Oʻzbekiston Respublikasi Prezidentining “Oʻzbekiston matbuot va axborot agentligi faoliyatini yanada takomillashtirish chora-tadbirlari toʻgʻrisida” 2017-yil 17-avgustdagi PQ-3223-son qaroriga muvofiq Vazirlar Mahkamasi qaror qiladi:

1. Oʻzbekiston matbuot va axborot agentligi toʻgʻrisidagi nizom 1-ilovaga muvofiq tasdiqlansin.

2. Belgilab qoʻyilsinki:

Oʻzbekiston matbuot va axborot agentligining markaziy apparatini saqlash bilan bogʻliq xarajatlar agentlikning moliya yiliga xarajatlari prognozidan kelib chiqib uning tizimiga kiradigan nashriyotlar va matbaa korxonalarining mahsulotlarini sotishdan tushgan sof foydaning 2,0 foizigacha miqdorda shartnoma asosida ajratiladigan mablagʻlar, shuningdek, qonun hujjatlarida taqiqlanmagan boshqa manbalar hisobiga qoplanadi;

hududiy boʻlinmalar xodimlarining mehnatiga haq toʻlash bilan bogʻliq xarajatlar Oʻzbekiston Respublikasi Davlat budjeti mablagʻlari hisobiga qoplanadi, ularni saqlash bilan bogʻliq boshqa xarajatlar esa oʻz mablagʻlari, Qoraqalpogʻiston Respublikasi matbuot va axborot agentligi, viloyatlar va Toshkent shahri matbuot va axborot boshqarmalariga idoraviy mansub nashriyotlarning shartnoma asosida ajratiladigan mablagʻlari va qonun hujjatlarida taqiqlanmagan boshqa manbalar hisobiga qoplanadi.

3. Oʻzbekiston Respublikasi Moliya vazirligi:

Oʻzbekiston matbuot va axborot agentligining markaziy apparati uchun 4 ta, shu jumladan, 3 ta shaxsan biriktiriladigan va 1 ta navbatchi avtotransport vositasini;

Qoraqalpogʻiston Respublikasi matbuot va axborot agentligi, viloyatlar va Toshkent shahri matbuot va axborot boshqarmalari uchun 14 ta avtotransport vositasini saqlashga limit ajratsin.

Belgilab qoʻyilsinki, avtotransport vositalarini sotib olish va saqlash bilan bogʻliq xarajatlar Oʻzbekiston matbuot va axborot agentligi, Qoraqalpogʻiston Respublikasi matbuot va axborot agentligi, viloyatlar va Toshkent shahri matbuot va axborot boshqarmalarining oʻz mablagʻlari hisobiga qoplanadi.

4. Oʻzbekiston matbuot va axborot agentligi ikki hafta muddatda Oʻzbekiston matbuot va axborot agentligi hayʼati xodimlarining soni va shaxsiy tarkibi toʻgʻrisidagi takliflarni tasdiqlash uchun Oʻzbekiston Respublikasi Vazirlar Mahkamasiga kiritsin.

5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston matbuot va axborot agentligi bosh direktori L.X. Tangriyev zimmasiga hamda Oʻzbekiston Respublikasi Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.

1. Ushbu Nizom Oʻzbekiston matbuot va axborot agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari, faoliyatini amalga oshirish va hisobot berish tartibini hamda uning rahbarlarining funksional majburiyatlari va javobgarligini belgilaydi.

2. Agentlik ommaviy axborot vositalari, axborot almashish, matbuot, noshirlik, matbaa va axborot-kutubxona faoliyati sohasida davlat siyosatini ishlab chiqish va amalga oshirish hamda kitob mahsulotlarini nashr etish va tarqatish tizimini takomillashtirish boʻyicha vakolatli davlat boshqaruvi organi hisoblanadi.

3. Agentlik Oʻzbekiston Respublikasi Vazirlar Mahkamasiga boʻysunadi va hisobot beradi.

4. Agentlik oʻz faoliyatini Oʻzbekiston Respublikasi Prezidentining “Matbuot va axborot sohasida boshqaruvni yanada takomillashtirish toʻgʻrisida” 2017-yil 11-avgustdagi PF-5148-son Farmoniga hamda Oʻzbekiston Respublikasi Prezidentining “Oʻzbekiston matbuot va axborot agentligi faoliyatini yanada takomillashtirish toʻgʻrisida” 2017-yil 17-avgustdagi PQ-3223-son qaroriga muvofiq amalga oshiradi.

5. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga hamda ushbu Nizomga va boshqa qonun hujjatlariga amal qiladi.

6. Agentlikning oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

7. Agentlik, Qoraqalpogʻiston Respublikasi matbuot va axborot agentligi, viloyatlar va Toshkent shahar matbuot va axborot boshqarmalari (keyingi oʻrinlarda Agentlikning hududiy boʻlinmalari deb ataladi), Agentlik tuzilmasiga kiruvchi tashkilotlar yuridik shaxslar hisoblanadi, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhr va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, shu jumladan, xorijiy valyutada bank hisob raqamlariga ega boʻladilar.

8. Agentlikning rasmiy nomi:

a) davlat tilida:

toʻliq nomi: Oʻzbekiston matbuot va axborot agentligi — OʻzMAA;

b) ingliz tilida:

toʻliq nomi: Press and information agency of Uzbekistan — PIAUz;

v) rus tilida:

Uzbekskoye agentstvo po pechati i informatsii — UzAPI.

9. Agentlik tizimiga quyidagilar kiradi:

Agentlikning markaziy apparati;

Agentlikning hududiy boʻlinmalari;

“O'zbekiston” ijodiy nashriyot-matbaa ijodiy uyi” davlat korxonasi;

“Gʻafur Gʻulom nomidagi nashriyot-matbaa ijodiy uyi” davlat korxonasi;

“Oqituvchi nashriyot-matbaa ijodiy uyi” davlat korxonasi;

“Choʻlpon nomidagi nashriyot-matbaa ijodiy uyi” davlat korxonasi;

“Oʻzbekiston milliy ensiklopediyasi” davlat ilmiy nashriyoti” davlat korxonasi;

“Koʻzi ojizlar bosmaxonasi” davlat korxonasi;

“Maʼmuriy binolardan foydalanishni boshqarish” davlat korxonasi;

Alisher Navoiy nomidagi Oʻzbekiston Milliy kutubxonasi;

Agentlikning hududiy boʻlinmalariga idoraviy mansub nashriyotlar.

Ommaviy kommunikatsiyalar sohasida monitoring markazi.

10. Quyidagilar Agentlikning asosiy vazifalari hisoblanadi:

1) ommaviy axborot vositalarining mustaqil faoliyatiga doir qonun hujjatlari ijrosini taʼminlash;

2) ommaviy axborot vositalari, noshirlik va axborot-kutubxona faoliyatini rivojlantirish;

3) ommaviy axborot vositalari, noshirlik, matbaa va axborot-kutubxona faoliyatiga oid qonun hujjatlariga, davlat va tarmoq standartlariga rioya etilishi, soʻz va axborot erkinligini kafolatlaydigan qonunchilik normalarining bajarilishi monitoringini olib borish va nazorat qilish;

4) axborot xavfsizligini taʼminlash, axborot sohasidagi tahdidlarni bartaraf etishga yoʻnaltirilgan chora-tadbirlarni amalga oshirishda ishtirok etish;

5) jamiyatda kitobxonlik madaniyatini oshirish, kitob mahsulotlarini nashr etish va tarqatish, elektron va audiokitoblar yaratish faoliyatini qoʻllab-quvvatlash va rivojlantirish;

6) ijtimoiy ahamiyatga molik adabiyotlarni nashr etish boʻyicha maqsadli dasturlarni ishlab chiqish va bajarish;

7) oʻzbek tili va adabiyotini chet elda ommalashtirish, mahalliy nashriyotlarga oʻz mahsulotlarini xalqaro kitob bozoriga olib chiqishda koʻmaklashish;

8) axborotni tayyorlash, tarqatish va undan foydalanish sohasida respublika fuqarolari va yuridik shaxslarining huquqlari va qonuniy manfaatlarini himoya qilishda qatnashish;

9) media bozorda mulkchilik shakllaridan qatʼi nazar ommaviy axborot vositalariga teng sharoitlar yaratish boʻyicha zarur chora-tadbirlarni ishlab chiqish;

10) noshirlik va matbaa tarmoqlarining texnik-texnologik bazasini rivojlantirish, modernizatsiya qilish, standartlashtirish va sertifikatlash, innovatsion texnologiyalarni joriy qilish chora-tadbirlarini ishlab chiqish va amalga oshirish;

11) ommaviy axborot vositalari, noshirlik, matbaa va axborot-kutubxona faoliyatiga doir milliy va xorijiy tanlovlar, koʻrgazma-yarmarkalar va boshqa ommaviy tadbirlarni tashkil etish;

12) ommaviy axborot vositalari, noshirlik, matbaa va axborot-kutubxona faoliyati sohasida tegishli xorijiy, mintaqaviy va xalqaro tashkilotlar bilan hamkorlikni rivojlantirish.

11. Agentlik oʻziga yuklangan vazifalarga muvofiq quyidagi vazifalarni amalga oshiradi:

1) ommaviy axborot vositalarining mustaqil faoliyatiga doir qonun hujjatlari ijrosini taʼminlash sohasida:

qonunlar, Oʻzbekiston Respublikasi Prezidentining hujjatlari, Oʻzbekiston Respublikasi Hukumati qarorlarida belgilangan tartibda va doirada kasbiy faoliyat doirasida ommaviy axborot vositalari tahririyatlarining mustaqilligi va erkinligini taʼminlash vakolatlarini amalga oshiradi;

matbuot va ommaviy axborot vositalarini yanada erkinlashtirish va rivojlantirishga yoʻnaltirilgan chora-tadbirlarni ishlab chiqishda ishtirok etadi;

2) ommaviy axborot vositalari, noshirlik va axborot-kutubxona faoliyatini rivojlantirish sohasida:

ommaviy axborot vositalari, axborot almashish, matbuot, noshirlik, matbaa va axborot-kutubxona faoliyati sohasida davlat siyosatini amalga oshirishda ishtirok etadi;

matbaa korxonalarini roʻyxatdan oʻtkazadi;

ommaviy axborot vositalarini davlat roʻyxatidan oʻtkazadi;

noshirlik faoliyatini litsenziyalash boʻyicha Vazirlar Mahkamasi Komissiyasining ishchi organi funksiyasini bajaradi;

ommaviy axborot vositalari, axborot almashish, matbuot, noshirlik, matbaa va axborot-kutubxona faoliyati sohasida ilmiy izlanishlarni qoʻllab-quvvatlash va joriy etishda ishtirok etadi;

3) ommaviy axborot vositalari, noshirlik, matbaa va axborot-kutubxona faoliyatiga oid qonun hujjatlariga, davlat va tarmoq standartlariga rioya etilishi, soʻz va axborot erkinligini kafolatlaydigan qonunchilik normalarining bajarilishi monitoringini olib borish va nazorat qilish sohasida:

nashriyotlar, ommaviy axborot vositalari va respublika axborot makoni boshqa ishtirokchilari tomonidan axborot va noshirlik sohasida qonun hujjatlariga rioya qilinishi monitoringi olib borilishini tashkil etadi;

qonun hujjatlariga, litsenziya, ruxsat berish talablari va shartlariga rioya qilinishi ustidan nazorat qiladi, ommaviy axborot vositalari, nashriyotlar, matbaa korxonalari tomonidan qonun hujjatlari muntazam bajarilmasligi hollari aniqlanganda — litsenziyalar va roʻyxatdan oʻtganlik haqidagi guvohnomalarning amal qilishini toʻxtatib turish va toʻxtatish toʻgʻrisida belgilangan tartibda sudga murojaat qiladi;

4) axborot xavfsizligini taʼminlash, axborot sohasidagi tahdidlarni bartaraf etishga yoʻnaltirilgan chora-tadbirlarni amalga oshirishda ishtirok etish sohasida:

axborot makonidagi turli tahdid va xavf-xatarlarga qarshi kurashishda, bolalarni ularning sogʻligiga zararli taʼsir koʻrsatadigan axborotdan himoya qilishda ishtirok etadi;

mamlakatda yuz berayotgan ijtimoiy-siyosiy jarayonlarni faol va sifatli yoritishga erishish, aholining huquqiy madaniyatini oshirish, ularda fuqarolik pozitsiyasini mustahkamlash, maʼnaviyatni oshirish masalalarida ommaviy axborot vositalarining faoliyatini ragʻbatlantiradi va muvofiqlashtiradi;

shaxs, jamiyat va davlatning axborot xavfsizligini taʼminlashga doir chora-tadbirlarni amalga oshirishda ishtirok etadi;

5) jamiyatda kitobxonlik madaniyatini oshirish, kitob mahsulotlarini nashr etish va tarqatish, elektron va audiokitoblar yaratish faoliyatini qoʻllab-quvvatlash va rivojlantirish sohasida;

aholi, ayniqsa yoshlar oʻrtasida kitobxonlik madaniyatini yanada oshirishda, oʻsib kelayotgan avlodning intellektual va maʼnaviy kamol topishida kitobning oʻrni va ahamiyatini oshirishda ishtirok etadi;

axborot-kutubxona muassasalari fondini ilmiy, ensiklopedik, badiiy adabiyotlar bilan muntazam boyitish boʻyicha takliflar tayyorlaydi;

nashriyotlarning mavzular rejasini tahlil etish asosida metodik tavsiyalar berish orqali kitoblarning sifati va ijtimoiy ahamiyatini oshirishga koʻmaklashadi;

6) ijtimoiy ahamiyatga molik adabiyotlarni nashr etish boʻyicha maqsadli dasturlarni ishlab chiqish va bajarish sohasida:

nashriyotlarda ijtimoiy ahamiyatli adabiyotlarni nashr etish va nusxasini koʻpaytirish boʻyicha maqsadli dasturlar tayyorlanishini tashkil etadi;

milliy va jahon adabiyotining eng yaxshi namunalari nusxasini koʻpaytirishga yoʻnaltirilgan iqtisodiy-moliyaviy loyihalar tayyorlash, ularni moliyalashtirish tizimini hamda aholi, ayniqsa yoshlarning ijtimoiy-siyosiy va ilmiy-maʼrifiy adabiyotlarga boʻlgan intellektual ehtiyojini qondirish ishlarini yoʻlga qoʻyadi;

7) oʻzbek tili va adabiyotini chet elda ommalashtirish, mahalliy nashriyotlarga oʻz mahsulotlarini xalqaro kitob bozoriga olib chiqishda koʻmaklashish sohasida:

xorijiy davlatlarning ommaviy axborot vositalari, noshirlik ishi va matbaa sohasidagi tajribasini oʻrganadi, ularning maqbul jihatlaridan foydalanishga doir tavsiyalar ishlab chiqadi;

oʻzbek tili va adabiyotini, xalqaro bozorlarda milliy adabiyot va kitob mahsulotlarining maqomini oshirishni targʻib qilishda ishtirok etadi;

8) axborotni tayyorlash, tarqatish va undan foydalanish sohasida respublika fuqarolari va yuridik shaxslarining huquqlari va qonuniy manfaatlarini himoya qilishda qatnashish sohasida;

normativ-huquqiy hujjatlar loyihalarini hamda Agentlikka yuklangan vazifalar va funksiyalar bajarilishi bilan bogʻliq hujjatlarni belgilangan tartibda Oʻzbekiston Respublikasi Vazirlar Mahkamasiga kiritadi;

davlat organlari faoliyati ochiqligini, tadbirkorlik subyektlari va fuqarolarning axborot olishi darajasini tizimli tahlil etishda, ularning samarali oʻzaro hamkorligini oshirish chora-tadbirlarini belgilashda ishtirok etadi;

yuridik va jismoniy shaxslarni ommaviy axborot vositalari orqali noxolis, ishonchsiz va normativ-huquqiy hujjatlar bilan taqiqlangan axborot tarqalishidan himoya qilishga koʻmaklashadi;

9) media bozorda mulkchilik shakllaridan qatʼi nazar ommaviy axborot vositalariga teng sharoitlar yaratish boʻyicha zarur chora-tadbirlarni ishlab chiqish sohasida:

ommaviy axborot vositalari mahsulotlarini tarqatish sohasida sogʻlom raqobatni rivojlantirishga doir takliflarni ishlab chiqishda ishtirok etadi;

ommaviy axborot vositalari tahririyatlarining huquqlari, erkinliklari va manfaatlarini himoya qilishga koʻmaklashadi;

ommaviy axborot vositalarining mulkchilik shakllaridan qatʼi nazar rasmiy axborotdan teng huquqli foydalanishini taʼminlaydi.

10) noshirlik va matbaa tarmoqlarining texnik-texnologik bazasini rivojlantirish, modernizatsiya qilish, standartlashtirish va sertifikatlash, innovatsion texnologiyalarni joriy qilish chora-tadbirlarini ishlab chiqish va amalga oshirish sohasida:

noshirlik-matbaa sohasida texnik tartibga solish hamda texnikaviy hujjatlashtirish boʻyicha normativ hujjatlarni ishlab chiqadi;

Agentlikning tarkibiy boʻlinmalarini rivojlantirishga doir prognoz parametrlar va dasturlarni ishlab chiqadi;

idoraviy mansub tashkilotlarda matbaa uskunalarini yangilash, modernizatsiya qilish, xorijiy investitsiyalar va grantlarni jalb qilish hamda xalqaro tashkilotlarning kreditlaridan keng foydalanishga koʻmaklashadi va bu borada maqsadli dasturlarni ishlab chiqadi;

har tomonlama tahlil qilish asosida noshirlik va matbaa sektorining texnik-texnologik bazasini yanada rivojlantirish, ushbu sohani standartlash va sertifikatlash boʻyicha takliflar va metodik tavsiyalarni ishlab chiqadi;

normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalar bajarilishi bilan bogʻliq boshqa hujjatlarni belgilangan tartibda Oʻzbekiston Respublikasi Vazirlar Mahkamasiga kiritadi;

11) ommaviy axborot vositalari, noshirlik, matbaa va axborot-kutubxona faoliyatiga doir milliy va xorijiy tanlovlar, koʻrgazma-yarmarkalar va boshqa ommaviy tadbirlarni tashkil etish sohasida:

ommaviy axborot vositalari, noshirlik-matbaa faoliyati va axborot-kutubxona ishi sohasida milliy va xalqaro tanlovlar, koʻrgazmalar, yarmarkalar va mavzuli ekspozitsiyalarni tashkil etish masalalarida metodik tavsiyalar berish yoʻli bilan koʻmaklashadi;

oʻzbek adabiyotini chet elda ommalashtirishga yoʻnaltirilgan xalqaro festivallar va bayramlarni tashkil etish masalalarida jamoat tashkilotlari va xalqaro tashkilotlar bilan hamkorlik qiladi;

12) ommaviy axborot vositalari, noshirlik, matbaa va axborot-kutubxona faoliyati sohasida tegishli xorijiy, mintaqaviy va xalqaro tashkilotlar bilan hamkorlikni rivojlantirish sohasida:

matbuot va axborot hamda axborot-kutubxona ishi sohasida xalqaro hamkorlikni rivojlantirish boʻyicha tadbirlarni tashkil etishda ishtirok etadi;

ommaviy axborot vositalari, noshirlik, matbaa va axborot-kutubxona faoliyati sohasida xalqaro hamkorlikni rivojlantirishni muvofiqlashtirish va metodik yordam koʻrsatish orqali qoʻllab-quvvatlaydi;

Agentlik vakolatiga tegishli masalalar boʻyicha xalqaro tashkilotlar ishida ishtirok etadi.

12. Quyidagilar Agentlik markaziy apparatining asosiy vazifalari hisoblanadi:

1) axborotni ishlab chiqarish va tarqatish sohasida qonunchilik ijrosi boʻyicha samarali chora-tadbirlar koʻrish;

2) ommaviy axborot vositalari, noshirlik, matbaa va axborot-kutubxona faoliyatini rivojlantirishga yoʻnaltirilgan tadbirlarni ishlab chiqish va amalga oshirishda ishtirok etish;

3) matbuot, ommaviy axborot vositalari, noshirlik, matbaa, shuningdek, axborot-kutubxona ishi sohasida faoliyat yuritayotgan tashkilotlar tomonidan texnik tartibga solish sohasida qonun hujjatlari, normativ hujjatlarga rioya etilishi ustidan sifatli monitoring va nazoratni tashkil etish;

4) Agentlikning hududiy boʻlinmalari bilan birgalikda axborot xavfsizligini taʼminlashga, axborot sohasidagi tahdidlarning oldini olishga yoʻnaltirilgan chora-tadbirlarni ishlab chiqish va amalga oshirish;

5) kitoblar nashr etishni, nusxasini koʻpaytirishni va tarqatishni qoʻllab-quvvatlash, elektron va audiokitoblar yaratish hamda kitobxonlik madaniyatini oshirish boʻyicha maʼrifiy ishlarni tashkil etishga doir samarali tadbirlarni amalga oshirish;

6) hududiy boʻlinmalar bilan birgalikda ijtimoiy ahamiyatli adabiyotlarni nashr etishga doir maqsadli dasturlarni tayyorlash chora-tadbirlarini ishlab chiqish va amalga oshirish;

7) oʻzbek tili va adabiyotini chet elda ommalashtirishga yoʻnaltirilgan tadbirlarni tashkil etish va ularda ishtirok etish;

8) axborotni tayyorlash, tarqatish va undan foydalanish sohasida fuqarolar, tashkilotlarning huquqlari, erkinliklari va qonuniy manfaatlari himoya qilinishini taʼminlash boʻyicha amaliy chora-tadbirlarni tashkil etish;

9) ommaviy axborot vositalari tahririyatlari oʻrtasida sogʻlom raqobatni rivojlantirish, huquqlari va erkinliklari va qonuniy manfaatlarini himoya qilishga doir tadbirlarda ishtirok etish va amalga oshirish;

10) modernizatsiya qilishni sifatli rejalashtirish, innovatsion texnologiyalarni joriy etish, shuningdek, standartlash va sertifikatlash tizimini takomillashtirish maqsadida matbaa sektorini oʻrganish va tahlil qilish, matbaa sektorining ishlab chiqarish salohiyatini inventarizatsiya qilish;

11) milliy va xalqaro tanlovlar, koʻrgazma-yarmarkalar va boshqa ommaviy tadbirlarni tashkil etishda ommaviy axborot vositalari, nashriyotlar, matbaa hamda kutubxona tashkilotlariga koʻmaklashish;

12) matbuot va ommaviy axborot vositalari, noshirlik, matbaa, axborot-kutubxona faoliyati sohasida mintaqaviy va xalqaro tashkilotlar bilan hamkorlik qilish va tajriba almashishni rivojlantirishga doir tadbirlarni tashkil etish.

13. Agentlikning markaziy apparati unga yuklangan asosiy vazifalarga muvofiq quyidagi funksiyalarni amalga oshiradi;

1) Agentlik vakolatiga kiradigan masalalar boʻyicha bosma ommaviy axborot vositalariga maslahatlar beradi va metodik yordam koʻrsatadi;

2) jamiyatning demokratik institutlarini yanada rivojlantirishda, ommaviy axborot vositalari faoliyatining huquqlari va erkinliklarini taʼminlashda ishtirok etadi;

3) bosma ommaviy axborot vositalari bozorini rivojlantirish maqsadida ilmiy-tadqiqot ishlari olib borilishiga koʻmaklashadi;

4) oʻz vakolatlari doirasida Agentlikning bosh direktori va uning oʻrinbosarlari buyruqlari va farmoyishlari amalga oshirilishini taʼminlaydi;

5) Agentlik faoliyatini, shu jumladan, norma ijodkorligi sohasida huquqiy taʼminlashni tashkil etadi;

6) Agentlik rahbariyati uchun boshqaruv qarorlarini qabul qilish maqsadida nashriyotlar, ommaviy axborot vositalari, matbaa tarmogʻi, axborot-kutubxona ishini rivojlantirish tendensiyalari toʻgʻrisidagi axborotni toʻplaydi, umumlashtiradi va tahlil qiladi;

7) noshirlik faoliyatini litsenziyalash, ommaviy axborot vositalari va matbaa korxonalarini roʻyxatdan oʻtkazish va ularni rivojlantirishga oid masalalar boʻyicha tadbirkorlik subyektlariga axboriy, metodik, tashkiliy va maslahat yordami beradi;

8) matbaa korxonalari belgilangan tartibda roʻyxatdan oʻtkazilishini va ommaviy axborot vositalari davlat roʻyxatidan oʻtkazilishini taʼminlaydi;

9) keyinchalik Vazirlar Mahkamasining noshirlik faoliyatini litsenziyalash boʻyicha komissiyasiga kiritish uchun zarur hujjatlarni shakllantiradi;

10) quyidagilar:

Oʻzbekiston Respublikasi ommaviy axborot vositalarining yagona reyestri;

Oʻzbekiston Respublikasida matbaa korxonalarini roʻyxatdan oʻtkazish boʻyicha yagona davlat reyestri;

Oʻzbekiston Respublikasida faoliyat yurituvchi nashriyotlar davlat reyestri yuritilishini taʼminlaydi;

11) noshirlik-matbaa ishi, ommaviy axborot vositalari va axborot-kutubxona ishini rivojlantirish prognozlarini ishlab chiqadi;

12) Agentlikning tarkibiy va hududiy boʻlinmalari hamda Agentlikka idoraviy mansub tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari bajarilishi ustidan muntazam nazorat qilinishini taʼminlaydi;

13) nashriyotlar, matbaa korxonalari, ommaviy axborot vositalari va axborot-kutubxona muassasalari faoliyati monitoringi olib borilishini tashkil etadi;

14) Agentlik va uning rahbariyati faoliyatini tashkiliy va axborot-tahliliy jihatdan taʼminlaydi;

15) Agentlikning hududiy boʻlinmalari va Agentlikka idoraviy mansub tashkilotlar faoliyatini muvofiqlashtiradi va nazorat qiladi;

16) bosma ommaviy axborot vositalari, kitob nashr etish, nusxasini koʻpaytirish va tarqatish, axborot-kutubxona ishining dolzarb masalalarini kun tartibiga kiritish, Agentlikning hayʼat yigʻilishlari va majlislarida koʻrib chiqish uchun tayyorlaydi va ushbu masalalar yuzasidan qarorlar qabul qilishda qatnashadi;

17) kitoblar, bosma ommaviy axborot vositalarining nazorat nusxalarini toʻplaydi, ularni oʻrganib chiqadi va baholaydi;

18) Agentlikning hududiy boʻlinmalari, Agentlikka idoraviy mansub tashkilotlarning moliya-xoʻjalik faoliyatini tekshirishni tashkil etadi;

19) har tomonlama tahlil qilish asosida mamlakatda yuz berayotgan ijtimoiy-siyosiy jarayonlarni faol va sifatli yoritishga erishish, aholining huquqiy madaniyatini oshirish, uning fuqarolik pozitsiyasini mustahkamlash va maʼnaviyatini oshirish maqsadida ustuvor yoʻnalishlarni belgilaydi;

20) yoshlarni maʼnaviy tarbiyalashga salbiy taʼsir koʻrsatadigan, mazmuniga koʻra madaniy va milliy qadriyatlarga zid boʻlgan sifatsiz adabiyotlar nashr etilishining oldini olishga doir tadbirlarni tashkil etadi;

21) yoshlarning maʼnaviy-axloqiy tarbiyasiga salbiy taʼsir koʻrsatadigan, mazmuniga koʻra madaniy va milliy qadriyatlarga zid boʻlgan sifatsiz adabiyotlar nashr etilishining oldini oladi;

22) Agentlik rahbariyati bilan kelishgan holda kitobxonlikni ommalashtirish boʻyicha bosma va elektron shakldagi tadbirlarni tashkil etadi va oʻtkazadi;

23) ilmiy-texnik, badiiy adabiyotlar, ensiklopediyalar va har xil yoʻnalishlar boʻyicha maʼlumotnomalarni lotin yozuvi asosida oʻzbek tilida nashr etishni yanada kengaytirishga doir aniq chora-tadbirlarni ishlab chiqishda ishtirok etadi;

24) elektron va audiokitoblarni ishlab chiqarish, ushbu mahsulotlarni maqbul narxlarda xarid qilish mexanizmlarini yoʻlga qoʻyish boʻyicha takliflar tayyorlash borasida amaliy chora-tadbirlarni ishlab chiqishda ishtirok etadi;

25) kitobxonlik madaniyatini oshirish uchun muntazam ravishda maʼrifiy ishlarni tashkil etish hamda shu maqsadda respublika tanlovlarini oʻtkazish boʻyicha takliflar tayyorlaydi;

26) Oʻzbekiston Respublikasining milliy manfaatlariga javob beradigan ijtimoiy ahamiyatga molik adabiyotlarni nashr etish boʻyicha maqsadli davlat dasturlarini ishlab chiqish va amalga oshirishda ishtirok etadi;

27) Oʻzbekiston Respublikasi va chet elda kitob nashr etish va kitob tarqatish tarmogʻini rivojlantirishning holati, tendensiyalari va istiqbollariga doir statistik va boshqa maʼlumotlarni keng kitobxonlar jamoatchiligiga yetkazish maqsadida toʻplaydi va tahlil qiladi;

28) Agentlik vakolatiga kiradigan idoralararo kengashlar, komissiyalar va ishchi guruhlar ishida qatnashadi;

29) matbuot, nashriyot, matbaa va axborot-kutubxona ishiga oid xorijiy davlatlar tajribasini oʻrganadi, ularning maqbul jihatlaridan foydalanish boʻyicha tavsiyalar ishlab chiqadi;

30) milliy adabiyotning eng yaxshi asarlarini xorijiy tillarga tarjima qilish boʻyicha aniq mexanizmlarni ishlab chiqadi va ularni sifatli nashr etish va moliyalashtirish ishlarini yoʻlga qoʻyadi;

31) Agentlik tomonidan Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Devoniga kiritiladigan hujjatlarni sifatli va oʻz vaqtida ishlab chiqishni, ularni iqtisodiy, moliyaviy va huquqiy ekspertizadan oʻtkazishni tashkil etadi;

32) Agentlik vakolatiga kiradigan operativ, tashkiliy, kadrlar masalasi, moliyaviy, ishlab chiqarish-xoʻjalik va boshqa masalalarni hal etish bilan shugʻullanadi;

33) fuqarolarni qabul qiladi, ularning ogʻzaki va yozma murojaatlari oʻz vaqtida va toʻliq koʻrib chiqilishini, ular boʻyicha Oʻzbekiston Respublikasi qonun hujjatlarida belgilangan muddatda qarorlar qabul qilinishi va ariza beruvchilarga javob yuborilishini taʼminlaydi;

34) ommaviy axborot vositalarini texnologik rivojlantirish va mazmunan boyitishga koʻmaklashadi;

35) oʻz vakolatlari doirasida jurnalistlar va boshqa shaxslarning rasmiy maʼlumotlardan xabardor boʻlishiga doir huquqlarini taʼminlashda ishtirok etadi;

36) xorijiy investitsiyalarni jalb etgan holda asbob-uskunalar va materiallarni xarid qilish, biznes-rejalarni ishlab chiqishda idoraviy mansub tashkilotlarga maslahat yordami beradi;

37) idoraviy mansub tashkilotlarni rivojlantirishga koʻmaklashadi, ularni iqtisodiy rivojlantirishga doir konsepsiya va istiqbollarni belgilaydi;

38) noshirlik va matbaa sektori, matbaa mahsulotlarini standartlashtirish va sertifikatlash masalalariga metodik yordam koʻrsatadi;

39) tarmoqni rivojlantirish va modernizatsiya qilish boʻyicha strategik vazifalarni hal etishga doir chora-tadbirlarni ishlab chiqadi va qabul qiladi;

40) matbaa sektorini muntazam tahlil qilib boradi, uning ishlab chiqarish salohiyatini inventarizatsiya qiladi;

41) koʻrgazmalar va yarmarkalar tashkil etish va oʻtkazish maqsadida xalqaro hamkorlik qilish boʻyicha takliflar tayyorlaydi;

42) xorijda oʻtkaziladigan xalqaro koʻrgazmalarda milliy kitoblar hamda kitob nashr etishni va matbuot tarmogʻini keng namoyish etgan holda chet elda xalqaro koʻrgazmalarda milliy ekspozitsiyalar tashkil etilishiga koʻmaklashadi;

43) oʻzbek tilidagi kitoblarni ommalashtirishga yoʻnaltirilgan taqdimotlar va boshqa tadbirlarni oʻtkazishda metodik va axborot jihatidan qoʻllab-quvvatlaydi;

44) matbuot va axborot, noshirlik, matbaa va axborot-kutubxona faoliyati sohasida xalqaro ilmiy konferensiyalar oʻtkazishga koʻmaklashadi;

45) matbuot, noshirlik, matbaa va axborot-kutubxona faoliyati sohasida tajriba almashish boʻyicha hamkorlikni tashkil etadi, ushbu yoʻnalishlarda maʼmuriyatchilikning xalqaro tajribasidan foydalanadi;

46) elektron kataloglar, kutubxonalar tashkil etish va ulardan keng foydalanish boʻyicha xalqaro hamkorlikni rivojlantirishga koʻmaklashadi;

47) hududiy boʻlinmalar va idoraviy mansub tashkilotlar bilan birgalikda Agentlikka yuklangan vazifalar va funksiyalar samarali bajarilishini taʼminlaydi;

48) Agentlik tomonidan yuqori tashkilotlar hamda boshqa davlat organlari va tashkilotlari bilan hamkorlik amalga oshirilishini taʼminlaydi.

14. Quyidagilar Agentlik hududiy boʻlinmalarining asosiy vazifalari hisoblanadi:

1) ommaviy axborot vositalari sohasidagi qonun hujjatlari talablarini tushuntirish, ularning ijrosi boʻyicha tadbirlarni joylarda tashkil etish va oʻtkazish;

2) ommaviy axborot vositalari, noshirlik, matbaa, axborot-kutubxona faoliyatini rivojlantirishga koʻmaklashish;

3) ommaviy axborot vositalari, noshirlik, matbaa va axborot-kutubxona faoliyati sohasida qonun hujjatlariga rioya etish, tegishli hududda soʻz va axborot erkinligini kafolatlaydigan qonunchilik normalari bajarilishi ustidan monitoring olib borish;

4) aholining huquqiy madaniyatini oshirishga, uning fuqarolik pozitsiyasi mustahkamlanishiga, maʼnaviyati oʻsishiga yoʻnaltirilgan chora-tadbirlarni amalga oshirishda ishtirok etish;

5) kitoblarni va kitobxonlik madaniyati anʼanalarini targʻib qilish, kitob mahsulotlarini nashr etish va tarqatish boʻyicha faoliyatni har tomonlama qoʻllab-quvvatlash va rivojlantirish, elektron va audiokitoblar yaratish yoʻli bilan aholi maʼnaviyatini oshirish;

6) nashriyot tashkilotlariga ular faoliyati va adabiy ijodni rivojlantirish boʻyicha metodik yordam koʻrsatish;

7) milliy adabiyot va kitob mahsulotlari nufuzini oshirish chora-tadbirlarini amalga oshirish;

8) tegishli hududda axborot tayyorlash, tarqatish va undan foydalanish sohasida qonun hujjatlari talablariga rioya qilish ustidan monitoring olib borish;

9) mulkchilik shakllaridan qatʼi nazar tegishli hududda ommaviy axborot vositalari uchun teng sharoitlar yaratish boʻyicha zarur choralarni amalga oshirish;

10) noshirlik va matbaa sektorining moddiy-texnika bazasini rivojlantirishga, uni modernizatsiya qilishga va innovatsion texnologiyalarni joriy etishga yoʻnaltirilgan chora-tadbirlarni amalga oshirish doirasida tegishli ravishda Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar va davlat soliq xizmati hududiy organlari rahbarlari boshchilik qiladigan kompleks ijtimoiy-iqtisodiy rivojlantirish sektorlari bilan oʻzaro hamkorlik qilish;

11) ommaviy axborot vositalari, noshirlik, matbaa va axborot-kutubxona faoliyati sohasida hududiy tanlovlar, koʻrgazma-yarmarkalar va boshqa ommaviy tadbirlarni tashkil etish;

12) matbuot va axborot, noshirlik, matbaa, axborot-kutubxona faoliyati sohasiga xalqaro tajribani joriy etish.

15. Hududiy boʻlinmalar ularga yuklangan asosiy vazifalarga muvofiq quyidagi funksiyalarni amalga oshiradi:

1) oʻz vakolatlari doirasida viloyatlarda ommaviy axborot vositalari tahririyatlarining mustaqilligi va erkinligini taʼminlaydi;

2) matbuot va ommaviy axborot vositalarini yanada erkinlashtirish va rivojlantirishga yoʻnaltirilgan chora-tadbirlar ishlab chiqilishiga koʻmaklashadi;

3) ommaviy axborot vositalari sohasida qonun hujjatlari talablarini tushuntirish boʻyicha har xil seminarlar tashkil etadi;

4) ustun darajada bir viloyat hududida tarqatishga moʻljallangan davriy bosma nashrlar belgilangan tartibda davlat roʻyxatidan oʻtkazilishini taʼminlaydi;

5) oʻz vakolati doirasida Agentlik bosh direktori va uning oʻrinbosarlarining buyruqlari va farmoyishlarini amalga oshirish bilan shugʻullanadi;

6) tegishli hududda nashriyotlar, ommaviy axborot vositalari, matbuot tarmogʻi, axborot-kutubxona ishi tendensiyalari toʻgʻrisida Agentlik rahbariyati uchun axborotni toʻplaydi, umumlashtiradi va tahlil qiladi;

7) ommaviy axborot vositalarini davlat roʻyxatidan oʻtkazish, ularni rivojlantirish masalalari boʻyicha tadbirkorlik subyektlariga axborot, metodik, tashkiliy va maslahat yordami beradi;

8) viloyatda noshirlik-matbaa ishini, ommaviy axborot vositalari va axborot-kutubxona ishini rivojlantirish prognozlarini ishlab chiqadi;

9) kitob nashr etish, ommaviy axborot vositalari, matbaa va axborot-kutubxona faoliyati sohasida normativ-huquqiy bazani takomillashtirish boʻyicha takliflarni tayyorlaydi va Agentlik rahbariyatiga kiritadi;

10) nashriyotlar, ommaviy axborot vositalari, televideniye, radio va axborot bozorining boshqa qatnashchilari tomonidan axborot va noshirlik ishi sohasida qonun hujjatlariga rioya etilishi monitoringi olib borilishini tashkil etadi;

11) qonun hujjatlariga rioya etilishi ustidan monitoring olib boradi, ommaviy axborot vositalari tomonidan qonun hujjatlari muntazam bajarilmasligi holatlarida esa — roʻyxatdan oʻtkazish toʻgʻrisidagi guvohnomalarning amal qilishini toʻxtatib turish, toʻxtash va ularni haqiqiy emas deb eʼtirof etish toʻgʻrisidagi arizalar bilan belgilangan tartibda sudlarga murojaat qiladi;

12) viloyatda axborot-kutubxona muassasalari faoliyatini muvofiqlashtiradi;

13) tegishli hududda axborot-kutubxona muassasalari hisobini yuritadi;

14) viloyatda bosma ommaviy axborot vositalarining nazorat nusxalarini toʻplaydi, oʻrganadi va baholaydi;

15) mamlakatda yuz berayotgan ijtimoiy-siyosiy jarayonlarni faol va sifatli yoritishga erishish, aholining huquqiy madaniyatini oshirish, uning fuqarolik pozitsiyasini mustahkamlash, maʼnaviyatini oʻstirish masalalarida ommaviy axborot vositalari faoliyatini ragʻbatlantiradi va muvofiqlashtiradi;

16) yoshlarning maʼnaviy tarbiyasiga salbiy taʼsir koʻrsatuvchi mazmuniga koʻra sifatsiz, madaniy va milliy qadriyatlarga zid boʻlgan adabiyotlar nashr etilishining oldini oladi;

17) tegishli hududda axborot makonida har xil tahdidlar va xavf-xatarlarga qarshi kurashish, bolalarni ularning sogʻligiga zarar yetkazadigan axborotdan himoya qilish tadbirlarini amalga oshiradi;

18) viloyatlarda aholining, ayniqsa yoshlarning kitobxonlik madaniyatini yanada oshirishda, intellektual va maʼnaviy barkamol oʻsib kelayotgan avlodni tarbiyalashda kitoblarning roli va ahamiyatini oshirishda ishtirok etadi;

19) axborot-kutubxona muassasalari fondlari ilmiy, ensiklopedik, badiiy adabiyotlar bilan muntazam toʻldirib borilishi yuzasidan takliflar tayyorlaydi;

20) kitobxonlik madaniyatini oshirish va ushbu maqsadda mintaqaviy tanlovlar oʻtkazish boʻyicha maʼrifiy ishlarni tashkil etadi;

21) viloyatda kitobxonlikni ommalashtirishning samarali va barqaror mexanizmi yaratilishida ishtirok etadi;

22) ijtimoiy ahamiyatli adabiyotlarni nashr etish boʻyicha mavzular rejasini shakllantirish masalalarida noshirlik tashkilotlariga axborot jihatidan va metodik yordam beradi;

23) viloyatda adabiy ijod rivojlanishini har tomonlama qoʻllab-quvvatlaydi va ragʻbatlantiradi;

24) keyinchalik xorijiy tillarga tarjima qilish uchun milliy adabiyotning eng yaxshi asarlari roʻyxatini shakllantirish boʻyicha takliflarni Agentlik rahbariyatining koʻrib chiqishi uchun kiritadi;

25) milliy adabiyotning olgʻa siljishi uchun qulay axborot muhiti va elektron resurslardan foydalanish sharoitlari shakllantirilishida ishtirok etadi;

26) ushbu yoʻnalishda ommaviy axborot vositalari va boshqa bosma mahsulotlar orqali reklama va eʼlonlar tarqatilishini muvofiqlashtirishda ishtirok etadi, davlat va jamiyat manfaatlariga, odob-axloq va maʼnaviyatning umumiy eʼtirof etilgan normalariga, qonun hujjatlari talablariga rioya etish chora-tadbirlarini koʻradi;

27) fuqarolar, tashkilotlar va mahalliy ijro etuvchi hokimiyat organlarining axborotni olish, tarqatish va undan foydalanishga boʻlgan huquqlari amalga oshirilishini taʼminlaydi;

28) professional faoliyatda ommaviy axborot vositalari tahririyatlarining mustaqilligi va erkinligini taʼminlash chora-tadbirlarini koʻradi;

29) oʻz vakolatlari doirasida jurnalistlar va boshqa shaxslarning rasmiy axborotdan foydalanishga boʻlgan huquqlarini taʼminlashda ishtirok etadi;

30) viloyatda ommaviy axborot vositalarini yanada rivojlantirish uchun qulay muhit yaratish chora-tadbirlarini amalga oshiradi;

31) korxonalarda matbaa asbob-uskunalarini yangilash, ularni modernizatsiya qilish, noshirlik-matbaa sohasiga xorijiy investitsiyalar va grantlarni jalb etish, shuningdek, xalqaro tashkilotlarning kreditlaridan keng foydalanish boʻyicha dasturlar ishlab chiqilishiga koʻmaklashadi;

32) viloyatda matbaa mahsulotlarini standartlashtirish, sertifikatlash masalalarida metodik yordam beradi;

33) ommaviy axborot vositalari va noshirlik-matbaa faoliyati sohasida mintaqaviy tanlovlar, koʻrgazmalar va yarmarkalar tashkil etilishiga koʻmaklashadi;

34) mavzuli, shu jumladan, oʻzbek yozuvchilarining yubileylariga va xotirlash sanalarga bagʻishlangan kitob koʻrgazmalarini tashkil etadi va oʻtkazadi;

35) matbuot va axborot, noshirlik, matbaa, axborot-kutubxona faoliyati sohasida ilmiy konferensiyalar oʻtkazishda ishtirok etadi;

36) tajriba almashish boʻyicha hamkorlikda ishtirok etadi, ushbu yoʻnalishlarda maʼmuriyatchilikning xalqaro tajribasidan foydalanadi;

37) elektron kataloglar va kutubxonalarni shakllantirish boʻyicha takliflar tayyorlaydi;

38) Agentlikka yuklangan vazifalar va funksiyalar samarali bajarilishini taʼminlashda ishtirok etadi.

16. Agentlik unga yuklangan vazifalar va funksiyalarni amalga oshirish uchun quyidagi huquqlarga egadir:

normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalarni bajarish bilan bogʻliq boshqa funksiyalarni belgilangan tartibda Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritish;

Agentlik vakolatiga kiradigan masalalarda davlat va xoʻjalik boshqaruvi, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

Agentlik vakolatiga kiradigan masalalarni hal etish uchun zarur boʻlgan axborotni davlat va xoʻjalik boshqaruvi organlaridan, mahalliy ijro etuvchi hokimiyat organlaridan belgilangan tartibda olish;

Agentlik vakolatiga kiradigan masalalar boʻyicha zarur statistik axborotni davlat statistika organlaridan bepul olish;

Agentlik va unga idoraviy mansub tuzilmalarning davlat mulkini bir boʻlinmadan boshqasiga belgilangan tartibda berish;

Agentlikning, uning idoraviy mansub tashkilotlari xodimlarini tegishli sohada ular faoliyatining asosiy koʻrsatkichlari boʻyicha parametrlar ular tomonidan bajarilishini hisobga olgan holda moddiy ragʻbatlantirish tartibi, miqdori va shartlarini belgilash;

Agentlik vakolatiga kiradigan masalalar boʻyicha takliflarni Oʻzbekiston Respublikasi Vazirlar Mahkamasi, davlat va xoʻjalik boshqaruvi organlari, mahalliy ijro etuvchi hokimiyat organlarining koʻrib chiqish uchun kiritish;

Agentlik vakolatiga kiradigan masalalar boʻyicha Oʻzbekiston Respublikasining xalqaro shartnomalari loyihalarini ishlab chiqishda belgilangan tartibda ishtirok etish, idoralararo tusdagi xalqaro shartnomalarni belgilangan tartibda tuzish;

Agentlik vakolatiga tegishli masalalar boʻyicha xalqaro darajada belgilangan tartibda Oʻzbekiston Respublikasi manfaatlarini ifodalash;

tashkilotlar, ommaviy axborot vositalari, nashriyotlar va matbaa korxonalari bilan hamkorlik qilish;

soʻz erkinligini taʼminlash, davriy nashrlarni tarqatish, axborot almashish, ochiqlik va oshkoralikni taʼminlash sohasida, shuningdek, axborot sohasida xavfsizlik, tahdidlarning oldini olish, noshirlik faoliyatini qoʻllab-quvvatlash va rivojlantirish, matbaa korxonalarini modernizatsiya qilish, bosma mahsulotlar sifatini oshirish va tannarxini pasaytirish masalalarini hal etish uchun yuqori malakali mutaxassislarni pulli asosda jalb etish;

norma ijodkorligi faoliyatini amalga oshirish, ilmiy tashkilotlarning ekspert, tadqiqot ishlari va maslahatlashuvlari uchun davlat organlari xodimlarini, shu jumladan, xorijiy mutaxassislar va ekspertlarni belgilangan tartibda jalb etish, vaqtinchalik ijodiy jamoalar tashkil etish;

ommaviy axborot vositalari, noshirlik faoliyatini standartlashtirish va sertifikatlash, axborot-kutubxona va axborot-resurs markazlariga metodik yordam berish, faoliyatini muvofiqlashtirish, tahlil qilish va rivojlantirish maqsadida jamoatchilik vakillari, olimlar va ekspertlardan iborat maslahat organlari tuzish;

matbuot va axborot sohasidagi qonun hujjatlarini buzayotgan davlat boshqaruvi organlari, mahalliy ijro etuvchi hokimiyat organlari, tashkilotlar va ularning mansabdor shaxslari, shuningdek, fuqarolar tomonidan bajarilishi majburiy boʻlgan koʻrsatmalarni oʻz vakolatlari doirasida qonun hujjatlarida belgilangan tartibda berish;

oʻz vakolatlari doirasida normativ-huquqiy hujjatlarni qabul qilish, zarur hollarda Agentlik vakolatiga kiradigan boshqa masalalar boʻyicha davlat boshqaruvi boshqa organlari bilan birgalikda belgilangan tartibda qoʻshma qarorlar va boshqa hujjatlarni chiqarish.

Agentlik qonun hujjatlariga muvofiq boshqa huquqlarga ham ega boʻlishi mumkin.

17. Agentlik:

Agentlikka yuklangan vazifalar va funksiyalar samarali bajarilishi, shuningdek, ommaviy axborot vositalari, axborot almashish, matbuot, noshirlik, matbaa, axborot-kutubxona faoliyati sohasida yagona davlat siyosati samarali amalga oshirilishi;

Agentlik faoliyati bilan bogʻliq prognoz koʻrsatkichlarga erishish soʻzsiz taʼminlanishi;

Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Devoniga kiritiladigan normativ-huquqiy hujjatlar loyihalari va boshqa hujjatlar, shuningdek, Agentlik tomonidan qabul qilinadigan qarorlarning sifati, pirovard natijalari va oqibatlari;

nashriyotlar, ommaviy axborot vositalari, matbaa tarmogʻini rivojlantirish, shuningdek, ijtimoiy-iqtisodiy rivojlantirish va hududlar, tarmoqning muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarni samarali amalga oshirilishi;

kitob nashr etish, ommaviy axborot vositalari va axborot-kutubxona ishi sohasida fuqarolar va tadbirkorlik subyektlarining huquqlari va qonuniy manfaatlariga rioya etilishini taʼminlash va himoya qilish uchun javob beradi.

18. Agentlikning markaziy apparati unga yuklangan vazifalar va funksiyalarni amalga oshirish uchun:

masalalarni tahlil qilish va qayta ishlash uchun zarur boʻlgan materiallar va maʼlumotlarni, shuningdek, Agentlikning markaziy apparatida koʻrib chiqiladigan normativ-huquqiy hujjatlar loyihalarini va boshqa hujjatlarni hududiy boʻlinmalardan va idoraviy mansub tashkilotlardan soʻrash va olish;

Agentlikda koʻrib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun zarur boʻlganda hududiy boʻlinmalar va idoraviy mansub tashkilotlar rahbarlari hamda vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

Agentlikning hududiy boʻlinmalari va idoraviy mansub tashkilotlaridan ular tomonidan kiritilgan normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat boʻlganda ularni qayta ishlash uchun qaytarish;

Agentlikning hududiy boʻlinmalari va idoraviy mansub tashkilotlari rahbarlari hamda vakillari ishtirokida yigʻilishlar oʻtkazish;

Agentlikning hududiy boʻlinmalari va idoraviy mansub tashkilotlari rahbarlariga tezlikda hal qilinishi talab etiladigan va Agentlikka yuklangan vazifalar hamda funksiyalarni bajarish bilan bogʻliq masalalar yuzasidan belgilangan tartibda topshiriqlar berish;

qabul qilingan normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari, shuningdek, Agentlik va uning rahbariyatining hujjatlari va topshiriqlari hududiy boʻlinmalar va idoraviy mansub tashkilotlar tomonidan bajarilishi yuzasidan ularning faoliyatini belgilangan tartibda oʻrganish va tekshirish huquqiga ega.

Agentlikning markaziy apparati qonun hujjatlariga muvofiq boshqa huquqlarga ham ega boʻlishi mumkin.

19. Agentlikning markaziy apparati:

Agentlikning tarkibiy va hududiy boʻlinmalar, shuningdek, unga idoraviy mansub tashkilotlar bilan birgalikda Agentlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Agentlikning hududiy boʻlinmalari faoliyati bilan bogʻliq prognoz koʻrsatkichlariga erishishni taʼminlash boʻyicha Agentlik markaziy apparati boʻlinmalarining ishini tashkil etish;

Agentlik tomonidan koʻrib chiqish uchun Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, Agentlik tomonidan qabul qilinadigan qarorlarning tayyorlanishi sifati va ekspertizadan oʻtkazilishi;

tarmoqni rivojlantirish, shuningdek, hududlarni ijtimoiy-iqtisodiy rivojlantirish va hududlar, nashriyotlar, ommaviy axborot vositalari, matbaa tarmogʻining muammoli masalalarini hal etish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar tarkibiy va hududiy boʻlinmalar tomonidan amalga oshirilishini tashkil etish;

kitob nashr etish, ommaviy axborot vositalari va axborot-kutubxona ishlari sohasida fuqarolar va tadbirkorlik subyektlarining huquqlari va qonuniy manfaatlariga rioya etilishi va himoya qilinishini taʼminlash uchun javob beradi.

20. Hududiy boʻlinmalar ularga yuklangan vazifalar va funksiyalarni amalga oshirish uchun quyidagi huquqlarga ega boʻladi:

oʻz vakolatlariga kiradigan masalalarni hal etish uchun zarur axborotni davlat va xoʻjalik boshqaruvi organlarining hududiy boʻlimlaridan, mahalliy ijro etuvchi hokimiyat organlaridan belgilangan tartibda soʻrash va olish;

Agentlik vakolatiga tegishli boʻlgan sohada muhim muammolarni ishlab chiqish va koʻrib chiqish boʻyicha hududiy darajada idoralararo komissiyalar va kengashlar tuzish;

Agentlik vakolatiga kiradigan masalalar boʻyicha takliflarni davlat va xoʻjalik boshqaruvi organlari, mahalliy ijro etuvchi hokimiyat organlarining koʻrib chiqishi uchun kiritish;

tashkilotlar, ommaviy axborot vositalari, nashriyotlar va matbaa tashkilotlari bilan hamkorlik qilish;

mintaqalarda ommaviy axborot vositalari, standartlashtirish va sertifikatlash, noshirlik faoliyati, axborot-kutubxona va axborot-resurs markazlariga metodik yordam berish faoliyatini tahlil qilish va rivojlantirish maqsadida jamoatchilik vakillari, olimlar va ekspertlardan iborat maslahat organlarini shakllantirish;

matbuot va axborot sohasidagi qonun hujjatlarini buzayotgan davlat boshqaruvi organlari, mahalliy ijro etuvchi hokimiyat organlari, tashkilotlar va ularning mansabdor shaxslari, shuningdek fuqarolar tomonidan bajarilishi majburiy boʻlgan koʻrsatmalarni oʻz vakolatlari doirasida qonun hujjatlarida belgilangan tartibda berish.

21. Hududiy boʻlinmalar:

Agentlikka yuklangan vazifalar va funksiyalar oʻz vaqtida va sifatli bajarilishini taʼminlash;

Agentlikka kiritiladigan hujjatlar loyihalari va takliflar, shuningdek, Agentlikning hududiy boʻlinmalari tomonidan qabul qilinadigan qarorlarning sifati, pirovard natijalari va amalga oshirilishi oqibatlari;

Agentlikning hududiy boʻlinmalari faoliyati bilan bogʻliq prognoz koʻrsatkichlariga erishilishini taʼminlash;

har tomonlama va chuqur tahlil qilish va aniqlangan muammolarni umumlashtirish asosida tegishli viloyatda ommaviy axborot vositalari, noshirlik, matbaa va axborot-kutubxona faoliyatini rivojlantirish boʻyicha takliflar tayyorlanishi;

nashriyotlar, ommaviy axborot vositalari, matbaa tarmogʻini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning tegishli viloyatda samarali amalga oshirilishi, muammoli masalalar hal etilishi;

fuqarolar va tadbirkorlik subyektlarning huquqlari va qonuniy manfaatlariga rioya qilinishini taʼminlash;

bosma ommaviy axborot vositalari reyestri yuritilishi va axborot uzluksiz yangilanishi;

ommaviy axborot vositalari, nashriyotlar va matbaa korxonalari mahsulotlarining sifati oshirilishi uchun javob beradi.

22. Quyidagilar Agentlik bosh direktorining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) Agentlikning faoliyatiga umumiy rahbarlik qilish va nazorat qilish, Oʻzbekiston Respublikasi Prezidentining tegishli hujjatlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari bilan ushbu organga yuklangan vazifalar va funksiyalar bajarilishini tashkil etish;

3) Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan Agentlik faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

4) Agentlik, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

5) Agentlik faoliyati sohasiga kiradigan masalalar boʻyicha Oʻzbekiston Respublikasi Prezidenti Devoni xizmatlari va Oʻzbekiston Respublikasi Vazirlar Mahkamasi komplekslari, shuningdek, tegishli vazirliklar va idoralar bilan hamkorlik qilish, Oʻzbekiston Respublikasi Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, Agentlikning boshqa mansabdor shaxslari vakolatlarini belgilash, Agentlik faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) Agentlik faoliyati rejalashtirilishini tashkil etish, Agentlik va oʻz oʻrinbosarlarining har choraklik ish rejalarini tasdiqlash, ularning bajarilishi ustidan nazoratni taʼminlash;

9) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlar oʻz vaqtida sifatli ijro etilishi uchun tarkibiy va hududiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

10) Agentlik xodimlarini tizimli qayta tayyorlashni va ularning malakasini oshirishni tashkil etish;

11) Agentlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

12) Oʻzbekiston Respublikasi Prezidenti, Oʻzbekiston Respublikasi Prezidenti Devoni va Oʻzbekiston Respublikasi Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Agentlikka ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

13) faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Vazirlar Mahkamasining 2005-yil 14-fevraldagi 62-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda Vazirlar Mahkamasining Reglamenti deb ataladi) va Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Prezidenti Devonining Reglamenti (keyingi oʻrinlarda Oʻzbekiston Respublikasi Prezidenti Devonining Reglamenti deb ataladi) talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasi apparatida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Devonida koʻrib chiqilishida ishtirok etish;

14) “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihasi faoliyatining Namunaviy reglamentiga muvofiq Agentlikning qonun loyihalarini tayyorlash faoliyatini tashkil etish;

15) Agentlikka taqdim etilgan takliflar va normativ-huquqiy hujjatlar loyihalari toʻliq va oʻz vaqtida koʻrib chiqilishini taʼminlash, ularni puxta huquqiy, moliyaviy, iqtisodiy ekspertizadan va boshqa ekspertizadan oʻtkazish, shuningdek, Oʻzbekiston Respublikasi Prezidenti Devonining Reglamenti va Oʻzbekiston Respublikasi Vazirlar Mahkamasining Reglamentida belgilangan muddatlarda ularni kelishish (viza qoʻyish);

16) Agentlik rahbarlari va xodimlari xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

17) oʻz oʻrinbosarlari hamda tarkibiy va hududiy boʻlinmalar rahbarlari faoliyati samaradorligini va natijadorligini muntazam tanqidiy tahlil qilish, Agentlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

18) Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

19) Agentlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Agentlik xodimlarining odob-axloq qoidalari (keyingi oʻrinlarda Agentlik xodimlarining odob-axloq qoidalari deb ataladi) talablariga rioya etilishini taʼminlash;

20) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

21) Agentlik hamda uning tarkibiy va hududiy boʻlinmalari ishini tashkil etishning zamonaviy shakllari joriy etilishini taʼminlash;

22) aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

23) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

24) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Agentlik xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

25) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

26) Markaziy apparat va uning hududiy boʻlinmalari toʻgʻrisidagi nizomni, Agentlik tizimiga kiradigan idoraviy mansub tashkilotlarning ustavlarini belgilangan tartibda tasdiqlash;

27) Agentlik faoliyatiga umumiy rahbarlik qilish;

28) Agentlik markaziy apparati xodimlarini, idoraviy mansub tashkilotlar, shuningdek, hududiy boʻlinmalar rahbarlarini qonun hujjatlarida belgilangan tartibda lavozimga tayinlash va lavozimdan ozod etish;

29) Agentlik markaziy apparati, uning hududiy boʻlinmalari va idoraviy mansub tashkilotlari mansabdor shaxslari bajarishi majburiy boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

30) Agentlik markaziy apparatining tuzilmasi va shtat jadvalini, xodimlarning belgilangan soni doirasida hududiy boʻlinmalar, idoraviy mansub tashkilotlar xodimlarning sonini tasdiqlash.

23. Quyidagilar Agentlik bosh direktori oʻrinbosarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Agentlik rahbari vaqtincha boʻlmaganda tegishli buyruq asosida uning vazifalarini bajarish;

3) Agentlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

4) Agentlik faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan Agentlik faoliyatini yanada takomillashtirish boʻyicha konsepsiyalar, kompleks dasturlar va tadbirlar ijrosini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlariga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) mutasaddilik qilinadigan tarkibiy boʻlinmalar rahbarlarining har choraklik rejalarini tasdiqlash, ular bajarilishi ustidan nazoratni taʼminlash;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini taʼminlash, Agentlikning mutasaddilik qilinadigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

8) Agentlik hayʼati, Agentlik bosh direktorining buyruqlari va topshiriqlari oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Agentlik bosh direktoriga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, mutasaddilik qilinadigan boʻlinmalarda kadrlar zaxirasini shakllantirish;

10) normativ-huquqiy hujjatlar loyihalari mutasaddilik qilinadigan tarkibiy boʻlinmalar tomonidan sifatli ishlab chiqilishini tashkil etish, Agentlikning tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik Agentlik bosh direktori tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Vazirlar Mahkamasi Reglamenti va Oʻzbekiston Respublikasi Prezidenti Devoni Reglamenti talablariga qatʼiy muvofiq ravishda Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi apparatida normativ-huquqiy hujjatlar loyihalarini ishlab chiqishda Agentlik bosh direktorining topshirigʻiga binoan ishtirok etish;

11) Agentlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta moliyaviy, iqtisodiy va huquqiy ekspertizadan va boshqa ekspertizadan oʻtkazish;

12) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

13) mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Agentlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

14) faoliyat sohasiga tegishli masalalar boʻyicha Agentlik faoliyatini takomillashtirishga doir amaliy chora-tadbirlar koʻrish, qonun hujjatlarini takomillashtirish boʻyicha takliflar ishlab chiqish va ularni Agentlik bosh direktoriga kiritish;

15) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligiga masalasini koʻrib chiqish boʻyicha takliflarni Agentlik bosh direktoriga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

16) Agentlik xodimlarining Odob-axloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va xodimlarining ushbu qoidalarga rioya etishini taʼminlash;

17) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

18) davlat xizmatlari samaradorligi, sifati va ulardan erkin foydalanishni oshirishga doir takliflarni Agentlik bosh direktoriga kiritish;

19) “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

20) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

21) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

24. Quyidagilar Agentlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

3) Agentlikning hududiy boʻlinmalari va idoraviy mansub tashkilotlar faoliyatini oʻz vakolatlari doirasida muvofiqlashtirish;

4) prognoz koʻrsatkichlarining bajarilishini muntazam tahlil qilish hamda tarkibiy boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlar koʻrish boʻyicha takliflarni Agentlik bosh direktorining mutasaddilik qiladigan oʻrinbosarlariga kiritish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasi hujjatlari va topshiriqlari ijrosini taʼminlash, Agentlik tarkibiy boʻlinmalari xodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi P-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

6) Agentlik hayʼati qarorlari, bosh direktor va uning oʻrinbosarlari buyruqlari hamda topshiriqlari oʻz vaqtida va sifatli bajarilishini taʼminlash;

7) tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

8) tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, Agentlikning hududiy boʻlinmalari va idoraviy mansub tashkilotlar faoliyatiga amaliy va metodik yordam koʻrsatish;

9) tarkibiy boʻlinmalar faoliyatiga oid masalalar yuzasidan qonun hujjatlarini takomillashtirish boʻyicha takliflarni ishlab chiqish va ularni koʻrib chiqish uchun Agentlik bosh direktoriga kiritish;

10) tarkibiy boʻlinmalarda kadrlarni tanlash va joy-joyiga qoʻyishda Agentlik bosh direktori oʻrinbosarlariga takliflar taqdim etish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

11) normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, Agentlikning tarkibiy boʻlinmalarida tayyorlangan hujjatlar loyihalarini keyinchalik Agentlik bosh direktori tomonidan koʻrib chiqish, imzolash (viza qoʻyish), uchun koʻrib chiqish va viza qoʻyish, ularning Vazirlar Mahkamasi Reglamenti va Oʻzbekiston Respublikasi Prezidenti Devonining Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Agentlik rahbarlarining topshirigʻi boʻyicha normativ-huquqiy hujjatlar loyihalarini Vazirlar Mahkamasi apparatida ishlab chiqishda ishtirok etish;

12) Agentlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta moliyaviy, iqtisodiy, huquqiy ekspertizadan va boshqa ekspertizadan oʻtkazish;

13) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ–2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ–3170-son qarorlari talablariga muvofiq amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

14) tarkibiy boʻlinmalar xodimlari faoliyati samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

15) Agentlik xodimlarining Odob-axloq qoidalari talablariga rioya qilishini, tarkibiy boʻlinmalar xodimlari ushbu qoidalarga rioya etishini taʼminlash;

16) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

17) davlat xizmatlarining samaradorligi, sifati va ulardan erkin foydalanishni oshirishga doir takliflarni Agentlik bosh direktoriga kiritish;

18) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

20) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

25. Quyidagilar hududiy boʻlinmalar rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Agentlik hududiy boʻlinmalari faoliyatiga umumiy rahbarlik qilish va nazorat qilish, ushbu boʻlinmalarga Oʻzbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonun hujjatlari va Agentlikning hujjatlari bilan yuklangan vazifalar va funksiyalar bajarilishini tashkil etish;

3) hududiy boʻlinmalar faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

4) Oʻzbekiston Respublikasi Prezidenti va Vazirlar Mahkamasining hujjatlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

5) Agentlik hayʼati qarorlari, Agentlik bosh direktori va uning oʻrinbosarlarining buyruqlari va topshiriqlari oʻz vaqtida va sifatli bajarilishini taʼminlash;

6) Agentlik faoliyati sohasiga kiradigan masalalar boʻyicha mahalliy ijro etuvchi hokimiyat organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

7) hududiy boʻlinmalarning mansabdor shaxslari vakolatlarini belgilash, ularning shaxsiy javobgarligi darajasini belgilash;

8) kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, kadrlar zaxirasini shakllantirish;

9) boʻsh lavozimlarga taklif etilgan kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

10) hududiy boʻlinmalar xodimlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha tizimli chora-tadbirlarni amalga oshirish;

11) hududiy boʻlinmalar xodimlari tomonidan Agentlik xodimlarining Odob-axloq qoidalari talablariga rioya etishini taʼminlash;

12) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali hududiy boʻlinmalar tizimida “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

13) prognoz koʻrsatkichlarining bajarilishini muntazam tahlil qilish hamda hududiy boʻlinmalar tomonidan ushbu koʻrsatkichlarga soʻzsiz erishishni taʼminlashga qaratilgan qoʻshimcha chora-tadbirlar koʻrish boʻyicha takliflarni Agentlik bosh direktorining mutasaddilik qiladigan oʻrinbosarlariga kiritish;

14) hududiy boʻlinmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

15) hududiy boʻlinmalar faoliyatiga oid masalalar boʻyicha qonun hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun Agentlik bosh direktoriga kiritish;

16) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

17) Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirish chora-tadbirlari toʻgʻrisida” 2016-yil 28-dekabrdagi PF-4904-son Farmoniga muvofiq Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan barcha murojaatlarini oʻz vaqtida va toʻlaqonli koʻrib chiqish;

18) hududiy boʻlinmalar xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisidagi takliflarni Agentlikka kiritish;

19) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

26. Agentlik bosh direktori:

1) Agentlikka yuklangan vazifalar va funksiyalarning bajarilishi;

2) ushbu Nizomning 19-bandida nazarda tutilgan Agentlikning javobgarlik sohalari boʻyicha;

3) ushbu Nizomning 22-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

27. Agentlik bosh direktorining oʻrinbosarlari:

1) Mutasaddilik qilinadigan tarkibiy boʻlinmalarda Agentlikka yuklangan vazifalar va funksiyalarning bajarilishi;

2) ushbu Nizomning 17-bandida nazarda tutilgan Agentlikning mutasaddilik qilinadigan masalalarga doir javobgarlik sohalari boʻyicha;

3) ushbu Nizomning 23-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

28. Agentlik markaziy apparati tarkibiy boʻlinmalari rahbarlari;

1) tegishli tarkibiy boʻlinmalarga yuklangan vazifalar va funksiyalarning amalga oshirilishi;

2) ushbu Nizomning 19-bandida nazarda tutilgan Agentlik markaziy apparatining javobgarlik sohalari boʻyicha;

3) ushbu Nizomning 24-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

29. Hududiy boʻlinmalar rahbarlari:

1) hududiy boʻlinmalarga yuklangan vazifalar va funksiyalarning bajarilishi;

2) ushbu Nizomning 21-bandida nazarda tutilgan hududiy boʻlinmalarning javobgarlik sohalari boʻyicha;

3) ushbu Nizomning 25-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

30. Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan bosh direktor boshchilik qiladi.

31. Bosh direktorning ikki nafar oʻrinbosari, shu jumladan, bir nafar birinchi oʻrinbosari boʻladi.

32. Bosh direktor moddiy, maishiy, transport va tibbiy xizmat koʻrsatish shartlari boʻyicha vazirga, bosh direktorning birinchi oʻrinbosari — vazirning birinchi oʻrinbosariga, bosh direktorning oʻrinbosari — vazirning oʻrinbosariga tenglashtiriladi.

33. Bosh direktorning oʻrinbosarlari Oʻzbekiston Respublikasining Bosh vaziri tomonidan lavozimga tayinlanadi va lavozimdan ozod etiladi.

34. Agentlik bosh direktori boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

35. Agentlikning bosh direktori hududiy boʻlinmalar va idoraviy mansub tashkilotlarining rahbarlarini belgilangan tartibda lavozimga tayinlaydi va lavozimdan ozod etiladi.

36. Agentlikning bosh direktori hududiy boʻlinmalar, idoraviy mansub tashkilotlarning nizomlarini, ustavlarini, tuzilmasini va shtat jadvalini xodimlarining belgilangan soni doirasida xodimlar sonini tasdiqlaydi.

37. Agentlik markaziy apparati tarkibiy boʻlinmalarining Agentlikning hududiy boʻlinmalari va idoraviy mansub tashkilotlar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

38. Agentlik markaziy apparatining tarkibiy boʻlinmalari hududiy boʻlinmalar bilan oʻz faoliyati yoʻnalishlari boʻyicha hamkorlik qilib:

1) topshiriqlarni hududiy boʻlinmalarga va idoraviy mansub tashkilotlarga yetkazadi hamda ularning bajarilishini nazorat qiladi;

2) Agentlikning hududiy boʻlinmalariga va idoraviy mansub tashkilotlariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

3) Agentlikning hududiy boʻlinmalari va idoraviy mansub tashkilotlari faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) Agentlikning hududiy boʻlinmalari va idoraviy mansub tashkilotlari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

5) Agentlikning hududiy boʻlinmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

6) normativ-huquqiy hujjatlar loyihalarini tayyorlashda Agentlikning hududiy organlari va idoraviy mansub tashkilotlari ishtirokini tashkil etadi, qonun hujjatlarini takomillashtirish boʻyicha ulardan tushgan takliflarni koʻrib chiqadi.

39. Agentlikning hududiy boʻlinmalari va idoraviy mansub tashkilotlari Agentlik markaziy apparatining tarkibiy boʻlinmalari bilan hamkorlik qiladi, shu jumladan:

1) Agentlik bosh direktori topshiriqlari ijrosi haqida axborot beradi;

2) faoliyatning belgilangan sohasida qonun hujjatlarini amalga oshirish boʻyicha faoliyat natijalari toʻgʻrisida markaziy apparatga axborot taqdim etadi;

3) ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida maʼlumot beradi;

4) oʻz ishi natijalari toʻgʻrisidagi hisobotlarni belgilangan tartibda va muddatlarda Agentlikning markaziy apparatiga taqdim etadi;

5) hududlarni ijtimoiy-iqtisodiy rivojlantirish muammolarini, shu jumladan, aholining muhim muammolarini hal qilishga qaratilgan takliflarni Agentlikning markaziy apparatiga yuboradi;

6) kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik natijalari toʻgʻrisida axborot beradi;

7) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi.

40. Agentlik markaziy apparati tarkibiy boʻlinmalari, hududiy boʻlinmalar hamda idoraviy mansub tashkilotlarning oʻzaro hamkorligi jarayonida yuzaga keladigan kelishmovchiliklar Agentlik bosh direktorining topshirigʻiga binoan uning tegishli oʻrinbosari tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, u boʻyicha qaror bevosita Agentlik bosh direktori tomonidan qabul qilinadi.

41. Agentlik oʻz vazifalari va funksiyalarini amalga oshirishda boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlik qiladi.

42. Agentlikning hududiy boʻlinmalari oʻz vakolatlari doirasida boshqa davlat va xoʻjalik boshqaruvi organlari, mahalliy davlat hokimiyati organlarining hududiy boʻlinmalari va boshqa tashkilotlar bilan hamkorlik qiladi.

Agentlikning hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan oʻzaro yaqin hamkorlik qiladi.

43. Agentlikning faoliyatiga Vazirlar Mahkamasining tegishli Kompleksi rahbari va Vazirlar Mahkamasining axborot-tahlil departamentlari hamda Oʻzbekiston Respublikasi Prezidenti Devonining tegishli xizmati tomonidan mutasaddilik qilinadi.

44. Agentlikda bosh direktor (hayʼat raisi), uning oʻrinbosarlari (lavozimi boʻyicha), shuningdek, Agentlik faoliyatining asosiy yoʻnalishlarini muvofiqlashtiruvchi Agentlik tarkibiy boʻlinmalari rahbarlari, shuningdek, ommaviy axborot vositalari, nashriyot va matbaa tashkilotlari, axborot-kutubxona ishi rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi Agentlik bosh direktorining taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

45. Hayʼatga quyidagi vazifalar yuklanadi:

Agentlik faoliyatining asosiy yoʻnalishlarini ishlab chiqish va amalga oshirish;

qonun hujjatlarida, Oʻzbekiston Respublikasi Prezidentining hujjatlarida va Oʻzbekiston Respublikasi Hukumati qarorlarida belgilangan vazifalar oʻz vaqtida va sifatli amalga oshirilishini taʼminlash uchun Agentlik tizimi xodimlari va rahbarlarining shaxsiy javobgarligini oshirish boʻyicha chora-tadbirlar koʻrgan holda tarkibiy va hududiy boʻlinmalar va idoraviy mansub tashkilotlar rahbarlari hisobotlari muntazam ravishda eshitilishini tashkil etish;

Agentlik faoliyati sohasidagi davlat dasturlari hamda tarmoq va hududiy dasturlar amalga oshirilishining natijadorligini har chorakda va muntazam koʻrib chiqish;

joylarda Agentlik faoliyatining dolzarb masalalari muhokama qilinishini taʼminlagan holda hayʼatning kengaytirilgan sayyor majlislari oʻtkazilishini tashkil etish;

Agentlik markaziy apparatiga va uning tizimiga kiradigan lavozimlar nomenklaturasini koʻrib chiqish va tasdiqlash;

Agentlik nomenklaturasiga kiradigan lavozimlarga kadrlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar oʻz vaqtida va sifatli bajarilishini taʼminlash uchun Agentlik rahbarlari va xodimlarining ijro intizomini mustahkamlash va shaxsiy javobgarligini oshirish;

Oʻzbekiston Respublikasi Vazirlar Mahkamasiga kiritiladigan, ular boʻyicha Agentlik masʼul ijrochi hisoblangan qonunlar va boshqa normativ-huquqiy hujjatlar loyihalari bilan bogʻliq masalalarni koʻrib chiqish.

46. Hayʼat majlisiga Agentlik vakolatiga kiradigan masalalar yuzasidan davlat va xoʻjalik boshqaruvi organlari, boshqa tashkilotlar rahbarlari taklif etilishi mumkin.

47. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.

48. Hayʼat qarorlari Agentlik bosh direktorining buyruqlari bilan amalga oshiriladi.

49. Agentlik bosh direktori va hayʼat aʼzolari oʻrtasida kelishmovchiliklar yuzaga kelgan taqdirda, Agentlik bosh direktori yuzaga kelgan kelishmovchiliklar haqida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hayʼat aʼzolari ham Oʻzbekiston Respublikasi Vazirlar Mahkamasiga oʻz fikrini maʼlum qilishi mumkin.

50. Hayʼat faoliyati tartibi hayʼat tomonidan tasdiqlanadigan uning reglamenti bilan belgilanadi.

51. Zarurat boʻlganda Agentlikda ommaviy axborot vositalariga, matbaa va noshirlik faoliyatiga, axborot-kutubxona va axborot-resurs markazlariga metodik yordam berish, muvofiqlashtirish, tahlil qilish va ularni rivojlantirish maqsadida jamoatchilik vakillari, olimlar va ekspertlardan iborat tarkibda maslahat organlari tashkil etiladi.

52. Agentlikning samaradorligi muntazam baholanishi lozim.

53. Agentlik faoliyati samaradorligi va natijadorligiga berilgan baholar Oʻzbekiston Respublikasi Vazirlar Mahkamasining mutasaddilik qiladigan kompleksi rahbari tomonidan tasdiqlanadigan Agentlik faoliyati samaradorligi va natijadorligini baholash mezonlari va ish indikatorlariga asoslanadi.

54. Agentlik faoliyati samaradorligi va natijadorligini baholash yakunlari boʻyicha:

Agentlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Agentlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

55. Agentlik faoliyati samaradorligi va natijadorligini baholash tartibi va metodikasi qonun hujjatlariga koʻra belgilanadi.

56. Oʻzbekiston matbuot va axborot agentligining markaziy apparatini saqlash bilan bogʻliq xarajatlar Agentlikning moliya yiliga xarajatlari prognozidan kelib chiqib uning tizimga kiradigan nashriyotlar va matbaa korxonalarining mahsulotlarini sotishdan tushgan sof foydaning 2,0 foizigacha miqdorda shartnoma asosida ajratiladigan mablagʻlar va qonun hujjatlarida taqiqlanmagan boshqa manbalar hisobiga qoplanadi.

57. Hududiy boʻlinmalar xodimlari mehnatiga haq toʻlash bilan bogʻliq xarajatlar Oʻzbekiston Respublikasi Davlat budjeti mablagʻlari hisobiga qoplanadi, ularni saqlash bilan bogʻliq boshqa xarajatlar esa oʻz mablagʻlari, hududiy boʻlinmalarga idoraviy mansub nashriyotlarning shartnoma asosida ajratiladigan mablagʻlari va qonun hujjatlarida taqiqlanmagan boshqa manbalar hisobiga qoplanadi.

Ajratmalar tuzilgan shartnomalarga muvofiq yil mobaynida har oyda amalga oshiriladi.

Istisno hollarda Agentlik bosh direktorining buyrugʻi boʻyicha hududiy boʻlinmalarga ularning yozma soʻrovlari asosida Agentlik tomonidan qoʻshimcha moliyaviy yordam beriladi.

58. Alisher Navoiy nomidagi Oʻzbekiston Milliy kutubxonasini saqlash va moddiy-texnika bazasini mustahkamlash xarajatlari Oʻzbekiston Respublikasi Davlat budjetidan va qonun hujjatlarida taqiqlanmagan boshqa manbalardan moliyalashtiriladi.

59. Hududiy boʻlinmalar xodimlariga:

Oʻzbekiston Respublikasi Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 10-ilovada koʻrsatilgan mehnatga haq toʻlash shartlari;

Oʻzbekiston Respublikasi Vazirlar Mahkamasining “Davlat xizmatchilarining lavozim maoshlariga yigirma foizli ustama haq belgilash toʻgʻrisida” 1997-yil 3-iyuldagi 339-son qarori talablari;

qonun hujjatlariga muvofiq budjet muassasalari va tashkilotlari uchun belgilangan 15 foiz miqdorida moddiy ragʻbatlantirish maxsus jamgʻarmasi tatbiq etiladi.

60. Agentlik xodimlarining ish haqi lavozim maoshi, mukofotlar, qoʻshimcha haqlar, ustamalardan va qonun hujjatlarida nazarda tutilgan boshqa toʻlovlardan iborat.

Agentlik xodimlari lavozim maoshlariga har oyda qoʻshiladigan ragʻbatlantirish xususiyatiga ega boʻlgan qoʻshimcha haqlar va ustamalar Agentlik bosh direktori tomonidan tasdiqlanadigan nizomlarga muvofiq toʻlanadi.

61. Agentlik bosh direktori Agentlikning faoliyati toʻgʻrisida Vazirlar Mahkamasiga va Oʻzbekiston Respublikasi Prezidentiga muntazam ravishda hisobot beradi.

62. Vazirlar Mahkamasining mutasaddilik qiladigan kompleksi rahbari Agentlik bosh direktoriga yuklangan vazifalar samarali bajarilishi uchun uning faoliyati ustidan muntazam monitoring olib boradi, Agentlik faoliyati samaradorligiga xolisona baho beradi.

63. Monitoring va baholash yakunlari boʻyicha Agentlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.

64. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Oʻzbekiston Respublikasi Vazirlar Mahkamasining “Alisher Navoiy nomidagi Oʻzbekiston Milliy kutubxonasi faoliyatini tashkil etish va “Maʼrifat markazi” binosidan samarali foydalanishni taʼminlash toʻgʻrisida” 2011-yil 14-noyabrdagi 302-son qarori 6-bandining “b” kichik bandi (Oʻzbekiston Respublikasi QT, 2011-y., 11-son, 88-modda) quyidagi tahrirda bayon qilinsin:

“b) Milliy kutubxonaga Oʻzbekiston matbuot va axborot agentligining bosh direktori tomonidan lavozimga tayinlanadigan va lavozimdan ozod etiladigan direktor boshchilik qiladi”.

2. Vazirlar Mahkamasining 2012-yil 4-apreldagi 98-son qarori (Oʻzbekiston Respublikasi QT, 2011-y., 4-son, 22-modda) bilan tasdiqlangan Alisher Navoiy nomidagi Oʻzbekiston Milliy kutubxonasi — axborot resurs markazi toʻgʻrisidagi nizomda:

a) 3-band quyidagi tahrirda bayon qilinsin:

“3. Milliy kutubxona Oʻzbekiston matbuot va axborot agentligi tarkibiga kiradi”.

b) 13-banddagi “Oʻzbekiston Respublikasi Vazirlar Mahkamasi” soʻzlari “Oʻzbekiston matbuot va axborot agentligining bosh direktori” soʻzlari bilan almashtirilsin.

v) 14-bandning beshinchi xatboshidagi “Oʻzbekiston Respublikasi Vazirlar Mahkamasi” soʻzlari “Oʻzbekiston matbuot va axborot agentligining bosh direktori” soʻzlari bilan almashtirilsin.

1. Vazirlar Mahkamasining “Bolalar va oʻsmirlar nashrlarining moliyaviy taʼminotini davlat tasarrufiga olish toʻgʻrisida” 1995-yil 14-fevraldagi 50-son qarori.

2. Vazirlar Mahkamasining “Oʻzbekiston matbuot va axborot agentligi faoliyatini yanada takomillashtirish toʻgʻrisida” 2004-yil 11-iyundagi 274-son qarori (Oʻzbekiston Respublikasi QT, 2004-y., 6-son, 56-modda).

3. Vazirlar Mahkamasining “Matbuot, axborot tizimlari va telekommunikatsiya sohasidagi boshqaruv tizimini takomillashtirish toʻgʻrisida” 2005-yil 16-avgustdagi 200-son qarorining 1-bandi (Oʻzbekiston Respublikasi QT, 2005-y., 8-son, 46-modda), shuningdek, qarorga 6-ilovaning 5-bandi.

4. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga (Oʻzbekiston Respublikasi QT, 2010-y., 6-son, 27-modda) ilovaning 42-bandi.