Ўзбекистон Республикасининг «Жисмоний тарбия ва спорт тўғрисида»ги Қонуни ва Ўзбекистон Республикаси Вазирлар Маҳкамасининг 2025 йил 7 августдаги 500-сон «Жисмоний тарбия-спорт ташкилотларининг тренер-ўқитувчилари ва йўриқчи-услубчилари ҳамда спорт ҳакамларига малака тоифаларини бериш тизимини такомиллаштириш чора-тадбирлари тўғрисида»ги қарорига мувофиқ буюраман:

1. Ўзбекистон Республикаси Жисмоний тарбия ва спорт давлат қўмитасининг 2017 йил 2 октябрдаги 10-мҳ-сон «Спорт ҳакамлари ва уларнинг малака тоифаларини бериш тартиби тўғрисидаги низомни тасдиқлаш ҳақида»ги қарорга (рўйхат рақами 2942, 2017 йил 27 октябрь) (Қонун ҳужжатлари маълумотлари миллий базаси, 27.10.2017 й., 10/17/2942/0182-сон) иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Мудофаа вазирлиги, Ички ишлар вазирлиги ҳамда Ўзбекистон Мудофаасига кўмаклашувчи «Ватанпарвар» ташкилоти Марказий Кенгаши билан келишилган.

3. Мазкур буйруқ расмий эълон қилинган кундан эътиборан кучга киради.

1. Қарорда:

а) номи қуйидаги таҳрирда баён этилсин:

б) 1-банд қуйидаги таҳрирда баён этилсин:

«1. Спорт ҳакамлари ва уларни спорт ҳакамлигидан четлаштириш тартиби тўғрисидаги низом иловага мувофиқ тасдиқлансин.».

2. Низомда:

а) номи қуйидаги таҳрирда баён этилсин:

б) муқаддима қуйидаги таҳрирда баён этилсин:

«Мазкур Низом спорт ҳакамларининг вазифалари, ҳуқуқ ва мажбуриятлари ҳамда уларни спорт ҳакамлигидан четлаштириш тартибини белгилайди.»;

в) 1-банд қуйидаги таҳрирда баён этилсин:

«1. Мазкур Низомда қуйидаги асосий тушунчалардан фойдаланилади:

ваколатли орган — Ўзбекистон Республикаси Спорт вазирлиги;

спорт ҳаками — спорт тури қоидаларига ва спорт мусобақаси тўғрисидаги низомга (регламентга) риоя этилишини таъминлаш учун ваколат берилган жисмоний шахс спорт ҳакамидир.»;

г) 2-банд ўз кучини йўқотган деб топилсин;

д) 4-банд қуйидаги таҳрирда баён этилсин:

«4. Спорт ҳаками қуйидаги ҳуқуқларга эга:

спорт мусобақаларида ҳакамлик қилиш;

спорт мусобақаларида ҳакамлик қилганлик учун ҳақ (даромад) олиш;

жамоат бирлашмаларига бирлашиш;

спорт мусобақасида ҳакамлик қилишда спорт мусобақаси ташкилотчисидан тегишли шарт-шароитлар яратилишини талаб қилиш.

Спорт ҳаками қонунчилик ҳужжатларида белгиланган бошқа ҳуқуқларга ҳам эга бўлиши мумкин.»;

е) 5-банд қуйидаги таҳрирда баён этилсин:

«5. Спорт ҳаками:

халқаро спорт ташкилотлари томонидан тасдиқланган қоидаларни (регламентларни, низомларни), спорт тури қоидаларини ҳамда спорт мусобақалари қоидаларини (низомларини, регламентларини) билиши ва уларнинг талабларига қатъий риоя этиши;

юксак маданиятни ва ҳамжиҳатликни намуна қилиб кўрсатиши, шунингдек қўполлик, тартибсизликнинг, иштирокчилар (спортчилар, тренерлар, вакиллар, томошабинлар) томонидан спорт турлари қоидалари бузилишининг олдини олиш чораларини кўриши шарт.

Спорт ҳакамига қонунчилик ҳужжатларида бошқа мажбуриятлар ҳам белгиланиши мумкин.»;

ё) 6-бандда:

учинчи хатбошиси қуйидаги таҳрирда баён этилсин:

«ваколатли орган томонидан йилнинг энг яхши спорт ҳаками сифатида тан олиниши мумкин.»;

тўртинчи хатбошиси ўз кучини йўқотган деб топилсин;

ж) 3, 4 ва 6-боблар ўз кучини йўқотган деб топилсин;

з) Илова ўз кучини йўқотган деб топилсин.