400-сон 30.06.2025. Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida

Oʻzbekiston Respublikasining “Normativ-huquqiy hujjatlar toʻgʻrisida”gi Qonuni 18-moddasiga muvofiq, shuningdek, qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 30-iyun,

400-son

Vazirlar Mahkamasining 2025-yil 30-iyundagi 400-son qaroriga
ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida:

a) 1-ilovada:

4 va 5-pozitsiyalar quyidagi tahrirda bayon etilsin:

“
4.	Bolalar musiqa va sanʼat maktabi, ixtisoslashtirilgan sanʼat va madaniyat maktabi hamda maktab-internati oʻqituvchisi	3,396	3,178	2,961	2,753	2,552
5.	Bolalar musiqa va sanʼat maktabi, ixtisoslashtirilgan sanʼat va madaniyat maktabi hamda maktab-internati konsertmeysteri	2,961	2,753	2,552	2,361	2,179
						”;

b) 2-ilovada:

1.8-pozitsiya quyidagi tahrirda bayon etilsin:

“
1.8	Bolalar musiqa va sanʼat maktabi direktori	4,074	3,814	x	x
					”;

2.7-pozitsiya quyidagi tahrirda bayon etilsin:

“
2.7	Bolalar musiqa va sanʼat maktabi direktorining oʻquv-maʼrifiy ishlar boʻyicha oʻrinbosari	3,814	3,554	x	x
					”;

quyidagi mazmundagi 2.10-band bilan toʻldirilsin:

“
2.10	Bolalar musiqa va sanʼat maktabi direktorining xoʻjalik ishlari boʻyicha oʻrinbosari	2,178	2,011	1,849	1,695
					”.

2. Vazirlar Mahkamasining 2013-yil 31-iyuldagi 213-son qarori bilan tasdiqlangan Avtomototransport vositalarini doimiy va vaqtincha saqlash joylarini tashkil etish va ulardan foydalanish tartibi toʻgʻrisidagi nizomning 10-bandi beshinchi xatboshisi quyidagi tahrirda bayon etilsin:

“avtomototransport vositalarining erkin kirishi (chiqishi)ni istisno etuvchi maxsus xotira bilan jihozlangan elektron shlagbaumning (yoki boshqa qurilma) mavjudligi va ular soliq organlarining axborot tizimiga integratsiya qilingan boʻlishi”.

3. Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat koʻchmas mulk obyektlarini sotish tartibi toʻgʻrisidagi nizom quyidagi mazmundagi XII¹ boʻlim bilan toʻldirilsin:

“XII¹. Savdolarda sotilmagan mahalliy ijro etuvchi hokimiyat organlariga tegishli boʻlgan munitsipal koʻchmas mulk obyektlarini tasarruf etish

101¹. Hududi oʻn ming kvadrat metrdan, baholangan qiymati bazaviy hisoblash miqdorining besh ming baravari miqdoridan oshmagan hamda olti oy davomida sotilmagan mahalliy ijro etuvchi hokimiyat organlariga tegishli boʻlgan munitsipal koʻchmas mulk obyektlari (Nukus shahri, viloyatlar va tuman (shahar) markazlari hamda Toshkent shahri tumanlari bundan mustasno) ikki yil ichida ishlab chiqarish, xizmat koʻrsatish va servis sohalarida yangi loyihalarni ishga tushirish va yangi ish oʻrinlarini yaratish sharti bilan ijara toʻlovining eng kam stavkalari asosida tadbirkorlik subyektlariga toʻgʻridan-toʻgʻri oʻn yil muddatga ijaraga beriladi.

Bunda ishlab chiqarish, xizmat koʻrsatish va servis sohalarida yangi loyihalarni ishga tushirish va yangi ish oʻrinlarini yaratish shartlari Qoraqalpogʻiston Respublikasi Vazirlar Kengashi, viloyatlar hamda tuman (shahar) hokimliklari tomonidan belgilanadi hamda ushbu shartlar ijara shartnomasida nazarda tutiladi.

101². Ushbu Nizomning 101¹-bandida belgilangan munitsipal koʻchmas mulk obyektlari (keyingi oʻrinlarda — munitsipal mulk) boʻyicha ijaraga oluvchi shaxs (keyingi oʻrinlarda — ijarachi) tomonidan toʻrt yil davomida uzluksiz ijara toʻlovlarini toʻlagan va ijara shartnomasi shartlarini toʻliq bajargan taqdirda, ushbu mulkni toʻgʻridan-toʻgʻri sotib olish yuzasidan sotuvchiga ijara shartnomasini ilova qilgan holda ariza bilan murojaat qilishga haqli.

Sotuvchi bir kun muddatda arizaga muvofiq taqdim etilgan ijara shartnomasi shartlari bajarilganligini aniqlash maqsadida Davlat mulki obyektlaridan samarali foydalanish markazining (keyingi oʻrinlarda — Markaz) tegishli hududiy boshqarmasiga soʻrov yuboradi.

Sotuvchidan tegishli soʻrov kelib tushgandan soʻng bir kun muddatda Markazning hududiy boshqarmasi ijarachi tomonidan:

ikki yil ichida ishlab chiqarish, xizmat koʻrsatish va servis sohalarida yangi loyihani amalga oshirilgani yuzasidan — tegishli tuman (shahar) hokimliklariga;

yangi ish oʻrinlari yaratilgani yuzasidan — tuman (shahar) kambagʻallikni qisqartirish va bandlikka koʻmaklashish boʻlimlariga soʻrov yuboradi.

Tuman (shahar) hokimliklari hamda kambagʻallikni qisqartirish va bandlikka koʻmaklashish boʻlimlari tomonidan uch kun muddatda tegishli maʼlumotlar Markazga taqdim etiladi.

Tegishli maʼlumotlar Markazga taqdim etilgandan soʻng bir kun muddatda ijarachi tomonidan amalga oshirilgan investitsiya loyihasi, yaratilgan yangi ish oʻrinlari va ijara toʻlovlari toʻgʻrisidagi maʼlumotlarni Sotuvchiga taqdim etadi.

Sotuvchi taqdim etilgan maʼlumotlar asosida uch kun muddatda ijarachining arizani qanoatlantirish yoki uni rad etish toʻgʻrisida yozma ravishda (shaxsan tilxat orqali yoki pochtadan topshirilgani maʼlum qilinadigan, shu jumladan, elektron pochtadan buyurtma xat orqali) xabardor qiladi.

Bunda ijara shartnomasida belgilangan shartlar bajarilmagani arizani qanoatlantirishni rad etish uchun asos boʻladi.

101³. Ijarachining arizasi qanoatlantirilgan taqdirda, munitsipal mulkni sotish ishlari ushbu Nizomning 29⁵-bandi hamda 29⁶-bandining ikkinchi va uchinchi xatboshilarida belgilangan tartibda amalga oshiriladi.

101⁴. Ijarachi munitsipal mulkni sotib olishni rad etgan yoki ijarachi xabardor qilingan kundan boshlab oʻn ish kunida Sotuvchining murojaatiga yozma ravishda javob bermagan yoxud oʻn ish kunida oldi-sotdi shartnomasini imzolamagan taqdirda, ijara shartnomasining muddati tugaganidan soʻng munitsipal mulk ushbu Nizomda belgilangan tartibda tasarruf etiladi”.

4. Vazirlar Mahkamasining 2017-yil 11-dekabrdagi 975-son qarori bilan tasdiqlangan Oʻzbekiston Respublikasi Davlat budjeti hisobidan moliyalashtiriladigan muzeylari, ularning filial va boʻlimlari roʻyxatining “Qoraqalpogʻiston Respublikasi budjeti, viloyatlar va Toshkent shahar mahalliy budjetlaridan moliyalashtiriladigan muzeylar” boʻlimining 18-pozitsiyasi quyidagi mazmundagi yettinchi xatboshi bilan toʻldirilsin:

“
Shohimardon tabiat muzeyi	Fargʻona tumani
	”.

5. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi toʻgʻrisidagi nizomni tasdiqlash haqida” 2018-yil 9-oktabrdagi 811-son qarorida:

a) nomidagi “Vazirlar Mahkamasi huzuridagi” soʻzlari chiqarib tashlansin;

b) 1-banddagi “Vazirlar Mahkamasi huzuridagi” soʻzlari chiqarib tashlansin;

v) ilovada:

nomidagi va 1-banddagi “Vazirlar Mahkamasi huzuridagi” soʻzlari chiqarib tashlansin;

2-bandda:

quyidagi mazmundagi toʻrtinchi va beshinchi xatboshilar bilan toʻldirilsin:

“noruda qurilish materiallari boʻyicha yer qaʼridan foydalanganlik uchun soliqdan tushadigan tushum summasining 3 foizi;

elektron onlayn-auksion savdolari orqali ijara huquqini sotishdan tushgan mablagʻlarning ijara huquqi davlat roʻyxatidan oʻtkazilganidan keyin operator xizmat haqi chegirilgan holda 5 foizi”;

toʻrtinchi — sakkizinchi xatboshilar tegishlicha oltinchi — oʻninchi xatboshilar deb hisoblansin;

12-bandning “b” kichik bandi oʻn birinchi xatboshisi “mehnatini muhofaza qilish” soʻzlaridan keyin “, mehnat taʼtillariga, foydalanilmagan mehnat taʼtili va ogohlantirish davri uchun pullik kompensatsiya, shuningdek vaqtinchalik mehnatga layoqatsizlik, homiladorlik va tugʻish hamda ishdan boʻshatish boʻyicha nafaqalarga haq toʻlash” soʻzlari bilan toʻldirilsin.

6. Vazirlar Mahkamasining “Davlat soliq xizmati organlari faoliyatini yanada takomillashtirish chora-tadbirlari toʻgʻrisida” 2019-yil 17-apreldagi 320-son qarorida:

a) 1-bandning ikkinchi va uchinchi xatboshilari quyidagi tahrirda bayon etilsin:

“Oʻzbekiston Respublikasi Soliq qoʻmitasi toʻgʻrisidagi nizom 1-ilovaga muvofiq;

Yirik soliq toʻlovchilar boʻyicha hududlararo soliq inspeksiyasi toʻgʻrisidagi nizom 2-ilovaga muvofiq”;

b) 1-ilovada:

nomi quyidagi tahrirda bayon etilsin:

“Oʻzbekiston Respublikasi Soliq qoʻmitasi toʻgʻrisida

NIZOM”;

1-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

5-band quyidagi tahrirda bayon etilsin:

“5. Qoʻmita, Qoraqalpogʻiston Respublikasi, viloyatlar va Toshkent shahar soliq boshqarmalari, tumanlar (shaharlar) soliq inspeksiyalari (keyingi oʻrinlarda — davlat soliq xizmatining hududiy organlari deb ataladi), Yirik soliq toʻlovchilar boʻyicha hududlararo soliq inspeksiyasi (keyingi oʻrinlarda — Hududlararo inspeksiya deb ataladi), shuningdek, Qoʻmita tizimiga kiradigan tashkilotlar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan hamda oʻz nomi davlat tilida yozilgan muhrga va blankalarga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻazna hisobvaraqlariga, bank hisobraqamlariga, shu jumladan, chet el valyutasidagi hisobvaraqlariga ega”;

7-band quyidagi tahrirda bayon etilsin:

“7. Qoʻmitaning rasmiy nomi:

a) davlat tilida:

toʻliq nomi — Oʻzbekiston Respublikasi Soliq qoʻmitasi, qisqartmasi — Soliq qoʻmitasi;

b) rus tilida:

toʻliq nomi — Nalogoviy komitet Respubliki Uzbekistan, qisqartmasi — Nalogoviy komitet;

v) ingliz tilida:

toʻliq nomi — Tax Committee of the Republic of Uzbekistan, qisqartmasi — Tax Committee”;

8-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

9-band quyidagi tahrirda bayon etilsin:

“9. Qoʻmita tuzilmasiga quyidagilar kiradi:

Qoʻmita markaziy apparati;

Qoraqalpogʻiston Respublikasi, viloyatlar va Toshkent shahar soliq boshqarmalari;

tumanlar (shaharlar) soliq inspeksiyalari;

Yirik soliq toʻlovchilar boʻyicha hududlararo soliq inspeksiyasi;

yuridik shaxs maqomiga ega boʻlgan tasarrufidagi tashkilotlari (keyingi oʻrinlarda — tasarrufidagi tashkilotlar deb ataladi):

“Soliq-servis” davlat unitar korxonasi;

“Yangi texnologiyalar” ilmiy-axborot markazi” davlat unitar korxonasi;

“Gʻazalkent sogʻlomlashtirish markazi” davlat muassasasi;

“Soliq maʼlumotlarini qayta ishlash markazi” davlat unitar korxonasi”;

11-bandda:

“v” kichik bandning sakkizinchi xatboshisi quyidagi tahrirda bayon etilsin:

“banklar tomonidan tegishli axborot taqdim etilishiga koʻra bank hisobvaraqlari boʻyicha olti oy mobaynida pul operatsiyalarini amalga oshirgan holda moliya-xoʻjalik faoliyatini yuritmayotgan, shuningdek, olti oy davomida elektron hisobvaraq-fakturalarni rasmiylashtirmagan, onlayn nazorat-kassa texnikalari, virtual kassa yoki marketpleys toʻlov tizimidan foydalanmagan, tashqi savdo operatsiyalarini amalga oshirmagan korxonalarni aniqlaydi”;

“d” kichik band quyidagi tahrirda bayon etilsin:

“d) mablagʻlarning gʻayriqonuniy aylanish manbalariga barham berish yuzasidan muntazam nazoratni taʼminlash sohasida:

savdo va xizmatlar koʻrsatishni tashkil etishning qonun hujjatlariga muvofiqligi, shu jumladan, nazorat-kassa texnikalarini, qonun hujjatlarida nazarda tutilgan hollarda esa onlayn nazorat-kassa texnikalari yoki virtual kassalarni, plastik kartochkalardan toʻlovlarni qabul qilib olish boʻyicha hisob-kitob terminallarini qoʻllash, alkogolli va tamaki mahsulotlarini sotish hamda markirovka qilish qoidalariga rioya etilishi yuzasidan nazoratni amalga oshiradi;

tadbirkorlik subyektlarida, shuningdek, bozorlar va savdo komplekslarida bir martalik yigʻimlar, bozorlar, savdo komplekslari va ularning filiallarida koʻrsatilgan xizmatlar uchun ijara toʻlovlarining oʻz vaqtida va toʻliq undirilishi, savdo va xizmat koʻrsatish qoidalari bajarilishi, naqd pul yoki plastik kartochkalar boʻyicha toʻlov shakliga qarab narxlarning sunʼiy ravishda oshirilishi yoki pasaytirilishi, nazorat-kassa texnikalarining yoki virtual kassalarning, toʻlov terminallarining qoʻllanilishi belgilangan tartibda talon va cheklarning berilishi boʻyicha belgilangan tartibda sayyor soliq tekshiruvlarini oʻtkazadi”;

“j” kichik bandning uchinchi xatboshisi “choralarni amalga oshiradi” soʻzlaridan keyin “shuningdek, zarur hollarda soliq toʻlovchilar oʻrtasida soʻrovnomalar oʻtkazadi” soʻzlari bilan toʻldirilsin;

“k” kichik bandning toʻrtinchi va beshinchi xatboshilaridagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

14-bandda:

12-kichik band quyidagi tahrirda bayon etilsin:

“12) savdo, tovarlar sotish va pulli xizmatlar koʻrsatish qoidalariga rioya etilishi, shuningdek, naqd pul yoki plastik kartochkalar boʻyicha toʻlov shakliga qarab narxlarni sunʼiy ravishda oshirish yoki pasaytirish, nazorat-kassa texnikalaridan, qonun hujjatlarida nazarda tutilgan hollarda esa onlayn nazorat-kassa texnikalari yoki virtual kassalardan, hisob-kitob terminallaridan foydalanish, belgilangan tartibda talonlar va cheklarni berish masalalari yuzasidan tekshiruvlarni belgilangan tartibga muvofiq oʻtkazish”;

31-kichik band quyidagi tahrirda bayon etilsin:

“31) soliq toʻlovchi soliq hisoboti taqdim etilgan sanadan eʼtiboran oʻn kun mobaynida yozma ariza bermagan taqdirda, soliqlar va yigʻimlarning ortiqcha toʻlangan summalarini soliq qarzini, shu jumladan, ular boʻyicha penya va jarimalarni uzish hisobidan hisobga olish toʻgʻrisida Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiga mustaqil ravishda xulosa taqdim etish”;

33 va 34-kichik bandlar quyidagi tahrirda bayon etilsin:

“33) yuridik shaxslarning mol-mulkiga solinadigan soliq, suv resurslaridan foydalanganlik uchun soliq boʻyicha soliq davrida boʻnak toʻlovlari summasi soliq hisobotida koʻrsatilgan, budjetga toʻlanishi lozim boʻlgan soliq summasiga nisbatan 10 foizdan ortiq kamaytirilgan taqdirda, boʻnak toʻlovlarini soliqlarning haqiqiy summasidan kelib chiqib, penya hisoblagan holda qaytadan hisoblash;

34) bozorlarda, savdo komplekslarida va ularga tutash boʻlgan avtotransport vositalarini vaqtincha saqlash joylarida bir martalik yigʻimning toʻliq tushganligini va uni topshirish hisobini, ijara toʻlovini, nazorat-kassa texnikalaridan, qonun hujjatlarida nazarda tutilgan hollarda esa onlayn nazorat-kassa texnikalari yoki virtual kassalardan foydalanilishini, hisob-kitob terminallarini, savdo va xizmatlar koʻrsatish qoidalariga rioya etilishini belgilangan tartibda qisqa muddatli tekshirishlarni amalga oshirish, shu jumladan, naqd pul yoki plastik kartochkalar boʻyicha toʻlov shakliga qarab narxlarni sunʼiy ravishda oshirish yoki pasaytirish, shuningdek, belgilangan tartibda talonlar va cheklarni berish masalalari yuzasidan tekshiruvlar oʻtkazish”;

19-bandda:

5-kichik banddagi “komplekslari” soʻzi “kotibiyatlari” soʻzi bilan almashtirilsin;

20-kichik band “qoidalari talablariga” soʻzlaridan keyin “hamda ichki mehnat tartibi qoidalariga” soʻzlari bilan toʻldirilsin;

27-kichik banddagi “davlat” soʻzi chiqarib tashlansin;

30-kichik banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

33-kichik band quyidagi tahrirda bayon etilsin:

“33) Qoʻmita xodimlarini, Qoraqalpogʻiston Respublikasi, viloyatlar va Toshkent shahar soliq boshqarmalari boshliqlari oʻrinbosarlari, Qoraqalpogʻiston Respublikasi, viloyatlar va Toshkent shahar soliq boshqarmalari hamda Hududlararo inspeksiyaning boʻlim (shuʼba) boshliqlari, Qoraqalpogʻiston Respublikasi, viloyatlar va Toshkent shahar soliq boshqarmalari soliq organlari faoliyatini nazorat qilish va shaxsiy xavfsizlik boʻlimlari (shuʼbalari) xodimlarini, tuman (shahar) soliq inspeksiyalari boshliqlari, Hududlararo inspeksiya boshligʻi va boshliq oʻrinbosarlari, Hududlararo inspeksiya shaxsiy xavfsizlik boʻlimlari xodimlarini lavozimga tayinlash va lavozimdan ozod qilish”;

20-bandning 16-kichik bandi “odob-axloq qoidalari” soʻzlaridan keyin “hamda ichki mehnat tartibi qoidalari” soʻzlari bilan toʻldirilsin;

24-bandning 8-kichik bandi oʻz kuchini yoʻqotgan deb hisoblansin;

34 va 35-bandlardagi “davlat” soʻzi chiqarib tashlansin;

51-band quyidagi tahrirda bayon etilsin:

“51. Davlat soliq xizmatining hududiy organlari faoliyatining, shu jumladan, hayʼat qarorlarini va Qoʻmita topshiriqlarini bajarish bilan bogʻliq eng muhim masalalarni hal etish uchun Qoraqalpogʻiston Respublikasi, viloyatlar va Toshkent shahar soliq boshqarmalarida kengashlar tashkil qilinadi. Qoraqalpogʻiston Respublikasi, viloyatlar va Toshkent shahar soliq boshqarmalari kengashlarining shaxsiy tarkibi tegishli hududiy soliq boshqarmasi boshligʻining taqdimiga binoan Qoʻmita raisi tomonidan tasdiqlanadi”;

52-banddagi “davlat” soʻzi chiqarib tashlansin.

58-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

59¹-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

60¹-banddagi “va huquqiy axborot” soʻzlari chiqarib tashlansin;

quyidagi mazmundagi 60²-band bilan toʻldirilsin:

“60². Oʻzbekiston Respublikasi Soliq qoʻmitasining Moddiy yordam, ijtimoiy muhofaza, soliq organlarini rivojlantirish hamda koʻzda tutilmagan xarajatlar maxsus jamgʻarmasi mablagʻlari hisobidan davlat soliq xizmatlari organlarining:

fan nomzodi, falsafa doktori (PhD) ilmiy darajasiga (yoki xorijiy mamlakatlarda ularga tenglashtirilgan darajalarga) ega boʻlgan xodimlar uchun lavozim maoshining 5 foizi miqdorida;

fan doktori (DSc) ilmiy darajasiga (yoki xorijiy mamlakatlarda unga tenglashtirilgan darajaga) ega boʻlgan xodimlar uchun lavozim maoshining 10 foizi miqdorida ustama haq toʻlanadi”;

62-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

63-banddagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

65 va 66-bandlardagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

68-banddagi “Kompleks” soʻzi “Kotibiyat” soʻzi bilan almashtirilsin;

v) 2-ilovada:

nomi quyidagi tahrirda bayon etilsin:

“Yirik soliq toʻlovchilar boʻyicha hududlararo soliq inspeksiyasi toʻgʻrisida

NIZOM”;

1-banddagi “davlat” soʻzi chiqarib tashlansin;

2-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

6-banddagi “Moliya vazirligi Gʻaznachiligida” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasida” soʻzlari bilan almashtirilsin;

7-band quyidagi tahrirda bayon etilsin:

“7. Hududlararo inspeksiyaning rasmiy nomi:

a) davlat tilida:

toʻliq — Yirik soliq toʻlovchilar boʻyicha hududlararo soliq inspeksiyasi, qisqartirilgani — Yirik soliq toʻlovchilar boʻyicha inspeksiya;

b) rus tilida:

toʻliq — Mejregionalnaya nalogovaya inspeksiya po krupnim nalogoplatelshikam, qisqartirilgani — Inspeksiya po krupnim nalogoplatelshikam;

v) ingliz tilida:

toʻliq — Interregional tax inspection for large taxpayers, qisqartirilgani — Inspection for large taxpayers;

12-bandda:

18-kichik banddagi “Moliya vazirligi Gʻaznachiligiga” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasiga” soʻzlari bilan almashtirilsin;

20-kichik band quyidagi tahrirda bayon etilsin:

“20) yuridik shaxslarning mol-mulkiga solinadigan soliq, suv resurslaridan foydalanganlik uchun soliq boʻyicha soliq davrida boʻnak toʻlovlari summasi soliq hisobotida koʻrsatilgan, budjetga toʻlanishi lozim boʻlgan soliq summasiga nisbatan 10 foizdan ortiq kamaytirilgan taqdirda, boʻnak toʻlovlarini soliqlarning haqiqiy summasidan kelib chiqib, penya hisoblagan holda qaytadan hisoblash”;

33 va 37-bandlardagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

g) 3-ilovada:

3-bandda:

oʻn oltinchi, oʻn yettinchi, yigirma birinchi va yigirma ikkinchi xatboshilardagi “davlat” soʻzi chiqarib tashlansin;

oʻn sakkizinchi xatboshidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

5-bandda:

ikkinchi xatboshidagi “davlat” soʻzi chiqarib tashlansin;

uchinchi xatboshi quyidagi tahrirda bayon etilsin:

“Qoʻmita markaziy apparatining ushbu band birinchi va ikkinchi xatboshilarida sanab oʻtilmagan mansabdor shaxslari, Qoraqalpogʻiston Respublikasi, viloyatlar va Toshkent shahar soliq boshqarmalari boshliqlari oʻrinbosarlari, Qoraqalpogʻiston Respublikasi, viloyatlar va Toshkent shahar soliq boshqarmalari boʻlimlari (shuʼbalari) boshliqlari, Qoraqalpogʻiston Respublikasi, viloyatlar va Toshkent shahar soliq boshqarmalari soliq organlari faoliyatini nazorat qilish va shaxsiy xavfsizlik boʻlimlari mansabdor shaxslari, Yirik soliq toʻlovchilar boʻyicha hududlararo soliq inspeksiyasi boshligʻi va boshliq oʻrinbosarlari, Yirik soliq toʻlovchilar boʻyicha hududlararo soliq inspeksiyasi boʻlimlari (shuʼbalari) boshliqlari, Yirik soliq toʻlovchilar boʻyicha hududlararo soliq inspeksiyasi shaxsiy xavfsizlik boʻlimlari mansabdor shaxslari, tumanlar (shaharlar) soliq inspeksiyalari boshliqlari belgilangan tartibda Qoʻmita raisining buyrugʻi bilan tayinlanadilar”;

7-bandning beshinchi xatboshisidagi “100-moddasi ikkinchi qismining 1, 2 va 5-bandlari” soʻzlari “161-moddasi ikkinchi qismining 1, 2 va 3-bandlari hamda 441-moddasi” soʻzlari bilan almashtirilsin;

9-band quyidagi tahrirda bayon etilsin:

“9. Soliq organlariga xizmatga qabul qilinayotgan shaxslar shtatdagi lavozimga mehnat shartnomasiga asosan Oʻzbekiston Respublikasi Mehnat kodeksi talablariga muvofiq sinov muddati bilan tayinlanadilar, Oʻzbekiston Respublikasi Prezidenti tomonidan lavozimga tayinlanadiganlar bundan mustasno.

Sinov muddati mobaynida xodimga murabbiy tayinlanadi”;

17-banddagi “Oʻzbekiston Respublikasi Davlat soliq qoʻmitasi huzuridagi Fiskal institutida” soʻzlari chiqarib tashlansin;

18-band quyidagi tahrirda bayon etilsin:

“18. Mansabdor shaxslar jismoniy tarbiya-sport boʻyicha ularning xizmat joylarida yoki boshqa sport inshootlarida Qoʻmita tomonidan belgilangan tartibda amalga oshiriladi”;

quyidagi mazmundagi 20¹-band bilan toʻldirilsin:

“20¹. Soliq organlarining mansabdor shaxslariga Oʻzbekiston Respublikasi Vazirlar Mahkamasi tomonidan belgilanadigan tartibda uzoq muddatli imtiyozli ipoteka kreditlaridan foydalangan holda, yakka tartibda uylar yoki kvartiralar olish huquqi beriladi”;

31-band quyidagi tahrirda bayon etilsin:

“31. Malaka tavsifnomalari talablariga javob beradigan mansabdor shaxslarga attestatsiyadan ijobiy oʻtgan taqdirda, shtatlar roʻyxati boʻyicha egallab turgan lavozimini hisobga olgan holda hamda oldingi unvonida xizmat qilish muddati tugagach, izchil tartibda quyidagi navbatdagi maxsus unvonlar beriladi:

Qoʻmita markaziy apparati va Yirik soliq toʻlovchilar boʻyicha hududlararo soliq inspeksiyasi:

Shtatdagi lavozim*	Maxsus unvon
Oʻzbekiston Respublikasi Soliq qoʻmitasi raisi	Soliq xizmatining bosh davlat maslahatchisi
Oʻzbekiston Respublikasi Soliq qoʻmitasi raisining birinchi oʻrinbosari	Soliq xizmatining I darajali davlat maslahatchisi
Oʻzbekiston Respublikasi Soliq qoʻmitasi raisining oʻrinbosari, rais maslahatchisi	Soliq xizmatining II darajali davlat maslahatchisi
Departament direktori va uning birinchi oʻrinbosari, Yirik soliq toʻlovchilar boʻyicha hududlararo soliq inspeksiyasi boshligʻi	Soliq xizmatining III darajali davlat maslahatchisi
Departament direktori oʻrinbosari, boshqarma boshligʻi va uning oʻrinbosari, mustaqil boʻlim boshligʻi, rais kotibiyati mudiri, Yirik soliq toʻlovchilar boʻyicha hududlararo soliq inspeksiyasi boshligʻining birinchi oʻrinbosari va uning oʻrinbosarlari	Soliq xizmatining I darajali maslahatchisi
Departament va boshqarma boʻlimi boshligʻi, navbatchi qism va idoraviy qoʻriqlash boshligʻi, boshqarma boʻlimi boshligʻi oʻrinbosari, rais yordamchisi va raisning birinchi oʻrinbosari yordamchisi, davlat soliq bosh inspektori, shuʼba boshliqlari, bosh yuriskonsult, bosh iqtisodchi, bosh mutaxassis	Soliq xizmatining II darajali maslahatchisi
Yetakchi mutaxassis, davlat soliq katta inspektori	Soliq xizmatining III darajali maslahatchisi
Davlat soliq inspektori, I toifali mutaxassis, I toifali buxgalter	Soliq xizmatining I darajali inspektori

Qoraqalpogʻiston Respublikasi, viloyatlar va Toshkent shahar soliq boshqarmalari, shuningdek, tumanlar (shaharlar) soliq inspeksiyalarida:

Shtatdagi lavozim*	Maxsus unvon
Qoraqalpogʻiston Respublikasi, viloyatlar va Toshkent shahar soliq boshqarmalari boshliqlari	Soliq xizmatining III darajali davlat maslahatchisi
Qoraqalpogʻiston Respublikasi, viloyatlar va Toshkent shahar soliq boshqarmalari boshliqlarining birinchi oʻrinbosarlari, oʻrinbosarlari, viloyatlar markazlari shaharlari soliq inspeksiyalari boshliqlari, 200 ming kishidan ortiq aholisi boʻlgan shaharlar soliq inspeksiyalari boshliqlari, Toshkent shahridagi tumanlar soliq inspeksiyalari boshliqlari	Soliq xizmatining I darajali maslahatchisi
Qoraqalpogʻiston Respublikasi, viloyatlar va Toshkent shahar soliq boshqarmalari mustaqil boʻlimlari va shuʼbalari boshliqlari, Toshkent shahridagi tumanlar soliq inspeksiyalari boshliqlarining oʻrinbosarlari, Qoraqalpogʻiston Respublikasi va viloyatlardagi tumanlar (shaharlar) soliq inspeksiyalari boshliqlari, viloyatlar markazlaridagi shaharlar soliq inspeksiyalari boshliqlari oʻrinbosarlari, 200 ming kishidan ortiq aholisi boʻlgan shaharlar davlat soliq inspeksiyalari boshliqlari oʻrinbosarlari, Qoraqalpogʻiston Respublikasi, viloyatlar va Toshkent shahar soliq boshqarmalarining bosh buxgalterlari, navbatchi qismlari boshliqlari	Soliq xizmatining II darajali maslahatchisi
Toshkent shahar soliq boshqarmasining boʻlim boshliqlari oʻrinbosarlari, boʻlimdagi shuʼba boshliqlari, Qoraqalpogʻiston Respublikasi, viloyatlar va Toshkent shahar soliq boshqarmalarining davlat soliq bosh inspektorlari, bosh mutaxassislari, bosh yuriskonsultlari, Qoraqalpogʻiston Respublikasi va viloyatlar soliq inspeksiyalari boshliqlari oʻrinbosarlari, soliq inspeksiyalari boʻlimlari boshliqlari	Soliq xizmatining III darajali maslahatchisi
Qoraqalpogʻiston Respublikasi, viloyatlar va Toshkent shahar soliq boshqarmalarining davlat soliq katta inspektorlari, yetakchi mutaxassislari, navbatchi qism navbatchilari, soliq inspeksiyalarining davlat soliq bosh inspektorlari, bosh mutaxassislari, bosh yuriskonsultlari	Soliq xizmatining I darajali inspektori
Qoraqalpogʻiston Respublikasi, viloyatlar va Toshkent shahar soliq boshqarmalarining davlat soliq inspektorlari, mutaxassislari, soliq inspeksiyalarining davlat soliq katta inspektorlari	Soliq xizmatining II darajali inspektori
Soliq inspeksiyalarining yetakchi mutaxassislar	Soliq xizmatining III darajali inspektori
Soliq inspeksiyalarining davlat soliq inspektorlari, I darajali mutaxassislari	Soliq xizmatining inspektori

* Soliq organlarida ishlaydigan, lavozimi ushbu jadvalda koʻrsatilmagan shaxslarga maxsus unvonlar Qoʻmita tomonidan belgilanadigan egallab turgan lavozimi boʻyicha tenglashtirilgan maqomiga muvofiq beriladi.

Maxsus unvonga tayinlash uchun mansabdor shaxslarning malaka talablariga muvofiqligini baholash uchun Qoʻmita va soliq boshqarmalarida maxsus komissiya tashkil etiladi”;

32-bandda:

toʻrtinchi xatboshidagi “davlat soliq boshqarmalari” soʻzlari “soliq boshqarmalari” soʻzlari bilan almashtirilsin;

beshinchi xatboshidagi “davlat soliq inspeksiyasi” soʻzlari “soliq inspeksiyasi” soʻzlari bilan almashtirilsin;

39-bandning birinchi xatboshisidagi “davlat soliq inspeksiyasi” soʻzlari “soliq inspeksiyasi” soʻzlari bilan almashtirilsin;

43-bandning birinchi va ikkinchi xatboshilaridagi “davlat soliq boshqarmalari” soʻzlari “soliq boshqarmalari” soʻzlari bilan almashtirilsin;

46-band quyidagi tahrirda bayon etilsin:

“46. Oʻzbekiston Respublikasi Soliq qoʻmitasi huzuridagi muassasa va tashkilotlarda ishlagan mansabdor shaxslarning avvalgi maxsus unvoni, shuningdek, maxsus unvon va uzoq muddat uzluksiz xizmati uchun ustamalar toʻlash tartibi saqlanib qoladi hamda ular ushbu muassasa va tashkilotlarda ishlagan vaqt davlat soliq xizmati organlariga xizmatga qaytib kelinganda maxsus unvondagi xizmat muddatiga qoʻshiladi”;

4-ilova nomidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

d) 4-ilovaning nomi quyidagi tahrirda bayon etilsin:

“Oʻzbekiston Respublikasi Soliq qoʻmitasi markaziy apparati xodimlarining Yagona tarif setkasi boʻyicha mehnatga haq toʻlash

RAZRYADLARI”;

e) 5-ilovaning nomi quyidagi tahrirda bayon etilsin:

“Yirik soliq toʻlovchilar boʻyicha hududlararo soliq inspeksiyasi xodimlarining Yagona tarif setkasi boʻyicha mehnatga haq toʻlash

RAZRYADLARI”;

j) 6-ilovaning nomi quyidagi tahrirda bayon etilsin:

“Qoraqalpogʻiston Respublikasi, viloyatlar va Toshkent shahar soliq boshqarmalari xodimlarining Yagona tarif setkasi boʻyicha mehnatga haq toʻlash

RAZRYADLARI”;

z) 7-ilovaning nomi quyidagi tahrirda bayon etilsin:

“Tuman (shahar)lar soliq inspeksiyalari xodimlarining Yagona tarif setkasi boʻyicha mehnatga haq toʻlash

RAZRYADLARI”.

7. Vazirlar Mahkamasining 2019-yil 15-maydagi 404-son qarori bilan tasdiqlangan Oʻzbekiston Respublikasi Davlat aktivlarini boshqarish agentligi huzuridagi budjetdan tashqari Davlat aktivlarini boshqarish, transformatsiya va xususiylashtirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 6-bandi “b” kichik bandi “sotiladigan davlat koʻchmas mulk obyektlarini” soʻzlaridan keyin “hamda mahalliy ijro etuvchi hokimiyat organlariga tegishli boʻlgan aksiyalar (ulushlar)ni” soʻzlari bilan toʻldirilsin.

8. Vazirlar Mahkamasining 2019-yil 2-oktabrdagi 834-son qarori bilan tasdiqlangan Zargarlik buyumlarini ishlab chiqarish, import qilish va ularning realizatsiyasi monitoringini amalga oshirish tartibi toʻgʻrisidagi nizomda:

a) 3-bandda:

“b” kichik band quyidagi tahrirda bayon etilsin:

“b) Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi Adliya vazirligining “Litsenziya” axborot tizimi orqali:

qimmatbaho metallar va qimmatbaho toshlardan zargarlik buyumlari hamda boshqa buyumlar ishlab chiqarish faoliyatini boshlaganlik toʻgʻrisida tasdiqnoma;

qimmatbaho metallar va qimmatbaho toshlar bilan ishlashni boshlaganlik toʻgʻrisida tasdiqnoma;

zargarlik buyumlarini hamda qimmatbaho metallar va qimmatbaho toshlardan boshqa buyumlarni sotish faoliyatini boshlaganlik toʻgʻrisida tasdiqnoma olgan tadbirkorlik subyektlari toʻgʻrisida”;

“v” kichik banddagi “Davlat bojxona qoʻmitasi” soʻzlari “Iqtisodiyot va moliya vazirligi huzuridagi Bojxona qoʻmitasi” soʻzlari bilan almashtirilsin;

“d” kichik band quyidagi tahrirda bayon etilsin:

“d) “Navoiy kon-metallurgiya kombinati” aksiyadorlik jamiyati va “Olmaliq kon-metallurgiya kombinati” aksiyadorlik jamiyati qimmatbaho metallar sotib olgan tadbirkorlik subyektlari toʻgʻrisidagi maʼlumotlarni real vaqt rejimida Oʻzbekiston Respublikasi Soliq qoʻmitasiga taqdim etib boradi”;

b) 4-banddagi “Davlat soliq qoʻmitasida” soʻzlari “Soliq qoʻmitasida” soʻzlari bilan almashtirilsin”;

v) 5-bandda:

birinchi xatboshi quyidagi tahrirda bayon etilsin:

“5. Soliq qoʻmitasi tomonidan ushbu Nizomning 3-bandiga muvofiq shakllantirilgan maʼlumotlar tadbirkorlik subyektlarining davlat soliq xizmati organlariga topshirgan hisobotlari, shuningdek, qonun hujjatlariga muvofiq soliq toʻlovchilarning majburiyatlari paydo boʻlishi (tugatilishi) toʻgʻrisida maʼlumot taqdim etadigan tashkilotlardan olingan maʼlumotlar bilan solishtirish orqali kameral soliq tekshiruvidan oʻtkaziladi”;

“a” kichik bandning ikkinchi xatboshisi quyidagi tahrirda bayon etilsin:

“qimmatbaho metallar va qimmatbaho toshlardan zargarlik va boshqa buyumlarni ishlab chiqarish faoliyatini boshlaganlik toʻgʻrisida tasdiqnoma mavjudligi”;

“b” kichik bandning ikkinchi xatboshisidagi “uchun guvohnomaning” soʻzlari “faoliyatini boshlaganlik toʻgʻrisida tasdiqnoma” soʻzlari bilan almashtirilsin;

“v” kichik bandda:

ikkinchi xatboshidagi “guvohnomasining” soʻzi “faoliyatini boshlaganlik toʻgʻrisida tasdiqnoma” soʻzlari bilan almashtirilsin;

uchinchi xatboshidagi “mashinalari” soʻzi “texnikasi” soʻzi bilan almashtirilsin;

g) 6-banddagi “nazorat” soʻzi “soliq tekshiruvi” soʻzlari bilan almashtirilsin;

d) 7-band quyidagi tahrirda bayon etilsin:

“7. Kameral soliq tekshiruvi natijalari boʻyicha soliq toʻlovchi tomonidan taqdim etilgan axborotning ishonchliligini tasdiqlash lozim deb topilgan hollarda, belgilangan tartibda sayyor soliq tekshiruvi yoki soliq auditi oʻtkaziladi”;

e) 8-band quyidagi tahrirda bayon etilsin:

“8. Kameral soliq tekshiruvi, sayyor soliq tekshiruvi va soliq auditi natijasiga koʻra tadbirkorlik subyektlari tomonidan asillik darajasini belgilash yoki tamgʻalashning belgilangan tartibini buzish, shuningdek, kirim qilinmagan zargarlik buyumlarini sotish holatlari aniqlangan taqdirda, qonunchilik hujjatlarida belgilangan tartibda soliqlar va yigʻimlarni hisoblash va belgilangan tartibda javobgarlikka tortish choralari koʻriladi.

Soliq tekshiruvlari natijasiga koʻra tadbirkorlik subyektlarining faoliyatida jinoyat alomatlari mavjud deb topilgan hollarda, materiallar qonunchilik hujjatlarida belgilangan tartibda huquqni muhofaza qiluvchi organlarga yuboriladi”;

j) ilovaning matni quyidagi tahrirda bayon etilsin:

“Zargarlik buyumlarini ishlab chiqarish, import qilish va ularning realizatsiyasi monitoringini amalga oshirish

SXEMASI

Bosqichlar	Subyektlar	Tadbirlar	Ijro muddati
1-bosqich	Oʻzbekiston Respublikasi Markaziy banki	Qimmatbaho metallar sotib olgan tadbirkorlik subyektlari toʻgʻrisidagi maʼlumotlarni Oʻzbekiston Respublikasi Soliq qoʻmitasiga taqdim etish.	Real vaqt rejimida
	Oʻzbekiston Respublikasi Iqtisodiyot va moliya vazirligi huzuridagi Davlat asillik darajasi nazorati inspeksiyasi	Adliya vazirligining “Litsenziya” axborot tizimi orqali qimmatbaho metallar va qimmatbaho toshlardan zargarlik buyumlari ishlab chiqarish, qimmatbaho metallar va qimmatbaho toshlar bilan ishlashni, zargarlik buyumlarini hamda qimmatbaho toshlardan boshqa buyumlarni sotish faoliyatini boshlaganlik toʻgʻrisida tasdiqnoma olgan tadbirkorlik subyektlari toʻgʻrisidagi maʼlumotlarni Oʻzbekiston Respublikasi Soliq qoʻmitasiga taqdim etish.	Real vaqt rejimida
	Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi	Respublika hududiga olib kirilgan va “erkin muomalaga chiqarish (import)” bojxona rejimiga rasmiylashtirilgan zargarlik buyumlari (TIF TN pozitsiyasi 7113-7116), qimmatbaho metall va toshlar (TIF TN pozitsiyasi 7101-7112) toʻgʻrisidagi maʼlumotlarni Oʻzbekiston Respublikasi Soliq qoʻmitasiga taqdim etish.	Real vaqt rejimida
	Oʻzbekiston Respublika tovar xom-ashyo birjasi	Birja savdolari orqali qimmatbaho metallarni sotib olgan tadbirkorlik subyektlari toʻgʻrisidagi maʼlumotlarni Oʻzbekiston Respublikasi Soliq qoʻmitasiga taqdim etish.	Real vaqt rejimida
	“Navoiy kon-metallurgiya kombinati” davlat aksiyadorlik jamiyati va “Olmaliq kon-metallurgiya kombinati” aksiyadorlik jamiyati	Qimmatbaho metallar sotib olgan tadbirkorlik subyektlari toʻgʻrisidagi maʼlumotlarni Oʻzbekiston Respublikasi Soliq qoʻmitasiga taqdim etish.	Real vaqt rejimida
2-bosqich	Davlat soliq xizmati organlari	Zargarlik mahsulotlarini ishlab chiqarish, import qilish va ularni realizatsiya qilish faoliyati bilan shugʻullanadigan tadbirkorlik subyektlari toʻgʻrisida maʼlumotlar bazasini shakllantirish.	Dasturiy mahsulot orqali elektron shaklda
3-bosqich	Davlat soliq xizmati organlari	Shakllantirilgan maʼlumotlar asosida tadbirkorlik subyektlarining davlat soliq xizmati organlariga topshirgan hisobotlari, shuningdek, qonunchilik hujjatlariga muvofiq soliq toʻlovchilarning majburiyatlari paydo boʻlishi (tugatilishi) toʻgʻrisida maʼlumot taqdim etadigan tashkilotlardan olingan maʼlumotlar bilan solishtirish orqali kameral soliq tekshiruvidan oʻtkazish.	Qonunchilik hujjatlarida belgilangan hollarda
4-bosqich	Davlat soliq xizmati organlari	Kameral soliq tekshiruvi natijalari boʻyicha soliq toʻlovchi tomonidan taqdim etilgan axborotning ishonchliligini tasdiqlash lozim deb topilgan hollarda, belgilangan tartibda sayyor soliq tekshiruvi yoki soliq auditi oʻtkazish.	Qonunchilik hujjatlarida belgilangan hollarda
5-bosqich	Davlat soliq xizmati organlari	Kameral soliq tekshiruvi, sayyor soliq tekshiruvi va soliq auditi natijasiga koʻra tadbirkorlik subyektlari tomonidan asillik darajasini belgilash yoki tamgʻalashning belgilangan tartibini buzish, shuningdek, kirim qilinmagan zargarlik buyumlarini sotish holatlari aniqlangan taqdirda, qonunchilik hujjatlarida belgilangan tartibda soliqlar va boshqa toʻlovlarni hisoblash va oʻrnatilgan tartibda javobgarlikka tortish choralarini koʻrish.	Holatlar aniqlanganda
6-bosqich	Davlat soliq xizmati organlari	Oʻtkazilgan tekshiruvlar natijasida tadbirkorlik subyektlari faoliyatida jinoyat alomatlari mavjud deb topilgan hollarda, materiallarni qonunchilik hujjatlarida belgilangan tartibda huquqni muhofaza qiluvchi organlarga yuborish.	Holatlar aniqlanganda
			”.

9. Vazirlar Mahkamasining “Davlat teatrlari va konsert-tomosha muassasalari faoliyatini yanada takomillashtirish chora-tadbirlari toʻgʻrisida” 2019-yil 18-apreldagi 329-son qarorida:

a) 1-bandning beshinchi xatboshisi “Davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

b) 2-ilovada:

4-bandning “b” kichik bandida:

beshinchi xatboshi chiqarib tashlansin;

oltinchi — toʻqqizinchi xatboshilar tegishlicha beshinchi — sakkizinchi xatboshilar deb hisoblansin;

Nizomga ilova quyidagi tahrirda bayon etilsin:

“Teatrlar va konsert-tomosha muassasalari faoliyatini baholash reyting tizimini va ularni ragʻbatlantirish hamda toifalarini belgilash tartibi toʻgʻrisidagi nizomga
ILOVA

Davlat teatrlari toifasini va konsert-tomosha muassasalari guruhlarini belgilash mezonlari va ularni baholash

REYTINGI

T/r	Mezonlar	Koʻrsatkichlar	Ballar
I. Davlat teatrlari boʻyicha
Jami ball:			100
1.	Yil davomida sahnalashtirilgan yangi spektakllar soni	4 ta va undan ortiq	20
		3 ta	10
		2 ta	5
2.	Teatrning joriy repertuaridagi spektakllari soni	25 ta va undan ortiq	20
		16 — 24 ta	10
		10 — 15 ta	5
3.	Yil davomida namoyish etilgan spektakllar soni	240 ta va undan ortiq	10
		180 — 239 ta	5
		kamida 100 ta	3
4.	Xalqaro va respublika miqyosidagi gastrollar soni	respublikada 6 ta va undan ortiq, xorijiy davlatlarda 2 ta va undan ortiq gastrol	10
		respublikada 3 — 5 ta, xorijiy davlatlarda 1 ta gastrol	5
		respublikada kamida 2 ta gastrol	3
5.	Tomoshabinlar soni (belgilangan rejadan kelib chiqqan holda, foiz hisobida toʻldirish koeffitsiyenti, oʻrindiqlar soniga nisbatan oʻrtacha yillik)	70 nafar va undan ortiq	10
		60 — 69 nafar	5
		kamida 50 nafar	3
6.	Oʻz daromadlarining (homiylik xayriyalaridan tashqari) muassasaning umumiy yillik xarajatlaridagi ulushi	15 foiz va undan ortiq	10
		10 foiz	5
		kamida 5 foiz	3
7.	Oʻz binosi va texnika vositalarining mavjudligi		10
8.	Internet jahon axborot tarmogʻidagi rasmiy veb-saytining yuritilish holati	80 — 100 foiz yangilab borish	10
		60 — 70 foiz yangilab borish	5
		kamida 40 foiz yangilab borish	3
II. Konsert-tomosha muassasalari boʻyicha
Jami ball:			100
9.	Ishtirok etgan madaniy tadbirlari soni* (sanʼat saroylari uchun, sanʼat saroyida oʻtkazilgan madaniy tadbirlar inobatga olinadi)	100 ta va undan ortiq	20
		50 ta	10
		35 ta	5
10.	Bevosita tashkil etgan konsertlar soni*	10 ta va undan ortiq	20
		5 — 9 ta	10
		kamida 4 ta	5
11.	Gastrollar (mahalliy, respublika va xalqaro)* soni	respublikada 6 ta va undan ortiq, xorijiy davlatlarda 2 ta va undan ortiq	20
		respublikada 2 — 4 ta, xorijiy davlatlarda 1 ta	10
		respublikada kamida 1 ta	5
12.	Tomoshabinlar soni (belgilangan rejadan kelib chiqqan holda, foiz hisobida toʻldirish koeffitsiyenti, oʻrindiqlar soniga nisbatan oʻrtacha yillik)	60 foiz va undan ortiq	10
		40 — 59 foiz	5
		kamida 40 foiz	3
13.	Oʻz daromadlarining (homiylik xayriyalaridan tashqari) muassasaning umumiy yillik xarajatlaridagi ulushi	15 foiz va undan ortiq	10
		10 foiz	5
		kamida 5 foiz	3
14.	Oʻz binosi va texnika vositalarining mavjudligi		10
15.	Internet jahon axborot tarmogʻidagi rasmiy veb-saytining yuritilish holati	80 — 100 foiz yangilab borish	10
		60 — 70 foiz yangilab borish	5
		kamida 40 foiz yangilab borish	3

Izoh. Oʻzbekiston davlat filarmoniyasi ushbu mezonlar asosida mavjud jamoalari sonidan kelib chiqib baholanadi.

* Tarkibida ijodiy jamoasi mavjud boʻlmagan konsert-tomosha muassasalariga mazkur mezonlar boʻyicha maksimal ball qoʻyiladi.”;

v) 4-ilovada:

nomi “Davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

1, 2 va 4-bandlar “davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

3-band “davlat teatrida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

quyidagi mazmundagi 4¹-band bilan toʻldirilsin:

“4ˡ. Nodavlat teatr va teatr-studiyalarida davlat buyurtmasi asosida sahnalashtirilgan spektakllar davlat teatrlarida namoyish etilishi mumkin”;

5-bandning ikkinchi xatboshisi, 6-bandning yettinchi xatboshisi, 8-bandning uchinchi va toʻrtinchi xatboshilari “davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

10-banddagi “davlat teatrlariga” soʻzlari “teatrlari, nodavlat teatr va teatr-studiyalariga” soʻzlari bilan almashtirilsin;

11-bandda:

birinchi xatboshi “Davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

quyidagi mazmundagi sakkizinchi va toʻqqizinchi xatboshilar bilan toʻldirilsin:

“rahbar imzosi bilan tasdiqlangan ijodiy faoliyatga oid maʼlumotlar.

Talab etilgan hujjatlar toʻliq taqdim etilmagan taqdirda, mazkur teatr va teatr-studiyalarning murojaatlari koʻrilmasdan qoldiriladi”;

sakkizinchi xatboshi oʻninchi xatboshi deb hisoblansin;

13-band “Davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

14-bandning beshinchi xatboshisi “davlat teatrlarining” soʻzlaridan keyin “, nodavlat teatr va teatr-studiyalarining” soʻzlari bilan toʻldirilsin;

15-bandning yettinchi xatboshisi “davlat teatrlari” soʻzlaridan keyin “, nodavlat teatr va teatr-studiyalari” soʻzlari bilan toʻldirilsin;

17-band “davlat teatrlarining” soʻzlaridan keyin “, nodavlat teatr va teatr-studiyalarining” soʻzlari bilan almashtirilsin;

ilovada:

ilova belgisi va nomi “Davlat teatrlarida” soʻzlaridan keyin “, nodavlat teatr va teatr-studiyalarida” soʻzlari bilan toʻldirilsin;

“1-bosqich” pozitsiyasining “Subyektlar” va “Tadbirlar” ustunlari “Davlat teatrlari” soʻzlaridan keyin “, nodavlat teatr va teatr-studiyalari” soʻzlari bilan toʻldirilsin.

10. Vazirlar Mahkamasining “Qoʻshilgan qiymat soligʻi hamda chet el yuridik shaxslari bilan bogʻliq soliq maʼmurchiligini takomillashtirish chora-tadbirlari toʻgʻrisida” 2020-yil 14-avgustdagi 489-son qarorida:

a) 1-ilovada:

6-bandda:

birinchi xatboshidagi “davlat” soʻzi chiqarib tashlansin;

ikkinchi xatboshidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

7-banddagi “oltmish” soʻzi “oʻttiz” soʻzi bilan almashtirilsin;

19 va 23-bandlardagi “ellik” soʻzi “oʻttiz” soʻzi bilan almashtirilsin;

30-band quyidagi tahrirda bayon etilsin:

“30. Soliq toʻlovchining boshqa soliqlardan boʻlgan soliq qarzini uzish amalga oshirgandan soʻng soliq organi tomonidan bir kun muddatda soliq summasining qolgan qismi boʻyicha ushbu Nizomga 8-ilovaga muvofiq shaklda soliq summasini qaytarish toʻgʻrisidagi xulosa rasmiylashtiriladi va elektron shaklda (soliq organlari elektron axborot tizimi) orqali Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiga yuboriladi”;

31-banddagi “Moliya vazirligi Gʻaznachiligi DSQ” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasi soliq organlari” soʻzlari bilan almashtirilsin;

32¹-bandning ikkinchi xatboshisidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

41-banddagi “Davlat soliq qoʻmitasiga” soʻzlari “Soliq qoʻmitasiga” soʻzlari bilan almashtirilsin;

1-ilovada:

3-bosqichning “Bajarish muddatlari” ustunidagi “ellik” soʻzi “oʻttiz” soʻzi bilan almashtirilsin;

7-bosqichning “Tadbirlar” ustunidagi “elektron shaklda (DSQ elektron axborot tizimi orqali) Oʻzbekiston Respublikasi Moliya vazirligi Gʻaznachiligiga yuboradi” soʻzlari “elektron shaklda (soliq organlari elektron axborot tizimi orqali) Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasiga yuboradi” soʻzlari bilan almashtirilsin;

8-bosqichning “Subyektlar” ustunidagi “Moliya vazirligi Gʻaznachiligi” soʻzlari “Iqtisodiyot va moliya vazirligi huzuridagi Gʻaznachilik xizmati qoʻmitasi” soʻzlari bilan almashtirilsin;

2-3 ilovalar matnidagi “davlat soliq” soʻzlari “soliq” soʻzi bilan almashtirilsin;

b) 2-ilovaning 9-bandida:

ikkinchi xatboshidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

uchinchi xatboshidagi “nazorat-kassa mashinasi” soʻzlari “nazorat-kassa texnikasi” soʻzlari bilan almashtirilsin;

v) 3-ilova 6-bandining oltinchi xatboshisidagi “Davlat bojxona qoʻmitasi” soʻzlari “Iqtisodiyot va moliya vazirligi huzuridagi Bojxona qoʻmitasi” soʻzlari bilan almashtirilsin.

11. Vazirlar Mahkamasining “Soliq maʼmuriyatchiligini yanada takomillashtirish boʻyicha qoʻshimcha chora-tadbirlar toʻgʻrisida” 2020-yil 20-noyabrdagi 736-son qarorida:

a) 1-ilovada:

41 va 42 bandlardagi “38” raqami “37” raqami bilan almashtirilsin;

45 va 46 bandlardagi “39” raqami “38” raqami bilan almashtirilsin;

b) 3²-ilovada:

4-bandning “a” kichik bandi uchinchi xatboshisi quyidagi tahrirda bayon etilsin:

“joriy soliq davrining 10-dekabridan kechiktirmay, yuridik shaxslar tomonidan isteʼmol qilingan suv resurslari toʻgʻrisida 2-ilovaga muvofiq maʼlumotlar”;

1-ilovaning 1-bosqich “Muddatlar” ustunidagi “Hisobot yilidan keyingi yilning 10-dekabridan kechiktirmasdan” soʻzlari “Har yili joriy soliq davrining 10-dekabridan kechiktirmay” soʻzlari bilan almashtirilsin;

2-ilova matni quyidagi tahrirda bayon etilsin:

“__________ viloyatida qishloq xoʻjaligi korxonalari tomonidan 20___ yilda isteʼmol qilingan suv resurslari hajmi toʻgʻrisida

MAʼLUMOT

T/r

Viloyat nomi

Tuman nomi

STIR / JSHSHIR

Korxona nomi

Manzili

(MFY, koʻcha, qishloq, ovul nomi)

Yer maydoni

(gektar)

Yillik suv isteʼmoli limiti

(m.kub)

Haqiqatda isteʼmol qilingan suv hajmi

(m.kub)

(8=9+10+11)

Suv resurslarining shakllanish manbalari

(m.kub)

shundan, soliqqa tortiladigan jami suv hajmi

(m.kub) (12=13+14+15)

jumladan, sugʻorishda foydalanilgan suv hajmi

(m.kub)

Limitdan ortiqcha foydalanilgan suv resurslari

(m.kub)

(16=8-7)

shundan

Shoʻr yuvish uchun foydalanilgan suv resurslari

(m.kub)

yer usti manbalari

(kanal, ariq va boshqalar)

yer osti manbalari

kollektor va drenaj tarmogʻidan

Tejaydigan texnologiyalar joriy qilmagan hamda suv oʻlchash uskunalarisiz aniqlangan

Tejaydigan texnologiyalar joriy qilgan hamda suv oʻlchash uskunalari asosida aniqlangan

Tejaydigan texnologiyalar joriy qilgan yoki suv oʻlchash uskunalari asosida aniqlangan

sugʻorish tarmogʻidan

(m.kub)

…

”;

3-ilova matni quyidagi tahrirda bayon etilsin:

“___________ viloyatida dehqon xoʻjaliklari tomonidan 20___ yilda isteʼmol qilingan suv resurslari hajmi toʻgʻrisida

MAʼLUMOT

T/r

Viloyat nomi

Tuman nomi

STIR / JSHSHIR

Kadastr kodi

Dehqon xoʻjaligi nomi

Manzili

(MFY, koʻcha, qishloq, ovul nomi)

Yer maydoni

(gektar)

Yillik suv isteʼmoli limiti

(m.kub)

Haqiqatda isteʼmol qilingan suv hajmi

(m.kub)

(9=10+11+ 12)

Suv resurslarining shakllanish manbalari

(m.kub)

Shundan, soliqqa tortiladigan jami suv hajmi

(m.kub)

(13=14+15+16)

jumladan, sugʻorishda foydalanilgan suv hajmi

(m.kub)

Limitdan ortiqcha foydalanilgan suv resurslari

(m.kub)

(17=9-8)

shundan

Shoʻr yuvish uchun foydalanilgan suv resurslari

(m.kub)

yer usti manbalari

(kanal, ariq va boshqalar)

yer osti manbalari

kollektor va drenaj tarmogʻidan

Tejaydigan texnologiyalar joriy qilmagan hamda suv oʻlchash uskunalarisiz aniqlangan

Tejaydigan texnologiyalar joriy qilgan hamda suv oʻlchash uskunalari asosida aniqlangan

Tejaydigan texnologiyalar joriy qilgan yoki suv oʻlchash uskunalari asosida aniqlangan

sugʻorish tarmogʻidan

(m.kub)

…

”.

12. Vazirlar Mahkamasining “Soliq xavfini boshqarish, soliq xavfi mavjud soliq toʻlovchilarni (soliq agentlarini) aniqlash va soliq tekshiruvlarini tashkil etish va oʻtkazish toʻgʻrisida” 2021-yil 7-yanvardagi 1-son qarorida:

a) 1-ilovada:

4-banddagi “Davlat soliq qoʻmitasi (keyingi oʻrinlarda — Davlat soliq qoʻmitasi)” soʻzlari “Soliq qoʻmitasi (keyingi oʻrinlarda — Soliq qoʻmitasi)” soʻzlari bilan almashtirilsin;

9-bandda:

birinchi xatboshi quyidagi tahrirda bayon etilsin:

“9. Soliq xavfi darajasi mezonlari Soliq qoʻmitasi tomonidan quyidagilarni inobatga olgan holda belgilanadi”;

oʻn yettinchi xatboshidagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

11-banddagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

17-band quyidagi tahrirda bayon etilsin:

“17. Soliq xavfi darajasi mezonlari roʻyxati ochiq holatda Soliq qoʻmitasining rasmiy veb-saytida joylashtiriladi”;

b) 2-ilovada:

3-band quyidagi mazmundagi uchinchi xatboshi bilan toʻldirilsin:

“rasmiy ogohlantirish — soliq toʻlovchining soliqqa oid huquqbuzarlikni sodir etishga moyil boʻlgan harakatlarini davom ettirishiga yoʻl qoʻyib boʻlmasligi toʻgʻrisida yozma yoki elektron shaklda taqdim etiladigan tushuntirish, shuningdek, sodir etilgan ushbu huquqbuzarlik uchun javobgarlik belgilanganligi haqida ogohlantirish”;

uchinchi — toʻqqizinchi xatboshilar tegishincha toʻrtinchi — oʻninchi xatboshilar deb hisoblansin;

9-bandning birinchi xatboshisi quyidagi tahrirda bayon etilsin:

“9. Sayyor soliq tekshiruvi va soliq auditi Tekshiruvlarni elektron roʻyxatga olish yagona tizimi orqali Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilni xabardor qilgan holda amalga oshiriladi, davlat roʻyxatidan oʻtmasdan tadbirkorlik faoliyatini amalga oshiruvchi jismoniy shaxslarni tekshirish bundan mustasno. Bunda Oʻzbekiston Respublikasi Prezidentining 2025-yil 27-fevraldagi PQ-78-son qarori bilan tasdiqlangan Soliq organlari xodimlari tomonidan ularga biriktirilgan korxonalar yoki mahallalardagi tadbirkorlik subyektlarida oʻtkaziladigan tekshiruvlar roʻyxatida keltirilgan soliqqa oid huquqbuzarliklar boʻyicha sayyor soliq tekshiruvlari ushbu tekshiruvlar boshlangandan soʻng 24 soat ichida “Yagona davlat nazorati” axborot tizimida roʻyxatga olish orqali Biznes-ombudsmanni xabardor etish tartibida amalga oshiriladi”;

21-bandda:

quyidagi mazmundagi toʻrtinchi xatboshi bilan toʻldirilsin:

“qonunchilik hujjatlarida belgilangan hollarda”;

toʻrtinchi — yettinchi xatboshilar tegishlicha beshinchi — sakkizinchi xatboshilar deb hisoblansin;

27-band quyidagi tahrirda bayon etilsin:

“27. Kameral soliq tekshiruvini tayinlash toʻgʻrisidagi buyruqda soliq toʻlovchining nomi va identifikatsiya raqami, tekshiruvchi shaxsning familiyasi, ismi, otasining ismi va lavozimi, kameral soliq tekshiruvini oʻtkazish muddatlari, tekshirilayotgan davr, tekshirilayotgan soliqlar va yigʻimlarning turlari koʻrsatiladi”;

55-bandning ikkinchi xatboshisi, 63-band, 79-bandning toʻrtinchi xatboshisi, 83-bandning ikkinchi, beshinchi — sakkizinchi va oʻninchi xatboshilari, 123-bandning ikkinchi xatboshisi hamda 126-bandning ikkinchi xatboshisidagi “Davlat soliq” soʻzlari “Soliq” soʻzi bilan almashtirilsin;

57-bandda:

quyidagi mazmundagi oʻninchi — oʻn oltinchi xatboshilar bilan toʻldirilsin:

“soliq organlari xodimlari tomonidan oʻz xizmat vazifalarini amalga oshirish jarayonida quyidagi soliqqa oid huquqbuzarlik yoki holatlar rasmiy ogohlantirishdan soʻng uch kun muddatda bartaraf etilmaganligi yoxud takroran aniqlanganda:

nazorat-kassa texnikasini va (yoki) hisob-kitob terminallarini qoʻllash tartibini buzish;

mehnat faoliyatini amalga oshiruvchi xodimlarni hamda mehnatga haq toʻlash fondini soliq hisobotida aks ettirmaslik;

yer maydonlaridan hujjatlarsiz yoxud yer uchastkasiga boʻlgan huquqni tasdiqlovchi hujjatlarda koʻrsatilganidan kattaroq hajmda foydalanish;

foydali qazilmalarni noqonuniy qazib olish yoki qazib olingan foydali qazilmalar hajmini soliq hisobotida toʻliq aks ettirmaslik.

Ushbu bandning oʻninchi xatboshisida nazarda tutilgan soliqqa oid huquqbuzarlik yoki holatlarni birinchi marta sodir etgan soliq toʻlovchilar rasmiy ogohlantiriladi. Mazkur huquqbuzarlik yoki holatlar rasmiy ogohlantirishdan soʻng uch kun muddatda bartaraf etilmagan va (yoki) qayta sodir etilganligi aniqlanganda ushbu soliq toʻlovchida sayyor soliq tekshiruvlari oʻtkaziladi.

Ushbu bandning oʻninchi xatboshisida nazarda tutilgan soliqqa oid huquqbuzarlik yoki holatlar joyida aniqlanganligi fotosuratlar va (yoki) videoyozuvlar orqali qayd qilinishi mumkin”;

oʻninchi xatboshi oʻn yettinchi xatboshi deb hisoblansin;

99-band quyidagi tahrirda bayon etilsin:

“99. Soliq organlari tomonidan yer qaʼridan foydalanuvchilar haqiqatda qazib olgan (ajratib olgan) foydali qazilmalar hajmini tekshirish va yer osti boyliklari va texnogen mineral hosilalardan oʻzboshimchalik bilan foydalanishning oldini olish uchun konchilik munosabatlari sohasidagi vakolatli davlat organlari mutaxassislari, shuningdek, marksheyderlik xizmatlarini koʻrsatuvchi tashkilotlar bilan toʻgʻridan-toʻgʻri shartnoma tuzgan holda ularning mutaxassislari jalb qilinishi mumkin.

Bunda marksheyderlik xizmatini koʻrsatuvchi tashkilotlarga oʻlchov ishlari yakuni boʻyicha mehnatga haq toʻlash shartnomaga muvofiq amalga oshiriladi”;

117-bandning uchinchi xatboshisi quyidagi tahrirda bayon etilsin:

“Sayyor soliq tekshiruvi doirasidagi harakatlar amalga oshirilganligini tasdiqlovchi dalolatnoma va boshqa hujjatlar mobil telefon, planshet yoki kompyuter texnikasi yordamida elektron raqamli imzodan (barmoq izi yoki grafik imzo) yoxud Face-ID va qonunchilikka muvofiq boshqa elektron tasdiqlash usulidan foydalangan holda elektron shaklda tuzilishi mumkin”;

241-bandda:

oltinchi xatboshidagi “Davlat soliq qoʻmitasi” soʻzlari “Soliq qoʻmitasi” soʻzlari bilan almashtirilsin;

sakkizinchi xatboshidagi “Davlat bojxona qoʻmitasi hamda Investitsiyalar va tashqi savdo” soʻzlari “Iqtisodiyot va moliya vazirligi huzuridagi Bojxona qoʻmitasi hamda Investitsiyalar, sanoat va savdo” soʻzlari bilan almashtirilsin;

244-banddagi “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

3a-ilova matnida “Davlat soliq qoʻmitasining” soʻzlari “Soliq qoʻmitasining” soʻzlari bilan almashtirilsin;

8-ilova matnida “Davlat soliq organi” soʻzlari “Soliq organi” soʻzlari bilan almashtirilsin.

13. Vazirlar Mahkamasining “Savdo va xizmat koʻrsatish sohasida jamoatchilik nazorati samaradorligini oshirishga doir qoʻshimcha chora-tadbirlar toʻgʻrisida” 2022-yil 12-maydagi 255-son qarorida:

a) 3-bandning toʻrtinchi xatboshisi quyidagi tahrirda bayon etilsin:

“Soliq organlariga sayyor soliq tekshiruvlarini oʻtkazish doirasida mobil telefon, planshetlar va boshqa kompyuter texnikasidan foydalanish, shuningdek, sayyor soliq tekshiruvlari bilan bogʻliq hujjatlarni elektron raqamli imzodan (barmoq izi yoki grafik imzo) yoxud Face-ID va qonunchilikka muvofiq boshqa elektron tasdiqlash usulidan foydalangan holda elektron shaklda rasmiylashtirish huquqi berilsin”;

b) 3-ilovaning 14-bandi “a” kichik bandidagi oʻttiz ikkinchi — oʻttiz beshinchi xatboshilar chiqarib tashlansin.

14. Vazirlar Mahkamasining “Bolalar masalalari boʻyicha milliy komissiya toʻgʻrisidagi nizomni va Bolalar masalalari boʻyicha Qoraqalpogʻiston Respublikasi, viloyatlar va Toshkent shahar hamda tuman (shahar) komissiyalari toʻgʻrisidagi namunaviy nizomni tasdiqlash haqida” 2022-yil 6-iyuldagi 363-son qarorida:

a) 1-ilovada:

quyidagi mazmundagi 5¹-band bilan toʻldirilsin:

“5¹. Milliy komissiya majlislarida Inson huquqlari boʻyicha Oʻzbekiston Respublikasi Milliy markazi tomonidan Bola huquqlari toʻgʻrisidagi konvensiya talablari boʻyicha BMTga taqdim etish uchun tayyorlangan hisobot hamda BMT ustav va shartnomaviy organlarining ushbu hisobotni koʻrib chiqish yakunlari boʻyicha berilgan taklif va tavsiyalari dastlabki tarzda koʻrib chiqiladi va yakuni boʻyicha tegishli tavsiyalar beriladi”;

6-band quyidagi tahrirda bayon etilsin:

“6. Quyidagilar Milliy komissiyaning asosiy vazifalari hisoblanadi:

bolalarning huquqlari, erkinliklari va qonuniy manfaatlarini amalda roʻyobga chiqarish, ularning jismoniy, intellektual, maʼnaviy hamda axloqiy jihatdan kamol topishiga, qobiliyati va isteʼdodini toʻliq namoyon etishiga koʻmaklashish boʻyicha chora-tadbirlarni muvofiqlashtirish;

bolalarning huquqlari, erkinliklari va qonuniy manfaatlarini himoya qilish borasida bajarilayotgan ishlarni tizimli tahlil qilish, baholash va samaradorligini oshirish boʻyicha chora-tadbirlarni amalga oshirish;

ijtimoiy yetimlikning oldini olish va bolalarning ustuvor ravishda oila muhitida oʻsib-ulgʻayishini taʼminlash maqsadida bolalarni oilaga tarbiyaga berish boʻyicha koʻrilayotgan chora-tadbirlar va tarbiyaga berish tizimining samaradorligini tahlil qilish hamda ushbu tizimni takomillashtirish boʻyicha takliflar kiritib borish;

sifatli taʼlim-tarbiya jarayonini tashkil etish, bolalarga chuqur bilim berish, ularning bilim, malaka va koʻnikmalarini shakllantirish boʻyicha davlat organlari tomonidan amalga oshirilayotgan ishlarni muntazam tahlil qilib borish hamda taʼlim olishiga toʻsqinlik qilayotgan omillarni bartaraf etish yuzasidan taʼsirchan choralarni belgilash;

“Xavfsiz maktab” tizimi keng joriy etilishiga qaratilgan va maktablarda axloqiy-psixologik muhitni yaxshilash boʻyicha dasturlar amalga oshirilishi holatini tahlil qilib borish;

bolalarning boʻsh vaqtini mazmunli tashkil etish, ularni sport bilan muntazam shugʻullanishga jalb etish, ayniqsa, qishloq va chekka hududlarda bolalar sportini yanada rivojlantirish boʻyicha amalga oshirilayotgan ishlar natijasini muhokama qilib borish;

alohida taʼlim ehtiyojlari boʻlgan bolalarni inklyuziv taʼlimga jalb qilish, tibbiy-ijtimoiy reabilitatsiya qilish va jamiyatga integratsiyasini taʼminlash boʻyicha koʻrilayotgan choralar samaradorligini baholash;

bolalarni vatanparvarlikka undaydigan taʼlim-tarbiya samaradorligini, vatanparvarlik va Vatanga sadoqat hissini yuksaltirish boʻyicha koʻrilayotgan choralar taʼsirchanligini oshirish;

bolalar salomatligini asrash, ularga sifatli tibbiy yordam koʻrsatish, ular orasida sogʻlom turmush tarzini va toʻgʻri ovqatlanishni yoʻlga qoʻyish, taʼlim tashkilotlarida bolalarning oziq-ovqat taʼminoti, ularning sifati va sanitariya holatini oʻrganib borish va yaxshilash boʻyicha zarur choralarni koʻrish;

bolalarda huquqbuzarliklarga qarshi immunitetni shakllantirish, ular orasida huquqbuzarlik, nazoratsizlik va gʻayriijtimoiy xatti-harakatlarning, shuningdek, bolalar ekspluatatsiyasi, ularga nisbatan zoʻravonlikning oldini olish va ularning reabilitatsiyasini taʼminlash boʻyicha amalga oshirilayotgan ishlar holatini tahlil qilish va ular samaradorligini oshirish choralarini koʻrish;

bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilish yoki boshqa salbiy illatlarni erta bosqichlarda aniqlash, davolash va tibbiy-ijtimoiy reabilitatsiya qilish boʻyicha amalga oshirilayotgan ishlarni tahlil qilish va ularning yechimi boʻyicha takliflar tayyorlash;

ijtimoiy himoyaga muhtoj bolalarni qoʻllab-quvvatlash, ularni ijtimoiy-huquqiy himoya qilish borasida amalga oshirilayotgan chora-tadbirlar samaradorligini baholab borish va ularni yanada takomillashtirish boʻyicha takliflarni koʻrib chiqish;

bolalar bilan ishlash tizimidagi kamchiliklar, ularning sabab va shart-sharoitlarini aniqlash, tahlil qilish hamda bartaraf etish boʻyicha takliflar ishlab chiqish;

davlat organlari va tashkilotlarining, bolalar masalalari boʻyicha hududiy komissiyalarning bolalarning huquqlari, erkinliklari va qonuniy manfaatlarini himoya qilish sohasidagi faoliyatini muvofiqlashtirish.

Milliy komissiya qonunchilik hujjatlariga muvofiq boshqa vazifalarni ham amalga oshirishi mumkin”;

7-band quyidagi tahrirda bayon etilsin:

“7. Milliy komissiya oʻziga yuklangan asosiy vazifalardan kelib chiqib, quyidagi funksiyalarni bajaradi:

a) bolalarning huquqlari, erkinliklari va qonuniy manfaatlarini amalda roʻyobga chiqarish, ularning jismoniy, intellektual, maʼnaviy hamda axloqiy jihatdan kamol topishiga, qobiliyati va isteʼdodini toʻliq namoyon etishiga koʻmaklashish boʻyicha chora-tadbirlarni muvofiqlashtirish sohasida:

bola huquqlari, erkinliklari va qonuniy manfaatlari himoya qilinishida davlat siyosatini roʻyobga chiqarishga doir chora-tadbirlarni amalga oshiradi;

davlat organlari va tashkilotlari, alohida sharoitlarda tarbiyalanishga muhtoj voyaga yetmaganlar uchun ixtisoslashtirilgan oʻquv-tarbiya muassasalari (keyingi oʻrinlarda — ixtisoslashtirilgan oʻquv-tarbiya muassasalar) va jazoni ijro etish muassasalarining faoliyatida bolalar huquqlari, erkinliklari va qonuniy manfaatlarini himoya qilinishini taʼminlaydi;

bolalar oʻrtasida nazoratsizlik va huquqbuzarliklar profilaktikasi boʻyicha normativ-huquqiy hujjatlarning amalga oshirilishini taʼminlaydi;

farzandlikka olingan, vasiylik, homiylik belgilangan yoki tutingan (foster) oilaga olingan yetim bolalar va ota-ona qaramogʻidan mahrum boʻlgan bolalar, shuningdek, ixtisoslashtirilgan oʻquv-tarbiya muassasalari tarbiyalanuvchilarining turmush sharoitlari va ularning tarbiyalanishini nazorat qiladi;

yetim bolalar va ota-ona qaramogʻidan mahrum boʻlgan bolalarning uy-joy bilan taʼminlanishini nazorat qiladi;

bolalar huquqlari, erkinliklari va qonuniy manfaatlari bilan bogʻliq murojaatlarni koʻrib chiqadi;

voyaga yetmagan shaxslarga nisbatan vasiylik va homiylik sohasidagi faoliyatni muvofiqlashtirib boradi;

yetim bolalar va ota-onasining qaramogʻidan mahrum boʻlgan bolalarni davlat tomonidan qoʻllab-quvvatlash mexanizmlarini takomillashtiradi, ularning jadal ijtimoiy moslashuvi uchun keng imkoniyatlar yaratadi;

bolalarni oilada tarbiyalash shaklining ustuvorligini taʼminlash maqsadida ota-ona qaramogʻisiz qolgan bolalarga gʻamxoʻrlik qilayotgan shaxslarni ragʻbatlantirish choralarini koʻradi;

b) bolalarning huquqlari, erkinliklari va qonuniy manfaatlarini himoya qilish borasida bajarilayotgan ishlarni tizimli tahlil qilish, baholash va samaradorligini oshirish boʻyicha chora-tadbirlarni amalga oshirish sohasida:

oilada tarbiyalanayotgan yetim bolalar va ota-ona qaramogʻidan mahrum boʻlgan bolalarning turmush sharoitlarini va ularning tarbiyalanishi monitoringi olib borilishini nazorat qiladi;

davlat organlari va tashkilotlarining, jumladan, mahalliy ijro etuvchi hokimiyat organlarining bolalar huquqlari, erkinliklari va qonuniy manfaatlarini taʼminlash borasidagi faoliyatini oʻrganadi, aniqlangan qonun buzilishi holatlari boʻyicha taʼsir choralarini qoʻllaydi;

Milliy komissiya qarorlari ijrosini taʼminlamagan hamda bolalarning huquqlari, erkinliklari va qonuniy manfaatlari buzilgan holatlar boʻyicha ularni bartaraf etish choralarini koʻrmagan mansabdor shaxslarni javobgarlikka tortish yuzasidan davlat organlari va tashkilotlariga, jumladan, mahalliy ijro etuvchi hokimiyat organlariga taqdimnoma kiritadi;

ijtimoiy jihatdan xavfli ahvolda boʻlgan, shuningdek, taʼlim muassasalaridagi mashgʻulotlarga uzrli sabablarsiz qatnashmayotgan bolalarning hisobi yuritilishini nazorat qiladi, bunday holatlarni bartaraf etish yuzasidan koʻrsatmalar beradi;

bolalar oʻrtasida nazoratsizlik va huquqbuzarliklar profilaktikasi, ularning huquqlari, erkinliklari va qonuniy manfaatlarini himoya qilish hamda vasiylik va homiylik sohasidagi ijobiy ish tajribasini oʻrganadi hamda ommalashtirish choralarini koʻradi;

v) ijtimoiy yetimlikning oldini olish va bolalarning ustuvor ravishda oila muhitida oʻsib-ulgʻayishini taʼminlash maqsadida bolalarni oilaga tarbiyaga berish boʻyicha koʻrilayotgan chora-tadbirlar va tarbiyaga berish tizimining samaradorligini tahlil qilish hamda ushbu tizimni takomillashtirish boʻyicha takliflar kiritib borish sohasida:

ijtimoiy yetimlikning oldini olish, bolalarning oilada tarbiya olishi va ularga zarur sharoitlar yaratish choralarini koʻradi, ularni mustaqil hayotga tayyorlashga oid tashabbuslarni qoʻllab-quvvatlaydi;

bolalarni muqobil joylashtirish shakllariga berishning mavjud mexanizmlarini yaxshilash boʻyicha takliflarni, shu jumladan farzandlikka oluvchilar va tutingan oilalarni tayyorlash va qoʻllab-quvvatlash sifatini oshirish boʻyicha tavsiyalarni shakllantiradi;

bolalarni oilaga berish jarayonini tartibga soluvchi qonunchilik hujjatlarini takomillashtirish boʻyicha takliflarni koʻrib chiqadi;

bolalar huquqlarini himoya qilish sohasida faoliyat yuritayotgan davlat va nodavlat tashkilotlar bilan tajriba almashish uchun hamkorlik aloqalarini oʻrnatishga koʻmaklashadi;

xabardorlikni oshirish va tashabbuslarni qoʻllab-quvvatlash uchun bolalarni oilaga berish bilan bogʻliq masalalarni muhokama qilishga jamoatchilikni jalb qiladi;

g) sifatli taʼlim-tarbiya jarayonini tashkil etish, bolalarga chuqur bilim berish, ularning bilim, malaka va koʻnikmalarini shakllantirish boʻyicha davlat organlari tomonidan amalga oshirilayotgan ishlarni muntazam tahlil qilib borish hamda taʼlim olishiga toʻsqinlik qilayotgan omillarni bartaraf etish yuzasidan taʼsirchan choralarni belgilash sohasida:

bolalarning har tomonlama kamol topishiga munosib shart-sharoitlar yaratish, ularni maktabgacha, umumiy oʻrta, oʻrta-maxsus va professional taʼlim bilan bosqichma-bosqich toʻliq qamrab olish, shuningdek, yetim bolalar va ota-ona qaramogʻidan mahrum boʻlgan bolalar va ijtimoiy koʻmakka muhtoj oilalar bolalariga belgilangan imtiyozlar asosida taʼlim olish chora-tadbirlarini belgilaydi;

bolalarni, ayniqsa oliy taʼlim muassasalariga oʻqishga kira olmagan hamda kasb egallash istagini bildirgan umumiy oʻrta va oʻrta maxsus taʼlim muassasalari bitiruvchilarini mehnat bozorida talab yuqori boʻlgan kasb-hunarga oʻqitishni tashkil etadi;

14 yoshdan 23 yoshgacha boʻlgan yetim yoki ota-ona qaramogʻidan mahrum boʻlgan yoshlarning jamiyatga ijtimoiylashuvi hamda integratsiyasini taʼminlash, ularning erkin kasb tanlashlari uchun shart-sharoitlar yaratish, ularning tashabbuslarini qoʻllab-quvvatlashga qaratilgan ijtimoiy xizmat va yordamlar koʻrsatishni tashkil etishda koʻmaklashadi;

d) “Xavfsiz maktab” tizimi keng joriy etilishiga qaratilgan va maktablarda axloqiy-psixologik muhitni yaxshilash boʻyicha dasturlar amalga oshirilishi holatini tahlil qilib borish sohasida:

oʻquvchilar oʻrtasida nazoratsizlikni keltirib chiquvchi omillarni aniqlash va bartaraf etish yuzasidan manzilli chora-tadbirlar belgilaydi;

oʻquvchilarda vatanparvarlik, Vatanga sadoqat hissini shakllantirish orqali ular oʻrtasida salbiy holatlar, daydilik va tilanchilik kabi gʻayriijtimoiy xatti-harakatlarning barvaqt oldini olishga qaratilgan chora-tadbirlar belgilaydi;

maktablarda sifatli taʼlim-tarbiya ishlarining amalga oshirilish holatini, oʻquvchilarning boʻsh vaqtini mazmunli tashkil etish, ularni kasbga yoʻnaltirish, jismoniy va ijodiy qobiliyatlarini rivojlantirish boʻyicha koʻrilayotgan choralarning natijadorligini tahlil qiladi;

maktablarda oʻquvchilarning davomatini, ular oʻrtasida huquqbuzarlik, gʻayriijtimoiy xatti-harakatlar sodir etilishini oldini olish boʻyicha vakolatli organlar tomonidan koʻrilayotgan chora-tadbirlarni oʻrganadi;

e) bolalarning boʻsh vaqtini mazmunli tashkil etish, ularni sport bilan muntazam shugʻullanishga jalb etish, ayniqsa, qishloq va chekka hududlarda bolalar sportini yanada rivojlantirish boʻyicha amalga oshirilayotgan ishlar natijasini muhokama qilib borish sohasida:

bolalarning sport bilan muntazam ravishda shugʻullanishi uchun zarur shart-sharoitlar yaratilishi boʻyicha amalga oshirilayotgan ishlarni muhokama qilib boradi;

bolalar, ayniqsa yetim bolalar va ota-ona qaramogʻidan mahrum boʻlgan bolalar oʻrtasida ularning ijodiy va individual salohiyatlarini oshirishga qaratilgan maʼnaviy-maʼrifiy va madaniy tadbirlarni oʻtkazadi, bolalar sport bilan muntazam ravishda shugʻullanishga jalb etilishini tashkil etadi;

bolalarni boʻsh vaqt faoliyatining turli turlariga (toʻgaraklar, seksiyalar, festivallar) jalb etishga qaratilgan tadbirlar oʻtkazilishini tashkillashtiradi;

bolalar, shu jumladan, qishloq va olis joylar uchun sport musobaqalari va turnirlari oʻtkazilishini tashkillashtiradi;

bolalar sportini rivojlantirishga qaratilgan dasturlar va tadbirlar samaradorligini baholaydi, kamchiliklarni bartaraf etish hamda bolalar sportini yanada rivojlantirish boʻyicha takliflar ishlab chiqadi;

yangi uy-joy massivlarini qurish va loyihalashtirishda oʻyin va sport maydonchalari, bolalar stadionlari va bolalar dam olish zonalari qurish uchun yer maydonlari ajratilishini nazorat qilib boradi;

j) alohida taʼlim ehtiyojlari boʻlgan bolalarni inklyuziv taʼlimga jalb qilish, tibbiy-ijtimoiy reabilitatsiya qilish va jamiyatga integratsiyasini taʼminlash boʻyicha koʻrilayotgan choralar samaradorligini baholash sohasida:

inklyuziv taʼlimni rivojlantirish, alohida taʼlim ehtiyojlari boʻlgan bolalarni taʼlim olish va kasbga oʻrgatishga koʻmaklashish boʻyicha amalga oshirilayotgan chora-tadbirlarni samaradorligini baholaydi;

taʼlim tashkilotlari uchun inklyuziv oʻquv dasturlari va uslubiy qoʻllanmalarning ishlab chiqilishi hamda ularni taʼlim jarayoniga tatbiq etilishiga koʻmaklashadi;

alohida taʼlim ehtiyojlari boʻlgan bolalar uchun davlat ixtisoslashtirilgan taʼlim muassasalarida oʻquv-tarbiya va davolash-sogʻlomlashtirish jarayonlarini tashkil qilishda koʻmaklashadi;

alohida taʼlim ehtiyojlari boʻlgan bolalarning umumiy oʻrta taʼlim olishda va ularni bilish imkoniyatlariga muvofiq tarbiyalashda, ularning jamiyatga moslashuvi va integratsiyalashuvida koʻmaklashadi;

alohida taʼlim ehtiyojlari boʻlgan bolalarni bir ixtisoslashtirilgan taʼlim muassasasidan boshqa ixtisoslashtirilgan taʼlim muassasasiga yoki inklyuziv sharoitda taʼlim olishi uchun umumtaʼlim tashkilotlariga oʻtkazishda koʻmaklashadi;

taʼlim bilan qamrab olinmagan alohida taʼlim ehtiyojlari boʻlgan bolalarni taʼlimga jalb qilish, ularning tibbiy-ijtimoiy reabilitatsiyasini tashkillashtiradi;

alohida taʼlim ehtiyojlari boʻlgan bolalar bilan ishlashning yangi yondashuvlari va usullari boʻyicha takliflarni koʻrib chiqadi;

z) bolalarni vatanparvarlikka undaydigan taʼlim-tarbiya samaradorligini, vatanparvarlik va Vatanga sadoqat hissini yuksaltirish boʻyicha koʻrilayotgan choralar taʼsirchanligini oshirish sohasida:

bolalarni vatanparvarlik ruhida tarbiyalash, ularning maʼnaviy-axloqiy tarbiyasi hamda boʻsh vaqtini mazmunli tashkil etishga qaratilgan chora-tadbirlar dasturini ishlab chiqadi;

bolalarda maʼnaviy va madaniy qadriyatlar, yaxshi xulq-atvor, vatanparvarlik va Vatanga muhabbat tuygʻusini, ularda milliy hamda umuminsoniy qadriyatlarga nisbatan hurmat bilan munosabatda boʻlishni tarbiyalashga qaratilgan chora-tadbirlarni amalga oshiradi;

bolalarda vatanparvarlik tuygʻularini shakllantirishda mavjud taʼlim dasturlarini samaradorligini baholaydi;

bolalarni jamiyat hayotida faol ishtirok etishga jalb etishga qaratilgan vatanparvarlik tadbirlari va tanlovlar oʻtkazadi;

i) bolalar salomatligini asrash, ularga sifatli tibbiy yordam koʻrsatish, ular orasida sogʻlom turmush tarzini va toʻgʻri ovqatlanishni yoʻlga qoʻyish, taʼlim tashkilotlarida bolalarning oziq-ovqat taʼminoti, ularning sifati va sanitariya holatini oʻrganib borish va yaxshilash boʻyicha zarur choralarni koʻrish sohasida:

bolalar salomatligini asrash, ularga sifatli tibbiy yordam koʻrsatish, ular orasida sogʻlom turmush tarzini va toʻgʻri ovqatlanishni yoʻlga qoʻyish holatini oʻrganadi;

taʼlim tashkilotlarida bolalarning oziq-ovqat taʼminoti, ularning sifati va sanitariya holatini oʻrganadi;

bolalarning sogʻlom rivojlanishi va tarbiyasi masalalari boʻyicha tushuntirish ishlarini kuchaytirish, toʻgʻri ovqatlanish hamda jismoniy faollikni oshirishni targʻib etish, sogʻlom turmush tarzi koʻnikmalarini shakllantirish choralarini koʻradi;

bolalar salomatligini muhofaza qilish boʻyicha qabul qilingan dasturlar hamda chora-tadbirlarning bajarilishini nazorat qiladi;

hududlarda bolalar salomatligini muhofaza qilish va ularga koʻrsatilayotgan tibbiy xizmat sifatini oʻrganish, tahlil qilish, kamchiliklarni aniqlash va ularni bartaraf qilish boʻyicha chora-tadbirlarni belgilaydi;

k) bolalarda huquqbuzarliklarga qarshi immunitetni shakllantirish, ular orasida huquqbuzarlik, nazoratsizlik va gʻayriijtimoiy xatti-harakatlarning, shuningdek, bolalar ekspluatatsiyasi, ularga nisbatan zoʻravonlikning oldini olish va ularning reabilitatsiyasini taʼminlash boʻyicha amalga oshirilayotgan ishlar holatini tahlil qilish va ular samaradorligini oshirish choralarini koʻrish sohasida:

bolalar oʻrtasida nazoratsizlik, qarovsizlik, huquqbuzarliklar va boshqa gʻayriijtimoiy xatti-harakatlarning oldini olish, ularga imkon tugʻdiruvchi sabablar va sharoitlarni aniqlash hamda bartaraf etish choralarini koʻradi;

bolalarning ota-ona qaramogʻidan mahrum boʻlishining oldini olish, shuningdek bolalar oʻrtasida nazoratsizlik va qarovsizlik profilaktikasi boʻyicha choralar koʻradi;

bolalarni zoʻravonlikning barcha shakllaridan himoya qilish boʻyicha idoralararo maxsus Ishchi guruh faoliyatini muvofiqlashtiradi;

bolalarni zoʻravonlikning barcha shakllaridan himoya qilish sohasidagi koʻp tarmoqli strategiya va harakatlar rejasini ishlab chiqishda ishtirok etadi;

bolalarga nisbatan zoʻravonlik holatlarini aniqlash va taʼsir choralarini koʻrish boʻyicha idoralararo hamkorlikni muvofiqlashtiradi;

bolalarni zoʻravonlikning barcha shakllaridan himoya qilish boʻyicha idoralararo maxsus Ishchi guruh tomonidan bolalarni huquqlari, erkinliklari hamda qonuniy manfaatlari buzilganligi toʻgʻrisidagi yuborilgan shikoyatlarini koʻrib chiqadi;

bolalarga nisbatan zoʻravonlik toʻgʻrisidagi maʼlumotlarni toʻplashni, saqlashni, ularga ishlov berishni, ularni tahlil qilishni, shuningdek ulardan foydalanishni amalga oshiradi;

bolalarni zoʻravonlikning barcha shakllaridan himoya qilish masalalariga doir axborotni toʻplaydi, oʻrganadi va tahlil qilib boradi, shuningdek, qonunchilikni takomillashtirish boʻyicha takliflar ishlab chiqadi;

tizimli kamchiliklarning yuzaga kelishi sabablari va shart-sharoitlarini aniqlaydi va tahlil qiladi hamda ularni huquqni qoʻllash amaliyoti va qonunchilikni takomillashtirish yoʻli bilan bartaraf etish choralarini koʻradi;

ixtisoslashtirilgan oʻquv-tarbiya muassasalarini tamomlagan yetim bolalar va ota-onasining qaramogʻidan mahrum boʻlgan bolalarning ijtimoiy-huquqiy himoyasini tashkil etish va bandligini taʼminlashga koʻmaklashadi;

l) bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilish yoki boshqa salbiy illatlarni erta bosqichlarda aniqlash, davolash va tibbiy-ijtimoiy reabilitatsiya qilish boʻyicha amalga oshirilayotgan ishlarni tahlil qilish va ularning yechimi boʻyicha takliflar tayyorlash sohasida:

bolalar oʻrtasida psixoaktiv moddalarni isteʼmol qilish holatlari boʻyicha statistik maʼlumotlarni yigʻadi va tahlil qiladi;

bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilish, shuningdek, boshqa salbiy illatlarni oldini olish boʻyicha profilaktika tadbirlarini tashkillashtiradi;

mutasaddi vazirlik va idoralar bilan birgalikda bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilish, shuningdek, boshqa salbiy illatlarni erta bosqichlarda aniqlash boʻyicha choralar koʻradi;

spirtli ichimliklar, giyohvandlik vositalari va psixotrop moddalarini isteʼmol qiluvchi bolalarni davolash va tibbiy-ijtimoiy reabilitatsiya qilish boʻyicha amalga oshirilayotgan ishlarni tahlil qiladi;

spirtli ichimliklar, giyohvandlik vositalari, psixotrop yoki aql-iroda faoliyatiga taʼsir etuvchi boshqa moddalarni muntazam ravishda isteʼmol qiluvchi bolalarga narkologiya muassasalari tomonidan oʻz vaqtida ixtisoslashtirilgan diagnostika va davolash-tiklash yordami koʻrsatilishini nazorat qiladi;

bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilishni oldini olishga qaratilgan takliflar ishlab chiqadi;

m) ijtimoiy himoyaga muhtoj bolalarni qoʻllab-quvvatlash, ularni ijtimoiy-huquqiy himoya qilish borasida amalga oshirilayotgan chora-tadbirlar samaradorligini baholab borish va ularni yanada takomillashtirish boʻyicha takliflarni koʻrib chiqish sohasida:

ijtimoiy himoyaga muhtoj bolalarni qoʻllab-quvvatlashga qaratilgan mavjud dastur va tashabbuslarni muntazam monitoring qilib boradi;

ijtimoiy himoyaga muhtoj bolalarni qoʻllab-quvvatlash tadbirlari uchun ajratilgan mablagʻlarning oʻz vaqtida toʻlanishini nazorat qiladi;

ijtimoiy himoyaga muhtoj bolalarni ijtimoiy-huquqiy himoya qilish borasida amalga oshirilayotgan chora-tadbirlar samaradorligini baholaydi;

ijtimoiy himoyaga muhtoj bolalarni qoʻllab-quvvatlash tizimini takomillashtirish boʻyicha takliflarni koʻrib chiqadi;

n) bolalar bilan ishlash tizimidagi kamchiliklar, ularning sabab va shart-sharoitlarini aniqlash, tahlil qilish hamda bartaraf etish boʻyicha takliflar ishlab chiqish sohasida:

bolalarning huquqlari, erkinliklari va qonuniy manfaatlarini taʼminlash, yetim bolalar va ota-ona qaramogʻidan mahrum boʻlgan bolalarni muqobil joylashtirish shakllariga joylashtirish sohasidagi tizimli kamchiliklarning sabab va shart-sharoitlarini tahlil qiladi;

bolalar bilan ishlash tizimidagi aniqlangan kamchiliklarni bartaraf etish yuzasidan takliflar ishlab chiqadi;

bolalarning huquqlari, erkinliklari va qonuniy manfaatlari himoya qilinish tizimini takomillashtirish boʻyicha mutasaddi vazirlik va idoralar bilan birgalikda takliflar ishlab chiqadi;

o) davlat organlari va tashkilotlarining, bolalar masalalari boʻyicha hududiy komissiyalarning bolalarning huquqlari, erkinliklari va qonuniy manfaatlarini himoya qilish sohasidagi faoliyatini muvofiqlashtirish sohasida:

hududiy komissiyalarining yillik ish rejalarini kelishadi;

hududiy, tuman (shahar) komissiyalari faoliyatini muvofiqlashtiradi va tahlil qiladi, ularga tashkiliy-metodik jihatdan koʻmaklashadi;

bola huquqlari, erkinliklari va qonuniy manfaatlarini taʼminlash boʻyicha davlat organlari va tashkilotlari, shuningdek, ularning mansabdor shaxslari faoliyatining ochiqligi hamda oshkoraligini taʼminlaydi;

bolalarning huquqlari, erkinliklari va qonuniy manfaatlarini himoya qilish, vasiylik va homiylik organlari va tashkilotlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari hamda nodavlat notijorat tashkilotlar oʻrtasidagi hamkorlik taʼminlanishini tashkil etadi.

Milliy komissiya qonunchilik hujjatlariga muvofiq boshqa funksiyalarni ham amalga oshirishi mumkin”;

11-band quyidagi tahrirda bayon etilsin:

“11. Oʻzbekiston Respublikasining Bosh vaziri Milliy komissiyaning raisi hisoblanadi”;

12-band quyidagi tahrirda bayon etilsin:

“12. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) Milliy komissiyaning ishchi organi vazifasini bajaradi.

Oʻzbekiston Respublikasi Milliy gvardiyasi Agentlikka Milliy komissiya yigʻilishlarini oʻtkazish, uning faoliyati uchun zarur axborotlarni toʻplash va tahlil qilishga koʻmaklashadi.

Davlat organlari va tashkilotlari, oʻquv-tarbiya muassasalari, shuningdek, hududiy komissiyalarning bolalarning huquqlari, erkinliklari va qonuniy manfaatlarini himoya qilishga qaratilgan faoliyatini oʻrganish va tekshirish Milliy komissiya ishchi organi bilan kelishilgan holda amalga oshiriladi”;

14-bandning birinchi xatboshisidagi “hamraisi” soʻzi “raisi” soʻzi bilan almashtirilsin;

15-bandning toʻrtinchi xatboshisi quyidagi tahrirda bayon etilsin:

“Milliy komissiya raisi yoʻqligida uning vazifalarini bajaradi”;

20-bandning ikkinchi xatboshisidagi “hamraislari” soʻzi “raisi” soʻzi bilan almashtirilsin;

22-bandda:

birinchi xatboshidagi “Vazirlar Mahkamasining Bolalarni himoya qilish masalalari shuʼbasi” soʻzlari “Agentlik” soʻzi bilan almashtirilsin;

ikkinchi xatboshidagi “hamraisidan biri” soʻzlari “raisi” soʻzi bilan almashtirilsin;

b) 2-ilovada:

6-band quyidagi tahrirda bayon etilsin:

“6. Quyidagilar hududiy komissiyaning asosiy vazifalari hisoblanadi:

“Xavfsiz maktab” tizimi keng joriy etilishiga qaratilgan va maktablarda axloqiy-psixologik muhitni yaxshilash boʻyicha dasturlar amalga oshirilishi holatini tahlil qilib borish;

bolalarni vatanparvarlikka undaydigan taʼlim-tarbiya samaradorligini, vatanparvarlik va Vatanga sadoqat hissini yuksaltirish boʻyicha koʻrilayotgan choralar taʼsirchanligini oshirish;

bolalar bilan ishlash tizimidagi kamchiliklar, ularning sabab va shart-sharoitlarini aniqlash, tahlil qilish hamda bartaraf etish boʻyicha takliflar ishlab chiqish;

davlat organlari va tashkilotlari, shuningdek, tuman (shahar) komissiyalarining bolalarning huquqlari, erkinliklari va qonuniy manfaatlarini himoya qilish sohasidagi faoliyatini qoʻllab-quvvatlash va muvofiqlashtirish.

Hududiy komissiya qonunchilik hujjatlariga muvofiq boshqa vazifalarni ham amalga oshirishi mumkin”;

7-band quyidagi tahrirda bayon etilsin:

“7. Quyidagilar hududiy komissiyaning funksiyalari hisoblanadi:

bola huquqlari, erkinliklari va qonuniy manfaatlari himoya qilinishida davlat siyosatini roʻyobga chiqarishga doir chora-tadbirlarni amalga oshiradi;

davlat organlari va tashkilotlari, alohida sharoitlarda tarbiyalanishga muhtoj voyaga yetmaganlar uchun ixtisoslashtirilgan oʻquv-tarbiya muassasalar (keyingi oʻrinlarda — ixtisoslashtirilgan oʻquv-tarbiya muassasalar) va jazoni ijro etish muassasalarining faoliyatida bolalar huquqlari, erkinliklari va qonuniy manfaatlarini himoya qilinishini taʼminlaydi;

bolalar oʻrtasida nazoratsizlik va huquqbuzarliklar profilaktikasi boʻyicha normativ-huquqiy hujjatlarning amalga oshirilishini taʼminlaydi;

yetim bolalar va ota-ona qaramogʻidan mahrum boʻlgan bolalarning uy-joy bilan taʼminlanishini nazorat qiladi;

bolalar huquqlari, erkinliklari va qonuniy manfaatlari bilan bogʻliq murojaatlarni koʻrib chiqadi;

voyaga yetmagan shaxslarga nisbatan vasiylik va homiylik sohasidagi faoliyatni muvofiqlashtirib boradi;

bolalarni oilada tarbiyalash shaklining ustuvorligini taʼminlash maqsadida ota-ona qaramogʻisiz qolgan bolalarga gʻamxoʻrlik qilayotgan shaxslarni ragʻbatlantirish choralarini koʻradi;

oilada tarbiyalanayotgan yetim bolalar va ota-ona qaramogʻidan mahrum boʻlgan bolalarning turmush sharoitlarini va ularning tarbiyalanishi monitoringi olib borilishini nazorat qiladi;

Hududiy komissiya qarorlari ijrosini taʼminlamagan hamda bolalarning huquqlari, erkinliklari va qonuniy manfaatlari buzilgan holatlar boʻyicha ularni bartaraf etish choralarini koʻrmagan mansabdor shaxslarni javobgarlikka tortish yuzasidan davlat organlari va tashkilotlariga, jumladan, mahalliy ijro etuvchi hokimiyat organlariga taqdimnoma kiritadi;