Oʻzbekiston Respublikasi Prezidentining

Farmoni

Ijtimoiy himoyaga doir qonunchilik takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb topish toʻgʻrisida

Aholini ijtimoiy himoya qilish tizimini raqamlashtirish, ehtiyojmand shaxslarga ijtimoiy va reabilitatsiya xizmatlarini koʻrsatuvchi xodimlarni moddiy qoʻllab-quvvatlash tartiblarini takomillashtirish maqsadida:

1. Oʻzgalar parvarishiga muhtoj boʻlgan yolgʻiz yashovchi keksalar va nogironligi boʻlgan shaxslarga uy-joy kommunal xizmatlar haqini toʻlash boʻyicha beriladigan imtiyozlar oʻrniga 2024-yil 1-aprelga qadar toʻlangan kompensatsiya puli fuqarolar ixtiyorida qoldirilsin.

2. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

xodimlari umumiy sonining kamida 50 foizi nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan yuridik shaxslar va nogironligi boʻlgan yakka tartibdagi tadbirkorlardan tovarlarni (xizmatlarni) xarid qilish tizimini takomillashtirish;

ijtimoiy himoya sohasini raqamlashtirish imkoniyatini beruvchi axborot tizimlarini ishlab chiqish va amaliyotga joriy etish muddatlarini qayta koʻrib chiqish;

Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan yetim bolalar va ota-ona qaramogʻidan mahrum boʻlgan bolalar uchun uy-joylar xarid qilish;

yangi tugʻilgan bolalarni otasi yoki onasining doimiy yashash joyiga davlat boji undirmasdan doimiy roʻyxatga qoʻyish;

Paralimpiyachilarning matonat maktabi faoliyatini samarali yoʻlga qoʻyish va paralimpiya sport turlarini yanada rivojlantirish boʻyicha respublika kengashi tarkibiga kiritilgan vazirlik, idora, hokimliklar va jamoat tashkilotlari uchun tegishli namuna boʻyicha ishlab chiqilgan kelgusi yil davomida amalga oshiriladigan chora-tadbirlar rejasini tuzishni takomillashtirish;

Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi muassasalarning xodimlarini moddiy qoʻllab-quvvatlash;

2022 — 2025-yillarda ijtimoiy qoʻllab-quvvatlash markazlari va “Muruvvat” internat uylarining moddiy-texnika bazasini mustahkamlash.

3. Oʻzbekiston Respublikasi Prezidentining ayrim qarorlari 2-ilovaga muvofiq oʻz kuchini yoʻqotgan deb hisoblansin.

4. Belgilansinki, mazkur Farmonga 1-ilovaning 6-bandi ikkinchi xatboshisi, 9-bandi ikkinchi xatboshisi, 12-bandi “a” kichik bandining ikkinchi xatboshisi va “v” kichik bandining beshinchi xatboshisidagi nogironligi boʻlgan shaxslarning tashkilotda olti oydan ortiq muddatda mehnat faoliyatini davom ettirib kelishi bilan bogʻliq talablar 2024-yil 1-iyuldan boshlab kuchga kiradi.

5. Oʻzbekiston Respublikasi Prezidenti huzuridagi Ijtimoiy himoya milliy agentligi Iqtisodiyot va moliya vazirligi, Adliya vazirligi hamda manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu Farmonga muvofiqlashtirsin.

6. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 7-may,

PF-75-son

Oʻzbekiston Respublikasi Prezidentining 2024-yil 7-maydagi PF-75-son Farmoniga

1-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2020-yil 22-apreldagi “Doimiy propiska qilish hamda turgan joyi boʻyicha hisobga olish tartibini isloh qilish chora-tadbirlari toʻgʻrisida”gi PF-5984-son Farmoni 3-bandining “b” kichik bandi “roʻyxatga olish tartibi” soʻzlaridan oldin “davlat boji undirmagan holda” soʻzlari bilan toʻldirilsin.

2. Oʻzbekiston Respublikasi Prezidentining 2022-yil 17-maydagi “Tibbiyot muassasalari xodimlarini moddiy qoʻllab-quvvatlash hamda ragʻbatlantirishni kuchaytirish chora-tadbirlari toʻgʻrisida”gi PF-136-son Farmonining 1-bandi oltinchi xatboshisi quyidagi tahrirda bayon etilsin:

“Mazkur bandda belgilangan qoidalar 2024-yil 1-yanvardan boshlab:

Ichki ishlar vazirligi tizimidagi tibbiyot va farmatsevtika xodimlariga (maxsus va harbiy unvonga ega boʻlgan xodim hamda harbiy xizmatchilardan tashqari);

Oʻzbekiston Respublikasi Prezidenti huzuridagi Ijtimoiy himoya milliy agentligi tizimidagi sanatoriylar va Nogironligi boʻlgan shaxslarni reabilitatsiya qilish va protezlash milliy markazi hamda uning hududiy markazlarining xodimlariga nisbatan ham tatbiq etiladi”.

3. Oʻzbekiston Respublikasi Prezidentining 2023-yil 1-iyundagi PF-82-son Farmoni bilan tasdiqlangan Oʻzbekiston Respublikasi Prezidenti huzurida Ijtimoiy himoya milliy agentligi faoliyatini tashkil etish hamda ijtimoiy xizmatlar va yordam koʻrsatish tizimini rivojlantirish boʻyicha 2023 — 2025-yillarga moʻljallangan chora-tadbirlari dasturida:

4-pozitsiyaning “Ijro muddati” ustunidagi “2023-yil iyun — dekabr” soʻzlari “2023-2024-yillar” soʻzlari bilan almashtirilsin;

6-pozitsiyaning “Ijro muddati” ustunidagi “2024-yil mart” va “2024-yil sentabr” soʻzlari tegishincha “2024-yil avgust” va “2025-yil mart” soʻzlari bilan almashtirilsin.

4. Oʻzbekiston Respublikasi Prezidentining 2024-yil 21-fevraldagi PF-37-son Farmoni bilan tasdiqlangan “Oʻzbekiston — 2030” strategiyasining Har bir insonga oʻz salohiyatini roʻyobga chiqarish uchun munosib sharoitlar yaratish yoʻnalishi boʻyicha 2024-yilga moʻljallangan amaliy tadbirlar rejasi 59-pozitsiyasi “Moliyalashtirish manbalari” ustunidagi “Ijtimoiy himoya davlat jamgʻarmasi” soʻzlari “davlat organlari va tashkilotlarining” soʻzlari bilan almashtirilsin.

5. Oʻzbekiston Respublikasi Prezidentining 2024-yil 13-martdagi “Respublika va mahalliy ijro etuvchi hokimiyat organlari hamda xoʻjalik birlashmalari faoliyati samaradorligini baholash tizimini takomillashtirish chora-tadbirlari toʻgʻrisida”gi PF-49-son Farmoni 6-bandi “b” kichik bandi birinchi xatboshisidagi “bir” soʻzi “uch” soʻzi bilan almashtirilsin.

Oldingi tahrirga qarang.

(Oʻzbekiston Respublikasi Prezidentining 2025-yil 26-dekabrdagi PF-259-sonli Farmoniga asosan 6-bandning oʻz kuchini yoʻqotish sanasi — 2026-yil 1-yanvar — Qonunchilik maʼlumotlari milliy bazasi, 27.12.2025-y., 06/25/259/1224-son)

7. Oʻzbekiston Respublikasi Prezidentining 2021-yil 19-maydagi “Zoʻrlik ishlatishdan jabr koʻrgan xotin-qizlarni reabilitatsiya qilishga oid qoʻshimcha chora-tadbirlar toʻgʻrisida”gi PQ-5116-son qarorining 2-bandida:

ikkinchi xatboshi quyidagi tahrirda bayon etilsin:

“Belgilansinki, hududiy markazlarda buxgalteriya xizmatlari mavjud shtat birliklari saqlab qolingan holda tugatiladi va mazkur markazlarga moliya-buxgalteriya xizmatlari Respublika markazida markazlashtirilgan tartibda koʻrsatiladi”;

uchinchi xatboshidagi “yuristlar, psixologlar va ijtimoiy xodimlar jamoatchilik” soʻzlari “tor doiradagi mutaxassislar shartnoma” soʻzlari bilan almashtirilsin.

8. Oʻzbekiston Respublikasi Prezidentining 2021-yil 9-avgustdagi “Yetim bolalar va ota-ona qaramogʻidan mahrum boʻlgan bolalarni davlat tomonidan qoʻllab-quvvatlashning yangi tizimini joriy etish chora-tadbirlari toʻgʻrisida”gi PQ-5216-son qaroriga:

a) 1-bandda:

ikkinchi xatboshidagi “2 xonali kvartiralar” soʻzlaridan keyin “yoki mazkur kvartiralar narxidan ortiq boʻlmagan yakka tartibdagi turar joy (hovli)” soʻzlari bilan toʻldirilsin;

uchinchi xatboshidagi “Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)” soʻzlari bilan almashtirilsin;

oltinchi xatboshidagi “Xalq taʼlimi vazirligi” soʻzlari “Agentlik” soʻzi bilan almashtirilsin.

b) 2-bandning “a” kichik bandi ikkinchi xatboshisidagi va “v” kichik bandidagi “mahalliy hokimliklar” soʻzlari “Agentlik” soʻzi bilan almashtirilsin.

v) 4-banddagi tegishli kelishikdagi “Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari tegishli kelishikdagi “Agentlik” soʻzi bilan almashtirilsin.

g) 1-ilovaning matni quyidagi tahrirda bayon etilsin:

“Oʻzbekiston Respublikasi Prezidentining 2021-yil 9-avgustdagi PQ-5216-son qaroriga
1-ILOVA

Yetim bolalar va ota-ona qaramogʻidan mahrum boʻlgan bolalarni uy-joylar bilan taʼminlashni tashkil etish, uy-joylarning adolatli taqsimlanishi va oʻz vaqtida ajratilishini nazorat qilish boʻyicha Respublika komissiyasi

TARKIBI

1.	A.N. Aripov	—	Bosh vazir, Komissiya raisi
2.	M.P. Olloyorov	—	Ijtimoiy himoya milliy agentligi direktori, Komissiya raisi oʻrinbosari
3.	N.T. Yoʻldoshev	—	Bosh prokuror, Komissiya raisi oʻrinbosari
4.	R.M. Djurayev	—	Milliy gvardiya qoʻmondoni
5.	S.M. Raxmonova	—	Bola huquqlari boʻyicha vakil (Bolalar ombudsmani)
6.	X.U. Umarova	—	maktabgacha va maktab taʼlimi vaziri
7.	A.Z. Saʼdullayev	—	Yoshlar ishlari agentligi direktori
8.	K.A. Sharipov	—	oliy taʼlim, fan va innovatsiyalar vaziri
9.	B.T. Abdullayev	—	ichki ishlar vazirining birinchi oʻrinbosari
10.	O.R. Fozilkarimov	—	iqtisodiyot va moliya vaziri oʻrinbosari
11.	B.I. Zakirov	—	qurilish va uy-joy kommunal xoʻjaligi vaziri
12.	Lavozimi boʻyicha	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari

Izoh: Respublika komissiyasi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar kiritiladi”.

9. Oʻzbekiston Respublikasi Prezidentining 2021-yil 21-dekabrdagi “Nogironligi boʻlgan shaxslarni har tomonlama qoʻllab-quvvatlash, ularning bandligiga koʻmaklashish hamda ijtimoiy faolligini yanada oshirishga oid qoʻshimcha chora-tadbirlar toʻgʻrisida”gi PQ-57-son qarori 4-bandining birinchi xatboshisi quyidagi tahrirda bayon etilsin:

“4. Davlat buyurtmachilariga elektron kooperatsiya birjasi portalida roʻyxatdan oʻtgan, xodimlari umumiy sonining kamida 50 foizi ushbu tashkilotda kamida olti oydan buyon mehnat faoliyatini olib borayotgan nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan yuridik shaxslar va nogironligi boʻlgan yakka tartibdagi tadbirkorlar bilan ular tomonidan ishlab chiqarilgan tovarlarni yoki koʻrsatiladigan xizmatlarni xarid qilish boʻyicha toʻgʻridan-toʻgʻri shartnomalar tuzishga ruxsat berilsin”.

10. Oʻzbekiston Respublikasi Prezidentining 2022-yil 6-iyundagi “Paralimpiyachilarning matonat maktabi faoliyatini tashkil etish chora-tadbirlari toʻgʻrisida”gi PQ-270-son qarorida:

a) 3-bandda:

quyidagi mazmundagi toʻrtinchi xatboshi bilan toʻldirilsin:

“Matonat maktabi xodimlariga Oʻzbekiston Respublikasi Prezidenti huzuridagi Ijtimoiy himoya milliy agentligi markaziy apparatining xodimlari uchun belgilangan mehnatga haq toʻlash shartlari tatbiq etiladi. Bunda, mehnatga haq toʻlash va tibbiy xizmat koʻrsatish shart-sharoitlari boʻyicha Matonat maktabi ijrochi direktori Agentlikning boʻlim boshligʻiga, mutaxassislari Agentlikning mutaxassislariga tenglashtiriladi”;

toʻrtinchi — oltinchi xatboshilar tegishlicha beshinchi — yettinchi xatboshilar deb hisoblansin;

b) 6-bandda:

“a”, “b” va “v” kichik bandlar quyidagi tahrirda bayon etilsin:

“a) har yili 15-noyabrga qadar Matonat maktabi faoliyatini samarali yoʻlga qoʻyish va paralimpiya sport turlarini yanada rivojlantirish boʻyicha respublika kengashi tarkibiga kiritilgan vazirlik, idora, hokimliklar va jamoat tashkilotlari tegishli namuna boʻyicha ishlab chiqilgan kelgusi yil davomida amalga oshiriladigan chora-tadbirlar rejasini Agentlikka taqdim etadi;

b) Agentlik Oʻzbekiston Milliy paralimpiya qoʻmitasi, Mudofaa vazirligi va Sport vazirligi bilan birgalikda taqdim etilgan chora-tadbirlar rejalarini Matonat maktabining asosiy vazifalari, mazkur qarorning 5-bandida koʻzda tutilgan yoʻnalishlar, shuningdek, boshqa dolzarb masalalarni hisobga olgan holda umumlashtiradi hamda kompleks reja loyihasini tayyorlaydi;

v) Agentlik va Oʻzbekiston Milliy paralimpiya qoʻmitasi har yili 10-dekabrga qadar kompleks reja loyihasini koʻrib chiqish va tasdiqlash uchun, shuningdek, qabul qilingan kompleks rejaning ijrosi boʻyicha yigʻma axborotni Vazirlar Mahkamasiga kiritadi”;

“g” kichik bandning uchinchi xatboshisidagi “1-fevralga” soʻzlari “25-dekabrga” soʻzlari bilan almashtirilsin;

“d” kichik band quyidagi tahrirda bayon etilsin:

“d) Agentlik, Mudofaa vazirligi hamda Sport vazirligi Oʻzbekiston Milliy paralimpiya qoʻmitasi bilan birgalikda kompleks reja ijrosi ustidan doimiy nazorat olib boradi”;

v) 10-bandning beshinchi xatboshisidagi “Tibbiy-ijtimoiy xizmatlarni rivojlantirish agentligi (A. Inakov)” soʻzlari “Oʻzbekiston Respublikasi Prezidenti huzuridagi Ijtimoiy himoya milliy agentligi va” soʻzlari bilan almashtirilsin;

g) 1-ilovaning matni quyidagi tahrirda bayon etilsin:

“Paralimpiyachilarning matonat maktabi faoliyatini samarali yoʻlga qoʻyish va paralimpiya sport turlarini yanada rivojlantirish boʻyicha respublika kengashi

TARKIBI

1.	A.N. Aripov	—	Bosh vazir, Respublika kengashi raisi
2.	M.P. Olloyorov	—	Oʻzbekiston Respublikasi Prezidenti huzuridagi Ijtimoiy himoya milliy agentligi direktori, Respublika kengashi raisi oʻrinbosari
3.	B.N. Kurbanov	—	mudofaa vaziri, Respublika kengashi raisi oʻrinbosari
4.	M.M. Tashxodjayev	—	Oʻzbekiston Milliy paralimpiya qoʻmitasi raisi, Respublika kengashi raisi oʻrinbosari
5.	R.M. Djurayev	—	Milliy gvardiya qoʻmondoni
6.	X.U. Umarova	—	maktabgacha va maktab taʼlimi vaziri
7.	A.I. Ikramov	—	sport vaziri
8.	K.A. Sharipov	—	oliy taʼlim, fan va innovatsiyalar vaziri
9.	A.A. Xudayarov	—	sogʻliqni saqlash vaziri v.b.
10.	O.A. Nazarbekov	—	madaniyat vaziri
11.	B.I. Zakirov	—	qurilish va uy joy kommunal xoʻjaligi vaziri
12.	I.I. Norqulov	—	iqtisodiyot va moliya vazirining birinchi oʻrinbosari
13.	A.Z. Saʼdullayev	—	Yoshlar ishlari agentligi direktori
14.	F.F. Abduxalikov	—	Kinematografiya agentligi bosh direktori
15.	R.M. Matkarimov	—	Oʻzbekiston davlat jismoniy tarbiya va sport universiteti rektori
16.	S. Turdiyev	—	“Nuroniy” jamgʻarmasi boshqaruvi raisi
17.	S. Sayyid	—	Oʻzbekiston Yozuvchilar uyushmasi raisi
18.	K.K. Abdullayev	—	Oʻzbekiston nogironlar jamiyati boshqaruvi raisi
19.	G.Oʻ. Shodiyeva	—	Oʻzbekiston karlar jamiyati boshqaruvi raisi
20.	E.D. Norpulatov	—	Oʻzbekiston koʻzi ojizlar jamiyati boshqaruvi raisi
21.	Lavozimi boʻyicha	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari
22.	R.A. Talipov	—	Vazirlar Mahkamasining masʼul xodimi, Respublika kengashi kotibi

Izoh. Respublika kengashi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi”.

11. Oʻzbekiston Respublikasi Prezidentining 2022-yil 30-avgustdagi “Saxovat” va “Muruvvat” internat uylari hamda urush va mehnat faxriylari uchun respublika pansionati faoliyatini rivojlantirishga doir qoʻshimcha chora-tadbirlar toʻgʻrisida”gi PQ-365-son qarorida:

a) nomlanishi quyidagi tahrirda bayon etilsin:

“Ijtimoiy qoʻllab-quvvatlash markazlari va “Muruvvat” internat uylari faoliyatini rivojlantirishga doir qoʻshimcha chora-tadbirlar toʻgʻrisida”;

b) Muqaddimada:

birinchi xatboshidagi “Saxovat” soʻzi “Ijtimoiy qoʻllab-quvvatlash markazlari” soʻzlari bilan almashtirilsin;

ikkinchi xatboshidagi “Saxovat” va “Muruvvat” internat uylari hamda Urush va mehnat faxriylari uchun respublika pansionatida” soʻzlari “Ijtimoiy qoʻllab-quvvatlash markazlari va “Muruvvat” internat uylarida” soʻzlari bilan almashtirilsin;

v) 1-banddagi “Saxovat” va “Muruvvat” internat uylari hamda Urush va mehnat faxriylari uchun respublika pansionatini” soʻzlari “Ijtimoiy qoʻllab-quvvatlash markazlari va “Muruvvat” internat uylarini” soʻzlari bilan almashtirilsin;

g) 4-bandda:

“a”, “b”, “v” va “g” kichik bandlardagi “Saxovat” soʻzi “Ijtimoiy qoʻllab-quvvatlash markazlari” soʻzlari bilan almashtirilsin;

“d” kichik bandning birinchi va toʻrtinchi xatboshilaridagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin;

d) 6-bandda tegishli kelishikdagi “Saxovat” internat uyi” soʻzlari tegishli kelishikdagi “Ijtimoiy qoʻllab-quvvatlash markazi” soʻzlari bilan almashtirilsin;

e) 7-bandning ikkinchi xatboshisidagi “Saxovat” internat uylarida” soʻzlari “Ijtimoiy qoʻllab-quvvatlash markazlarida” soʻzlari bilan almashtirilsin;

j) 8-banddagi “Saxovat” soʻzi “Ijtimoiy qoʻllab-quvvatlash markazlari” soʻzlari bilan almashtirilsin;

z) 9-band quyidagi tahrirda bayon etilsin:

“9. 2022 — 2025-yillarda Ijtimoiy qoʻllab-quvvatlash markazlari va “Muruvvat” internat uylarining moddiy-texnika bazasini mustahkamlash boʻyicha “Yoʻl xaritasi” ilovaga* muvofiq tasdiqlansin”;

i) ilova quyidagi tahrirda bayon etilsin:

“Oʻzbekiston Respublikasi Prezidentining 2022-yil 30-avgustdagi PQ-365-son qaroriga
ILOVA

“2022 — 2025-yillarda Ijtimoiy qoʻllab-quvvatlash markazlari va “Muruvvat” internat uylarining moddiy-texnika bazasini mustahkamlash boʻyicha
“YOʻL XARITASI”

T/r	Muassasa nomi	Chora-tadbirlar nomi	Amalga oshirish muddati	Moliyalashtirish manbai*	Masʼul ijrochilar
I. “Muruvvat” nogironligi boʻlgan bolalar va katta yoshdagi shaxslar uchun internat uylari
1.	Toshkent 1-son “Muruvvat” nogironligi boʻlgan bolalar uchun internat uyi.	Toshkent 1-son “Muruvvat” nogironligi boʻlgan bolalar uchun internat uyini rekonstruksiya qilish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
2.	Toshkent 2-son “Muruvvat” nogironligi boʻlgan bolalar uchun internat uyi.	1. Ichimlik suv quvurini taʼmirlash. 2. Muassasa devorini taʼmirlash. 3. Bino liftini yangilash. 4. Vasiylikka olinganlarning ota-onalari, yaqin qarindoshlari bilan uchrashish xonalarini nazarda tutuvchi nazorat oʻtkazish binosini qayta qurish. 5. Xizmat avtotransport vositalari uchun avtoturargoh (naves) qurish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
3.	Sirdaryo nogironligi boʻlgan ayollar uchun “Muruvvat” internat uyi.	1. 80 oʻrinli yotoqxonani oʻz ichiga olgan maʼmuriy bino va nazorat oʻtkazish binosini qurish hamda jihozlash. 2. Mavjud binolarning kanalizatsiya tizimini, yotoqxonalardagi hojatxona va yuvinish xonalarini hamda fasad qismlarini taʼmirlash.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Sirdaryo viloyati hokimligi (Maxmudaliyev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
3.		3. 200 dona temir karavotlar bilan taʼminlash. 4. Yangi elektr transformator va quyosh panellarini oʻrnatish. 5. Tashqi kanalizatsiya tizimini qurish.	2022 — 2024-yillar	Mahalliy budjetning qoʻshimcha manbalari
4.	Zomin nogironligi boʻlgan ayollar uchun “Muruvvat” internat uyi.	1. Muassasaning bino-inshootlarini rekonstruksiya qilish va jihozlash hamda hududni obodonlashtirish. 2. Issiqlik tizimiga zamonaviy qozonxona oʻrnatish. 3. Yangi elektr transformator va zaxira liniya uchun dizel generator oʻrnatish hamda binolarga boruvchi tashqi elektr kabellarini almashtirish. 4. Kanalizatsiya tizimlarini taʼmirlash. 5. Hududga quyosh panellarini oʻrnatish masalasini oʻrganib, natijasi asosida ishlarni tashkil etish. 6. Tabiiy gaz tortib kelish uchun zarur gaz quvurlari va materiallar xarid qilish. 7. Ichimlik suv minorasini oʻrnatish. 8. Tabiiy gaz quvurini 8 km masofadan tortib kelish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Jizzax viloyati hokimligi (Saliyev), Ijtimoiy himoya milliy agentligi (Olloyorov), Energetika vazirligi (Mirzamahmudov) Iqtisodiyot va moliya vazirligi (Norqulov), Bojxona qoʻmitasi (Mavlonov), “Hududgaztaʼminot” AJ (Eshmuratov)
5.	Toshkent nogironligi boʻlgan erkaklar uchun “Muruvvat” internat uyi.	1. 7-boʻlimning 3-qavati “D” blokini mukammal taʼmirlash. 2. Bino liftini yangilash. 3. 200 metr masofada yoritish moslamalarini oʻrnatish. 4. 10 dona tikuv mashinasini xarid qilish. 5. Ichki yoʻlaklarga beton qoplama yotqizish va hududni obodonlashtirish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Toshkent shahar hokimligi (Umurzoqov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
6.	Fargʻona nogironligi boʻlgan bolalar uchun “Muruvvat” internat uyi.	1. Binolarning fasad qismini taʼmirlash. 2. Hududning old tomonidagi devor oʻrniga temir panjarali toʻsiqlar oʻrnatish. 3. Hududning old tomonida avtoturargoh tashkil qilish.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Qoʻchqorov), Bojxona qoʻmitasi (Mavlonov)
7.	Nukus shahar nogironligi boʻlgan ayollar uchun “Muruvvat” internat uyi.	1. Muassasa hududidagi shoʻr yerlarni doimiy ravishda yuvib, zax qochirish uchun muassasa hududida 51 ta vertikal drenaj burgʻilash ishlarini amalga oshirish. 2. Muassasa hududini obodonlashtirish.	2024-yil	Bojxona qoʻmitasining maxsus jamgʻarmasi hamda homiylik mablagʻlari	Qoraqalpogʻiston Respublikasi Vazirlar Kengashi (Ermanov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
8.	Qoʻrgʻontepa nogironligi boʻlgan bolalar uchun “Muruvvat” internat uyi.	1. Oziq-ovqat saqlash binosini, shuningdek, 40 oʻrinli oshxona binosini 200 oʻringa moʻljallab qayta qurish va jihozlash.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Andijon viloyati hokimligi (Abduraxmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
8.		2. Koʻmir va tovar-moddiy boyliklarni saqlash omborxonalari binolarini qurish.	2025-yil	Mahalliy budjetning qoʻshimcha manbalari
9.	Chuama nogironligi boʻlgan ayollar uchun “Muruvvat” internat uyi.	Sil kasalligiga chalingan shaxslar uchun 30 oʻrinli va yotoq kasal boʻlgan shaxslar uchun 70 oʻrinli boʻlimlar binolarining ichki qismini taʼmirlash.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Andijon viloyati hokimligi (Abduraxmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
10.	Shahrisabz nogironligi boʻlgan ayollar uchun “Muruvvat” internat uyi.	Muassasani sport anjomlari bilan taʼminlash.	2022 — 2024-yillar	Sport vazirligi huzuridagi budjetdan tashqari Sportni qoʻllab-quvvatlash jamgʻarmasi	Qashqadaryo viloyati hokimligi (Azimov), Ijtimoiy himoya milliy agentligi (Olloyorov), Sport vazirligi (Ikramov), Iqtisodiyot va moliya vazirligi (Norqulov) Bojxona qoʻmitasi (Mavlonov)
11.	Nurota nogironligi boʻlgan erkaklar uchun “Muruvvat” internat uyi.	1. Tabiiy gaz tortib kelish uchun zarur gaz quvurlari va materiallarini xarid qilish.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Navoiy viloyati hokimligi (Tursunov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov), Sport vazirligi (Ikramov) Energetika vazirligi (Mirzamahmudov), “Oʻztransgaz”AJ (Isakov), “Hududgaztaʼminot” AJ (Eshmuratov)
		2. Tabiiy gaz quvurini tortib kelish.	2025-yil	homiylik mablagʻlari
		3. Sport anjomlari bilan taʼminlash.	2025-yil	Sport vazirligi huzuridagi budjetdan tashqari Sportni qoʻllab-quvvatlash jamgʻarmasi
12.	Qumqoʻrgʻon nogironligi boʻlgan bolalar uchun “Muruvvat” internat uyi.	Muassasa binosining qozonxonasini mukammal taʼmirlash.	2025-yil noyabr	Bojxona qoʻmitasining maxsus jamgʻarmasi hamda homiylik mablagʻlari	Surxondaryo viloyati hokimligi (Qosimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
13.	Ohangaron nogironligi boʻlgan erkaklar uchun “Muruvvat” internat uyi.	1. Mini sport maydonchasini qurish. 2. Muassasa hududidagi drenaj tizimini mukammal taʼmirlash.	2025-yil noyabr	Bojxona qoʻmitasining maxsus jamgʻarmasi hamda homiylik mablagʻlari	Toshkent viloyati hokimligi (Mirzayev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
14.	Qudash nogironligi boʻlgan ayollar uchun “Muruvvat” internat uyi.	1. Sport maydonchasi va oziq-ovqat omborxonasi qurish. 2. Tabiiy gaz tortib kelish uchun zarur gaz quvurlari va materiallarini xarid qilish.	2025-yil iyul	Bojxona qoʻmitasining maxsus jamgʻarmasi hamda homiylik mablagʻlari	Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov), Energetika vazirligi (Mirzamahmudov), “Oʻztransgaz”AJ (Isakov), “Hududgaztaʼminot” AJ (Eshmuratov)
14.		3. Gaz quvurini tortib kelish.	2025-yil oktabr
15.	Qoʻqon nogironligi boʻlgan erkaklar uchun “Muruvvat” internat uyi.	1. Dezinfeksiya kamerasi uchun xona qurish. 2. Vasiylikka olingan shaxslarning mehnat terapiyasi bilan shugʻullanishi uchun alohida bino qurish.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
16.	Xiva nogironligi boʻlgan erkaklar uchun “Muruvvat” internat uyi.	1. Sport zali, madaniyat va maʼrifat zalini qurish hamda hududni obodonlashtirish. 2. Kir yuvish xonasi binosini taʼmirlash.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Xorazm viloyati hokimligi (Raximov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
16.		3. Muassasaning tashqi kanalizatsiya tizimini qurish.	2025-yil
II. Ijtimoiy qoʻllab-quvvatlash markazlari
17.	Fargʻona Ijtimoiy qoʻllab-quvvatlash markazi	1. Muassasaga kirish qismidagi bino va tashqi devorlar hamda mavjud binolarning fasad qismlarini taʼmirlash. 2. Mavjud ikki qavatli binoning 3 va 4-boʻlimlarini mukammal taʼmirlash va jihozlash. 3. Yotoq boʻlimlaridagi 6 ta yuvinish xonalarini toʻliq taʼmirlash. 4. Oshxona binosini qayta qurish. 5. Hududni obodonlashtirish, sugʻorish tizimi uchun quduq qazish. 6 Nazoratdan oʻtkazish, xodimlar kiyim almashtirish binolarini qayta qurish, xizmat avtotransport vositalari uchun avtoturargoh, kiyimlarni quritish ayvonini qurish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari hisobidan	Fargʻona viloyati hokimligi (Bozarov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov) Energetika vazirligi (Mirzamahmudov)
		7. Mavjud qishki bogʻ binosini kutubxonaga moslashtirgan holda taʼmirlab jihozlash va suv havzasini, milliy ayvon, yozgi kinoteatr binolari hamda fontanni taʼmirlash. 8. Mavjud sport maydonlarini taʼmirlash.	2024-2025-yillar	Mahalliy budjetning qoʻshimcha manbalari hamda homiylik mablagʻlari
		9. Qishki tadbirlar binosini zarur mebel va jihozlar bilan taʼminlash. 10. Muassasaning 1-2, 5 va 6-boʻlimlarini taʼmirlash. 11. Muassasa hududidan tashqaridagi kanalizatsiya tizimini taʼmirlash. 12. Muassasaga yangi elektr transformator oʻrnatish va transformatorgacha yuqori kuchlanishli elektr tarmogʻini tortish.	2024-2025-yillar
18.	Andijon Ijtimoiy qoʻllab-quvvatlash markazi.	Muassasada qoʻshimcha 20 oʻrinli yotoqxona binosi, sport maydonchasi va usti yopiq ayvon qurish.	2025-yil	Bojxona qoʻmitasining maxsus jamgʻarmasi hamda homiylik mablagʻlari	Andijon viloyati hokimligi (Abduraxmonov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
19.	Yakkabogʻ Ijtimoiy qoʻllab-quvvatlash markazi.	Muassasada usti yopiq ayvon qurish.	2024-yil iyul	Bojxona qoʻmitasining maxsus jamgʻarmasi hamda homiylik mablagʻlari	Qashqadaryo viloyati hokimligi (Azimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
20.	Samarqand Ijtimoiy qoʻllab-quvvatlash markazi.	1. Tabiiy gaz tortib kelish uchun zarur gaz quvurlari va materiallar xarid qilish.	2022 — 2024-yillar	Bojxona qoʻmitasining maxsus jamgʻarmasi hamda homiylik mablagʻlari	Samarqand viloyati hokimligi (Turdimov), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov), Energetika vazirligi (Mirzamahmudov), “Oʻztransgaz” AJ (Isakov), “Hududgaztaʼminot” AJ (Eshmuratov)
20.	Samarqand Ijtimoiy qoʻllab-quvvatlash markazi.	2. Tabiiy gaz quvurini tortib kelish.	2022 — 2024-yillar
21.	Ohangaron Ijtimoiy qoʻllab-quvvatlash markazi	Muassasaning taʼmirga muhtoj yotoqxona binolarini mukammal taʼmirlash.	2025-yil oktabr	Bojxona qoʻmitasining maxsus jamgʻarmasi hamda homiylik mablagʻlari	Toshkent viloyati hokimligi (Mirzayev), Ijtimoiy himoya milliy agentligi (Olloyorov), Iqtisodiyot va moliya vazirligi (Norqulov), Bojxona qoʻmitasi (Mavlonov)
22.	Qurilish-taʼmirlash (rekonstruksiya) ishlari olib borilayotgan Ijtimoiy qoʻllab-quvvatlash markazlari va “Muruvvat” uylari.	Muassasalarni zarur kompyuter texnikasi, mebel jihozlari, maishiy texnika vositalari bilan taʼminlash.	2022 — 2025-yillar	Bojxona qoʻmitasining maxsus jamgʻarmasi hamda homiylik mablagʻlari	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ijtimoiy himoya milliy agentligi (Olloyorov) Iqtisodiyot va moliya vazirligi (Norqulov) Bojxona qoʻmitasi (Mavlonov)
23.	Respublikadagi barcha Ijtimoiy qoʻllab-quvvatlash markazlari va “Muruvvat” uylari.	1. Muassasalarni Internet tarmogʻiga ulash. 2. Optik tolali liniyalar bilan taʼminlanmagan muassasalarga optik tolali aloqa liniyalarini tortish. 3. Ichki lokal tarmoq va server xonalarni tashkil etish.	2023-2024-yillar	Mahalliy budjetning qoʻshimcha manbalari	Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Raqamli texnologiyalar vazirligi (Shermatov), Ijtimoiy himoya milliy agentligi (Olloyorov)
24.	Respublikadagi Ijtimoiy qoʻllab-quvvatlash markazlari va “Muruvvat” internat uylari.	Vasiylikka olingan shaxslarga oʻz qiziqishlaridan kelib chiqib, kasb-hunar oʻrgatish uchun shart-sharoit yaratish hamda alohida isteʼdodga ega boʻlgan shaxslarning turli tanlovlar va musobaqalarda ishtirokini taʼminlash. Bunda: Ijtimoiy qoʻllab-quvvatlash markazlarida ustaxonalar tashkil etish, jihozlash va kerakli xomashyo bilan taʼminlash; “Muruvvat” internat uylarida ustaxonalar tashkil etish, jihozlash va kerakli xomashyo bilan taʼminlash.	2023 — 2025-yillar	Kambagʻallikni qisqartirish va bandlik vazirligining budjetdan tashqari mablagʻlari Oliy taʼlim, fan va innovatsiyalar vazirligining budjetdan tashqari mablagʻlari	Ijtimoiy himoya milliy agentligi (Olloyorov) Kambagʻallikni qisqartirish va bandlik vazirligi (Musayev) Oliy taʼlim, fan va innovatsiyalar vazirligi (Sharipov)
25.	Samarqand viloyati Urgut nogironligi boʻlgan shaxslar uchun erkaklar “Muruvvat” internat uyi.	Muassasa uchun yangi bino qurish masalasini oʻrganib chiqish va vasiylikka olingan shaxslarga qulay shart-sharoitlar yaratish yuzasidan taklif kiritish.	2024-yil	-	Bojxona qoʻmitasi (Mavlonov), Samarqand viloyati hokimligi (Turdimov), Davlat aktivlarini boshqarish agentligi (Ortikov)

* Bojxona qoʻmitasining maxsus jamgʻarmasi hisobidan mablagʻlar tegishliligi boʻyicha Ijtimoiy himoya milliy agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga homiylik yordami sifatida ularning asoslangan soʻrovnomasiga muvofiq oʻtkazib beriladi.

Ijtimoiy qoʻllab-quvvatlash markazlari va “Muruvvat” internat uylarini qurish, taʼmirlash va jihozlash ishlari boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyalari buyurtmachi hisoblanadi. Ajratilgan mablagʻlardan maqsadli foydalanilishini nazorat qilish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuklatiladi.

Buyurtmachiga, istisno tariqasida, loyiha va pudrat tashkilotlari bilan toʻgʻridan-toʻgʻri shartnomalar tuzishga hamda qurilish-montaj ishlarini loyihalashtirish bilan bir vaqtda amalga oshirishga ruxsat beriladi.

Ijtimoiy qoʻllab-quvvatlash markazlari va “Muruvvat” internat uylari uchun kompyuter texnikasi, mebel jihozlari, maishiy texnika vositalari qurilish va rekonstruksiya qilish ishlarini amalga oshirish boʻyicha tayyorlanadigan loyiha-smeta hujjatlarida nazarda tutiladi. Jihozlar bilan taʼminlash ishlarini nazorat qilish Ijtimoiy himoya milliy agentligiga yuklanadi.

Ijtimoiy qoʻllab-quvvatlash markazlari va “Muruvvat” internat uylarida zarurat boʻlganda vujudga kelgan qoʻshimcha qurilish va taʼmirlash ishlari Bojxona qoʻmitasi hamda Ijtimoiy himoya milliy agentligi kelishuvi asosida amalga oshiriladi”.

12. Oʻzbekiston Respublikasi Prezidentining 2022-yil 12-oktabrdagi “Nogironligi boʻlgan shaxslar jamiyatlariga tegishli tashkilotlarni davlat tomonidan qoʻllab-quvvatlash hamda nogironligi boʻlgan shaxslarning bandligiga koʻmaklashishga oid qoʻshimcha chora-tadbirlar toʻgʻrisida”gi PQ-390-son qarorida:

a) 1-band quyidagi tahrirda bayon etilsin:

“1. Oʻzbekiston Respublikasi Prezidentining 2022-yil 15-apreldagi PQ-208-son qarorining 2-bandida budjet buyurtmachilari uchun nazarda tutilgan cheklovlar Elektron kooperatsiya portalida roʻyxatdan oʻtgan, xodimlari umumiy sonining kamida 50 foizi ushbu tashkilotda kamida olti oydan buyon mehnat faoliyatini olib borayotgan nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan yuridik shaxslar (keyingi oʻrinlarda — yuridik shaxslar) va nogironligi boʻlgan yakka tartibdagi tadbirkorlar tomonidan ishlab chiqariladigan tovarlarni yoki koʻrsatiladigan xizmatlarni xarid qilishga nisbatan tatbiq etilmasligi belgilab qoʻyilsin”;

b) 3 va 4-bandlar quyidagi tahrirda bayon etilsin:

“3. Davlat buyurtmachilariga oʻz ehtiyojidan kelib chiqib, koʻrgazma yarmarkalari davomida yuridik shaxslar va nogironligi boʻlgan yakka tartibdagi tadbirkorlar bilan ular tomonidan ishlab chiqariladigan tovarlarni yoki koʻrsatiladigan xizmatlarni uch yilgacha muddat davomida kafolatli xarid qilishni nazarda tutuvchi shartnomalar tuzish huquqi berilsin.

4. Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchilari oʻz hududida faoliyat yuritayotgan, yuridik shaxslar va nogironligi boʻlgan yakka tartibdagi tadbirkorlar tomonidan ishlab chiqarilayotgan tovarlarning yoki koʻrsatiladigan xizmatlarning hajmi va texnik parametrlari toʻgʻrisidagi axborotlarni Elektron kooperatsiya portaliga joylashtirsin va muntazam ravishda yangilab borsin.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari doimiy tarzda oʻz hududida tadbirkorlik subyektlari uchun oʻtkaziladigan koʻrgazma yarmarkasi doirasida yuridik shaxslar va nogironligi boʻlgan yakka tartibdagi tadbirkorlarning oʻz tovarlari bilan ishtirok etishini taʼminlasin.

Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari mazkur bandda belgilangan vazifalar oʻz muddatida va sifatli bajarilishi hamda yuridik shaxslar va nogironligi boʻlgan yakka tartibdagi tadbirkorlarning faoliyatiga koʻmaklashish va nogironligi boʻlgan shaxslarni qoʻllab-quvvatlash yuzasidan shaxsan javobgar ekanliklari belgilab qoʻyilsin, shuningdek, amalga oshirilgan ishlar yuzasidan har chorak yakuni boʻyicha Vazirlar Mahkamasiga maʼlumot kiritib borsin”;

v) 5-bandning birinchi xatboshisi va “a” kichik bandi quyidagi tahrirda bayon etilsin:

“5. Kambagʻallikni qisqartirish va bandlik vazirligi hamda Iqtisodiyot va moliya vazirligining quyidagi takliflari maʼqullansin:

a) xodimlari umumiy sonining kamida 50 foizi ushbu tashkilotda kamida olti oydan buyon mehnat faoliyatini olib borayotgan nogironligi boʻlgan shaxslardan iborat va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan yuridik shaxslar va nogironligi boʻlgan yakka tartibdagi tadbirkorlar hamda ular tomonidan ishlab chiqariladigan tovarlarning yoki koʻrsatiladigan xizmatlarning yagona reyestri (keyingi oʻrinlarda — Reyestr) yuritilishini tashkil etish. Bunda:

Reyestr Kambagʻallikni qisqartirish va bandlik vazirligining rasmiy veb-saytida yuritiladi, shuningdek, Soliq qoʻmitasi, Adliya vazirligi, Investitsiyalar, sanoat va savdo vazirligi, Statistika agentligi va Ijtimoiy himoya milliy agentligi bilan oʻzaro elektron maʼlumotlar almashinuvi asosida shakllantiriladi va har oy yakunida yangilab boriladi;

xodimlari umumiy sonining kamida 50 foizi ushbu tashkilotda olti oydan ortiq muddatda mehnat faoliyatini davom ettirib kelayotgan nogironligi boʻlgan shaxslardan iborat boʻlmasa va nogironligi boʻlgan shaxslar mehnatiga haq toʻlash fondi umumiy mehnatga haq toʻlash fondining kamida 50 foizini tashkil etmasa, ushbu yuridik shaxslar Reyestrdan avtomatik tarzda chiqariladi”;

g) 6 va 7-bandlar quyidagi tahrirda bayon etilsin:

“6. Belgilansinki, davlat xaridlari doirasida Sogʻliqni saqlash vazirligi, Maktabgacha va maktab taʼlimi vazirligi, Ijtimoiy himoya milliy agentligi hamda ularning tarkibiga kiruvchi tashkilotlar va boshqa davlat buyurtmachilari oʻz ehtiyojlaridan kelib chiqib reja-jadvallaridagi xarid predmeti hajmining kamida 10 foizi miqdorida joylashgan hududi boʻyicha tegishlicha Reyestrga kiritilgan Qoraqalpogʻiston Respublikasi, viloyatlar va Toshkent shahridagi korxonalar va nogironligi boʻlgan yakka tartibdagi tadbirkorlar tomonidan ishlab chiqariladigan tovarlar yoki koʻrsatiladigan xizmatlarni shartnoma asosida sotib oladi.

Bunda, barcha davlat buyurtmachilari Reyestrdagi yuridik shaxslar va nogironligi boʻlgan yakka tartibdagi tadbirkorlardan xarid qilingan tovarlar yoki koʻrsatiladigan xizmatlar toʻgʻrisidagi maʼlumotlarni oʻzining yoki yuqori turuvchi tashkilotlarning rasmiy veb-saytida doimiy ravishda joylashtirib boradi.

7. Raqamli transformatsiya markazi bir oy muddatda Elektron kooperatsiya portalida roʻyxatdan oʻtgan hamda Reyestrda mavjud boʻlgan yuridik shaxslar va nogironligi boʻlgan yakka tartibdagi tadbirkorlar tomonidan ishlab chiqarilayotgan tovarlar yoki koʻrsatiladigan xizmatlar toʻgʻrisidagi maʼlumotlarni aks ettiruvchi boʻlimni ishga tushirsin.

Bunda, ushbu boʻlimdan foydalangan holda davlat buyurtmachilariga yuridik shaxslar va nogironligi boʻlgan yakka tartibdagi tadbirkorlar bilan ular tomonidan ishlab chiqarilgan mahsulotlarni xarid qilish boʻyicha elektron tarzda (vositachilik yigʻimi undirilmagan holda) toʻgʻridan-toʻgʻri shartnomalar tuzish imkoniyati yaratiladi.”;

d) 10-band quyidagi tahrirda bayon etilsin:

“10. Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi manfaatdor vazirlik va idoralar bilan birgalikda muntazam ravishda yuridik shaxslar faoliyati hamda ular tomonidan ishlab chiqariladigan tovarlar yoki koʻrsatiladigan xizmatlar, shuningdek, ushbu qarorning mazmun va mohiyati ommaviy axborot vositalarida hamda Internet tarmogʻida keng yoritib borilishini taʼminlasin”.

13. Oʻzbekiston Respublikasi Prezidentining 2023-yil 24-maydagi PQ-162-son qarori bilan tasdiqlangan 2023-2024-yillarda davlat boshqaruvini raqamlashtirish boʻyicha ustuvor loyihalar roʻyxatining 84-pozitsiyasida:

“Muddati” ustunidagi “2024-yil fevral” soʻzlari “2024-yil sentabr” soʻzlariga almashtirilsin;

“Masʼul ijrochilar” ustunidagi “Iqtisodiyot va moliya vazirligi” soʻzlari “Ijtimoiy himoya milliy agentligi, Iqtisodiyot va moliya vazirligi” soʻzlari bilan almashtirilsin.

14. Oʻzbekiston Respublikasi Prezidentining 2023-yil 28-sentabrdagi “Aholiga ijtimoiy xizmatlar va yordamlar koʻrsatish tizimini yanada takomillashtirish chora-tadbirlari toʻgʻrisida”gi PQ-319-son qaroriga 2-ilovaning 14-pozitsiyasi “Ijro muddati” ustunidagi “2024-yil aprel” soʻzlari “2024-yil iyul” soʻzlari bilan almashtirilsin.

15. Oʻzbekiston Respublikasi Prezidentining 2023-yil 27-dekabrdagi “Oʻzgalar parvarishiga muhtoj keksalar va nogironligi boʻlgan shaxslarga ijtimoiy xizmat va yordam koʻrsatish tizimini takomillashtirish chora-tadbirlari toʻgʻrisida”gi PQ-410-son qarorida:

a) 5-bandning “b” kichik bandida:

uchinchi xatboshi quyidagi tahrirda bayon etilsin:

“ijtimoiy qoʻllab-quvvatlash markazlari joylashgan hududdagi oʻzgalar parvarishiga muhtoj keksalar va nogironligi boʻlgan shaxslar, shu jumladan “Ijtimoiy himoya yagona reyestri” ATga kiritilgan oilalarning oʻzgalar parvarishiga muhtoj keksalari va nogironligi boʻlgan shaxslariga shartnoma asosida mobil, kunduzgi qatnov shaklidagi, qisqa va uzoq muddatli ijtimoiy va reabilitatsiya xizmatlari koʻrsatiladi”;

toʻrtinchi va beshinchi xatboshilar chiqarib tashlansin;

oltinchi xatboshi tegishincha toʻrtinchi xatboshi deb hisoblansin;

b) ilovada 7-pozitsiyaning “Ijro muddati” ustunidagi “2024-yil mart” soʻzlari “2024-yil noyabr” soʻzlari bilan almashtirilsin.

16. Oʻzbekiston Respublikasi Prezidentining 2024-yil 12-yanvardagi “Oʻzbekiston Respublikasida toʻsiqsiz turizm infratuzilmasini rivojlantirish va uni ragʻbatlantirish chora-tadbirlari toʻgʻrisida”gi PQ-20-son qarorining 6-bandidagi “Ijtimoiy xizmat” elektron platformasining” soʻzlari “Tibbiy-ijtimoiy ekspertiza” elektron axborot tizimini “Elektron hukumat” tizimining idoralararo integratsiya platformasi orqali” soʻzlari bilan almashtirilsin.

Oʻzbekiston Respublikasi Prezidentining 2024-yil 7-maydagi PF-75-son Farmoniga

2-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari

roʻyxati

1. Oʻzbekiston Respublikasi Prezidentining 2019-yil 23-avgustdagi “Nogironligi boʻlgan shaxslarning jamoat birlashmalarini davlat tomonidan qoʻllab-quvvatlashning qoʻshimcha chora-tadbirlari toʻgʻrisida”gi PQ-4423-son qarori.

2. Oʻzbekiston Respublikasi Prezidentining 2022-yil 30-dekabrdagi “Oʻzbekiston Respublikasining “2023-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-471-son qaroriga 9-ilovaning 2-bandi.

(Qonunchilik maʼlumotlari milliy bazasi, 10.05.2024-y., 06/24/75/0335-son; 27.12.2025-y., 06/25/259/1224-son)