O‘zbekiston Respublikasi Vazirlar Mahkamasining 1992-yil 9-sentabrdagi 421-sonli “O‘zbekiston Respublikasi Vazirlar Mahkamasi huzuridagi Oliy attestatsiya komissiyasi faoliyatini tashkil etish masalalari” to‘g‘risida qaroriga asosan O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 1996-yil 25-yanvaridagi 34/2–son qarori bilan tasdiqlangan va O‘zbekiston Respublikasi Adliya vazirligida 1996-yil 10-iyulda 262-raqam bilan ro‘yxatga olingan “Ilmiy unvonlar berish to‘g‘risida nizom”ga ilovaga muvofiq o‘zgartirish va qo‘shimchalar kiritilsin.

2. Mazkur qaror o‘rnatilgan tartibda O‘zbekiston Respublikasi Adliya vazirligiga ro‘yxatdan o‘tkazish uchun taqdim etilsin.

O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 1996-yil 25-yanvardagi 34/2-son qarori bilan tasdiqlangan va O‘zbekiston Respublikasi Adliya vazirligida 1996-yil 10-iyulda 262-raqam bilan ro‘yxatga olingan Ilmiy unvonlar berish to‘g‘risida nizomga o‘zgartirish va qo‘shimchalar

1. 1-bandning ikkinchi xatboshisi quyidagi tahrirda bayon etilsin:

“Ilmiy unvonlar fanning muayyan sohasida chuqur ixtisosiy bilimga hamda ilmiy va pedagogik sohada ma’lum yutuqlarga erishgan oliy ma’lumotga (bakalavrdan tashqari) yoki ilmiy darajaga ega bo‘lgan shaxslarga beriladi.”.

2. 2-bandda “kengashlarning” so‘zidan keyin “(bundan buyon — kengash)” so‘zlari qo‘shilsin.

3. 5-band bo‘yicha:

a) ikkinchi xatboshidagi “ish stajiga” so‘zlaridan keyin “hamda dotsent ilmiy unvoniga” so‘zlari qo‘shilsin;

b) uchinchi xatboshidagi “Ilmiy stajga” so‘zlaridan keyin “hamda katta ilmiy xodim ilmiy unvoniga” so‘zlari qo‘shilsin;

v) to‘rtinchi xatboshida “tayyorlagan” so‘zidan keyin “va dotsent ilmiy unvoniga ega” so‘zlari qo‘shilsin.

4. 4-band quyidagi tahrirda bayon etilsin:

“4. OAK Rayosatining ilmiy unvon berish haqidagi qarori qabul qilingan kundan boshlab kuchga kiradi.

Ilmiy unvon attestatlari qaror qabul qilingan paytdan boshlab bir oy muddat davomida OAK Rayosati qarori asosida rasmiylashtiriladi va beriladi.”.

5. 6-bandning “mutaxassis tayyorlagan” so‘zlaridan keyin “katta ilmiy xodim ilmiy unvoniga ega bo‘lgan” so‘zlari qo‘shilsin.

6. 14, 15 va 16-bandlar chiqarilsin.

7. 21-band bo‘yicha:

a) ikkinchi xatboshidagi “(Prezidiumi)” va “(Kollegiyasi)” so‘zlari chiqarilsin;

b) ikkinchi xatboshidagi “Hay’ati” so‘zi “Rahbariyati” so‘ziga almashtirilsin.

8. 24-band quyidagi tahrirda bayon etilsin:

“Ushbu Nizom bo‘yicha barcha tushuntirishlar OAK Rayosati tomonidan belgilangan tartibda beriladi.”.