toggle_night_mode
Oʻzbekiston Respublikasi Prezidentining
Qarori
Oldingi tahrirga qarang.
Ijtimoiy qoʻllab-quvvatlash markazlari va “Muruvvat” internat uylari faoliyatini rivojlantirishga doir qoʻshimcha chora-tadbirlar toʻgʻrisida
(qaror nomi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
Soʻnggi yillarda mamlakatimizda “Inson qadri uchun” tamoyili asosida Ijtimoiy qoʻllab-quvvatlash markazlari va “Muruvvat” internat uylarida vasiylikka olingan shaxslarni qoʻllab-quvvatlash tizimini yanada takomillashtirish, ularning jamiyatdagi oʻrnini mustahkamlash yuzasidan zarur chora-tadbirlar amalga oshirib kelinmoqda.
(muqaddimaning birinchi xatboshisi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
Ijtimoiy qoʻllab-quvvatlash markazlari va “Muruvvat” internat uylarida istiqomat qilayotgan bolalar, keksalar va nogironligi boʻlgan shaxslarga tibbiy-ijtimoiy va maishiy xizmatlar koʻrsatishning yangilangan tizimini joriy etish orqali ularni davlat tomonidan qoʻllab-quvvatlash choralarini yanada kuchaytirish maqsadida:
(muqaddimaning ikkinchi xatboshisi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
1. Vazirlar Mahkamasi, Sogʻliqni saqlash vazirligi, Iqtisodiyot va moliya vazirligi huzuridagi Bojxona qoʻmitasining Ijtimoiy qoʻllab-quvvatlash markazlari va “Muruvvat” internat uylarini (keyingi oʻrinlarda — tibbiy-ijtimoiy muassasalar) Iqtisodiyot va moliya vazirligi huzuridagi Bojxona qoʻmitasiga biriktirish toʻgʻrisidagi taklifiga rozilik berilsin.
(1-band Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
2. Belgilansinki, Iqtisodiyot va moliya vazirligi huzuridagi Bojxona qoʻmitasi:
(2-bandning birinchi xatboshisi Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
tibbiy-ijtimoiy muassasalarning moddiy-texnik bazasini mustahkamlash va ularning infratuzilmasini yaxshilash;
tibbiy-ijtimoiy muassasalarda vasiylikka olingan keksalar va nogironligi boʻlgan shaxslarga tibbiy-ijtimoiy xizmat koʻrsatish samaradorligini oshirishga qaratilgan zamonaviy uslub va ijtimoiy texnologiyalarni tatbiq etish;
tibbiy-ijtimoiy muassasalarda vasiylikka olingan keksalar va nogironligi boʻlgan shaxslar uchun qulay shart-sharoitlar yaratish, ularni protez-ortopediya moslamalari hamda reabilitatsiya qilishning texnik va gigiyenik vositalari bilan taʼminlash;
tibbiy-ijtimoiy muassasalarda vasiylikka olingan nogironligi boʻlgan shaxslarni ijtimoiy moslashtirish va ularga oʻz qiziqishlaridan kelib chiqib kasb-hunar oʻrgatish boʻyicha zarur sharoitlarni yaratish;
tibbiy-ijtimoiy muassasalarda vasiylikka olingan keksalar va nogironligi boʻlgan shaxslarning boʻsh vaqtini mazmunli tashkil etish hamda intellektual, jismoniy va ijodiy qobiliyatini rivojlantirish;
Oldingi tahrirga qarang.
tibbiy-ijtimoiy muassasalarda vasiylikka olingan shaxslar uchun maʼnaviy-maʼrifiy va madaniy tadbirlarni, shu jumladan konsert dasturlarini tashkil etish orqali ularni madaniy hayotdagi faol ishtirokini taʼminlashda Oʻzbekiston Respublikasi Prezidenti huzuridagi Ijtimoiy himoya milliy agentligiga doimiy ravishda koʻmaklashadi.
(2-bandning yettinchi xatboshisi Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Oldingi tahrirga qarang.
3. Iqtisodiyot va moliya vazirligi huzuridagi Bojxona qoʻmitasiga mazkur qarorda belgilangan chora-tadbirlar hamda yuklatilgan vazifalarni amalga oshirish uchun qoʻmitaning maxsus jamgʻarmasi mablagʻlarini yoʻnaltirish huquqi berilsin.
(3-band Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Oldingi tahrirga qarang.
4. Oʻzbekiston Respublikasi Prezidenti huzuridagi Ijtimoiy himoya milliy agentligi:
(4-bandning birinchi xatboshisi Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Oldingi tahrirga qarang.
a) 2023-2024-yillarda Iqtisodiyot va moliya vazirligi huzuridagi Bojxona qoʻmitasi bilan birgalikda Ijtimoiy qoʻllab-quvvatlash markazlari va “Muruvvat” internat uylarining hududida videokuzatuv moslamalari oʻrnatilishini taʼminlasin;
(4-bandning “a” kichik bandi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
b) 2024-yil 1-yanvardan boshlab Maktabgacha va maktab taʼlimi vazirligi, Iqtisodiyot va moliya vazirligi, Sogʻliqni saqlash vazirligi hamda nodavlat notijorat tashkilotlar bilan birgalikda tasdiqlangan reja-grafik asosida Ijtimoiy qoʻllab-quvvatlash markazlari va “Muruvvat” internat uylaridagi tarbiyachilarni har yili kamida bir marotaba malaka oshirish kurslarida oʻqitish tartibini joriy etsin;
(4-bandning “b” kichik bandi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
v) 2023-yil 1-iyunga qadar Sogʻliqni saqlash vazirligi bilan birgalikda ruhiy va jismoniy rivojlanishida kamchiligi boʻlgan shaxslarning zamonaviy abilitatsiya va reabilitatsiya muolajalaridan oʻtishi uchun Ijtimoiy qoʻllab-quvvatlash markazlari va “Muruvvat” internat uylari negizida zarur texnologik sharoitlarni yaratsin.
(4-bandning “v” kichik bandi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Bunda, ambulator sharoitda davolanayotganlar uchun yangi pedagogik va innovatsion texnologiyalarga asoslangan dasturlar joriy etiladi hamda ota-ona yoki vasiylarga maslahat yordamlari koʻrsatiladi;
Oldingi tahrirga qarang.
g) 2022-yil yakuniga qadar hamda kelgusida har yili kamida bir marotaba Sogʻliqni saqlash vazirligi bilan birgalikda Ijtimoiy qoʻllab-quvvatlash markazlari va “Muruvvat” internat uylarida vasiylikka olingan shaxslarni navbatdan tashqari dispanserizatsiyadan oʻtkazishni tashkil etsin hamda natijasiga qarab ularga manzilli tibbiy-profilaktik tadbirlarni belgilasin;
(4-bandning “g” kichik bandi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
d) Sport vazirligi bilan birgalikda:
(4-band “d” kichik bandining birinchi xatboshisi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
tibbiy-ijtimoiy muassasalarni keksalar va nogironligi boʻlgan shaxslarning sport turlari bilan shugʻullanishi uchun zarur boʻladigan sport asbob-uskunalari, jihozlar va boshqa inventarlar bilan taʼminlasin;
har yili 1-iyun “Xalqaro bolalarni himoya qilish kuni”ga bagʻishlab “Muruvvat” bolalar uylarining tarbiyalanuvchilari oʻrtasida respublika miqyosida sport musobaqalarini uyushtirsin.
Oldingi tahrirga qarang.
Belgilansinki, sport asbob-uskunalari, jihozlar va boshqa inventarlar xaridi Sport vazirligi huzuridagi budjetdan tashqari Sportni qoʻllab-quvvatlash jamgʻarmasi mablagʻlari hisobidan amalga oshiriladi;
(4-band “d” kichik bandining toʻrtinchi xatboshisi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
e) Kambagʻallikni qisqartirish va bandlik vazirligi bilan birgalikda har chorakda tibbiy-ijtimoiy muassasalarda vasiylikka olingan keksalarning teatr, konsert va muzeylarga tashrif buyurishi hamda taniqli yozuvchi va adiblar bilan madaniy va maʼrifiy tadbirlar oʻtkazilishini tashkil etsin.
(4-band “e” kichik bandining birinchi xatboshisi Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Bunda, madaniy va maʼrifiy tadbirlar Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi mablagʻlari hisobidan qoplab borilishi tavsiya etilsin.
Oldingi tahrirga qarang.
5. Shunday tartib oʻrnatilsinki, unga muvofiq 2022-yil 1-sentabrdan boshlab Iqtisodiyot va moliya vazirligi huzuridagi Bojxona qoʻmitasi raisiga bojxona organlari tomonidan aniqlanib, davlat daromadiga oʻtkazilgan tovar-moddiy boyliklarni Oʻzbekiston Respublikasi Prezidenti huzuridagi Ijtimoiy himoya milliy agentligining asoslantirilgan soʻrovlariga asosan tibbiy-ijtimoiy muassasalarga begʻaraz topshirish huquqi berilsin.
(5-band Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Oldingi tahrirga qarang.
6. Tibbiy-ijtimoiy xizmatlarni rivojlantirish agentligi hamda Namangan viloyat hokimligining 2022-yilda Namangan viloyatining Ijtimoiy qoʻllab-quvvatlash markazi hududida nuroniylarning boʻsh vaqtini samarali tashkil qilish maqsadida kunduzi pullik xizmat koʻrsatuvchi “Keksalar bogʻi”ni tashkil qilish toʻgʻrisidagi taklifi maʼqullansin.
Bunda, Namangan viloyati Ijtimoiy qoʻllab-quvvatlash markazining ishchi xodimlari tomonidan doimiy yashovchilari boʻlmagan keksalarga kunduzgi tibbiy-ijtimoiy va maishiy xizmatlar koʻrsatiladi.
(6-band Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
7. Belgilansinki, tibbiy-ijtimoiy muassasalarda keksalar va nogironligi boʻlgan shaxslarni ijtimoiy moslashtirish va ularga oʻz qiziqishlaridan kelib chiqib kasb-hunar oʻrgatish uchun oʻquv ustaxonalari tashkil etiladi.
Oldingi tahrirga qarang.
Kambagʻallikni qisqartirish va bandlik vazirligi Ijtimoiy qoʻllab-quvvatlash markazlarida, Oliy taʼlim, fan va innovatsiyalar vazirligi “Muruvvat” internat uylarida har yili kamida ikki marotaba vasiylikka olingan keksalar va nogironligi boʻlgan shaxslar uchun oshpazlik, qandolatchilik, sartaroshlik, tikuvchilik va ularning qiziqishlaridan kelib chiqqan holda boshqa mos yoʻnalishlar boʻyicha qisqa muddatli bepul kurslarni tashkil etsin.
(7-bandning ikkinchi xatboshisi Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
8. Savdo-sanoat palatasining “Ijtimoiy mahsulot” elektron sotuv platformasini ishlab chiqish va 2023-yildan boshlab Qoraqalpogʻiston Respublikasi va viloyatlar markazlari hamda Toshkent shahrida Ijtimoiy qoʻllab-quvvatlash markazlari va “Muruvvat” internat uylarida istiqomat qilayotgan shaxslar tomonidan qoʻl mehnati bilan tayyorlangan mahsulotlarning koʻrgazma savdolarini muntazam ravishda tashkil qilish amaliyotini joriy etish toʻgʻrisidagi taklifi maʼqullansin.
(8-band Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
Oldingi tahrirga qarang.
9. 2022 — 2025-yillarda Ijtimoiy qoʻllab-quvvatlash markazlari va “Muruvvat” internat uylarining moddiy-texnika bazasini mustahkamlash boʻyicha “Yoʻl xaritasi” ilovaga muvofiq tasdiqlansin.
(9-band Oʻzbekiston Respublikasi Prezidentining 2024-yil 7-maydagi PF-75-sonli Farmoni tahririda — Qonunchilik maʼlumotlari milliy bazasi, 10.05.2024-y., 06/24/75/0335-son)
10. Tibbiy-ijtimoiy xizmatlarni rivojlantirish agentligi, Jizzax viloyati hokimligi hamda Davlat bojxona qoʻmitasining Jizzax viloyati, Sharof Rashidov tumanida tashkil etilayotgan 300 oʻrinli “Muruvvat” nogironligi boʻlgan bolalar uchun internat uyini ajratilgan mablagʻ doirasida ayollar internat uyiga moslashtirish boʻyicha taklifiga rozilik berilsin.
Jizzax viloyati hokimligi 2022-yil 1-oktabrga qadar:
Tibbiy-ijtimoiy xizmatlarni rivojlantirish agentligi bilan birgalikda Jizzax viloyati, Sharof Rashidov tumanida tashkil etilayotgan “Muruvvat” ayollar internat uyini qurish ishlarini yakunlasin va toʻliq foydalanishga topshirilishini taʼminlasin;
Sogʻliqni saqlash vazirligi bilan birgalikda Jizzax viloyati, Sharof Rashidov tumanida tashkil etilayotgan “Muruvvat” ayollar internat uyini malakali tibbiy va ijtimoiy xodimlar bilan toʻldirish choralarini koʻrsin.
11. Vazirlar Mahkamasi (A. Ramatov) Iqtisodiy taraqqiyot va kambagʻallikni qisqartirish vazirligi hamda Qurilish vazirligi bilan birgalikda bir oy muddatda joriy qurilish va rekonstruksiya ishlari oʻtkaziladigan “Saxovat” va “Muruvvat” internat uylarining roʻyxatini tasdiqlasin. Bunda, foydalanishdan chiqarilgan “Mehribonlik” uylarining binolari va inshootlarida vasiylikka olingan shaxslarga samarali tibbiy-ijtimoiy xizmatlarni koʻrsatish taʼminlansin.
Oldingi tahrirga qarang.
12. Iqtisodiyot va moliya vazirligi huzuridagi Bojxona qoʻmitasi mazkur qarorda nazarda tutilgan tadbirlar ijrosini muvofiqlashtirish, uning samarali tashkil etilishini taʼminlash maqsadida Iqtisodiyot va moliya vazirligi huzuridagi Bojxona qoʻmitasi markaziy apparati tuzilmasida bojxona organlarining umumiy cheklangan shtat birliklari doirasida 3 ta shtat birligidan iborat tibbiy-ijtimoiy muassasalar bilan ishlash boʻlimini tashkil etsin.
(12-bandning birinchi xatboshisi Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Bunda, xodimlarning ish haqini toʻlash bilan bogʻliq qoʻshimcha xarajatlar Davlat budjeti mablagʻlari hisobidan amalga oshiriladi.
Oldingi tahrirga qarang.
13. Oʻzbekiston Milliy axborot agentligi, Oʻzbekiston Milliy teleradiokompaniyasi Iqtisodiyot va moliya vazirligi huzuridagi Bojxona qoʻmitasi hamda Oʻzbekiston Respublikasi Prezidenti huzuridagi Ijtimoiy himoya milliy agentligi bilan birgalikda keksalar va nogironligi boʻlgan shaxslarni davlat tomonidan qoʻllab-quvvatlash tizimini yanada takomillashtirish yuzasidan ushbu qarorning mazmun-mohiyati bosma va elektron ommaviy axborot vositalarida, shu jumladan Internet jahon axborot tarmogʻi orqali aholi oʻrtasida muntazam, tizimli va keng koʻlamda yoritib borilishini taʼminlasin.
(13-band Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
14. Tibbiy-ijtimoiy xizmatlarni rivojlantirish agentligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
Oldingi tahrirga qarang.
15. Mazkur qaror ijrosini samarali tashkil qilishga masʼul etib Oʻzbekiston Respublikasi Prezidenti huzuridagi Ijtimoiy himoya milliy agentligi direktori M.P. Olloyorov hamda Iqtisodiyot va moliya vazirligi huzuridagi Bojxona qoʻmitasi raisi A.Yu. Mavlonov belgilansin.
(15-band Oʻzbekiston Respublikasi Prezidentining 2023-yil 27-dekabrdagi PF-216-sonli Farmoni tahririda — Qonunchilik maʼlumotlari milliy bazasi, 29.12.2023-y., 06/23/216/1008-son — 2024-yil 1-yanvardan kuchga kiradi)
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 30-avgust,
PQ-365-son
Oldingi tahrirga qarang.
Oʻzbekiston Respublikasi Prezidentining 2022-yil 30-avgustdagi PQ-365-son qaroriga
ILOVA
2022 — 2025-yillarda Ijtimoiy qoʻllab-quvvatlash markazlari va “Muruvvat” internat uylarining moddiy-texnika bazasini mustahkamlash boʻyicha
“YOʻL XARITASI”
Oldingi tahrirga qarang.

T/r

Muassasa nomi

Chora-tadbirlar nomi

Amalga oshirish muddati

Moliyalashtirish manbai*

Masʼul ijrochilar

I. “Muruvvat” nogironligi boʻlgan bolalar va katta yoshdagi shaxslar uchun internat uylari

1.

Toshkent 1-son “Muruvvat” nogironligi boʻlgan bolalar uchun internat uyi.

Toshkent 1-son “Muruvvat” nogironligi boʻlgan bolalar uchun internat uyini rekonstruksiya qilish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Toshkent shahar hokimligi (Umurzoqov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

2.

Toshkent 2-son “Muruvvat” nogironligi boʻlgan bolalar uchun internat uyi.

1. Ichimlik suv quvurini taʼmirlash.

2. Muassasa devorini taʼmirlash.

3. Bino liftini yangilash.

4. Vasiylikka olinganlarning ota-onalari, yaqin qarindoshlari bilan uchrashish xonalarini nazarda tutuvchi nazorat oʻtkazish binosini qayta qurish.

5. Xizmat avtotransport vositalari uchun avtoturargoh (naves) qurish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Toshkent shahar hokimligi (Umurzoqov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

3.

Sirdaryo nogironligi boʻlgan ayollar uchun “Muruvvat” internat uyi.

1. 80 oʻrinli yotoqxonani oʻz ichiga olgan maʼmuriy bino va nazorat oʻtkazish binosini qurish hamda jihozlash.

2. Mavjud binolarning kanalizatsiya tizimini, yotoqxonalardagi hojatxona va yuvinish xonalarini hamda fasad qismlarini taʼmirlash.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Sirdaryo viloyati hokimligi (Maxmudaliyev),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

3. 200 dona temir karavotlar bilan taʼminlash.

4. Yangi elektr transformator va quyosh panellarini oʻrnatish.

5. Tashqi kanalizatsiya tizimini qurish.

Mahalliy budjetning qoʻshimcha manbalari

4.

Zomin nogironligi boʻlgan ayollar uchun “Muruvvat” internat uyi.

1. Muassasaning bino-inshootlarini rekonstruksiya qilish va jihozlash hamda hududni obodonlashtirish.

2. Issiqlik tizimiga zamonaviy qozonxona oʻrnatish.

3. Yangi elektr transformator va zaxira liniya uchun dizel generator oʻrnatish hamda binolarga boruvchi tashqi elektr kabellarini almashtirish.

4. Kanalizatsiya tizimlarini taʼmirlash.

5. Hududga quyosh panellarini oʻrnatish masalasini oʻrganib, natijasi asosida ishlarni tashkil etish.

6. Tabiiy gaz tortib kelish uchun zarur gaz quvurlari va materiallar xarid qilish.

7. Ichimlik suv minorasini oʻrnatish.

8. Tabiiy gaz quvurini 8 km masofadan tortib kelish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Jizzax viloyati hokimligi

(Saliyev),

Ijtimoiy himoya milliy agentligi

(Olloyorov),

Energetika vazirligi (Mirzamahmudov)

Iqtisodiyot va moliya vazirligi

(Norqulov),

Bojxona qoʻmitasi

(Mavlonov),

“Hududgaztaʼminot” AJ (Eshmuratov)

5.

Toshkent nogironligi boʻlgan erkaklar uchun “Muruvvat” internat uyi.

1. 7-boʻlimning 3-qavati “D” blokini mukammal taʼmirlash.

2. Bino liftini yangilash.

3. 200 metr masofada yoritish moslamalarini oʻrnatish.

4. 10 dona tikuv mashinasini xarid qilish.

5. Ichki yoʻlaklarga beton qoplama yotqizish va hududni obodonlashtirish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Toshkent shahar hokimligi (Umurzoqov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

6.

Fargʻona nogironligi boʻlgan bolalar uchun “Muruvvat” internat uyi.

1. Binolarning fasad qismini taʼmirlash.

2. Hududning old tomonidagi devor oʻrniga temir panjarali toʻsiqlar oʻrnatish.

3. Hududning old tomonida avtoturargoh tashkil qilish.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Fargʻona viloyati hokimligi (Bozarov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Qoʻchqorov),

Bojxona qoʻmitasi

(Mavlonov)

7.

Nukus shahar nogironligi boʻlgan ayollar uchun “Muruvvat” internat uyi.

1. Muassasa hududidagi shoʻr yerlarni doimiy ravishda yuvib, zax qochirish uchun muassasa hududida 51 ta vertikal drenaj burgʻilash ishlarini amalga oshirish.

2. Muassasa hududini obodonlashtirish.

2024-yil

Bojxona qoʻmitasining maxsus jamgʻarmasi hamda homiylik mablagʻlari

Qoraqalpogʻiston Respublikasi Vazirlar Kengashi (Ermanov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

8.

Qoʻrgʻontepa nogironligi boʻlgan bolalar uchun “Muruvvat” internat uyi.

1. Oziq-ovqat saqlash binosini, shuningdek, 40 oʻrinli oshxona binosini 200 oʻringa moʻljallab qayta qurisha jihozlash.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Andijon viloyati hokimligi (Abduraxmonov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

2. Koʻmir va tovar-moddiy boyliklarni saqlash omborxonalari binolarini qurish.

9.

Chuama nogironligi boʻlgan ayollar uchun “Muruvvat” internat uyi.

Sil kasalligiga chalingan shaxslar uchun 30 oʻrinli va yotoq kasal boʻlgan shaxslar uchun 70 oʻrinli boʻlimlar binolarining ichki qismini taʼmirlash.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Andijon viloyati hokimligi (Abduraxmonov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

10.

Shahrisabz nogironligi boʻlgan ayollar uchun “Muruvvat” internat uyi.

Muassasani sport anjomlari bilan taʼminlash.

2022 — 2024-yillar

Sport vazirligi huzuridagi budjetdan tashqari Sportni qoʻllab-quvvatlash jamgʻarmasi

Qashqadaryo viloyati hokimligi (Azimov),

Ijtimoiy himoya milliy agentligi

(Olloyorov),

Sport vazirligi

(Ikramov),

Iqtisodiyot va moliya vazirligi

(Norqulov)

Bojxona qoʻmitasi

(Mavlonov)

11.

Nurota nogironligi boʻlgan erkaklar uchun “Muruvvat” internat uyi.

1. Yuvinish xonasini qayta taʼmirlash.

2026-2027-yillar davomida

Navoiy viloyati xoʻjalik yurituvchi subyektlari homiylik mablagʻlari,

Sport vazirligi huzuridagi budjetdan tashqari Sportni qoʻllab-quvvatlash jamgʻarmasi

Navoiy viloyati hokimligi

(Tursunov),

Ijtimoiy himoya milliy agentligi

(Olloyorov),

Sport vazirligi

(Ikramov)

2. Tashqi hojatxona binosini qayta taʼmirlash.

3. Sport anjomlari bilan taʼminlash.

2026-2027-yillar davomida

12.

Qumqoʻrgʻon nogironligi boʻlgan bolalar uchun “Muruvvat” internat uyi.

Muassasa binosining qozonxonasini mukammal taʼmirlash.

2025-yil noyabr

Bojxona qoʻmitasining maxsus jamgʻarmasi hamda homiylik mablagʻlari

Surxondaryo viloyati hokimligi (Qosimov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

13.

Ohangaron nogironligi boʻlgan erkaklar uchun “Muruvvat” internat uyi.

Usti yopiq mini futbol maydonchasini qurish.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Toshkent viloyati hokimligi

(Mirzayev),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

14.

Qudash nogironligi boʻlgan ayollar uchun “Muruvvat” internat uyi.

1. Sport maydonchasi, oziq-ovqat ombori qurish.

2. Tabiiy gaz tortib kelish uchun zarur gaz quvur va materiallarni xarid qilish.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Fargʻona viloyati hokimligi (Bozarov),

Ijtimoiy himoya milliy agentligi

(Olloyorov),

Bojxona qoʻmitasi (Mavlonov)

3. Gaz quvurini tortib kelish.

15.

Qoʻqon nogironligi boʻlgan erkaklar uchun “Muruvvat” internat uyi.

1. Dezinfeksiya kamerasi uchun xona qurish.

2. Vasiylikka olingan shaxslarning mehnat terapiyasi bilan shugʻullanishi uchun alohida bino qurish.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Fargʻona viloyati hokimligi

(Bozarov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

16.

Xiva nogironligi boʻlgan erkaklar uchun “Muruvvat” internat uyi.

1. Sport zali, madaniyat va maʼrifat zalini qurish hamda hududni obodonlashtirish.

2. Kir yuvish xonasi binosini taʼmirlash.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Xorazm viloyati hokimligi (Raximov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

3. Muassasaning tashqi kanalizatsiya tizimini qurish.

II. Ijtimoiy qoʻllab-quvvatlash markazlari

17.

Fargʻona Ijtimoiy qoʻllab-quvvatlash markazi

1. Muassasaga kirish qismidagi bino va tashqi devorlar hamda mavjud binolarning fasad qismlarini taʼmirlash.

2. Mavjud ikki qavatli binoning 3 va 4-boʻlimlarini mukammal taʼmirlash va jihozlash.

3. Yotoq boʻlimlaridagi 6 ta yuvinish xonalarini toʻliq taʼmirlash.

4. Oshxona binosini qayta qurish.

5. Hududni obodonlashtirish, sugʻorish tizimi uchun quduq qazish.

6 Nazoratdan oʻtkazish, xodimlar kiyim almashtirish binolarini qayta qurish, xizmat avtotransport vositalari uchun avtoturargoh, kiyimlarni quritish ayvonini qurish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari hisobidan

Fargʻona viloyati hokimligi

(Bozarov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

Energetika vazirligi (Mirzamahmudov)

7. Mavjud qishki bogʻ binosini kutubxonaga moslashtirgan holda taʼmirlab jihozlash va suv havzasini, milliy ayvon, yozgi kinoteatr binolari hamda fontanni taʼmirlash.

8. Mavjud sport maydonlarini taʼmirlash.

2024-2025-yillar

Mahalliy budjetning qoʻshimcha manbalari hamda homiylik mablagʻlari

9. Qishki tadbirlar binosini zarur mebel va jihozlar bilan taʼminlash.

10. Muassasaning 1-2, 5 va 6-boʻlimlarini taʼmirlash.

11. Muassasa hududidan tashqaridagi kanalizatsiya tizimini taʼmirlash.

12. Muassasaga yangi elektr transformator oʻrnatish va transformatorgacha yuqori kuchlanishli elektr tarmogʻini tortish.

2024-2025-yillar

18.

Andijon Ijtimoiy qoʻllab-quvvatlash markazi.

Muassasada qoʻshimcha 20 oʻrinli yotoqxona binosi, sport maydonchasi va usti yopiq ayvon qurish.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Andijon viloyati hokimligi

(Abduraxmonov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

19.

Yakkabogʻ Ijtimoiy qoʻllab-quvvatlash markazi.

Muassasada usti yopiq ayvon qurish.

2024-yil iyul

Bojxona qoʻmitasining maxsus jamgʻarmasi hamda homiylik mablagʻlari

Qashqadaryo viloyati hokimligi

(Azimov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

20.

Samarqand Ijtimoiy qoʻllab-quvvatlash markazi.

1. Tabiiy gaz tortib kelish uchun zarur gaz quvurlari va materiallar xarid qilish.

2022 — 2024-yillar

Bojxona qoʻmitasining maxsus jamgʻarmasi hamda homiylik mablagʻlari

Samarqand viloyati hokimligi

(Turdimov),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov),

Energetika vazirligi (Mirzamahmudov),

“Oʻztransgaz” AJ

(Isakov),

“Hududgaztaʼminot” AJ

(Eshmuratov)

2. Tabiiy gaz quvurini tortib kelish.

2022 — 2024-yillar

21.

Ohangaron Ijtimoiy qoʻllab-quvvatlash markazi.

Muassasada taʼmirlashga muhtoj yotoqxona binolarini mukammal taʼmirlash.

2026-2027-yillar davomida

Bojxona qoʻmitasining maxsus jamgʻarmasi hamda homiylik mablagʻlari

Toshkent viloyati hokimligi

(Mirzayev),

Ijtimoiy himoya milliy agentligi

(Olloyorov),

Iqtisodiyot va moliya vazirligi

(Norqulov),

Bojxona qoʻmitasi

(Mavlonov)

22.

Qurilish-taʼmirlash (rekonstruksiya) ishlari olib borilayotgan Ijtimoiy qoʻllab-quvvatlash markazlari va “Muruvvat” uylari.

Muassasalarni zarur kompyuter texnikasi, mebel jihozlari, maishiy texnika vositalari bilan taʼminlash.

2022 — 2025-yillar

Bojxona qoʻmitasining maxsus jamgʻarmasi hamda homiylik mablagʻlari

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Ijtimoiy himoya milliy agentligi

(Olloyorov)

Iqtisodiyot va moliya vazirligi

(Norqulov)

Bojxona qoʻmitasi

(Mavlonov)

23.

Respublikadagi barcha Ijtimoiy qoʻllab-quvvatlash markazlari va “Muruvvat” uylari.

1. Muassasalarni Internet tarmogʻiga ulash.

2. Optik tolali liniyalar bilan taʼminlanmagan muassasalarga optik tolali aloqa liniyalarini tortish.

3. Ichki lokal tarmoq va server xonalarni tashkil etish.

2023-2024-yillar

Mahalliy budjetning qoʻshimcha manbalari

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Raqamli texnologiyalar vazirligi

(Shermatov),

Ijtimoiy himoya milliy agentligi

(Olloyorov)

24.

Respublikadagi Ijtimoiy qoʻllab-quvvatlash markazlari va “Muruvvat” internat uylari.

Vasiylikka olingan shaxslarga oʻz qiziqishlaridan kelib chiqib, kasb-hunar oʻrgatish uchun shart-sharoit yaratish hamda alohida isteʼdodga ega boʻlgan shaxslarning turli tanlovlar va musobaqalarda ishtirokini taʼminlash. Bunda:

Ijtimoiy qoʻllab-quvvatlash markazlarida ustaxonalar tashkil etish, jihozlash va kerakli xomashyo bilan taʼminlash;

“Muruvvat” internat uylarida ustaxonalar tashkil etish, jihozlash va kerakli xomashyo bilan taʼminlash.

2023 — 2025-yillar

Kambagʻallikni qisqartirish va bandlik vazirligining budjetdan tashqari mablagʻlari

Oliy taʼlim, fan va innovatsiyalar vazirligining budjetdan tashqari mablagʻlari

Ijtimoiy himoya milliy agentligi

(Olloyorov)

Kambagʻallikni qisqartirish va bandlik vazirligi

(Musayev)

Oliy taʼlim, fan va innovatsiyalar vazirligi

(Sharipov)

25.

Samarqand viloyati Urgut nogironligi boʻlgan shaxslar uchun erkaklar “Muruvvat” internat uyi.

Muassasa uchun yangi bino qurish masalasini oʻrganib chiqish va vasiylikka olingan shaxslarga qulay shart-sharoitlar yaratish yuzasidan taklif kiritish.

2024-yil

-

Bojxona qoʻmitasi

(Mavlonov),

Samarqand viloyati hokimligi

(Turdimov),

Davlat aktivlarini boshqarish agentligi (Ortikov)

* Bojxona qoʻmitasining maxsus jamgʻarmasi hisobidan mablagʻlar tegishliligi boʻyicha Ijtimoiy himoya milliy agentligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga homiylik yordami sifatida ularning asoslangan soʻrovnomasiga muvofiq oʻtkazib beriladi.
Ijtimoiy qoʻllab-quvvatlash markazlari va “Muruvvat” internat uylarini qurish, taʼmirlash va jihozlash ishlari boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyalari buyurtmachi hisoblanadi. Ajratilgan mablagʻlardan maqsadli foydalanilishini nazorat qilish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga yuklatiladi.
Buyurtmachiga, istisno tariqasida, loyiha va pudrat tashkilotlari bilan toʻgʻridan-toʻgʻri shartnomalar tuzishga hamda qurilish-montaj ishlarini loyihalashtirish bilan bir vaqtda amalga oshirishga ruxsat beriladi.
Ijtimoiy qoʻllab-quvvatlash markazlari va “Muruvvat” internat uylari uchun kompyuter texnikasi, mebel jihozlari, maishiy texnika vositalari qurilish va rekonstruksiya qilish ishlarini amalga oshirish boʻyicha tayyorlanadigan loyiha-smeta hujjatlarida nazarda tutiladi. Jihozlar bilan taʼminlash ishlarini nazorat qilish Ijtimoiy himoya milliy agentligiga yuklanadi.
Ijtimoiy qoʻllab-quvvatlash markazlari va “Muruvvat” internat uylarida zarurat boʻlganda vujudga kelgan qoʻshimcha qurilish va taʼmirlash ishlari Bojxona qoʻmitasi hamda Ijtimoiy himoya milliy agentligi kelishuvi asosida amalga oshiriladi.
(ilova Oʻzbekiston Respublikasi Prezidentining 2025-yil 25-martdagi PF-57-sonli Farmoni tahririda — Qonunchilik maʼlumotlari milliy bazasi, 01.04.2025-y., 06/25/57/0291-son)

(Qonunchilik maʼlumotlari milliy bazasi, 31.08.2022-y., 07/22/365/0783-son; 29.12.2023-y., 06/23/216/1008-son; 10.05.2024-y., 06/24/75/0335-son; 01.04.2025-y., 06/25/57/0291-son)