Oʻzbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yoʻnalishlari toʻgʻrisida” 2003-yil 6-maydagi PF-3240-son Farmonini bajarish yuzasidan hamda bozor munosabatlarini rivojlantirish, qurilishda narxlarni shakllantirish mexanizmini takomillashtirish, investitsiya jarayoni barcha qatnashchilarining pirovard natijalar, investitsiya loyihalarini amalga oshirish samaradorligi uchun javobgarligini oshirish maqsadida Vazirlar Mahkamasi qaror qiladi:

1. Quyidagilar:

Obyektlarni qurish qiymatini shartnomaviy joriy narxlarda belgilash tartibi toʻgʻrisidagi Vaqtinchalik nizom 1-ilovaga muvofiq;

Obyektlar qurilishining ikkinchi va keyingi yillarida shartnomaviy joriy narxlarda qurilish shartnomaviy qiymatini aniqlashtirish tartibi toʻgʻrisidagi Vaqtinchalik nizom 2-ilovaga muvofiq tasdiqlansin.

Oʻzbekiston Respublikasi Moliya vazirligi, Iqtisodiyot vazirligi, “Davarxitektqurilish” qoʻmitasi 2003-yil yakunlari boʻyicha mazkur nizomlarga zarur oʻzgartirish va qoʻshimchalar toʻgʻrisida Vazirlar Mahkamasiga takliflar kiritsinlar.

2. Oʻzbekiston Respublikasi Moliya vazirligi, Iqtisodiyot vazirligi, “Davarxitektqurilish” qoʻmitasi markazlashtirilgan kapital qoʻyilmalar hisobiga moliyalashtiriladigan obyektlar qurilishida narxlarning sunʼiy ravishda oshib ketishiga yoʻl qoʻymagan holda ularning shakllantirilishi ustidan doimiy nazorat oʻrnatsinlar.

3. Belgilab qoʻyilsinki, qurilishning titul roʻyxati:

birinchi moliyaviy yilda kapital qoʻyilmalar hajmlari va ularni sarflash yoʻnalishlari koʻrsatilgan, qurilishning ikkinchi va keyingi yillari uchun ular aniqlashtirilgan holda qurilishning barcha davriga tuziladi hamda investitsiya loyihasining asosiy texnik-iqtisodiy koʻrsatkichlarini aks ettiradi;

qurilishlarning Oʻzbekiston Respublikasi Iqtisodiyot vazirligi va Moliya vazirligi bilan kelishilgan aniq roʻyxati, oʻtkazilgan tanlov savdolari (tenderlar) va tuzilgan shartnomalar shartlari asosida qurilishning har bir yakka tartibdagi obyekti boʻyicha investor (buyurtmachi) tomonidan tuziladi va tasdiqlanadi;

obyekt qurilishining unda tasdiqlangan qiymati doirasida kreditlash uchun asos hisoblanadi.

4. Obyektlar qurilishi uchun joriy narxlarni asoslangan holda belgilash uchun Oʻzbekiston Respublikasi Milliy statistika qoʻmitasi hamda Kambagʻallikni qisqartirish va bandlik vazirligi Qurilish va uy-joy kommunal xoʻjaligi vazirligining Narxlarni shakllantirish mintaqaviy markazlariga ularning soʻrovlariga koʻra mintaqalar boʻyicha “qurilish” tarmogʻida oʻrtacha ish haqining vujudga kelgan miqdorlari toʻgʻrisida maʼlumotlar taqdim etsinlar.

5. Oʻzbekiston Respublikasi Davlat arxitektura va qurilish qoʻmitasi kapital qurilishda narxlarni shakllantirishning smeta-normativ bazasini takomillashtirish va yangilashga doir chora-tadbirlar dasturini uch oy muddatda ishlab chiqsin va Vazirlar Mahkamasiga taqdim etsin.

6. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin hamda ayrimlariga oʻzgartirish va qoʻshimchalar kiritilsin.

7. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga Oʻzbekiston Respublikasining qonun hujjatlariga mazkur qarordan kelib chiquvchi oʻzgartirish va qoʻshimchalar toʻgʻrisida takliflar kiritsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov va Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Mazkur Nizom markazlashtirilgan manbalar (davlat kapital qoʻyilmalari) hisobiga qurilayotgan qurilish obyektlarining shartnomaviy joriy narxlardagi qiymatini aniqlash tartibini belgilab beradi.

2. Obyekt qurilishi boʻyicha ishlar va xizmatlarning joriy narxlardagi shartnomaviy qiymati tanlov savdolari (tender) natijalari boʻyicha shakllantiriladi.

3. Tanlov savdolari (tender)ni tashkil etish va oʻtkazish maqsadida obyekt qurilishi qiymati resurslarga xarajatlarni prognozlashtirilayotgan joriy narxlar va tariflarda kalkulyatsiya qilishga asoslangan resurs usuli boʻyicha hisoblab chiqiladi.

Bunda yangidan qurilayotgan, markazlashtirilgan manbalar (davlat kapital mablagʻlari) hisobiga moliyalashtirilayotgan obyektlar boʻyicha bazaviy narxlardagi smeta hujjatlari tuzilmaydi, resurslar smetalari chiqarish tartibi saqlanib qoladi.

4. Obyekt qurilishining mazkur Nizomga muvofiq buyurtmachi tomonidan aniqlangan boshlangʻich qiymati tanlov savdolari (tenderlar) oʻtkazishda yoʻnalish hisoblanadi va pudrat shartnomasi (kontrakt) tuzish uchun asos boʻlib xizmat qilmaydi.

5. Tanlov savdolari boshlangʻich qiymatni oshkor qilmasdan oʻtkazilgan taqdirda u tanlov savdolari (tender)ning ikkinchi bosqichigacha maxfiy axborot hisoblanadi.

6. Tanlov savdolari (tender)da ishtirok etayotgan pudratchi tashkilotlar tanlov taklifi narxini mazkur Nizomning 10-bandida nazarda tutilgan tartibda va pudrat ishlari bozori konyunkturasidan, shu jumladan ish haqiga xarajatlarni aniqlash imkoniyatidan, korxonada shakllangan mehnatga haq toʻlash shartlari va shaklidan kelib chiqqan holda mustaqil ravishda aniqlaydilar.

7. Talabgorning tanlov taklifi (oferta)da koʻrsatilgan narxi maxfiy axborot hisoblanadi va tanlov savdolari (tender)ning ikkinchi bosqichigacha oshkor qilinmaydi.

8. Obyekt qurilishi boshlangʻich qiymatini va talabgor narxini belgilangan davrgacha oshkor etishda aybdor boʻlgan shaxslar Oʻzbekiston Respublikasi qonunchiligiga muvofiq javob beradilar.

9. Obyekt qurilishining shartnomaviy joriy narxi talabgorlarning tanlovdagi narx boʻyicha takliflaridan maqbul narxni tanlash asosida, buyurtmachining boshlangʻich narxini va tanlov hujjatlari shartlarini hisobga olgan holda belgilanadi.

10. “Resurs usuli”ni qoʻllashda fizik koʻrsatkichlardagi:

asbob-uskunalar nomlari va miqdori;

normativ mehnat sarfi;

mashina va mexanizmlardan foydalanish xarajatlari;

qurilish materiallari, buyumlar va konstruksiyalar nomlari va miqdori;

boshqa xarajatlar va sarflar aniqlanadi.

11. “Resurs usuli” boʻyicha obyektning joriy narxlardagi qiymati quyidagi formula boʻyicha aniqlanadi:

So — asbob-uskunalarga, mebel va inventarga xarajatlar;

Sm — qurilish materiallari, buyumlar va konstruksiyalarga xarajatlar;

Szp — ijtimoiy sugʻurtaga ajratmalar hisobga olingan holda asosiy ish haqiga xarajatlar;

Sem — mashina va mexanizmlardan foydalanish xarajatlari;

Pp — boshqa xarajatlar va pudratchining xarajatlari;

Pz — boshqa xarajatlar va buyurtmachining xarajatlari;

Sr — obyektlar qurilishini sugʻurta qilish xarajatlari;

Kr — navbatdagi yilda qurilishda narx oʻsishining prognozlashtirilayotgan indeksidan kelib chiqib aniqlanadigan tavakkalchilik koeffitsiyenti.

12. Asbob-uskunalar, mebel va inventarga xarajatlar transport xarajatlarini hisobga olgan holda ishlab chiqaruvchi korxonalar (yetkazib beruvchilar)ning narxlari qoʻllanilgan holda spetsifikatsiyalar asosida yoki narxlar monitoringi asosida shakllantiriladigan maʼlumotlar banki boʻyicha aniqlanadi.

13. Qurilish materiallari, buyumlar va konstruksiyalarga xarajatlar mazkur mintaqada shakllangan birlikka oʻrtacha narxlar qoʻllanilgan holda tender hujjatlari tarkibida ishlab chiqiladigan Yigʻma resurs hisob-kitobiga muvofiq amaldagi koʻrsatkichlar asosida quyidagi formula boʻyicha aniqlanadi:

Sm1, Sm2, Sm3, Smn — qurilish materiallari va konstruksiyalarning ayrim turlari qiymati:

N — obyekt qurilishi uchun talab qilinadigan qurilish materiali (buyum, konstruksiya)ning alohida turi miqdori;

Ssr – qurilish materiali (buyum, konstruksiya) birligiga oʻrtacha narx.

Har xil qurilish materiallari (buyumlar, konstruksiyalar)ning oʻrtacha qiymati tayyorlovchi zavodlarning ulgurji sotish narxlari, qurilish materiallari birjalari va yarmarkalaridagi narxlar, “Davarxitektqurilish” qoʻmitasi tomonidan chiqariladigan kataloglar, “Davarxitektqurilish” qoʻmitasining narx belgilash boʻyicha mintaqaviy markazlari maʼlumotlari asosida aniqlanadi.

Qonunchilik normalariga muvofiq belgilangan qurilish materiallari (buyumlar, konstruksiyalar) narxlari tayyorlovchi zavodlarning ulgurji narxlarini, idishlarga xarajatlarni, transport xarajatlarini, taʼminot-sotish tashkilotlarining ustama narxlarini oʻz ichiga oladi.

Transport xarajatlarini “Davarxitektqurilish” qoʻmitasi tomonidan ishlab chiqilgan Yuklarni qurilish uchun tashishga hisob-kitob joriy narxlarini aniqlash boʻyicha metodik tavsiyalar asosida hisoblab chiqish tavsiya qilinadi.

14. Ish haqi xarajatlari obyektning normativ mehnat sarfini bir kishi-soatning joriy qiymatiga (soʻmlarda) va ijtimoiy sugʻurtaga ajratmalar miqdorini hisobga oluvchi koeffitsiyentga koʻpaytirish yoʻli bilan quyidagi formula boʻyicha aniqlanadi:

T – tender hujjatlari tarkibida yoki ishga tushirilgan obyektlarga oʻxshash kishi-soatlarda aniqlanadigan obyekt qurilishining normativ mehnat sarfi;

Sch — ishchilarning oʻrtacha soatlik ish haqi, obyekt qurilishi qiymatini hisoblab chiqishda mintaqa boʻyicha quruvchilarning oʻrtacha statistik oylik ish haqi darajasidan kelib chiqib hisoblab chiqiladi;

Kss — ijtimoiy sugʻurtaga ajratmalar miqdorini hisobga oluvchi koeffitsiyent.

Oʻrtacha soatlik ish haqi quyidagi formula boʻyicha hisoblab chiqiladi:

Zms — oldingi 12 oy uchun statistika maʼlumotlari asosida bir oy uchun hisoblab chiqilgan mintaqa boʻyicha quruvchilarning oʻrtacha yillik ish haqi, oyiga soʻm;

F — Oʻzbekiston Respublikasi Mehnat va aholini ijtimoiy muhofaza qilish vazirligi maʼlumotlari boʻyicha soatlarda ish vaqtining oʻrtacha oylik fondi.

15. Obyekt qurilishi qiymatini aniqlashda mashina va mexanizmlardan foydalanish xarajatlari qiymati joriy narxlarda quyidagi formula boʻyicha qabul qilinadi:

EM — mashina va mexanizmlardan foydalanishning soatlardagi hajmi;

Spr — mashina va mexanizmlardan foydalanishning soat/soʻmlardagi joriy narxlari.

Mashina va mexanizmlardan foydalanishning joriy narxlarini “Davarxitektqurilish” qoʻmitasining metodik tavsiyalari asosida aniqlash tavsiya qilinadi.

16. Pudratchining boshqa xarajatlari (Pp) zarur foydadan, shu jumladan pudrat ishlari (xizmatlar) bozori konyunkturasidan kelib chiqib shakllantiriladigan majburiy toʻlovlar va ajratmalardan iborat boʻladi.

17. Buyurtmachining boshqa xarajatlari va sarflari (Pz) loyiha-qidiruv ishlari, ekspertiza, tanlov savdolari (tender) oʻtkazish, texnik nazorat xarajatlaridan, obyekt qurilishi bilan bogʻliq boshqa xarajatlardan iborat boʻladi.

18. Buyurtmachi obyekt qurilishi qiymati tarkibida obyekt qurilishini tashkil etish, unga xizmat koʻrsatish, kuzatib borish, qurilishi tugallangan obyektni foydalanishga qabul qilib olish bilan bogʻliq boshqa xarajatlarni ham hisobga olishi kerak.

19. Buyurtmachining boshqa xarajatlari obyekt qurilishi qiymatini shakllantirishda belgilangan miqdorlarda obyektning shartnomaviy qiymatiga kiritiladi.

20. Oʻzbekiston Respublikasi Moliya vazirligi, Iqtisodiyot vazirligi, “Davarxitektqurilish” qoʻmitasi markazlashtirilgan manbalar (davlat kapital qoʻyilmalari) hisobiga moliyalashtiriladigan obyektlar qurilishining boshlangʻich narxlari shakllantirilishi boʻyicha doimiy monitoringni amalga oshiradilar.

21. Obyekt qurilishi muddati bir kalendar yildan ortiq boʻlganda ikkinchi yilga va keyingi yillarga shartnomaviy narx Obyektlar qurilishining ikkinchi va keyingi yillarida shartnomaviy joriy narxlarda qurilish shartnomaviy qiymatini aniqlashtirish tartibi toʻgʻrisidagi Vaqtinchalik nizomga muvofiq aniqlanadi.

1. Mazkur Nizom tanlov savdolari (tender) natijasida joriy narxlarda tuzilgan pudrat shartnomalari (kontrakt) boʻyicha markazlashtirilgan manbalar (davlat kapital qoʻyilmalari) hisobiga qurilayotgan qurilish obyektlarining ikkinchi va keyingi yillar uchun shartnomaviy joriy narxlarini aniqlashtirish tartibini nazarda tutadi.

2. Tanlov savdolari (tender) natijalari boʻyicha tuzilgan obyektning qurilishini amalga oshirish pudrat shartnomasiga (kontraktga), ish hajmlari bosqichlar va bajarish muddatlari boʻyicha boʻlingan holda, ishlarni amalga oshirish jadvali ilova qilinadi.

Har yili hisobot yili tugashi bilan buyurtmachi tomonidan pudratchi tashkilot bilan birgalikda prognoz qilinayotgan yil va keyingi yillar uchun bajarilayotgan ishlarning (xizmatlarning) kontrakt boʻyicha qoldiq qiymati aniqlanadi.

Qurilishning titul roʻyxatini shakllantirish va kapital qoʻyilmalarning obyektlar boʻyicha limitlarini aniqlash mazkur Nizomga muvofiq shartnomalarda belgilangan obyekt qurilishining davom etish muddatlari va qiymatiga qatʼiy muvofiq boʻlishi zarur.

Ikkinchi va keyingi yillar uchun qurilishning titul roʻyxatlariga oʻzgartirishlar pudrat shartnomasi (kontrakt) asosida kiritiladi.

3. Narx omillari boʻyicha indeksatsiya qilinishi lozim boʻlgan ikkinchi yil uchun pudrat ishlari (xizmatlar) qiymati buyurtmachilar va pudratchi tashkilotlar tomonidan quyidagi formula boʻyicha aniqlanadi:

O₂ – ikkinchi yil uchun pudrat ishlari qiymati;

C – tanlov savdolari (tender) natijasida aniqlangan obyektning joriy narxlardagi qiymati;

O₁ – ishlarni bajarish jadvaliga muvofiq qurilishning birinchi yilidagi pudrat ishlari hajmining joriy narxlardagi qiymati;

Pp – ishlarni bajarish jadvaliga muvofiq keyingi yillar uchun ishlar qiymati;

N₁ – buyurtmachining oldindan berilgan avansi;

K₁ – pudrat shartnomasi (kontrakt) tuzilgan vaqtda belgilangan obyekt qiymatiga nisbatan hisoblab chiqiladigan obyekt qurilishining ikkinchi yili uchun shartnomaviy narx oʻzgarishini hisobga oluvchi koeffitsiyent.

Narx omillari boʻyicha indeksatsiya qilinishi lozim boʻlgan uchinchi yil uchun pudrat ishlari (xizmatlar) qiymati buyurtmachilar va pudratchi tashkilotlar tomonidan quyidagi formula boʻyicha aniqlanadi:

O₃ – uchinchi yil uchun pudrat ishlari qiymati;

C – obyektning tanlov savdolari (tender) natijalari boʻyicha aniqlangan joriy narxlardagi qiymati;

O₁ va O₂ – ishlarni bajarish jadvaliga muvofiq qurilishning birinchi va ikkinchi yillari uchun pudrat ishlari hajmining joriy narxlardagi qiymati;

Pp – ishlarni bajarish jadvaliga muvofiq keyingi yillar uchun ishlar qiymati;

N₂ – qurilishning ikkinchi yilida buyurtmachining oldindan berilgan avansi;

K₂ – pudrat shartnomasi (kontrakt) tuzilgan vaqtda belgilangan obyektning qiymatiga nisbatan hisoblab chiqiladigan obyekt qurilishining uchinchi yili uchun shartnomaviy narx oʻzgarishini hisobga oluvchi koeffitsiyent.

Qurilishning keyingi yillari uchun obyekt qurilish qiymati ham shu tartibda aniqlanadi.

4. K koeffitsiyentni — qurilishning ikkinchi yili (va keyingi yillari) uchun shartnomaviy narx oʻzgarishini aniqlash buyurtmachi va pudratchi bilan birgalikda quyidagi asosiy narx shakllantiruvchi komponentlar asosida aniqlanadi:

a) mehnat xarajatlari (mehnatga haq toʻlashning eng kam miqdorining oʻzgarishi);

b) elektr energiyasi (“Oʻzbekenergo” kompaniyasi);

v) yonilgʻi-moylash materiallari (“Oʻzbekneftgaz” kompaniyasi);

g) metall (“Oʻzmetkombinat” birlashmasi);

d) sement (sement zavodlari);

e) qum (zavod-karyerlar);

j) yigʻma temir-beton buyumlari (tayyorlovchi zavodlar);

z) yogʻoch-taxta materiallar (birja narxlari);

i) gʻisht (tayyorlovchi zavodlar) va boshqa komponentlar.

Bunda komponentlar va asosiy qurilish materiallarining turlari har bir muayyan obyekt boʻyicha, pudrat shartnomasi (kontrakt) tuzilgan paytdagi obyektni qurish qiymatining kamida 70 foizini tashkil etadigan asosiy narx shakllantiruvchi komponentlarni hisobga olgan holda tanlanadi.

5. Mazkur Nizomga muvofiq aniqlangan pudrat ishlari (xizmatlar) qiymati ushbu qurilish obyekti boʻyicha tanlov savdolari (tender) oʻtkazgan tanlov komissiyasi tomonidan koʻrib chiqiladi va tasdiqlanadi.

6. Oʻzbekiston Respublikasi Moliya vazirligi, Iqtisodiyot vazirligi, “Davarxitektqurilish” qoʻmitasi obyektlar markazlashtirilgan manbalar (davlat kapital qoʻyilmalari) hisobiga qurilganda ikkinchi yilga (va keyingi yillarga) qurilishning shartnomaviy joriy narxi aniqlashtirilishi ustidan doimiy monitoringni amalga oshiradilar.

7. Mazkur Nizomga rioya etilishi va obyekt qurilishining keyingi yillari uchun shartnomaviy narxlar toʻgʻri aniqlanishi uchun javobgarlik qonunchilikka muvofiq pudrat shartnomasi (kontrakt) tuzgan buyurtmachi bilan pudratchi tashkilotlar zimmasiga yuklanadi.

Oʻzaro hisob-kitob qilishda narxni shakllantiruvchi asosiy omillar va boshqa hisoblab chiqiladigan koʻrsatkichlar asossiz qoʻllanilishi natijasida ikkinchi yilga va keyingi yillarga obyektlar qurilishi qiymati oshirib yuborilishi hollari aniqlangan taqdirda oshirib yuborilgan summa qonunchilikda belgilangan tartibda respublika budjetida tiklanadi.

2. Vazirlar Mahkamasining “Kapital qurilishda iqtisodiy islohotlarni chuqurlashtirish chora-tadbirlari toʻgʻrisida” 1998-yil 3-sentabrdagi 375-son qaroriga 8-ilova.

1. Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi Nizomning (Oʻzbekiston Respublikasi QT, 1999-y., 2-son, 9-modda) “Ishlab chiqarish tusidagi boshqa xarajatlar” 1.5-kichik boʻlimiga quyidagi mazmundagi 1.5.10-band qoʻshilsin:

“1.5.10. Obyektlarni davlat kapital qoʻyilmalari hisobiga qurishda qurilish tavakkalchiliklarini sugʻurta qilish bilan bogʻliq xarajatlar”.

2. Vazirlar Mahkamasining 1999-yil 20-dekabrdagi 532-son qarori bilan tasdiqlangan Obyektlarni davlat mablagʻlari va Hukumat kafolati ostidagi kreditlar hisobiga barpo etishda qurilish tavakkalchiliklarini majburiy sugʻurta qilish toʻgʻrisidagi Nizomning (Oʻzbekiston Respublikasi QT, 1999-y., 12-son, 70-modda) I boʻlimiga quyidagi mazmundagi 6-1-band qoʻshilsin:

“6-1. Obyektlarni davlat kapital qoʻyilmalari hisobiga barpo etishda qurilish tavakkalchiliklarini sugʻurta qilish qurilish tavakkalchiliklarini majburiy sugʻurta qilish xarajatlarini obyekt qurilishining umumiy qiymatiga kiritgan holda amalga oshiriladi”.

3. Vazirlar Mahkamasining “Kapital qurilishda iqtisodiy islohotlarni chuqurlashtirishga doir qoʻshimcha chora-tadbirlar toʻgʻrisida” 2000-yil 5-avgustdagi 305-son qarorida (Oʻzbekiston Respublikasi QT, 2000-y., 8-son, 48-modda):

5-bandga quyidagi mazmundagi ikkinchi xatboshi qoʻshilsin:

“Mazkur band birinchi xatboshining amal qilishi ular boʻyicha shartnomalar (kontraktlar) tanlov savdolari (tenderlar) natijalariga koʻra tuzilgan qurilish obyektlariga tatbiq etilmaydi”;

qarorga 4-ilova (Obyektlar qurilishini loyihalash hujjatlarini ishlab chiqish bilan ayni bir vaqtda amalga oshirish tartibi toʻgʻrisidagi Nizom)ning 15-bandi oʻz kuchini yoʻqotgan deb hisoblansin.