning birinchi qismida koʻrsatilgan hujjatlardan tashqari quyidagilar ilova qilinadi:

1) jabrlanuvchining arizasi;

2) sudga qadar tibbiy ekspertiza tayinlanganligi haqidagi qaror va ekspertlarning xulosasi;

3) jinoyat ishi qoʻzgʻatishni rad etish toʻgʻrisidagi qaror”;

9) 288-moddaning uchinchi qismidagi “maʼmuriy ishlar boʻyicha sudya” degan soʻzlar “maʼmuriy sud” degan soʻzlar bilan almashtirilsin;

10) 294-moddaning uchinchi qismidagi “maʼmuriy ishlar boʻyicha sudyaning” degan soʻzlar “maʼmuriy sudning” degan soʻzlar bilan almashtirilsin;

11) quyidagi mazmundagi 299²-modda bilan toʻldirilsin:

Dalillarni toʻplash, tekshirish va baholashda maslahatlar (tushuntirishlar) berish yoʻli bilan koʻmaklashish hamda ilmiy-texnika vositalarini qoʻllashda yordam berish maqsadida fan, texnika, sanʼat yoki hunar sohasida maxsus bilim va koʻnikmaga ega boʻlgan, ishning yakunidan manfaatdor boʻlmagan voyaga yetgan shaxs mutaxassis sifatida jalb etilishi mumkin.

Belgilangan tartibda muomalaga layoqatsiz yoki muomala layoqati cheklangan deb topilgan shaxslar mutaxassis sifatida jalb qilinishi mumkin emas.

Mutaxassis: maʼmuriy huquqbuzarlik toʻgʻrisidagi ishning tekshirish mavzusiga doir materiallari bilan tanishish, ulardan zarur maʼlumotlarni yozib olish yoki koʻchirma nusxalar olish; maslahatlar (tushuntirishlar) berish uchun zarur boʻlgan qoʻshimcha materiallar va oʻrganish obyektlarini taqdim etish toʻgʻrisida iltimosnomalar berish; maʼmuriy huquqbuzarlik toʻgʻrisidagi ish oʻz ish yurituvida boʻlgan organning (mansabdor shaxsning) ruxsati bilan ishni koʻrib chiqish chogʻida hozir boʻlish, javobgarlikka tortilayotgan shaxsga, jabrlanuvchiga, guvohlarga tekshirish mavzusiga taalluqli savollar berish; ashyoviy dalillar va hujjatlarni koʻzdan kechirish; oʻz maslahatlari (tushuntirishlari) maʼmuriy huquqbuzarlik toʻgʻrisidagi ishni yuritishda ishtirok etuvchi shaxslar tomonidan notoʻgʻri talqin qilinganligi xususida maʼmuriy huquqbuzarlik toʻgʻrisidagi ishni koʻrish bayonnomasiga kiritilishi lozim boʻlgan fikr-mulohazalar bildirish; agar u maʼmuriy huquqbuzarlik toʻgʻrisidagi ish yuritilayotgan tilni bilmasa yoki yetarlicha bilmasa, ona tilida maslahat berish va tushuntirishlarini bayon qilish hamda bu holda tarjimon xizmatidan foydalanish; agar maʼmuriy huquqbuzarlik toʻgʻrisidagi ish oʻz ish yurituvida boʻlgan organning (mansabdor shaxsning) qarorlari, harakatlari (harakatsizligi) ushbu mutaxassisning huquqlari va erkinliklarini buzsa, mazkur organning qarorlari, harakatlari (harakatsizligi) ustidan shikoyat qilish huquqiga ega.

Mutaxassis: oʻziga taqdim etilgan tekshirish obyektlarini har tomonlama va toʻliq tekshirishdan oʻtkazishi, oʻz oldiga qoʻyilgan masalalar yuzasidan asosli va xolisona maslahatlar (tushuntirishlar) berishi; maʼmuriy huquqbuzarlik toʻgʻrisidagi ish oʻz ish yurituvida boʻlgan organning (mansabdor shaxsning) chaqiruviga binoan kelishi; oʻtkazilgan tekshirish xususida koʻrsatuvlar berishi va oʻzi bergan maslahatlarni (tushuntirishlarni) tushuntirib berish uchun qoʻshimcha savollarga javob berishi; tekshirish oʻtkazilishi munosabati bilan oʻziga maʼlum boʻlib qolgan maʼlumotlarni oshkor qilmasligi; taqdim etilgan tekshirish obyektlarining va ish materiallarining but saqlanishini taʼminlashi; maʼmuriy huquqbuzarlik toʻgʻrisidagi ish koʻrib chiqilayotganda tartibga rioya etishi shart.

Mutaxassisning barcha yuzaga kelgan masalalar boʻyicha maslahatlari sudga yozma shaklda taqdim etilishi kerak, maʼmuriy huquqbuzarlik toʻgʻrisidagi ish koʻrib chiqilayotganda mutaxassis tomonidan berilgan tushuntirishlar esa maʼmuriy huquqbuzarlik toʻgʻrisidagi ishni koʻrib chiqish bayonnomasiga kiritiladi”;

12) 301-moddaning:

nomi “ekspertlar” degan soʻzdan keyin “mutaxassislar” degan soʻz bilan toʻldirilsin;

birinchi qismi “ekspertlar” degan soʻzdan keyin “mutaxassislar” degan soʻz bilan toʻldirilsin;

ikkinchi qismi “ekspertlar” degan soʻzdan keyin “mutaxassislar” degan soʻz bilan toʻldirilsin;

uchinchi qismi “ekspert” degan soʻzdan keyin “mutaxassis” degan soʻz bilan toʻldirilsin;

13) quyidagi mazmundagi 303¹-modda bilan toʻldirilsin:

Maʼmuriy ish mazkur organga (mansabdor shaxsga) taalluqli boʻlmagan (sudloviga tegishli boʻlmagan) yoki maʼmuriy huquqbuzarlik toʻgʻrisidagi ish materiallari ushbu Kodeksning 281 va 282-moddalarida nazarda tutilgan talablar buzilgan holda yuborilgan taqdirda, maʼmuriy huquqbuzarlik toʻgʻrisidagi ish materiallari maʼmuriy huquqbuzarlik toʻgʻrisidagi bayonnomani tuzgan organga (mansabdor shaxsga) qaytariladi”;

14) 311-moddaning birinchi qismi “eʼlon qilinadi” degan soʻzlardan keyin “va u chiqarilgan paytdan eʼtiboran qonuniy kuchga kiradi” degan soʻzlar bilan toʻldirilsin;

15) 314-modda quyidagi mazmundagi ikkinchi qism bilan toʻldirilsin:

“Maʼmuriy huquqbuzarlik toʻgʻrisidagi ish boʻyicha maʼmuriy sudning qarori ustidan shikoyat qilish ushbu Kodeksning XXIV¹ bobida belgilangan tartibda amalga oshiriladi”;

16) 315-moddaning birinchi qismi quyidagi tahrirda bayon etilsin:

“Maʼmuriy huquqbuzarlik toʻgʻrisidagi ish yuzasidan chiqarilgan qaror ustidan yuqori turuvchi organga (mansabdor shaxsga) yoki tuman (shahar) maʼmuriy sudiga, maʼmuriy sudning qarori ustidan esa kassatsiya instansiyasi sudiga shikoyat qilinishi (protest keltirilishi) mumkin. Iqtisodiy sudning maʼmuriy huquqbuzarlik toʻgʻrisidagi ish boʻyicha qarori ustidan Oʻzbekiston Respublikasining Iqtisodiy protsessual kodeksida belgilangan tartibda, fuqarolik ishlari boʻyicha sudning maʼmuriy huquqbuzarlik toʻgʻrisidagi ish boʻyicha qarori ustidan esa Oʻzbekiston Respublikasining Fuqarolik protsessual kodeksida belgilangan tartibda shikoyat qilinishi (protest keltirilishi) mumkin”;

17) 317-modda:

birinchi qismining 1-bandi quyidagi tahrirda bayon etilsin:

“1) maʼmuriy sud sudyasining qarori ustidan — ushbu Kodeksning XXIV¹ bobida belgilangan tartibda kassatsiya instansiyasi sudiga”;

ikkinchi qismidagi “Xoʻjalik-protsessual kodeksida” degan soʻzlar “Iqtisodiy protsessual kodeksida” degan soʻzlar bilan almashtirilsin;

18) 319-modda quyidagi mazmundagi uchinchi qism bilan toʻldirilsin:

“Maʼmuriy huquqbuzarlik toʻgʻrisidagi ish boʻyicha qaror ustidan shikoyat yoki protest tuman (shahar) maʼmuriy sudining sudyasi tomonidan yakka tartibda koʻrib chiqiladi va uning natijalariga koʻra, ushbu Kodeksning 321-moddasida nazarda tutilgan qoidalarga binoan qaror qabul qilinadi”;

19) 320-modda chiqarib tashlansin;

20) quyidagi mazmundagi XXIV¹ bob bilan toʻldirilsin:

Maʼmuriy huquqbuzarlik toʻgʻrisidagi ish boʻyicha oʻziga nisbatan sudning qarori chiqarilgan shaxs, jabrlanuvchi, ularning qonuniy vakillari, advokat, shuningdek maʼmuriy huquqbuzarlik toʻgʻrisida bayonnoma tuzgan organ birinchi instansiya sudining qarori ustidan kassatsiya shikoyati berishga, prokuror esa protest keltirishga haqli.

Sudning maʼmuriy huquqbuzarlik toʻgʻrisidagi ish boʻyicha qarori ustidan shikoyat (protest) ish bilan birga uch sutka ichida yuqori turuvchi sudga yuborilishi lozim.

Sudning maʼmuriy qamoqqa olish yoki maʼmuriy tartibda chiqarib yuborish toʻgʻrisidagi qarori ustidan shikoyat (protest) yuqori turuvchi sudga shikoyat (protest) olingan kuni yuborilishi lozim.

Shikoyat (protest) qarorni chiqargan maʼmuriy sudga beriladi.

Qoraqalpogʻiston Respublikasi, viloyatlar va Toshkent shahar maʼmuriy sudlari maʼmuriy sudlar tomonidan maʼmuriy huquqbuzarliklar toʻgʻrisidagi ishlarni koʻrish natijalari yuzasidan birinchi instansiya boʻyicha chiqarilgan qarorlarning qonuniyligi va asoslantirilganligini kassatsiya tartibida tekshiradi.

Sudning maʼmuriy huquqbuzarlik toʻgʻrisidagi ish boʻyicha qarori ustidan kassatsiya shikoyati (protesti) sud qarorining koʻchirma nusxasi topshirilgan yoki olingan kundan eʼtiboran bir oy ichida berilishi mumkin.

Ushbu moddaning birinchi qismida nazarda tutilgan muddat oʻtkazib yuborilgan taqdirda, kassatsiya shikoyati (protesti) beruvchi shaxsning iltimosnomasiga koʻra qarorni chiqargan sud, agar muddatning oʻtkazib yuborilganligi sabablarini uzrli deb topsa, oʻtkazib yuborilgan muddatni tiklashga haqli boʻlib, bu haqda ajrim chiqariladi.

Sudning maʼmuriy huquqbuzarlik toʻgʻrisidagi qarori ustidan kassatsiya tartibida shikoyat qilish (protest keltirish) muddatini tiklash haqidagi iltimosnomani rad qilish toʻgʻrisida ajrim chiqariladi, uning ustidan xususiy shikoyat (xususiy protest) berilishi mumkin.

Sudning maʼmuriy huquqbuzarlik toʻgʻrisidagi ish boʻyicha qarori ustidan berilgan kassatsiya shikoyati (protesti) u shikoyatni (protestni) koʻrib chiqishga vakolatli sudga ishning barcha materiallari bilan kelib tushgan kundan eʼtiboran bir oylik muddatda koʻrilishi lozim.

Ushbu Kodeksning 51², 51³, 51⁴, 51⁵, 51⁶, 51⁷, 51⁸, 51⁹-moddalarida nazarda tutilgan sudning maʼmuriy huquqbuzarliklar toʻgʻrisidagi ishlar boʻyicha qarori ustidan berilgan kassatsiya shikoyatlari (protestlari) shikoyatni (protestni) koʻrib chiqishga vakolatli sudga barcha materiallar bilan kelib tushgan kundan eʼtiboran besh kunlik muddatda koʻrilishi lozim.

Sudning maʼmuriy qamoqqa olish yoki maʼmuriy tartibda chiqarib yuborish toʻgʻrisidagi qarori ustidan berilgan kassatsiya shikoyati (protesti), agar maʼmuriy javobgarlikka tortilgan shaxs maʼmuriy qamoqni oʻtayotgan yoki maʼmuriy tartibda chiqarib yuborilishi lozim boʻlsa, shikoyat (protest) berilgan paytdan eʼtiboran bir sutka ichida koʻrilishi kerak.

Ishda ishtirok etuvchi shaxslar kassatsiya shikoyati (protesti) koʻriladigan vaqt va joy haqida sud chaqiruv qogʻozlari, telefonogrammalar, telegrammalar va xabardor qilinganligi fakti qayd etilishini taʼminlaydigan boshqa aloqa vositalari orqali xabardor qilinadi.

Sudning maʼmuriy huquqbuzarlik toʻgʻrisidagi ish boʻyicha qarori ustidan berilgan kassatsiya shikoyati (protesti) kassatsiya instansiyasi sudining sudyasi tomonidan yakka tartibda koʻriladi.

Kassatsiya instansiyasi sudi maʼmuriy huquqbuzarlik toʻgʻrisidagi ishni sud majlisida ushbu paragrafda belgilangan xususiyatlarni hisobga olgan holda, ushbu Kodeksning XXIII bobida nazarda tutilgan maʼmuriy huquqbuzarliklar toʻgʻrisidagi ishlarni koʻrish qoidalariga binoan koʻrib chiqadi.

Sud kassatsiya shikoyatining (protestining) vajlari bilan chegaralanmay, maʼmuriy huquqbuzarlik toʻgʻrisidagi ish materiallarini toʻliq hajmda tekshiradi.

Sudning maʼmuriy huquqbuzarlik toʻgʻrisidagi ish boʻyicha qarori ustidan kassatsiya shikoyatini (protestini) koʻrib chiqish natijalariga koʻra kassatsiya instansiyasi sudi ushbu Kodeksning 321-moddasida nazarda tutilgan hal qiluv qarorlaridan birini chiqaradi.

Sudning maʼmuriy huquqbuzarlik toʻgʻrisidagi ish boʻyicha qarori ustidan berilgan shikoyat (protest) yuzasidan kassatsiya instansiyasi sudining hal qiluv qarori qaror shaklida chiqariladi va chiqarilgan paytdan eʼtiboran kuchga kiradi.

Kassatsiya instansiyasi sudining qarori chiqarilganidan keyin darhol oʻqib eshittiriladi.

Kassatsiya instansiyasi sudi qarorining koʻchirma nusxasi chiqarilganidan keyin uch sutkagacha boʻlgan muddatda oʻziga nisbatan maʼmuriy huquqbuzarlik toʻgʻrisidagi ish boʻyicha qaror chiqarilgan shaxsga, maʼmuriy huquqbuzarlik haqida bayonnoma tuzgan organga, shuningdek jabrlanuvchiga uning soʻroviga binoan topshiriladi yoki yuboriladi.

Sudning maʼmuriy qamoqqa olish yoki maʼmuriy tartibda chiqarib yuborish toʻgʻrisidagi qarori ustidan berilgan kassatsiya shikoyatini (protestini) koʻrib chiqish natijalari yuzasidan chiqarilgan qaror qabul qilingan kuni u qarorni ijro etuvchi organning, mansabdor shaxsning, shuningdek oʻziga nisbatan qaror qabul qilingan shaxsning va jabrlanuvchining eʼtiboriga yetkaziladi.

Kassatsiya instansiyasi sudlarining qarorlari ustidan Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga shikoyat qilinishi (protest keltirilishi) mumkin.

Oʻzbekiston Respublikasi Oliy sudi maʼmuriy ishlar boʻyicha sudlov hayʼatining ishni nazorat tartibida koʻrish natijalari yuzasidan chiqarilgan qarori ustidan Oʻzbekiston Respublikasi Oliy sudi raisi, Oʻzbekiston Respublikasi Bosh prokurori va ularning oʻrinbosarlari tomonidan Oʻzbekiston Respublikasi Oliy sudining Rayosatiga protest keltirilishi mumkin.

Nazorat tartibidagi ishlar:

Oʻzbekiston Respublikasi Oliy sudining maʼmuriy ishlar boʻyicha sudlov hayʼati tomonidan — kassatsiya instansiyasi sudining sud hujjatlari ustidan;

Oʻzbekiston Respublikasi Oliy sudining Rayosati tomonidan — Oʻzbekiston Respublikasi Oliy sudi maʼmuriy ishlar boʻyicha sudlov hayʼatining ishni nazorat tartibida koʻrish natijalari yuzasidan chiqargan qarori ustidan koʻriladi.

Oʻzbekiston Respublikasi Oliy sudi raisi, Oʻzbekiston Respublikasi Bosh prokurori, ularning oʻrinbosarlari, shuningdek Oʻzbekiston Respublikasi Oliy sudi sudyalari maʼmuriy huquqbuzarlik toʻgʻrisidagi ishni nazorat tartibida koʻrib chiqish uchun asoslar mavjudligi toʻgʻrisidagi masalani hal qilish uchun ishni tegishli maʼmuriy suddan talab qilib olishga haqli.

Nazorat shikoyati (protesti) Oʻzbekiston Respublikasi Oliy sudiga beriladi.

Ushbu Kodeksning 324⁹-moddasida koʻrsatilgan sud hujjatlari ustidan nazorat shikoyati (protesti) ular chiqarilgan kundan eʼtiboran olti oy ichida berilishi mumkin.

Nazorat shikoyatida (protestida) quyidagilar koʻrsatilgan boʻlishi kerak:

1) nazorat shikoyati (protesti) berilayotgan sudning nomi;

2) shikoyat (protest) berayotgan shaxsning nomi (familiyasi, ismi, otasining ismi), uning turgan joyi (pochta manzili) yoki yashash joyi va ishdagi protsessual holati;

3) ishni birinchi, kassatsiya instansiyasi boʻyicha koʻrgan maʼmuriy sudlar va ular tomonidan qabul qilingan qarorlarning mazmuni;

4) ustidan shikoyat qilinayotgan (protest keltirilayotgan) sud hujjati;

5) sud hujjatini nazorat tartibida qayta koʻrish uchun asoslar bunday asoslarning mavjudligi toʻgʻrisida guvohlik beruvchi vajlarni keltirgan holda;

6) shikoyat (protest) berayotgan shaxsning iltimosi.

Nazorat shikoyati shikoyat berayotgan shaxs yoki uning vakili tomonidan imzolanishi kerak. Vakil tomonidan berilgan shikoyatga ishonchnoma yoki vakilning vakolatlarini tasdiqlovchi boshqa hujjat ilova qilinadi. Protest Oʻzbekiston Respublikasi Oliy sudi raisi, Oʻzbekiston Respublikasi Bosh prokurori va ularning oʻrinbosarlari tomonidan imzolanadi.

Nazorat shikoyatiga (protestiga) ish boʻyicha qabul qilingan sud hujjatlarining koʻchirma nusxalari va shikoyatning (protestning) koʻchirma nusxalari ishda ishtirok etuvchi shaxslarga yuborilganligini tasdiqlovchi dalil ilova qilinadi.

Nazorat shikoyati Oʻzbekiston Respublikasi Oliy sudining sudyasi tomonidan oʻrganiladi.

Sudya nazorat shikoyatini shikoyatga ilova qilingan materiallar boʻyicha yoki talab qilib olingan ish materiallari boʻyicha oʻrganadi.

Nazorat shikoyatini oʻrganish natijalari boʻyicha sudya shikoyat kelib tushgan kundan eʼtiboran besh kundan kechiktirmay, ish talab qilib olingan taqdirda esa ish Oʻzbekiston Respublikasi Oliy sudiga kelib tushgan kundan eʼtiboran oʻttiz kundan kechiktirmay:

1) nazorat shikoyatini ushbu Kodeks 324¹⁵-moddasining birinchi qismida nazarda tutilgan asoslarga koʻra qaytarish toʻgʻrisida;

2) nazorat shikoyatini qabul qilishni ushbu Kodeks 324¹⁶-moddasida nazarda tutilgan asoslarga koʻra rad etish haqida;

3) agar sud hujjatlarini nazorat tartibida tekshirish uchun asoslar mavjud boʻlmasa, nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazishni rad etish toʻgʻrisida ajrim chiqaradi. Bunda nazorat shikoyati, shuningdek ustidan shikoyat qilingan sud hujjatlarining koʻchirma nusxalari nazorat instansiyasi sudida qoladi;

4) nazorat shikoyatini koʻrib chiqish uchun ish bilan birga Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazish toʻgʻrisida ajrim chiqaradi.

Ajrimning koʻchirma nusxasi nazorat shikoyatini bergan shaxsga va ishda ishtirok etuvchi shaxslarga topshirilganligi maʼlum qilingan buyurtma xat orqali ajrim chiqarilgan kundan keyingi kundan kechiktirmay yuboriladi yoki tilxat olib topshiriladi.

Oʻzbekiston Respublikasi Oliy sudining sudyasi nazorat shikoyatini quyidagi hollarda qaytaradi, agar:

1) nazorat shikoyati ushbu Kodeksning 324¹³-moddasida nazarda tutilgan talablarga javob bermasa;

2) nazorat shikoyatini qaytarish toʻgʻrisida ariza kelib tushgan boʻlsa.

Shikoyat bergan shaxs ushbu modda birinchi qismining 1-bandida koʻrsatilgan holatlar bartaraf etilganidan soʻng yangidan umumiy tartibda murojaat qilishga haqli.

Oʻzbekiston Respublikasi Oliy sudining sudyasi nazorat shikoyatini qabul qilishni quyidagi hollarda rad etadi, agar:

1) nazorat shikoyati nazorat instansiyasi sudiga murojaat qilish huquqiga ega boʻlmagan shaxs tomonidan berilgan boʻlsa;

2) nazorat shikoyati belgilangan muddat oʻtganidan keyin berilgan boʻlsa;

3) nazorat shikoyati qonunga muvofiq nazorat tartibida shikoyat qilinishi mumkin boʻlmagan sud hujjati ustidan berilgan boʻlsa;

4) nazorat shikoyati kassatsiya tartibida koʻrib chiqilmagan sud hujjati ustidan berilgan boʻlsa;

5) nazorat shikoyati nazorat tartibida koʻrib chiqilgan sud hujjati ustidan berilgan boʻlsa.

Nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazishni rad etish toʻgʻrisidagi ajrimda quyidagilar koʻrsatilishi kerak:

1) ajrim chiqarilgan sana va joy;

2) ajrim chiqargan sudyaning familiyasi, ismi, otasining ismi;

3) nazorat shikoyatini bergan shaxsning nomi (familiyasi, ismi, otasining ismi);

4) ustidan shikoyat qilinayotgan sud hujjatlari;

5) sud hujjatlari qabul qilingan ish mazmunining qisqacha bayoni;

6) nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazishni rad etishning qisqacha sabablari.

Oʻzbekiston Respublikasi Oliy sudi raisi yoki uning oʻrinbosari nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazishni rad etish toʻgʻrisidagi sudyaning ajrimiga qoʻshilmaslikka hamda nazorat shikoyatini bergan shaxsning arizasi asosida uni bekor qilish va nazorat shikoyatini ish bilan birga koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazish haqida ajrim chiqarishga haqli.

Nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazishni rad etish toʻgʻrisidagi ajrimni bekor qilish haqidagi ariza sud hujjati ustidan nazorat tartibida shikoyat qilish uchun belgilangan muddat doirasida berilishi mumkin.

Nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazish toʻgʻrisidagi ajrimda quyidagilar koʻrsatilishi kerak:

1) ajrim chiqarilgan sana va joy;

2) ajrim chiqargan sudyaning familiyasi, ismi, otasining ismi;

3) nazorat shikoyatini bergan shaxsning nomi (familiyasi, ismi, otasining ismi);

4) ustidan shikoyat qilinayotgan sud hujjatlari;

5) sud hujjatlari qabul qilingan ish mazmunining qisqacha bayoni;

6) nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazish asoslarining bayoni;

7) ish Oʻzbekiston Respublikasi Oliy sudining maʼmuriy ishlar boʻyicha sudlov hayʼati tomonidan koʻrib chiqiladigan joy va sana.

Sudya nazorat shikoyatini koʻrib chiqish uchun Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazish toʻgʻrisida qaror qabul qilish bilan bir vaqtda nizolashilayotgan sud hujjatining ijrosini shikoyat bergan shaxsning iltimosnomasiga koʻra nazorat tartibida ish yuritish tugaguniga qadar toʻxtatib turishga haqli.

Sudya nazorat shikoyatini va ishni oʻzi chiqargan ajrim bilan birga Oʻzbekiston Respublikasi Oliy sudining maʼmuriy ishlar boʻyicha sudlov hayʼatiga oʻtkazadi.

Oʻzbekiston Respublikasi Oliy sudining maʼmuriy ishlar boʻyicha sudlov hayʼatining Oʻzbekiston Respublikasi Oliy sudi raisining, Oʻzbekiston Respublikasi Bosh prokurorining va ular oʻrinbosarlarining protestini ish yuritishga qabul qilish toʻgʻrisidagi ajrimida protest yuzasidan ishni nazorat tartibida koʻrib chiqish joyi va sanasi koʻrsatiladi.

Oʻzbekiston Respublikasi Oliy sudi raisining, Oʻzbekiston Respublikasi Bosh prokurorining yoki ular oʻrinbosarlarining protesti boʻyicha ish ushbu Kodeksning 324²¹-moddasida nazarda tutilgan tartibda Oʻzbekiston Respublikasi Oliy sudi Rayosati tomonidan koʻrib chiqiladi.

Oʻzbekiston Respublikasi Oliy sudi Rayosatining kotibi protestni ish bilan birga olganidan keyin Oʻzbekiston Respublikasi Oliy sudi Rayosatining majlisi oʻtkaziladigan sana, vaqt va joy toʻgʻrisida xabar qiladi.

Nazorat shikoyati (protest) bergan shaxs, shuningdek ishda ishtirok etuvchi shaxslar ishni Oʻzbekiston Respublikasi Oliy sudining maʼmuriy ishlar boʻyicha sudlov hayʼatida koʻrish vaqti va joyi toʻgʻrisida ushbu Kodeksning 324⁵-moddasida nazarda tutilgan tartibda xabardor qilinadi.

Ish muhokamasining vaqti va joyi toʻgʻrisida tegishli tarzda xabardor qilingan mazkur shaxslarning kelmaganligi ishni nazorat tartibida koʻrib chiqishga toʻsqinlik qilmaydi.

Ish Oʻzbekiston Respublikasi Oliy sudi Rayosatida nazorat tartibida koʻrib chiqilayotganda ishda ishtirok etuvchi shaxslar tushuntirishlar berish uchun chaqirtirilishi mumkin. Bu holda ularga ushbu Kodeksning 324⁵-moddasida nazarda tutilgan tartibda nazorat instansiyasi sudi majlisining vaqti va joyi toʻgʻrisida xabarnoma yuboriladi. Ularning kelmaganligi ishni koʻrib chiqishga toʻsqinlik qilmaydi.

Ish nazorat shikoyatini (protestini) ish yuritishga qabul qilish toʻgʻrisida sudning ajrimi chiqarilgan yoki protest Oʻzbekiston Respublikasi Oliy sudi Rayosatining kotibiyatiga kelib tushgan kundan eʼtiboran bir oydan kechiktirmay nazorat tartibida koʻriladi.

Ish nazorat tartibida Oʻzbekiston Respublikasi Oliy sudining maʼmuriy ishlar boʻyicha sudlov hayʼatida, nazorat shikoyatini bergan shaxs, shuningdek ishda ishtirok etuvchi shaxslar va (yoki) ularning vakillari ishtirok etishi mumkin boʻlgan sud majlisida nazorat tartibida koʻriladi.

Ish nazorat tartibida Oʻzbekiston Respublikasi Oliy sudi sudyasining maʼruzasi boʻyicha koʻriladi, sudya ish holatlarini, ish boʻyicha qabul qilingan sud hujjatlarining mazmunini, nazorat shikoyatida (protestida) keltirilgan vajlarni bayon etadi.

Sud majlisiga kelgan ishda ishtirok etuvchi shaxslar ish boʻyicha tushuntirishlar berishga haqli. Nazorat shikoyatini bergan shaxs birinchi boʻlib tushuntirish beradi, agar ish prokurorning protesti boʻyicha koʻrilayotgan boʻlsa, birinchi boʻlib prokuror soʻzga chiqadi.

Ish Oʻzbekiston Respublikasi Oliy sudining Rayosati tomonidan nazorat tartibida koʻrilayotganda Oʻzbekiston Respublikasi Bosh prokurori yoki uning oʻrinbosari ishtirok etib, ish boʻyicha oʻz fikrini bayon qiladi.

Ish nazorat tartibida koʻrilayotganda barcha masalalar ishni koʻrib chiqishda ishtirok etayotgan sudyalarning koʻpchilik ovozi bilan hal qilinadi.

Ishni nazorat tartibida koʻrish natijalari boʻyicha qaror qabul qilinadi.

Qarorning koʻchirma nusxalari nazorat shikoyatini (protestini) bergan shaxsga va ishda ishtirok etuvchi shaxslarga ushbu Kodeksning 324⁸-moddasida nazarda tutilgan tartibda yuboriladi.

Nazorat shikoyatini bergan shaxs sud majlisi boshlanguniga qadar uni toʻldirishga, oʻzgartirishga yoki undan voz kechishga haqli.

Protest keltirgan mansabdor shaxs sud majlisi boshlanguniga qadar protestni toʻldirishga, oʻzgartirishga yoki chaqirib olishga haqli.

Nazorat shikoyatidan voz kechish qabul qilinganligi toʻgʻrisida va protest chaqirib olinganda, agar sud hujjati ustidan boshqa shaxslar tomonidan shikoyat qilinmagan boʻlsa, nazorat instansiyasi sudi nazorat ishini yuritishni tugatish haqida ajrim chiqaradi.

Nazorat instansiyasi sudi ishni nazorat tartibida koʻrib chiqqach quyidagilarga haqli:

1) sud hujjatini oʻzgarishsiz, nazorat shikoyatini (protestini) esa qanoatlantirmasdan qoldirishga;

2) ushbu Kodeksning 324²⁴-moddasida nazarda tutilgan asoslar mavjud boʻlgan taqdirda sud hujjatini toʻliq yoki qisman bekor qilishga va ishni yangidan koʻrish uchun yuborishga;

3) sud hujjatini oʻzgartirishga yoki bekor qilishga va ishni yangidan koʻrib chiqish uchun yubormasdan yangi qaror qabul qilishga;

4) sud hujjatini bekor qilishga va ish yuritishni toʻxtatishga;

5) jazo chorasini kuchaytirmagan holda uni maʼmuriy huquqbuzarlik uchun javobgarlik toʻgʻrisidagi qonun hujjatida nazarda tutilgan doirada oʻzgartirishga;

6) ish boʻyicha ilgari qabul qilingan sud hujjatlaridan birini oʻz kuchida qoldirishga.

Sud hujjatining noqonuniyligi yoki asoslantirilmaganligi sud hujjatini nazorat tartibida oʻzgartirish yoki bekor qilish uchun asos boʻladi.

Sudning mazmunan toʻgʻri boʻlgan hujjati faqat birgina yuzaki asoslar boʻyicha bekor qilinishi mumkin emas.

Nazorat instansiyasi sudining qarorida quyidagilar koʻrsatilishi kerak:

1) qaror qabul qilgan sudning nomi va tarkibi;

2) qaror qabul qilingan sana va joy;

3) qaror qabul qilingan ish;

4) nazorat shikoyatini (protestini) bergan shaxsning nomi (familiyasi, ismi, otasining ismi);

5) ustidan shikoyat qilinayotgan sud hujjatlarining mazmuni;

6) nazorat shikoyatini (protestini) koʻrish natijalari boʻyicha sud xulosalari;

7) nazorat instansiyasi sudi qaysi sabablarga koʻra oʻz xulosalariga kelgan boʻlsa, oʻsha sabablar va oʻzi amal qilgan qonunlarga hamda boshqa qonun hujjatlariga havola.

Oʻzbekiston Respublikasi Oliy sudining maʼmuriy ishlar boʻyicha sudlov hayʼatining qarori sudning butun tarkibi tomonidan imzolanadi.

Oʻzbekiston Respublikasi Oliy sudi Rayosatining qarori Rayosat majlisida raislik qiluvchi tomonidan imzolanadi.

Nazorat instansiyasi sudining qarori u qabul qilingan kundan eʼtiboran qonuniy kuchga kiradi.

Nazorat instansiyasi sudining sud hujjatini bekor qilish toʻgʻrisidagi qarorida bayon etilgan koʻrsatmalari mazkur ishni yangidan koʻrayotgan sud uchun majburiydir.

Nazorat instansiyasi sudi qarorda aniqlanmagan yoki rad etilgan holatlarni aniqlashga yoxud isbotlangan deb hisoblashga, u yoki bu dalilning toʻgʻriligi yoki notoʻgʻriligi, bir dalilning boshqalaridan ustunligi, ishni yangidan koʻrishda qaysi sud hujjati qabul qilinishi kerakligi toʻgʻrisidagi masalalarni oldindan hal etishga haqli emas.

Maʼmuriy sud oʻzi chiqargan hamda qonuniy kuchga kirgan sud hujjatini ushbu paragrafda nazarda tutilgan asoslarga koʻra va tartibda yangi ochilgan holatlar boʻyicha qayta koʻrishi mumkin.

Birinchi instansiya sudi tomonidan chiqarilgan, qonuniy kuchga kirgan qaror yangi ochilgan holatlar boʻyicha ushbu qarorni chiqargan maʼmuriy sud tomonidan koʻriladi.

Yangi ochilgan holatlar boʻyicha kassatsiya yoki nazorat instansiyasi sudining qaysi qarorlari bilan sud hujjati oʻzgartirilgan yoki yangi sud hujjati qabul qilingan boʻlsa, oʻsha qarorlarni qayta koʻrish sud hujjati oʻzgartirilgan yoki yangi qaror qabul qilingan instansiyada amalga oshiriladi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish asoslari quyidagilardan iborat:

1) sud hujjati qabul qilingan paytda mavjud boʻlgan, lekin arizachiga maʼlum boʻlmagan va maʼlum boʻlishi mumkin boʻlmagan, ish uchun muhim holatlar;

2) sudning qonuniy kuchga kirgan hukmi bilan aniqlangan va mazkur ish boʻyicha qonunga xilof yoki asoslantirilmagan sud hujjati qabul qilinishiga sabab boʻlgan ekspertning bila turib yolgʻon xulosa berganligi, guvohning bila turib yolgʻon koʻrsatuvlar berganligi, bila turib yolgʻon tarjima qilinganligi;

3) sudning qonuniy kuchga kirgan hukmi, ajrimi bilan aniqlangan holatlar, yaʼni ishda ishtirok etuvchi shaxsning yoki uning vakilining yoxud sudyaning mazkur ishni koʻrish chogʻida sodir etilgan jinoiy qilmishlari;

4) maʼmuriy sudning yoki fuqarolik ishlari boʻyicha sudning yoxud iqtisodiy sudning mazkur ish boʻyicha sud hujjatini qabul qilish uchun asos boʻlib xizmat qilgan hujjati yoki boshqa organning qarori yoxud boshqa huquqiy hujjati bekor qilinganligi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi ariza ushbu sud hujjatini qabul qilgan sudga sud hujjatini qayta koʻrish uchun asos boʻladigan holatlar ochilgan kundan eʼtiboran bir oydan kechiktirmay ishda ishtirok etuvchi shaxslar yoki prokuror tomonidan beriladi.

Arizaning va unga ilova qilingan hujjatlarning koʻchirma nusxalari ishda ishtirok etuvchi boshqa shaxslarga yuborilganligini tasdiqlovchi hujjatlar arizaga ilova qilinadi.

Ariza berishning oʻtkazib yuborilgan muddati ariza bilan murojaat qilgan shaxsning iltimosnomasi boʻyicha, agar iltimosnoma qayta koʻrish uchun asos boʻladigan holatlar ochilgan kundan eʼtiboran bir oydan kechiktirmay berilgan boʻlsa va sud muddatni oʻtkazib yuborish sabablarini uzrli deb tan olsa, sud tomonidan tiklanishi mumkin.

Sud hujjatlari chiqarilgan paytdan eʼtiboran bir yil oʻtgach berilgan arizalar koʻrib chiqilmaydi.

Qonuniy kuchga kirgan sud hujjatini yangi ochilgan holatlar boʻyicha qayta koʻrib chiqish toʻgʻrisidagi ariza sudga yozma shaklda beriladi. Ariza uni bergan shaxs yoki uning vakili tomonidan imzolanadi.

Qonuniy kuchga kirgan sud hujjatini yangi ochilgan holatlar boʻyicha qayta koʻrib chiqish toʻgʻrisidagi arizada quyidagilar koʻrsatilishi kerak:

1) ariza berilayotgan sudning nomi;

2) ishda ishtirok etuvchi shaxslarning nomi (familiyasi, ismi, otasining ismi), ularning turgan joyi (pochta manzili) yoki yashash joyi;

3) arizachi yangi ochilgan holatlar boʻyicha qayta koʻrishni talab qilayotgan sud hujjatini qabul qilgan sudning nomi; ishning raqami, sud hujjati qabul qilingan sana;

4) arizachining hujjatlarga havola qilingan fikriga koʻra qonuniy kuchga kirgan sud hujjatini qayta koʻrib chiqish uchun asos boʻladigan yangi ochilgan holat;

5) ariza berayotgan shaxsning talabi;

6) ilova qilinayotgan hujjatlarning roʻyxati.

Arizaga quyidagilar ilova qilingan boʻlishi kerak:

1) yangi ochilgan holatlarni tasdiqlovchi hujjatlarning koʻchirma nusxalari;

2) arizachi qayta koʻrib chiqishni talab qilayotgan sud hujjatining koʻchirma nusxasi;

3) ariza vakil tomonidan imzolangan taqdirda, uni imzolash vakolatini tasdiqlovchi hujjat.

Qonuniy kuchga kirgan sud hujjatini yangi ochilgan holatlar boʻyicha qayta koʻrib chiqish toʻgʻrisidagi arizaning shakli va mazmuniga nisbatan ushbu Kodeksda qoʻyilayotgan talablarga rioya etilgan holda berilgan ariza tegishli sudning ish yurituviga qabul qilinadi.

Arizani sudning ish yurituviga qabul qilish toʻgʻrisidagi masala u sudga kelib tushgan kundan eʼtiboran besh kundan kechiktirmay hal qilinadi.

Arizani ish yuritishga qabul qilish toʻgʻrisida sud ajrim chiqaradi.

Ajrimning koʻchirma nusxalari ishda ishtirok etuvchi shaxslarga ushbu Kodeksning 324⁸-moddasida nazarda tutilgan tartibda yuboriladi.

Sud qonuniy kuchga kirgan sud hujjatini yangi ochilgan holatlar boʻyicha qayta koʻrib chiqish toʻgʻrisidagi arizani, agar uni ish yuritishga qabul qilish haqidagi masalani hal qilishda quyidagilarni aniqlasa, qaytaradi:

1) ariza ushbu Kodeksning 324³⁰ va 324³¹-moddalarida belgilangan qoidalar buzilgan holda berilganligini;

2) ariza belgilangan muddat oʻtganidan soʻng berilganligini va uni tiklash toʻgʻrisida iltimosnoma mavjud emasligini;

3) muddatni oʻtkazib yuborish sabablari uzrsiz ekanligini, shunga koʻra ariza berish uchun oʻtkazib yuborilgan muddatni tiklashga asos mavjud emasligini.

Arizani qaytarish toʻgʻrisida ajrim chiqariladi.

Sudning arizani qaytarish toʻgʻrisidagi ajrimi ustidan shikoyat qilinishi (protest keltirilishi) mumkin.

Ushbu modda birinchi qismining 1 va 2-bandlarida koʻrsatilgan holatlar bartaraf etilganidan soʻng ariza bergan shaxs ariza bilan sudga yangidan murojaat qilishga haqli.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi ariza u sudga kelib tushgan kundan eʼtiboran oʻn besh kundan oshmagan muddatda, ishda ishtirok etuvchi shaxslar xabardor qilingan holda koʻrib chiqiladi.

Tegishli tarzda xabardor qilingan shaxslarning kelmaganligi arizani koʻrib chiqish uchun toʻsqinlik qilmaydi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari yuzasidan sud arizani qanoatlantirish va ilgari oʻzi qabul qilgan sud hujjatini bekor qilish haqida yoki arizani qanoatlantirishni rad etish toʻgʻrisida ajrim chiqaradi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari yuzasidan chiqarilgan ajrimning koʻchirma nusxalari ishda ishtirok etuvchi shaxslarga yuboriladi.

Qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizani koʻrib chiqish natijalari yuzasidan chiqarilgan sud ajrimi ustidan shikoyat qilinishi (protest keltirilishi) mumkin.

Yangi ochilgan holatlar boʻyicha qonuniy kuchga kirgan sud hujjati bekor qilingan taqdirda, ilgari oʻzi qabul qilgan sud hujjatini bekor qilgan sudning oʻzi ishni ushbu Kodeksda belgilangan umumiy tartibda takroran koʻradi”;

21) 339-moddadagi “maʼmuriy ishlar boʻyicha sudyaga” degan soʻzlar “maʼmuriy sudga” degan soʻzlar bilan almashtirilsin;

22) 343-moddadagi “maʼmuriy ishlar boʻyicha sudya” degan soʻzlar “maʼmuriy sud” degan soʻzlar bilan almashtirilsin.

4-modda. Oʻzbekiston Respublikasining 1998-yil 29-avgustda qabul qilingan “Xoʻjalik yurituvchi subyektlar faoliyatining shartnomaviy-huquqiy bazasi toʻgʻrisida”gi 670-I-sonli Qonuni (Oʻzbekiston Respublikasi Oliy Majlisining Axborotnomasi, 1998-yil, № 9, 170-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 8, 367-modda; 2011-yil, № 12/2, 363-modda; 2014-yil, № 5, 130-modda; 2015-yil, № 8, 312-modda; 2017-yil, № 9, 510-modda) 19-moddasining matnidagi “Oʻzbekiston Respublikasi Xoʻjalik protsessual kodeksining 102 — 121-moddalari qoidalariga koʻra” degan soʻzlar “Oʻzbekiston Respublikasining Iqtisodiy protsessual kodeksiga koʻra” degan soʻzlar bilan almashtirilsin.

5-modda. Oʻzbekiston Respublikasining 2001-yil 29-avgustda qabul qilingan “Sud hujjatlari va boshqa organlar hujjatlarini ijro etish toʻgʻrisida”gi 258-II-sonli Qonuni (Oʻzbekiston Respublikasi Oliy Majlisining Axborotnomasi, 2001-yil, № 9-10, 169-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 8, 367-modda, № 12, 598-modda; 2008-yil, № 4, 184, 187-moddalar; 2009-yil, № 1, 1-modda; 2010-yil, № 9, 337, 340-moddalar; 2012-yil, № 12, 336-modda; 2014-yil, № 5, 130-modda; 2015-yil, № 8, 312-modda, № 12, 452-modda; 2016-yil, № 9, 276-modda; 2017-yil, № 9, 510-modda) 38-moddasining uchinchi qismidagi “Xoʻjalik” degan soʻz “Iqtisodiy” degan soʻz bilan almashtirilsin.

6-modda. Oʻzbekiston Respublikasining 2006-yil 16-oktabrda qabul qilingan “Hakamlik sudlari toʻgʻrisida”gi OʻRQ-64-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 541-modda; 2014-yil, № 5, 130-modda; 2017-yil, № 9, 510-modda) 3-moddasining ikkinchi xatboshisidagi, 32-moddasining toʻrtinchi qismidagi, 51-moddasining toʻrtinchi qismidagi, 52-moddasining birinchi va toʻrtinchi qismlaridagi “Xoʻjalik” degan soʻz “Iqtisodiy” degan soʻz bilan almashtirilsin.

7-modda. Oʻzbekiston Respublikasining 2014-yil 3-dekabrda qabul qilingan “Jismoniy va yuridik shaxslarning murojaatlari toʻgʻrisida”gi OʻRQ-378-sonli Qonuni (Oʻzbekiston Respublikasining 2017-yil 11-sentabrda qabul qilingan OʻRQ-445-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2017-yil, № 9, 509-modda) 1-moddasi uchinchi qismining ikkinchi xatboshisidagi “xoʻjalik protsessual” degan soʻzlar “iqtisodiy protsessual” degan soʻzlar bilan almashtirilsin.

8-modda. Quyidagilar oʻz kuchini yoʻqotgan deb topilsin:

1) Oʻzbekiston Respublikasining 1997-yil 30-avgustda qabul qilingan “Oʻzbekiston Respublikasining Fuqarolik protsessual kodeksini tasdiqlash toʻgʻrisida”gi 477-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, 9-songa ilova);

2) Oʻzbekiston Respublikasining 1997-yil 30-avgustda qabul qilingan “Oʻzbekiston Respublikasining Fuqarolik protsessual kodeksini amalga kiritish tartibi toʻgʻrisida”gi 477a-I-sonli Qarori (Oʻzbekiston Respublikasi Oliy Majlisining Axborotnomasi, 1997-yil, 9-songa ilova);

3) Oʻzbekiston Respublikasining 1997-yil 30-avgustda qabul qilingan “Oʻzbekiston Respublikasining Xoʻjalik protsessual kodeksini tasdiqlash toʻgʻrisida”gi 478-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 234-modda);

4) Oʻzbekiston Respublikasi Oliy Majlisining 1997-yil 30-avgustda qabul qilingan “Oʻzbekiston Respublikasining Xoʻjalik protsessual kodeksini amalga kiritish tartibi toʻgʻrisida”gi 479-I-sonli Qarori (Oʻzbekiston Respublikasi Oliy Majlisining Axborotnomasi, 1997-yil, № 9, 235-modda);

5) Oʻzbekiston Respublikasining 1998-yil 1-mayda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi 621-I-sonli Qonuni (Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda) I boʻlimining 17-bandi;

6) Oʻzbekiston Respublikasining 2000-yil 14-dekabrda qabul qilingan “Oʻzbekiston Respublikasining Jinoyat-protsessual, Xoʻjalik protsessual va Fuqarolik protsessual kodekslariga oʻzgartishlar va qoʻshimchalar kiritish toʻgʻrisida”gi 163-II-sonli Qonunining (Oʻzbekiston Respublikasi Oliy Majlisining Axborotnomasi, 2001-yil, № 1-2, 11-modda) II va III boʻlimlari;

7) Oʻzbekiston Respublikasining 2002-yil 30-avgustda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi 405-II-sonli Qonunining (Oʻzbekiston Respublikasi Oliy Majlisining Axborotnomasi, 2002-yil, № 9, 165-modda) X boʻlimi;

8) Oʻzbekiston Respublikasining 2003-yil 30-avgustda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi 535-II-sonli Qonunining (Oʻzbekiston Respublikasi Oliy Majlisining Axborotnomasi, 2003-yil, № 9-10, 149-modda) XVIII boʻlimi;

9) Oʻzbekiston Respublikasining 2003-yil 12-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi 568-II-sonli Qonunining (Oʻzbekiston Respublikasi Oliy Majlisining Axborotnomasi, 2004-yil, № 1-2, 18-modda) XVIII boʻlimi;

10) Oʻzbekiston Respublikasining 2004-yil 27-avgustda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi 671-II-sonli Qonunining (Oʻzbekiston Respublikasi Oliy Majlisining Axborotnomasi, 2004-yil, № 9, 171-modda) XII boʻlimi;

11) Oʻzbekiston Respublikasining 2006-yil 20-iyulda qabul qilingan “Oʻzbekiston Respublikasi Xoʻjalik protsessual kodeksining 19-moddasiga oʻzgartish kiritish toʻgʻrisida”gi OʻRQ-43-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2006-yil, № 7, 373-modda);

12) Oʻzbekiston Respublikasining 2007-yil 1-avgustda qabul qilingan “Hakamlik sudlari toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”gi OʻRQ-106-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2007-yil, № 8, 367-modda) 3 va 4-moddalari;

13) Oʻzbekiston Respublikasining 2008-yil 9-aprelda qabul qilingan “Oʻzbekiston Respublikasi Fuqarolik protsessual kodeksining 238²-moddasiga oʻzgartish va qoʻshimchalar kiritish toʻgʻrisida”gi OʻRQ-149-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2008-yil, № 4, 185-modda);

14) Oʻzbekiston Respublikasining 2008-yil 29-sentabrda qabul qilingan “Oʻzbekiston Respublikasining Xoʻjalik protsessual kodeksiga oʻzgartish va qoʻshimcha kiritish toʻgʻrisida”gi OʻRQ-184-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2008-yil, № 9, 490-modda);

15) Oʻzbekiston Respublikasining 2008-yil 31-dekabrda qabul qilingan “Soliq toʻgʻrisidagi qonun hujjatlari takomillashtirilishi munosabati bilan Oʻzbekiston Respublikasining ayrim qonunlariga oʻzgartish va qoʻshimchalar kiritish haqida”gi OʻRQ-197-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 640-modda) 18-moddasi;

16) Oʻzbekiston Respublikasining 2009-yil 14-yanvarda qabul qilingan “Ijro ishi yuritish takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-199-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2009-yil, № 1, 1-modda) 4 va 5-moddalari;

17) Oʻzbekiston Respublikasining 2009-yil 11-sentabrda qabul qilingan “Oʻzbekiston Respublikasi Fuqarolik protsessual kodeksining 52-moddasiga oʻzgartish va qoʻshimcha kiritish toʻgʻrisida”gi OʻRQ-218-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2009-yil, № 9, 332-modda);

18) Oʻzbekiston Respublikasining 2010-yil 1-iyunda qabul qilingan “Sud ekspertizasi toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”gi OʻRQ-250-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2010-yil, № 6, 231-modda) 3 va 4-moddalari;

19) Oʻzbekiston Respublikasining 2010-yil 14-sentabrda qabul qilingan “Adliya organlari va muassasalari faoliyatini takomillashtirish bilan bogʻliq Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-255-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2010-yil, № 9, 335-modda) 7-moddasi;

20) Oʻzbekiston Respublikasining 2011-yil 21-aprelda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-288-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2011-yil, № 4, 104-modda) 4 va 5-moddalari;

21) Oʻzbekiston Respublikasining 2012-yil 18-sentabrda qabul qilingan “Sud-huquq tizimini yanada isloh qilish munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-335-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2012-yil, № 9/2, 244-modda) 4 va 5-moddalari;

22) Oʻzbekiston Respublikasining 2013-yil 30-aprelda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-352-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 98-modda) 22 va 23-moddalari;

23) Oʻzbekiston Respublikasining 2013-yil 7-oktabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi OʻRQ-355-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2013-yil, № 10, 263-modda) 17-moddasi;

24) Oʻzbekiston Respublikasining 2014-yil 14-mayda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi OʻRQ-372-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2014-yil, № 5, 130-modda) 14 va 15-moddalari;

25) Oʻzbekiston Respublikasining 2014-yil 4-sentabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-373-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2014-yil, № 9, 244-modda) 15-moddasi;

26) Oʻzbekiston Respublikasining 2014-yil 11-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-381-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2014-yil, № 12, 343-modda) 12-moddasi;

27) Oʻzbekiston Respublikasining 2015-yil 9-iyunda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi OʻRQ-388-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2015-yil, № 6, 228-modda) 5-moddasi;

28) Oʻzbekiston Respublikasining 2015-yil 20-avgustda qabul qilingan “Oʻzbekiston Respublikasining ayrim qonun hujjatlariga xususiy mulkni, tadbirkorlik subyektlarini ishonchli himoya qilishni yanada kuchaytirishga, ularni jadal rivojlantirish yoʻlidagi toʻsiqlarni bartaraf etishga qaratilgan oʻzgartish va qoʻshimchalar kiritish toʻgʻrisida”gi OʻRQ-391-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2015-yil, № 8, 312-modda) 13 va 14-moddalari;

29) Oʻzbekiston Respublikasining 2015-yil 29-dekabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-396-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2015-yil, № 12, 452-modda) 16-moddasi;

30) Oʻzbekiston Respublikasining 2016-yil 23-sentabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-411-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2016-yil, № 9, 276-modda) 9-moddasi;

31) Oʻzbekiston Respublikasining 2017-yil 29-martda qabul qilingan “Fuqarolarning huquq va erkinliklarini ishonchli himoya qilish kafolatlarini taʼminlashga doir qoʻshimcha chora-tadbirlar qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-421-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 3, 47-modda) 6-moddasi;

32) Oʻzbekiston Respublikasining 2017-yil 12-aprelda qabul qilingan “Sudlar toʻgʻrisida”gi Oʻzbekiston Respublikasi Qonuniga, Oʻzbekiston Respublikasining Fuqarolik protsessual va Xoʻjalik protsessual kodekslariga oʻzgartish va qoʻshimchalar kiritish haqida”gi OʻRQ-428-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 4, 136-modda) 2 va 3-moddalari;

33) Oʻzbekiston Respublikasining 2017-yil 13-iyunda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi OʻRQ-436-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 6, 300-modda) 19-moddasi;

34) Oʻzbekiston Respublikasining 2017-yil 14-sentabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish, shuningdek ayrim qonun hujjatlarini oʻz kuchini yoʻqotgan deb topish toʻgʻrisida”gi OʻRQ-446-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 9, 510-modda) 34-moddasi;

35) Oʻzbekiston Respublikasining 2017-yil 16-oktabrda qabul qilingan “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-448-sonli Qonunining (Oʻzbekiston Respublikasi Oliy Majlisi palatalarining Axborotnomasi, 2017-yil, № 10, 605-modda) 9 va 10-moddalari.

9-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

10-modda. Oʻzbekiston Respublikasi Oliy sudi Oʻzbekiston Respublikasi Bosh prokuraturasi, Adliya vazirligi va boshqa manfaatdor tashkilotlar bilan birgalikda ushbu Qonunning ijrosini, ijrochilarga yetkazilishini hamda uning mohiyati va ahamiyati tushuntirilishini taʼminlasin.

11-modda. Ushbu Qonun 2018-yil 1-apreldan eʼtiboran kuchga kiradi.