O‘zbekiston Respublikasi Prezidentining
Farmoni
Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari to‘g‘risida
So‘nggi yillarda mamlakatimizda ekologik xavfsizlikni ta’minlash, ekologik vaziyatni yaxshilash, chiqindilarning insonlar sog‘lig‘iga zararli ta’sirini oldini olish, tabiiy resurslardan oqilona foydalanish, sanitariya va ekologik holat sifatini oshirish uchun qulay sharoitlar yaratish bo‘yicha kompleks chora-tadbirlar izchil amalga oshirilmoqda.
Butun mamlakat miqyosida “Yashil makon” umummilliy loyihasi amalga oshirilmoqda, davlat o‘rmon fondiga kirmaydigan daraxtlar qimmatbaho navlarining kesilishiga muddatsiz moratoriy amal qilmoqda.
Shu bilan birga, respublikada hudud rahbarlari, ekologiya va atrof-muhitni hamda huquqni muhofaza qilish organlarining e’tiborsizligi natijasida sohada o‘tgan davrda jiddiy kamchiliklarga yo‘l qo‘yilgan, ayrim hollarda esa tabiatga va jamiyatga tiklab bo‘lmas darajada zarar yetkazilgan. Xususan:
hududlarda, ayniqsa, shaharlarda havo ifloslanishi bo‘yicha holat tobora yomonlashib bormoqda, atmosferaga chiqariladigan tashlanmalarning yukini kamaytirish bo‘yicha tizimli ishlar yo‘lga qo‘yilmagan;
daraxtlar va butalarni kesilishiga e’lon qilingan moratoriy davrida 44 mingga yaqin, shundan 9,5 mingga yaqin qimmatbaho daraxtlar noqonuniy kesilishi natijasida tabiatga 36 milliard so‘mlik zarar yetkazilgan;
daraxtlarning ildiz tizimlarini beton va asfalt bilan qoplash, ularga turli elektr chiroq va reklama moslamalarini ilib qo‘yish daraxtlarning jiddiy shikastlanishiga sabab bo‘lmoqda;
jamiyatda hayvonlarga, shu jumladan, uy hayvonlari va qarovsiz hayvonlarga shafqatsiz munosabatda bo‘lish holatlari ko‘payib bormoqda, ularni identifikatsiya, chiplash, vaksinatsiya va sterilizatsiya qilishning zamonaviy tizimi mavjud emas;
muhofaza etiladigan tabiiy hududlarda chorva mollari nazoratsiz va tizimsiz boqilishi holatlarining ortib borishi, yer osti suvlaridan ilmiy asoslarsiz foydalanish ekotizimlarning buzilishiga, katta yer maydonlari degradatsiyasining ortishiga hamda ularning cho‘llanishiga olib kelmoqda, oqibatda iqlim o‘zgarishining ta’siri kuchaymoqda, insonlar hayoti va sog‘lig‘iga xavf tug‘ilmoqda;
2022-yilda ekologik huquqbuzarliklar yuzasidan 27 ta holat bo‘yicha jinoiy ish qo‘zg‘atilgan bo‘lib, ularning barchasi bo‘yicha yengil moliyaviy jarima jazosi qo‘llanilgan xolos;
mavjud poligonlarning holati ekologik va sanitariya talablariga javob bermasligi hamda ular faoliyatida qayta ishlash va utilizatsiya texnologiyalari joriy qilinmaganligi ularning kelgusida ekologik fojia darajasidagi muammoga aylanish xavfini keltirib chiqarmoqda.
Raqamli texnologiyalar asosida zamonaviy ekologik monitoring mexanizmini yaratish, ekologik madaniyatni yanada oshirish, bioxilma-xillikni asrash va chiqindilar bilan bog‘liq ishlarni tartibga solish, daraxt, butalarni ekish va yashil hududlarni tashkil qilish hamda ularni muhofaza qilishning yangi tartiblarini joriy qilish orqali ekologik vaziyatni tubdan yaxshilash, shuningdek, O‘zbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida”gi PF-14-son Farmoni ijrosini ta’minlash maqsadida:
1. Ushbu Farmon bilan yuklatiladigan yangi vazifa va funksiyalarni inobatga olib, Tabiat resurslari vazirligi Ekologiya, atrof-muhitni muhofaza qilish va iqlim o‘zgarishi vazirligi (keyingi o‘rinlarda –– Vazirlik) deb qayta nomlansin.
2. Vazirlik Bosh prokuratura, Ichki ishlar vazirligi bilan birgalikda 2023-yil 1-sentabrga qadar quyidagilarni nazarda tutuvchi normativ-huquqiy hujjatlar loyihalarini Vazirlar Mahkamasiga kiritsin:
a) ekologiya va atrof-muhitga zarar yetkazish, o‘simlik va hayvonot dunyosi obyektlarini nobud qilish yoki ularga shikast yetkazish bilan bog‘liq jinoyatlarni og‘ir jinoyatlar toifasiga kiritish;
b) davlat o‘rmon fondiga kirmaydigan daraxtlar va butalar qimmatbaho navlarining kesilishiga qo‘yilgan moratoriy talablarini buzganlik uchun ma’muriy jarimalar miqdorini 5 baravarga oshirish. Bunda, qo‘shimcha ravishda noqonuniy kesilgan daraxt o‘rniga kompensatsiyaviy daraxt ko‘chatlarini aynan daraxt kesilgan joyga ekish majburiyatini belgilash hamda yuridik shaxslarga nisbatan bazaviy hisoblash miqdorining 100 baravaridan 300 baravarigacha bo‘lgan miqdorda moliyaviy jarimalar qo‘llashni joriy etish;
v) O‘zbekiston Respublikasi Qizil kitobiga kiritilgan hayvonlarning noqonuniy ovlanishi oqibatida hayvonot dunyosiga yetkazilgan zarar uchun undirish summalarini 10 baravarga hamda o‘simliklarni o‘sishdan to‘xtash darajasigacha shikastlantirish yoki yo‘q qilish bilan ularga yetkazilgan zarar uchun undirish summalarini 5 baravarga oshirish;
g) sanoat, maishiy va boshqa chiqindilarni to‘plash, tashish, joylashtirish, zararsizlantirish, saqlash, utilizatsiya qilish, qayta ishlash va realizatsiya qilish chog‘ida tabiatni muhofaza qilish talablarini buzish, shuningdek, qattiq maishiy chiqindilarni va qurilish chiqindilarini belgilanmagan joylarga tashlash hamda suyuq maishiy chiqindilarni to‘kkanlik uchun ma’muriy jarimalar miqdorini 10 baravarga oshirgan holda qo‘llash.
Bunda, qo‘shimcha ravishda yuridik shaxslarga nisbatan bazaviy hisoblash miqdorining 100 baravaridan 300 baravarigacha bo‘lgan miqdorda moliyaviy jarimalar qo‘llashni joriy etish;
d) suvlarni ifloslantirish yoki bulg‘atish, suvto‘plagich inshootlarida suvni muhofaza qilish rejimini buzish, shuningdek, suv obyektlariga oqindi suvlarni oqizishga yo‘l qo‘yish shartlari to‘g‘risidagi talablarni buzganlik uchun ma’muriy jarimalar miqdorini 5 baravarga oshirish;
e) o‘rmon fondi:
yerlarini noqonuniy berish va ulardan foydalanish bo‘yicha alohida ma’muriy va jinoiy javobgarlikni belgilash;
yerlarida noqonuniy bino-inshootlar va imoratlarni qurish bo‘yicha alohida jinoyat tarkibini kiritish hamda uning sanksiyalarini sug‘oriladigan yerlarni o‘zboshimchalik bilan egallab olganlik uchun belgilangan sanksiyalarga tenglashtirish;
j) hayvonlarga nisbatan shafqatsiz munosabatda bo‘lganlik uchun ma’muriy jarimalar miqdorini 10 baravarga oshirish va ushbu huquqbuzarlikni sodir etgan shaxslarni hayvonlarni boqish huquqidan mahrum etish;
z) O‘zbekiston Respublikasi hududida atrof tabiiy muhit ifloslantirilganligi hamda chiqindilar joylashtirilganligi uchun kompensatsiya to‘lovlarini belgilash va qo‘llash tartibini qonun darajasida tartibga solish hamda berilgan imtiyozlarni bekor qilish;
i) barcha o‘simlik va hayvonot dunyosidan foydalanish kvotalarini o‘rnatish masalasini qonun darajasida tartibga solish.
3. 2023-yil 1-iyuldan boshlab O‘zbekiston Respublikasida “Jamoatchilik ekologiya nazoratchisi” tizimi joriy qilinsin hamda quyidagilar nazoratchilarning huquq va majburiyatlari etib belgilansin:
ekologik huquqbuzarlikni aniqlash, tegishli dalolatnomani rasmiylashtirish va Ekonazorat platformasiga kiritish;
faoliyatini amalga oshirishda maxsus bilim va ko‘nikmalarni olish uchun bepul ta’lim olish va malakasini oshirish;
aniqlangan huquqbuzarliklarga nisbatan ko‘rilgan choralar yuzasidan axborot olish, huquqbuzarga jazo tayinlash bilan bog‘liq jarayonlarda ishtirok etish;
samarali faoliyat uchun qonunchilikda belgilangan tartibda va miqdorda haq olish.
Jamoatchilik ekologiya nazoratchilari huquqbuzarlikni aniqlash va uni rasmiylashtirish jarayonida shaffoflikni ta’minlash, korrupsiyaga yo‘l qo‘ymaslik hamda ma’lumotlarning haqqoniy tayyorlanishiga majburdirlar.
4. Ekologiya, atrof-muhitni muhofaza qilish va o‘rmon xo‘jaligi sohasidagi qonunchilikka rioya etilishi va uning ijrosi ustidan nazoratga mas’ul bo‘lgan Bosh prokuror o‘rinbosari lavozimi kiritilsin.
5. Bosh prokuraturaning tashkiliy-shtat tuzilmasida qo‘shimcha 6 ta shtat birligidan iborat bo‘lgan Ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosi ustidan nazorat boshqarmasi (keyingi o‘rinlarda –– Boshqarma) tashkil etilsin.
Belgilansinki:
Oldingi tahrirga qarang.
(5-bandning uchinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoniga asosan chiqarilgan — Qonunchilik ma’lumotlari milliy bazasi, 19.11.2025-y., 06/25/217/1060-son)
Oldingi tahrirga qarang.
Qoraqalpog‘iston Respublikasi, viloyatlar va Toshkent shahri prokuraturalariga ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosi ustidan nazorat yo‘nalishida jami 30 ta shtat birliklari ajratiladi;
(5-bandning to‘rtinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoni tahririda — Qonunchilik ma’lumotlari milliy bazasi, 19.11.2025-y., 06/25/217/1060-son)
Oldingi tahrirga qarang.
Bosh prokuratura tizimida joriy etilayotgan 37 ta shtat birligi Vazirlik tizimining umumiy shtat birliklarini maqbullashtirish hisobiga ajratiladi.
(5-bandning beshinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoni tahririda — Qonunchilik ma’lumotlari milliy bazasi, 19.11.2025-y., 06/25/217/1060-son)
6. Vazirlik tuzilmasida alohida yuridik shaxs maqomiga ega bo‘lmagan Davlat ekologik nazorat inspeksiyasi (keyingi o‘rinlarda –– Inspeksiya) tashkil etilsin.
Muhofaza etiladigan tabiiy hududlarning qo‘riqlov xodimlari hamda o‘rmon va o‘rmon-ov xo‘jaliklaridagi davlat inspektorlari (o‘rmon inspektorlari) shtat birliklari Inspeksiyaga o‘tkazilsin.
7. Belgilab qo‘yilsinki:
Oldingi tahrirga qarang.
(7-bandning ikkinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoniga asosan chiqarilgan — Qonunchilik ma’lumotlari milliy bazasi, 19.11.2025-y., 06/25/217/1060-son)
Oldingi tahrirga qarang.
(7-bandning uchinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoniga asosan chiqarilgan — Qonunchilik ma’lumotlari milliy bazasi, 19.11.2025-y., 06/25/217/1060-son)
Oldingi tahrirga qarang.
(7-bandning to‘rtinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoniga asosan chiqarilgan — Qonunchilik ma’lumotlari milliy bazasi, 19.11.2025-y., 06/25/217/1060-son)
Inspeksiya davlat ekologik nazoratini amalga oshirishda unga nisbatan Vazirlikning qonunchilikda belgilangan vazifalari, vakolatlari va huquqlari tatbiq etiladi;
Oldingi tahrirga qarang.
(7-bandning oltinchi xatboshisi O‘zbekiston Respublikasi Prezidentining 2025-yil 18-noyabrdagi PF-217-sonli Farmoniga asosan chiqarilgan — Qonunchilik ma’lumotlari milliy bazasi, 19.11.2025-y., 06/25/217/1060-son)
respublika ijro etuvchi hokimiyat organlari, huquqni muhofaza qiluvchi va nazorat qiluvchi organlar tomonidan Inspeksiya xodimlari zimmasiga ularning vakolatiga kirmaydigan vazifalarning yuklanishi taqiqlanadi;
Inspeksiyaga tegishli avtotransport vositalari “ECO” davlat raqamlarining maxsus seriyasiga ega bo‘ladi;
respublika ijro etuvchi hokimiyat organlari, huquqni muhofaza qiluvchi va nazorat qiluvchi organlar Inspeksiyaga uning zimmasiga yuklatilgan vazifa va funksiyalarni bajarishda har tomonlama ko‘maklashishi shart;
Inspeksiya zimmasiga yuklatilgan vazifalarni bajarish uchun zarur bo‘lgan axborot, hujjatlar va boshqa materiallar uning qonuniy talabiga ko‘ra bepul taqdim etiladi.
Oldingi tahrirga qarang.
(7-bandning o‘n birinchi xatboshisi O‘zbekiston Respublikasi Prezidentining 2023-yil 14-noyabrdagi PF-184-sonli Farmoniga asosan 2025-yil 1-yanvardan chiqariladi — Qonunchilik ma’lumotlari milliy bazasi, 23.11.2024-y., 06/24/184/0954-son)
8. Respublikaning tuman va shaharlarida atrof tabiiy muhit davlat monitoringi tizimini tubdan takomillashtirish, salbiy ta’sirning yuzaga kelishini prognozlash mexanizmining quyidagi tartiblari o‘rnatilsin:
a) respublika hududlari bo‘yicha:
Oldingi tahrirga qarang.
2024-yil 31-dekabrga qadar tumanlarda (shaharlarda) atmosfera havosi ifloslanishi fon monitoringini amalga oshirish uchun avtomatlashgan kichik stansiyalar 1-ilovaga muvofiq xarid qilinadi va o‘rnatiladi. Bunda:
(8-band “a” kichik bandining ikkinchi xatboshisi O‘zbekiston Respublikasi Prezidentining 2024-yil 26-sentabrdagi PF-149-sonli Farmoni tahririda — Qonunchilik ma’lumotlari milliy bazasi, 04.10.2024-y., 06/24/149/0772-son)
kichik stansiyalar Vazirlik tomonidan tasdiqlangan texnik talablar va hududlarga joylashtirish xaritalari asosida Gidrometeorologiya xizmati agentligi tomonidan o‘rnatiladi;
xaridlar respublika budjetidan Qoraqalpog‘iston Respublikasi respublika budjeti va viloyatlar mahalliy budjetlariga ajratiladigan ssuda mablag‘lari hisobidan amalga oshiriladi;
Oldingi tahrirga qarang.
b) 2026-yil yakuniga qadar respublika hududi bo‘yicha atmosfera havosining tabiiy ifloslanishi yuqori bo‘lgan hududlarni prognozlash va aholini barvaqt ogohlantirish tizimi sinov tariqasida joriy etiladi;
(8-bandning “b” kichik bandi O‘zbekiston Respublikasi Prezidentining 2026-yil 25-martdagi PF-46-sonli Farmoni tahririda — Qonunchilik ma’lumotlari milliy bazasi, 30.03.2026-y., 06/26/46/0290-son)
Oldingi tahrirga qarang.
v) 2027-yil 1-yanvardan boshlab Qoraqalpog‘iston Respublikasi, viloyatlar va Toshkent shahri hududida o‘rnatiladigan avtomatlashgan kichik stansiyalar ma’lumotlari atrof tabiiy muhit davlat monitoringi tizimining yagona geoaxborot ma’lumotlar bazasiga integratsiya qilish orqali vizuallashtirilib, rasmiy veb-saytlarda real vaqt rejimida muntazam yangilab boriladi.
(8-bandning “v” kichik bandi O‘zbekiston Respublikasi Prezidentining 2026-yil 25-martdagi PF-46-sonli Farmoni tahririda — Qonunchilik ma’lumotlari milliy bazasi, 30.03.2026-y., 06/26/46/0290-son)
Oldingi tahrirga qarang.
9. Atrof tabiiy muhitni ifloslantiruvchi manbalarning monitoringini sifatli olib borish uchun Vazirlar Mahkamasi tomonidan tasdiqlanadigan grafikka asosan 2025-yil 1-iyulga qadar atrof-muhitga ta’siri bo‘yicha I toifaga kiruvchi xo‘jalik yurituvchi subyektlarga, 2025-yil yakuniga qadar –– II toifaga kiruvchi xo‘jalik yurituvchi subyektlarga quyidagi majburiyatlar yuklatilsin:
(9-bandning birinchi xatboshisi O‘zbekiston Respublikasi Prezidentining 2024-yil 26-sentabrdagi PF-149-sonli Farmoni tahririda — Qonunchilik ma’lumotlari milliy bazasi, 04.10.2024-y., 06/24/149/0772-son)
atmosfera havosiga ustuvor turg‘un (tashkillashtirilgan) ifloslantiruvchi manbalardan chiqadigan tashlanmalarni tahlil qiluvchi avtomatik monitoring stansiyalarini o‘rnatish;
yuqori samaradorlikka ega chang-gaz tozalash uskunalari va lokal suv tozalash inshootlarini o‘rnatish hamda mavjudlarini modernizatsiya qilish;
xo‘jalik yurituvchi subyektlarning sanitar himoya zonalarini avtomat statsionar kuzatuv postlari bilan jihozlash.
Belgilansinki:
chang-gaz tozalash uskunalari, lokal suv tozalash inshootlari va avtomatik monitoring tizimlarini o‘rnatish uchun xo‘jalik yurituvchi subyektlarga xalqaro moliyaviy institutlarning mablag‘lari hisobidan tijorat banklari orqali 100 mln AQSH dollari miqdorida kredit liniyasi ochiladi;
2023-yil 1-iyuldan boshlab mazkur bandda ko‘zda tutilgan uskunalarni o‘rnatgan (yoki shartnomaga asosan 15 foizdan ortiq to‘lovlarni amalga oshirgan) korxonalarga atrof tabiiy muhitni ifloslantirganligi va chiqindilarni joylashtirganligi uchun kompensatsiya to‘lovlarini teng ulushlarda 36 oy davomida bo‘lib-bo‘lib to‘lashga ruxsat etiladi;
mazkur Farmonning ushbu bandida ko‘zda tutilgan uskunalarni o‘rnatmagan xo‘jalik yurituvchi subyektlarga nisbatan atrof-muhitni ifloslantirganlik uchun kompensatsiya to‘lovlari 5 baravarga oshirilgan holda qo‘llaniladi;
2024-yil 1-yanvardan boshlab atrof-muhitga ta’siri bo‘yicha I toifaga va II toifaga kiruvchi yangi obyektlarni loyihalashtirishda yuqori samaradorlikka ega chang-gaz tozalash uskunalari va (yoki) lokal suv tozalash inshootlari o‘rnatilishi ko‘zda tutilmagan loyihalarni davlat ekologik va shaharsozlik ekspertizalaridan o‘tkazish hamda qurilishi tugallangan obyektlarni, ularni o‘rnatmagan holda foydalanishga qabul qilish man etiladi.
Oldingi tahrirga qarang.
(10-band O‘zbekiston Respublikasi Prezidentining 2023-yil 10-noyabrdagi PF-193-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 11.11.2023-y., 06/23/193/0844-son)
Oldingi tahrirga qarang.
(11-band O‘zbekiston Respublikasi Prezidentining 2026-yil 25-martdagi PF-46-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 30.03.2026-y., 06/26/46/0290-son)
12. Vazirlikning Milliy tabiiy meros obyektlari ro‘yxatini joriy etish to‘g‘risidagi taklifiga rozilik berilsin.
Vazirlik:
2024-yil 1-yanvarga qadar respublikaning milliy ahamiyatga ega tabiat obyektlarini, shu jumladan noyob va takrorlanmas ekotizimlar, bioxilma-xillik turlari va tabiiy landshaftlarni xatlovdan o‘tkazsin hamda Milliy tabiiy meros obyektlari ro‘yxatini tasdiqlab, e’lon qilsin va doimiy ravishda yangilab borsin;
Oldingi tahrirga qarang.
2024-yil 1-avgustdan boshlab YUNESKOning xalqaro konvensiya talablariga asosan O‘zbekiston tabiiy meros obyektlari nominatsiyalarini belgilangan tartibda YUNESKO ro‘yxatiga taqdim etish choralarini ko‘rib borsin.
(12-bandning to‘rtinchi xatboshisi O‘zbekiston Respublikasi Prezidentining 2024-yil 23-iyuldagi PF-106-sonli Farmoni tahririda — Qonunchilik ma’lumotlari milliy bazasi, 03.08.2024-y., 06/24/106/0571-son)
13. Vazirlikning respublikaning yashillik darajasini oshirish va ko‘kalamzorlashtirish bo‘yicha tadbirlarni tashkillashtirish, “Yashil makon” umummilliy loyihasini samarali amalga oshirish hamda o‘rmonchilik va o‘rmon ko‘chatchiligini rivojlantirishda quyidagicha tubdan yangi tizimni joriy qilish to‘g‘risidagi taklifi ma’qullansin:
Oldingi tahrirga qarang.
a) respublika budjetidan 2024-yil uchun 100 milliard so‘m, 2025-yil va undan keyingi yillar uchun 500 milliard so‘mdan mablag‘ ajratiladi hamda mablag‘lar “Ochiq budjet” axborot portali va O‘zbekiston Respublikasining manzilli ko‘kalamzorlashtirish investitsiya dasturi orqali quyidagilarga yo‘naltiriladi:
(13-band “a” kichik bandining birinchi xatboshisi O‘zbekiston Respublikasi Prezidentining 2023-yil 23-noyabrdagi PF-199-sonli Farmoni tahririda — Qonunchilik ma’lumotlari milliy bazasi, 24.11.2023-y., 06/23/199/0882-son)
“yashil belbog‘”, “yashil bog‘” va “yashil jamoat park”lar hamda “yashil qoplamalar” –– himoya o‘rmonzorlarini barpo etish va doimiy foydalanuvchiga topshirilgunga qadar saqlab turish;
tabiiy shart-sharoitlardan kelib chiqqan holda, asosiy temir yo‘l va magistral avtoyo‘llar bo‘yida daraxt ko‘chatlarini ekish;
har bir tuman va shaharda 5 gektardan kam bo‘lmagan maydonlarda bog‘lar barpo etish;
daraxt ko‘chatlarini ekish, yer uchastkalarini tayyorlash va loyihalashtirish ishlarini amalga oshirish;
urug‘chilikni rivojlantirishda onalik plantatsiyalarni kengaytirish, bu orqali sifatli urug‘ va qalamchalarni tayyorlash;
o‘rmonchilik va o‘rmon ko‘chatchiligini rivojlantirish, shu jumladan, yopiq ildizli tizimi bilan tuvakda yetishtirish usulini qo‘llash va daraxt turidan kelib chiqib, kamida uch yil davomida parvarishlash;
sug‘orish tizimlarini tashkil etish va suv chiqarish quduqlarini o‘rnatishga sarflanadi;
Oldingi tahrirga qarang.
b) har yili shakllantiriladigan va tasdiqlanadigan O‘zbekiston Respublikasining manzilli ko‘kalamzorlashtirish investitsiya dasturi amalga oshiriladi;
(13-bandning “b” kichik bandi O‘zbekiston Respublikasi Prezidentining 2023-yil 23-noyabrdagi PF-199-sonli Farmoni tahririda — Qonunchilik ma’lumotlari milliy bazasi, 24.11.2023-y., 06/23/199/0882-son)
v) manzilli ko‘kalamzorlashtirish investitsiya dasturida belgilangan tadbirlarni amalga oshirishda:
buyurtmachi, loyihachi va pudratchi qonunchilikda belgilangan tartibda aniqlanadi;
LexUZ sharhiQarang: Vazirlar Mahkamasining 2022-yil 31-yanvardagi 46-sonli “Qurilish sohasida elektron davlat xaridlarini tashkil etish va amalga oshirish tartibini takomillashtirish chora-tadbirlari to‘g‘risida”gi qarori.
Vazirlik tomonidan ekologik ekspertiza o‘tkaziladi;
daraxt ko‘chatlarini ekish, sug‘orish, parvarish qilish, “yashil bog‘lar”, “yashil jamoat parklari”, “yashil qalqon” va “yashil qoplama” himoya o‘rmonzorlarini tashkil etish davlat xaridlari to‘g‘risidagi qonunchilikka muvofiq amalga oshiriladi;
g) 2023-yil yakuniga qadar har bir davlat tashkiloti va hokimlikning tegishlicha budjetdan tashqari va mahalliy budjet mablag‘lari hisobidan o‘z bog‘lari tashkil etiladi hamda uch yil davomida parvarishlanadi. Bunda:
tashkilotlarning bog‘lari tumanlar (shaharlar) markaziy hududlarida 50 sotixdan 2 gektargacha bo‘lgan maydonlarda;
bog‘larni barpo etish “Yashilloyiha” loyihalash instituti va Davlat ekologik ekspertizasi markazi tomonidan ishlab chiqiladigan loyiha-smeta hujjatlari asosida amalga oshiriladi;
davlat tashkiloti va hokimliklarning barpo etiladigan bog‘lari uchun yer maydonlarini aniqlash va mablag‘larni ajratish Vazirlar Mahkamasi tomonidan belgilanadi;
d) 2023-yil 1-sentabrdan boshlab har bir yirik sanoat korxonasi (atrof-muhitga ta’siri bo‘yicha I va II toifaga kiruvchi) tomonidan o‘z va tutash hududlarida Vazirlik bilan kelishilgan loyiha asosida uch yil davomida “yashil belbog‘”lar barpo etiladi;
e) Vazirlik va uning tizimidagi tashkilotlar respublika havo hududidan foydalanishda uchuvchisiz uchadigan apparatlar parvozi uchun arizalar (buyurtmanomalar)ni ko‘rib chiqish va tasdiqlash, shuningdek, uchirish bilan bog‘liq boshqa to‘lovlardan ozod etiladi.
14. Ko‘chatchilik sohasida professional mehnat bozorini yaratish, ishsizlikni kamaytirish va norasmiy bandlik ulushini qisqartirish uchun shunday tartib o‘rnatilsinki, unga muvofiq 2024-yil 1-yanvardan boshlab:
uy sharoitida yoki kasanachilik asosida daraxt va buta ko‘chatlarini (nihol) yetishtirish faoliyati o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) hisoblanadi;
sinov tariqasida o‘rmon xo‘jaliklari hududida ko‘chat yetishtirish, ekilgan ko‘chatlarni parvarishlash, o‘rmonzorlar barpo etish ishlari autsorsing asosida jismoniy va yuridik shaxslarni jalb etgan holda amalga oshiriladi;
o‘rmon xo‘jaliklarida ko‘chat yetishtiruvchi pitomniklarni tashkil etish maqsadida, xo‘jaliklar hududlarining uzoq muddatli ijaraga beriladigan uchastkalari Vazirlik tomonidan belgilanadi;
davlat o‘rmon fondi uchastkalari faqat “E-auksion” platformasi orqali ijaraga beriladi;
Jamoatchilik ekologiya nazoratchilariga ular tomonidan bazaviy hisoblash miqdorining 50 foizi miqdorida Budjetdan tashqari pensiya jamg‘armasiga ijtimoiy soliq to‘langan taqdirda, qonunchilikda o‘zini o‘zi band qilgan shaxslar uchun joriy qilingan pensiyani hisoblash uchun ish stajini hisobga olish tartibi tatbiq etiladi.
LexUZ sharhiQarang: Vazirlar Mahkamasining 2022-yil 13-oktabrdagi 592-sonli “Davlat pensiyalarini tayinlash va to‘lash tartibi to‘g‘risidagi nizomni tasdiqlash haqida”gi qarori.
Belgilansinki, boshqa sohalarda mehnat shartnomasiga asosan band bo‘lgan shaxslar bir vaqtning o‘zida uy sharoitida ko‘chat (nihol) yetishtirish yoki Jamoatchilik ekologiya nazoratchisi faoliyati bilan shug‘ullanishlari mumkin.
15. Belgilansinki, respublikada qattiq maishiy chiqindilar bilan bog‘liq ishlar “Nol chiqindi” (Zero waste) tamoyillari asosida yangi tartib va mexanizmlar orqali amalga oshiriladi. Bunda, quyidagilarga alohida e’tibor qaratiladi:
chiqindilarni maishiy chiqindi turlariga qarab, alohida-alohida to‘plash va olib chiqib ketish;
yangidan hosil bo‘layotgan chiqindilarni poligonlarga yo‘naltirmasdan, maksimal darajada qayta ishlash (Recycling) yoki kuydirish, sohaga aylanma (sirkulyar) iqtisodiyot amaliyotini joriy qilish;
barcha mavjud poligonlardagi chiqindilarning bosqichma-bosqich to‘liq qayta ishlanishi va kuydirilishini ta’minlash;
chiqindilarni kuydirish natijasida olinadigan issiqlik yoki elektr energiyasining o‘z ehtiyojidan ortiq bo‘lgan qismini aholi va ishlab chiqarish ehtiyojlari uchun mavjud energetika va kommunikatsiya tarmoqlariga to‘lov evaziga, shu jumladan “yashil tarif” qo‘llangan holda yo‘naltirish;
ushbu tizimning samaradorligini oshirish maqsadida Davlat budjetidan “yashil subsidiyalar” ajratish tizimini joriy etish.
Vazirlik 2023-yil 1-sentabrga qadar maishiy chiqindilarning kompleks boshqaruvi bo‘yicha dastur loyihasini Vazirlar Mahkamasiga kiritsin.
Oldingi tahrirga qarang.
(16-band O‘zbekiston Respublikasi Prezidentining 2024-yil 23-iyuldagi PF-106-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 03.08.2024-y., 06/24/106/0571-son)
17. Shunday tartib o‘rnatilsinki, unga muvofiq:
a) 2023-yil 1-avgustdan boshlab xavf-xatarlik darajasi II — IV toifa bo‘lgan yangi qurilish obyektlarining:
loyiha hujjatlarining arxitektura qismi Vazirlikning hududiy bo‘linmalari bilan kelishiladi;
smeta qiymatini shakllantirishda qurilish chiqindilarini olib chiqib ketish xarajatlari ham ko‘zda tutiladi;
qurilish-montaj ishlarini boshlash uchun belgilangan tartibda ro‘yxatdan o‘tkazishda qurilish chiqindilarini olib chiqib ketish va poligonlarga joylashtirish bo‘yicha shartnoma tuzish majburiyati belgilanadi;
b) davlat ekologik ekspertizasi xulosasi belgilangan tartibda Davlat ekologik ekspertizasi markazi rahbari hamda uning viloyatlar va Toshkent shahri filiallari rahbarlari tomonidan tasdiqlanadi, shuningdek, Vazirlikning rasmiy veb-saytida e’lon qilinadi (maxsus va harbiy obyektlar bundan mustasno);
v) 2024-yil 1-yanvardan boshlab xavf-xatarlik darajasi III-IV toifa bo‘lgan barcha yangi qurilish obyektlari loyihalari, shu jumladan, gidrotexnika inshootlari loyihalari qurilish zonasidagi iqlim bilan bog‘liq xatarlarni hisobga olish bo‘yicha Gidrometeorologiya xizmati agentligi tomonidan beriladigan monitoring ma’lumotlari asosida amalga oshiriladi;
g) 2024-yil 1-yanvardan boshlab atrof-muhitga ta’siri bo‘yicha I –– IV toifalarga kiruvchi xo‘jalik yurituvchi subyektlarning faoliyatini belgilangan tartibda davlat ekologik ekspertizasidan o‘tkazish jarayonida Vazirlik tomonidan uglerod neytralligini ta’minlash bo‘yicha maqsadli ko‘rsatkichlar belgilanadi. Bunda:
faoliyat turidan kelib chiqib, atrof-muhitga ta’sirni baholash materiallarida ishlab chiqarish natijasida hosil bo‘ladigan issiqxona gazlari miqdori hamda uglerod izini (carbon footprint) kamaytirishning aniq ko‘rsatkichlari loyiha pasporti bilan belgilanadi;
belgilangan ko‘rsatkichlar asosida uglerod izini kamaytirish bo‘yicha davlat ekologik ekspertizasi xulosasida xo‘jalik yurituvchi subyektlar tomonidan amalga oshirilishi majburiy bo‘lgan chora-tadbirlar ishlab chiqiladi;
davlat ekologik ekspertizasi xulosasida belgilangan chora-tadbirlarning bajarilishi yuzasidan monitoring olib boriladi, uning natijalari qonunchilikda belgilangan tartibda jarima va qo‘shimcha kompensatsiya to‘lovlarini qo‘llashga asos bo‘ladi;
LexUZ sharhiQarang: O‘zbekiston Respublikasi Ma’muriy javobgarlik to‘g‘risidagi kodeksining VIII bobi.
davlat ekologik ekspertizasi xulosasi va uning bajarilishi yuzasidan olib borilgan ishlar bo‘yicha axborot Vazirlikning rasmiy veb-saytida e’lon qilinadi;
d) 2024-yildan boshlab markazlashgan investitsiya loyihalari hamda atrof-muhitga ta’siri bo‘yicha I-II toifaga kiruvchi faoliyat turlariga oid markazlashmagan investitsiya loyihalari belgilangan tartibda davlat ekologik ekspertizadan o‘tkaziladi;
e) 2024-yil 1-yanvardan boshlab eksperiment tariqasida Hukumat tomonidan belgilanadigan tartibga muvofiq atrof-muhitga ta’siri bo‘yicha III-IV-toifaga kiruvchi faoliyat turlariga oid loyihalar nodavlat tashkilotlari tomonidan ekologik ekspertizasidan o‘tkazilishi mumkin;
j) 2023-yil 1-iyuldan boshlab chiqindi poligonlarini xususiylashtirish taqiqlanadi. Bunda, chiqindi poligonlari hududlarini chiqindilarni qayta ishlash bilan shug‘ullanuvchi tashkilotlarga ijaraga berish, ularni tozalash hamda bo‘shatilgan yer uchastkalarini realizatsiya qilish Vazirlik tomonidan amalga oshiriladi.
18. Vazirlik 2024-yil 1-yanvargacha texnologik jarayonlarning ekologik me’yorlarga va talablarga muvofiqligini baholashga asoslangan “yashil sertifikatlash” hamda mahsulotlar va xizmatlarni ekologik markirovkalash tizimini yo‘lga qo‘yishni nazarda tutuvchi normativ-huquqiy hujjat loyihasini kiritsin.
19. Vazirlik, Energetika vazirligi hamda Investitsiyalar, sanoat va savdo vazirligining 2023-yil 1-dekabrdan boshlab respublikada elektromobillarni tez quvvatlantirish stansiyalarini barpo etishni jadallashtirishga qaratilgan quyidagi takliflari qo‘llab-quvvatlansin:
Nukus shahri, viloyatlarning ma’muriy markazlari va viloyat bo‘ysunuvida bo‘lgan shaharlar hududlaridagi avtomobillarga yoqilg‘i quyish shoxobchalari, sig‘imi 100 avtomobildan ortiq bo‘lgan avtoturargohlar hamda bozorlar hududida;
“O‘zbekiston turizm magistrali” turizm transport koridori avtomagistral yo‘llarida joylashgan avtomobillarga yoqilg‘i quyish shoxobchalari, savdo va ko‘ngilochar markazlari hududida kamida 2 kanalli 60 kVt va undan yuqori quvvatli elektromobillarni quvvatlantirish stansiyalarini barpo etishning majburiy tartibini o‘rnatish.
Belgilansinki, Ekologiya jamg‘armasi hisobidan “O‘zbekiston turizm magistrali” turizm transport koridorining cho‘l va sahro qismida quyosh elektr stansiyalarini qurgan holda birinchi 50 ta elektromobillarni tez quvvatlantirish stansiyalarini barpo etish uchun har bir loyihaga 100 mln so‘mdan mablag‘lar subsidiya sifatida ajratiladi.
20. Vazirlik 2023-yil 1-iyuldan boshlab aholi va keng jamoatchilik orasida atrof-muhitni himoyalash va sog‘lom turmush tarzini targ‘ib etishga qaratilgan “Chiqindilarni ommaviy yig‘ish” (O‘zPlogging) umummilliy harakatini tashkil etsin. Bunda:
sektor rahbarlari ushbu tadbirlarni yuqori saviyada tashkil etish, tadbirlarga keng jamoatchilik va ekofaollarni jalb etishga mas’ul bo‘ladi;
jamoat parklari, yashil bog‘lar, tog‘li hududlar, suv havzalari atrofi va boshqa atrof-muhitga ta’siri katta obyektlarda xayriya yugurish marafonlari, atrof-muhitda piyoda (Plalking) va velosipedda sayr qilish (Pliking) vaqtlarida chiqindilarni saralab yig‘ish kunlari o‘tkaziladi;
saralab yig‘ish kunlarida musobaqalar o‘tkazilib, bosib o‘tilgan masofa va saralab yig‘ilgan chiqindilar hajmi asosida g‘oliblar aniqlanadi va Vazirlik tomonidan rag‘batlantiriladi.
21. Respublika ta’lim muassasalarida yoshlarning tabiatga bo‘lgan mehrini uyg‘otish, ularni tabiat himoyachisi sifatida tarbiyalash maqsadida Vazirlik, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligiga quyidagi vazifalar yuklatiladi:
“Yosh ekologlar” harakati doirasida tuman, shahar va respublika darajasida atrof-muhit muammolari yuzasidan “Tabiatga mehr” innovatsion va intellektual loyihalar tanlovini o‘tkazish;
ommaviy axborot vositalarida “Tabiat madhiyasi” (musiqa va matni) uchun tanlov e’lon qilish va g‘oliblarni aniqlash;
tabiatni asrab-avaylash borasida butun jahon va mamlakatimizda nishonlanadigan muhim ekologik sanalarga bag‘ishlab tadbirlarni tashkil etish va unda “Yosh ekologlar” harakati faollarini rag‘batlantirish;
yosh ekologlar safini kengaytirish maqsadida “Yosh ekologlar” harakati qurultoyini tashkil etish, tarixiy shaharlarda (Toshkent, Samarqand, Navoiy, Buxoro, Xorazm) yirik anjumanlarni tashkil etish;
tabiatga doir innovatsion loyiha va natijador takliflarga ega salohiyatli yoshlar uchun “Yosh ekologlar” harakati ko‘krak nishonini ta’sis etish orqali yoshlar jamoasini shakllantirish;
umumta’lim maktablarining Milliy o‘quv dasturiga (tabiiy fanlar, fizika, biologiya, geografiya, kimyo fanlari doirasida) jami 132 soatlik “ekosoat” darslarini kiritish.
22. Vazirlik Qurilish va uy-joy kommunal xo‘jaligi vazirligi bilan birgalikda shaharlarda ichimlik suvidan oqilona foydalanish, aholining suvni tejash va uning ifloslanishini kamaytirishga qaratilgan quyidagi tartibni joriy etsin:
a) 2024-yil 1-yanvardan boshlab Nukus shahrida:
ichimlik suvidan foydalanish bo‘yicha ko‘p qavatli uylar o‘rtasida “Tejamkor uy” va “Tejamkor xonadon” reyting tizimini ishga tushirish;
yil yakuniga ko‘ra, eng kam suv ishlatgan 20 ta xonadon hamda xonadonlarining 50 foizidan ortig‘i belgilangan me’yorlardan kam suv ishlatgan 20 ta ko‘p qavatli uylarni rag‘batlantirish;
g‘olib xonadon va uylarga Vazirlikning budjetdan tashqari jamg‘armasi mablag‘lari hisobidan quyosh panellari yoki uy atrofini yoritish moslamalarini bepul o‘rnatib berish;
b) mazkur tajribani 2025-yildan boshlab Toshkent shahri va barcha viloyat markazlarida mahalliy budjet mablag‘lari hisobidan joriy qilish.
23. Markaziy Osiyo atrof-muhit va iqlim o‘zgarishini o‘rganish universiteti (Green University) tashkil etilsin.
Bunda, Universitetga o‘quv adabiyotlarini sotib olish, ilmiy tadqiqotlarni hamda innovatsion ishlarni olib borish faoliyatini moliyalashtirish uchun Vazirlikning budjetdan tashqari jamg‘armasiga kelib tushadigan mablag‘larning 5 foizidan kam bo‘lmagan miqdorda mablag‘lar ajratib boriladi.
24. Vazirlik ekoturizm, tog‘, ov va safari turizm sohasini yanada rivojlantirish, o‘rmon xo‘jaliklari va milliy tabiat bog‘larining (qo‘riqxonaga aylantirilgan zonalar bundan mustasno) imkoniyatlaridan samarali foydalanish hamda tegishli infratuzilma obyektlarini barpo etish, xorijiy va mahalliy sayyohlarga munosib shart-sharoit yaratish va xizmat ko‘rsatilishini ta’minlash bo‘yicha mas’ul organ etib belgilansin.
Vazirlik hamda Madaniyat va turizm vazirligining quyidagilarni nazarda tutuvchi “Tabiatga sayohat” ekoturizmni rivojlantirish milliy dasturini (keyingi o‘rinlarda –– Milliy dastur) amalga oshirish to‘g‘risidagi taklifi qo‘llab-quvvatlansin:
har bir davlat qo‘riqxonalari bufer zonalari, milliy tabiat bog‘lari, pitomniklar, o‘rmon va o‘rmon-ov xo‘jaliklari, tog‘li va cho‘l hududlari hamda suv obyektlarining suvni muhofaza qilish zonalarida (keyingi o‘rinlarda –– ekohududlar) turizm xizmatlari turlarini kengaytirish va infratuzilmasini rivojlantirish;
ekohududlarning brendini yaratish va uning asosida targ‘ibot kampaniyalarini tashkil etish;
ekohududlarga investitsiyalarni jalb qilgan holda “piknik” zonalar, manzarali tomosha qilish maydonchalari, ekouylar majmuasi, yurta, “glemping” va kemping lagerlari hamda tashrif markazlari (visitor center) tashkil etish;
tadbirkorlik subyektlarini jalb qilgan holda osma dor yo‘llari, elektromotorli qayiq, qorda harakatlanishga mo‘ljallangan maxsus transport vositalari va kvadrotsikllar, “banji-jamping” va “ziplayn” attraksionlar, aerostatlar, “rafting” va “flaybording”, g‘ildirak ustidagi uylar va yer usti transport vositalari kabi turizm xizmatlarini yo‘lga qo‘yish;
yovvoyi hayvonlarni saqlash va ko‘paytirish bo‘yicha ixtisoslashtirilgan pitomniklarni tashkil etish;
tog‘li va cho‘l hududlarda ekstremal turizmni rivojlantirish;
ekohududlarda yangi turizm xizmatlarini (shu jumladan, Planting Tour, Plogging Tour va boshqalar) va ekoaksiyalarni tashkil qilish.
Belgilansinki, Vazirlik ushbu bandda ko‘rsatilgan tadbirlarni hamda ekohududlarda kichik ekoturizm klasterlarini tashkil etish, ularni rivojlantirish master-rejalari va rejalashtirilayotgan investitsion loyihalarning texnik-iqtisodiy asoslari ishlab chiqilishini Ekologiya jamg‘armasi mablag‘lari hisobidan moliyalashtirish huquqiga ega.
25. Belgilab qo‘yilsinki, ekologiya, atrof-muhitni muhofaza qilish va iqlim o‘zgarishi sohasida nodavlat notijorat tashkilotlar faoliyatini qo‘llab-quvvatlash maqsadida Vazirlik:
nodavlat notijorat tashkilotlarning loyihalarini amalga oshirish uchun belgilangan tartibda ijtimoiy buyurtmalar berib boradi;
ijtimoiy buyurtmalar doirasida Ekologiya jamg‘armasidan mablag‘lar ajratib boradi hamda o‘z rasmiy veb-saytiga bu haqda e’lon joylashtiradi;
ajratilgan mablag‘lar doirasida amalga oshirilgan ishlar natijalarining umumiy muhokamasini tashkil etadi va ularni ishlab chiqarish jarayoniga tatbiq etish choralarini ko‘radi.
Vazirlik uch oy muddatda ushbu bandda nazarda tutilgan mablag‘larni ajratish bo‘yicha nizomni ishlab chiqsin va tasdiqlasin.
26. Vazirlik 2023-yil 1-iyulgacha quyidagilarni nazarda tutuvchi Respublikada tashkil etiladigan ekologik aksiyalar maxsus platformasini ishga tushirsin:
atrof-muhitni asrashga oid tashkil etilishi rejalashtirilgan aksiyalar va loyihalar to‘g‘risidagi ma’lumotlarni joylashtirib borish;
ekovolontyorlarning aksiyalar va loyihalarni tashkil etishga ko‘maklashishi va ularni o‘tkazish bo‘yicha arizalarini ko‘rib chiqish hamda Vazirlik faoliyatiga ko‘maklashishi bo‘yicha ma’lumotlarni kiritish;
faol volontyorlarni rag‘batlantirish tartibi va volontyorlar jalb etiladigan yo‘nalishlar ro‘yxatini joylashtirish.
27. O‘zbekiston Respublikasi Prezidentining ayrim hujjatlariga 2-ilovaga muvofiq o‘zgartirish va qo‘shimchalar kiritilsin.
28. O‘zbekiston Respublikasi Prezidentining ayrim hujjatlari 3-ilovaga muvofiq o‘z kuchini yo‘qotgan deb hisoblansin.
29. Vazirlik Adliya vazirligi bilan birgalikda ikki oy muddatda qonunchilik hujjatlariga ushbu Farmondan kelib chiqadigan o‘zgartirish va qo‘shimchalarni nazarda tutuvchi tegishli normativ-huquqiy hujjatlar loyihalarini Vazirlar Mahkamasiga kiritsin.
30. Mazkur Farmonning ijrosini samarali tashkil qilishga mas’ul va shaxsiy javobgar etib ekologiya, atrof-muhitni muhofaza qilish va iqlim o‘zgarishi vaziri belgilansin.
Farmon ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2023-yil 31-may,
PF-81-son
O‘zbekiston Respublikasi Prezidentining 2023-yil 31-maydagi PF-81-son Farmoniga
1-ILOVA
1-ILOVA
2023-yilda tuman (shaharlar)da atmosfera havosi ifloslanishi fon monitoringini amalga oshirish uchun o‘rnatiladigan avtomatlashgan
KICHIK STANSIYALAR
|
T/r |
Tuman (shahar) nomi |
Jami postlar soni |
|
Qoraqalpog‘iston Respublikasi | ||
|
1. |
Nukus shahri |
3 |
|
2. |
Amudaryo tumani |
2 |
|
3. |
Beruniy tumani |
2 |
|
4. |
Bo‘zatov tumani |
1 |
|
5. |
Qonliko‘l tumani |
1 |
|
6. |
Qorao‘zak tumani |
1 |
|
7. |
Kegeyli tumani |
2 |
|
8. |
Qo‘ng‘irot tumani |
5 |
|
9. |
Mo‘ynoq tumani |
1 |
|
10. |
Nukus tumani |
1 |
|
11. |
Taxiatosh tumani |
1 |
|
12. |
Taxtako‘pir tumani |
1 |
|
13. |
To‘rtko‘l tumani |
2 |
|
14. |
Xo‘jayli tumani |
2 |
|
15. |
Chimboy tumani |
1 |
|
16. |
Shumanay tumani |
1 |
|
17. |
Ellikqal’a tumani |
1 |
|
jami: |
28 | |
|
Andijon viloyati | ||
|
1. |
Andijon shahri |
3 |
|
2. |
Xonobod shahri |
1 |
|
3. |
Oltinko‘l tumani |
1 |
|
4. |
Andijon tumani |
1 |
|
5. |
Asaka tumani |
3 |
|
6. |
Baliqchi tumani |
2 |
|
7. |
Bo‘ston tumani |
1 |
|
8. |
Buloqboshi tumani |
2 |
|
9. |
Jalaquduq tumani |
4 |
|
10. |
Izboskan tumani |
1 |
|
11. |
Qo‘rg‘ontepa tumani |
2 |
|
12. |
Marhamat tumani |
2 |
|
13. |
Paxtaobod tumani |
2 |
|
14. |
Ulug‘nor tumani |
1 |
|
15. |
Xo‘jaobod tumani |
2 |
|
16. |
Shahrixon tumani |
2 |
|
17. |
Qorasuv shahri |
1 |
|
jami: |
31 | |
|
Buxoro viloyati | ||
|
1. |
Buxoro shahri |
3 |
|
2. |
Kogon shahri |
2 |
|
3. |
Olot tumani |
1 |
|
4. |
Buxoro tumani |
1 |
|
5. |
Vobkent tumani |
1 |
|
6. |
G‘ijduvon tumani |
1 |
|
7. |
Jondor tumani |
1 |
|
8. |
Kogon tumani |
1 |
|
9. |
Qorako‘l tumani |
1 |
|
10. |
Qorovulbozor tumani |
2 |
|
11. |
Peshku tumani |
2 |
|
12. |
Romitan tumani |
2 |
|
13. |
Shofirkon tumani |
1 |
|
jami: |
19 | |
|
Jizzax viloyati | ||
|
1. |
Jizzax shahri |
5 |
|
2. |
Arnasoy tumani |
1 |
|
3. |
Baxmal tumani |
3 |
|
4. |
G‘allaorol tumani |
2 |
|
5. |
Do‘stlik tumani |
1 |
|
6. |
Zomin tumani |
3 |
|
7. |
Zarbdor tumani |
2 |
|
8. |
Zafarobod tumani |
1 |
|
9. |
Mirzacho‘l tumani |
1 |
|
10. |
Paxtakor tumani |
1 |
|
11. |
Forish tumani |
3 |
|
12. |
Sharof Rashidov tumani |
1 |
|
13. |
Yangiobod tumani |
1 |
|
jami: |
25 | |
|
Qashqadaryo viloyati | ||
|
1 |
Qarshi shahri |
3 |
|
2. |
Muborak tumani |
2 |
|
3. |
Shahrisabz shahri |
3 |
|
4. |
Kitob tumani |
1 |
|
5. |
G‘uzor tumani |
2 |
|
6. |
Dehqonobod tumani |
1 |
|
7. |
Qamashi tumani |
1 |
|
8. |
Qarshi tumani |
1 |
|
9. |
Koson tumani |
2 |
|
10. |
Kasbi tumani |
2 |
|
11. |
Ko‘kdala tumani |
1 |
|
12. |
Mirishkor tumani |
2 |
|
13. |
Nishon tumani |
1 |
|
14. |
Chiroqchi tumani |
1 |
|
15. |
Shahrisabz tumani |
1 |
|
16. |
Yakkabog‘ tumani |
1 |
|
jami: |
25 | |
|
Navoiy viloyati | ||
|
1. |
Navoiy shahri |
4 |
|
2. |
Zarafshon shahri |
1 |
|
3. |
Konimex tumani |
1 |
|
4. |
Karmana tumani |
1 |
|
5. |
Qiziltepa tumani |
1 |
|
6. |
Navbahor tumani |
1 |
|
7. |
Nurota tumani |
2 |
|
8. |
Tomdi tumani |
1 |
|
9. |
Uchquduq tumani |
1 |
|
10. |
Xatirchi tumani |
1 |
|
jami: |
14 | |
|
Namangan viloyati | ||
|
1. |
Namangan shahri |
5 |
|
2. |
Kosonsoy tumani |
1 |
|
3. |
Mingbuloq tumani |
2 |
|
4. |
Namangan tumani |
1 |
|
5. |
Norin tumani |
2 |
|
6. |
Pop tumani |
3 |
|
7. |
To‘raqo‘rg‘on tumani |
2 |
|
8. |
Uychi tumani |
1 |
|
9. |
Uchqo‘rg‘on tumani |
1 |
|
10. |
Chortoq tumani |
1 |
|
11. |
Chust tumani |
1 |
|
12. |
Yangiqo‘rg‘on tumani |
1 |
|
jami: |
21 | |
|
Samarqand viloyati | ||
|
1. |
Samarqand shahri |
6 |
|
2. |
Kattaqo‘rg‘on shahri |
2 |
|
3. |
Oqdaryo tumani |
2 |
|
4. |
Bulung‘ur tumani |
1 |
|
5. |
Jomboy tumani |
1 |
|
6. |
Ishtixon tumani |
1 |
|
7. |
Kattaqo‘rg‘on tumani |
1 |
|
8. |
Qo‘shrabot tumani |
1 |
|
9. |
Narpay tumani |
1 |
|
10. |
Nurobod tumani |
1 |
|
11. |
Payariq tumani |
2 |
|
12. |
Pastdarg‘om tumani |
1 |
|
13. |
Paxtachi tumani |
2 |
|
14. |
Samarqand tumani |
1 |
|
15. |
Tayloq tumani |
1 |
|
16. |
Urgut tumani |
1 |
|
jami: |
25 | |
|
Sirdaryo viloyati | ||
|
1. |
Guliston shahri |
3 |
|
2. |
Shirin shahri |
1 |
|
3. |
Yangiyer shahri |
1 |
|
4. |
Oqoltin tumani |
1 |
|
5. |
Boyovut tumani |
2 |
|
6. |
Guliston tumani |
1 |
|
7. |
Mirzaobod tumani |
1 |
|
8. |
Sayxunobod tumani |
1 |
|
9. |
Sardoba tumani |
1 |
|
10. |
Sirdaryo tumani |
3 |
|
11. |
Xovos tumani |
1 |
|
jami: |
16 | |
|
Surxondaryo viloyati | ||
|
1. |
Termiz shahri |
3 |
|
2. |
Denov tumani |
2 |
|
3. |
Oltinsoy tumani |
1 |
|
4. |
Angor tumani |
1 |
|
5. |
Boysun tumani |
2 |
|
6. |
Bandixon tumani |
1 |
|
7. |
Jarqo‘rg‘on tumani |
1 |
|
8. |
Qiziriq tumani |
1 |
|
9. |
Qumqo‘rg‘on tumani |
1 |
|
10. |
Muzrabot tumani |
2 |
|
11. |
Sariosiyo tumani |
3 |
|
12. |
Termiz tumani |
1 |
|
13. |
Uzun tumani |
1 |
|
14. |
Sherobod tumani |
1 |
|
15. |
Sho‘rchi tumani |
1 |
|
jami: |
22 | |
|
Toshkent viloyati | ||
|
1. |
Olmaliq shahri |
3 |
|
2. |
Angren shahri |
3 |
|
3. |
Bekobod shahri |
4 |
|
4. |
Chirchiq shahri |
4 |
|
5. |
Ohangaron shahri |
2 |
|
6. |
Yangiyo‘l shahri |
2 |
|
7. |
Nurafshon shahri |
2 |
|
8. |
Oqqo‘rg‘on tumani |
1 |
|
9. |
Ohangaron tumani |
1 |
|
10. |
Bekobod tumani |
1 |
|
11. |
Bo‘stonliq tumani |
4 |
|
12. |
Bo‘ka tumani |
1 |
|
13. |
Zangiota tumani |
3 |
|
14. |
Qibray tumani |
2 |
|
15. |
Quyichirchiq tumani |
1 |
|
16. |
Parkent tumani |
2 |
|
17. |
Piskent tumani |
1 |
|
18. |
Toshkent tumani |
1 |
|
19. |
O‘rtachirchiq tumani |
1 |
|
20. |
Chinoz tumani |
1 |
|
21. |
Yuqorichirchiq tumani |
1 |
|
22. |
Yangiyo‘l tumani |
1 |
|
jami: |
42 | |
|
Farg‘ona viloyati | ||
|
1. |
Qo‘qon shahri |
3 |
|
2. |
Quvasoy shahri |
3 |
|
3. |
Marg‘ilon shahri |
3 |
|
4. |
Farg‘ona shahri |
4 |
|
5. |
Oltiariq tumani |
2 |
|
6. |
Bag‘dod tumani |
1 |
|
7. |
Beshariq tumani |
1 |
|
8. |
Buvayda tumani |
1 |
|
9. |
Dang‘ara tumani |
1 |
|
10. |
Quva tumani |
1 |
|
11. |
Qo‘shtepa tumani |
1 |
|
12. |
Rishton tumani |
1 |
|
13. |
So‘x tumani |
1 |
|
14. |
Toshloq tumani |
1 |
|
15. |
O‘zbekiston tumani |
3 |
|
16. |
Uchko‘prik tumani |
1 |
|
17. |
Farg‘ona tumani |
2 |
|
18. |
Furqat tumani |
1 |
|
19. |
Yozyovon tumani |
1 |
|
jami: |
32 | |
|
Xorazm viloyati | ||
|
1. |
Urganch shahri |
3 |
|
2. |
Xiva shahri |
2 |
|
3. |
Bog‘ot tumani |
1 |
|
4. |
Gurlan tumani |
1 |
|
5. |
Qo‘shko‘pir tumani |
1 |
|
6. |
Urganch tumani |
1 |
|
7. |
Hazorasp tumani |
2 |
|
8. |
Xonqa tumani |
1 |
|
9. |
Xiva tumani |
2 |
|
10. |
Shovot tumani |
1 |
|
11. |
Yangiariq tumani |
1 |
|
12. |
Yangibozor tumani |
1 |
|
13. |
Tuproqqal’a tumani |
1 |
|
jami: |
18 | |
|
Toshkent shahri | ||
|
1. |
Olmazor tumani |
2 |
|
2. |
Bektemir tumani |
2 |
|
3. |
Mirobod tumani |
2 |
|
4. |
Mirzo Ulug‘bek tumani |
2 |
|
5. |
Sergeli tumani |
2 |
|
6. |
Uchtepa tumani |
2 |
|
7. |
Yashnobod tumani |
3 |
|
8. |
Chilonzor tumani |
3 |
|
9. |
Shayxontohur tumani |
3 |
|
10. |
Yunusobod tumani |
3 |
|
11. |
Yakkasaroy tumani |
3 |
|
12. |
Yangihayot tumani |
2 |
|
jami: |
29 | |
|
Respublika bo‘yicha jami: |
347 | |
Izoh:
tuman (shahar)lar hududiga joylashtirilishi belgilanayotgan atmosfera havosi ifloslanishini kuzatish avtomatlashgan kichik stansiyalari mazkur hududlarning geografik joylashuvi, iqlimiy ko‘rsatkichlari hamda sanoatlashuvi inobatga olindi;
atmosfera havosi ifloslanishini kuzatish avtomatik stansiyalari atmosfera havosidagi azot dioksidi, oltingugurt dioksidi, uglerod oksidi, ammiak, mayda dispersli zarrachalar — chang (RM2,5 va RM10) ni o‘lchashga ixtisoslashgan;
“Zamin” xalqaro jamoat fondi tomonidan Qoraqalpog‘iston Respublikasi, viloyatlar va Toshkent shahri markazlarida joriy yilda o‘rnatiladigan atmosfera havosi ifloslanishini kuzatish avtomatlashgan kichik stansiyalar bundan mustasno.
O‘zbekiston Respublikasi Prezidentining 2023-yil 31-maydagi PF-81-son Farmoniga
2-ILOVA
2-ILOVA
O‘zbekiston Respublikasi Prezidentining ayrim hujjatlariga kiritilayotgan o‘zgartirish va qo‘shimchalar
1. O‘zbekiston Respublikasi Prezidentining 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari to‘g‘risida”gi PF-6118-son Farmonining 11-bandi to‘rtinchi xatboshisi chiqarib tashlansin.
2. O‘zbekiston Respublikasi Prezidentining 2022-yil 27-apreldagi “Respublikada kavrak yetishtirishni rivojlantirish va sanoatlashtirishni rag‘batlantirishga doir qo‘shimcha chora-tadbirlar to‘g‘risida”gi PF-116-son Farmoniga 7-bandning “a” kichik bandida:
ikkinchi xatboshidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin;
uchinchi xatboshidagi “Qo‘mita” so‘zi “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin.
3. O‘zbekiston Respublikasi Prezidentining 2022-yil 9-noyabrdagi “Tadbirkorlik faoliyatini davlat tomonidan tartibga solishni soddalashtirish chora-tadbirlari to‘g‘risida”gi PF-244-son Farmoniga 4-ilovaning 16-pozitsiyasi chiqarib tashlansin.
4. O‘zbekiston Respublikasi Prezidentining 2022-yil 21-dekabrdagi “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi PF-269-son Farmonida:
12-bandning to‘qqizinchi xatboshisidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin;
2-ilovaning 16 va 27-pozitsiyalari “Negizida tashkil etilayotgan organ nomi” ustunidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin;
4-ilovaning 5-pozitsiyasi “Huzuriga o‘tkazilayotgan organ nomi” ustunidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin.
5. O‘zbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida”gi PF-14-son Farmonida:
a) 1-ilovada:
11-bo‘limining nomi va “Tabiat resurslari vazirligi” pozitsiyasi quyidagi tahrirda bayon etilsin:
|
“ |
||||
|
11. Ekologiya, atrof-muhitni muhofaza qilish va iqlim o‘zgarishi vazirligi | ||||
|
Ekologiya, atrof-muhitni muhofaza qilish va iqlim o‘zgarishi vazirligi |
1758 |
1758 |
||
|
shu jumladan vazir o‘rinbosarlari soni |
3 |
3 |
||
|
”; | ||||
izohlar qismining 5.11-kichik bandidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin;
b) 2-ilovaning 11-bandidagi “Tabiat resurslari vazirligi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi” so‘zlari bilan almashtirilsin;
v) 2a-ilovaning 11 — 11.2 pozitsiyalari quyidagi tahrirda bayon qilinsin:
|
“ |
|||
|
11. |
O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi |
Ekologiya vazirligi |
Minekologii |
|
11.1 |
O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi O‘rmon xo‘jaligi agentligi |
O‘rmon xo‘jaligi agentligi |
Agentstvo lesnogo xozyaystva |
|
11.2 |
O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Gidrometeorologiya xizmati agentligi |
O‘zgidromet |
Uzgidromet |
|
|
”. |
6. O‘zbekiston Respublikasi Prezidentining 2018-yil 20-martdagi “Respublikada kavrak plantatsiyalarini tashkil etish va ularning xom ashyosini qayta ishlash hajmlarini ko‘paytirish xamda eksport qilish chora-tadbirlari to‘g‘risida”gi PQ-3617-son qarorining 18-bandidagi “O‘zbekiston Respublikasi Ipakchilik va jun sanoatini rivojlantirish qo‘mitasi Ekologiya va atrof-muhitni muhofaza qilish davlat qo‘mitasi” so‘zlari “Ekologiya, atrof-muhitni muhofaza qilish va iqlim o‘zgarishi vazirligi Ipakchilik va jun sanoatini rivojlantirish qo‘mitasi” so‘zlari bilan almashtirilsin.
7. O‘zbekiston Respublikasi Prezidentining 2018-yil 28-iyundagi “Ipak yo‘li” turizm xalqaro universitetini tashkil etish to‘g‘risida”gi PQ-3815-son qaroriga 3-bandning beshinchi xatboshisi quyidagi tahrirda bayon qilinsin:
“Universitet rektori yoki ushbu vazifani bajarish yuklatilgan shaxsga qonunchilikka muvofiq oliy ta’lim muassasalarining rahbar xodimlari mehnatiga haq to‘lash tartibi va miqdori tatbiq etiladi”.
8. O‘zbekiston Respublikasi Prezidentining 2020-yil 29-sentabrdagi “Maishiy va qurilish chiqindilari bilan bog‘liq ishlarni boshqarish tizimini yanada takomillashtirish chora-tadbirlari to‘g‘risida”gi PQ-4845-son qarorida:
1-band “a” kichik bandining uchinchi xatboshisidagi “chiqindi poligonlari” so‘zlari chiqarib tashlansin;
3-bandi “b” kichik bandi quyidagi tahrirda bayon etilsin:
“b) davlat-xususiy sheriklik loyihalari doirasida maxsus avtotransport vositalari va texnikalarni, shuningdek, chiqindi to‘plash konteynerlarini sotishdan kelib tushadigan mablag‘larni hududiy “Toza hudud” davlat unitar korxonalarining maxsus tranzit bank hisob raqamlariga to‘lanishini va Sanitar tozalash ishlarini tashkil etish respublika markazining maxsus bank hisob raqamida jamlanishini ta’minlasin hamda ularni maxsus avtotransport vositalari va texnikalar parkini yangilashga, shuningdek, xalqaro moliya institutlaridan davlat kafilligi ostida olinadigan kredit mablag‘lari bo‘yicha majburiyatlarni so‘ndirishga yo‘naltirsin”.
9. O‘zbekiston Respublikasi Prezidentining 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari to‘g‘risida”gi PQ-5270-son qarorida:
a) 3-bandning “b” kichik bandi quyidagi tahrirda bayon qilinsin:
“b) har yili Universitetga Shanxay hamkorlik tashkiloti, Mustaqil Davlatlar Hamdo‘stligi hamda Turkiy davlatlar tashkilotiga a’zo mamlakatlar fuqarolariga magistraturada davlat granti asosida ta’lim olish uchun 100 ta o‘rin ajratiladi.
Bunda, Vazirlar Mahkamasi tomonidan belgilanadigan mablag‘lardan mazkur mamlakatlar fuqarolariga iqtisodiy klass toifasidagi bir yilda bir marotaba bir martalik kelib-ketish avia chiptalarini xarid qilish, har oyda 500 AQSH dollari ekvivalenti miqdorida stipendiya ajratish, yotoqxona xarajatlari uchun har oyiga 100 AQSH dollari ekvivalenti miqdorida, O‘zbekistonning tarixiy shaharlari, boy arxitekturasi, mahalliy urf-odatlari va an’analari bilan xorijiy talabalarni tanishtirish maqsadida bir yilda ikki marotaba O‘zbekistonning qadimiy shaharlariga sayohat qilishi uchun 100 AQSH dollari ekvivalenti miqdorida mablag‘ ajratiladi”;
b) 3-ilova quyidagi tahrirda bayon qilinsin:
“O‘zbekiston Respublikasi Prezidentining 2021-yil 30-oktabrdagi PQ-5270-son qaroriga
3-ILOVA
3-ILOVA
“Ipak yo‘li” turizm va madaniy meros xalqaro universiteti Vasiylik kengashining
TARKIBI
|
A.A. Abduxakimov |
— |
“Ipak yo‘li” turizm va madaniy meros xalqaro universiteti rektori, Vasiylik kengashi raisi |
|
Z.G. Pololikashvili |
— |
BMTning Butunjahon turizm tashkiloti Bosh kotibi (kelishuv bo‘yicha) |
|
U.A. Azamov |
— |
madaniyat va turizm vazirining birinchi o‘rinbosari |
|
F.K. Umarov |
— |
Samarqand shahar hokimi |
|
B.Sh. Fazilov |
— |
“ERIELL Group” boshqaruvi raisi |
|
B.N. Abdullayev |
— |
“Madaniy meros obyektlari restavratsiyasi direksiyasi” davlat muassasasining Samarqand mintaqaviy restavratsiya markazi direktori |
|
M.M. Saidov |
— |
Samarqand arxeologiya instituti direktori v.b. |
|
G.B. Isroilova |
— |
Xususiy turizm tashkilotlari uyushmasining raisi |
|
B.A. Zufarov |
— |
“Samarkand Touristic Centre” MCHJ ijrochi direktori |
|
R.J. Xoffman |
— |
“Ipak yo‘li” turizm va madaniy meros xalqaro universiteti prorektori, Vasiylik kengashi kotibi |
Izoh: Vasiylik kengashi a’zolari boshqa ishga o‘tgan taqdirda, uning tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan shaxslar kiritiladi.
Vasiylik kengashi raisi Vasiylik kengashining tarkibiga yangi a’zolarni qo‘shimcha ravishda kiritish, shuningdek, boshqa vazirliklar va idoralarning ekspertlari va mutaxassislarini jalb qilish huquqiga ega”.
10. O‘zbekiston Respublikasi Prezidentining 2021-yil 30-dekabrdagi “Atrof-muhitni muhofaza qilish hamda ekologik nazorat sohasidagi davlat organlari faoliyatini tashkil etish chora-tadbirlari to‘g‘risida” PQ-76-son qarorida:
“3. Belgilab qo‘yilsinki:
Ekologiya, atrof-muhitni muhofaza qilish va iqlim o‘zgarishi vaziri O‘zbekiston Respublikasi Prezidenti huzuridagi Xavfsizlik kengashi a’zosi hisoblanadi;
Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vaziri O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi bilan kelishilgan holda Qoraqalpog‘iston Respublikasi Jo‘qorg‘i Kengesi tomonidan lavozimga tayinlanadi va lavozimdan ozod qilinadi;
Ekologiya, atrof-muhitni muhofaza qilish va iqlim o‘zgarishi vazirligi viloyatlar va Toshkent shahar boshqarmalarining boshliqlari Ekologiya, atrof-muhitni muhofaza qilish va iqlim o‘zgarishi vaziri tomonidan bevosita lavozimga tayinlanadi va lavozimdan ozod qilinadi;
Ekologiya, atrof-muhitni muhofaza qilish va iqlim o‘zgarishi vazirligi Birlashgan Millatlar Tashkilotining Atrof-muhit dasturi, Xalqaro tabiatni muhofaza qilish ittifoqi va Global ekologik jamg‘armasi, Moslashish jamg‘armasi hamda Yashil iqlim jamg‘armasi bilan o‘zaro hamkorlik qilish va muvofiqlashtirish bo‘yicha vakolatli organ hisoblanadi;
Ekologiya, atrof-muhitni muhofaza qilish va iqlim o‘zgarishi vazirligining o‘z vakolatlari doirasida qabul qilgan qarorlari, taqdimnoma hamda ko‘rsatmalari davlat boshqaruvi organlari, xo‘jalik birlashmalari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek yuridik va jismoniy shaxslar tomonidan bajarilishi majburiydir;
Ekologiya, atrof-muhitni muhofaza qilish va iqlim o‘zgarishi vazirligi Ekologiya va atrof-muhitni muhofaza qilish davlat qo‘mitasining, O‘rmon xo‘jaligi agentligi — O‘rmon xo‘jaligi davlat qo‘mitasining, Gidrometeorologiya xizmati agentligi — Gidrometeorologiya xizmati markazining vazifa va funksiyalarini bajarishga oid huquqlari, majburiyatlari va shartnomalari bo‘yicha huquqiy vorisi hisoblanadi;
Ekologiya, atrof-muhitni muhofaza qilish va iqlim o‘zgarishi vazirligi tomonidan qayta tashkil etilayotgan, tugatilayotgan, o‘zgartirilayotgan va boshqa tashkilotlar tizimiga o‘tkazilayotgan tashkilotlarga biriktirilgan ko‘chmas mulk obyektlariga va boshqa mol-mulkka bo‘lgan huquqlar tegishli yig‘imlar va boshqa to‘lovlar undirilmagan holda qayta rasmiylashtiriladi.
4. Ekologiya, atrof-muhitni muhofaza qilish va iqlim o‘zgarishi vaziriga:
Ekologiya, atrof-muhitni muhofaza qilish va iqlim o‘zgarishi vazirligi tarkibiga kiruvchi idoraviy mansub tashkilotlarni (agentliklar bundan mustasno) hamda ularning tarkibidagi tashkilotlarni qayta tashkil etish va tugatish;
muhofaza etiladigan tabiiy hududlar va davlat o‘rmon xo‘jaliklari tuzilmalarini (namunaviy tuzilmalarini) tasdiqlash;
Ekologiya jamg‘armasi mablag‘lari hisobidan texnik shtat birliklarini joriy qilish va saqlash, shuningdek, davlat organlari va boshqa tashkilotlar, ilmiy va ta’lim tashkilotlari, xalqaro tashkilotlar, xorijiy kompaniyalarning yuqori malakali mutaxassislari hamda ekspertlarini maslahatchi sifatida jalb qilish;
qonunchilikka muvofiq Ekologiya, atrof-muhitni muhofaza qilish va iqlim o‘zgarishi vazirligi va uning tizim tashkilotlarida Ekologiya jamg‘armasi hisobidan tashabbuskor va malakali mutaxassislardan iborat doimiy faoliyat yuritadigan ekspert-tahlil guruhlari tarkibini mustaqil tasdiqlash, ularning tarkibiga o‘zgartirish va qo‘shimchalar kiritish huquqi berilsin”.
v) 8-banddagi “Davlat ekologiya qo‘mitasining” so‘zlari “Ekologiya, atrof-muhitni muhofaza qilish va iqlim o‘zgarishi vazirligining” so‘zlari bilan almashtirilsin;
g) 9-bandning “g” kichik bandidagi “ekologiya va atrof-muhitni muhofaza qilish organlari” so‘zlari “ekologiya, atrof-muhitni muhofaza qilish va iqlim o‘zgarishi organlari” so‘zlari bilan almashtirilsin;
d) 11-bandning birinchi xatboshisidagi “Ekologiya va atrof-muhitni muhofaza qilish organlariga” so‘zlari “Ekologiya, atrof-muhitni muhofaza qilish va iqlim o‘zgarishi organlariga” so‘zlari bilan almashtirilsin;
e) qarorga 1 — 5-ilovalar o‘z kuchini yo‘qotgan deb hisoblansin.
11. O‘zbekiston Respublikasi Prezidentining 2022-yil 11-avgustdagi “Sanitar tozalash ishlarini tashkil etish va aholi punktlarida tozalikni ta’minlash bo‘yicha qo‘shimcha chora-tadbirlar to‘g‘risida”gi PQ-349-son qarorida:
a) 9-band “b” kichik bandining ikkinchi xatboshisi quyidagi tahrirda bayon etilsin:
“tibbiyot chiqindilarini zararsizlantirish obyektlarini va qayta yuklash stansiyalarini tashkil etish, texnika va uskunalarni xarid qilish hamda saralash uskunalarini o‘rnatish Ekologiya, atrof-muhitni muhofaza qilish va iqlim o‘zgarishi vazirligi tomonidan amalga oshiriladi”;
b) 12-bandi quyidagi tahrirda bayon etilsin:
“12. Davlat ekologik ekspertiza markazi Toshkent shahri, Mirzo Ulug‘bek tumani, Sayram ko‘chasi, 15-uyga operativ boshqaruv huquqi asosida beg‘araz joylashtirilsin”.
12. O‘zbekiston Respublikasi Prezidentining 2023-yil 24-martdagi “Iqtisodiyotda davlat ishtirokini qisqartirishning qo‘shimcha chora-tadbirlari to‘g‘risida”gi PQ-102-son qaroriga 1-ilovaning 488, 901 — 910 va 915-bandlari chiqarib tashlansin.
O‘zbekiston Respublikasi Prezidentining 2023-yil 31-maydagi PF-81-son Farmoniga
3-ILOVA
3-ILOVA
O‘zbekiston Respublikasi Prezidentining o‘z kuchini yo‘qotgan deb topilayotgan ayrim hujjatlari
RO‘YXATI
1. O‘zbekiston Respublikasi Prezidentining 2017-yil 21-apreldagi “Ekologiya va atrof-muhitni muhofaza qilish sohasida davlat boshqaruvi tizimini takomillashtirish to‘g‘risida”gi PF-5024-son Farmonining 1, 3 va 4-bandlari o‘z kuchini yo‘qotgan deb hisoblansin.
2. O‘zbekiston Respublikasi Prezidentining 2018-yil 22-noyabrdagi “Qattiq maishiy chiqindilarni to‘plash va olib chiqish uchun to‘lovlarni to‘lash tizimini tubdan takomillashtirish chora-tadbirlari to‘g‘risida”gi PF-5580-son Farmonining 2-bandi “g” kichik bandi o‘z kuchini yo‘qotgan deb hisoblansin.
3. O‘zbekiston Respublikasi Prezidentining 2017-yil 11-maydagi “O‘zbekiston Respublikasi O‘rmon xo‘jaligi davlat qo‘mitasi faoliyatini tashkil etish to‘g‘risida”gi PQ-2966-son qarori 1 — 3-bandlari va qarorga 1 — 4 va 6-ilovalar o‘z kuchini yo‘qotgan deb hisoblansin.
4. O‘zbekiston Respublikasi Prezidentining 2020-yil 17-noyabrdagi “O‘zbekiston Respublikasi gidrometeorologiya xizmati faoliyatini yanada takomillashtirish chora-tadbirlari to‘g‘risida”gi PQ-4896-son qarorining 7-bandi ikkinchi xatboshisi, 8-bandi va qarorga 4 — 6-ilovalar o‘z kuchini yo‘qotgan deb hisoblansin.
(Qonunchilik ma’lumotlari milliy bazasi, 02.06.2023-y., 06/23/81/0320-son; 11.11.2023-y., 06/23/193/0844-son; 24.11.2023-y., 06/23/199/0882-son; 03.08.2024-y., 06/24/106/0571-son; 04.10.2024-y., 06/24/149/0772-son; 23.11.2024-y., 06/24/184/0954-son; 02.06.2025-y., 06/25/90/0486-son; 19.11.2025-y., 06/25/217/1060-son; 30.03.2026-y., 06/26/46/0290-son)
