Oʻzbekiston Respublikasi Prezidentining

Farmoni

Sud hujjatlari va boshqa organlar hujjatlarini ijro etish tizimini isloh etish va sohani raqamlashtirish boʻyicha qoʻshimcha chora-tadbirlar toʻgʻrisida

[Koʻchirma]

Soʻnggi yillarda mamlakatimizda jamiyat va davlat hayotini keng koʻlamli isloh qilish, shuningdek, amalga oshirilgan sud-huquq islohotlari doirasida sud hujjatlari va boshqa organlar hujjatlarini ijro etish tizimini takomillashtirish sohasida salmoqli ishlar amalga oshirildi.

Shu bilan birga, dunyoning ilgʻor demokratik davlatlarida sud hujjatlarini ijro etish sohasida shakllangan tajriba va amaliyot tahlili sohada uzoq muddatli tizimli islohotlar amalga oshirish ehtiyoji mavjudligini koʻrsatdi.

Majburiy ijro byurosining tuzilma va vazifalari majburiy ijro tizimi rivojlanishining zamonaviy talablari va jahon tendensiyalariga toʻliq javob bermaydi.

Sud hujjatlarini ijro etishdan har qanday boʻyin tovlashning oldini olishga, shuningdek, fuqarolarning minimal turmush darajasini taʼminlash uchun zarur boʻlgan pul mablagʻlari daxlsizligini kafolatlashga qaratilgan sud hujjatlari va boshqa organlar hujjatlarini ijro etish toʻgʻrisidagi qonun hujjatlarini tizimlashtirish va yanada takomillashtirish zarur.

“Oʻzbekiston — 2030” Strategiyasida belgilangan vazifalarga muvofiq, fuqarolar, jamiyat va davlatning huquq va qonuniy manfaatlarini ishonchli himoya qilish, shuningdek, sud hujjatlari va boshqa organlar hujjatlarini ijro etish tizimini takomillashtirish orqali odil sudlov samaradorligini taʼminlash maqsadida:

1. Shunday tartib oʻrnatilsinki, unga muvofiq 2024-yil 1-maydan boshlab:

a) sud hujjatlari asosida ijro hujjatlarini elektron shaklda berish (yuborish, taqdim etish) tartibi joriy etilsin. Bunda:

iqtisodiy ishlar boʻyicha sud hujjatlari asosida ijro hujjatlarini faqat elektron shaklda berish (yuborish, taqdim etish) tartibi joriy etiladi (Oʻzbekiston Respublikasidan tashqarida ijro etilishi lozim boʻlgan ijro hujjatlari bundan mustasno);

fuqarolik va jinoyat ishlari boʻyicha sud va maʼmuriy sudning hujjatlari asosida beriladigan ijro hujjatlari, qoida tariqasida, elektron shaklda, ijro hujjati Oʻzbekiston Respublikasidan tashqarida ijro etilishi lozim boʻlgan taqdirda yoki taraflarning iltimosnomasiga koʻra esa — sudning muhri bilan tasdiqlangan holda qogʻoz shaklda berilishi (yuborilishi, taqdim etilishi) mumkin;

sud hujjatlari asosida beriladigan ijro hujjatlari QR-kod (matrik shtrixli kod) bilan tasdiqlangan holda elektron raqamli imzo bilan rasmiylashtiriladi;

yuridik shaxslar tomonidan sud hujjatlari asosida berilgan ijro hujjatlari va ijro ishi yuritishi doirasida qabul qilingan qarorlar va boshqa hujjatlar ularning soliq toʻlovchi shaxsiy kabineti orqali olinadi va taqdim etiladi;

jismoniy shaxslar uchun Yagona interaktiv davlat xizmatlari portali yoki interaktiv xizmatlarni koʻrsatadigan terminallar orqali sud hujjatlari asosida berilgan ijro hujjatlarini va ijro ishi yuritishi doirasida qabul qilingan qarorlar va boshqa hujjatlarni olish va taqdim etish imkoniyati yaratiladi;

b) fuqarolardan qarzdorliklari uchun undiruv qaratilishi mumkin boʻlmagan eng kam kafolatlangan daromad belgilansin. Bunda:

daromadlarning kafolatlangan eng kam miqdori fuqarolarning qarzdorliklari boʻyicha pul mablagʻlarini undirishda qoʻllaniladi va belgilangan mehnatga haq toʻlashning eng kam miqdorining yarmiga mos keladi;

LexUZ sharhi

Qarang: Oʻzbekiston Respublikasi Prezidentining 2024-yil 12-avgustdagi PF-108-sonli “Ish haqi, pensiyalar va nafaqalar miqdorini oshirish toʻgʻrisida”gi Farmoni.

fuqaroning bank hisobvaraqlaridan, jumladan bank kartalaridan ijro hujjatlari yuzasidan qarzdorlik boʻyicha pul mablagʻlarini mehnatga haq toʻlashning eng kam miqdorining yarmidagi mablagʻlar hisobidan ushlab qolish (hisobdan chiqarish) taqiqlanadi;

v) ijro ishini yuritishning soddalashtirilgan tartibi pochta xarajatlari boʻyicha qarzdorlikni undirishga ham tatbiq etilsin.

LexUZ sharhi

Qarang.: Oʻzbekiston Respublikasining “Sud hujjatlari va boshqa organlar hujjatlarini ijro etish toʻgʻrisida”gi Qonuni.

2. Belgilansinki, 2024-yil 1-dekabrdan boshlab sud hujjatlari va boshqa organlar hujjatlarining soʻzsiz ijrosini taʼminlovchi “Majburiyatlar reyestri” (keyingi oʻrinlarda — Reyestr) instituti joriy etiladi. Bunda:

Reyestr Majburiy ijro byurosi tomonidan yuritiladi;

qarzdor mol-mulki yoʻqligi sababli undiruv amalga oshirish imkoniyati boʻlmaganda, u haqidagi maʼlumotlar majburiy tartibda Reyestrga kiritiladi;

qarzdor haqida maʼlumot Reyestrga kiritilgandan keyin unga nisbatan ijro ishi doirasida qoʻllanilgan barcha cheklovlar saqlab qolinadi;

Reyestrga kiritilgan qarzdorning mol-mulki va pul mablagʻlari aniqlanganda majburiy ijro harakatlari davom ettiriladi;

qarzdor ijro hujjati boʻyicha majburiyatini bajarganda, u vafot etganda, ijro hujjatini berishga asos boʻlgan sud hujjati yoki boshqa organning hujjati bekor qilinganda yoxud ijro hujjati boʻlgan hujjat bekor qilinganda yoki haqiqiy emas deb topilganda, qarzdorning 10 yil davomida mol-mulki yoki pul mablagʻlari haqida maʼlumot aniqlanmaganda yoki qarzdor bankrot deb topilganda, undiruvchining arizasiga koʻra, u haqidagi maʼlumotlar Reyestrdan chiqariladi.

Bosh prokuratura (N.T. Yoʻldoshev) manfaatdor vazirlik va idoralar bilan birgalikda 2024-yil 1-avgustga qadar “Majburiyatlar reyestri” institutini amaliyotga joriy etish boʻyicha normativ-huquqiy hujjatlar loyihalarini ishlab chiqsin va belgilangan tartibda kiritsin.

3. Belgilansinki, 2024-yil 1-apreldan boshlab:

sud hujjatlari va boshqa organlar hujjatlari majburiy ijrosi doirasida mol-mulkni shartnoma-vositachilik asoslarida sotish faqatgina mol-mulkni qabul qilishdan uni sotishgacha boʻlgan jarayonlarni masofaviy monitoring qilish elektron tizimini joriy qilgan savdo tashkilotlari tomonidan amalga oshiriladi;

sud hujjatlari va boshqa organlar hujjatlari majburiy ijrosi doirasida mol-mulkni shartnoma-vositachilik asoslarida sotish boʻyicha savdo doʻkonlarini tanlab olishda mol-mulkni Internet-doʻkonlar orqali sotishni amalga oshiruvchi savdo tashkilotlariga ustunlik beriladi.

Bosh prokuratura (N.T. Yoʻldoshev) 2024-yil 1-martga qadar ijro hujjatlari boʻyicha xatlangan mol-mulkni shartnoma-vositachilik shartlari asosida realizatsiya qilish tartibini ishlab chiqib, Vazirlar Mahkamasiga tasdiqlash uchun kiritsin.

4. Majburiy ijro byurosiga yuklatilgan vazifalarning samarali ijro etilishini taʼminlash maqsadida:

a) Majburiy ijro byurosiga asosiy faoliyati voyaga yetmaganlar manfaatlarini himoya qilishga qaratilgan Majburiy ijro byurosini rivojlantirish jamgʻarmasidan moliyalashtiriladigan qoʻshimcha 230 ta davlat ijrochisi shtat birligi ajratilsin;

b) markaziy apparatning Tashkiliy-nazorat va tahlil boshqarmasi tarkibida mavjud shtat birliklari doirasida Monitoring markazi tashkil etilsin va uning asosiy vazifalari etib quyidagilar belgilansin:

Majburiy ijro byurosining dasturiy taʼminot va axborot tizimlaridan olingan maʼlumotlar asosida sud va boshqa organlar hujjatlari ijrosi holati bilan bogʻliq vaziyatni onlayn tahlil qilish;

axborot-kommunikatsiya va raqamli texnologiyalar asosida undirilgan pul mablagʻlari hisobini va boshqa hisobotlarni yuritish;

ijro ishi yuritishning protsessual tartibi va muddatlariga rioya etilishi ustidan nazoratni amalga oshirish;

maʼlumotlarni tahlil qilish orqali vujudga kelishi mumkin boʻlgan holatlarni baholash va prognoz qilish hamda ularning oldini olish va bartaraf etish yuzasidan takliflar kiritish;

v) markaziy apparatda Aktivlarning hisobini yuritish va boshqarish boʻlimi, Byuroning Qoraqalpogʻiston Respublikasi, viloyatlar va Toshkent shahar boshqarmalarida Aktivlarning hisobini yuritish va boshqarish shoʻbasi mavjud shtat birliklari doirasida tashkil etilsin.

5. Majburiy ijro byurosi direktori M.E. Egamberdiyev:

davlat ijrochisi lavozimiga oliy maʼlumotga ega boʻlgan shaxslarni qabul qilinishiga alohida eʼtibor qaratsin;

amaldagi oʻrta maxsus maʼlumotga ega davlat ijrochilarini Oʻzbekiston Respublikasi Huquqni muhofaza qilish akademiyasida bosqichma-bosqich oʻqitish boʻyicha chora-tadbirlarni amalga oshirsin.

6. Sud hujjatlari va boshqa organlar hujjatlarini ijro etish tizimini yanada rivojlantirish boʻyicha chora-tadbirlar dasturi 1-ilovaga muvofiq tasdiqlansin.

Oʻzbekiston Respublikasi Bosh prokurori N.T. Yoʻldoshev, masʼul vazirlik va idoralar rahbarlari chora-tadbirlar dasturida nazarda tutilgan tadbirlarning oʻz vaqtida va toʻliq bajarilishi uchun shaxsan masʼul etib belgilansin.

7. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

8. Bosh prokuratura Adliya vazirligi, Oliy sud hamda Iqtisodiyot va moliya vazirligi bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.

9. Mazkur Farmonning ijrosini samarali tashkil etishga masʼul va shaxsiy javobgar etib Oʻzbekiston Respublikasi Bosh prokurori N.T. Yoʻldoshev belgilansin.

Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi D.B. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 3-yanvar,

PF-1-son

Oʻzbekiston Respublikasi Prezidentining 2024-yil 3-yanvardagi PF-1-son Farmoniga
1-ILOVA

Sud hujjatlari va boshqa organlar hujjatlarini ijro etish tizimini yanada rivojlantirish boʻyicha

CHORA-TADBIRLAR DASTURI

T/r	Ustuvor yoʻnalishlar maqsad va vazifalar	Amalga oshirish mexanizmi	Amalga oshirish shakli	Ijro muddati	Masʼul ijrochilar
1.	Sud hujjatlari asosida ijro hujjatlarini elektron shaklda berish, yuborish va taqdim etish tartibini joriy etish.	Quyidagilarni nazarda tutuvchi normativ-huquqiy hujjat loyihasini ishlab chiqish: iqtisodiy ishlar boʻyicha sud hujjatlari asosida ijro hujjatlarini faqat elektron shaklda berish, yuborish va taqdim etish tartibi (Oʻzbekiston Respublikasidan tashqarida ijro etilishi lozim boʻlgan ijro hujjatlari bundan mustasno); fuqarolik va jinoyat ishlari boʻyicha sud va maʼmuriy sudning hujjatlari asosida beriladigan ijro hujjatlarini, qoida tariqasida, elektron shaklda berish, yuborish va taqdim etish tartibi (Oʻzbekiston Respublikasidan tashqarida ijro etilishi lozim boʻlgan ijro hujjatlari va taraflarning iltimosnomasi mavjud boʻlgan hollar bundan mustasno).	Qonun loyihasi	2024-yil mart	Bosh prokuratura (N. Yoʻldoshev), Oliy sud (B. Islamov), manfaatdor vazirlik va idoralar
2.	Soddalashtirilgan ijro ishi yuritish instituti tatbiq etiladigan ijro hujjatlari toifalarini kengaytirish.	1. Ijro ishini yuritishning soddalashtirilgan tartibini pochta xarajatlari boʻyicha qarzdorlikni undirishga ham tatbiq etish boʻyicha qonun loyihasini ishlab chiqish.	Qonun loyihasi	2024-yil fevral	Bosh prokuratura (N. Yoʻldoshev), manfaatdor vazirlik va idoralar, Majburiy ijro byurosi (M. Egamberdiyev)
2.		2. Ilgʻor xorijiy tajriba hamda huquqni qoʻllash amaliyotining tahlili asosida majburiy ijro tizimi samaradorligini oshirish maqsadida soddalashtirilgan ijro ishi yuritish instituti tatbiq etiladigan ijro hujjatlari toifalarini yanada kengaytirish boʻyicha takliflar kiritish.	Tahliliy maʼlumot	2024-yil dekabr
3.	Davlat organlari mansabdor shaxslarining ijro hujjatlari ijrosini taʼminlamaganlik uchun maʼmuriy javobgarligini kuchaytirish.	Davlat organlari mansabdor shaxslari tomonidan ijro hujjatlari ijrosini taʼminlamaganlik uchun maʼmuriy javobgarlikni kuchaytirishni nazarda tutuvchi Oʻzbekiston Respublikasining Maʼmuriy javobgarlik toʻgʻrisidagi kodeksning 198²-moddasiga oʻzgartishlar kiritish haqida qonun loyihasini ishlab chiqish.	Qonun loyihasi	2024-yil may	Bosh prokuratura (N. Yoʻldoshev), Oliy sud (B. Islamov), manfaatdor vazirlik va idoralar
4.	Davlat budjetiga qarzdorlikni undirishni nazarda tutuvchi ijro hujjatlari boʻyicha mol-mulki mavjud qarzdorlarga ijro hujjatini ixtiyoriy ijro etishi uchun moliyaviy ragʻbatlarni joriy etish.	Qarzdorning xatlangan mol-mulkini boshlangʻich narxdan 30 foizlik chegirma bilan Davlat budjetiga undirishni nazarda tutuvchi tartibni ijro hujjatlari boʻyicha sotilayotgan mol-mulkka nisbatan ham tatbiq etish (mol-mulkni davlat daromadiga oʻtkazishga oid ijro hujjatlari bundan mustasno).	Normativ-huquqiy hujjat loyihasi	2024-yil fevral	Bosh prokuratura (N. Yoʻldoshev), manfaatdor vazirlik va idoralar
5.	Sud qarorlarini ijro etishdan boʻyin tovlayotgan shaxslarning davlat xaridlarida xarid qilish tartib-taomillari ishtirokchisi sifatida ishtirok etishini taqiqlash.	Quyidagilarni nazarda tutuvchi normativ-huquqiy hujjat loyihasini ishlab chiqish: sud qarorlarini ijro etishdan boʻyin tovlayotgan shaxslarning xarid tartib-taomillarida ishtirokchi sifatida davlat xaridlarida ishtirok etishini taqiqlash mexanizmi; xarid komissiyasi yoki elektron davlat xaridlari tizimining operatori tomonidan Majburiy ijro byurosining maʼlumotlar bazalari orqali onlayn rejimda ishtirokchining sud qarorlari boʻyicha bajarilmagan majburiyatlari mavjudligini majburiy tekshirish tartibini joriy etish, agar bunday majburiyatlar aniqlanganda, ishtirokchini xarid qilishda ishtirok etishdan chetlashtirish tartibi.	Normativ-huquqiy hujjat loyihasi	2024-yil iyun	Bosh prokuratura (N. Yoʻldoshev), manfaatdor vazirlik va idoralar
6.	Ijro hujjatlari boʻyicha kontragentlar yoki budjet oldidagi oʻz moliyaviy majburiyatlarini bajarmaydigan insofsiz yoki toʻlovga qobiliyatsiz yuridik shaxslarning ommaviy maʼlumotlar bazasini yaratish.	Quyidagi tashkiliy-texnik amaliy choralarni amalga oshirish: kontragentlar oldidagi yoki ijro hujjatlari boʻyicha budjet oldidagi oʻz moliyaviy majburiyatlarini bajarmaydigan insofsiz yoki toʻlovga qobiliyatsiz yuridik shaxslarning ochiq elektron maʼlumotlar bazasini shakllantirish; Majburiy ijro byurosining rasmiy veb-saytida “Insofsiz yoki toʻlovga qobiliyatsiz yuridik shaxslar roʻyxati”ni manfaatdor shaxslarga yuridik shaxslarning moliyaviy majburiyatlari boʻyicha toʻlov qobiliyatini onlayn tarzda tekshirish hamda ushbu yuridik shaxslar toʻgʻrisidagi, shu jumladan, taʼsischilari, rahbarlari va tarkibi toʻgʻrisidagi hamma uchun ochiq maʼlumotlarni olish imkoniyatini taqdim etish bilan joylashtirish orqali interaktiv davlat xizmati koʻrsatish.	Amaliy choralar	2024-yil aprel	Majburiy ijro byurosi (M. Egamberdiyev), Adliya vazirligi (A. Tashkulov)
7.	Foydasiga sud qarori qabul qilingan shaxslarning qonuniy manfaatlarini hamda sud qarorlarining soʻzsiz ijrosini taʼminlash maqsadida sud qarorlarini ijro etish bosqichiga daʼvoni taʼminlash institutini joriy etish. Bunda mulkiy xarakterdagi sud hujjati boʻyicha majburiyatlarning bajarilishini majburiy ijro organi depozit hisob raqamiga pul oʻtkazish yoʻli bilan taʼminlash, yaʼni ijro boʻyicha kafolat mablagʻlarini kiritish institutini ijro ish yurituviga joriy etish.	Ijro boʻyicha kafolat mablagʻlarini kiritish institutini joriy etishni nazarda tutuvchi normativ-huquqiy hujjat loyihasini ishlab chiqish va quyidagilarni belgilash: 1) ushbu chora quyidagi asoslarga koʻra ijro ishini yuritishni toʻxtatish uchun shart hisoblanadi: qarzdor ijro hujjati yuzasidan sud tartibida nizolashganda yoki ijro hujjatini berish uchun asos boʻlgan sud hujjati ustidan shikoyat yoki protest kiritilishi munosabati bilan ushbu sud hujjati qayta koʻrib chiqilayotganda; davlat ijrochisining harakatlari (qarorlari) ustidan shikoyat berilganda; 2) majburiy ijro organini depozit hisob raqamiga oʻtkazilgan ijro boʻyicha kafolat mablagʻlari ijro ishi yuritishni toʻxtatish uchun qonunda belgilangan muddat davomida saqlanadi; 3) ijro boʻyicha kafolat mablagʻlarining kiritilishi qarzdor va uning mol-mulkiga nisbatan qoʻllanilgan cheklovlarni bekor qilishga asos boʻladi; 4) ijro boʻyicha kafolat mablagʻlari ijro ishi yuritishni toʻxtatib turishga sabab boʻlgan holatlar bartaraf qilinganida, agar ijro hujjati yoki ijro hujjatini berishga asos boʻlgan sud hujjati bekor boʻlsa, qarzdorga qaytariladi, sud hujjati bekor qilinib, yangitdan koʻrib chiqish uchun quyi instansiyaga yuborilishi holatlari bundan mustasno. Boshqa hollarda, ushbu pul mablagʻlari ijro hujjati talablarini qondirish, shuningdek, ijro yigʻimi va ijro xarajatlari boʻyicha qarzdorlikni qoplashga yoʻnaltiriladi.	Normativ-huquqiy hujjat loyihasi	2024-yil sentabr	Bosh prokuratura (N. Yoʻldoshev), Oliy sud (B. Islamov), manfaatdor vazirlik va idoralar
8.	Majburiy ijro byurosini rivojlantirish jamgʻarmasi va qonunchilik hujjatlari bilan taqiqlanmagan boshqa manbalar mablagʻlari hisobidan ijro ishini yuritish tizimini raqamlashtirish va qaror qabul qilishda inson omilini kamaytirish mexanizmlarini joriy etish.	Zamonaviy axborot-kommunikatsiya texnologiyalaridan foydalangan holda majburiy ijro tizimi tezkorligi va samaradorligini taʼminlash. Bunda: ijro ishlari boʻyicha ish yurituvni elektron shaklda yuritishni joriy qilish; ijro ishlari boʻyicha majburiy ijro harakatlari davomida qoʻllaniladigan protsessual hujjatlarning yagona elektron shaklini ishlab chiqish; davlat ijrochilarini planshet vositalari bilan taʼminlash; ijro harakatlarini amalga oshirish vaqtida ijro hujjatlari yuzasidan qarzdorliklarni undirish masalalari boʻyicha yagona idoralararo elektron hamkorlik tizimi orqali davlat organlari va tashkilotlarning barcha axborot tizimlari va maʼlumotlar bazalarini integratsiya qilish; ijro hujjatlari hamda undirilgan mablagʻlarning hisobini yuritishni avtomatlashtirish.	Amaliy chora-tadbirlar	Doimiy	Bosh prokuror (N. Yoʻldoshev)
9.	“Majburiyatlar reyestri” institutini amaliyotga joriy etish boʻyicha tegishli vazirlik va idoralar bilan hamkorlikda idoralararo maʼlumotlar almashinuvini takomillashtirish.	“Majburiyatlar reyestri”ni Majburiy ijro byurosi tomonidan yuritishda tegishli idoralar maʼlumotlar bazasi bilan integratsiyasini taʼminlash va qarzdorlar toʻgʻrisida maʼlumotlarni “Majburiyatlar reyestri”ga jamlash, saqlash, undan chiqarib tashlash hamda uni nazorat qilib borish mexanizmlarini ishlab chiqish hamda tegishli qonunchilik hujjatlariga oʻzgartirish va qoʻshimchalar kiritish.	Texnologik yoʻriqnoma	2024-yil iyul	Bosh prokuratura (N. Yoʻldoshev), manfaatdor vazirlik va idoralar

			Normativ-huquqiy hujjat loyihasi	2024-yil avgust
10.	Majburiy ijro byurosini rivojlantirish jamgʻarmasi va qonunchilik hujjatlari bilan taqiqlanmagan boshqa manbalar mablagʻlari hisobidan ijro ishlari boʻyicha majburiy ijro harakatlarini amalga oshirishda davlat ijrochilarining mobil videokameralardan (bodi kamera) foydalanishini joriy qilish.	Davlat ijrochisi xizmat vazifalarini oshkora olib borishi, ijro harakatlarini video tasvirga olishi, faoliyatiga noqonuniy aralashish va qarshilik qilinishini oldini olish, shaxsiy hayoti va sogʻligʻini tahdidlardan himoya qilish hamda ijro harakatlari qonuniyligini taʼminlash maqsadida quyidagi tashkiliy-texnik amaliy choralarni amalga oshirish: Toshkent shahrining Yakkasaroy tumani va Navoiy shahri Majburiy ijro byurosi boʻlimlarida tajriba sifatida davlat ijrochilari tomonidan mobil videokameralardan (bodi kamera) foydalanish tartibini yoʻlga qoʻyish; tajriba yakunlari boʻyicha Majburiy ijro byurosi tizimidagi barcha davlat ijrochilari tomonidan mobil videokameralardan (bodi kamera) foydalanish tartibini joriy etish; mobil videokameralarning dasturiy taʼminotlarga integratsiyasini taʼminlash.	Amaliy chora-tadbirlar	2024-yil dekabr	Majburiy ijro byurosi (M. Egamberdiyev)
11.	Mobil videokameradan majburiy foydalanish tartibini joriy etish.	Davlat ijrochilari tomonidan majburiy ijro harakatlari davomida qonunchilik hujjatlariga muvofiq mobil videokameradan foydalanish majburiyligini belgilash.	Normativ-huquqiy hujjat loyihasi	2024-yil sentabr	Majburiy ijro byurosi (M. Egamberdiyev)
12.	Yurisprudensiya mutaxassisligi boʻyicha kadrlarni tayyorlovchi oliy taʼlim muassasalari oʻquv rejalarining “Tanlov fanlar” blokiga “Ijro ishi yuritish” fanini kiritish.	1. Yurisprudensiya bakalavriat taʼlim yoʻnalishlarining oʻquv rejalarining “Tanlov fanlar” blokiga “Ijro ishi yuritish” fanini kiritish. 2. “Ijro ishi yuritish” fani oʻquv dasturini ishlab chiqish.	Oʻquv reja va oʻquv dasturi	2024-yil iyun	Oliy taʼlim, fan va innovatsiyalar vazirligi (I. Abduraxmonov), Adliya vazirligi (A. Tashkulov), Majburiy ijro byurosi (M. Egamberdiyev)
13.	Sud hujjatlari va boshqa organlar hujjatlarini majburiy ijro etishni taʼminlash samaradorligini oshirish maqsadida qarzdordan undirilgan ijro yigʻimining bir qismini davlat ijrochilariga ajratma sifatida qoldirish orqali moddiy ragʻbatlantirish tizimini joriy etish.	Ijro hujjatlari ijrosini taʼminlash samaradorligini oshirish maqsadida davlat ijrochilarining ijro hujjatlari boʻyicha amalda undirgan pul summasiga nisbatan Majburiy ijro byurosini rivojlantirish jamgʻarmasi mablagʻlari hisobidan moddiy ragʻbatlantirish tartibini joriy etish.	Normativ-huquqiy hujjat loyihasi	2024-yil fevral	Bosh prokuratura (N. Yoʻldoshev)

Oʻzbekiston Respublikasi Prezidentining 2024-yil 3-yanvardagi PF-1-son Farmoniga
2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2017-yil 18-apreldagi “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi PF-5019-son Farmonida:

a) 4-bandning toʻrtinchi xatboshisidagi “4 886” va “1 031” raqamlari tegishincha “4 986” va “1 131” raqamlari bilan almashtirilsin;

b) 2-ilovaning matni quyidagi tahrirda bayon etilsin:

“Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining

TASHKILIY-SHTAT TUZILMASI

Boshliq yordamchisi

Boshliq

Matbuot kotibi

Boshliqning birinchi oʻrinbosari

Boshliq oʻrinbosari

Boshliq oʻrinbosari — Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boshqarmasi boshligʻi

Tashkiliy-nazorat boʻlimi

Jamoatchilik bilan aloqalar va huquqiy axborot boʻlimi

Ijtimoiy sohada korrupsiya va iqtisodiy jinoyatlarga qarshi kurashish boshqarmasi

Iqtisodiy sohada korrupsiya va iqtisodiy jinoyatlarga qarshi kurashish boshqarmasi

Kadrlar boʻlimi

Shaxsiy xavfsizlik boʻlimi

Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boshqarmasi

Tezkor-qidiruv faoliyati hisobi boʻlimi

Tizimli tahlil boʻlimi

Taftish boshqarmasi

Xalqaro aloqalar boʻlimi

Raqamlashtirish va axborot xavfsizligini taʼminlash boʻlimi

Kriminalistika laboratoriyasi

Surishtiruv boʻlimi

Maxsus boʻlim

Jinoiy faoliyatdan olingan daromadlarni legallashtirishga qarshi kurashish boʻlimi

Navbatchilik qismi

Murojaatlar bilan ishlash boʻlimi

Moliya-xoʻjalik boʻlimi

Terrorizmni moliyalashtirishga qarshi kurashish boʻlimi

Xavflarni baholash markazi

Hududiy boshqarmalar va boʻlimlar

Departament boshqaruv xodimlarining umumiy soni — 1 131 shtat birligi,

shundan markaziy apparatda — 99 shtat birligi.

Bunda 100 shtat birligi Departamentning budjetdan tashqari maxsus jamgʻarmasi mablagʻlari hisobidan moliyalashtiriladi”.

2. Oʻzbekiston Respublikasi Prezidentining 2018-yil 8-maydagi “Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora-tadbirlari toʻgʻrisida”gi PF-5438-son Farmonida:

a) 6-band quyidagi mazmundagi xatboshi bilan toʻldirilsin:

“oliy taʼlim hamda oliy taʼlimdan keyingi taʼlim dasturlari boʻyicha oʻqishga qabul qilish va oʻqitish talablari Akademiyaga nisbatan tatbiq etilmaydi. Akademiyaga oʻqishga qabul qilish va oʻqitish talablari Vazirlar Mahkamasi tomonidan belgilanadi”;

b) 1-ilova oʻz kuchini yoʻqotgan deb hisoblansin.

Oldingi tahrirga qarang.

(3-band Oʻzbekiston Respublikasi Prezidentining 2024-yil 8-iyuldagi PF-99-sonli Farmoniga asosan oʻz kuchini yoʻqotgan)

4. Oʻzbekiston Respublikasi Prezidentining 2018-yil 31-oktabrdagi “Jinoiy-huquqiy statistika tizimini tubdan takomillashtirish va jinoyatlarni tizimli tahlil qilish samaradorligini oshirish chora-tadbirlari toʻgʻrisida”gi PF-5566-son Farmonida:

a) 7-band quyidagi tahrirda bayon etilsin:

“7. Oʻzbekiston Respublikasi Huquqni muhofaza qilish akademiyasi Huquqni muhofaza qilish faoliyati muammolarini ilmiy-amaliy tadqiq etish markazining (keyingi oʻrinlarda — Markaz) asosiy vazifalari etib, quyidagilar belgilansin:

jinoyatlar sodir etilishining sabab va sharoitlarini oʻrganish hamda diagnostika qilish, huquqbuzarliklar profilaktikasi, shu jumladan, alohida turdagi jinoyatlarning oldini olish holatini tahlil qilish;

jinoyatchilik ahvoli oʻzgarishlarini kriminologik prognoz qilish, shuningdek, huquqbuzarliklar profilaktikasi faoliyatini metodologik va konsultativ taʼminlash;

huquqbuzarliklarning oldini olish va bartaraf etish boʻyicha ilmiy asoslangan taklif va tavsiyalarni ishlab chiqish hamda ularning ijro etilishini monitoring qilib borish;

jinoyat turlari, jinoyatchi va jabrlanuvchilarning shaxsi boʻyicha ilmiy-amaliy izlanishlar olib borish”;

b) 2-ilovaning 3-bandi “b” kichik bandi oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida”gi PF-6118-son Farmoni 9-bandning ikkinchi xatboshisidagi “Bosh prokuratura Akademiyasida” soʻzlari “Oʻzbekiston Respublikasi Huquqni muhofaza qilish akademiyasida” soʻzlari bilan almashtirilsin.

6. Oʻzbekiston Respublikasi Prezidentining 2021-yil 28-iyundagi “Oʻzbekiston Respublikasining jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish milliy tizimini rivojlantirish strategiyasini tasdiqlash toʻgʻrisida”gi PF-6252-son Farmonida:

a) 12-bandning ikkinchi xatboshisidagi “Bosh prokuratura Akademiyasida” soʻzlari “Oʻzbekiston Respublikasi Huquqni muhofaza qilish akademiyasida” soʻzlari bilan almashtirilsin;

b) 2-ilovada:

27-pozitsiya “Chora-tadbirlarning nomlanishi” ustunidagi “Bosh prokuratura Akademiyasi” soʻzlari “Oʻzbekiston Respublikasi Huquqni muhofaza qilish akademiyasi” soʻzlari bilan almashtirilsin;

28-pozitsiyasi “Masʼul ijrochilar” ustunidagi “Bosh prokuratura Akademiyasi” soʻzlari “Oʻzbekiston Respublikasi Huquqni muhofaza qilish akademiyasi” soʻzlari bilan almashtirilsin.

9. Oʻzbekiston Respublikasi Prezidentining 2017-yil 30-maydagi “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida”gi PQ-3016-son qarorida:

a) 1 — 3a-ilovalar quyidagi tahrirda bayon etilsin:

“Oʻzbekiston Respublikasi Prezidentining 2017-yil 30-maydagi PQ-3016-son qaroriga
1-ILOVA

Oʻzbekiston Respublikasi Bosh prokuraturasi huzuridagi Majburiy ijro byurosi markaziy apparatining

TASHKILIY-SHTAT TUZILMASI

Jamoatchilik bilan aloqalar va huquqiy axborot boʻlimi

Direktor

Direktor yordamchisi

Direktorning birinchi oʻrinbosari — Tashkiliy-nazorat va tahlil boshqarmasi boshligʻi

Direktor oʻrinbosari — Sud hujjatlari va boshqa organlar hujjatlarini ijro etish boshqarmasi boshligʻi

Kadrlar boshqarmasi

Surishtiruv va maʼmuriy amaliyot boʻlimi

Ichki xavfsizlikni taʼminlash boshqarmasi

Tashkiliy-nazorat va tahlil boshqarmasi

Sud hujjatlari va boshqa organlar hujjatlarini ijro etish boshqarmasi

Huquqiy taʼminlash va xalqaro-huquqiy aloqalar boʻlimi

Nazoratni tashkillashtirish, statistika va tahlil boʻlimi

Birinchi boʻlim

Jinoyat ishlari boʻyicha va maʼmuriy sudlar hujjatlarini ijro etish boʻlimi

Ishlar boshqarmasi

Monitoring markazi

Moliya-rejalashtirish boʻlimi

Iqtisodiy sudlar hujjatlarini ijro etish boʻlimi

Murojaatlar bilan ishlash boʻlimi

Taftish boʻlimi

Fuqarolik ishlari boʻyicha sudlar hujjatlarini ijro etish boʻlimi

Tezkor-qidiruv faoliyati hisobi shoʻbasi

Ichki ishlar, soliq va boshqa organlar hujjatlarini ijro etish boʻlimi

Hududiy boshqarmalar

Navbatchi qism

Tuman (shahar) boʻlimlari

Axborot-kommunikatsiya texnologiyalarni joriy etish markazi

Aktivlarni hisobini yuritish va boshqarish boʻlimi

Tumanlararo boʻlimlari

Alohida muhim ijro ishlarni ijro etish boʻlimi

Qidiruv boʻlimi

Boshqaruv xodimlarining umumiy soni — 95 birlik,

* texnik va yordamchi xodimlar shtat birliklari soni oʻrnatilgan meʼyorlar asosida aniqlanadi.

Oʻzbekiston Respublikasi Prezidentining 2017-yil 30-maydagi PQ-3016-son qaroriga
2-ILOVA

Majburiy ijro byurosi Qoraqalpogʻiston Respublikasi, viloyatlar va Toshkent shahar boshqarmalarining

NAMUNAVIY TASHKILIY-SHTAT TUZILMASI

Jamoatchilik bilan aloqalar va huquqiy axborot boʻyicha katta inspektor

Boshqarma boshligʻi

Ichki xavfsizlikni taʼminlash shuʼbasi

1 — 3

Boshqarma boshligʻi oʻrinbosari — Sud hujjatlari va boshqa organlar hujjatlarini ijro etish boʻlimi

Kadrlar shoʻbasi

Birinchi boʻlim

Sud hujjatlari va boshqa organlar hujjatlarini ijro etish boʻlimi

4 — 6

Surishtiruv va maʼmuriy amaliyot shoʻbasi

2-3

Moliya-xoʻjalik boʻlimi

3-4

Aktivlarni hisobini yuritish va boshqarish shoʻbasi

1 — 3

Murojaatlar bilan ishlash shoʻbasi

Tashkiliy nazorat va tahlil shoʻbasi

Alohida muhim ijro ishlarini ijro etish shoʻbasi

Axborot-kommunikatsiya texnologiyalarini joriy etish shoʻbasi

Taftishchi

Qidiruv shoʻbasi

2 — 8

Depozit hisobvaraqlari bilan ishlash guruhi (shoʻbasi)

Tuman (shahar) boʻlimlari

Tumanlararo ixtisoslashtirilgan ijro boʻlimlari

Boshqaruv xodimlarining umumiy soni — 29 — 43 birlik.

* texnik va yordamchi xodimlar shtat birliklari soni oʻrnatilgan meʼyorlar asosida aniqlanadi.

Majburiy ijro byurosi Qoraqalpogʻiston Respublikasi, viloyatlar va Toshkent shahar boshqarmalari xodimlarining umumiy soni — 508 birlik.

Oʻzbekiston Respublikasi Prezidentining 2017-yil 30-maydagi PQ-3016-son qaroriga
3-ILOVA

Majburiy ijro byurosi tuman (shahar) boʻlimlarining

NAMUNAVIY TASHKILIY-SHTAT TUZILMASI

Boʻlim boshligʻi

Boshliq oʻrinbosari

0-1

Davlat ijrochisi

1 — 49

Depozit boʻyicha mutaxassis

0,5-1

Umumiy shtat birliklari soni 2,5 — 52 birlik, shundan davlat ijrochilari — 2 — 51 birlik.

* texnik va yordamchi xodimlar shtat birliklari soni oʻrnatilgan meʼyorlar asosida aniqlanadi, bunda har bir tuman (shahar) boʻlimida kamida 1 nafar ish yurituvchi nazarda tutiladi.

Majburiy ijro byurosi tuman (shahar) boʻlimlari xodimlarining umumiy cheklangan soni 2 870 birlik, shundan davlat ijrochilari — 2 757 birlik.

Oʻzbekiston Respublikasi Prezidentining 2017-yil 30-maydagi PQ-3016-son qaroriga
3a-ILOVA

Majburiy ijro byurosi tumanlararo ixtisoslashtirilgan ijro boʻlimlari

NAMUNAVIY TASHKILIY-SHTAT TUZILMASI

Boʻlim boshligʻi

Davlat ijrochisi

8 — 33

Boshqaruv xodimlari umumiy shtat birliklari soni 9 — 34 birlik. Majburiy ijro byurosi tumanlararo boʻlimlarining Oʻzbekiston Respublikasi Davlat budjetidan moliyalashtiriladigan boshqaruv xodimlari umumiy cheklangan soni 252 birlik.

* texnik va yordamchi xodimlar shtat birliklari soni oʻrnatilgan meʼyorlar asosida aniqlanadi, bunda har bir tumanlararo boʻlimida kamida 1 nafar ish yurituvchi nazarda tutiladi.

** Qoraqalpogʻiston Respublikasi va har bir viloyatda bittadan tumanlararo boʻlim, Toshkent shahrida 2 tumanlararo boʻlim faoliyat yuritadi.

*** Tumanlararo boʻlimlar tashkiliy-nazorat va material-texnik taʼminoti Majburiy ijro byurosi hududiy boshqarmalari tomonidan amalga oshiriladi. Tumanlararo boʻlimlar xodimlar soni va saqlashga xarajatlar Majburiy ijro byurosining tegishli hududiy boshqarmalari shtatlar jadvali va xarajatlar smetasida aks etadi”;

b) 5-ilovada:

13¹-banddagi “Bosh prokuraturasi Akademiyasida” soʻzlari “Huquqni muhofaza qilish akademiyasida” soʻzlari bilan almashtirilsin;

17-bandda:

birinchi xatboshidagi “Bosh prokuror” soʻzlari “Byuro direktori” soʻzlari bilan almashtirilsin;

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin.

10. Oʻzbekiston Respublikasi Prezidentining 2017-yil 20-iyundagi “Oʻzbekiston Respublikasi Bosh prokuraturasi huzuridagi Majburiy ijro byurosining axborot-kommunikatsiya texnologiyalarini joriy etish markazini tashkil qilish toʻgʻrisida”gi PQ-3070-son qarorida:

a) 1-bandning ikkinchi xatboshisidagi “15” raqami “20” raqami bilan almashtirilsin;

b) 1-ilovaning matni quyidagi tahrirda bayon etilsin:

“Oʻzbekiston Respublikasi Bosh prokuraturasi huzuridagi Majburiy ijro byurosi Axborot-kommunikatsiya texnologiyalarini joriy etish markazining

TUZILMASI

Direktor

Direktor oʻrinbosari

Axborot xavfsizligi shoʻbasi

Axborot tizimlari va maʼlumotlar bazalarini ishlab chiqish va joriy etish shoʻbasi

Axborot tizimlari va maʼlumotlar bazalarini yuritish shoʻbasi

Texnik xizmat koʻrsatish va taʼmirlash shoʻbasi

Markaz xodimlarining umumiy soni — 20 birlik, shundan 17 nafari boshqaruv xodimlari.

* shundan barcha 3 nafari texnik xodimlar”;

v) 2-ilovaning matni quyidagi tahrirda bayon etilsin:

“Oʻzbekiston Respublikasi Bosh prokuraturasi huzuridagi Majburiy ijro byurosi Axborot-kommunikatsiya texnologiyalarini joriy etish markazi xodimlarining Yagona tarif setkasi boʻyicha mehnatga haq toʻlash

RAZRYADLARI

Lavozimlar nomi	Razryadlar
Direktor	18
Direktor oʻrinbosari*
Dasturchi	15
Maʼlumotlar bazasi administratori	13
Korporativ tarmoq administratori	12
Texnik hujjatlashtirish boʻyicha muhandis	12
Axborot xavfsizligi boʻyicha mutaxassis	12
Texnik mutaxassis	8

* Direktor lavozimiga mehnat haqi toʻlashdan 5% kam”;

g) 4-ilovaning matni quyidagi tahrirda bayon etilsin:

“Oʻzbekiston Respublikasi Bosh prokuraturasi huzuridagi Majburiy ijro byurosi Axborot-kommunikatsiya texnologiyalarini joriy etish markazi xodimlarining

SHTATLAR JADVALI

Lavozimlar nomi	Birliklar soni
Direktor	1
Direktor oʻrinbosari	1
Axborot xavfsizligi shuʼbasi
Axborot xavfsizligi boʻyicha mutaxassis	1
Axborot tizimlari va maʼlumotlar bazalarini ishlab chiqish va joriy etish shuʼbasi
Dasturchi	8
Texnik hujjatlashtirish boʻyicha muhandis	3
Axborot tizimlari va maʼlumotlar bazalarini yuritish shuʼbasi
Maʼlumotlar bazasi administratori	2
Korporativ tarmoq administratori	1
Texnik xizmat koʻrsatish va taʼmirlash shuʼbasi
Texnik mutaxassis	3
Jami:	20
	”.

11. Oʻzbekiston Respublikasi Prezidentining 2021-yil 17-fevraldagi “Sunʼiy intellekt texnologiyalarini jadal joriy etish uchun shart-sharoitlar yaratish chora-tadbirlari toʻgʻrisida”gi PQ-4996-son qaroriga 6-ilovaning 14-bandidagi “Bosh prokuratura akademiyasi” soʻzlari “Oʻzbekiston Respublikasi Huquqni muhofaza qilish akademiyasi” soʻzlari bilan almashtirilsin.

12. Oʻzbekiston Respublikasi Prezidentining 2021-yil 22-apreldagi “Oʻzbekiston Respublikasi Milliy gvardiyasida xodimlar tomonidan xizmatni oʻtash tartibini takomillashtirish boʻyicha chora-tadbirlar toʻgʻrisida”gi PQ-5089-son qarorida:

a) 4-bandning uchinchi va toʻrtinchi xatboshilari quyidagi mazmundagi uchinchi xatboshi bilan almashtirilsin:

“Milliy gvardiya xodimlarini Milliy gvardiya oʻquv markazlarida belgilangan tartibda maxsus kasbiy (boshlangʻich) tayyorgarlikdan oʻtkazish, qayta tayyorlash va malakasini oshirish toʻgʻrisidagi takliflariga rozilik berilsin”;

b) 1-ilovaning 63-bandi birinchi xatboshisidagi va 66-bandi ikkinchi xatboshisidagi “Toshkent davlat yuridik universitetining Ixtisoslashtirilgan filialida” soʻzlari “Oʻzbekiston Respublikasi Huquqni muhofaza qilish akademiyasida” soʻzlari bilan almashtirilsin.

13. Oʻzbekiston Respublikasi Prezidentining 2021-yil 6-iyuldagi “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida”gi PQ-5177-son qarori 11-bandining birinchi xatboshisidagi “Bosh prokuratura Akademiyasi” soʻzlari “Huquqni muhofaza qilish akademiyasi” soʻzlari bilan almashtirilsin.

(Qonunchilik maʼlumotlari milliy bazasi, 04.01.2024-y., 06/24/1/0001-son)