Oʻzbekiston Respublikasi Prezidentining

Farmoni

Yer qaʼridan foydalanish, sanoat, radiatsiya va yadro xavfsizligi hamda atom energiyasidan foydalanish sohalarida davlat boshqaruvi va nazorati tizimini takomillashtirish chora-tadbirlari toʻgʻrisida

Soʻnggi yillarda yer qaʼridan foydalanish, sanoat, radiatsiya va yadro xavfsizligini nazorat qilishda qonunchilik talablariga rioya etilishini taʼminlashga qaratilgan qator chora-tadbirlar izchil amalga oshirilmoqda. Bunda sanoat tarmoqlarini modernizatsiya qilish va yangi ishlab chiqarish quvvatlarini foydalanishga topshirish bilan bir qatorda ushbu sohalarda davlat boshqaruvi va nazorati tizimini xalqaro standartlarga muvofiqlashtirish hamda huquqbuzarliklarning oldini olish choralarini kuchaytirish dolzarb vazifa boʻlib qolmoqda.

1. Vazirlar Mahkamasi, Togʻ-kon sanoati va geologiya vazirligi, Iqtisodiyot va moliya vazirligi hamda Energetika vazirligining:

a) Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi negizida:

Vazirlar Mahkamasi huzuridagi Sanoat, radiatsiya va yadro xavfsizligi qoʻmitasini (keyingi oʻrinlarda — Qoʻmita);

Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasini (keyingi oʻrinlarda — Inspeksiya);

b) Energetika vazirligi huzuridagi Atom energetikasini rivojlantirish agentligi negizida Vazirlar Mahkamasi huzuridagi Atom energiyasi agentligini (keyingi oʻrinlarda — Agentlik) tashkil etish toʻgʻrisidagi takliflariga rozilik berilsin.

2. Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi funksiyalari va shtat birliklarini taqsimlash tartibi 1-ilovaga muvofiq tasdiqlansin.

3. Belgilansinki:

Qoʻmita atom energetikasi va yadro texnologiyalari obyektlarida radiatsiya va yadro xavfsizligini taʼminlash, shuningdek, xavfli ishlab chiqarish obyektlarida sanoat xavfsizligi sohalarida yagona davlat siyosatini amalga oshirish va muvofiqlashtirish boʻyicha vakolatli respublika ijro etuvchi hokimiyat organi hisoblanadi;

Agentlik atom energiyasidan tinchlik maqsadlarida foydalanish sohasida davlat siyosatini amalga oshiruvchi respublika ijro etuvchi hokimiyat organi hisoblanadi;

Inspeksiya yer qaʼridan foydalanish va muhofaza qilish sohasida davlat nazorati va tekshiruvini amalga oshiruvchi respublika ijro etuvchi hokimiyat organi hisoblanadi.

4. Vazirlar Mahkamasi bir kun muddatda Oʻzbekiston Respublikasi Prezidentining Qoʻmita, Agentlik va Inspeksiya faoliyatini tashkil etish toʻgʻrisidagi qarorlari loyihalarini Oʻzbekiston Respublikasi Prezidenti Administratsiyasiga kiritsin.

5. Togʻ-kon sanoati va geologiya vazirligi, Qoʻmita va Agentlik Adliya vazirligi bilan birgalikda uch oy muddatda qonunchilikka mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

7. Oʻzbekiston Respublikasi Prezidentining ayrim hujjatlari 3-ilovaga muvofiq oʻz kuchini yoʻqotgan deb hisoblansin.

8. Mazkur Farmonning ijrosini samarali tashkil qilishga masʼul va shaxsiy javobgar etib togʻ-kon sanoati va geologiya vaziri B.F. Islamov hamda energetika vaziri J.T. Mirzamahmudov belgilansin.

Farmon ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 24-may,

PF-79-son

Oldingi tahrirga qarang.

Oʻzbekiston Respublikasi Prezidentining 2024-yil 24-maydagi PF-79-son Farmoniga
1-ILOVA

Togʻ-kon sanoati va geologiya vazirligi huzuridagi Togʻ-kon, geologiya va sanoat xavfsizligini nazorat qilish inspeksiyasi funksiyalari va shtat birliklarini taqsimlash

TARTIBI

T/r	Funksiyalar	Shtat birligi (ta)	Funksiyalar va shtat birliklari oʻtkazilayotgan vakolatli organlar
1.	Temir yoʻl transportida xavfli yuklarni tashish va saqlash xavfsizligi talablariga rioya etilishini nazorat qilish	1	Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi
	Neft va gazni birlamchi qayta ishlash sohasidagi xavfsizlik, neft-gaz tarmogʻida magistral quvurlar va gaz xoʻjaligi xavfsizligi talablariga rioya etilishini nazorat qilish	19
	AYQSh, AGQSH va AGTKSH xavfsizligi talablariga rioya etilishini nazorat qilish	9
	Kimyoviy-bakteriologik qurolni taqiqlash sohasidagi nazorat	1
	Kimyo, neft-kimyo va texnologiya xavfsizligi talablariga rioya etilishini nazorat qilish	10
	Radiatsiya va yadro xavfsizligi talablariga rioya etilishini nazorat qilish	17
	Istirohat bogʻlari attraksionlari xavfsizligi talablariga rioya etilishini nazorat qilish	9
	Donni saqlashda sanoat xavfsizligi talablariga rioya etilishini nazorat qilish	6
	Koʻtarish qurilmalari xavfsizligi talablariga rioya etilishini nazorat qilish	18
	Liftlar xavfsizligi talablariga rioya etilishini nazorat qilish	15
	Bosim ostida ishlaydigan uskunalar xavfsizligi talablariga rioya etilishini nazorat qilish	15
	Metallurgiya tarmogʻi xavfsizligi talablariga rioya etilishini nazorat qilish	4
	Markaziy apparat	10
	Jami boshqaruv xodimlari soni	134
2.	Togʻ-kon sanoati va geologiya sohasidagi nazorat	35
	Neft va gaz geologiya-qidiruv ishlari va ularni qazib olish ustidan nazorat	7	Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi
	Konchilik va kon portlatish ishlari xavfsizligi talablariga rioya etilishini nazorat qilish	20
	Yer osti suv resurslarini muhofaza qilish sohasidagi nazorat	1
	Markaziy apparat	9
	Jami boshqaruv xodimlari soni	72

(1-ilovaning matni Oʻzbekiston Respublikasi Prezidentining 2024-yil 24-dekabrdagi PF-224-sonli Farmoni tahririda — Qonunchilik maʼlumotlari milliy bazasi, 27.12.2024-y., 06/24/224/1068-son)

Oʻzbekiston Respublikasi Prezidentining 2024-yil 24-maydagi PF-79-son Farmoniga
2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 19-iyuldagi “Oʻzbekiston Respublikasida atom energetikasini rivojlantirish chora-tadbirlari toʻgʻrisida”gi PF-5484-son Farmonida:

a) 1-bandning birinchi xatboshisidagi “Atom energetikasini rivojlantirish agentligi” soʻzlari “Atom energiyasi agentligi” soʻzlariga almashtirilsin;

b) 1-bandning uchinchi xatboshisi chiqarib tashlansin;

v) 3-bandning birinchi xatboshi quyidagi tahrirda bayon etilsin:

“3. “Oʻzatom” agentligi huzurida Oʻzbekiston Respublikasi Prezidenti huzuridagi Xavfsizlik kengashi, Oʻzbekiston Respublikasi Favqulodda vaziyatlar vazirligi, Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Fanlar akademiyasi, Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi, Sogʻliqni saqlash vazirligi, boshqa manfaatdor vazirlik va idoralar vakillari, shuningdek, atom energetikasini rivojlantirish sohasidagi xalqaro ekspertlar tarkibiga kiritilgan Ilmiy-texnik va ekspert kengashi tashkil etilsin”.

2. Oʻzbekiston Respublikasi Prezidentining 2018-yil 27-iyuldagi “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi PF-5490-son Farmoniga 2-ilovada:

6-pozitsiyaning “Nazorat qiluvchi organ” ustunidagi “Sanoatgeokontexnazorat” DI” soʻzlari “Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin;

15-pozitsiyaning “Nazorat qiluvchi organ” ustunidagi “Sanoat xavfsizligi davlat qoʻmitasi” soʻzlari “Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin;

27, 28 va 29-pozitsiyalaridagi “Oʻzbekiston Respublikasi Davlat geologiya va mineral resurslar qoʻmitasi huzuridagi Kon-geologiya faoliyatini nazorat qilish inspeksiyasi” soʻzlari “Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi” soʻzlari bilan almashtirilsin.

3. Oʻzbekiston Respublikasi Prezidentining 2019-yil 1-fevraldagi “Oʻzbekiston Respublikasi yoqilgʻi-energetika tarmogʻini boshqarish tizimini tubdan takomillashtirish chora-tadbirlari toʻgʻrisida”gi PF-5646-son Farmonida:

a) 3-bandda:

toʻrtinchi xatboshi chiqarib tashlansin;

beshinchi xatboshi toʻrtinchi xatboshi deb hisoblansin;

b) 4-bandda:

ikkinchi xatboshi chiqarib tashlansin;

uchinchi va toʻrtinchi xatboshilar tegishincha ikkinchi va uchinchi xatboshilar deb hisoblasin.

4. Oʻzbekiston Respublikasi Prezidentining 2021-yil 2-iyundagi “Texnik jihatdan tartibga solish sohasida davlat boshqaruvini tubdan takomillashtirish toʻgʻrisida”gi PF-6240-son Farmoni 14-bandining beshinchi xatboshisidagi “Sanoat xavfsizligi davlat qoʻmitasi raisi B. Gulyamov” soʻzlari “Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin.

5. Oʻzbekiston Respublikasi Prezidentining 2021-yil 28-iyundagi “Oʻzbekiston Respublikasining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish milliy tizimini rivojlantirish strategiyasini tasdiqlash toʻgʻrisida”gi PF-6252-son Farmonida:

3-ilovaning 12-bandidagi “Oʻzbekiston Respublikasi Sanoat xavfsizligi davlat qoʻmitasi” soʻzlari “Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin;

4-ilovaning 51-pozitsiyasi “Maʼlumotlarni taqdim etadigan tashkilotlar” ustunidagi “Sanoat xavfsizligi davlat qoʻmitasi” soʻzlari “Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin.

6. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida:

a) 1-ilovada:

“8. Energetika vazirligi” boʻlimida:

“shu jumladan vazir oʻrinbosarlari soni” pozitsiyasining “Jami boshqaruv shtat birliklari soni” va “Davlat budjeti hisobidan” ustunlaridagi “4” raqami “3” raqami bilan almashtirilsin;

1-pozitsiya chiqarib tashlansin;

2-pozitsiya 1-pozitsiya deb hisoblansin;

“9. Togʻ-kon sanoati va geologiya vazirligi” boʻlimining 1-pozitsiyasi quyidagi tahrirda bayon etilsin:

“
1.	Togʻ-kon sanoati va geologiya sohasini nazorat qilish inspeksiyasi	76	76
shu jumladan boshliq oʻrinbosarlari soni		2	2
				”;

quyidagi mazmundagi “26. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” boʻlimi bilan toʻldirilsin:

“
26. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi
	Sanoat, radiatsiya va yadro xavfsizligi qoʻmitasi	110	110
shu jumladan rais oʻrinbosarlari soni		2	2
				”;

quyidagi mazmundagi “27. Vazirlar Mahkamasi huzuridagi Atom energiyasi agentligi” boʻlimi bilan toʻldirilsin:

“
27. Vazirlar Mahkamasi huzuridagi Atom energiyasi agentligi
	Atom energiyasi agentligi	49	49
shu jumladan direktor oʻrinbosarlari soni		2	2
				”;

“Izohlar” qismida:

7-band chiqarib tashlansin;

8-band 7-band deb hisoblansin;

b) 2-ilovada:

8-bandning 8.1.-kichik bandi chiqarib tashlansin;

quyidagi mazmundagi 29-band bilan toʻldirilsin:

“29. Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi”;

quyidagi mazmundagi 30-band bilan toʻldirilsin:

“30. Vazirlar Mahkamasi huzuridagi Atom energiyasi agentligi”;

izoh qismi quyidagi tahrirda bayon etilsin:

“Jami — 70 ta, shundan:

vazirliklar — 21 ta;

qoʻmitalar — 13 ta, shu jumladan alohida maqomga ega mustaqil qoʻmitalar — 3 ta;

agentliklar — 25 ta, shu jumladan alohida maqomga ega mustaqil agentliklar — 5 ta;

inspeksiyalar — 11 ta.

* Respublika ijro etuvchi hokimiyat organlari — vazirliklar, qoʻmitalar, agentliklar va inspeksiyalar toʻgʻrisidagi nizom Vazirlar Mahkamasi qarori bilan tasdiqlanadi”.

7. Oʻzbekiston Respublikasi Prezidentining 2023-yil 27-iyuldagi “Maʼmuriy islohotlar doirasida togʻ-kon sanoati va geologiya sohasida davlat boshqaruvini samarali tashkil etish chora-tadbirlari toʻgʻrisida”gi PF-116-son Farmonida:

a) 1-bandning toʻrtinchi xatboshisi hamda 2-ilova oʻz kuchini yoʻqotgan deb hisoblansin;

b) 3-band quyidagi tahrirda bayon etilsin:

“3. Belgilab qoʻyilsinki, geologiya-qidiruv ishlari boʻyicha davlat buyurtmasini shakllantirishda foydali qazilmalar xom ashyo bazasini kengaytirish ixtisoslashuvidan kelib chiqib, Togʻ-kon sanoati va geologiya vazirligi hamda uning tizimidagi tashkilotlar, shuningdek, “Yangi kon” masʼuliyati cheklangan jamiyati bilan ishlarni bajarishga (xizmatlar koʻrsatishga) oid oʻzaro shartnomalar, qiymatidan qatʼi nazar, istisno tariqasida, toʻgʻridan-toʻgʻri tuziladi.

Bunda:

“Oʻzbek geologiya qidiruv” AJ — foydali qazilmalarning kompleks geologiya-qidiruv ishlari (xizmatlari);

“Oʻzbekgeofizika” AJ — uglevodorod xom ashyosining kompleks geologiya-qidiruv va seysmoqidiruv ishlari (xizmatlari);

“Kitob geologiya tabiat milliy bogʻi” DM — kompleks geologik tadqiqotlar va stratigrafiya ishlari (xizmatlari);

“Yer qaʼridan foydalanish markazi” DM — geologik maʼlumotlar fondi, foydali qazilmalar balansi, kon va istiqbolli maydonlar kadastri tematik ishlari (xizmatlari), geologik loyihalar ekspertizasi ishlari (xizmatlari) boʻyicha yagona yetkazib beruvchi hisoblanadi hamda ushbu tizim tashkilotlari tomonidan geologiya-qidiruv ishlarining (xizmatlarining) ayrim turlari boʻyicha autsorsing asosida pudrat tashkilotlari jalb qilinadi”.

v) 1-ilova quyidagi tahrirda bayon etilsin:

“Oʻzbekiston Respublikasi Prezidentining 2023-yil 27-iyuldagi PF-116-son Farmoniga
1-ILOVA

Togʻ-kon sanoati va geologiya vazirligining

TASHKILIY TUZILMASI

Togʻ-kon sanoati va geologiya vazirligi

“Oʻzbekgidrogeologiya” DM

“Yer qaʼridan foydalanish markazi” DM

Togʻ-kon sanoati va geologiya sohasini nazorat qilish inspeksiyasi

“Navoiyuran” DK

“Oʻzbek geologiya qidiruv” AJ

“Geologiya fanlari universiteti” DM

“Navoiy davlat konchilik va texnologiyalar universiteti” DM

“Geologiya, kon-metallurgiya va misni qayta ishlash sanoatini rivojlantirish loyiha ofisi” DM

“Oʻzbekgeofizika” AJ

“Mineral resurslar instituti” DM

“Geologiya va geofizika instituti” DM

“Gidrogeologiya va muhandislik geologiyasi instituti” DM

“Neft va gaz konlari geologiyasi va qidiruvi instituti” DM

“Togʻ-kon va geologiya sohasi xodimlari malakasini oshirish instituti” DM

“Geologiya muzeyi” DM

“Kitob geologiya tabiat milliy bogʻi” DM

Federal davlat avtonom oliy taʼlim muassasasi “Milliy tadqiqot texnologik universiteti “MISiS”ning Olmaliq shahridagi filiali*

“Navoiy KMK” AJ*

“Olmaliq KMK” AJ*

“Oʻzbekkoʻmir” AJ*

“Oʻzmetkombinat” AJ*

“Shargʻunkoʻmir” AJ*

“Toshkent metallurgiya zavodi” MChJ QK*

* Ushbu tashkilotlar faoliyati Togʻ-kon sanoati va geologiya vazirligi tomonidan oʻz vakolatlari doirasida muvofiqlashtirilib boriladi”;

8. Oʻzbekiston Respublikasi Prezidentining 2017-yil 20-apreldagi “2018 — 2022-yillarda issiqlik taʼminoti tizimini rivojlantirish dasturi toʻgʻrisida”gi PQ-2912-son qarorining 13-bandi quyidagi tahrirda bayon etilsin:

“13. Oʻzbekiston Respublikasi Qurilish va uy-joy kommunal xoʻjaligi vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Favqulodda vaziyatlar vazirligi, Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi, Elektr energiyasi, neft mahsulotlari va gazdan foydalanishni nazorat qilish inspeksiyasi bilan birgalikda mahalliy qozonxonalar, xonadonlarga yakka tartibda ichki issiqlik taʼminoti tizimlari oʻrnatilishi va foydalanishga qabul qilinishi ustidan doimiy nazoratni taʼminlasin”.

9. Oʻzbekiston Respublikasi Prezidentining 2017-yil 24-apreldagi “Xalqaro shartnomani tasdiqlash toʻgʻrisida”gi PQ-2924-son qarori rus tilidagi matnining 2-bandi quyidagi tahrirda bayon etilsin:

“2. Opredelit Komitet promishlennoy, radiatsionnoy i yadernoy bezopasnosti pri Kabinete Ministrov Respubliki Uzbekistan upolnomochennim organom, otvetstvennim za realizatsiyu ukazannogo mejdunarodnogo dogovora”.

10. Oʻzbekiston Respublikasi Prezidentining 2017-yil 21-iyundagi “Xalqaro shartnomani tasdiqlash toʻgʻrisida”gi PQ-3078-son qarori rus tilidagi matnining 2-bandidagi “Gosudarstvennuyu inspeksiyu po nadzoru za geologicheskim izucheniyem nedr, bezopasnim vedeniyem rabot v promishlennosti, gornom dele i kommunalno-bitovom sektore” soʻzlari “Komitet promishlennoy, radiatsionnoy i yadernoy bezopasnosti” soʻzlari bilan almashtirilsin.

11. Oʻzbekiston Respublikasi Prezidentining 2017-yil 25-sentabrdagi “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida”gi PQ-3286-son qarorida:

a) 4-bandning birinchi xatboshisi quyidagi tahrirda bayon etilsin:

“4. Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi, Suv xoʻjaligi vazirligi, Togʻ-kon sanoati va geologiya vazirligi, Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari daryolar oʻzanlarini tozalash va qirgʻoqlarini mustahkamlash, noruda foydali qazilmalarni qazib olish ishlarining ushbu qaror talablariga muvofiq amalga oshirilishi ustidan tizimli nazorat oʻrnatsin”;

b) 8-banddagi “Oʻzbekiston Respublikasi Davlat geologiya va mineral resurslar qoʻmitasi” soʻzlari “Togʻ-kon sanoati va geologiya vazirligi” soʻzlari bilan almashtirilsin;

v) ilovada:

8-band quyidagi tahrirda bayon etilsin:

“8. Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi hududiy boshqarmasining masʼul xodimi”;

12-band oʻz kuchini yoʻqotgan deb hisoblansin.

12. Oʻzbekiston Respublikasi Prezidentining 2017-yil 2-noyabrdagi “Xalqaro shartnomani tasdiqlash toʻgʻrisida”gi PQ-3368-son qarorining 2-bandi quyidagi tahrirda bayon etilsin:

“2. Vazirlar Mahkamasi huzuridagi Atom energiyasi agentligi, Sanoat, radiatsiya va yadro xavfsizligi qoʻmitasi hamda Oʻzbekiston texnik jihatdan tartibga solish agentligi ularga taalluqli qismida yuqorida koʻrsatilgan xalqaro shartnomaning amalga oshirilishi yuzasidan masʼul boʻlgan vakolatli organlar etib belgilansin”.

13. Oʻzbekiston Respublikasi Prezidentining 2018-yil 19-iyuldagi “Oʻzbekiston Respublikasi Energetika vazirligi huzuridagi Atom energetikasini rivojlantirish agentligi faoliyatini tashkil etish toʻgʻrisida”gi PQ-3870-son qarorida:

a) nomi, 1-band va 4-bandning ikkinchi xatboshisidagi “Energetika vazirligi huzuridagi Atom energetikasini rivojlantirish agentligi” soʻzlari “Vazirlar Mahkamasi huzuridagi Atom energiyasi agentligi” soʻzlari bilan almashtirilsin;

b) 2-bandning ikkinchi, uchinchi va toʻrtinchi xatboshilari, 3-bandning birinchi xatboshisi hamda 14-banddagi tegishli kelishikdagi “bosh direktor” soʻzlari tegishli kelishikdagi “direktor” soʻzi bilan almashtirilsin;

v) 6-bandning birinchi xatboshisi va 8-banddagi “Energetika vazirligi huzuridagi Atom energetikasini rivojlantirish agentligining” soʻzlari “Vazirlar Mahkamasi huzuridagi Atom energiyasi agentligining” soʻzlariga almashtirilsin;

g) 1-ilovaning nomidagi “Energetika vazirligi huzuridagi Atom energetikasini rivojlantirish agentligining” soʻzlari “Vazirlar Mahkamasi huzuridagi Atom energiyasi agentligining” soʻzlari bilan almashtirilsin.

14. Oʻzbekiston Respublikasi Prezidentining 2018-yil 20-iyuldagi “Toshkent shahrida “MMFI” milliy tadqiqot yadro universiteti” federal davlat avtonom oliy taʼlim muassasasining filialini tashkil etish va uning faoliyatini tashkillashtirish toʻgʻrisida”gi PQ-3875-son qarorida:

a) 9-bandning “b” kichik bandidagi “Energetika vazirligi huzuridagi Atom energetikasini rivojlantirish agentligining” soʻzlari “Vazirlar Mahkamasi huzuridagi Atom energiyasi agentligining” soʻzlari bilan almashtirilsin;

b) 9-band “g” kichik bandining ikkinchi xatboshisi, 11-bandning birinchi xatboshisidagi tegishli kelishikdagi “Energetika vazirligi huzuridagi Atom energetikasini rivojlantirish agentligi” soʻzlari tegishli kelishikdagi “Vazirlar Mahkamasi huzuridagi Atom energiyasi agentligi” soʻzlari bilan almashtirilsin.

15. Oʻzbekiston Respublikasi Prezidentining 2018-yil 26-sentabrdagi “Xalqaro shartnomalarga qoʻshilish toʻgʻrisida”gi PQ-3951-son qarorining 2-bandidagi “Sanoat xavfsizligi davlat qoʻmitasi” soʻzlari “Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” soʻzlari bilan almashtirilsin.

16. Oʻzbekiston Respublikasi Prezidentining 2018-yil 26-dekabrdagi “Noruda foydali qazilmalarni oʻz ichiga olgan yer qaʼri uchastkalaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4078-son qarori 10-bandining uchinchi xatboshisidagi “80 foizi” soʻzlari “50 foizi” soʻzlari bilan almashtirilsin.

17. Oʻzbekiston Respublikasi Prezidentining 2019-yil 1-fevraldagi PQ-4142-son qarori bilan tasdiqlangan Oʻzbekiston Respublikasi Energetika vazirligining tashkiliy tuzilmasidan “Atom energetikasini rivojlantirish agentligi” bloki chiqarib tashlansin.

18. Oʻzbekiston Respublikasi Prezidentining 2019-yil 7-fevraldagi “2019 — 2029-yillarda Oʻzbekiston Respublikada atom energetikasini rivojlantirish konsepsiyasini tasdiqlash toʻgʻrisida”gi PQ-4165-son qarorida:

a) 1-banddagi “Energetika vazirligi huzuridagi Atom energetikasini rivojlantirish agentligi” soʻzlari “Vazirlar Mahkamasi huzuridagi Atom energiyasi agentligi” soʻzlari bilan almashtirilsin;

b) 1-ilovada:

5-bobning 9-bandidagi “Energetika vazirligi huzuridagi Atom energetikasini rivojlantirish agentligining” soʻzlari “Vazirlar Mahkamasi huzuridagi Atom energiyasi agentligining” soʻzlari bilan almashtirilsin;

6-bobning birinchi paragrafi 13-bandi “d” kichik bandining sakkizinchi xatboshisidagi “Energetika vazirligi huzuridagi Atom energetikasini rivojlantirish agentligi” soʻzlari “Vazirlar Mahkamasi huzuridagi Atom energiyasi agentligi” soʻzlari bilan almashtirilsin.

19. Oʻzbekiston Respublikasi Prezidentining 2019-yil 16-oktabrdagi “Oʻzbekiston Respublikasining Yadro-energetika dasturi uchun kadrlar salohiyatini rivojlantirish strategiyasini tasdiqlash toʻgʻrisida”gi PQ-4492-son qarorida:

a) 1-bandning beshinchi xatboshisidagi “Energetika vazirligi huzuridagi Atom energetikasini rivojlantirish agentligi” soʻzlari “Vazirlar Mahkamasi huzuridagi Atom energiyasi agentligi” soʻzlari bilan almashtirilsin;

b) 3-bandning toʻrtinchi xatboshisi va 5-bandning ikkinchi xatboshisidagi “Sanoat xavfsizligi davlat qoʻmitasi” va “Oliy va oʻrta maxsus taʼlim vazirligi” soʻzlari tegishlicha “Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” hamda “Oliy taʼlim, fan va innovatsiyalar vazirligi” soʻzlari bilan almashtirilsin;

v) 6-banddagi “Energetika vazirligi huzuridagi “Oʻzatom” agentligining” soʻzlari “Vazirlar Mahkamasi huzuridagi Atom energiyasi agentligining” soʻzlari bilan almashtirilsin;

g) 1-ilovaning 3-bobi ikkinchi paragrafining “a” kichik bandidagi “Energetika vazirligi huzuridagi “Oʻzatom” atom energetikasini rivojlantirish agentligi” soʻzlari “Vazirlar Mahkamasi huzuridagi Atom energiyasi agentligi” soʻzlari bilan almashtirilsin.

20. Oʻzbekiston Respublikasi Prezidentining 2020-yil 22-iyundagi PQ-4756-son qarori bilan tasdiqlangan Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarni bajarishga masʼul davlat organlari va boshqa tashkilotlar roʻyxatining 24-pozitsiyasi quyidagi tahrirda bayon etilsin:

“
24.	Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi	Atom energiyasi boʻyicha xalqaro agentlik
		Kimyoviy qurollarni taqiqlash tashkiloti
		Bakteriologik (biologik) va toksik qurol-yarogʻlarni ishlab chiqish, tayyorlash va toʻplashni man etish hamda ularni tugatish toʻgʻrisidagi konvensiya
		”.

21. Oʻzbekiston Respublikasi Prezidentining 2021-yil 21-apreldagi PQ-5083-son qarori bilan tasdiqlangan Davlat geologiya qoʻmitasi tizimida faoliyat yuritayotgan korxonalarni isloh qilish, sohaning investitsiyaviy jozibadorligini oshirish va raqamlashtirishni keng joriy qilish boʻyicha “yoʻl xaritasi”ning 2-pozitsiyasi “Masʼul ijrochilar” ustunidagi “Moliya vazirligi (O. Nasritdinxodjayev), Davlat geologiya qoʻmitasi (B. Islamov)” soʻzlari “Davlat aktivlarini boshqarish agentligi (A. Ortikov), Togʻ-kon sanoati va geologiya vazirligi (O. Nasritdinxodjayev)” soʻzlari bilan almashtirilsin.

22. Oʻzbekiston Respublikasi Prezidentining 2022-yil 26-maydagi “Xalqaro shartnomani tasdiqlash toʻgʻrisida”gi PQ-260-son qarorining 2-bandidagi “Sanoat xavfsizligi davlat qoʻmitasi” va “Energetika vazirligi huzuridagi Atom energetikasini rivojlantirish agentligi” soʻzlari tegishlicha “Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi” va “Vazirlar Mahkamasi huzuridagi Atom energiyasi agentligi” soʻzlari bilan almashtirilsin.

23. Oʻzbekiston Respublikasi Prezidentining 2022-yil 14-iyuldagi PQ-319-son qarori bilan tasdiqlangan “Navoiyuran” davlat korxonasini rivojlantirish va transformatsiya qilish boʻyicha “yoʻl xaritasi”ning 20-pozitsiyasi “Masʼul ijrochilar” ustunidagi “Moliya vazirligi (O. Nasritdinxodjayev), Davlat geologiya va mineral resurslar qoʻmitasi (Sh. Alimov)” soʻzlari “Davlat aktivlarini boshqarish agentligi (A. Ortikov), Togʻ-kon sanoati va geologiya vazirligi (O. Nasritdinxodjayev)” soʻzlari bilan almashtirilsin.

24. Oʻzbekiston Respublikasi Prezidentining 2023-yil 6-noyabrdagi “Yonish va portlash xavfi yuqori boʻlgan kimyoviy moddalar bilan bogʻliq favqulodda vaziyatlarning oldini olish boʻyicha chora-tadbirlar samaradorligini oshirish toʻgʻrisida”gi PQ-357-son qarorida:

a) 5-band, 9-bandning “a” kichik bandi va “e” kichik bandining birinchi xatboshisi hamda 12-banddagi tegishli kelishikdagi “Togʻ-kon, geologiya va sanoat xavfsizligini nazorat qilish inspeksiyasi” soʻzlari tegishli kelishikdagi “Sanoat, radiatsiya va yadro xavfsizligi qoʻmitasi” soʻzlari bilan almashtirilsin;

b) ilovada:

“TGSXNQI” va “TGSXNQI HB” qisqartmalari tegishlicha “SRYAXQ” va “SRYAXQ HB” qisqartmalari bilan almashtirilsin;

“Togʻ-kon, geologiya va sanoat xavfsizligini nazorat qilish inspeksiyasi” va “Togʻ-kon, geologiya va sanoat xavfsizligini nazorat qilish inspeksiyasining hududiy boshqarmasi” soʻzlari tegishlicha “Sanoat, radiatsiya va yadro xavfsizligi qoʻmitasi” va “Sanoat, radiatsiya va yadro xavfsizligi qoʻmitasining hududiy boshqarmasi” soʻzlari bilan almashtirilsin.

25. Oʻzbekiston Respublikasi Prezidentining 2024-yil 9-yanvardagi “Tadbirkorlik subyektlari tomonidan davlat organlariga hisobot va statistik maʼlumotlarni taqdim etish jarayonlarini yanada soddalashtirish chora-tadbirlari toʻgʻrisida”gi PQ-8-son qaroriga 2-ilova quyidagi mazmundagi 98¹-pozitsiya bilan toʻldirilsin:

“
98¹.	Foydali qazilmalarni qazib olishda foydali qazilmalar zaxirasi harakati toʻgʻrisidagi hisobot	Yer qaʼridan foydalanuvchilar	Togʻ-kon sanoati va geologiya vazirligi huzuridagi “Yer qaʼridan foydalanish markazi” DM	Choraklik
				”.

Oʻzbekiston Respublikasi Prezidentining 2024-yil 24-maydagi PF-79-son Farmoniga
3-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim hujjatlari

ROʻYXATI

1. Oʻzbekiston Respublikasi Prezidentining 2018-yil 12-dekabrdagi “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari toʻgʻrisida”gi PF-5594-son Farmoni.

2. Oʻzbekiston Respublikasi Prezidentining 2020-yil 27-sentabrdagi “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi PF-6075-son Farmoniga 2-ilova 25-bandining ikkinchi xatboshisi, 56-bandining uchinchi xatboshisi, 71-bandining uchinchi va toʻrtinchi xatboshilari, 72 va 100-bandlari.

3. Oʻzbekiston Respublikasi Prezidentining 2021-yil 26-yanvardagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PF-6146-son Farmoniga ilovaning 62-bandi.

4. Oʻzbekiston Respublikasi Prezidentining 2021-yil 9-noyabrdagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PF-3-son Farmoniga ilovaning 42-bandi “a” kichik bandi.

5. Oʻzbekiston Respublikasi Prezidentining 2024-yil 29-martdagi “Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmoniga oʻzgartirishlar kiritish haqida”gi PF-53-son Farmoni.

6. Oʻzbekiston Respublikasi Prezidentining 2018-yil 12-dekabrdagi “Oʻzbekiston Respublikasi Sanoat xavfsizligi davlat qoʻmitasi faoliyatini tashkil etish toʻgʻrisida”gi PQ-4058-son qarori.

(Qonunchilik maʼlumotlari milliy bazasi, 25.05.2024-y., 06/24/79/0363-son; 27.12.2024-y., 06/24/224/1068-son)