1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.01.00 Umumiy masalalar]
[TSZ:
1.Davlat va jamiyat qurilishi / Davlat hokimiyati organlari. Davlat va xo‘jalik boshqaruvi organlari]
O‘zbekiston Respublikasi Prezidentining
Farmoni
Yangi O‘zbekiston ma’muriy islohotlarini amalga oshirish chora-tadbirlari to‘g‘risida
So‘nggi yillarda Yangi O‘zbekistonni barpo etishning muhim sharti hisoblangan samarali faoliyat yurituvchi boshqaruv tizimini shakllantirish bo‘yicha keng ko‘lamli ma’muriy islohotlar amalga oshirildi.
Jumladan, davlat organlarining sohaga oid bo‘lmagan vazifalarini qisqartirish va faoliyatiga raqamli texnologiyalarni keng joriy etish orqali ularning tuzilmasi o‘rtacha 15 foizga maqbullashtirildi, shuningdek, 26 ta davlat organlari va tashkilotlarida 40 ta rahbar o‘rinbosarlari lavozimlari qisqartirildi.
Davlat organlari faoliyatiga zamonaviy boshqaruv tamoyillarini joriy qilish hisobidan byurokratik to‘siqlarni qisqartirish va aholiga davlat xizmatlarini ko‘rsatish tizimini yaxshilash maqsadida 30 ga yaqin turdagi litsenziya va ruxsatnomalar bekor qilindi, 70 dan ziyod davlat xizmatlari soddalashtirildi, davlat tashkilotlari tomonidan 60 dan ortiq hujjatlarni talab qilish bekor qilindi.
“Elektron hukumat” tizimining foydalanuvchilari soni 4 milliondan oshib, u orqali davlat idoralarining 130 dan ortiq axborot resurslaridan foydalanish imkoniyatlari yaratildi. Yagona interaktiv davlat xizmatlari portalida qariyb 350 turdagi xizmatlar onlayn shaklda ko‘rsatilishi yo‘lga qo‘yildi.
Yangi O‘zbekiston sharoitida zamonaviy talablarga javob beradigan ixcham davlat boshqaruvi tizimini shakllantirish, qaror qabul qilish va masalani ko‘rib chiqish jarayonlarini soddalashtirish orqali davlat organlari rahbarlarining mas’uliyatini oshirish hamda ular faoliyatini natijadorlikka yo‘naltirish, shuningdek, Yangi O‘zbekiston ma’muriy islohotlari dasturi ijrosini ta’minlash maqsadida:
[OKOZ:
1.01.00.00.00 Konstitutsiyaviy tuzum / 01.11.00.00 O‘zbekiston Respublikasi Vazirlar Mahkamasi (shuningdek, 02.01.00.00ga qarang);
2.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.03.00 Vazirlar Mahkamasi faoliyatini tashkil etish]
1. 2023-yil 1-yanvardan boshlab O‘zbekiston Respublikasi Vazirlar Mahkamasi (keyingi o‘rinlarda — Vazirlar Mahkamasi/Hukumat) a’zosi bo‘lgan ijro etuvchi hokimiyat organlari rahbarlarining Vazirlar Mahkamasining tarkibiy tuzilmalaridan mustaqil ravishda Bosh vazir bilan to‘g‘ridan-to‘g‘ri ishlashi tizimi joriy etilsin.
Belgilansinki, Hukumat a’zosi bo‘lgan ijro etuvchi hokimiyat organi rahbari:
tegishli sohada yagona davlat siyosatini olib borish va uni rivojlantirish bo‘yicha belgilangan maqsadli ko‘rsatkichlarga erishish uchun mas’ul va javobgar hisoblanadi;
tizimdagi kadrlar siyosatining Vazirlar Mahkamasi apparatidan mustaqil ravishda davlat xizmati to‘g‘risidagi qonunchilikka muvofiq yuritilishini ta’minlaydi.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.05.00 Vazirlar Mahkamasi apparati]
2. Vazirlar Mahkamasi ijro etuvchi tuzilmasida iqtisodiyot va ijtimoiy sohalar bo‘yicha kotibiyatlar, departamentlar va ular huzuridagi bo‘limlar, shuningdek, Madaniy merosni himoya qilish inspeksiyasi, Harbiylashtirilgan tuzilmalar faoliyatini moliyaviy va moddiy-texnik ta’minlash bo‘limi, Mahalla va nuroniylarni qo‘llab-quvvatlash masalalari bo‘limi tugatilsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
3. Vazirlar Mahkamasi ijro etuvchi tuzilmasida:
Bosh vazirning 4 nafargacha o‘rinbosarlari lavozimi;
Hukumat rahbari faoliyatini huquqiy, tashkiliy-texnik, axborot-tahliliy va protokol jihatdan ta’minlaydigan Bosh vazir kotibiyati tashkil qilinsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
4. Vazirlar Mahkamasining yangilangan ijro etuvchi tuzilmasi 1-ilovaga muvofiq tasdiqlansin.
[OKOZ:
1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.03.00 Normativ-huquqiy hujjatlar loyihalarini tayyorlash va ko‘rib chiqish tartibi]
5. Normativ-huquqiy hujjatlar loyihalari hamda Hukumat vakolatlariga oid boshqa dolzarb masalalarni (keyingi o‘rinlarda — masalalar) Vazirlar Mahkamasiga kiritish, ko‘rib chiqish va axborot berishning quyidagi tartibi joriy qilinsin:
a) normativ-huquqiy hujjatlar loyihalari va masalalar Hukumatga bevosita vazirlar va boshqa mustaqil ijro etuvchi hokimiyat organlari rahbarlari tomonidan belgilangan tartibda kiritiladi.
Bunda, davlat ishtirokidagi tashkilotlar va xo‘jalik birlashmalari tomonidan normativ-huquqiy hujjatlar loyihalari va boshqa masalalar tegishli sohada davlat siyosatini amalga oshirayotgan vazir yoki boshqa mustaqil ijro etuvchi hokimiyat organi rahbari orqali kiritiladi;
b) kelib tushgan normativ-huquqiy hujjatlar loyihalari Axborot-tahlil va yuridik ta’minlash departamentiga ko‘rib chiqish, moliyaviy-iqtisodiy va huquqiy ekspertizadan o‘tkazish, tartibga solish ta’siri va manfaatlar to‘qnashuvini baholash hamda axborot berish uchun kiritiladi;
v) axborot berishga tayyor bo‘lgan normativ-huquqiy hujjatlar loyihalari va boshqa masalalar Vazirlar Mahkamasida kollegial tarzda ma’qullanadi yoki rad qilinadi;
g) ma’qullangan normativ-huquqiy hujjatlar loyihalari hamda, zarur hollarda, boshqa masalalar belgilangan tartibda O‘zbekiston Respublikasi Prezidenti Administratsiyasiga kiritiladi (yoki qabul qilinadi);
d) Vazirlar Mahkamasida masalalarni kollegial tarzda ko‘rib chiqishda, zaruratga ko‘ra, ommaviy axborot vositalari taklif qilinadi.
Vazirlar Mahkamasi (A.N. Aripov) bir oy muddatda mazkur Farmon talablaridan kelib chiqib, shuningdek, normativ-huquqiy hujjatlar loyihalarini ishlab chiqish, kiritish, ko‘rib chiqish va O‘zbekiston Respublikasi Prezidenti Administratsiyasi bilan kelishishning aniq tartibi va muddatlarini, ularning ijrosini nazorat qilishni nazarda tutuvchi Hukumatning yangilangan reglamentini kiritsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
6. Belgilab qo‘yilsinki:
Bosh vazirning amaldagi o‘rinbosarlari va maslahatchilari hamda Vazirlar Mahkamasi apparatining boshqaruvchisi va uning o‘rinbosarlari yangi tizim ishga tushgunga qadar yuklatilgan vazifalarning to‘liq hajmda va sifatli bajarilishini ta’minlaydi;
Vazirlar Mahkamasi apparatining tuzilmalarini maqbullashtirish munosabati bilan bo‘shayotgan mablag‘lar Bosh vazir kotibiyati o‘rnak ko‘rsatgan boshqaruv xodimlarining natijadorligi asosida qo‘shimcha rag‘batlantirishga yo‘naltiriladi.
Adliya vazirligi mas’ul vazirlik va idoralar bilan birgalikda bir oy muddatda:
Vazirlar Mahkamasida qonunlar, O‘zbekiston Respublikasi Prezidentining hujjatlari va topshiriqlarining amalga oshirilishi bo‘yicha nazorat va hisobdorlikni tashkil etish tartibi;
amalga oshirilayotgan ma’muriy islohotlardan kelib chiqib komissiyalar, kengashlar, ishchi guruhlar va boshqa kollegial organlarga rahbarlarni qayta taqsimlash bo‘yicha taklif kiritsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.02.00 Vazirlar Mahkamasi vakolatlari]
o‘rta va uzoq muddatga mo‘ljallangan ustuvor vazifalarni hal qilishning muhimligi va natijadorligini hisobga olgan holda, Vazirlar Mahkamasi xodimlarining umumiy shtatlari soni doirasida uning ijro etuvchi tuzilmasiga o‘zgartirishlar kiritish;
(7-bandning ikkinchi xatboshisi O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)
iqtisodiyot va ijtimoiy sohaning dolzarb yo‘nalishlarini o‘rganish va ular bo‘yicha takliflar ishlab chiqish, shuningdek, yuzaga kelgan kelishmovchiliklarni bartaraf etish uchun ishchi guruhlar va kelishuv komissiyalari tashkil qilish;
Vazirlar Mahkamasining o‘rnak ko‘rsatgan boshqaruv xodimlarini natijadorlik asosida qo‘shimcha rag‘batlantirish uchun mablag‘lar miqdorlarini belgilash.
(7-bandning to‘rtinchi xatboshisi O‘zbekiston Respublikasi Prezidentining 2024-yil 25-oktabrdagi PF-168-sonli Farmoni tahririda)
8. Vazirlar Mahkamasi (A.N. Aripov) bir oy muddatda:
Bosh vazir o‘rinbosarlarining funksional vazifalarini tasdiqlash;
Bosh vazir kotibiyatining shtat jadvalini tasdiqlash;
Bosh vazir kotibiyati to‘g‘risidagi, uning barcha bo‘linmalari funksiyalari, vakolatlari, huquqlari, majburiyatlari va mas’uliyatini batafsil belgilab beruvchi nizomni ishlab chiqish;
Bosh vazir kotibiyatining yangi tashkil etilgan tarkibiy bo‘linmalari to‘g‘risidagi nizomlarni tasdiqlash;
faoliyati tugatilayotgan tarkibiy bo‘linmalarning xodimlarini vazirlik, idora va boshqa tashkilotlarda rahbar va mas’ul lavozimlarga tayinlash bo‘yicha choralar ko‘rsin, zarur hollarda, taklif kiritsin.
9. O‘zbekiston Respublikasi Prezidenti huzuridagi Strategik islohotlar agentligi kengashining Yangi O‘zbekiston ma’muriy islohotlarining birinchi bosqichi doirasida 2023-yil 1-yanvardan boshlab ixcham, professional boshqaruv tamoyillariga asoslangan va samaradorlikka yo‘naltirilgan respublika ijro etuvchi hokimiyat organlarining vazirliklar, qo‘mitalar, agentliklar va inspeksiyalarni o‘z ichiga oladigan yaxlit tizimini shakllantirish to‘g‘risidagi taklifi qabul qilinsin.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.02.00 Vazirliklar;
2.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.03.00 Qo‘mitalar;
3.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.04.00 Agentliklar, inspeksiyalar va boshqa idoralar]
10. Belgilansinki:
vazirlik — tegishli sohalarda yagona davlat siyosatini ishlab chiquvchi va amalga oshiruvchi, muayyan yo‘nalishda ijro etuvchi hokimiyat organlarining faoliyatini muvofiqlashtiruvchi hamda tizimdagi rahbariy faoliyatni yakkaboshchilik asosida tashkil etadigan respublika ijro etuvchi hokimiyat organi hisoblanadi;
qo‘mita — tegishli soha ichidagi tarmoq faoliyatini muvofiqlashtiruvchi va tartibga soluvchi hamda tizimdagi rahbariy faoliyatni kollegial asosda tashkil etadigan, shuningdek, vazirlikning tashkiliy bo‘ysunuvida faoliyat yuritadigan respublika ijro etuvchi hokimiyat organi hisoblanadi;
agentlik — asosiy vazifasi sifatida tegishli sohada davlat xizmatlarini ko‘rsatish va qonunchilik hujjatlarida nazarda tutilgan boshqa huquqni qo‘llash funksiyalarini amalga oshiruvchi, shuningdek, vazirlik tashkiliy bo‘ysunuvida faoliyat yuritadigan respublika ijro etuvchi hokimiyat organi hisoblanadi;
inspeksiya — asosiy vazifasi sifatida tegishli soha va tarmoqlarda davlat nazorati va tekshiruvni amalga oshiruvchi, shuningdek, vazirlik tashkiliy bo‘ysunuvida faoliyat yuritadigan respublika ijro etuvchi hokimiyat organi hisoblanadi;
qonunchilik hujjatlariga muvofiq alohida maqomga ega hamda bevosita O‘zbekiston Respublikasi Prezidenti va (yoki) Vazirlar Mahkamasiga bo‘ysunadigan qo‘mita, agentlik va inspeksiyalar tashkil etilishi mumkin.
11. O‘zbekiston Respublikasi Prezidenti huzuridagi Strategik islohotlar agentligi kengashining Yangi O‘zbekiston ma’muriy islohotlarining birinchi bosqichi doirasida 2023-yil 1-yanvardan boshlab mustaqil faoliyat yurituvchi respublika ijro etuvchi hokimiyat organlarining sonini 61 tadan 28 tagacha, shu jumladan vazirliklar sonini 25 tadan 21 tagacha qisqartirish bo‘yicha taklifi ma’qullansin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
12. Belgilansinki, Vazirlar Mahkamasi tizimini quyidagi vazirliklar tashkil etadi:
Ekologiya, atrof-muhitni muhofaza qilish va iqlim o‘zgarishi vazirligi;
(12-bandning to‘qqizinchi xatboshisi O‘zbekiston Respublikasi Prezidentining 2023-yil 31-maydagi PF-81-sonli Farmoni tahririda — Qonunchilik ma’lumotlari milliy bazasi, 02.06.2023-y., 06/23/81/0320-son)
(12-bandning o‘ninchi xatboshisi O‘zbekiston Respublikasi Prezidentining 2024-yil 20-yanvardagi PF-18-sonli Farmoni tahririda — Qonunchilik ma’lumotlari milliy bazasi, 22.01.2024-y., 06/24/18/0054-son)
(12-bandning o‘n oltinchi xatboshisi O‘zbekiston Respublikasi Prezidentining 2023-yil 25-dekabrdagi PF-214-sonli Farmoni tahririda — Qonunchilik ma’lumotlari milliy bazasi, 29.12.2023-y., 06/23/214/0984-son)
Mudofaa vazirligi;
Energetika vazirligi;
Sog‘liqni saqlash vazirligi;
Tashqi ishlar vazirligi;
Ichki ishlar vazirligi;
Favqulodda vaziyatlar vazirligi.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.03.00 Vazirlar Mahkamasi faoliyatini tashkil etish]
13. Quyidagilar:
2023-yil 1-yanvardan boshlab qayta tashkil etilayotgan respublika davlat boshqaruvi organlarining ro‘yxati 2-ilovaga muvofiq;
2023-yil 1-yanvardan boshlab vazifa va funksiyalari tegishli vazirlik va idoralarga o‘tkazilgan holda tugatilayotgan respublika davlat boshqaruvi organlarining ro‘yxati 3-ilovaga muvofiq;
2023-yil 1-yanvardan boshlab tashkiliy bo‘ysunuvi o‘zgarayotgan respublika davlat boshqaruvi organlarining ro‘yxati 4-ilovaga muvofiq tasdiqlansin.
Belgilansinki, mazkur Farmon doirasida shtat birliklarini maqbullashtirish natijasida bo‘shaydigan mablag‘lar ijtimoiy masalalarni hal etishga yo‘naltiriladi.
14. Vazirlar Mahkamasi (A.N. Aripov) bir hafta muddatda:
ushbu Farmonga muvofiq qayta tashkil etilayotgan respublika ijro etuvchi hokimiyat organlari faoliyatini to‘laqonli yo‘lga qo‘yish bo‘yicha chora-tadbirlar reja-grafigi;
respublika ijro etuvchi hokimiyat organlari faoliyatini tartibga soluvchi namunaviy nizomni tasdiqlasin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
Bunda, respublika ijro etuvchi hokimiyat organi rahbari va uning o‘rinbosarlari mas’uliyat doirasi hamda respublika, viloyat va tuman darajasidagi bo‘linmalarning vazifa va funksiyalarini aniq chegaralash, shuningdek, hududlar kesimida faoliyat samaradorligi va natijadorligini baholash mezonlari hamda ish ko‘rsatkichlari (indikatorlari) belgilansin.
(15-band O‘zbekiston Respublikasi Prezidentining 2024-yil 25-oktabrdagi PF-168-sonli Farmoniga asosan o‘z kuchini yo‘qotgan)
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish]
16. Respublika ijro etuvchi hokimiyat organlarining institutsional mustaqilligini oshirish maqsadida shunday tartib o‘rnatilsinki, unga ko‘ra O‘zbekiston Respublikasi Prezidenti va Vazirlar Mahkamasi tomonidan respublika ijro etuvchi hokimiyat organlarining tashkiliy tuzilmasi, shtat birliklari va rahbar o‘rinbosarlarining soni, shuningdek, faoliyat yo‘nalishlari belgilab beriladi.
Bunda:
markaziy apparat va hududiy bo‘linmalar tuzilmalarini O‘zbekiston Respublikasi Prezidenti va Vazirlar Mahkamasi tomonidan tasdiqlash amaliyoti bekor qilinadi;
respublika ijro etuvchi hokimiyat organlari rahbarlariga ajratilgan mablag‘lar doirasida hamda belgilangan vazifalardan kelib chiqqan holda markaziy apparat va hududiy bo‘linmalarning tuzilmasi va shtat birliklarini tasdiqlash huquqi taqdim etiladi;
respublika ijro etuvchi hokimiyat organlari rahbarlariga hududdagi ehtiyoj va sharoitlardan kelib chiqib, muayyan viloyat yoki tuman (shahar) bo‘linmalarini tashkil etish yoki ularni tumanlararo (viloyatlararo) shaklda tuzish vakolati beriladi.
Davlat xizmatini rivojlantirish agentligi Adliya vazirligi bilan birgalikda ikki oy muddatda respublika ijro etuvchi hokimiyat organlari tuzilmasida tashkil etilishi majburiy bo‘lgan bo‘linma va lavozimlar ro‘yxati, ularga bo‘lgan mezonlar hamda rahbar va ijrochi xodimlar o‘rtasidagi nisbat bo‘yicha me’yorlarni belgilashni nazarda tutuvchi qaror loyihasini O‘zbekiston Respublikasi Prezidenti Administratsiyasiga kiritsin.
[OKOZ:
1.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.01.00 Umumiy masalalar. Vazirlar Mahkamasining tarkibi va uni shakllantirish;
2.02.00.00.00 Davlat boshqaruvi asoslari / 02.01.00.00 O‘zbekiston Respublikasi Vazirlar Mahkamasi (shuningdek, 01.11.00.00ga qarang) / 02.01.03.00 Vazirlar Mahkamasi faoliyatini tashkil etish]
17. O‘zbekiston Respublikasi Prezidenti huzuridagi Strategik islohotlar agentligining kengashi mazkur Farmon amalga oshirilishini muvofiqlashtirish hamda quyidagi maqsadli ko‘rsatkichlarga erishishni ta’minlash uchun mas’ul etib belgilansin:
ijro etuvchi hokimiyat organlari shtat birliklari, shu jumladan rahbar lavozimlarini 30 foizgacha maqbullashtirish va adolatli mehnatga haq to‘lash tizimini joriy etish;
ma’muriy islohotlar doirasida transformatsiya qilinayotgan ijro etuvchi hokimiyat organlarining mazkur Farmonda belgilangan yangi talablardan kelib chiqqan holda samarali faoliyatini yo‘lga qo‘yish;
rahbarlarning moliyaviy va institutsional mustaqilligini oshirish orqali hududlar bilan ishlashning samarali tizimini joriy etish;
respublika ijro etuvchi hokimiyat organlarining funksiyalarini tartibga solish orqali ularni kamida 10 foizga qisqartirish;
xususiy sektorga o‘tkaziladigan davlat funksiyalari sonini kamida 3 barobarga oshirish, davlat-xususiy sheriklik va autsorsing mexanizmlarini keng joriy etish;
ijro etuvchi hokimiyat organlarining tizimida rahbar va ijrochi xodimlarning munosib nisbatiga erishish;
rahbarlarning aholi takliflari asosida faoliyatini yo‘lga qo‘yish va jamoatchilik oldida hisobdorligini kuchaytirish.
O‘zbekiston Respublikasi Prezidenti huzuridagi Strategik islohotlar agentligining kengashi (S.U. Umurzakov) mazkur Farmondan kelib chiqqan holda ma’muriy islohotlar birinchi bosqichida respublika ijro etuvchi hokimiyat organlarini 2023-yil 1-yanvarga qadar, ikkinchi bosqichida esa mahalliy davlat hokimiyati organlarini 2023-yil 1-aprelga qadar isloh qilish bo‘yicha choralar ko‘rilishini ta’minlasin.
18. Vazirlar Mahkamasi (A.N. Aripov) 2023-yil 1-fevralga qadar mazkur Farmon talablaridan kelib chiqqan holda, quyidagilarni nazarda tutuvchi “O‘zbekiston Respublikasi Vazirlar Mahkamasi to‘g‘risida”gi yangi qonun loyihasini kiritsin:
Hukumat a’zolarining Bosh vazir bilan to‘g‘ridan-to‘g‘ri ishlash mexanizmlarini belgilash, ularning Vazirlar Mahkamasida qarorlar qabul qilish jarayonidagi maqomini oshirish;
hududlar, infratuzilma, iqtisodiyot, moliya, pul-kredit, shuningdek, ijtimoiy sohaning rivojlanishini ta’minlashda Hukumatning mas’uliyatini tubdan oshirish;
Hukumat a’zolarining boshqaruv, kadr, moliya va boshqa yo‘nalishlardagi mustaqilligini oshirish va mas’uliyatini kuchaytirish;
respublika ijro etuvchi hokimiyat organlarining, shu jumladan hududiy bo‘linmalar kesimidagi har birining maqomi, ularni tashkil etish va tugatishning aniq tartibi hamda bir-biridan farqlovchi mezonlarni belgilash.
19. O‘zbekiston Milliy axborot agentligi, O‘zbekiston Milliy teleradiokompaniyasi, Axborot va ommaviy kommunikatsiyalar agentligi ommaviy axborot vositalarida ushbu Farmonning maqsad va vazifalari keng yoritilishini tashkil etsin.
20. Adliya vazirligi bir oy muddatda ushbu Farmondan kelib chiqib, qonunchilik hujjatlariga o‘zgartirish va qo‘shimchalar yuzasidan takliflar kiritsin.
21. Farmon ijrosini nazorat qilish, ijro uchun mas’ul tashkilotlar faoliyatini muvofiqlashtirish O‘zbekiston Respublikasi Bosh vaziri A.N. Aripov va O‘zbekiston Respublikasi Prezidenti Administratsiyasi rahbari S.U. Umurzakov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Negizida O‘zbekiston Respublikasi Maktabgacha va maktab ta’limi vazirligi tashkil etilmoqda
2.
O‘zbekiston Respublikasi Investitsiyalar va tashqi savdo vazirligi
Negizida O‘zbekiston Respublikasi Investitsiyalar, sanoat va savdo vazirligi tashkil etilmoqda
3.
O‘zbekiston Respublikasi Iqtisodiy taraqqiyot va kambag‘allikni qisqartirish vazirligi
Negizida O‘zbekiston Respublikasi Iqtisodiyot va moliya vazirligi hamda Kambag‘allikni qisqartirish va bandlik vazirligi tashkil etilmoqda
4.
O‘zbekiston Respublikasi Moliya vazirligi
Negizida O‘zbekiston Respublikasi Iqtisodiyot va moliya vazirligi tashkil etilmoqda
5.
O‘zbekiston Respublikasi Qurilish vazirligi
Negizida O‘zbekiston Respublikasi Qurilish va uy-joy kommunal xo‘jaligi vazirligi tashkil etilmoqda
6.
O‘zbekiston Respublikasi Uy-joy kommunal xizmat ko‘rsatish vazirligi
7.
O‘zbekiston Respublikasi Bandlik va mehnat munosabatlari vazirligi
Negizida O‘zbekiston Respublikasi Kambag‘allikni qisqartirish va bandlik vazirligi tashkil etilmoqda
8.
O‘zbekiston Respublikasi Mahalla va nuroniylarni qo‘llab-quvvatlash vazirligi
9.
O‘zbekiston Respublikasi Oliy va o‘rta maxsus ta’lim vazirligi
Negizida O‘zbekiston Respublikasi Oliy ta’lim, fan va innovatsiyalar vazirligi tashkil etilmoqda
10.
O‘zbekiston Respublikasi Axborot texnologiyalari va kommunikatsiyalarini rivojlantirish vazirligi
Negizida O‘zbekiston Respublikasi Raqamli texnologiyalar vazirligi tashkil etilmoqda
11.
O‘zbekiston Respublikasi Turizm va madaniy meros vazirligi
Negizida Madaniyat va turizm vazirligi tashkil etilmoqda
12.
O‘zbekiston Respublikasi Madaniyat vazirligi
13.
O‘zbekiston Respublikasi Maktabgacha ta’lim vazirligi
Negizida O‘zbekiston Respublikasi Maktabgacha va maktab ta’limi vazirligi huzurida Maktabgacha ta’lim agentligi tashkil etilmoqda
14.
O‘zbekiston Respublikasi Innovatsion rivojlanish vazirligi
Negizida O‘zbekiston Respublikasi Oliy ta’lim, fan va innovatsiyalar vazirligi huzurida Innovatsion rivojlanish agentligi tashkil etilmoqda
15.
O‘zbekiston Respublikasi Sportni rivojlantirish vazirligi
Negizida O‘zbekiston Respublikasi Yoshlar siyosati va sport vazirligi tashkil etilmoqda
Qo‘mitalar
16.
O‘zbekiston Respublikasi Ekologiya va atrof-muhitni muhofaza qilish davlat qo‘mitasi
Negizida O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi tashkil etilmoqda
17.
O‘zbekiston Respublikasi Monopoliyaga qarshi kurashish qo‘mitasi
Negizida O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi tashkil etilmoqda
18.
O‘zbekiston Respublikasi Geologiya va mineral resurslar davlat qo‘mitasi
Negizida O‘zbekiston Respublikasi Tog‘-kon sanoati va geologiya vazirligi tashkil etilmoqda
Agentliklar
19.
O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligi
Negizida O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligida xizmatlar ko‘rsatish agentligi tashkil etilmoqda
Inspeksiyalar
20.
O‘zbekiston Respublikasi Uy-joy kommunal xizmat ko‘rsatish vazirligi huzuridagi Ko‘p xonadonli uy-joy fondidan foydalanishni nazorat qilish inspeksiyasi
Negizida O‘zbekiston Respublikasi Qurilish va uy-joy kommunal xo‘jaligi vazirligi huzuridagi Qurilish va uy-joy kommunal xo‘jaligi sohasida nazorat qilish inspeksiyasi tashkil etilmoqda
21.
O‘zbekiston Respublikasi Uy-joy kommunal xizmat ko‘rsatish vazirligi huzuridagi Ichimlik suvidan foydalanishni nazorat qilish inspeksiyasi
22.
O‘zbekiston Respublikasi Qurilish vazirligi huzuridagi Qurilish sohasida nazorat inspeksiyasi
23.
O‘zbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi
Negizida O‘zbekiston Respublikasi Vazirlar Mahkamasihuzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi tashkil etilmoqda
24.
O‘zbekiston Respublikasi Energetika vazirligi huzuridagi Elektr energetikada nazorat inspeksiyasi
25.
O‘zbekiston Respublikasi Davlat geologiya va mineral resurslar qo‘mitasi huzuridagi Kon-geologiya faoliyatini nazorat qilish inspeksiyasi
Negizida O‘zbekiston Respublikasi Tog‘-kon sanoati va geologiya vazirligi huzuridagi Tog‘-kon, geologiya va sanoat xavfsizligini nazorat qilish inspeksiyasi tashkil etilmoqda
26.
O‘zbekiston Respublikasi Sanoat xavfsizligi davlat qo‘mitasi
Boshqa organlar
27.
O‘zbekiston Respublikasi Vazirlar Mahkamasi huzuridagi Gidrometeorologiya xizmati markazi
Negizida O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi Gidrometeorologiya xizmati agentligi tashkil etilmoqda
28.
O‘zbekiston Respublikasi Vazirlar Mahkamasi huzuridagi Davlat test markazi
Negizida O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tashkil etilmoqda
29.
O‘zbekiston Respublikasi Vazirlar Mahkamasi huzuridagi Davlat personallashtirish markazi
Negizida O‘zbekiston Respublikasi Adliya vazirligi huzuridagi Personallashtirish agentligi tashkil etilmoqda
30.
O‘zbekiston Respublikasi Moliya vazirligi G‘aznachiligi
Negizida O‘zbekiston Respublikasi Iqtisodiyot va moliya vazirligi huzuridagi G‘aznachilik xizmati qo‘mitasi tashkil etilmoqda
(2-ilova O‘zbekiston Respublikasi Prezidentining 2024-yil 23-avgustdagi PF-118-sonli Farmoni tahririda — Qonunchilik ma’lumotlari milliy bazasi, 23.08.2024-y., 06/24/118/0642-son)
O‘zbekiston Respublikasi Prezidentining 2022-yil 21-dekabrdagi PF-269-son Farmoniga 3-ILOVA
2023-yil 1-yanvardan boshlab vazifa va funksiyalari tegishli vazirlik va idoralarga o‘tkazilgan holda tugatilayotgan respublika davlat boshqaruvi organlarining
RO‘YXATI
T/r
Organ nomi
Izoh
Agentliklar
1.
O‘zbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi
Qishloq xo‘jaligi bilan bog‘liq vazifa va funksiyalari Qishloq xo‘jaligi vazirligiga, sanoatni rivojlantirish bilan bog‘liq vazifa va funksiyalari esa Investitsiyalar, sanoat va savdo vazirligiga o‘tkazilmoqda
2.
O‘zbekiston Respublikasi Vazirlar Mahkamasi huzurida Xorijiy tillarni o‘rganishni ommalashtirish agentligi
Vazifa va funksiyalari tegishincha Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi orasida taqsimlanmoqda
3.
O‘zbekiston Respublikasi Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi
Vazifa va funksiyalari Investitsiyalar, sanoat va savdo vazirligiga o‘tkazilmoqda
4.
O‘zbekiston Respublikasi Moliya vazirligi huzuridagi Sug‘urta bozorini rivojlantirish agentligi
Vazifa va funksiyalari Iqtisodiyot va moliya vazirligiga o‘tkazilmoqda
5.
O‘zbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi
Vazifa va funksiyalari Iqtisodiyot va moliya vazirligiga o‘tkazilmoqda
6.
O‘zbekiston Respublikasi Suv xo‘jaligi vazirligi huzuridagi Suv xo‘jaligida kapital qurilish loyihalarini amalga oshirish agentligi
Vazifa va funksiyalari Suv xo‘jaligi vazirligiga o‘tkazilmoqda
7.
O‘zbekiston Respublikasi Tibbiy-ijtimoiy xizmatlarni rivojlantirish agentligi
Vazifa va funksiyalari Kambag‘allikni qisqartirish va bandlik vazirligiga o‘tkazilmoqda
8.
O‘zbekiston Respublikasi Monopoliyaga qarshi kurashish qo‘mitasi huzuridagi Iste’molchilar huquqlarini himoya qilish agentligi
Vazifa va funksiyalari Raqobatni rivojlantirish va iste’molchilar huquqlarini himoya qilish qo‘mitasiga o‘tkazilmoqda
9.
O‘zbekiston Respublikasi Veterinariya va chorvachilikni rivojlantirish davlat qo‘mitasi huzuridagi “O‘zbekchorvanasl” agentligi
Vazifa va funksiyalari Veterinariya va chorvachilikni rivojlantirish qo‘mitasiga o‘tkazilmoqda
Inspeksiyalar
10.
O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish inspeksiyasi
Vazifa va funksiyalari tegishincha Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi orasida taqsimlanmoqda
Boshqa organlar
11.
O‘zbekiston Respublikasi Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi
Vazifa va funksiyalari Investitsiyalar, sanoat va savdo vazirligiga o‘tkazilmoqda
12.
O‘zbekiston Respublikasi Sog‘liqni saqlash vazirligi huzuridagi Innovatsion sog‘liqni saqlash milliy palatasi
Vazifa va funksiyalari Sog‘liqni saqlash vazirligiga o‘tkazilmoqda
O‘zbekiston Respublikasi Prezidentining 2022-yil 21-dekabrdagi PF-269-son Farmoniga 4-ILOVA
2023-yil 1-yanvardan boshlab tashkiliy bo‘ysunuvi o‘zgarayotgan respublika davlat boshqaruvi organlarining
O‘zbekiston Respublikasi Davlat statistika qo‘mitasi
Statistika agentligi shaklida qayta tashkil etilib, O‘zbekiston Respublikasi Prezidenti huzuriga o‘tkazilmoqda
2.
O‘zbekiston Respublikasi Mudofaa sanoati davlat qo‘mitasi
Mudofaa sanoati agentligi shaklida qayta tashkil etilib, Mudofaa vazirligi huzuriga o‘tkazilmoqda
4.
O‘zbekiston Respublikasi Vazirlar Mahkamasi huzuridagi Davlat zaxiralarini boshqarish qo‘mitasi
Iqtisodiyot va moliya vazirligi huzuriga o‘tkazilmoqda
5.
O‘zbekiston Respublikasi O‘rmon xo‘jaligi davlat qo‘mitasi
O‘rmon xo‘jaligi agentligi shaklida qayta tashkil etilib, Ekologiya, atrof-muhitni muhofaza qilish va iqlim o‘zgarishi vazirligi huzuriga o‘tkazilmoqda
6.
O‘zbekiston Respublikasi Davlat soliq qo‘mitasi
Soliq qo‘mitasi shaklida qayta tashkil etilib, Iqtisodiyot va moliya vazirligi huzuriga o‘tkazilmoqda
7.
O‘zbekiston Respublikasi Davlat bojxona qo‘mitasi
Bojxona qo‘mitasi shaklida qayta tashkil etilib, Iqtisodiyot va moliya vazirligi huzuriga o‘tkazilmoqda
8.
O‘zbekiston Respublikasi Oila va xotin-qizlar davlat qo‘mitasi
Oila va xotin-qizlar qo‘mitasi shaklida qayta tashkil etilib, Kambag‘allikni qisqartirish va bandlik vazirligi huzuriga o‘tkazilmoqda
9.
O‘zbekiston Respublikasi Veterinariya va chorvachilikni rivojlantirish davlat qo‘mitasi
Veterinariya va chorvachilikni rivojlantirish qo‘mitasi shaklida qayta tashkil etilib, Qishloq xo‘jaligi vazirligi huzuriga o‘tkazilmoqda
10.
O‘zbekiston Respublikasi Ipakchilik va jun sanoatini rivojlantirish qo‘mitasi
Qishloq xo‘jaligi vazirligi huzuriga o‘tkazilmoqda
Agentliklar
11.
O‘zbekiston Respublikasi Yoshlar ishlari agentligi
Yoshlar siyosati va sport vazirligi huzuriga o‘tkazilmoqda
12.
O‘zbekiston Respublikasi Prezident ta’lim muassasalari agentligi
Ixtisoslashtirilgan ta’lim muassasalari agentligi shaklida qayta tashkil etilib, Maktabgacha va maktab ta’limi vazirligi huzuriga o‘tkazilmoqda
13.
O‘zbekiston Respublikasi Kinematografiya agentligi
Madaniyat vazirligi huzuriga o‘tkazilmoqda
14.
O‘zbekiston Respublikasi Davlat soliq qo‘mitasi huzuridagi Kadastr agentligi
Iqtisodiyot va moliya vazirligi huzuriga o‘tkazilmoqda
15.
“O‘zarxiv” agentligi
Adliya vazirligi huzuriga o‘tkazilmoqda
16.
O‘zbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi
Raqamli texnologiyalar vazirligi huzuriga o‘tkazilmoqda
18.
O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi
Kambag‘allikni qisqartirish va bandlik vazirligi huzuriga o‘tkazilmoqda
19.
O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi
Dori-darmon va tibbiy buyumlarni ro‘yxatdan o‘tkazish bilan bog‘liq vazifa va funksiyalari Sog‘liqni saqlash vazirligiga o‘tkazilgan holda, Investitsiyalar, sanoat va savdo vazirligi huzuriga o‘tkazilmoqda
20.
O‘zbekiston Respublikasi O‘simliklar karantini va himoyasi agentligi
Qishloq xo‘jaligi vazirligi huzuriga o‘tkazilmoqda
Inspeksiyalar
21.
O‘zbekiston Respublikasi Axborotlashtirish va telekommunikatsiyalar sohasida nazorat bo‘yicha davlat inspeksiyasi
Raqamli texnologiyalar vazirligi huzuriga o‘tkazilmoqda
22.
O‘zbekiston Respublikasi Vazirlar Mahkamasi huzuridagi Suv xo‘jaligi obyektlari xavfsizligini nazorat qilish davlat inspeksiyasi
Suv xo‘jaligi vazirligi huzuriga o‘tkazilmoqda
Boshqa organlar
24.
O‘zbekiston Respublikasi Vazirlar Mahkamasi huzuridagi Oliy attestatsiya komissiyasi
Oliy ta’lim, fan va innovatsiyalar vazirligi huzuriga o‘tkazilmoqda
(4-ilova O‘zbekiston Respublikasi Prezidentining 2026-yil 30-yanvardagi PF-15-sonli Farmoni tahririda — Qonunchilik ma’lumotlari milliy bazasi, 03.02.2026-y., 06/26/15/0102-son)
